spot_img
Home Blog Page 5932

ଯୁବକ ଯୁବତୀଙ୍କୁ ହତ୍ୟା କରି ସମୁଦ୍ର କୂଳରେ ଫିଙ୍ଗିଦେଲେ !

ପଟ୍ଟମୁଣ୍ଡାଇ: ରାଜନଗର ପେଣ୍ଠ ସମୁଦ୍ର କୂଳରୁ ୨ ମୃତଦେହ ଉଦ୍ଧାର ଘଟଣା । ମୃତ ଯୁବକ, ଯୁବତୀଙ୍କୁ ହତ୍ୟା କରାଯାଛି । ପ୍ରାଥମିକ ତଦନ୍ତରୁ ଉଭୟଙ୍କୁ ହତ୍ୟା କରାଯାଇଥିବା ପୋଲିସ କହିଛି । ପାଟ୍ରୋଲିଂ ବେଳେ ବନ ବିଭାଗ କର୍ମଚାରୀ ଯୁବକ, ଯୁବତୀଙ୍କ ମୃତଦେହ ବେଳାଭୂମିରେ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ପୋଲିସ ତଦନ୍ତ ଜାରି ରଖିଛି ।

College Boy And Girl Found Dead In Rajnagar Sea Beach, Murder Suspect

ଉଭୟ ମୃତକଙ୍କ ପରିଚୟ ମିଳିଛି । ଯୁବକ ଜଣଙ୍କ ରାଜନଗର ବ୍ଲକ ଓସ୍ତିଆ ଗାଁର ପ୍ରଶାନ୍ତ ପାତ୍ର । ସେ ଭୁବନେଶ୍ୱର ରାଜଧାନୀ କଲେଜର ଯୁକ୍ତ ଦୁଇ କଳାର ଛାତ୍ର । ଯୁବତୀ ଜଣଙ୍କ ପଟ୍ଟାମୁଣ୍ଡାଇ ଥାନା ଚନ୍ଦନନଗର ଗାଁର ପୂର୍ଣ୍ଣିମା ମହାନ୍ତି । ପୂର୍ଣ୍ଣିମା ପଟ୍ଟାମୁଣ୍ଡାଇ ମହିଳା ମହାବିଦ୍ୟାଳୟର ଯୁକ୍ତ ଦୁଇ କଳା ଛାତ୍ରୀ । ଉଭୟ ତିନିଦିନ ତଳୁ ନିଖୋଜ ନେଇ ଥାନାରେ ଲିଖିତ ଅଭିଯୋଗ ହୋଇଥିଲା ।

ଶୁକ୍ରବାର ଉଭୟଙ୍କ କ୍ଷତାକ୍ତ ମୃତଦେହ ପେଣ୍ଠ ବେଳାଭୂମି ନିକଟରୁ ମିଳିଥିଲା । ପରିବାର ଲୋକ ଉଭୟଙ୍କୁ ଚିହ୍ନଟ କରିଛନ୍ତି । ଉଭୟଙ୍କୁ ହତ୍ୟା କରାଯାଇଛି ବୋଲି ପ୍ରାଥମିକ ତଦନ୍ତରୁ ପୋଲିସ ସୂଚନା ଦେଇଥିବା ବେଳେ କେଉଁ ପରିସ୍ଥିତିରେ କିଭଳି ମୃତ୍ୟୁ ହେଲା ତାର ତଦନ୍ତ କରୁଛି ପୋଲିସ ।

ସିଲ୍ ହେଲା ଆଉ ଏକ କଲେଜ୍, ଅନୁମତି ନନେଇ ଚାଲିଥିଲା ଡିଜେ ନାଇଟ୍

ଭୁବନେଶ୍ୱର: କରୋନା ସଂକ୍ରମଣକୁ ଫୁ । ସିଲ୍ ହେଲା ଭୁବନେଶ୍ୱର ସ୍ଥିତ ରିଜିଓନାଲ କଲେଜ ଅଫ୍ ମ୍ୟାନେଜମେଣ୍ଟ ।  କୋଭିଡ୍ ନିୟମ ଉଲ୍ଲଘଂନ କରିଥିବାରୁ କଲେଜକୁ ସିଲ୍ କରିଛି ବିଏମସି । କୋଭିଡ୍ କଟକଣାକୁ ଦୁଷ୍ଟିରେ ରଖି କୌଣସି ସାଂସ୍କୃତିକ କାର୍ଯ୍ୟକ୍ରମ ପାଇଁ ଅନୁମତି ଦିଆଯାଉନାହିଁ ।

BMC Sealed RCM For Covid-19 Norms Violation

ଏଭଳି ସ୍ଥଳେ ଆରସିଏମ କଲେଜ ନିୟମକୁ ଉଲ୍ଲଂଘନ କରି ବିନା ଅନୁମତିରେ ଡିଜେ ନାଇଟ୍ ଆୟୋଜନ କରିଥିଲା । ଯେତେବେଳେ କି ବିଏମସି କେବଳ ସେମିନାର ଲାଗି ଅନୁମତି ଦେଇଥିଲା । ବିଏମସି ଆରସିଏମ୍ କଲେଜକୁ ସିଲ୍ କରିବା ସହ କାରଣ ଦର୍ଶାଅ ନୋଟିସ୍ ଜାରି କରିଛି ।

ଆରପାରିରେ ବ୍ରିଟେନ୍ ରାଣୀ ଏଲିଜାବେଥ ଦ୍ୱିତୀୟଙ୍କ ସ୍ୱାମୀ ପ୍ରିନ୍ସ ଫିଲିପ୍

ବ୍ରିଟେନ୍: ରାଣୀ ଏଲିଜାବେଥ ଦ୍ୱିତୀୟଙ୍କ ସ୍ୱାମୀ ପ୍ରିନ୍ସ ଫିଲିପଙ୍କ ୯୯ ବର୍ଷ ବୟସରେ ଦେହାନ୍ତ ଘଟିଛି । ଦ ରୟାଲ୍ ଫ୍ୟାମିଲି ପକ୍ଷରୁ ଏକ ବିଜ୍ଞପ୍ତିରେ କୁହାଯାଇଛି ଯେ ରାଣୀଙ୍କ ସ୍ୱାମୀ ପ୍ରିନ୍ସ ଫିଲିପ୍- ଡ୍ୟୁକ୍ ଅଫ୍ ଏଡିନବର୍ଗଙ୍କ ଦେହାନ୍ତ ହୋଇଛି । ସେ ଆଜି ସକାଳେ ୱିଣ୍ଡସର କେସଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି।

ଆଗାମୀ ଜୁନ୍ ୧୦ ତାରିଖରେ ପ୍ରିନ୍ସ ଫିଲିପ ନିଜର ୧୦୦ ତମ ଜନ୍ମଦିନ ପାଳିଥାନ୍ତେ । ସେ ୧୯୨୧ ମସିହା ଜୁନ୍ ୧୦ ତାରିଖରେରେ ଗ୍ରୀକ୍ କରଫୁ ଦ୍ୱୀପରେ ଜନ୍ମଗ୍ରହଣ କରିଥିଲେ ।

ଲଣ୍ଡନର ବଙ୍କିମହାମ ପ୍ୟାଲେସ ପକ୍ଷରୁ ତାଙ୍କ ଦେହାନ୍ତ ନେଇ ଘୋଷଣା କରାଯାଇଛି । ଗତ ଫେବ୍ରୁଆରୀରେ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ହୃଦରୋଗରେ ପୀଡିତ ହୋଇ ସେ ଅନେକ ଦିନ ଧରି ଚିକିତ୍ସାଧିନ ଥିଲେ । ମାର୍ଚ୍ଚ ମାସରେ ହିଁ ସେ ହସ୍ପିଟାଲରୁ ଫେରିଥିଲେ। ଫିଲିଫଙ୍କର ଦେହାନ୍ତ ପରେ ସାରା ବିଶ୍ୱର ନେତା ମାନେ ଶୋକ ପ୍ରକାଶ କରିଛନ୍ତି । ୧୯୪୭ ମସିହାରେ ସେ ଏଲିଜାବେଥ୍ ଦ୍ୱିତୀୟଙ୍କୁ ସେ ବିବାହ କରିଥିଲେ । ତାଙ୍କର ୪ ଜଣ ସନ୍ତାନ, ୮ ଜଣ ନାତି ନାତୁଣି ଏବଂ ୧୦ ଜଣ ଅଣ ନାତି ନାତୁଣି ଅଛନ୍ତି ।

ପୁଣି ଟିକା ଯୋଗାଣ ପାଇଁ କେନ୍ଦ୍ରକୁ ଚିଠି ଲେଖିଲା ଓଡ଼ିଶା

ଭୁବନେଶ୍ୱର: ଓଡ଼ିଶାକୁ ଅତି କମରେ ଯୋଗାଇ ଦିଆଯାଉ ୨୫ ଲକ୍ଷ ଟିକା । ଏନେଇ କେନ୍ଦ୍ରକୁ ଚିଠି ଲେଖିଲେ ରାଜ୍ୟ ସରକାର । ଟିକା ଉତ୍ସବକୁ ସଫଳ କରିବାକୁ ଟିକା ଯୋଗାଇବାକୁ ଚିଠି ଲେଖିଲେ ରାଜ୍ୟ ସକକାରଙ୍କ ସ୍ୱାସ୍ଥ୍ୟ ସଚିବ ପି.କେ ମହାପାତ୍ର । ରାଜ୍ୟରେ ଏ ପର୍ଯ୍ୟନ୍ତ ୩୯ ଲକ୍ଷ ୮୪ ହଜାର ୮୭୮ ଜଣ ଆଗଧାଡ଼ିର କରୋନା ଯୋଦ୍ଧା, ସ୍ୱାସ୍ଥ୍ୟକର୍ମୀ ଓ ୪୫ ବର୍ଷରୁ ଅଧିକ ବୟସ୍କ ବ୍ୟକ୍ତିଙ୍କୁ ଟିକା ଦିଆ ସରିଛି । ଏବେ ଓଡ଼ିଶାରେ ଦୈନିକ ୩ ଲକ୍ଷ ଟିକାକରଣ ଲକ୍ଷ୍ୟ ରହିଛି ।

ହେଲେ ଆବଶ୍ୟକୀୟ ଟିକା ଅଭାବରୁ ଧାର୍ଯ୍ୟ ହୋଇଥିବା ଟିକାକରଣ ଲକ୍ଷ୍ୟ ହାସଲ ହେବନି । ପ୍ରଧାନମନ୍ତ୍ରୀଙ୍କ ଘୋଷଣା ଅନୁଯାୟୀ ଏପ୍ରିଲ ୧୧ରୁ ୧୪ ଯାଏ ସମଗ୍ର ଦେଶରେ ଟିକା ଉତ୍ସବ ପାଳନ ହେବ । ହେଲେ ରାଜ୍ୟ ପାଇଁ ଅତି କମରେ ୨୫ ଲକ୍ଷ ଟିକାର ଆବଶ୍ୟକ ରହିଛି । ଏହା ମିଳିଲେ ରାଜ୍ୟରେ  ଟିକାକରଣ ଉତ୍ସବ ସଫଳ ହୋଇ ପାରିବ ।

ରାଫେଲ ଦୁର୍ନୀତିକୁ ନେଇ ପ୍ରଧାନମନ୍ତ୍ରୀଙ୍କୁ ଘେରିଲେ ରାହୁଲ

ନୂଆଦିଲ୍ଲୀ: ରାଫେଲ ଦୁର୍ନୀତିକୁ ନେଇ ପ୍ରଧାନମନ୍ତ୍ରୀଙ୍କୁ ଘେରିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ। ଛାତ୍ରଛାତ୍ରୀଙ୍କୁ ସମ୍ବୋଧନ କରିବା ସହ ପ୍ରଧାନମନ୍ତ୍ରୀଙ୍କୁ ୩ଟି ପ୍ରଶ୍ନ ପଚାରିଛନ୍ତି । ପରୀକ୍ଷା ପେ ଚର୍ଚ୍ଚା ବେଳେ ମୋଦି ଦେଇଥିବା ପରାମର୍ଶକୁ ମଧ୍ୟ ରାହୁଲ ଟାର୍ଗେଟ କରିଛନ୍ତି । କୌଣସି ପ୍ରଶ୍ନକୁ ନଡରି ଉତ୍ତର ଦେବାକୁ ପ୍ରଧାନମନ୍ତ୍ରୀ କହିଥିଲେ ।

ତେଣୁ ଏହି ପ୍ରଶ୍ନ ଗୁଡିକୁ ମଧ୍ୟ ନଡରି ପ୍ରଧାନମନ୍ତ୍ରୀ ଉତ୍ତରଦେବେ କି ବୋଲି ରାହୁଲ ପଚାରିଛନ୍ତି । ରାହୁଲ ପଚାରିଥିବା ପ୍ରଶ୍ନ ଗୁଡିକ ହେଲା ରାଫେଲ ଦୁର୍ନୀତିରେ କିଏ ଟଙ୍କା ଖାଇଛି । ଦ୍ୱିତୀୟରେ ରାଫେଲ ଚୁକ୍ତିରୁ ଦୁର୍ନୀତି ବିରୋଧୀ ବ୍ୟବସ୍ଥାକୁ ହଟେଇଲା କିଏ । ଏବଂ ତୃତୀୟରେ ପ୍ରତିରକ୍ଷା ବିଭାଗର ଦସ୍ତାବିଜକୁ ମଧ୍ୟସ୍ଥିଙ୍କୁ ଛାନଭିନ କରିବା ପାଇଁ ଅନୁମତି ଦେଲା କିଏ ।

ଏହି ତିନୋଟି ପ୍ରଶ୍ନ ଟୁଇଟ କରି ଉତ୍ତର ମାଗିଛନ୍ତି ରାହୁଲ ଗାନ୍ଧୀ । ଫ୍ରାନ୍ସର ଗଣମାଧ୍ୟମ ମିଡିଆ ପାର୍ଟରେ ରାଫେଲ କିଣାବିକାରେ ଦୁର୍ନୀତି ହୋଇଥିବା ଅଭିଯୋଗ ହୋଇଥିଲା। ଏଥିରେ ଭାରତ ପକ୍ଷରୁ ଥିବା ମିଡିଲ ମ୍ୟାନଙ୍କୁ କୋଟି କୋଟି ଟଙ୍କାର ଲାଞ୍ଚ ଦିଆଯାଇଥିବା ନେଇ ରିପୋର୍ଟ ପ୍ରକାଶ ପାଇଛି ।

୧୦ ଶ୍ରେଣୀ ପିଲାଙ୍କ ପାଇଁ ସହଜରେ ମିଳିବ ଜାତି ପ୍ରମାଣପତ୍ର

ଭୁବନେଶ୍ୱର: ଦଶମ ଶ୍ରେଣୀ ପିଲାଙ୍କ ପାଇଁ ସହଜ ହେବ ଜାତି ପ୍ରମାଣପତ୍ର ସାଙ୍ଗକୁ ଆୟ ଓ ଆବାସିକ ପ୍ରମାଣପତ୍ର। ସରକାରୀ ବୃତ୍ତି ପାଇବା ସହିତ ଉଚ୍ଚ ଶ୍ରେଣୀରେ ନାମଲେଖା ପାଇଁ ଦଶମ ଶ୍ରେଣୀ ପିଲାଙ୍କୁ ଆବଶ୍ୟକ ହେଉଥିବା ଏହି ସବୁ ପ୍ରମାଣପତ୍ର ସହଜ ଓ ସରଳ କରିବାକୁ ରାଜସ୍ୱ ସଚିବ ବିଷ୍ଣୁପଦ ସେଠୀ ଏନେଇ ସବୁ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି।

ଆସନ୍ତା ଶିକ୍ଷାବର୍ଷ ପୂର୍ବରୁ ପ୍ରତି ବିଦ୍ୟାଳୟକୁ ଯାଇ ରାଜସ୍ୱ ନିରୀକ୍ଷକମାନେ କ୍ୟାମ୍ପ କରି ପିଲାମାନଙ୍କୁ ପ୍ରମାଣପତ୍ର ଯୋଗାଇବେ। ଏହି ସବୁ କ୍ୟାମ୍ପରେ ପ୍ରଧାନଶିକ୍ଷକ ଓ ଶ୍ରେଣୀ ଶିକ୍ଷକ ଉପସ୍ଥିତ ରହିବେ। ଜୁଲାଇ ମାସରେ ଆରଆଇ ମାନେ ପ୍ରତି ବିଦ୍ୟାଳୟରେ ସ୍ୱତନ୍ତ୍ର ଶିବିର କରିବେ। ଛାତ୍ରଛାତ୍ରୀମାନେ ସମସ୍ତ ତଥ୍ୟ ଓ ଡକ୍ୟୁମେଣ୍ଟ ସହିତ ଫର୍ମ ପୂରଣ କରି ସ୍ୱତନ୍ତ୍ର ଶିବିରରେ ପ୍ରଧାନ ଶିକ୍ଷକମାନଙ୍କୁ ହସ୍ତାନ୍ତର କରିବେ। ସରକାରୀ ପ୍ରକ୍ରିୟା ମଧ୍ୟରେ ଯଦିଓ ପ୍ରମାଣ ପତ୍ର ଦିଆଯିବ, ହେଲେ ଛାତ୍ରଛାତ୍ରୀ ମାନଙ୍କୁ ଏଥିପାଇଁ ହଇରାଣ ହେବାକୁ ପଡ଼ିବ ନାହିଁ। ଅଗଷ୍ଟ ମାସ ଶେଷ ସୁଦ୍ଧା ରାଜ୍ୟର ସମସ୍ତ ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ପ୍ରମାଣପତ୍ର ଯୋଗାଇବା ପାଇଁ ସମସ୍ତ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ରାଜସ୍ୱ ସଚିବ।

ତେବେ ବିଦ୍ୟାଳୟ ଓ ଗଣଶିକ୍ଷା ବିଭାଗ, ଅନୁସୂଚିତ ଜାତି ଜନଜାତି ବିଭାଗ, ସଂଖ୍ୟାଲଘୁ ଓ ପଛୁଆବର୍ଗ ବିଭାଗ ଓ ମହିଳା ଶିଶୁ ବିକାଶ ବିଭାଗ ଏହି କାର୍ଯ୍ୟରେ ସହେଯାଗ କରିବାକୁ ନିର୍ଦ୍ଦେଶ ରହିଛି । ସ୍କୁଲ ସାର୍ଟିଫିକେଟ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ ପ୍ରତି ଜିଲ୍ଲାରେ ଜଣେ ଡେପୁଟି କଲେକ୍ଟରଙ୍କୁ ନୋଡାଲ ଅଧିକାରୀ ଭାବେ ନିଯୁକ୍ତି ଦିଆଯାଇଛି । ପ୍ରତି ସପ୍ତାହରେ ଉପଜିଲ୍ଲାପାଳ ଏହି କାର୍ଯ୍ୟକ୍ରମର ଅନୁଧ୍ୟାନ କରିବାକୁ ନିର୍ଦ୍ଦେଶ ମଧ୍ୟ ଦିଆଯାଇଛି।

ଓଡ଼ିଶାକୁ ଆସୁଥିବା ରେଳ ଯାତ୍ରୀଙ୍କ ପାଇଁ କୋଭିଡ୍ ଆରଟି-ପିସିଆର୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ

ଭୁବନେଶ୍ୱର: ରେଳ ଯାତ୍ରୀଙ୍କ ପାଇଁ ଗୁରୁତ୍ୱପୂର୍ଣ୍ଣ ସୂଚନା । ଓଡ଼ିଶାକୁ ଆସୁଥିବା ସମସ୍ତ ରେଳଯାତ୍ରୀଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ । ଦେଶର ଯେ କୌଣସି ସ୍ଥାନରୁ  ରେଳଯାତ୍ରା କଲେ ନେଗେଟିଭ୍ ରିପୋର୍ଟ ନିହାତି ଆବଶ୍ୟକ । ଆସନ୍ତାକାଲିଠାରୁ ନିୟମକୁ କଡ଼ାକଡ଼ି କରାଯିବ ।

ଯାତ୍ରାର ୭୨ଘଣ୍ଟା ପୂର୍ବର RTPCR ନେଗେଟିଭ୍ ରିପୋର୍ଟ ଦେବାକୁ ହେବ । ଟିକା ଗ୍ରହଣର ଦ୍ୱିତୀୟ ଡୋଜ୍ ପ୍ରମାଣପତ୍ର ଦେଲେ ମଧ୍ୟ ହେବ । ବିନା କୌଣସି କାଗଜପତ୍ରରେ ଯାତାୟତ କଲେ ୭ ଦିନ କ୍ୱାରେଣ୍ଟାଇନରେ ରହିବାକୁ ପଡିବ । ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଉଥିବା ବେଳେ ଏହାକୁ ନିୟନ୍ତ୍ରଣ କରିବା ପାଇଁ ପ୍ରୟାସ କରାଯାଉଛି ।

ଟିଟିଲାଗଡ଼ ରେଳ ଓଭରବ୍ରିଜର ଉଦଘାଟନ କଲେ ମୁଖ୍ୟମନ୍ତ୍ରୀ

ବଲାଙ୍ଗିର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି  ଭିଡିଓ କନଫରେନ୍ସିଂ ଜରିଆରେ ଟିଟିଲାଗଡ଼ରେ ୧୦୪୨ ମିଟର ଦୀର୍ଘ ଏକ ରେଲୱେ ଓଭରବ୍ରିଜର ଉଦ୍‌ଘାଟନ କରିଛନ୍ତି । ଏଥିପାଇଁ ୭୧.୫୯ କୋଟି ଟଙ୍କା ଖର୍ଚ୍ଚ ହୋଇଛି । ଏହି ଉଦ୍‌ଘାଟନ ଅବସରରେ ମୁଖ୍ୟମନ୍ତ୍ରୀ କହିଛନ୍ତି- ଟିଟିଲାଗଡ଼ ଏକ ଗୁରୁତ୍ୱପୂର୍ଣ୍ଣ ରେଳ ଜଙ୍କସନ୍‌ । ଓଭରବ୍ରିଜ୍ ନିର୍ମାଣ ହେବା ଦ୍ୱାରା ଲୋକଙ୍କ ଗମନାଗମନରେ ଅନେକ ସୁବିଧା ଆସିବା ଟିଟିଲାଗଡ଼ ସହିତ ଭବାନୀପାଟଣା, କେସିଙ୍ଗା ଓ ନୂଆପଡ଼ା ଅଞ୍ଚଳର ଜନସାଧାରଣ ଉପକୃତ ହେବେ ।

 CM Naveen Inaugurated Titilagarh Railway Over Bridge

ମୁଖ୍ୟମନ୍ତ୍ରୀ କହିଥିଲେ- ଟିଟିଲାଗଡ଼ ସହରର ବ୍ୟାପକ ଉନ୍ନତି ରାଜ୍ୟ ସରକାରଙ୍କ ଲକ୍ଷ୍ୟ । ଏହି ROB ସହିତ ଟିଟିଲାଗଡ଼ରେ ଆଧୁନିକ ବସ୍‌ ଷ୍ଟାଣ୍ଡ, ସୁଇମିଂ ପୁଲ୍‌, ମହାରାଜା ସାଗରର ପୁନରୁଦ୍ଧାର, ବର୍ଜ୍ୟ ଜଳ ବିଶୋଧନ ପ୍ଲାଣ୍ଟ ଏବଂ ଆହୁରି ଅନେକ ଉନ୍ନତିମୂଳକ କାର୍ଯ୍ୟ ଜାରି ରହିଛି । ଏହିସବୁ ଗୁଡ଼ିକ ଠିକ୍‌ ସମୟରେ ସମ୍ପୂର୍ଣ୍ଣ ହେବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଥିଲେ ।

ଭିତ୍ତିଭୂମି ବିକାଶର ଆଧାର ବୋଲି ମତ ପ୍ରକାଶ କରି ମୁଖ୍ୟମନ୍ତ୍ରୀ କହିଥିଲେ ଭିତ୍ତିଭୂମିର ବିକାଶ ଉପରେ ସେ ସବୁବେଳେ ଗୁରୁତ୍ୱ ଦେଇ ଆସିଛନ୍ତି । ଓଡ଼ିଶା ଆଜି ଭିତ୍ତିଭୂମି କ୍ଷେତ୍ରରେ ଏକ ଅଗ୍ରଣୀ ରାଜ୍ୟ ହୋଇପାରିଛି । ରାଜ୍ୟରେ ସଡ଼କ, ସେତୁ, ବନ୍ଦର ଆଦି ଭିତ୍ତିଭୂମିର ବିକାଶ ଯୋଗୁଁ ଯୋଗାଯୋଗ କ୍ଷେତ୍ରରେ ବହୁତ ଉନ୍ନତି ଆସିଛି । ଭିତ୍ତିଭୂମି ସମସ୍ତଙ୍କର ସମ୍ପତ୍ତି ବୋଲି ପ୍ରକାଶ କରି, ସମସ୍ତେ ଏହାର ଯତ୍ନ ନେବାକୁ ମୁଖ୍ୟମନ୍ତ୍ରୀ ନିବେଦନ କରିଥିଲେ ।

 CM Naveen Inaugurated Titilagarh Railway Over Bridge

କରୋନାର ଦ୍ୱିତୀୟ ଲହରକୁ ରୋକିବା ପାଇଁ ରାଜ୍ୟ ସରକାରଙ୍କ ଉଦ୍ୟମରେ ଜନସାଧାରଣ ସହଯୋଗ କରିବାକୁ ନିବେଦନ କରି ମୁଖ୍ୟମନ୍ତ୍ରୀ ସମସ୍ତଙ୍କୁ ମାସ୍କ ପିନ୍ଧିବା ପାଇଁ ଅନୁରୋଧ କରିଥିଲେ । ଏହି କାର୍ଯ୍ୟକ୍ରମରେ ଭିଡିଓ କନଫରେନ୍ସିଂ ଜରିଆରେ ଯୋଗ ଦେଇ ପୂର୍ତ୍ତମନ୍ତ୍ରୀ ପ୍ରଫୁଲ୍ଲ ମଲ୍ଲିକ କହିଥିଲେ ଯେ ବିକାଶ ପାଇଁ ଗମନାଗମନ ବ୍ୟବସ୍ଥାର ଆବଶ୍ୟକତା ରହିଛି । ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ରାଜ୍ୟରେ ସଡକ ବିକାଶ କାର୍ଯ୍ୟକ୍ରମରେ ଅନେକ ଉନ୍ନତି ଆସିଛି ବୋଲି ସେ କହିଥିଲେ ।

 CM Naveen Inaugurated Titilagarh Railway Over Bridge

ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ ଟିଟିଲାଗଡ ଜନସାଧାରଣଙ୍କ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ । ରେଲ ଓଭରବ୍ରିଜ ସହିତ ଟିଟିଲାଗଡ ପାଇଁ ଚାଲିଥିବା ଅନେକ ବିକାଶମୂଳକ କାର୍ଯ୍ୟକ୍ରମ ସଂପର୍କରେ ଆଲୋକପାତ କରିଥିଲେ ।

ବଲାଙ୍ଗୀର ସାଂସଦ ସଙ୍ଗୀତା ସିଂହଦେଓ କହିଥିଲେ- ଏହାଦ୍ୱାରା ଟିଟିଲାଗଡ଼ ଜନସାଧାରଣଙ୍କର ଏକ ଦୀର୍ଘ ଦିନର ସ୍ୱପ୍ନ ପୂରଣ ହେଲା । ପଶ୍ଚିମ ଓଡ଼ିଶାରେ ହେଉଥିବା ବିକାଶ କାମ ପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇ ସେ କହିଥିଲେ ଯେ ପଶ୍ଚିମ ଓଡ଼ିଶା ପାଇଁ ମୁଖ୍ୟମନ୍ତ୍ରୀଙ୍କର ସ୍ୱତନ୍ତ୍ର ଦୃଷ୍ଟି ରହିଛି । ଏହାସହିତ ମିଶନ ଶକ୍ତିକୁ ଏକ ସ୍ୱତନ୍ତ୍ର ବିଭାଗ କରିଥିବାରୁ ମଧ୍ୟ ସେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ ।

CM Naveen Inaugurated Titilagarh Railway Over Bridge

ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଅସିତ ତ୍ରିପାଠୀ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇ କହିଥିଲେ ଯେ ଆଜି ଟିଟିଲାଗଡ଼ର ସବୁ ଲୋକଙ୍କ ପାଇଁ ବହୁତ ଅନନ୍ଦର ଦିନ । ପଶ୍ଚିମ ଓଡ଼ିଶା ପାଇଁ ଅନେକ ବିକାଶମୂଳକ କାର୍ଯ୍ୟକ୍ରମ ଉପରେ ଆଲୋକପାତ କରି ସେ କହିଥିଲେ ଯେ ମୁଖ୍ୟମନ୍ତ୍ରୀ ପଶ୍ଚିମ ଓଡ଼ିଶାକୁ କେତେ ପ୍ରାଥମିକତା ଦେଉଛନ୍ତି, ଏଥିରୁ ଏହା ସହଜରେ ଅନୁମେୟ ।

 CM Naveen Inaugurated Titilagarh Railway Over Bridge

କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲାର ବିକାଶ କାର୍ଯ୍ୟକ୍ରମ ସମ୍ପର୍କରେ ଏକ ଭିଡିଓ ଚିତ୍ର ପ୍ରଦର୍ଶିତ କରାଯାଇଥିଲା । ମୁଖ୍ୟମନ୍ତ୍ରୀଙ୍କ ସଚିବ 5T ଭି.କେ. ପାଣ୍ଡିଆନ କାର୍ଯ୍ୟକ୍ରମ ପରିଚାଳନା କରିଥିଲେ । ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା, ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର, କୃଷି ଉତ୍ପାଦନ କମିଶନର ଆର୍‌.କେ. ଶର୍ମା, ପୂର୍ତ୍ତ ବିଭାଗ ସଚିବ କିଶନ କୁମାର ପ୍ରମୁଖ ଉପସ୍ଥିତ ଥିଲେ । ଜିଲ୍ଲାପାଳ ସ୍ୱାଗତ ଭାଷଣ ଦେଇଥିଲେ ଏବଂ ଟିଟିଲାଗଡ଼ ସବ୍‌ କଲେକ୍ଟର ଧନ୍ୟବାଦ ଅର୍ପଣ କରିଥିଲେ ।

୬ ମାସ ପରେ ରାଜଧାନୀରେ ରେକର୍ଡ ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜଧାନୀରେ ବଢ଼ୁଛି କରୋନା ସଂକ୍ରମିତଙ୍କ ସଂଖ୍ୟା । ଗତ ୨୪ ଘଣ୍ଟା ମଧ୍ୟରେ ବିଏମସି ଅଞ୍ଚଳରୁ ୧୫୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୬ ମାସ ପରେ ରାଜଧାନୀରେ ସଂକ୍ରମିତଙ୍କ ସଂଖ୍ୟା ୧୫୦ ଟପିଛି । ଗତବର୍ଷ ଅକ୍ଟୋବର ୨୪ରେ ୧୨୨ ଜଣ ସଂକ୍ରମିତ ଚିହ୍ନଟ ହୋଇଥିଲେ । ତା’ପରେ ସଂକ୍ରମିତଙ୍କ ସଂଖ୍ୟା ଖସିବାରେ ଲାଗିଥିଲା । ଏବେ ପୁଣି ମାର୍ଚ୍ଚ ଶେଷ ସପ୍ତାହରୁ ସଂକ୍ରମିତଙ୍କ ସଂଖ୍ୟା ବଢ଼ିଛି ।

ଗତ ୨୪ ଘଣ୍ଟା ମଧ୍ୟରେ ୧୫୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୩୩ଟି ସଂକ୍ରମଣ ମାମଲା କ୍ୱାରେଣ୍ଟାଇନରୁ ଆସିଥିବା ବେଳେ ୧୧୭ଟି ମାମଲା ସ୍ଥାନୀୟ ସଂକ୍ରମଣ । ସ୍ଥାନୀୟ ସଂକ୍ରମଣ ମାମଲା ମଧ୍ୟରେ ନୟାପଲ୍ଲୀ ଓ ପଟିଆରୁ ସର୍ବାଧିକ ୧୨ ଜଣ ଲେଖାଏ ପଜିଟିଭ୍ ମାମଲା ଆସିଛି । ଓଲ୍ଡ ଟାଉନରୁ ୭, ସହିଦ ନଗର ଓ ରସୁଲଗଡ଼ରୁ ୬ ଜଣ ଲେଖାଏଁ, ବରମୁଣ୍ଡା ଓ କଳିଙ୍ଗ ନଗରରୁ ୫ ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି ।

ଗତ ୨୪ ଘଣ୍ଟାରେ ବିଏମସି ଅଞ୍ଚଳରୁ ୫୪ ଜଣ ସୁସ୍ଥ ହୋଇଛନ୍ତି । ରାଜଧାନୀରେ ଏଯାବତ୍ ୩୩ ହଜାର ୧୯୩ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୨ ହଜାର ୧୫୭ ଜଣ ସୁସ୍ଥ ହୋଇଛନ୍ତି । ୭୬୫ଟି ସକ୍ରିୟ ସଂକ୍ରମିତ ମାମଲା ରହିଥିବା ବେଳେ ୨୫୦ ଜଣଙ୍କ ମୃତ୍ୟୁ ହୋଇଛି ।

ଆଗାମୀ ନିର୍ଦ୍ଦେଶ ଯାଏଁ ଦିଲ୍ଲୀରେ ସବୁ ସ୍କୁଲ୍ ବନ୍ଦ ନିଷ୍ପତ୍ତି

ନୂଆଦିଲ୍ଲୀ: ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଅନେକ ରାଜ୍ୟ ଶିକ୍ଷାନୁଷ୍ଠାନ ଗୁଡିକୁ ବନ୍ଦ କରି ଦେଇଛନ୍ତି। ଏହି ପରିପ୍ରେକ୍ଷୀରେ ଦିଲ୍ଲୀ ସରକାର ମଧ୍ୟ ସ୍କୁଲ ବନ୍ଦ ଘୋଷଣା କରିଛନ୍ତି। ଆଗାମୀ ନିର୍ଦ୍ଦେଶ ନଆସିବା ଯାଏଁ ଦିଲ୍ଲୀରେ ସବୁ ଘରୋଇ ଓ ସରକାରୀ ସ୍କୁଲ୍ ବନ୍ଦ ରହିବ ବୋଲି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଘୋଷଣା କରିଛନ୍ତି।

କେଜ୍ରିୱାଲ ଟ୍ୱିଟ୍ କରି ଲେଖିଛନ୍ତି ଯେ, କୋଭିଡ ମାମଲା ବୃଦ୍ଧି ହେତୁ ଦିଲ୍ଲୀର ସମସ୍ତ ବିଦ୍ୟାଳୟ (ସରକାରୀ ତଥା ବେସରକାରୀ) ଗୁଡିକରେ ପରବର୍ତ୍ତୀ ନିର୍ଦ୍ଦେଶ ଆସିବା ଯାଏଁ କ୍ଲାସ୍ ବନ୍ଦ ରହିବ।

ଏହାପୂର୍ବରୁ ଦିଲ୍ଲୀ ସରକାର ଘୋଷଣା କରିଥିଲେ ଯେ ଏପ୍ରିଲ ୨ ତାରିଖରୁ ବିଦ୍ୟାଳୟ ଗୁଡ଼ିକରେ ଫିଜିକାଲି ଉପସ୍ଥିତ ହୋଇ କୗେଣସି କ୍ଲାସ ହେବ ନାହିଁ। ନୂତନ ଅଧିବେଶନ ଭର୍ଚୁଆଲ୍ ମୋଡରେ ପରିଚାଳିତ ହେବ। ଦିଲ୍ଲୀରେ ନବମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ମାନେ କେବଳ ପ୍ରାକ୍ଟିକାଲ୍ କ୍ଲାସ କରିବେ ଏବଂ ମଧ୍ୟମ ଅବଧି, ପ୍ରି-ବୋର୍ଡ, ବାର୍ଷିକ ଏବଂ ବୋର୍ଡ ପରୀକ୍ଷାରେ ଦେଖାଯିବା ପାଇଁ ବିଦ୍ୟାଳୟରେ ଡକାଯିବ |

ଦିଲ୍ଲୀର ଶିକ୍ଷା ନିର୍ଦ୍ଦେଶାଳୟ ପକ୍ଷରୁ କୁହାଯାଇଛି ଯେ, ଛାତ୍ରଛାତ୍ରୀ ମାନଙ୍କୁ କେବଳ ଏକାଡେମିକ୍ ମାର୍ଗଦର୍ଶିକା ଦେବା ପାଇଁ ଡକାଯାଇପାରିବ । ଯାହା ଦ୍ୱାରା ସେମାନେ ଆଗାମୀ ପରୀକ୍ଷା ପାଇଁ ପ୍ରସ୍ତୁତ ହୋଇପାରିବେ। ତେବେ ଏଥିପାଇଁ ସେମାନଙ୍କୁ ନିଜ ପିତାମାତାଙ୍କ ଠାରୁ ଏକ ଅନୁମତି ଆଣିବାକୁ ପଡ଼ିବ।