ନୂଆଦିଲ୍ଲୀ: ଗୋଟିଏ ବର୍ଷ ମଧ୍ୟରେ କରୋନା ଭୂତାଣୁର ଟିକା ପ୍ରସ୍ତୁତ ହେବା ସହ ଫୁଡ୍ ଆଣ୍ଡ ଡ୍ରଗ୍ସ ଆଡମିନିଷ୍ଟ୍ରେଟର (FDA)ଙ୍କ ନିକଟକୁ ମଞ୍ଜୁରୀ ପାଇଁ ପହଞ୍ଚିଛି । ଅନ୍ୟପକ୍ଷରେ ଏହା ପୂର୍ବରୁ ୧୯୧୮ ମସିହାରେ ଯେତେବେଳେ ସ୍ପାନିଶ୍ ଫ୍ଳୁ ହୋଇଥିଲା ଏହାର ଟିକା ପ୍ରସ୍ତୁତି ପାଇଁ ପ୍ରାୟ ୨୭ ବର୍ଷ ସମୟ ଲାଗିଥିଲା । ପୋଲିଓ ନେଇ ମଧ୍ୟ ବୈଜ୍ଞାନିକ ୧୯୩୫ ମସିହାରେ ଚେଷ୍ଟା କରିଥିଲେ ଏବଂ ଏହାର ଟିକା ଆସିଲା ବେଳକୁ ୧୯୫୩ ମସିହା ହୋଇଯାଇଥିଲା । ତେବେ ଏଭଳି କ’ଣ କାରଣ ରହିଛି ଯେଉଁଥି ଲାଗି କରୋନା ଟିକା ଏତେ ଶୀଘ୍ର ବଜାରକୁ ଆସିପାରିଛି ।
ପୂର୍ବରୁ ଆସିଥିବା ରୋଗର ଟିକା ପ୍ରସ୍ତୁତି ନେଇ ମୂଳରୁ କାମ କରିବାକୁ ପଡ଼ିଥିଲା । ଅର୍ଥାତ ପୋଲିଓ, ସ୍ପାନିଶ ଫ୍ଳୁ ବେଳେ ଉଭୟ ରୋଗର ଟିକା ନିର୍ମାଣ ନେଇ ପ୍ରଥମେ ରୋଗର କାରଣ ଜାଣିବାକୁ ପଡ଼ିଥିଲା । ବହୁ ସମୟ ପରେ ଏହାର ଟିକା ନିର୍ମାଣ ହୋଇପାରିଥିଲା । ଏହା ପରେ ଦୁର୍ବଳ ଏବଂ ମୃତ ଭାଇରସକୁ ନେଇ ମନୁଷ୍ୟ ଶରୀରରେ ଆଣ୍ଟିବଡି ନିର୍ମାଣ ନେଇ କାମ ଆରମ୍ଭ ହୋଇଥିଲା । ତେବେ ଏଥିରେ ମଧ୍ୟ ଅନେକ ବାଧା ଉପୁଜିଥିଲା ।
ଅନ୍ୟପଟେ ନୂଆ ଭ୍ୟାକ୍ସିନର ପ୍ରକ୍ରିୟା ସହଜ । ଲ୍ୟାବରେ ଏକ ଦୁର୍ବଳ ଭାଇରସ ପ୍ରସ୍ତୁତ ହୁଏ । ନ ଚେତ ଭାଇରସର ଆରଏନ୍ଏ ନେଇ ତାକୁ ସ୍ୱତନ୍ତ୍ର ପ୍ରକ୍ରିୟା ମଧ୍ୟରେ ମନୁଷ୍ୟ ଶରୀର ମଧ୍ୟରେ ଛାଡ଼ିଦିଆଯାଏ । କିନ୍ତୁ ଏହା ଶରୀରେ ଉପରେ କୌଣସି କୁପ୍ରଭାବ ପକାଏ ନାହିଁ । ଏବଂ ମଣିଷ ଅସୁସ୍ଥ ହୁଏ ନାହିଁ । ଏହି ମଡ୍ୟୁଲ ଭ୍ୟାକ୍ସିନର କନସେପ୍ଟ ବେଶି ପୁରୁଣା ନୁହେଁ, କିନ୍ତୁ ବହୁତ ପ୍ରଭାବୀ । ଅକ୍ସଫୋର୍ଡ ଟିକା ଏହି ମଡ୍ୟୁଲର ଭ୍ୟାକ୍ସିନ୍ । ୨୦୧୯ ଡିସେମ୍ୱରରେ ଚୀନର ଉହାନରେ ପ୍ରଥମ ଥର ପାଇଁ କରୋନା ଭାଇରସ ସମ୍ପର୍କରେ ଜଣାପଡ଼ିଥିଲା । ୧୦ ଜାନୁଆରୀରେ ଚୀନ ବୈଜ୍ଞାନିକ ଭାଇରସର ଜେନେଟିକ ସଂରଞ୍ଚନା ସମ୍ପର୍କରେ ଅନୁସନ୍ଧାନ କରିପାରିଥିଲା । ଏବଂ ଏହା ପେପରେ ପ୍ରକାଶିତ ହୋଇଥିଲା । ଏହା ପରେ ସାରା ବିଶ୍ୱର ବୈଜ୍ଞାନିକ କୋଡ ଆଧାରରେ ଭ୍ୟାକ୍ସିନ୍ ପ୍ରସ୍ତୁତ କରିବାକୁ ଏକଜୁଟ୍ ହୋଇଥିଲେ । ଅକ୍ସଫୋର୍ଡ ଭ୍ୟାକ୍ସିନ୍ ତ କେବଳ ତିନି ମାସ ମଧ୍ୟରେ ପ୍ରସ୍ତୁତ ହୋଇଗଲା । ଏବଂ ୨୩ ଅପ୍ରେଲରୁ ଏହାର ମାନବ ପରୀକ୍ଷଣ ଆରମ୍ଭ ହୋଇଗଲା । କିନ୍ତୁ ଭ୍ୟାକ୍ସିନ୍ ପ୍ରସ୍ତୁତି ଠାରୁ ଅଧିକ ସମସ୍ୟା ପ୍ରଶାସନିକ ମଞ୍ଜୁରୀ ଏବଂ ପେପର ଓ୍ୱାର୍କରେ ଲାଗୁଛି । ଟିକା ନେଇ ମଞ୍ଜୁରୀ ନେବା ସହ, ଅର୍ଥ ଯୋଗାଡ଼ କରିବା ଏବଂ ମ୍ୟାନୁଫେକଚରିଂ ନେଇ କମ୍ପାନୀ ସହ କଥାବାର୍ତ୍ତା ହେବାକୁ ପଡ଼ୁଛି । ଏଥିରେ ମଧ୍ୟ ଅନେକ ସମୟ ଲାଗୁଛି ।
‘କୋଭାକ୍ସିନ’ର ଜରୁରୀକାଳୀନ ବ୍ୟବହାର ପାଇଁ ଅନୁମତି ମାଗିଲା ଭାରତ ବାୟୋଟେକ୍
ତେବେ ବର୍ତ୍ତମାନ ଅକ୍ସଫୋର୍ଡ ଭ୍ୟାକ୍ସିନ ବ୍ୟତୀତ ଅନ୍ୟ ୨ ଟିକାକୁ ମଧ୍ୟ ମଞ୍ଜୁରୀ ମିଳିଯାଇଛି । ସେଗୁଡ଼ିକ ହେଲା ମଡେର୍ଣ୍ଣା ଓ ଫାଇଜର । ଏଥିରେ ଅସଲି ଭାଇରସର କୌଣସି ବ୍ୟବହାର ହୋଇନଥିବା ବେଳେ ସିନ୍ଥେଟିକ୍ ମେସେଞ୍ଜର ଆରଏନ୍ଏ ପ୍ରସ୍ତୁତ କରାଯାଇଛି । ଯାହା ସମ୍ପୂର୍ଣ୍ଣ ନୂଆ ପ୍ରକ୍ରିୟା । ଏବଂ ଭ୍ୟାକ୍ସିନ୍ ପ୍ରସ୍ତୁତ ନେଇ କମ୍ ସମୟ ଲାଗୁଛି । ତେବେ ଏହି ଭ୍ୟାକ୍ସିନ କେତେ ପ୍ରଭାବଶାଳୀ ହେବ ଏହାର କୌଣସି ସୂଚନା ନାହିଁ ।
ଗୋଟିଏ ସମସ୍ୟା ଏହା ଭି ରହିଛି ଯେ, ଯେତେବେଳେ ପ୍ରଥମରୁ ହିଁ କୌଣସି ଭ୍ୟାକ୍ସିନ୍ ବଜାରରେ ଉପଲବ୍ଧ ହେବ ତେବେ ନୂଆ ଭ୍ୟାକ୍ସିନର ଟ୍ରାଏଲରେ ଲୋକେ ସାମିଲ ହେବେ ନାହିଁ । ଏହା ଦ୍ୱାରା ଅଧିକ ଭଲ ଭ୍ୟାକ୍ସିନ ନିର୍ମାଣ ନେଇ ମଧ୍ୟ ଅଧିକ ସମୟ ଲାଗେ ।
