ଅଶ୍ଲୀଳ ଫିଲ୍ମ ଦେଖୁଥିଲା,ଇଣ୍ଟରନେଟରୁ ଖୋଜୁଥିଲା ଟ୍ରିକ୍

କଟକ: ନୟାଗଡ଼ର ପରୀ ମୃତ୍ୟୁ ଘଟଣାରେ କଟକ ଠାରେ ମଙ୍ଗଳବାର ଦିନ ଏସ୍‌ଆଇଟି ମୁଖ୍ୟ ଅରୁଣ ବୋଥ୍ରା ପ୍ରେସ୍‌ମିଟ୍ କରିଛନ୍ତି । ଏହି ପ୍ରେସମିଟରେ ସେ ଦୁଷ୍କର୍ମ ଓ ହତ୍ୟା ମାମଲାରେ ବଡଧରଣର ଖୁଲାସା କରିଛନ୍ତି ।

ବୋଥ୍ରାଙ୍କ ସୂଚନା ଅନୁସାରେ ପରୀକୁ ହତ୍ୟା ପରେ ଦୁଷ୍କର୍ମ କରାଯାଇଥିବା ସନ୍ଦେହ କରାଯାଉଛି । ଅଭିଯୁକ୍ତ ସରୋଜ ସେଠି ଭଉଣୀ ମୋବାଇଲରେ ନିୟମିତ ଶିଶୁ ପର୍ଣ୍ଣୋଗ୍ରାଫି ଦେଖୁଥିଲା । ଏପରିକି ସେ ଇଣ୍ଟରେନଟରେ ଦୁଷ୍କର୍ମ ଓ ହତ୍ୟା କରିବାର ଉପାୟ ସର୍ଚ୍ଚ କରୁଥିଲା । ପରୀ ହତ୍ୟା ପୂର୍ବ ରାତି ସାରା ସରୋଜ ପର୍ଣ୍ଣ ଫିଲ୍ମ ଦେଖିଥିଲା । ହତ୍ୟା ପୂର୍ବଦିନ ପରୀ ସରୋଜ ଘରକୁ ଯାଇଥିଲା ।

ଘଟଣାଦିନ ଜାମୁକୋଳି ଖାଇବାକୁ ଯାଇଥିଲା ପରୀ । ଯେଉଁଥିପାଇଁ କୋଳି ଦେବାକୁ କହି ଘରକୁ ଡାକିଥିଲା ଅଭିଯୁକ୍ତ । କୋଳି ଦେବା ବଦଳରେ  ସେ ଘର ଭିତରେ ପରୀ ସହ ଦୁଷ୍କର୍ମ ଉଦ୍ୟମ କରିଥିଲା । ହେଲେ ସେ ଚିତ୍କାର କରିବାରୁ ଭୟରେ ତା’ର ତଣ୍ଟି ଚିପି ହତ୍ୟା କରିଥିଲା ସରୋଜ । ପରେ ପ୍ରମାଣ ନଷ୍ଟ କରିବାକୁ ଯାଇ ସେ ଅଖା ବସ୍ତାରେ ମୃତ ଦେହ ଭର୍ତ୍ତି କରିଥିଲା । ଏଥିସହିତ ମୃତଦେହ ସହ ପରୀ ପିନ୍ଧିଥିବା ଫ୍ରକକୁ ମଧ୍ୟ ଅଖାରେ ପୂରାଇଥିଲା ।

ହତ୍ୟା ପରେ ଦୁଷ୍କର୍ମ ହୋଇଥିବା ସନ୍ଦେହ ପୋଲିସ କରୁଛି । ଫରେନସିକ୍ ଯାଞ୍ଚ ପରେ ଅଧିକ ତଥ୍ୟ ମିଳିବ ବୋଲି ବୋଥ୍ରା କହିଛନ୍ତି । ବୋଥ୍ରାଙ୍କ ଅନୁସାରେ ହତ୍ୟା ପରେ ସରୋଜ ନଡିଆ ବାହୁଙ୍ଗିରେ ପରୀର ଶବକୁ ଘୋଡାଇ ରଖିଥିଲା । ପରୀର ଲେଗିଂସକୁ ପରେ ସେ ପୋଖରୀକୁ ଫୋପାଡି ଦେଇଥିଲା । ହତ୍ୟା କଥା ଅଭିଯୁକ୍ତ ସ୍ୱୀକାର କରିଛି ।ଆହୁରି ମଧ୍ୟ ସେ କହିଛନ୍ତି ଯେ ଅଭିଯୁକ୍ତର ପଲିଗ୍ରାଫ୍ ଟେଷ୍ଟ ହୋଇଥିବା ବେଳେ ମାମଲାରେ ସାଇଣ୍ଟିଫିକ୍ ରିସର୍ଚ୍ଚ ହେବ । ଯେଉଁଥିପାଇଁ ହାଇଦ୍ରାବାଦ ଓ ଦିଲ୍ଲୀର ସଂସ୍ଥା ସହ କଥାବାର୍ତ୍ତା ସରିଛି  । ଜେରା ବେଳର ଅଡିଓ ଭିଡିଓ ରେକର୍ଡ କରାଯାଇଛି ଯାହା କୋର୍ଟରେ ପ୍ରଡ୍ୟୁସ ହେବ ।ଏହାବ୍ୟତୀତ ଅଧିକ ତଥ୍ୟ ପାଇଁ ଗୁଗୁଲ୍‌ର ବି ସହଯୋଗ ଲୋଡାଯାଇଥିବା କହିଛନ୍ତି ଅରୁଣ ବୋଥ୍ରା  ।

ଦୁଇଟି କାରଣରୁ ସରୋଜ ପୋଲିସ ରାଡାର ଭିତରକୁ ଆସିଥିଲା । ପ୍ରଥମତଃ ଘଟଣା ଦିନ ସେ ଏକୁଟିଆ ଥିଲା । ଦ୍ୱିତୀୟରେ ସେ ନିୟମିତ ଭାବେ ପର୍ଣ୍ଣ ଫିଲ୍ମ ଦେଖୁଥିଲା ।ଏହା ସହ ପରୀ ମାମଲାରେ ଅଙ୍ଗ ତସ୍କରୀ ଦୀଗକୁ ଖାରଜ କରିଦେଇଛନ୍ତି ଏସଆଇଟି ମୁଖ୍ୟ । ଶବ ପରୀକ୍ଷଣରୁ ଏହାର କୌଣସି ପ୍ରମାଣ ମିଳିନାହିଁ ବୋଲି ସେ କହିଛନ୍ତି

Leave a Reply