spot_img
Home Blog Page 5982

ଏଏନଏମ ନର୍ସିଂ କଲେଜ ବିରୋଧରେ ଠକେଇ ଅଭିଯୋଗ !

ଭୁବନେଶ୍ୱର: ଏଏନଏମ୍ ଓ ଜିଏନଏମ ତାଲିମ ନାଁରେ ଠକେଇ ଅଭିଯୋଗ  । ଭୁବନେଶ୍ୱର ଖଣ୍ଡଗିରି ଥାନାରେ ଶତାଧିକ ଛାତ୍ରଛାତ୍ରୀଙ୍କ ଅଭିଯୋଗ  । ଖଣ୍ଡଗିରିଠାରେ ଥିବା ଏଏନଏମ ନର୍ସିଂ କଲେଜ ବିରୋଧରେ ଆସିଛି ଏହି ଅଭିଯୋଗ  । ତାଲିମ ପରେ ଫେକ ସାର୍ଟିଫିକେଟ ଦିଆଯାଉଥିବା ମଧ୍ୟ ଅଭିଯୋଗ ହୋଇଛି  । ୩ ବର୍ଷର ତାଲିମ ପାଇଁ ସଂସ୍ଥା ନେଇଛି ୯୫ ହଜାର ଟଙ୍କା  ।

ତାଲିମ ପରେ ଫେକ ସାର୍ଟିଫିକେଟ ଦେବାରୁ ଚାକିରିରୁ ବଂଚିତ ହେଉଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ । କଲେଜରେ ନର୍ସିଂ ପଢିଥିବା ଛାତ୍ରଛାତ୍ରୀ ଏବେ କଲେଜ ବିରୋଧରେ ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି  । ଅଭିଯୋଗ ଅନୁସାରେ ଉକ୍ତ କଲେଜଟି ଆଇଏନସି ଦ୍ୱାରା ଆପ୍ରୁଭ ନୁହେଁ । କଲେଜ ଯେଉଁ ସାର୍ଟିଫିକେଟ ଦେଉଛି ତାହା ଦ୍ୱାରା କେଉଁଠାରେ ଚାକିରି ମିଳୁନାହିଁ  । ଏହି କଲେଜର ସାର୍ଟିଫିକେଟ ନେଇ କେଉଁଠାରେ ଚାକିରି ପାଇନାହାନ୍ତି ବୋଲି କଲେଜରୁ ପାସ ହୋଇଥିବା ଜଣେ ଛାତ୍ରୀ କହିଛନ୍ତି  ।

ଏହା ସହ ଆଡମିସନ ବେଳେ କଲେଜର କର୍ତ୍ତୃପକ୍ଷ ଦେଇଥିବା ପ୍ରତିଶ୍ରୁତି ମଧ୍ୟ ପାଳନ କରିନାହାନ୍ତି  । ତେବେ କଲେଜ ବିଷୟରେ ସତ୍ୟତା ଜାଣିବା ପରେ କଲେଜରେ ପାଠ ପଢ଼ୁଥିବା ଛାତ୍ରଛାତ୍ରୀ କ୍ୟାରିୟରକୁ ନେଇ ଚିନ୍ତାରେ ପଡିଯାଇଛନ୍ତି  । ଶେଷରେ ଛାତ୍ରଛାତ୍ରୀମାନେ ଏହି ଫେକ ଶିକ୍ଷାନୁଷ୍ଠାନ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିବା ସହ ସେମାନଙ୍କ ପଇସା ଫେରସ୍ତ ନିମନ୍ତେ ଦାବି କରିଛନ୍ତି ।

‘ମନ୍ କି ବାତ’ରେ ୩ ଓଡ଼ିଆଙ୍କୁ ପ୍ରଧାନମନ୍ତ୍ରୀଙ୍କ ପ୍ରଶଂସା

ନୂଆଦିଲ୍ଲୀ: ମନ୍ କି ବାତରେ ପ୍ରଧାନମନ୍ତ୍ରୀ ମୋଦି ଆଜି ୩ଜଣ ଓଡ଼ିଆଙ୍କୁ ପ୍ରଶଂସା କରିଛନ୍ତି। ନିଜ ଉଦ୍ୟମରେ ଜଙ୍ଗଲ ସୃଷ୍ଟି କରିଥିବା କେନ୍ଦ୍ରାପଡ଼ାର ବିଜୟ କବି ଓ ପାରାଦୀପର ଅମରେଶ ସାମନ୍ତଙ୍କୁ ପ୍ରଣଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହାସହ କରୋଟା ଟିକାକରଣକୁ ନେଇ ଚିଠି ଲେଖିଥିବା ଭୁବନେଶ୍ୱରର ପୁଷ୍ପା ଶୁକ୍ଳାଙ୍କୁ ମଧ୍ୟ ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି। ଏହାଛଡ଼ା ଦେଶ ପାଇଁ ମେଡାଲ ଜିତିଥିବେ ମହିଳା ଖେଳାଳିଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଥିଲେ ।

କରୋନା ଟିକାକୁ ନେଇ ବୟସ୍କଙ୍କ ମଧ୍ୟରେ ରହିଥିବା ଆଗ୍ରହ ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ ପୁଷ୍ପା । ସେହିପରି ବିଜୟ ଓ ଅମରେଶଙ୍କ ପ୍ରଚେଷ୍ଟାରେ ତିଆରି ଜଙ୍ଗଲ ଏବେ ସେଠାକାର ଲୋକଙ୍କୁ ବାତ୍ୟାରୁ ସୁରକ୍ଷା ଦେଉଛି। ସେମାନଙ୍କ କାର୍ଯ୍ୟ ଅନ୍ୟମାନଙ୍କୁ ପ୍ରେରଣା ଯୋଗାଇବ ବୋଲି ମୋଦି କହିଛନ୍ତି। ଆଜି ୭୫ ତମ ମନ କି ବାତ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧିତ କରିଛନ୍ତି । ‘ମନ କି ବାତ୍’ କାର୍ଯ୍ୟକ୍ରମକୁ ସଫଳ ଓ ସମୃଦ୍ଧ କରିବା ସହ କାର୍ଯ୍ୟକ୍ରମ ସହ ଯୋଡ଼ି ହୋଇ ରହିଥିବାରୁ ଦେଶବାସୀଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଛନ୍ତି।

କରୋନା କାଳ ସମ୍ପର୍କରେ ଆଲୋଚନା କରି ପ୍ରଧାନମନ୍ତ୍ରୀ କହିଛନ୍ତି, ମହାମାରୀ ମୁକାବିଲା ଲାଗି ଗତବର୍ଷ ମାର୍ଚ୍ଚରେ ଦେଶବାସୀ ଜନତା କର୍ଫ୍ୟୁ ଶବ୍ଦ ଶୁଣିଥିଲେ। ଦେଶବାସୀଙ୍କ ଅଦ୍ଭୁତପୂର୍ବ ସମର୍ଥନ ଯୋଗୁ ଏହା ସଫଳ ହୋଇଥିଲା। ଯାହା କି ସାରା ବିଶ୍ୱ ପାଇଁ ପ୍ରେରଣା ପାଲଟିଥିଲା। ପରବର୍ତ୍ତୀ ପିଢ଼ି ଏହାକୁ ନେଇ ଗର୍ବ କରିବ। ଦେଶରେ ଏବେ ଲଗାତାର କରୋନା ସଂକ୍ରମଣ ବଢୁଥିବାରୁ ପ୍ରଧାନମନ୍ତ୍ରୀ ଚିନ୍ତା ବ୍ୟକ୍ତ କରିଥିଲୋ । ସମସ୍ତେ କଟକଣା ପାଳନ କରିବା ସହ କରୋନା ସଂକ୍ରମଣରେ ରୋକ ଲଗାଇବାକୁ ଅପିଲ କରିଥିଲେ।

ଏହାଛଡ଼ା ପ୍ରଧାନମନ୍ତ୍ରୀ କହିଛନ୍ତି ଯେ ମହୁ ଚାଷରେ ‘ମିଠା ବିପ୍ଳବ’ରେ ଭାରତ ନେତୃତ୍ୱ ନେଉଛି। ଅନେକ କୃଷକ ଏହି କାର୍ଯ୍ୟକମରେ ସାମିଲ ହେଉଛନ୍ତି ଏବଂ ସେମାନଙ୍କର ଆୟ ବୃଦ୍ଧି କରୁଛନ୍ତି। ତେଣୁ ଏହା ଆତ୍ମ ନିର୍ଭର ଭାରତର ଏକ ଅଂଶ। ପାରମ୍ପରିକ କୃଷି ସହିତ ନୁଆ ପଦ୍ଧତି ଆପଣାଇବା ଯୋଗୁ କୃଷକଙ୍କ ଆୟ ବଢ଼ିବା ସହ କୃଷି କ୍ଷେତ୍ରରେ ନିଯୁକ୍ତି ସୃଷ୍ଟି ହେଉଛି ବୋଲି ମୋଦି କହିଛନ୍ତି।

ପିପିଲି ଯୁଦ୍ଧ ପାଇଁ ପରିବାର ଏକାଠି: ପ୍ରତିଭା ମହାରଥୀ

ଭୁବନେଶ୍ୱର: ଆଖିରେ ଲୁହ, ମନରେ କୋହ । ମହାରଥୀଙ୍କ ପରିବାରରେ ଭାବବ୍ୱିହଳ ପରିବେଶ । ପିପିଲି ଉପନିର୍ବାଚନ ଲାଗି ରୁଦ୍ର ନବୀନ ନିବାସରୁ ଟିକେଟ୍ ଆଣି ଆସିବା ପରେ ମାଆ ପ୍ରତିଭାଙ୍କ ଆଶୀର୍ବାଦ ନେଇଛନ୍ତି । ସ୍ୱାମୀଙ୍କ ଭଳି ବିଜେଡି ପୁଅ ରୁଦ୍ରଙ୍କ ଉପରେ ଭରସା କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ପ୍ରତିଭା ମହାରଥୀ ।

ଏଥିସହ ପଢ଼ନ୍ତୁ- ପିପିଲି ଉପନିର୍ବାଚନ; ପରିବାର ସହ ଆସି ନବୀନ ନିବାସରୁ ଟିକେଟ୍ ନେଲେ ରୁଦ୍ର

ପ୍ରତିଭା କହିଛନ୍ତି- ‘ସମସ୍ତଙ୍କ ଆଶୀର୍ବାଦରେ ରୁଦ୍ର ନିଶ୍ଚୟ ବିଜୟ ଲାଭ କରିବ ଏବଂ ସ୍ୱର୍ଗତଃ ମହାରଥୀଙ୍କ ସମସ୍ତ ଇଚ୍ଛାକୁ ପୂରଣ କରିବ । ରୁଦ୍ର ମୁଣ୍ଡ ଉପରେ ମୋର ବରଦ ହସ୍ତ ଅଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶୀର୍ବାଦ ରହିଛି ।’ ପରିବାର ଏକାଠି ନଥିବା ଚର୍ଚ୍ଚା ଉପରେ ପ୍ରତିଭା କହିଛନ୍ତି- ଆମେ ଗୋଟିଏ ଘରେ ଗୋଟିଏ ସୂତ୍ରରେ ଏକାଠି ବାନ୍ଧି ହୋଇ ରହିଛୁ । ମହାରଥୀଙ୍କ ଭଳି ପୁଅକୁ ସାହାଯ୍ୟ କରିବି ବୋଲି କହିଛନ୍ତି ପ୍ରତିଭା ।

Pipili War Family Will Fight Unitedly Says Pratibha Maharathy

ସରକାରୀ ଚାକିରି କରିଥିବାରୁ ପ୍ରତିଭା ନିର୍ବାଚନ ପ୍ରଚାର କରିବାକୁ ଯିବେ ନାହିଁ । ଭାଇ ପାଇଁ ଭଉଣୀ ଓ ଭିଣୋଇ ପ୍ରଚାର କରିବେ ବୋଲି କହିଛନ୍ତି ପ୍ରତିଭା । ମାଆର ଆଶୀର୍ବାଦରେ ରୁଦ୍ର ଜିତିବେ, ବିପୁଳ ଭୋଟରେ ବିଜୟୀ ହେବେ ବୋଲି ପ୍ରତିଭା କହିଛନ୍ତି । ପ୍ରଦୀପ ମହାରଥୀ ପ୍ରଚଣ୍ଡ ହନୁମାନ ଓ ଜଗନ୍ନାଥ ଭକ୍ତ ଥିଲେ । ଜଗନ୍ନାଥଙ୍କ ଆଶୀର୍ବାଦ ମଧ୍ୟ ରୁଦ୍ର ଉପରେ ରହିଛି, ସେ ବିପୁଳ ଭୋଟରେ ଜିତିବ ବୋଲି କହିଛନ୍ତି ପ୍ରତିଭା ।

ରାଷ୍ଟ୍ରପତିଙ୍କର ହୋଇପାରେ ବାଇପାସ ସର୍ଜରୀ

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦଙ୍କର ହେବ ବାଇପାସ୍‌ ସର୍ଜରୀ। ସର୍ଜରୀ ଲାଗି ଦିଲ୍ଲୀ ଏମସ୍ ପକ୍ଷରୁ ତାଙ୍କୁ ପରାମର୍ଶ ଦିଆଯାଇଛି । ଏବେ ଦିଲ୍ଲୀ ଏମସ୍‌ରେ ଚିକିତ୍ସାଧୀନ ଅଛନ୍ତି ରାଷ୍ଟ୍ରପତି। ତେବେ ବର୍ତ୍ତମାନ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି। ଆସନ୍ତା ୩୦ ତାରିଖରେ ବାଇପାସ୍ ସର୍ଜରୀ ହୋଇପାରେ ବୋଲି ରାଷ୍ଟ୍ରପତିଙ୍କ ସଚିବ ସୂଚନା ଦେଇଛନ୍ତି।

ଗତ ଶୁକ୍ରବାର ରାଷ୍ଟ୍ରପତି ରାମନାଥ ଛାତିରେ ଯନ୍ତ୍ରଣା ଅନୁଭବ କରିଥିଲେ। ତାଙ୍କୁ ତୁରନ୍ତ ଦିଲ୍ଲୀ କ୍ୟାଣ୍ଟନମେଣ୍ଟସ୍ଥିତ ଆର୍ମି ହସ୍ପିଟାଲକୁ ନିଆଯାଇଥିଲା। ଗତକାଲି ମଧ୍ୟାହ୍ନରେ ରାଷ୍ଟ୍ରପତିଙ୍କୁ ଏମ୍‌ସ୍‌ ସ୍ଥାନାନ୍ତର କରାଯାଇଛି। ତେବେ ସେଠାରେ ତାଙ୍କର ବାଇପାସ୍‌ ସର୍ଜରୀ ଲାଗି ପରାମର୍ଶ ଦିଆଯାଇଥିବା ରାଷ୍ଟ୍ରପତିଙ୍କ ସଚିବାଳୟ ପକ୍ଷରୁ ସୂଚନା ଦିଆଯାଇଛି।

ସାପ ବିଷ ସ୍ମଗଲିଂ ପଛରେ ଅନ୍ତର୍ଜାତୀୟ ଲିଙ୍କ୍ ଥିବା ସନ୍ଦେହ

ବଲାଙ୍ଗୀର: ସାପ ବିଷ ସ୍ମଗଲିଂ ଗ୍ୟାଙ୍ଗର ଚେର ଖୋଜିବା ପାଇଁ ବଲାଙ୍ଗୀରରେ ବନ ବିଭାଗର ଚଢାଉ । ବଲାଙ୍ଗୀରର ମାଷ୍ଟରମାଇଣ୍ଡ ସତ୍ୟ ନାରାୟଣ ଦାସ ଘରେ ଚଢ଼ାଉ କରିଛି ବନ ବିଭାଗ । ସତ୍ୟ ନାରାୟଣଙ୍କ ପୁଅ ସୁରଜ ଗତକାଲି ଗିରଫ ହୋଇଥିଲା  । ବରିଷ୍ଠ ଅଧିକାରୀଙ୍କ ସହ ଆଲୋଚନା ପରେ ସୁରଜଙ୍କୁ ରିମାଣ୍ଡରେ ନେବ ବନ ବିଭାଗ । ଗତକାଲି ବଲାଙ୍ଗୀରରୁ ରାଜଧାନୀ ଆଣି ସାପ ବିଷ ସ୍ମଗ୍‌ଲିଂ ରାକେଟର ପର୍ଦ୍ଦାଫାସ କରିଥିଲ ବିନ ବିଭାଗ । ଏବଂ ଏଥିରେ ସମ୍ପୃକ୍ତ ଥିବା ୬ ଜଣକୁ ଗିରଫ କରିଥିଲା ବନ ବିଭାଗ  । ଏହାସହ ୧୦ ଲକ୍ଷ ଟଙ୍କାରେ ଡିଲ୍ ବେଳେ ଧରାପଡ଼ିଥିଲେ ଅଭିଯୁକ୍ତ । ସେମାନଙ୍କ ଠାରୁ ପ୍ରାୟ ଏକ ଲିଟର ସାପବିଷ ଜବତ ହୋଇଥିଲା ।  ଜବତ ସାପବିଷ ଟେଷ୍ଟିଂ ପାଇଁ ଲ୍ୟାବ୍‌କୁ ପଠାଯିବା ସହ ରାକେଟ ପଛରେ ଅନ୍ତର୍ଜାତୀୟ ଲିଙ୍କ୍ ଥିବା ସନ୍ଦେହ କରାଯାଉଥିବାରୁ ତଦନ୍ତ ଜାରି ରହିଥିବା ଜଣାପଡ଼ିଛି   ।

ବଲାଙ୍ଗୀରର ମାଷ୍ଟରମାଇଣ୍ଡ ସତ୍ୟ ନାରାୟଣଙ୍କ ପୁଅକୁ ମାରାଥନ ଜେରା ପରେ କିଛି ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସଥିବା ଜଣାପଡ଼ିଛି । ଏହି ଆଧାରରେ ୬ଜଣଙ୍କୁ ଗିରଫ କରିଛି ପୋଲିସ । ତେବେ ସାଧାକରଣ ଭାବେ ଏହି ସାପ ବିଷରୁ ମେଡ଼ିସିନ ପ୍ରସ୍ତୁତ କରାଯାଉଥିବା ବେଳେ ଜବତ ସାପ ବିଷକୁ କେଉଁଠାକୁ ସ୍ମଗଲିଂ କରାଯାଉଥିଲା ସେନେଇ ତନାଘନା ଜାରି ରହିଛି ।

ଯଦିଓ ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି ଯେ, ଏହି ସାପ ବିଷକୁ ଅଣ୍ଡରଗ୍ରାଉଣ୍ଡ ମାର୍କେଟରେ ବିକ୍ରି କରିବାକୁ ନିଆଯାଉଥିଲା । ବ୍ରାଉନ ସୁଗାର, ନିଶା ଦ୍ରବ୍ୟ ଭାବେ ଅନେକ ଏହାକୁ ବ୍ୟବହାର କରିଥାନ୍ତି । ଏବଂ ସାପ ବିଷକୁ ଏହି ଆଧାରରେ ବିକ୍ରି ହେଉଥିବା କୁହାଯାଉଛି । ତେବେ କେଉଁ ବିଷଧର ସାପରୁ ଏକ ଲିଟରର ବିଷ ବାହାରିଛି ସେନେଇ ପରୀକ୍ଷା କରିବା ପାଇଁ ବିଭିନ୍ନ ଲ୍ୟାବ୍ରୋଟୋରିକୁ ପଠାଯିବ ବୋଲି ସୂଚନା ଦେଇଛନ୍ତି ଏସଏଫ ।

ପିପିଲି ଉପନିର୍ବାଚନ; ପରିବାର ସହ ଆସି ନବୀନ ନିବାସରୁ ଟିକେଟ୍ ନେଲେ ରୁଦ୍ର

ଭୁବନେଶ୍ୱର: ପିପିଲି ଯୁଦ୍ଧ ଲଢ଼ିବେ ପ୍ରଦୀପ ମହାରଥୀଙ୍କ ପୁଅ ରୁଦ୍ର । ପିପିଲି ଉପନିର୍ବାଚନ ଲାଗି ବିଜେଡି ଦିବଙ୍ଗତ ବିଧାୟକ ପ୍ରଦୀପ ମହାରଥୀଙ୍କ ପୁଅ ରୁଦ୍ର ମହାରଥୀଙ୍କୁ ଟିକେଟ୍ ଦେଇଛି । ରୁଦ୍ର ଆଜି ଭଉଣୀ ପଲ୍ଲବୀଙ୍କ ସହ ନବୀନ ନିବାସ ଆସି ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଭେଟିବା ସହ ଟିକେଟ୍ ନେଇଛନ୍ତି । ଆସନ୍ତା ମଙ୍ଗଳବାର ୩୦ ତାରିଖରେ ରୁଦ୍ର ପ୍ରାର୍ଥିପତ୍ର ଦାଖଲ କରିବେ ।

BJD Pipili Candidate Rudra Maharathy Received Party Ticket From Naveen Patnaik

ବାପାଙ୍କ ଅଧୁରା ସ୍ୱପ୍ନକୁ ପୂରଣ କରିବେ ବୋଲି କହିଛନ୍ତି ରୁଦ୍ର । ଚାଷୀଙ୍କ ଉନ୍ନତି, ପାନୀୟ ଜଳ, ଜଳସେଚନ ଉପରେ ଧ୍ୟାନ ଦେବେ ବୋଲି ରୁଦ୍ର କହିଛନ୍ତି । ଏଥିସହ ପରିବାରରେ ଟିକେଟ୍ ପାଇଁ ମତଭେଦ ଉପରେ ପ୍ରତିକ୍ରିୟା ରଖି ରୁଦ୍ର କହିଛନ୍ତି ଏହା ବିରୋଧୀ ଦଳର ଏକ ଚାଲ୍ । ପରିବାର ସବୁବେଳେ ଏକାଠି ଅଛି ବୋଲି କହିଛନ୍ତି ରୁଦ୍ର । ସେହିଭଳି ରୁଦ୍ରଙ୍କ ଭଉଣୀ ପଲ୍ଲବୀ ମଧ୍ୟ ପରିବାର ଏକାଠି ହୋଇ ନିର୍ବାଚନ ଲଢ଼ିବ ବୋଲି କହିଛନ୍ତି । ବିଜେଡି ନେତା ଦେବୀ ପ୍ରସାଦ ମିଶ୍ର କହିଛନ୍ତି ଗତଥର ଅପେକ୍ଷା ଆହୁରି ଅଧିକ ଭୋଟରେ ରୁଦ୍ର ଜିତିବେ ବୋଲି କହିଛନ୍ତି ।

BJD Pipili Candidate Rudra Maharathy Received Party Ticket From Naveen Patnaik

ନବୀନ ନିବାସରେ ଦେବୀ ମିଶ୍ର, ବିଜେଡି ବିଧାୟକ ପ୍ରଣବ ବଳବନ୍ତରାୟଙ୍କ ଉପସ୍ଥିତିରେ ରୁଦ୍ର ଭଉଣୀ ପଲ୍ଲବୀଙ୍କ ସହ ମିଶି ବିଜେଡି ସଭାପତି ନବୀନ ପଟ୍ଟନାୟକଙ୍କ ଠାରୁ ଟିକେଟ୍ ଗ୍ରହଣ କରିଛନ୍ତି । ରୁଦ୍ର ଟିକେଟ୍ ନେବା ସହ ମୁଖ୍ୟମନ୍ତ୍ରୀଙ୍କ ପାଦ ଛୁଇଁ ଆଶୀର୍ବାଦ ନେଇଛନ୍ତି ।

ମିଆଁମାରରେ ସେନା ଖେଳିଲା ରକ୍ତର ହୋଲି, ଗୁଳିକାଣ୍ଡରେ ୧୧୪ ଜଣଙ୍କ ମୃତ୍ୟୁ

ନୂଆଦିଲ୍ଲୀ: ମିଆଁମାରରେ ସାମରିକ ବିଦ୍ରୋହକୁ ପାଖାପାଖି ମାସେ ହୋଇଗଲାଣି। ସେଠାକାର ଗଣତାନ୍ତ୍ରିକ ସରକାରକୁ କ୍ଷମତାରୁ ତଡ଼ି ମିଲିଟାରି ଜୁନ୍ତା ନିଜ ଅକ୍ତିଆରରେ ଶାସନ କଳକୁ ରଖିଛି । ଲୋକମାନେ ରାଜ ରାସ୍ତାରେ ସେନା ବିରୋଧରେ ବିଦ୍ରୋହ କରୁଥିବାବେଳେ ସେନା ମଧ୍ୟ ଏହି ଆନ୍ଦୋଳନକୁ ଦମନ କରିବା ପାଇଁ ସମସ୍ତ ପ୍ରକାର କୌଶଳ ଅବଲମ୍ବନ କରୁଛି । ସେନା ଦ୍ୱାରା ନିଆଯାଇଥିବା କାର୍ଯାନୁଷ୍ଠାନରେ ଏପର୍ଯ୍ୟନ୍ତ ୩ଶହରୁ ଅଧିକ ଲୋକ ପ୍ରାଣ ହରାଇଛନ୍ତି । ତେବେ ଶନିବାର ସେନା ଆନ୍ଦୋଳନକାରୀଙ୍କ ଉପରେ ପୁଣି ଗୁଳି ଚଳାଇଛି, ଯେଉଁଥିରେ ୧୧୪ ଜଣଙ୍କର ମୃତ୍ୟୁ ଘଟିଛି ।

ସୂଚନା ମୁତାବକ ମିଆଁମାରରେ ଅନେକ ଦିନ ହେବ ସେନା ବିରୋଧରେ ପ୍ରଦର୍ଶନ ଜାରି ରହିଛି ସତ କିନ୍ତୁ ସେନା ଓ ଆନ୍ଦୋଳନକାରୀ କେବେ ମୁହାଁମୁହିଁ  ହୋଇନଥିଲେ । କିନ୍ତୁ ଶନିବାର ଦେଶର ରାଜଧାନୀ ନାୟପିଟାଭରେ ବାର୍ଷିକ ସାମରିକ ଦିବସରେ ଗୋଟେପଟେ ସେନା ପ୍ୟାରେଡ କରୁଥିବାବେଳେ ଅନ୍ୟପଟେ ଆନ୍ଦୋଳନକାରୀ ମଧ୍ୟ ରାସ୍ତାରେ ବିରୋଧ ପ୍ରଦର୍ଶନ କରିଥିଲେ । ତେବେ ଏହି ପ୍ରଦର୍ଶନକୁ ରୋକିବା ପାଇଁ ସେନା ଆନ୍ଦୋଳନକାରୀଙ୍କ ଉପରେ ଗୁଳି ଚଳାଇଥିଲା। ଏଥିରେ ଅନେକ ଛୋଟ ପିଲାଙ୍କ ସମେତ ବୟସ୍କ ବ୍ୟକ୍ତି ମଧ୍ୟ ପ୍ରାଣ ହରାଇଛନ୍ତି ।

ମିଆଁମାରର ଗଣମାଧ୍ୟମ ସୂଚନା ମୁତାବକ ସେନାର ଏହି ଗୁଳିକାଣ୍ଡରେ୧୪୪ ଜଣଙ୍କର ମୃତ୍ୟୁ ହୋଇଛି । ଯାହାକି ମାର୍ଚ୍ଚ ୧୪ରେ ହୋଇଥିବା ମୃତ୍ୟୁ ସଂଖ୍ୟାଠୁ ବି ଅଧିକ ରହିଛି। ସେଦିନ ପାଖାପାଖି ୭୪ ରୁ ୯୦ ଜଣଙ୍କର ମୃତ୍ୟୁ ହୋଇଥିବା ଆଶଂକା କରାଯାଉଛି।  ବିଦ୍ରୋହକୁ ଦମନ କରିବା ପାଇଁ ମିଆଁମାର ସେନାର ଏହା ଏବେ ପର୍ଯ୍ୟନ୍ତର ସବୁଠାରୁ ବଡ଼ କର୍ଯାନୁଷ୍ଠାନ ବୋଲି କୁହାଯାଉଛି।

ଏହି ଘଟଣାରେ ମିଆଁମାର ସେନା ମୁଖପାତ୍ର କୌଣସି ବି ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି । ତେବେ ସେନା ବିରୋଧରେ ଏକ ବିରୋଧୀ ଗୋଷ୍ଠୀର ନେତା ଡକ୍ଟର ସସା କହିଛନ୍ତି ଯେ ସାମରିକ ବାହିନୀ ପାଇଁ ଆଜି ଏକ ଲଜ୍ଜାଜନକ ଦିନ। ୩ ଶହରୁ ଅଧିକ ନିରୀହ ନାଗରିକଙ୍କୁ ହତ୍ୟା କରିବା ପରେ ସାମରିକ ଦିବସ ପାଳନ କରାଯାଉଛି। ମିଆଁମାର ଇତିହାସରେ ଏହା ସବୁଠାରୁ ବଡ଼ କଳା ଦିନ।

ମିଆଁମାର ସେନାର ଏଭଳି ହିଂସାତ୍ମକ କାଣ୍ଡକୁ ଅନ୍ତରାଷ୍ଟୀୟ ସ୍ତରରେ କଡ଼ା ନିନ୍ଦା କରାଯାଉଛି। ମିଆଁମାରର ୟୁରୋପୀୟ ସଂଗଠନର ଏକ ପ୍ରତିନିଧି ଦଳ ଟୁଇଟ୍ କରି କହିଛି, “୭୬ ତମ ମିଆଁମାର ସାମରିକ ବାହିନୀ ଦିବସକୁ ଆତଙ୍କ ଏବଂ ଅପମାନର ଦିନ ଭାବେ ବିବେଚନା କରାଯିବ। ନିରିହ ପିଲାମାନଙ୍କ ସମେତ ନିଃଶସ୍ତ୍ର ନାଗରିକଙ୍କ ହତ୍ୟା ଅତ୍ୟନ୍ତ ଲଜ୍ୟାଜନକ କାମ।”  ସେହିଭଳି ଆମେରିକାର ରାଷ୍ଟ୍ରଦୂତ ଥୋମାସ ୱାଜଡା  କହିଛନ୍ତି, ‘ସୁରକ୍ଷା ବାହିନୀ ନିଃଶସ୍ତ୍ର ନାଗରିକଙ୍କୁ ହତ୍ୟା କରୁଛି। ଏହା କେବେବି ଏକ ସନ୍ୟ କିମ୍ବା ପୋଲିସର କାମ ହୋଇପାରିବ ନାହିଁ।’

କରୋନା ସଂକ୍ରମଣ ମାମଲା, ବିଏମସି ସିଲ୍ କଲା ଆଲେନ ଇନଷ୍ଟିଚ୍ୟୁଟ୍

ଭୁବନେଶ୍ୱର: କରୋନା ପଜିଟିଭ୍ ଟିହ୍ନଟ ପରେ ଭୁବନେଶ୍ୱର ମୈତ୍ରୀ ବିହାରସ୍ଥିତ ଆଲେନ୍ ଇନଷ୍ଟିଚ୍ୟୁଟକୁ ସିଲ କଲା ବିଏମ୍‌ସି । ଟେଷ୍ଟିଂ ପରେ ଆଲେନ୍ ଇନଷ୍ଟିଚ୍ୟୁଟରୁ ଏକାଧିକ କରୋନା ପଜିଟିଭ ଚିହ୍ନଟ ହୋଇଛନ୍ତି । ଇନଷ୍ଟିଚ୍ୟୁଟରୁ ଏକାଧିକ ପଜିଟିଭ ଚିହ୍ନଟ ପରେ ପଦକ୍ଷେପ ନେଇଛି ବିଏମସି । ଚିହ୍ନଟ ହୋଇଥିବା ଛାତ୍ରଛାତ୍ରୀ ଓ କର୍ମଚାରୀଙ୍କୁ ଆଇସୋଲେସନରେ ରହିବାକୁ ପରାମର୍ଶ ଦିଆଯାଇଛି । ସେହିପରି ପଜିଟିଭ ଚିହ୍ନଟ ବ୍ୟକ୍ତିଙ୍କ ଟ୍ରାଭେଲ ହିଷ୍ଟ୍ରି ଓ କଣ୍ଟାକ୍ଟ ଟ୍ରେସିଂ ଜାରି ରହିଛି । ଶିକ୍ଷାନୁଷ୍ଠାନ ସମ୍ମୁଖରେ ପୋଲିସ ମୁତୟନ ଥିବା ବେଳେ, ଶିକ୍ଷାନୁଷ୍ଠାନକୁ ପ୍ରବେଶ ଓ ପ୍ରସ୍ଥାନ ଉପରେ କଟକଣା ଲାଗୁ ହୋଇଛି । ଆଜି ଖୋର୍ଦ୍ଧା ଜିଲ୍ଲାରୁ ଚିହ୍ନଟ ୭୧ ଜଣଙ୍କ ମଧ୍ୟରୁ ଭୁବନେଶ୍ୱରରୁ ୫୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । କେବଳ ଆଲେନ ଇନଷ୍ଟିଚ୍ୟୁଟରୁ ୩୦ରୁ ଅଧିକ ପଜିଟିଭ ବାହାରିଛନ୍ତି । IIT ଅରଗୁଳ ୩ରୁ ୪ ପଜିଟିଭଙ୍କୁ ଚିହ୍ନଟ କରାଯାଇଛି ।

ସେହିପରି ପୂର୍ବରୁ XIMBରୁ ୨୩ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ । ଶିକ୍ଷାନୁଷ୍ଠାନରୁ ୨୩ ପଜିଟିଭ୍ ଚିହ୍ନଟ ହେବା ପରେ XIMBକୁ ସିଲ୍ କରିଥିଲା ଭୁବନେଶ୍ୱର ମହାନଗର ନିଗମ-ବିଏମସି । ଏହାସହ XIMBକୁ ପ୍ରବେଶ ଓ ପ୍ରସ୍ଥାନ ଉପରେ କଟକଣା ଲଗାଯାଇଥିଲା । IMBକୁ ଲାଗି ରହିଥିବା ଅନ୍ୟ ସମସ୍ତ ଅନୁଷ୍ଠାନର କ୍ୟାମ୍ପସ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଥିଲା । XIMB ଭିତରେ ସମସ୍ତ ଛାତ୍ରଛାତ୍ରୀ ଓ କର୍ମଚାରୀଙ୍କର କୋଭିଡ ଟେଷ୍ଟ କରାଯାଇଥିଲା ।

ଅନ୍ୟପଟେ ଆଜି ଦେଶରେ ୬୨ହଜାର ୭୧୪ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୧୨ଜଣଙ୍କ ଜୀବନ ନେଇଛି କିଲର କରୋନା । ଆଜିର କରୋନା ମୃତ୍ୟୁ ସଂଖ୍ୟା ମିଶାଇ ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ଲକ୍ଷେ ୬୧ହଜାର ୫୫୨ରେ ପହଞ୍ଚିଛି । ଏହାସହ ରାଜ୍ୟରେ ଆଜି ୨୪ ଘଣ୍ଟାରେ ୨୯୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୭୧, ଲୋକାଲ କେସ୍ ୧୧୯ ରହିଛି ।

ମହାରାଷ୍ଟ୍ରରେ ନାଇଟ କର୍ଫ୍ୟୁ: ରାତି ୮ରୁ ସକାଳ ୭ ଭିତରେ ଘରୁ ବାହାରିଲେ କାର୍ଯ୍ୟାନୁଷ୍ଠାନ

ମୁମ୍ବାଇ: ମହାରାଷ୍ଟ୍ରରେ ଦିନକୁ ଦିନ ବେକାବୁ ହେଉଛି କରୋନା । ସ୍ଥିତି ଉଦ୍‌ବେଗଜନକ ହୋଇଥିବାରୁ ରାଜ୍ୟ ସରକାର କଡ଼ା କଟକଣା ଲଗାଇଛନ୍ତି। ଦେଶରେ ପୁଣିଥରେ ଫେରିଛି ନାଇଟ କର୍ଫ୍ୟୁ। କରୋନା ସଂକ୍ରମଣକୁ ଚେକ୍‌ ଦେବା ପାଇଁ ମହାରାଷ୍ଟ୍ରରେ ଆଜିଠାରୁ ରାତ୍ରିକାଳୀନ କର୍ଫ୍ୟୁ ଲାଗୁ ହେବ। ରାତି ୮ଟାରୁ ସକାଳ ୭ଟା ପର୍ଯ୍ୟନ୍ତ ବଳବତ୍ତର ରହିବ ଏହି କର୍ଫ୍ୟୁ । ରାଜ୍ୟର କିଛି ସ୍ଥାନରେ ରାତି ୧୦ଟାରୁ କଟକଣା ଜାରି ହେବ ବୋଲି ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି। ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଏହି କଟକଣା ଜାରି କରାଯାଇଛି।

ଏହି କର୍ଫ୍ୟୁ ସମୟରେ ଅତ୍ୟାବଶକ ସେବା ଜାରି ରହିବ। ବିନା କୌଣସି ଠୋସ୍‌ କାରଣରେ ଘରୁ ବାହାରିଲେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ରାଜ୍ୟ ସରକାର କଡ଼ା ଚେତାବନୀ ଦେଇଛନ୍ତି। ଏଥିସହ ମାସ୍କ ପିନ୍ଧି ଘରୁ ବାହାରିବାକୁ ନିର୍ଦ୍ଦେଶ ଦିଆଯାଇଛି। ମହାରାଷ୍ଟ୍ରରେ ପ୍ରତ୍ୟେକ ଦିନ ୩୫ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି। ଏହାକୁ ମାତ୍‌ ଦେବା ପାଇଁ କର୍ଫ୍ୟୁ ହିଁ ଏକ ମାତ୍ର ରାସ୍ତା ବୋଲି ସରକାର କହିଛନ୍ତି।

ଅନ୍ୟପଟେ ଦେଶରେ ଦେଶରେ ବଢୁଛି କରୋନା ଗ୍ରାଫ୍। ଦିନକରେ ୬୨ହଜାର ୭୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଉ ୩୧୨ଜଣଙ୍କ ଜୀବନ ନେଇଛି କିଲର କରୋନା। ଆଜିର କରୋନା ମୃତ୍ୟୁସଂଖ୍ୟାକୁ ମିଶାଇ ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ଲକ୍ଷେ ୬୧ହଜାର ୫୫୨ରେ ପହଞ୍ଚିଛି।

 

NITରେ ସଂକ୍ରମିତ ଚିହ୍ନଟ ହେବାପରେ ପ୍ରଶାସନ ଓ ଏନଆଇଟି ପକ୍ଷରୁ ବ୍ୟାପକ ବ୍ୟବସ୍ଥା

ରାଉରକେଲା: ରାଉରକେଲା ଏନଆଇଟିରେ ୭ ଜଣ ଛାତ୍ର ଓ କର୍ମଚାରୀ କରୋନା ପଜିଟିଭ ଚିହ୍ନଟ ହେବା ପରେ କରୋନା ଆକ୍ରାନ୍ତଙ୍କ ସଂଖ୍ୟା ଯେପରି ବୃଦ୍ଧି ନପାଇବ ସେନେଇ ପ୍ରଶାସନ ଓ ଏନଆଇଟି ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।  କରୋନା ଆକ୍ରାନ୍ତଙ୍କୁ ଗୋଟିଏ ଗେଷ୍ଟ ହାଉସରେ ରଖାଯାଇଛି ।  ଅଧିକ ସଂକ୍ରମଣ ରୋକିବା ପାଇଁ ଏନ ଆଇ ଟି ପକ୍ଷରୁ ସମସ୍ତ ପଦକ୍ଷେପ ନିଆଯାଇ ଥିବାବେଳେ ଗତକାଲି ୧୫୦ଜଣଙ୍କ କରୋନା ଟେଷ୍ଟ କରାଯାଇଛି ।

ଆଜି ଅଧିକ କରୋନା ଟେଷ୍ଟ କରାଯିବାର ବ୍ୟବସ୍ଥା କରାଯାଇଛି । କରୋନା ଟେଷ୍ଟ ହେଵା ପରେ ଛାତ୍ରଛାତ୍ରୀ ହଷ୍ଟେଲ ଖାଲି କରିବେ ବୋଲି ଏନ ଆଇ ଟି ପକ୍ଷରୁ ସୂଚନା ଦିଆଯାଇଛି। ଏହାସହ କରୋନାକୁ ଦୃଷ୍ଟିରେ ରଖି ଏନ ଆଇ ଟି  ଛାତ୍ରଛାତ୍ରୀଙ୍କ ପରୀକ୍ଷା ଅନ୍ ଲାଇନରେ ଅନୁଷ୍ଠିତ ହେଵ ବୋଲି ନିଷ୍ପତ୍ତି ହୋଇଛି ।  ଅନଲାଇନ ପରୀଷା ଶୃଙ୍ଖଳିତ ଭାବେ କରିବା ପାଇଁ ଏକ କମିଟି ଗଠନ କରାଯାଇଛି ।

ଅନ୍ୟପକ୍ଷରେ ରାଉରକେଲା ସହରର ବିଭିନ୍ନ ବଜାରରେ ପୋଲିସ ଓ ପ୍ରଶାସନ ପକ୍ଷରୁ ଯାଞ୍ଚ ବ୍ୟବସ୍ଥା କଡାକଡି କରାଯାଇଛି । ସାମାଜିକ ଦୁରତ୍ଵ ଓ ମାସ୍କ ପିନ୍ଧିବା ପାଇଁ ପ୍ରଶାସନ ପକ୍ଷରୁ ସହରଵାସୀଙ୍କୁ ସଚେତନ କରାଯାଉଛି । ରାଉରକେଲା ଏସପି ଓ ରାଉରକେଲା ଅତିରିକ୍ତ ଜିଲ୍ଲାପାଳ ସହରର ବିଭିନ୍ନ ବଜାର ଗସ୍ତ କରି ସହରବାସୀଙ୍କୁ ସଚେତନ କରୁଛନ୍ତି ।