ଗଞ୍ଜାମ: ଲକ୍‌ଡାଉନ୍‌ରେ ଅୟସ କରୁଥିଲେ ପ୍ରଦୀପ ପାଣିଗ୍ରାହୀ । ଗଞ୍ଜାମ କରୋନା କବଳରେ ଥିବା ବେଳେ ପାଠକ ପରିବାର ସହ ମିଶି ଅୟାସୀ କରୁଥିଲେ ପ୍ରଦୀପ । ଧିରେ ଧିରେ ପାଠକ ପରିବାର ଓ ପ୍ରଦୀପ ପାଣିଗ୍ରାହୀଙ୍କ ବିଳାସପୂର୍ଣ୍ଣ ଜୀବନର ଫର୍ଦ୍ଦ ଉପରୁ ପରଦା ହଟୁଛି । ସାମନାକୁ ଆସୁଛି ଚମକାଇବା ଭଳି ତଥ୍ୟ । ଦେଖନ୍ତୁ ଗୋଟିଏ ଦିନରେ ପ୍ରଦୀପ ପାଣିଗ୍ରାହୀଙ୍କ ହୋଟେଲ ରହଣି ଖର୍ଚ୍ଚ ।

ଦିନକରେ ଷ୍ଟାର ହୋଟେଲରେ ରହିବାକୁ ୨ଲକ୍ଷ ୭୧ ହଜାର ଟଙ୍କା ଖର୍ଚ୍ଚ ହେଉଥିଲା । ତଦନ୍ତରୁ ଏଭଳି ଚମକପ୍ରଦ ତଥ୍ୟ ସାମନାକୁ ଆସିଛି । ଅଗଷ୍ଟ ୨୬ରୁ ୨୮ ତାରିଖ ପର୍ଯ୍ୟନ୍ତ ନୂଆଦିଲ୍ଲୀର ତାଜ୍‌ ପ୍ୟାଲେସରେ ରହିଥିଲେ ଆକାଶ ପାଠକ ଓ ପ୍ରଦୀପ ପାଣିଗ୍ରାହୀଙ୍କ ପରିବାର । କରୋନା ସଙ୍କଟରେ ଯେତେବେଳେ ସାରା ଦେଶ ସଂଘର୍ଷ କରୁଥିଲା, ସେତେବେଳେ ପାଣି ଭଳି ଟଙ୍କା ଖର୍ଚ୍ଚ କରୁଥିଲେ ପ୍ରଦୀପ । ତିନି ଦିନ ତାଜ ହୋଟେଲରେ ରହିବା ପାଇଁ ଖର୍ଚ୍ଚ ହୋଇଥିଲା ୯ଲକ୍ଷରୁ ଅଧିକ ଟଙ୍କା ।

ହୋଟେଲ୍ ବିଲ୍‌ ସାମନାକୁ ଆସିବା ପରେ ସ୍ପଷ୍ଟ ହୋଇଛି, କିଭଳି ବିଳାସପୂର୍ଣ୍ଣ ଜୀବନ ଯାପନ କରୁଥିଲେ ପ୍ରଦୀପ । ତେବେ ଏଭଳି ଖର୍ଚ୍ଚ ପାଇଁ କେଉଁଠୁ ଆସୁଥିଲା ଟଙ୍କା ? ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ରାଜକୀୟ ଜୀବନ ଯାପନ କରୁଥିଲେ ପ୍ରଦୀପ ଓ ପାଠକ ପରିବାର ? ଗଞ୍ଜାମ ଲୋକଙ୍କ ଆଖିରେ ଧୁଳି ଦେଇ କୋଭିଡ୍ ସଙ୍କଟରେ ବିଳାସମୟ ଜୀବନ ଯାପନ କରୁଥିଲେ । ଅର୍ଥର ସ୍ରୋତ, ଖର୍ଚ୍ଚର ହିସାବ କରୁଛି ଭିଜିଲାନ୍‌ସ ।

ଭୁବନେଶ୍ୱର: କାହାକୁ ଡରିବାର ନାହିଁ କିମ୍ବା କେଉଁଠି ହାରିବାର ନାହିଁ । ରଙ୍ଗ ବଦଳାଇବାର ନାହିଁ କିମ୍ବା କାହା ହାତ ଛାଡିବାର ନାହିଁ । କେବଳ ନିର୍ଭୁଲ ଓ ସଠିକ ଖବର ଦେଖାଇ ଅଗଣିତ ପାଠକଙ୍କ ଆସ୍ଥା ଜିତିବ । ରାଜ୍ୟଠୁ ନେଇ ଦେଶ ବିଦେଶର ରାଜନୀତି, ଅର୍ଥନୀତି, ଅପରାଧ, କ୍ରୀଡ଼ା, ମନୋରଂଜନ ଆଦି କ୍ଷେତ୍ରରେ ପାଠକଙ୍କୁ ସତେଜ ଖବର ଭେଟି ଦେବ । ବଦଳୁଥିବା ଯୁଗ ସହ ତାଳ ଦେଇ ଲୋକଙ୍କ ରୁଚି ମୁତାବକ ଖବର ପ୍ରକାଶ କରିବ ସକାଳ । ଶାସନ ଓ ପ୍ରଶାସନ ସହିତ ସମାଜର ପ୍ରତ୍ୟେକ ସ୍ତରର ଲୋକଙ୍କ ପାଇଁ ସମ୍ପର୍କର ସେତୁ ଭାବେ କାର୍ଯ୍ୟ କରିବାକୁ ସକାଳ ପ୍ରତିଶ୍ରୁତି ବଦ୍ଧ ।

ରାଜ୍ୟର କୋଣ ଅନୁକୋଣରେ ଘଟୁଥିବା ଘଟଣାର ସାଜିବ ଜାଗତ ପ୍ରହରୀ । ଦୁର୍ନୀତି ଭ୍ରଷ୍ଟାଚାର ବିରୋଧରେ ସ୍ୱରକୁ ଶାଣିତ କରିବ । ସାଜିବ ସାଧାରଣ ଲୋକଙ୍କ ସ୍ୱର । ଏପରି ପ୍ରତିଶ୍ରୁତି ଦେଇ ଆତ୍ମପ୍ରକାଶ କରିଛି ଦୈନିକ ଓଡ଼ିଆ ଖବରକାଗଜ ‘ସକାଳ’ ।

ଗତକାଲି ହୋଟେଲ ମାରିଅନରେ ‘ସକାଳ’ର ଆନୁଷ୍ଠାନିକ ଉଦଘାଟନ ହୋଇଯାଇଛି । ଉଦଘାଟନ ଉତ୍ସବରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ, ପିଆଇବିର ପୂର୍ବତନ ମହାନିର୍ଦ୍ଦେଶକ ତଥା ସକାଳର ମୁଖ୍ୟ ସମ୍ପାଦକ ଡ. ଉମାକାନ୍ତ ମିଶ୍ର, ସିଇଓ ସୁବ୍ରତ ଦାସ, ପ୍ରକାଶକ ଅମିତ କୁମାର ମଲ୍ଲିକ, ସକାଳର ନ୍ୟୁଜ ଏଡିଟର ସମରେନ୍ଦୁ ଦାସ, ନନ୍ଦିଘୋଷ ଟିଭିର ସିଇଓ ଜବରସିଂ ପନୱର , ସଂପାଦକ ଶିଶିର ଭଟମିଶ୍ର ଉପସ୍ଥିତ ରହି ସକାଳ ଖବରକାଗଜକୁ ଉନ୍ମୋଚନ କରିଛନ୍ତି । ନିର୍ଭୁଲ, ସଠିକ ଓ ସତେଜ ଖବର ପ୍ରସାରଣ କରି ସକାଳ ଜନାଦୃତ ଲାଭ କରିବ ବୋଲି ଅତିଥି ମାନେ ଆଶା ପୋଷଣ କରିଛନ୍ତି ।

ଡ଼େଲାଙ୍ଗ: ଜମିବାଡ଼ି ଓ ପୂର୍ବ ଶ୍ରତୁତାକୁ କେନ୍ଦ୍ର କରି ମହିଳାଙ୍କୁ ପିଟିଲେ । ତଳେ ପକାଇ ଚୁଟି ଟାଣି ଘୋଷାଡ଼ି ମାଡ଼ ମାରିଲେ । ଏଭଳି ଏକ ଘଟଣା ପୁରୀ ଜିଲ୍ଲା ଡେଲାଙ୍ଗ ଥାନା ଅନ୍ତର୍ଗତ ହରିରାଜପୁର ଗାଁରେ ଦେଖିବାକୁ ମିଳିଛି । ପଡ଼ିଶା ଘରର ଲୋକା ଆକ୍ରମଣ କରିଥିବା ଡେଲାଙ୍ଗ ଥାନାରେ ଅଭିଯୋଗ ହୋଇଥିବା ଜଣାପଡିଛି । ନୟାଗଡ଼ ଘଟଣା ଥମି ନଥିବା ବେଳେ ଡେଲାଙ୍ଗରେ ଜଣେ ମହିଳାଙ୍କୁ ଯୁବକ ମାନେ ମିଳିତ ହୋଇ ମାଡ଼ ମାରୁଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।

ପୋଲିସ ସୁତ୍ରରୁ ପ୍ରକାଶ ଯେ ହରିରାଜପୁର ଗାଁର କବିତା ପ୍ରଧାନ, ସ୍ୱାମି କାଳନ୍ଦି ପ୍ରଧାନ ଓ ତାଙ୍କ ପୁଅ ,ଝିଅଙ୍କ ଉପରେ ସକାଳ ୮.୩୦ରେ ପଡ଼ିଶା ଘରର ପୁରଷ , ମହିଳା ମାନେ ଆକ୍ରମଣ କରିଥିଲେ । ମିଳିତ ହୋଇ କବିତାଙ୍କ ଘର ପାଚୋରୀ ଡେଇଁ କିଛି ବୁଝିବା ଆଗରୁ ସେମାନେ ଲୁହାଛଡ, ପାଣିପାଇପ, ସାବଳ, କଟୁରୀରେ କବିତା ଓ ତାଙ୍କ ପରିବାରଙ୍କୁ ଆକ୍ରମଣ କରିଥିଲେ ।

ତେବେ କବିତାଙ୍କୁ ମାଡ ମାରୁଥିବା ବେଳେ ତାଙ୍କ ଝିଅ ଭିଡିଓ ରେକଡିଂ କରୁଥିବା ଦେଖି ଝିଅକୁ ମାଡ ମାରିବା ସହିତ ମୋବାଇଲି ଛଡାଇ ନେଇଛନ୍ତି । ଏପରିକି କବିତାଙ୍କୁ ମାଡ଼ ମାରି ଗୋଡ ହାତ ଭାଙ୍ଗିଦେଇଥିବା ଜଣାପଡ଼ିଛି । ରତିକାନ୍ତ ପାତ୍ର, ପ୍ରସାନ୍ତ ପାତ୍ର, ସୁଶାନ୍ତ ପାତ୍ର, ମାନସୀ ପାତ୍ର ପ୍ରମୁଖଙ୍କ ନାମରେ ଡେଲାଙ୍ଗ ଥାନାରେ ଅଭିଯୋଗ ହୋଇଥିବା ଜଣାପଡ଼ିଛି ।  କବିତା ମେଡିକାଲରେ ଚିକିତ୍ସା ହୋଇଥିବା ଜଣାପଡ଼ିଛି । ଅନ୍ୟ ପକ୍ଷେ ଡେଲାଙ୍ଗ ଥାନା ପକ୍ଷରୁ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରାଯାଇନଥିବା ଜଣାପଡ଼ିଛି । ଏହାକୁ ନେଇ ମହିଳା ସଂଗଠନ ପକ୍ଷରୁ ତୁରନ୍ତ ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ଦାବି କରାଯାଇଛି ।