ଭୁବନେଶ୍ୱର: ୬୦ ବର୍ଷ ବୟସରେ ଲୋକେ ରିଟାୟରମେଣ୍ଟ କଥା ଚିନ୍ତା କରନ୍ତି । ଘରେ ଆରାମ କରି ବାକି ଜୀବନ ଝୁଲନ୍ତା ଚେୟାରେ ବସି ଦିନ କାଟନ୍ତି । ହେଲେ ଏମିତି ଜଣେ ବ୍ୟକ୍ତି ଅଛନ୍ତି ଯିଏ  ବୟସର ଅପରାହ୍ନରେ ମଧ୍ୟ ବେସ ସତେଜ । ମନରେ ଥିବା ଦୃଢ଼ ଇଚ୍ଛା ପାଦକୁ ଶକ୍ତି ଯୋଗାଉଛି । ଥକି ପଡ଼ିବା ବୟସରେ ଭାସି ଚାଳିଛନ୍ତି ଭ୍ରମଣର ସୁଅରେ । ସାରା ଭାରତବର୍ଷକୁ ପାଦରେ ଚାଲି ଚାଲି ଭ୍ରମଣ କରିବାରେ ଲାଗି ପଡ଼ିଛନ୍ତି । ଦାସୁ ଦା ନାମରେ ପରିଚିଚ ଏହି ବ୍ୟକ୍ତି ଏବେ କୋଲକାତାରୁ ବାହାରି ଦିଲ୍ଲୀ, ମୁମ୍ବାଇ, ଚେନ୍ନାଇ ଦେଇ ଭୁବନେଶ୍ୱରରେ ପହଞ୍ଚିଛନ୍ତି ।

ଦାସୁ ଦା, ନାଁ ଯେମିତି କାମ ବି ଠିକ୍‌ ସେମିତି । ୬୦ ବର୍ଷ ବୟସରେ ବି ସେ ୧୬ ବର୍ଷ ଯୁବକର ବଳ ରଖିଛନ୍ତି ନିଜ ପାଖରେ । ପାଦରେ ଚାଲି ଚାଲି ଭ୍ରମଣ କରୁଛନ୍ତି ସାରା ଭାରତ । ପଶ୍ଚିମବଙ୍ଗର ଠାକୁର ଦାସ ସାସମଲ, ଦାସୁ ଦା ନାଁରେ ବେଶ ଜଣାଶୁଣା । ସାରା ଭାରତ ବୁଲିବା ପରେ ସେ ଏବେ ଭୁବନେଶ୍ୱରରେ ପହଞ୍ଚିଛନ୍ତି । ଆଗକୁ ତାଙ୍କୁ କୋଲକାତାରେ ପହଞ୍ଚିବା ପାଇଁ ଆହୁରି ୧୫ ଦିନ ସମୟ ଲାଗିବ ।

କୋଲକାତାରେ ପହଞ୍ଚିବା ପରେ ତାଙ୍କର ଲକ୍ଷ୍ୟ ପୂରଣ ହେବ ବୋଲି ସେ କହିଛନ୍ତି । ଏହି ଅଭିଯାନରେ ସେ ପ୍ରତିଦିନ ପାଖାପାଖି ୫୦ କିମି ଅତିକ୍ରମ କରିଥାନ୍ତି । ୧୯୯୪ ମସିହାରୁ ସେ ଭାରତ ଭ୍ରମଣ ଅଭିଯାନ ଚଳାଇଆସିଛନ୍ତି । ଏହା ପୂର୍ବରୁ ଦାସୁ ଦା ବାଇକ ଓ ସାଇକଲେରେ ଭାରତ ଭ୍ରମଣ କରିସାରିଛନ୍ତି । ପୂର୍ବରୁ ପାଦରେ ଚାଲି ଚାଲି ଏତେ କମ ଦିନ ଭିତରେ କେହି ଭ୍ରମଣ କରିନଥିବା ବେଳେ ସେ ଏହି ରେକର୍ଡ ନିଜ ନାଁରେ କରିବାରୁ ଆଶାବାଦୀ ଅଛନ୍ତି ।

ଦାସୁ ଦା ଚଳିତ ଥର ବିଦେଶରେ ଭ୍ରମଣ କରି ନିଆରା ରେକର୍ଡ କରିବେ ବୋଲି ମନ ବଳାଇଥିଲେ । ହେଲେ କରୋନା କାରଣରୁ ବିଦେଶ ଯିବା ସମ୍ଭବ ହେଲା ନାହିଁ ।

ଭୁବନେଶ୍ୱର: ସରକାରଙ୍କ ନିଦାନ ଯୋଜନାରେ ଲୋକଙ୍କୁ ମିଳିବ ମାଗଣା ସେବା । ମାଗଣା ସେବା ସହ ମିଳିବ ଉନ୍ନତ ଚିକିତ୍ସା । ଲୋକଙ୍କୁ ଆଉ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିବ ନାହିଁ । ଯେକୌଣସି ରୋଗର ଉନ୍ନତ ସେବା ପାଇଁ ଆବଶ୍ୟକ ଅତ୍ୟାଧୁନିକ ଯନ୍ତ୍ର ହେଉଛି ଏମ୍ ଆର ଆଇ । ଦୀର୍ଘ ଦିନରୁ କ୍ୟାପିଟାଲ ହସ୍ପିଟାଲରେ ଏମ୍ ଆର ଆଇ ସ୍ଥାପନ ପାଇଁ ଦାବି ହୋଇ ଆସୁଥିଲା ।

ଏବେ ଦାବି ପୂରଣ ହୋଇଛି । ପ୍ରାୟ ୮କୋଟି ଟଙ୍କାରେ MRI ଯନ୍ତ୍ର ସ୍ଥାପନ କରାଯାଇଛି । ବେଙ୍ଗାଲୁରୁର ସଂସ୍ଥା ମଣିପାଲ ହେଲ୍ଥ ମେପକୁ ଏହାର ପରିଚାଳନା ଦାୟିତ୍ୱ ଦିଆଯାଇଛି । ଗତ ୧୦ ବର୍ଷ ପାଇଁ MOU ସ୍ୱାକ୍ଷରିତ ହୋଇଛି । ସେପଟେ ଲୋକଙ୍କ ଦୀର୍ଘଦିନର ଆଶା ଓ ଦାବି ପୂରଣ ହୋଇଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମସ୍ତେ ଧନ୍ୟବାଦ ଜଣାଇଛନ୍ତି ।

ଭୁବନେଶ୍ୱର: ପରି ମୃତ୍ୟୁ ଘଟଣା । ଉତ୍ତର ଦେବାକୁ ବାଚସ୍ପତି ରୁଲିଂ ଦେଇଥିଲେ । ରୁଲିଂ ପରେ ଗୃହରେ ବିବୃତି ରଖିଲେ କୃଷିମନ୍ତ୍ରୀ ଅରୁଣ ସାହୁ। ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦେଶ ଦିଆଯାଇଛି। ପରି ପରିବାରକୁ ନ୍ୟାୟ ମିଳିବ ବୋଲି ମୋର ଦୃଢ଼ ବିଶ୍ୱାସ ରହିଛି ବୋଲି କହିଛନ୍ତି ମନ୍ତ୍ରୀ ଅରୁଣ ସାହୁ । ଏଥିରେ ଯିଏ ବି ସମ୍ପୃକ୍ତ ସେ ଦଣ୍ଡ ପାଇବ ବୋଲି କହିଛନ୍ତି ।

ଏ ଘଟଣାର ରାଜନୀତିକରଣ ନ ହେଉ ବୋଲି ସେ ଅନୁରୋଧ କଲେ ମନ୍ତ୍ରୀ । ମୁ ଏ ଘଟଣା ରେ ଗଭୀର ମର୍ମାହତ ବୋଲି କହିଲେ କୃଷିମନ୍ତ୍ରୀ ଅରୁଣ ସାହୁ। ବିବୃତି ରଖିବାବେଳେ ବିରୋଧୀ ହୋହଲ୍ଲା ଜାରି ରଖିଥିଲେ। ଗୃହକୁ ଆସନ୍ତାକାଲି ପୂର୍ବାଂହ ୧୦ ଟା ୩୦ ଯାଏ ମୁଲତବୀ ଘୋଷଣା କଲେ ବାଚସ୍ପତି ।

ତେବେ ୨୪ ତାରିଖ ଦିନ ପୂର୍ବାହ୍ନରେ ବିଧାନସଭା ଆଗରେ ପରୀଙ୍କ ବାପା ମାଆ ଆତ୍ମାହୁତି ଉଦ୍ୟମ କରିଥିଲେ । ପୋଲିସ କାର୍ଯ୍ୟାନୁଷ୍ଠାନରେ ଅସନ୍ତୁଷ୍ଟ ପ୍ରକାଶ କରି ଆତ୍ମାହୁତି ଉଦ୍ୟମ କଲାବେଳେ ପୋଲିସ ଓ ସୁରକ୍ଷାକର୍ମୀ ସେମାନଙ୍କୁ କାବୁ କରିଥିଲେ ।

ସେପଟେ ହାଇକୋର୍ଟରେ ପହଞ୍ଚିଛି ପରୀ ମୃତ୍ୟୁ ମାମଲା । ହାଇକୋର୍ଟରେ ଏକ ଜନସ୍ୱାର୍ଥ ମାମଲା ରୁଜୁ ହୋଇଛି । ଘଟଣାର ସିବିଆଇ ତଦନ୍ତ ଓ ୨୫ ଲକ୍ଷ ଟଙ୍କା କ୍ଷତିପୂରଣ ଦାବିରେ ମାମଲା ରୁଜୁ କରାଯାଇଛି । ଭାରତୀୟ ବିକାଶ ପରିଷଦ ପକ୍ଷରୁ ଜନସ୍ୱାର୍ଥ ମାମଲା ଦାଏର କରାଯାଇଛି ।

ଘଟଣାର ୪ମାସ ପରେ ବି ପରୀ ମୃତ୍ୟୁର ରହସ୍ୟ ଉନ୍ମୋଚନ ହୋଇପାରିନଥିବା ବେଳେ ରାଜ୍ୟ ସରକାର ଗତକାଲି ଏହାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି । ନ୍ୟାୟ ଦାବିରେ ବିଧାନସଭା ସାମନାରେ ଗତ ମଙ୍ଗଳବାର ଦିନ ପରୀଙ୍କ ବାପା ମା ଆତ୍ମାହୁତି ଉଦ୍ୟମ କରିଥିଲେ ।