ନନ୍ଦିଘୋଷ ବ୍ୟୁରୋ: ଲଗାଣ ବର୍ଷାରେ ଭୁଷୁଡ଼ିଲା ସ୍କୁଲ ଶ୍ରେଣୀ ଘର । ଏବେ ବିପଦ ସଂକୁଳ ଅବସ୍ଥାରେ ଥିବା ଅତିରିକ୍ତ ଶ୍ରେଣୀ ଗୃହରେ ଚାଲିଛି ପିଲାଙ୍କ ପାଠପଢା । କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ ଅନ୍ତର୍ଗତ ବାରଖମା ପଞ୍ଚାୟତର ନାଡ଼ାପାଟାଙ୍ଗ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି ଏଭଳି ଅବସ୍ଥା । ବର୍ଷା କାରଣରୁ ଶ୍ରେଣୀ ଗୃହ ଭୁଶୁଡିପଡିଥିବାରୁ ବର୍ତ୍ତମାନ ଭଙ୍ଗା ଆଜବେଷ୍ଟସ ଘରେ ପାଠ ପଢୁଛନ୍ତି ୭୭ ଜଣ ଛାତ୍ରଛାତ୍ରୀ । ସ୍କୁଲର ଅବସ୍ଥା ଶୋଚନୀୟ ଥିବାରୁ ଏବେ ପିଲାଙ୍କୁ ବିଦ୍ଯାଳୟକୁ ଛାଡିବାକୁ ଅସୁରକ୍ଷିତ ମଣୁଛନ୍ତି ଅଭିଭାବକ । ପୂର୍ବରୁ ବିଦ୍ଯାଳୟର ଶ୍ରେଣୀ ଗୃହ ନିର୍ମାଣ ସହ ଆନୁଷଙ୍ଗିକ ସୁରକ୍ଷା ପ୍ରତି ବିଦ୍ଯାଳୟର ପ୍ରଧାନ ଶିକ୍ଷକ ଓ ଗ୍ରାମବାସୀ ପ୍ରଶାସନ ଓ ବିଭାଗୀୟ ଅଧିକାରୀଙ୍କୁ ଜଣାଇଥିଲେ । ହେଲେ କେହି ଦୃଷ୍ଟି ଦେଉନଥିବା ଅଭିଯୋଗ ହୋଇଛି । ବର୍ତ୍ତମାନ ଛାତ୍ରଛାତ୍ରୀଙ୍କ ଭବିଷ୍ଯତକୁ ଗୁରୁତ୍ଵ ଦେଇ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବି କରିଛନ୍ତି ଗ୍ରାମବାସୀ । ଅନ୍ୟପଟେ ବିଦ୍ୟାଳୟର ଶ୍ରେଣୀଗୃହ ବର୍ଷାରେ ଭୁଷୁଡ଼ିବା ଖବର ମୁଁ ପାଇଛି, ଏନେଇ ମୁଁ ଉପରିସ୍ଥ ଅଧିକାରୀଙ୍କୁ ଜଣାଇ ଖୁବ୍ ଶୀଘ୍ର ସମସ୍ୟାର ସମାଧାନ ପାଇଁ ପଦକ୍ଷେପ ନେବି ବୋଲି କହିଛନ୍ତି ବାଲିଗୁଡ଼ା ବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀ ।
ପ୍ରଖର ସ୍ରୋତରେ ଭାସିଗଲେ ଦୁଇ ଯୁବକ
ନନ୍ଦିଘୋଷ ବ୍ୟୁରୋ: ସୁନ୍ଦରଗଡ଼ ଇବ ନଦୀ କନାକୁଣ୍ଡ ଠାରେ ପୁଣି ଭାସିଗଲେ ଦୁଇ ଯୁବକ । ଗାଧୋଇବାକୁ ଯାଇ ପ୍ରଖର ସ୍ରୋତରେ ଭାସି ଯାଇ ନିଖୋଜ ହୋଇଛନ୍ତି । ସମ୍ବଲପୁର ଜିଲ୍ଲା ଗୋବିନ୍ଦପୁର ଥାନା ଅଞ୍ଚଳର ତିନି ଜଣ ସାଙ୍ଗ ବୁଲିବାକୁ ଆସିଥିଲେ । ଗାଧୋଇବା ବେଳେ ତିନି ଜଣ ଭାସି ଯାଇଥିଲେ । ଜଣେ ପହଁରା ଜାଣିଥିବାରୁ ବାହାରି ଆସିଥିଲେ ।ହେଲେ ଅନ୍ୟ ୨ ସାଙ୍ଗ ରୋଶନ ପାଶୱାନ ଏବଂ ଜୟନାରାୟଣ ପାତ୍ର ଭାସି ଯାଇ ନିଖୋଜ ଥିବା ସୂଚନା ମିଳିଛି । ଘଟଣାସ୍ଥଳରେ ସ୍ଥାନୀୟଲୋକେ, ପୁଲିସ ଓ ଅଗ୍ନିଶମ ବିଭାଗ ଖୋଜାଖୋଜି ଜାରି ରଖିଛନ୍ତି । ପୂର୍ବରୁ ମଧ୍ୟ ସେଠାର ପାଣିରେ ଭାସି ୬ ଜଣଙ୍କ ମୃତ୍ୟୁ ହୋଇଛି ।
ମାଛଗାଁ କେନାଲରେ ୧୦ ଫୁଟର ଘାଇ
ନନ୍ଦିଘୋଷ ବ୍ୟୁରୋ: ମାଛଗାଁ କେନାଲରେ ୧୦ ଫୁଟର ଘାଇ । ଜଗତସିଂହପୁର କଟକ ରାସ୍ତାର ତରିକୁନ୍ଦ ଠାରେ ମାଛଙ୍ଗା କେନାଲରେ ୧୦ ଫୁଟର ଘାଇ ହୋଇଛି । ଏନେଇ ତରିକୁନ୍ଦ ପଞ୍ଚାୟତବାସୀ ଆତଙ୍କିତ ହୋଇ ପଡିଛନ୍ତି । ତରିକୁନ୍ଦ ନୂଆଦା ଠାରେ ଘାଇ ସୃଷ୍ଟି ହୋଇଯାଇଛି । ବର୍ତ୍ତମାନ ମାଛଙ୍ଗା କେନାଲ ନିକଟରେ ତରିକୁନ୍ଦ ଫାଣ୍ଡି ପୋଲିସ କର୍ମଚାରୀମାନେ ଲୋକଙ୍କୁ ଘାଇ ପାଖକୁ ନ ଯିବା ପାଇଁ ବାରଣ କରିଛନ୍ତି । ଯୁଦ୍ଧକାଳୀନ ଭିତରେ ପାଣିକୁ ରୋକା ନଗଲେ ରାସ୍ତାରେ ପାଣି ଚାଲିବ ବୋଲି ଗ୍ରାମବାସୀ କହିଛନ୍ତି ।
କେବଳ କ୍ୟାନ୍ସର ନୁହେଁ, ଅନେକ ରୋଗର କାରଣ ଧୂମପାନ
ନନ୍ଦିଘୋଷ ବ୍ୟୁରୋ : ଧୂମପାନ ଏକ ଧୀର ବିଷ, ଯାହା ଜଣେ ବ୍ୟକ୍ତିଙ୍କ ଜୀବନକୁ ନଷ୍ଟ କରିଦିଏ ଏବଂ ଶରୀରର ଅନେକ ଅଙ୍ଗକୁ ନଷ୍ଟ କରିଦିଏ। WHO ଅନୁଯାୟୀ, ଧୂମପାନ ପ୍ରତିବର୍ଷ ସାରା ବିଶ୍ୱରେ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ ଘଟେ। ଫୁସଫୁସ କର୍କଟ ବିଶେଷଜ୍ଞଙ୍କ ଅନୁଯାୟୀ, ଧୂମପାନ କର୍କଟ ଭଳି ଅସାଧ୍ୟ ରୋଗର କାରଣ ହୁଏ ଏବଂ ପ୍ରତିବର୍ଷ ପ୍ରାୟ ୭୦ଲକ୍ଷ ଲୋକ ମୃତ୍ୟୁବରଣ କରନ୍ତି। ସିଗାରେଟ୍ ପାନ କେବଳ ଫୁସଫୁସ କର୍କଟକୁ ଆମନ୍ତ୍ରଣ କରେ ନାହିଁ, ବରଂ ଏହା ଆପଣଙ୍କ ସମଗ୍ର ଶରୀରକୁ ଅନେକ ମାରାତ୍ମକ ରୋଗର ଶିକାର କରିପାରେ। ତମାଖୁ ଏବଂ ନିକୋଟିନ୍ ପ୍ରତ୍ୟେକ ଅଙ୍ଗକୁ କ୍ଷତି ପହଞ୍ଚାଏ। ସିଗାରେଟ୍ ପାନ କରିବା ଦ୍ୱାରା ହେଉଥିବା କିଛି ଗମ୍ଭୀର ରୋଗ ବିଷୟରେ ଜାରନ୍ତୁ, ଯାହା ଅନ୍ୟ ଅପେକ୍ଷା ଅଧିକ ମାରାତ୍ମକ।
- ଫୁସଫୁସ କର୍କଟ:ଫୁସଫୁସ କର୍କଟ ହେଉଛି ମୃତ୍ୟୁର ପ୍ରମୁଖ କାରଣ ଏବଂ ୯୦% ମାମଲା ଧୂମପାନ ସହିତ ଜଡିତ। ସିଡିସି ଅନୁଯାୟୀ, ଧୂମପାନ କରୁଥିବା ଲୋକଙ୍କର ଧୂମପାନ ନ କରୁଥିବା ଲୋକଙ୍କ ତୁଳନାରେ ୧୫-୩୦ ଗୁଣ ଅଧିକ ବିପଦ ଥାଏ। ଧୂମପାନ ମଧ୍ୟ ଏହି ବିପଦକୁ ବୃଦ୍ଧି କରେ ଏବଂ ପ୍ରତିବର୍ଷ ହଜାର ହଜାର ମୃତ୍ୟୁର କାରଣ ହୁଏ।
- କ୍ରନିକ୍ ଅବଷ୍ଟ୍ରକ୍ଟିଭ୍ ଫୁସଫୁସ ରୋଗ:୯୦% COPD ସମ୍ବନ୍ଧୀୟ ମୃତ୍ୟୁ ଧୂମପାନ ଯୋଗୁଁ ହୁଏ। ଏହା ଏକ ଗମ୍ଭୀର ଫୁସଫୁସ ରୋଗ ଯାହା ନିଶ୍ୱାସ ନେବାରେ କଷ୍ଟ ହୋଇଥାଏ ଏବଂ ମୃତ୍ୟୁର ପ୍ରମୁଖ କାରଣ ସାଜେ। ପିଲାଦିନେ ଧୂମପାନ ଫୁସଫୁସ ବିକାଶକୁ ଧୀର କରିଦିଏ ଏବଂ COPD ର ଆଶଙ୍କା ବୃଦ୍ଧି କରେ।
- ହୃଦରୋଗ:ଧୂମପାନ ହୃଦରୋଗର ଆଶଙ୍କାକୁ ଚାରି ଗୁଣ ବୃଦ୍ଧି କରେ। ନିକୋଟିନ୍ ହୃଦୟକୁ ଅମ୍ଳଜାନ ଯୋଗାଣକୁ ହ୍ରାସ କରେ ଏବଂ ହୃଦସ୍ପନ୍ଦନକୁ ବୃଦ୍ଧି କରେ, ଯାହା ହୃଦୟ ଉପରେ ଚାପ ସୃଷ୍ଟି କରେ। ଦେଶରେ ମୃତ୍ୟୁର ପ୍ରଥମ କାରଣ ହେଉଛି ହୃଦରୋଗ, ଯାହା ମଧ୍ୟରୁ ପ୍ରତି ୫ ପ୍ରତିଶତ ମୃତ୍ୟୁ ଧୂମପାନ ସହିତ ଜଡିତ।
- ଷ୍ଟ୍ରୋକ୍:ଧୂମପାନ ଷ୍ଟ୍ରୋକ୍ ହେବାର ଆଶଙ୍କାକୁ ଦ୍ୱିଗୁଣିତ କରେ। ଏହା ମସ୍ତିଷ୍କକୁ ରକ୍ତ ଯୋଗାଣକୁ ଅବରୋଧ କରେ, ଯାହା ପକ୍ଷାଘାତ, ବାକ୍ ସମସ୍ୟା କିମ୍ବା ମୃତ୍ୟୁର କାରଣ ହୋଇପାରେ। ଷ୍ଟ୍ରୋକ୍ ହେଉଛି ମୃତ୍ୟୁର ପଞ୍ଚମ ପ୍ରମୁଖ କାରଣ ଏବଂ ବୟସ୍କମାନଙ୍କ ମଧ୍ୟରେ ଅକ୍ଷମତାର ଏକ ପ୍ରମୁଖ କାରଣ।
- ଆଓର୍ଟିକ ଆନିଉରିଜମ୍:ଶରୀରର ସବୁଠାରୁ ବଡ଼ ରକ୍ତବାହୀ ନାଳୀ ହେଉଛି ଏଓର୍ଟିକା। ଧୂମପାନ କରୁଥିବା ପୁରୁଷମାନଙ୍କଠାରେ ଏଓର୍ଟିକ ଆନିଉରିଜମ୍ ହେବାର ଆଶଙ୍କା ଅଧିକ ଥାଏ। ଏହି ଆନିଉରିଜମ୍ ଜୀବନ ପାଇଁ ବିପଦପୂର୍ଣ୍ଣ ହୋଇପାରେ କାରଣ ଏଗୁଡ଼ିକ ରକ୍ତବାହୀ ନାଳୀକୁ କ୍ଷତି ପହଞ୍ଚାଏ।
- ଓରୋଫାରିଞ୍ଜିଆଲ୍ କର୍କଟ: ଏହା ଏକ କର୍କଟ ଯାହା ପାଟି କିମ୍ବା ଗଳାରୁ ଆରମ୍ଭ ହୁଏ। ଏହାର ବିପଦ କେହି କେତେ ଧୂମପାନ କରନ୍ତି କିମ୍ବା ତମାଖୁ ଚୋବନ୍ତି ତାହା ଉପରେ ନିର୍ଭର କରେ। ଏହା ଓଠ, ମାଢ଼ି, ଗାଲ ଏବଂ ସ୍ୱର ନଳୀକୁ ପ୍ରଭାବିତ କରିପାରେ।
- ଖାଦ୍ୟନଳୀ କର୍କଟ:ଏହା ଏକ ଗଳା କର୍କଟ ଯାହାର ବିପଦ ଧୂମପାନ ସହିତ ବୃଦ୍ଧି ପାଏ। ସ୍କ୍ୱାମସ୍ ସେଲ୍ କର୍କଟ, ଯାହା ଚର୍ମ କିମ୍ବା ଅଙ୍ଗଗୁଡ଼ିକର ଆସ୍ତରଣରେ ହୁଏ। ଏହା ସିଧାସଳଖ ତମାଖୁ ଏବଂ ମଦ୍ୟପାନ ସହିତ ଜଡିତ।
- ମୋତିଆବିନ୍ଦୁ:ଏହା ଏକ ଆଖି ଅବସ୍ଥା ଯେଉଁଠାରେ ଲେନ୍ସ ଅସ୍ୱଚ୍ଛ ହୋଇଯାଏ ଏବଂ ଦୃଷ୍ଟିଶକ୍ତି ହ୍ରାସ ପାଏ। ଏହା ଅନ୍ଧତ୍ୱର ମୁଖ୍ୟ କାରଣ ଏବଂ ଧୂମପାନ ଏହା ହେବାର ଆଶଙ୍କା ବୃଦ୍ଧି କରେ।
- ଟାଇପ୍ 2 ମଧୁମେହ: ୯୦% ମଧୁମେହ ରୋଗୀଙ୍କର ଟାଇପ୍ 2 ଏବଂ ଧୂମପାନ ରୋଗର ସିଧାସଳଖ କାରଣ। ଧୂମପାନକାରୀଙ୍କଠାରେ ଏହା ହେବାର ସମ୍ଭାବନା ୩୦-୪୦% ଅଧିକ ଥାଏ। ଧୂମପାନ ମଧ୍ୟ ମଧୁମେହ ଜଟିଳତାକୁ ବୃଦ୍ଧି କରେ।
- ହଠାତ୍ ଶିଶୁ ମୃତ୍ୟୁ ସିଣ୍ଡ୍ରୋମ: ଏହା ଶୋଇଥିବା ସମୟରେ ଶିଶୁର ଅଚାନକ ମୃତ୍ୟୁକୁ ଦର୍ଶାଏ । ଗର୍ଭାବସ୍ଥାରେ କିମ୍ବା ପୂର୍ବରୁ ଧୂମପାନ କରୁଥିବା ମା’ଙ୍କ ଶିଶୁମାନଙ୍କ ପାଇଁ ଏହା ଅଧିକ ବିପଦ । ଯଦି ପିତା ମଧ୍ୟ ଧୂମପାନ କରନ୍ତି ତେବେ ଏହି ବିପଦ ଆହୁରି ବଢ଼ିଯାଏ।
- ଇରେକ୍ଟାଇଲ୍ ଡିସଫଙ୍କସନ୍:ଅନେକ ଅଧ୍ୟୟନରୁ ଜଣାପଡିଛି ଯେ ଧୂମପାନ ଇରେକ୍ଟାଇଲ୍ ଡିସଫଙ୍କସନର ମୁଖ୍ୟ କାରଣ। ଧୂମପାନ ଧମନୀରେ ପ୍ଲାକ୍ ଜମା କରେ ଏବଂ ରକ୍ତ ପ୍ରବାହକୁ ଅବରୋଧ କରେ, ଯାହା ଫଳରେ ଏହି ଅବସ୍ଥାର ଆଶଙ୍କା ୬୦% ବୃଦ୍ଧି ପାଏ।
କ୍ୟାମେରାରେ କଏଦ ହେଲା ଭିଡିଓ, ରେଡ୍ ବେଳେ ଟଙ୍କା ବ୍ୟାଗ୍ ଫିଙ୍ଗିଦେଲେ…
ନନ୍ଦିଘୋଷ ବ୍ୟୁରୋ: ଭିଜିଲାନ୍ସ ରେ଼ଡ୍ ବେଳେ ଟଙ୍କା ବ୍ୟାଗ ଫୋପାଡୁଥିଲେ ଆସିଷ୍ଟାଣ୍ଟ ଇଞ୍ଜିନିୟର। ୧ ଲକ୍ଷ ଟଙ୍କା ସହ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଘର ବାହାରକୁ ଫୋପାଡୁଥିଲେ ବାବୁ। ଦ୍ୱିତୀୟ ଦିନରେ ମାରାଥନ ରେଡ଼ ବେଳେ ଅନେକ ସଙ୍ଗୀନ ଘଟଣା ସାମ୍ନାକୁ ଆସିଛି। ଭୁବନେଶ୍ଵର ଆର ଆଣ୍ଡ ବି ଡିଭିଜନ ଆସିଷ୍ଟାଣ୍ଟ ଇଞ୍ଜିନିୟର ରାଜକିଶୋର ଜେନାଙ୍କ ଫ୍ଲାଟ ସମେତ ଅନ୍ୟାନ୍ୟ ସ୍ଥାନରେ ମାରାଥନ ରେଡ଼ କରିଥିଲା। କାଲିଠାରୁ ୧୦ଟି ସ୍ଥାନରେ ଚାଲିଛି ଚଢାଉ। ରେଡ଼ ବେଳେ ଗତକାଲି ବାବୁଙ୍କର ଗୋଟିଏ ବହୁତଳ ପ୍ରାସାଦ, ୨ ଟି ଫ୍ଲାଟ, ୨ ଟି ମଲରେ ଦୁଇଟି କମର୍ସିଆଲ ଦୋକାନ, ୧୩ଟି ଦାମୀ ପ୍ଲଟ ଠାବ କରାଯାଇଥିଲା। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ରାଜକିଶୋର ଜେନାଙ୍କୁ ଅଟକ ରଖି ଅଧିକ ପଚରାଉଚରା କରୁଛି ଭିଜିଲାନ୍ସ। ଭିଜିଲାନ୍ସର ଟେକ୍ନିକାଲ ଟିମ ଏବେବି ବାବୁଙ୍କ ଠୁଳ ସମ୍ପତ୍ତି, ବ୍ୟାଙ୍କ ବାଲାନ୍ସ, ଫରେନ ଟ୍ରିପରେ ଖର୍ଚ୍ଚ ନେଇ ଛାନଭିନ ଜାରି ରଖିଛି। ଅନ୍ୟପଟେ କସ୍ମୋପଲିସ ଆପାର୍ଟମେଣ୍ଟରେ ବାବୁଙ୍କ ସହଯୋଗୀଙ୍କ ଫ୍ଲାଟରେ ରେଡ଼ ହୋଇଛି। ଆସିଷ୍ଟାଣ୍ଟ ଇଞ୍ଜିନିୟର ଅଶୋକ ପଣ୍ଡାଙ୍କ ଘରେ ରେଡ୍ କରିଛି ଭିଜିଲାନ୍ସ। ଅଶୋକ ହେଉଛନ୍ତି ରାଜକିଶୋରଙ୍କ ସହଯୋଗୀ। ୧୬ ନମ୍ବର ମହଲାରେ ଫ୍ଲାଟର ସାଜସଜା ଦେଖି ଜଳକା ହୋଇଛି ଭିଜିଲାନ୍ସ ।
ଗୌତମ ଗମ୍ଭୀରଙ୍କ ସପକ୍ଷରେ ବାହାରିଲେ ଇରଫାନ ପଠାନ
ନନ୍ଦିଘୋଷ ବ୍ୟୁରୋ: ଭାରତ-ଇଂଲଣ୍ଡ ପଞ୍ଚମ ଟେଷ୍ଟ ପୂର୍ବରୁ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଗୌତମ ଗମ୍ଭୀର ଏବଂ ପିଚ୍ କ୍ୟୁରେଟର ଲି ଫୋର୍ଟିସଙ୍କ ମଧ୍ୟରେ ଯୁକ୍ତିତର୍କ ହୋଇଛି । ଯାହାକୁ ନେଇ ବେଶ ଚର୍ଚ୍ଚା ଆରମ୍ଭ ହୋଇଛି । ତେବେ ପଞ୍ଚମ ଟେଷ୍ଟ ଭାରତ ପାଇଁ ବେଶ ଗୁରୁତ୍ବପୂର୍ଣ୍ଣ ରହିଛି । ଏହି ମ୍ୟାଚ ଯଦି ଭାରତ ଜିତେ ତାହେଲେ ସିରିଜ ବରାବର ହେବ । ମାତ୍ର ପିଚରେ ଏଭଳି ଏକ ଦୃଶ୍ୟ ଭାଇରାଲ ହେଉଛି । ଜାତୀୟ ଗଣମାଧ୍ୟମର ରିପୋର୍ଟକୁ ଯଦି ବିଶ୍ବାସ କରିବା ତାହେଲେ ପିଚକୁ ଦେଖିବା ପାଇଁ ଯେତେବେଳେ ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏବଂ ଖେଳାଳିମାନେ ଯାଇଥିଲେ ସେତେବେଳେ ଲି ଙ୍କ କିଛି କଥା ହୋଇଥିଲେ । ପରେ ଉଭୟଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା ।
So an English coach can walk onto the pitch to inspect it? but an Indian coach can’t? Are we still stuck in the colonial era?
— Irfan Pathan (@IrfanPathan) July 29, 2025
କୁହାଯାଉଛି କି, ଗମ୍ଭୀର ପିଚକୁ ଦେଖିବା ପାଇଁ ଯାଇଥିବାବେଳେ ସେ ଏହାକୁ ବାରଣ କରିବା ସହ ଏଭଳି ହୋଇଛି । ମାତ୍ର ଅନ୍ୟ ଏକ ଫଟୋ ଭାଇରାଲ ହେଉଛି ଯେଉଁଥିରେ ଇଂଲଣ୍ଡର ମୁଖ୍ୟ ପ୍ରଶିକ୍ଷକ ବ୍ରାଣ୍ଡମ ମ୍ୟାକୁଲମଙ୍କ ସହ ଲି ପିଚ ଉପରେ ଛିଡ଼ା ହୋଇଛନ୍ତି ଆଉ ବେଶ ଖୁସିର ସହ କଥା ହେଉଛନ୍ତି । ତେବେ ଏହାକୁ ନେଇ ନିଜର କଡ଼ା ପ୍ରତିକ୍ରିୟା ରଖିଛନ୍ତି ଇରଫାନ ପଠାନ । ସେ କହିଛନ୍ତି କି, ଇଂରେଜମାନେ ଏବେ ମଧ୍ୟ କର ଭାରତୀୟଙ୍କୁ ସେମାନଙ୍କ ଦାସ ବୋଲି ଭାବୁଛନ୍ତି କି ? ସେମାନେ କଣ ଯାହା ଚାହିଁବେ ସେୟା କରିବେ କି ? ସେ କହିଛନ୍ତି କି, ଇଂଲଣ୍ଡର କୋଚ ଯାଇ ପିଚ ସମ୍ପର୍କରେ ବୁଝିପାରିବେ କିନ୍ତୁ ଭାରତୀୟ ପ୍ରଶିକ୍ଷକ କାହିଁକି ବୁଝି ପାରିବେ ନାହିଁ । ଏଭଳି ଭାବେ ସେ ନିଜର ଟ୍ବିଟରରେ ପୋଷ୍ଟ କରିଛନ୍ତି ।
ସେନା ଆତଙ୍କବାଦ ବିରୋଧରେ ଭାରତର ପ୍ରତିବଦ୍ଧତା ପ୍ରମାଣିତ କରିଛନ୍ତି : ମାନସ ମଙ୍ଗରାଜ
ନନ୍ଦିଘୋଷ ବ୍ୟୁରୋ: ଅପରେସନ ସିନ୍ଦୂର ଆତଙ୍କବାଦ ବିରୋଧରେ ଭାରତର ପ୍ରତିବଦ୍ଧତାକୁ ପ୍ରମାଣିତ କରିଛନ୍ତି । ଅପରେସନ ସିନ୍ଦୂର କେବଳ ସେନାବାହିନୀର ଏକ ଅପରେସନ ନଥିଲା । ଏହା ଭାରତୀୟ ସେନାର ସାହସିକତାର ପ୍ରତିଫଳନ ବୋଲି ଅପରେସନ ସିନ୍ଦୂର ଉପରେ ଚାଲିଥିବା ବିତର୍କରେ ଭାଗନେଇ କହିଛନ୍ତି ବିଜେଡି ସାଂସଦ ମାନସ ମଙ୍ଗରାଜ । ଆତଙ୍କବାଦୀଙ୍କ ଭୀରୁତା ବିରୋଧରେ ଭାରତୀୟ ସେନାର ଏହି ପ୍ରହାରକୁ ପ୍ରଶଂସା କରିଛନ୍ତି ମାନସ ମଙ୍ଗରାଜ । ଏହି ଅପରେସନ ପାକିସ୍ଥାନ ଓ ପିଓକେରେ ହୋଇଥିଲା । ଅପରେସନ ସିନ୍ଦୂର ଜରିଆରେ ଭାରତ ସାରା ବିଶ୍ବକୁ ସ୍ପଷ୍ଟ ବାର୍ତ୍ତା ଦେଇଛି ଯେ, ଭାରତ ଆତଙ୍କବାଦକୁ ସହ୍ୟ କରିବ ନାହିଁ କିମ୍ବା ଦେଶର ସାର୍ବଭୌମତ୍ବ ପ୍ରତି ବିପଦ ସୃଷ୍ଟି ହେଲେ ଚୁପ ରହିବ ନାହିଁ ।
ଏହା ପ୍ରମାଣିତ କରୁଛି ଯେ, ସୁଉଚ୍ଚ ହିମାଳୟ ହେଉ କି ଜଳ କିମ୍ବା ଆକାଶ ପାଥ କିଛି ବି ଭାରତୀୟ ସେନା ପାଇଁ ଅପହଞ୍ଚ ନୁହେଁ । ଭାରତୀୟ ସେନା ସବୁ ସମୟରେ ଦେଶବାସୀଙ୍କ ସୁରକ୍ଷା ପାଇଁ ସମର୍ପିତ । ଓଡିଶା ମଧ୍ୟ ସବୁ ସମୟରେ ସେନାର ବୀରତ୍ବକୁ ସମ୍ମାନ ଦେଇଛି । ଭାରତୀୟ ସେନାର କର୍ତ୍ତବ୍ୟନିଷ୍ଠାକୁ ମଧ୍ୟ ପ୍ରତିଟି ଓଡିଆ ସମ୍ମାନ ଦେଉଛନ୍ତି । ଭାରତୀୟ ସେନା ସବୁ ସମୟରେ ପ୍ରତ୍ୟେକ ଭାରତୀୟଙ୍କୁ ସୁରକ୍ଷା ଦେଉଛନ୍ତି, କୌଣସି ରାଜନୈତିକ ଦଳକୁ ନୁହେଁ ବୋଲି କହିଛନ୍ତି ମାନସ ମଙ୍ଗରାଜ । ଦଳ ମତ ନିର୍ବିଶେଷରେ ଭାରତୀୟ ସେନାର ଏହି ବୀରତ୍ବକୁ ସମ୍ମାନ ଜଣାଇବାକୁ ସେ ଅପିଲ କରିଛନ୍ତି । ଏଥିସହ ସେନାର ଏହି ବୀରତ୍ବ ଆଗାମୀ ଦିନରେ ଦେଶର ଯୁବପିଢିଙ୍କ ପାଇଁ ପ୍ରେରଣାଦାୟୀ ହେବ ବୋଲି ସେ କହିଛନ୍ତି ।
ସେପଟେ ଅପରେସନ ସିନ୍ଦୂରକୁ ସମର୍ଥନ କରିଛି ବିଜେଡି । ଏହି ବିତର୍କରେ ଭାଗ ନେଇ ବିଜେଡି ସାଂସଦ ନିରଞ୍ଜନ ବିଶି କହିଛନ୍ତି ଯେ, ଭାରତ ଗଣତନ୍ତ୍ରର ଜନକ ହୋଇଥିବା ବେଳେ ପାକିସ୍ତାନ ଆତଙ୍କବାଦର ଜନକ । ଭାରତ ଓ ପାକିସ୍ତାନ ମଧ୍ୟରେ ଅମ୍ରିତସର ଟ୍ରିଟି ଠାରୁ ଆରମ୍ଭ କରି କରାଚି ଚୁକ୍ତି, ଦିଲ୍ଲୀ ଚୁକ୍ତି, ସିମଲା ଚୁକ୍ତି ହୋଇଥିଲେ ବି ସବୁ ବେଳେ ପାକିସ୍ତାନ ଏହି ସବୁ ଚୁକ୍ତି ଓ ଟ୍ରିଟିର ଉଲଂଘନ କରୁଛି । ଅପରସେନ ସିନ୍ଦୂର ଜରିଆରେ ଭାରତ ପାକିସ୍ତାନକୁ ଦୃଢ ଜବାବ ଦେଇଛି ବୋଲି ସେ କହିଛନ୍ତି ।
ପୁଣିଥରେ ରାହୁଲ ମାରିଲେ ପ୍ରଶ୍ନବାଣ, କହିଲେ ଟ୍ରମ୍ପଙ୍କ ନାଁ ନେଲେ…
ନନ୍ଦିଘୋଷ ବ୍ୟୁରୋ: ସଂସଦରେ ‘ଅପରେସନ ସିନ୍ଦୂର’ ଉପରେ ସ୍ବତନ୍ତ୍ର ଆଲୋଚନା ହୋଇଛି । ସରକାର ନିଜର ମତ ରଖିଥିବାବେଳେ ବିରୋଧୀମାନେ ନିଜର ପ୍ରଶ୍ନବାଣରେ ଘାଇଲା କରିଛନ୍ତି । ତେବେ ବିରୋଧୀ ଦଳ ନେତା ରାହୁଲ ଗାନ୍ଧୀ ଅପରେସନ ସିନ୍ଦୂର ଏବଂ ଭାରତ-ପାକିସ୍ତାନ ଯୁଦ୍ଧର ଅସ୍ତ୍ରବିରତିକୁ ନେଇ ବାରମ୍ବାର ସରକାରଙ୍କୁ ପ୍ରଶ୍ନ କରି ଚାଲିଛନ୍ତି । ମଙ୍ଗଳବାର ସଂସଦରେ ରାହୁଲ କହିଥିଲେ କି, ପ୍ରଧାନମନ୍ତ୍ରୀ ସିଧାସଳଖ ଭାବେ ଟ୍ରମ୍ପଙ୍କ ନାମ ନେଉନାହାନ୍ତି । ତାଙ୍କୁ ମିଛୁଆ ବୋଲି କୁହନ୍ତୁ । ସେପଟେ ଏନେଇ ପୁଣିଥରେ ଆଜି କହିଛନ୍ତି କି, ଯଦି ସେ ଟ୍ରମ୍ପଙ୍କ ନାମ ନେବେ ତାହେଲେ ବାଣିଜ୍ୟିକ ପ୍ରଭାବ ପକାଇଦେବେ ।
प्रधानमंत्री ने ट्रंप का नाम नहीं लिया। ये सबको मालूम है क्या हुआ है और प्रधानमंत्री बोल नहीं पा रहे हैं।
अगर PM ने बोल दिया, तो ट्रंप खुलकर बोलेंगे और पूरी सच्चाई रख देंगे, इसलिए प्रधानमंत्री बोल नहीं पा रहे हैं।
ट्रंप बार-बार एक ही बात को इसलिए दोहरा रहे हैं, क्योंकि वो… pic.twitter.com/qswPufD5Sl
— Congress (@INCIndia) July 30, 2025
ରାହୁଲ କହିଛନ୍ତି କି, ଟ୍ରମ୍ପ ବାରମ୍ବାର ମଧ୍ୟସ୍ଥତା କହୁଥିବାବେଳେ ପ୍ରଧାନମନ୍ତ୍ରୀ କାହିଁକି ଏହାକୁ ମାନୁନାହାନ୍ତି । ସତ କଥା ଲୋକଙ୍କୁ କାହିଁକି କହୁନାହାନ୍ତି । ଆମେରିକା ସହିତ ବାଣିଜ୍ୟ ଚୁକ୍ତି ସମ୍ପର୍କରେ ରାହୁଲ ଗାନ୍ଧୀ କହିଛନ୍ତି, “ବର୍ତ୍ତମାନ ସେ (ଟ୍ରମ୍ପ୍) ଆମ ସହିତ ଏକ ବାଣିଜ୍ୟ ଚୁକ୍ତି ଚାହୁଁଛନ୍ତି। ସେ (ଟ୍ରମ୍ପ୍) ସେଠାରେ ଚାପ ପକାଇବେ। ଆପଣ ଦେଖିବେ କି ପ୍ରକାର ବାଣିଜ୍ୟ ଚୁକ୍ତି ହୋଇଛି।” ସେପଟେ ଏହି ଘଟଣାକୁ ନେଇ ପ୍ରିୟଙ୍କା ଗାନ୍ଧୀ ମଧ୍ୟ ଟାର୍ଗେଟ କରିଥିବା ଦେଖିବାକୁ ମିଳିଛି ।
#WATCH दिल्ली: कांग्रेस सांसद प्रियंका गांधी वाड्रा ने कहा, "प्रधानमंत्री मोदी और विदेश मंत्री ने गोलमोल बात कही है। उन्हें सीधा कहना चाहिए कि अमेरिका के राष्ट्रपति डोनाल्ड ट्रंप झूठ बोल रहे हैं।" pic.twitter.com/feSXHRmj46
— ANI_HindiNews (@AHindinews) July 30, 2025
ଟି-୨୦ରେ ନମ୍ବର ଓ୍ବାନ ବ୍ୟାଟ୍ସମ୍ୟାନ ହେଲେ ଅଭିଶେକ ଶର୍ମା
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆ ଯୁବ କ୍ରିକେଟର ଅଭିଶେକ ଶର୍ମା ନିଜ କ୍ୟାରିୟରରେ ଏକ ମାଇଲଖୁଣ୍ଟ ପାର୍ କରିଛନ୍ତି । ସଦ୍ୟ ପ୍ରକାଶିତ ଆଇସିସି ରାଙ୍କିଂରେ ୧ ନମ୍ବର ସ୍ଥାନରେ ରହିଛନ୍ତି । ସେ ନିଜର ବନ୍ଧୁଙ୍କୁ ପଛରେ ପକାଇ ଏହି କିର୍ତ୍ତୀମାନ ଅର୍ଜନ କରିଛନ୍ତି । ଟ୍ରାଭିସ୍ ହେଡଙ୍କୁ ପଛରେ ପକାଇ ଦେଇଛନ୍ତି । ନିକଟରେ ଓ୍ବେଷ୍ଟଇଣ୍ଡିଜ୍ ବିପକ୍ଷ ସିରିଜରେ ସେତେ ଭଲ ପ୍ରଦର୍ଶନ କରିନଥିଲେ ହେଡ୍ । ଯାହାଫଳରେ ତାଙ୍କୁ ଟପି ଯାଇଛନ୍ତି ଅଭିଶେକ ଶର୍ମା ।
ଅଭିଶେକ ଶର୍ମାଙ୍କ ରେଟିଂ ପଏଣ୍ଟ ୮୨୯ ରହିଥିବାବେଳେ ଟ୍ରାଭିସ୍ ହେଡଙ୍କ ରହିଛି ୮୧୪ ପଏଣ୍ଟ । ସେ ଦ୍ବିତୀୟ ସ୍ଥାନରେ ରହିଥିବାବେଳେ ଅଭିଶେକ ଶର୍ମା ଏବେ ଟପରେ ରହିଛନ୍ତି । ଉଭୟ ଆଇପିଏଲରେ ଗୋଟିଏ ଟିମରେ ଖେଳୁଥିଲେ । ହାଇଦ୍ରାବାଦ ପକ୍ଷରୁ ଖେଳୁଥିବାବେଳେ ସେମାନଙ୍କ ମଧ୍ୟରେ ଭଲ ସମ୍ପର୍କ ରହିଛି । ସେପଟେ ଟପ୍ ୧୦ ମଧ୍ୟରେ ଭାରତୀୟ ଖେଳାଳିଙ୍କ ତିଲକ ବର୍ମା ତୃତୀୟ ଏବଂ ସୂର୍ଯ୍ୟକୁମାର ଯାଦବ ଷଷ୍ଠ ସ୍ଥାନରେ ରହିଛନ୍ତି । ସେପଟେ ଜଶସ୍ବୀ ଜୟସ୍ବାଲ ଟପ୍ ୧୦ରୁ ବାହାର ହୋଇଥିବାବେଳେ ଏବେ ୧୧ ନମ୍ବର ସ୍ଥାନରେ ରହିଛନ୍ତି ।
ଟ୍ରମ୍ପ ୨୦-୨୫ ପ୍ରତିଶତ ଟାରିଫ ଲାଗୁକଲେ ଭାରତର କେଉଁ କେଉଁ ସେକ୍ଟର ପ୍ରଭାବିତ ହେବେ?
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଉପରେ ଟାରିଫ ଲାଗୁ କରିବା ନେଇ ଏକ ବଡ଼ ବୟାନ ଦେଇଛନ୍ତି । ଭାରତ ଉପରେ ୨୦-୨୫ ପ୍ରତିଶତ ଟାରିଫ ଲାଗୁ ହୋଇପାରେ ବୋଲି ସେ କହିଛନ୍ତି । ମାତ୍ର ଏନେଇ କୌଣସି ନିଷ୍ପତ୍ତି ହୋଇନାହିଁ । ଭାରତ ଓ ଆମେରିକା ମଧ୍ୟରେ ଟ୍ରେଡ ଡିଲକୁ ନେଇ ଷଷ୍ଠ ଗସ୍ତର ଚର୍ଚ୍ଚା ଚାଲିଥିବା ବେଳେ ଟ୍ରମ୍ପ ଏହି ବୟାନ ଦେଇଛନ୍ତି । ଯଦି ଏହି ଟାରିଫ ଲାଗୁ ହୁଏ, ତେବେ ଭାରତର କିଛି ସେକ୍ଟର ପ୍ରଭାବିତ ହୋଇପାରେ ।
ଟେକ୍ସଟାଇଲ ଓ ଗାରମେଣ୍ଟସ ଉପରେ ପ୍ରଭାବ
ଭାରତର ପ୍ରମୁଖ ଏକ୍ସପୋର୍ଟ ମଧ୍ୟରୁ ଟେକ୍ସଟାଇଲ ଅନ୍ୟତମ । ଭାରତରୁ କପଡ଼ା ଓ ଫୁଟଓ୍ବେୟର ଆମଦାନୀ କରିବାରେ ଆମେରିକା ସବୁଠାରୁ ବଡ଼ ଦେଶ । ୨୦-୨୫ ପ୍ରତିଶତ ଟାରିଫ ଲାଗୁ ହେଲେ ଆମେରିକା ବଜାରରେ ଉତ୍ପାଦ ଅଧିକ ମହଙ୍ଗା ହୋଇପାରେ । ଫଳରେ ଭାରତର ଶିପମେଣ୍ଟ ଠାରୁ ଆରମ୍ଭ କରି କାରବାର ପର୍ଯ୍ୟନ୍ତ ପ୍ରଭାବିତ ହୋଇପାରେ ।
ଜୁଏଲାରୀ ଓ ଡାଇମଣ୍ଡ ଉପରେ ବଡ଼ ପ୍ରଭାବ
ଭାରତର ବିଶ୍ବର ସବୁଠାରୁ ଅଧିକ ଡାଇମଣ୍ଡ ଏକ୍ସପୋର୍ଟ କରୁଥିବା ଦେଶ ମଧ୍ୟରୁ ଅନ୍ୟତମ । ଆମେରିକା ଭାରତରୁ ବହୁ ମାତ୍ରାରେ ଡାଇମଣ୍ଡ ଆମଦାନୀ କରିଥାଏ । ଟାରିଫ ଲାଗୁ ହେବା ଫଳରେ ଜୁଏଲାରୀ ଓ ଡାଇମଣ୍ଡର ଦାମ୍ ବଢ଼ିପାରେ । ଫଳରେ ଭାରତରେ ଏହାର ଚାହିଦା ପ୍ରଭାବିତ ହୋଇପାରେ । କାରଣ ଆମେରିକାର କ୍ରେତାମାନେ ଭାରତ ବ୍ୟତୀତ ଅନ୍ୟ ବିକଳ୍ପ ସନ୍ଧାନ କରି ପାରନ୍ତି । ଏହା ଉପରେ ୨୬-୨୭ ପ୍ରତିଶତ ପର୍ଯ୍ୟନ୍ତ ଟାରିଫ ଲାଗୁ ହୋଇପାରେ ।
ଅଟୋମୋବାଇଲ ଓ ଅଟୋ ପାର୍ଟସ ଉପରେ ପ୍ରଭାବ
ଅଟୋ ସେକ୍ଟର କଥା ଯଦି କହିବା, ଭାରତ ଆମେରିକାକୁ ବହୁ ମାତ୍ରାରେ ଅଟୋ ସାମଗ୍ରୀ ଏକ୍ସପୋର୍ଟ କରିଥାଏ । ପୂର୍ବରୁ ଷ୍ଟିଲ ଓ ଆଲୁମିନିୟମ ଉପରେ ୨୫ ପ୍ରତିଶତ ଟାରିଫ ରହିଛି । ଏବେ ଅଟୋ ସେକ୍ଟରରେ ୨୫ ପ୍ରତିଶତ ଟାରିଫ ଲାଗୁ ହେଲେ ଭାରତୀୟ ଚାହିଦା ପ୍ରଭାବିତ ହୋଇପାରେ । ଏହି ସାମଗ୍ରୀ ଉପରେ ୨୭ ପ୍ରତିଶତ ଟାରିଫ ଲାଗିପାରେ ।
ଯଦି ଟାରିଫ ଲାଗୁ ହୁଏ, ତେବେ ଭାରତର କିଛି ସେକ୍ଟର୍ସକୁ ଆମେରିକା ଟାରିଫରୁ ଦୂରେଇ ରଖିବ । ସେଥିମଧ୍ୟରେ ଫାର୍ମାସ୍ୟୁଟିକଲ୍ସ (ଔଷଧ), ସେମିକଣ୍ଡକ୍ଟର, ଉର୍ଜା ଉତ୍ପାଦ (ତେଲ, ଗ୍ୟାସ, କୋଇଲା, ଏଲଏନଜି) ଓ କପର । ଏକ୍ସପର୍ଟଙ୍କ ଅନୁମାନ ମୁତାବକ, ଟାରିଫ କାରଣରୁ ଭାରତର ବାର୍ଷିକ ରପ୍ତାନୀ ୨ରୁ ୭ ଅରବ ଡଲାର ହ୍ରାସ ଘଟିପାରେ ।