ନନ୍ଦିଘୋଷ ବ୍ୟୁରୋ: ପାଖେଇ ଆସୁଛି ବିହାର ନିର୍ବାଚନ। ସେପଟେ ସ୍ବର ବଦଳାଇଛନ୍ତି ଲୋକ ଜନଶକ୍ତି ପାର୍ଟି(ରାମ ବିଳାସ) ମୁଖ୍ୟ ତଥା କେନ୍ଦ୍ରମନ୍ତ୍ରୀ ଚିରାଗ ପାଶ୍ବାନ। ଆସନ୍ତା ବିହାର ବିଧାନସଭା ନିର୍ବାଚନରେ ସେ ପ୍ରତିଦ୍ବନ୍ଦ୍ବିତା କରିବେ ବୋଲି ସୂଚନା ଦେଇଛନ୍ତି । ସରନ ଜିଲ୍ଲାରେ ଆୟୋଜିତ ଏକ ରାଲିରେ ସେ ଏହି ଘୋଷଣା କରିଛନ୍ତି । ଆସନ୍ତା ନିର୍ବାଚନରେ ବିଜେପି, ଜେଡିୟୁ ଓ ଲୋକଜନଶକ୍ତି ପାର୍ଟି (ରାମ ବିଳାସ) ମିଶି ଲଢିବେ । ୨୪୩ ଆସନ ବିଶିଷ୍ଟ ବିହାର ବିଧାନସଭାରେ ଏନଡିଏର ସଦସ୍ୟ ସଂଖ୍ୟା ୧୩୦। ବିଜେପିର ୭୯, ଜେଡିୟୁର ୪୫, ହମ(ଏ)ର ୪ ଓ ସ୍ବାଧୀନ ୨ ବିଧାୟକ ଅଛନ୍ତି । ବିରୋଧୀ ଇଣ୍ଡିମେଣ୍ଟର ସଦସ୍ୟ ସଂଖ୍ୟା ରହିଛି ୧୧୧। ସେଥିରେ ଆରଜେ଼ଡିର ୭୭, କଂଗ୍ରେସର ୧୯, ସିପିଏମଏଲର ୧୧, ସିପିଆଇର ୨ , ସିପିଏମର ୨ ସଦସ୍ୟ ଅଛନ୍ତି । ଏଆଇଏମଆଇଏମର ଜଣେ ସଦସ୍ୟ ଅଛନ୍ତି ।
आज सारण की इस पावन धरती से, आप सबके सामने मैं यह कहकर जा रहा हूँ कि हाँ, मैं चुनाव लड़ूंगा। मैं चुनाव लड़ूंगा बिहारियों के लिए, अपने भाइयों के लिए, अपनी माताओं के लिए, अपनी बहनों के लिए और बिहार में एक ऐसी व्यवस्था तैयार करेंगे, एक ऐसा बिहार बनाएंगे जो सही मायनों में प्रदेश को… pic.twitter.com/jWasAURHrS
— युवा बिहारी चिराग पासवान (@iChiragPaswan) July 6, 2025
୨୦୨୦ ନିର୍ବାଚନରେ ଏଲଜେପି ୧୩୭ ଆସନରେ ଲଢିଥିଲା । ହେଲେ କେବଳ ମାଟିହାନି ଆସନରୁ ବିଜୟୀ ହୋଇଥିଲେ ରାଜ କୁମାର ସିଂ । ମାତ୍ର ପରେ ସେ ଜେଡିୟୁକୁ ଲମ୍ଫ ମାରିଥିଲେ । ଚିରାଗ ହାଜିପୁର ଲୋକସଭା ଆସନରୁ ବିଜୟୀ ହୋଇ କେନ୍ଦ୍ରମନ୍ତ୍ରୀ ଅଛନ୍ତି । ସେ ଆରଜେଡିର ଶିବ ଚନ୍ଦ୍ର ରାମଙ୍କୁ ୧ ଲକ୍ଷ ୭୦ହଜାରରୁ ଅଧିକ ଭୋଟରେ ପରାସ୍ତ କରିଥିଲେ। ଆସନ୍ତା ଅକ୍ଟୋବର କିମ୍ବା ନଭେମ୍ବରରେ ହୋଇପାରେ ବିହାର ବିଧାନସଭା ନିର୍ବାଚନ।
