spot_img
Home Blog Page 5931

ଓଡ଼ିଶାରେ ପହଞ୍ଚିଲା ଅଢ଼େଇ ଲକ୍ଷ କୋଭିସିଲ୍ଡ ଟିକା

ଭୁବନେଶ୍ୱର: ଓଡ଼଼ିଶାକୁ ଆସିଲା ଆଉ ଅଢ଼େଇ ଲକ୍ଷ କୋଭିସିଲ୍‌ଡ ଟିକା । ବିମାନବନ୍ଦରରେ ପହଞ୍ଚିବା ପରେ ସ୍ବତନ୍ତ୍ର ସ୍ବତନ୍ତ୍ର ଭ୍ୟାନ୍‌ ଯୋଗେ ରାଜ୍ୟ ଟିକା ଭଣ୍ଡାରକୁ ନିଆଯାଇଛି । ସେଠାରୁ ବିଭିନ୍ନ ଜିଲ୍ଲାକୁ ଟିକା ପଠାଯିବ । ଟିକା ପାଇଁ ବିଭିନ୍ନ ଜିଲ୍ଲାରୁ ଭ୍ୟାନ ଆସି ପହଞ୍ଚିଛି । ରାଜ୍ୟରେ ଦିନକୁ ଅଢ଼େଇ ଲକ୍ଷ କରୋନା ଟିକା ଆବଶ୍ୟକ । ଏବେ 1ଲକ୍ଷ 26 ହଜାର ୭ଶହ ଡୋଜ କୋଭିସିଲ୍‌ଡ ଟିକା ଥିବା ବେଳେ ଆଜି ଆସିଛି ଆଉ ଅଢ଼େଇ ଲକ୍ଷ ଡୋଜ୍‌ । ଏସବୁ ଟିକାକୁ ମିଶାଇଲେ ଆଉ ଦିନେ ଦୁଇଦିନ ରାଜ୍ୟରେ ଟିକାକରଣ ହୋଇପାରିବ । ଆବଶ୍ୟକ ପରିମାଣର ଟିକା ନଆସିଲେ ଟିକାକରଣ ବନ୍ଦ ହେବାର ଆଶଙ୍କା ଅଛି । ରାଜ୍ୟ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ଏହି ସୂଚନା ଦେଇଛନ୍ତି । 10ଦିନ ପାଇଁ କରି 25ଲକ୍ଷ ଟିକା ପାଇଁ କେନ୍ଦ୍ରକୁ ଅବଗତ କରାଇଥିଲା । କିନ୍ତୁ ମାତ୍ର ଅଢ଼େଇ ଲକ୍ଷ ଡୋଜ୍‌ ଆସିଛି । ରାଜ୍ୟରେ ମୋଟ 14 ଶହ 76 ଟିକା କେନ୍ଦ୍ରରେ ଟିକାକରଣ ହେଉଥିଲା। କିନ୍ତୁ ଟିକା ଅଭାବରୁ ୭ ଶହରୁ ଅଧିକ ଟିକାକରଣ କେନ୍ଦ୍ର ବନ୍ଦ ଅଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ହଜାରେ ଟପିଲା କରୋନା ସଂକ୍ରମିତଙ୍କ ସଂଖ୍ୟା

ରାଜ୍ୟକୁ ଆସିବ ଅଢ଼େଇ ଲକ୍ଷ କୋଭିସିଲ୍ଡ ଟିକା

ଭୁବନେଶ୍ୱର: ରାଜ୍ୟକୁ ଆଜି ଆସିବ କୋଭିସିଲ୍ଡ ଟିକା । ଅଢେଇ ଲକ୍ଷ ଟିକା ଆଜି ପହଞ୍ଚିବ । ଟିକା ଅସିବା ପରେ ତୁରନ୍ତ ବିଭିନ୍ନ ଜିଲ୍ଲାକୁ ପଠାଇବା ବ୍ୟବସ୍ଥା ହେବ ବୋଲି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି । ଟିକା ଅଭାବ ଯୋଗୁଁ ରାଜ୍ୟରେ 7ଶହରୁ ଅଧିକ ଟିକାକରଣ କେନ୍ଦ୍ର ବନ୍ଦ ରହିଛି । ରାଜ୍ୟରେ ଏବେ 1ଲକ୍ଷ 26 ହଜାର ୭ଶହ ଡୋଜ କୋଭିସିଲ୍‌ଡ ଟିକା ଅଛି। ଦିନକୁ ଅଢ଼େଇ ଲକ୍ଷ ଟିକା ଆବଶ୍ୟକ । ଆବଶ୍ୟକ ପରିମାଣର ଟିକା ନଆସିଲେ ଟିକାକରଣ ବନ୍ଦ ହୋଇପାରେ । ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ଏହି ସୂଚନା ଦେଇଛନ୍ତି । 10ଦିନକୁ ଟାର୍ଗେଟ କରି 25ଲକ୍ଷ ଟିକା ପାଇଁ କେନ୍ଦ୍ରକୁ ଅବଗତ କରାଇଥିଲା । ପର୍ଯ୍ୟାୟ କ୍ରମେ ଟିକା ପହଞ୍ଚିଲେ ଟିକାର ଅଭାବ ଦୂର ହେବ ବୋଲି ଆଶା କରାଯାଉଛି। ରାଜ୍ୟରେ ମୋଟ 1476 ଟିକା କେନ୍ଦ୍ରରେ ଟିକାକରଣ ହେଉଥିଲା।

ଏଥିସହିତ ପଢ଼ନ୍ତୁ: ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହେଲା ଏସସିବି ନର୍ସିଂ କଲେଜ

ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହେଲା ଏସସିବି ନର୍ସିଂ କଲେଜ

କଟକ: ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହେଲା ଏସସିବି ନର୍ସିଂ କଲେଜ । ଅପରାହ୍ନ ୫ଟା ସୁଦ୍ଧା ହଷ୍ଟେଲ ଖାଲି କରିବାକୁ ନିର୍ଦ୍ଦେଶ । କୋଭିଡ ସଂକ୍ରମଣକୁ ନଜରରେ ରଖି ପଦକ୍ଷେପ । ପରବର୍ତ୍ତୀ ଆଦେଶ ପର୍ଯ୍ୟନ୍ତ ହଷ୍ଟେଲ ବନ୍ଦ କରିବାକୁ ନିର୍ଦ୍ଦେଶ । ଖାଲି କରିବାକୁ ନିର୍ଦ୍ଦେଶକୁ ଅନ୍ତେବାସୀଙ୍କ ବିରୋଧ । ଅପରପକ୍ଷରେ ଗତକାଲି ମଧ୍ୟ ଭୁବନେଶ୍ୱର ସ୍ଥିତ ରିଜିଓନାଲ କଲେଜ ଅଫ୍ ମ୍ୟାନେଜମେଣ୍ଟକୁ ସିଲ୍ କରାଯାଇଛି ।  କୋଭିଡ୍ ନିୟମ ଉଲ୍ଲଘଂନ କରିଥିବାରୁ କଲେଜକୁ ସିଲ୍ କରିଛି ବିଏମସି । କୋଭିଡ୍ କଟକଣାକୁ ଦୁଷ୍ଟିରେ ରଖି କୌଣସି ସାଂସ୍କୃତିକ କାର୍ଯ୍ୟକ୍ରମ ପାଇଁ ଅନୁମତି ଦିଆଯାଉନାହିଁ । ଏଭଳି ସ୍ଥଳେ ଆରସିଏମ କଲେଜ ନିୟମକୁ ଉଲ୍ଲଂଘନ କରି ବିନା ଅନୁମତିରେ ଡିଜେ ନାଇଟ୍ ଆୟୋଜନ କରିଥିଲା । ଯେତେବେଳେ କି ବିଏମସି କେବଳ ସେମିନାର ଲାଗି ଅନୁମତି ଦେଇଥିଲା । ବିଏମସି ଆରସିଏମ୍ କଲେଜକୁ ସିଲ୍ କରିବା ସହ କାରଣ ଦର୍ଶାଅ ନୋଟିସ୍ ଜାରି କରିଛି ।

ଏଥିସହିତ ପଢ଼ନ୍ତୁ: ସିଲ୍ ହେଲା ଆଉ ଏକ କଲେଜ୍, ଅନୁମତି ନନେଇ ଚାଲିଥିଲା ଡିଜେ ନାଇଟ୍

କୁମ୍ଭାରଶାଳରୁ ୯ ଫୁଟିଆ ଅହିରାଜ ଉଦ୍ଧାର

କୁମ୍ଭାରଶାଳରୁ ୯ଫୁଟର ଅହିରାଜ ଉଦ୍ଧାର । ଗଞ୍ଜାମ ଜିଲ୍ଲାର ଖଲିକୋଟ ରେଞ୍ଜ ଅଧିନସ୍ଥ ଗୁରୁଝରି ଗାଁର ବାଇଆ ମୁଦୁଲିଙ୍କ କୁମ୍ଭାର ଶାଳରୁ ଏକ ଅହିରାଜ ସାପ ଉଦ୍ଧାର ହୋଇଛି । ଶାଳରେ ଅହିରାଜଟିକୁ ଦେଖିବା ପରେ ସ୍ନେକ ହେଲ୍ପ ଲାଇନ୍‌କୁ ଖବର ଦେଇଥିଲେ ବାଇଆଙ୍କ ପରିବାର ସଦସ୍ୟ । ଖବର ପାଇବା ପରେ ସ୍ନେକ ହେଲ୍ପଲାଇନ୍‌ ସଦସ୍ୟ ଘଟଣାସ୍ଥଳରେ ପହଞ୍ଚିଥିଲା । ସାପଟିକୁ ସେଠାରୁ ସୁରକ୍ଷିତ ଭାବେ ଉଦ୍ଧାର କରିବା ସହ ଏକ ବ୍ୟାଗ୍‌ରେ ଭର୍ତ୍ତି କରି ଜଙ୍ଗଲରେ ଛାଡ଼ିଦେଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ହଜାରେ ଟପିଲା କରୋନା ସଂକ୍ରମିତଙ୍କ ସଂଖ୍ୟା

ସୁନ୍ଦରଗଡ଼ ଜିଲ୍ଲାରେ ‘ହାଇସ୍କୁଲ ଟ୍ରାନ୍ସଫରମେସନ୍’ ଅଭିଯାନ: କାର୍ଯ୍ୟକ୍ରମର ସମୀକ୍ଷା କରିବେ ୫-ଟି ସଚିବ

ଭୁବନେଶ୍ୱର: ରାଜ୍ୟ ସରକାରଙ୍କ ‘୫-ଟି’ ଓ ‘ମୋ ସରକାର’ ଅଭିଯାନ ଅଧୀନରେ ସୁନ୍ଦରଗଡ଼ ଜିଲ୍ଲାରେ ‘ହାଇସ୍କୁଲ ଟ୍ରାନ୍ସଫରମେସନ’ କାର୍ଯ୍ୟକ୍ରମ ହାତକୁ ନିଆଯାଇଛି । ଏହି କାର୍ଯ୍ୟକ୍ରମ ଜରିଆରେ ଜିଲ୍ଲାରେ ଥିବା ସରକାରୀ ଉଚ୍ଚ ବିଦ୍ୟାଳୟ ଗୁଡ଼ିକର ଭିତ୍ତିଭୂମି ଓ ଶୈକ୍ଷିକ ପରିବେଶରେ ବିଶେଷ ଉନ୍ନତି ପାଇଁ ଖସଡ଼ା ପ୍ରସ୍ତୁତ କରାଯାଉଛି। ଏହାଦ୍ବାରା ସ୍କୁଲର ପରିବେଶକୁ ଆକର୍ଷଣୀୟ କରାଯିବା ସହ ଗୁଣାତ୍ମକ ଶିକ୍ଷାକୁ ପ୍ରୋତ୍ସାହନ ମିଳିବ । ଏହି ଅଭିଯାନକୁ ବିଭିନ୍ନ ମହଲରେ ସ୍ବାଗତ କରାଯାଇଛି । ସୁନ୍ଦରଗଡ଼ ଜିଲ୍ଲାରେ ଥିବା ସରକାରୀ ହାଇସ୍କୁଲ ଗୁଡ଼ିକର ଉନ୍ନତିକରଣ ସହ ସ୍କୁଲ ପରିବେଶକୁ ସମ୍ପୂର୍ଣ୍ଣ ନୂଆ ରୂପ ଦେବା ପାଇଁ ‘୫-ଟି’ ଅଧୀନରେ ରାଜ୍ୟ ସରକାର ବିଶେଷ ଅଭିଯାନ ଆରମ୍ଭ କରିଛନ୍ତି। ଜିଲ୍ଲାରେ ଥିବା ସମସ୍ତ ସରକାରୀ ହାଇସ୍କୁଲକୁ ଏହି ରୂପାନ୍ତରଣ କାର୍ଯ୍ୟକ୍ରମରେ ସାମିଲ କରାଯିବ। ସ୍କୁଲ ପାଇଁ ଆବଶ୍ୟକ ଭିତ୍ତିଭୂମିକୁ ସୁନିଶ୍ଚିତ କରିବା ସହ ଶିକ୍ଷାନୁଷ୍ଠାନ କିପରି ଛାତ୍ରଛାତ୍ରୀଙ୍କ ପାଇଁ ଅଧିକ ଆକର୍ଷଣୀୟ ହୋଇପାରିବ ତ ସେନେଇ  ଗୁରୁତ୍ୱ ଦିଆଯାଉଛି। ବିଦ୍ୟାଳୟରେ ସ୍ମାର୍ଟ କ୍ଲାସରୁମରେ ପାଠପଢ଼ା ସହ ଇ-ଲାଇବ୍ରେରି, ବିଜ୍ଞାନାଗାର, ଖେଳପଡ଼ିଆ, ପାନୀୟ ଜଳ ଏବଂ ସ୍ବଚ୍ଛ ଶୌଚାଳୟ ଆଦି ବିଷୟ ଲାଗି ପ୍ରାଥମିକତା ଦିଆଯାଉଛି । ଆଦିବାସୀ ବହୁଳ ତଥା ଖଣି ପ୍ରଭାବିତ ସୁନ୍ଦରଗଡ଼ ଜିଲ୍ଲାରରେ ମୋଟ ୪୮୨ଟି ଉଚ୍ଚ ବିଦ୍ୟାଳୟ ରହିଛି । ଏହା ଭିତରୁ ସରକାରୀ, ଅନୁଦାନପ୍ରାପ୍ତ ଓ ଟିଆର୍‌ଡବ୍ଲ୍ୟୁ ହାଇସ୍କୁଲକୁ ମିଶାଇ ମୋଟ ୩୮୩ଟି ସ୍କୁଲରେ ଏହି ନବୀକରଣ କାର୍ଯ୍ୟ କରାଯିବ। ଏହି କାର୍ଯ୍ୟକ୍ରମ ପାଇଁ ଜିଲ୍ଲା ଖଣିଜ ପ୍ରତିଷ୍ଠାନ (ଡିଏମ୍‌ଏଫ) ଏବଂ ଓମ୍ବାଡ୍‌ସ ପାଣ୍ଠିରୁ ଆର୍ଥିକ ସହାୟତା ପ୍ରଦାନ କରାଯିବ। ପ୍ରଥମ ପର୍ଯ୍ୟାୟରେ ୪୦ଟି ସ୍କୁଲର ରୂପାନ୍ତରଣ କାର୍ଯ୍ୟ ହାତକୁ ନେଇଛି ସୁନ୍ଦରଗଡ଼ ଜିଲ୍ଲା ପ୍ରଶାସନ। ରାଜ୍ୟ ସରକାରଙ୍କ 5T ସଚିବ ଭି. କାର୍ତ୍ତିକେୟନ୍ ପାଣ୍ଡିଆନ୍ ଆଜି ଦିନ ୧୧ଟାରେ ଭିଡିଓ କନଫରେନ୍ସ ଜରିଆରେ ଏହି କାର୍ଯ୍ୟକ୍ରମର ସମୀକ୍ଷା କରିବେ । ସମୀକ୍ଷା ବୈଠକରେ ସୁନ୍ଦରଗଡ଼ ଜିଲ୍ଲାପାଳ ନିଖିଲ ପବନ କଲ୍ୟାଣଙ୍କ ସହିତ ଜିଲ୍ଲାର ବରିଷ୍ଠ ଅଧିକାରୀମାନେ ସାମିଲ ହେବେ ।

 

ରାଜ୍ୟରେ ହଜାରେ ଟପିଲା କରୋନା ସଂକ୍ରମିତଙ୍କ ସଂଖ୍ୟା

ଭୁବନେଶ୍ୱର: ରାଜ୍ୟରେ ଆଜି ପୁଣି ହଜାରେ ଟପିଲା କରୋନା ସଂକ୍ରମଣ । ୨୪ ଘଣ୍ଟାରେ ୧୩୭୪ ପଜିଟିଭ ଚିହ୍ନଟ ହୋଇଛନ୍ତି । କ୍ବାରେଣ୍ଟାଇନରୁ ୮୧୨, ଲୋକାଲେ କେସ୍ ୫୬୨ । ସୁନ୍ଦରଗଡ଼ରୁ ସର୍ବାଧିକ ୩୫୫, ଖୋର୍ଦ୍ଧାରୁ ୧୯୩, ନୂଆପଡାରୁ ୧୩୫ ଆକ୍ରାନ୍ତ ଚିହ୍ନଟ । ସମ୍ବଲପୁରରୁ ୭୭, ବରଗଡ଼ରୁ ୫୯, ଝାରସୁଗୁଡାରୁ ୫୨, କଟକରୁ ୫୧, ରାୟଗଡ଼ାରୁ ୪୭, କଳାହାଣ୍ଡି ଓ ଷ୍ଟେଟପୁଲରୁ ୪୫ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ପୁରୀରୁ ୪୪ପଜିଟିଭ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୩୩, ଭଦ୍ରକରୁ ୩୦, ମୟୂରଭଞ୍ଜରୁ ୨୬, ଯାଜପୁରରୁ ୨୫, କେନ୍ଦୁଝରରୁ ୨୪, ଗଞ୍ଜାମ ଓ ନବରଙ୍ଗପୁରରୁ ୨୦ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ବାଲେଶ୍ବରରୁ ୧୭, ନୟାଗଡ଼ରୁ ୧୩, ବଲାଙ୍ଗୀରରୁ ୧୨ ପଜିଟିଭ ଚିହ୍ନଟ ହୋଇଛନ୍ତି । ଜଗତସିଂହପୁରରୁ ୯, କୋରାପୁଟ, ଦେଓଗଡ଼ ଓ ଗଜପତିରୁ ୮ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ଢେଙ୍କାନାଳରୁ ୫, ସୋନପୁରରୁ ୪, କନ୍ଧମାଳରୁ ୩, ବୌଦ୍ଧରୁ ୨ କେରାନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୮ହଜାର ୧୮୨ଥିବା ବେଲେ ସୁସ୍ଥ ହେଲେଣି ୩ ଲକ୍ଷ ୩୯ହଜାର ୨୦୦ଜଣ ଆକ୍ରାନ୍ତ । ଆକ୍ଟିଭ  କେସ୍ ୭ହଜାର ୩ରେ ପହଞ୍ଚିଛି ।

ଚଳିତ ସିଜିନ୍‌ର ଦ୍ୱିତୀୟ ମ୍ୟାଚ୍‌ରେ ମୁହାଁମୁହିଁ ହେବେ ଚେନ୍ନାଇ-ଦିଲ୍ଲୀ

0

ମୁମ୍ୱାଇ: ଶନିବାର ଖେଳାଯିବାକୁ ଥିବ ଚଳିତ ଆଇପିଏଲ୍‌ର ଦ୍ୱିତୀୟ ମ୍ୟାଚ୍‌ରେ ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ  ଓ ଚେନ୍ନାଇ ସୁପର କିଙ୍ଗ୍ସ ।ଏହି ମ୍ୟାଚକୁ ନୂଆ ଓ ଅଭିଜ୍ଞ ଅଧିନାୟକଙ୍କ ଲଢ଼େଇ ଭାବେ ବିବେଚନା କରାଯାଇପାରିବ । ଦିଲ୍ଲୀ କ୍ୟାପିଟାଲ୍ସ ଋଷଭ ପନ୍ଥଙ୍କୁ ଅଧିନାୟକ ଦାୟିତ୍ୱ ଦେଇଥିବା ବେଳେ ତାଙ୍କ ସାମ୍ନାରେ ରହିବେ ସବୁଠୁ ଅଭିଜ୍ଞ ଅଧିନାୟକ ମହେନ୍ଦ୍ର ସିଂହ ଧୋନି ।  ଉଭୟ ଦଳ ବିଜୟରୁ ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛନ୍ତି । ଗତ ବର୍ଷ ଏହି ଦୁଇ ଦଳ ଭିନ୍ନ ଭିନ୍ନ ପଥରେ ରହିଥିଲେ । ଶ୍ରେୟସ ଆୟରଙ୍କ ଦିଲ୍ଲୀ କ୍ୟାପିଟାଲ୍ସ ଫାଇନାଲ ଖେଳିଥିବା ବେଳେ ଚେନ୍ନାଇ ନିରାଶଜନକ ପ୍ରଦର୍ଶନ କରି ନିଜ ଇତିହାସରେ ପ୍ରଥମ ଥର ପ୍ଳେ ଅଫ୍ ନଖେଳିପାରି ଫେରିଥିଲେ । ଦିଲ୍ଲୀ ଏଥର ନିଜ ଅଧୁରା ସ୍ୱପ୍ନକୁ ସାକାର କରିବା ଲାଗି ଠିକଣା ପଥରେ ରହିବାକୁ ଚେଷ୍ଟା କରିବ । ୩ ଥର ବିଜେତା ଚେନ୍ନାଇ ଗତ ସିଜିନ୍‌ରେ ସପ୍ତମ ସ୍ଥାନକୁ ଭୁଲି ଭଲ ଆରମ୍ଭ ଆଶାରେ ରହିଛି । ମାହି ଭାଇଙ୍କ ବିପକ୍ଷ ପ୍ରଥମ ମ୍ୟାଚ୍‌ ମୋ ପାଇଁ ଭଲ ଅଭିଜ୍ଞତା ଦେବ ବୋଲି କିଛି ଦିନ ତଳେ ପନ୍ଥ ପ୍ରକାଶ କରିଥିଲେ ତାଙ୍କଠାରୁ ମୁଁ ଅନେକ କିଛି ଶିଖିଛି । ମୁଁ ,ବେ ମୋ ନିଜ ଅଭିଜ୍ଞତାକୁ ଉପଯୋଗ କରିବି ଏବଂ ତାଙ୍କଠାରୁ ଶିଖଇବା ଜାରି ରଖିବି ବୋଲି ପନ୍ଥ ମଧ୍ୟ ପ୍ରକାଶ କରିଥିଲେ । ଶିଖର ଧାଓ୍ୱନ, ପୃଥ୍ୱୀ ସ’ ଅଜିଙ୍କ୍ୟ ରାହାଣେ, ଷ୍ଟିଭେନ୍ ସ୍ମିଥ୍ ଏବଂ ପନ୍ଥଙ୍କୁ ନେଇ ଦିଲ୍ଲୀରେ ବ୍ୟାଟିଂକ୍ରମ ଭଲ ରହିଥିବାରୁ ପ୍ରଥମ ମ୍ୟାଚରୁ ଏହି ଦଳ ପ୍ରଭାବ ବିସ୍ତାର କରିବ ବୋଲି ଆଶା ରଖିଛି । ଧାଓ୍ୱନ ଗତ ବର୍ଷର ଦ୍ୱିତୀୟ ଅଗ୍ରଣୀ ସ୍କୋରର ଥିଲେ (୬୧୮ରନ୍) ଇଂଲଣ୍ଡ ବିପକ୍ଷ ସଦ୍ୟ ସମାପ୍ତ ଦିନିକିଆ ଶୃଙ୍ଖଳାରେ ମଧ୍ୟ ଚମତ୍କାର ଫର୍ମରେ ରହିଥିଲେ । ସେହିଭଳି ବିଜୟ ହଜାରେ ଟ୍ରଫିରେ ୮୨୭ ରନ୍‌ ସଂଗ୍ରହ କରି ଆସିଥିବା ପୃଥ୍ୱି ସ’ ମଧ୍ୟ ତାଙ୍କ ପ୍ରାରମ୍ଭିକ ପାର୍ଟନର ହେବା ନିଶ୍ଚିତ । ଅଷ୍ଟ୍ରେଲିଆ ଓ ଇଂଲଣ୍ଡ ବିପକ୍ଷ ଶୃଙ୍ଖଳାରେ ଚମତ୍କାର ଫର୍ମ ଦେଖାଇଥିବା ଋଷଭ ପନ୍ଥ ମଧ୍ୟ ଏହାକୁ ଜାରି ରଖିବେ ବୋଲି ପ୍ରଶିକ୍ଷକ ରିକି ପଣ୍ଟିଂ ଆଶାବାଦୀ ଅଛନ୍ତି । ଅଲରାଉଣ୍ଡରମାର୍କସ ଷ୍ଟାଇନିସଙ୍କ ସହ ସିମ୍ରନ ହେଟମାୟର, ସାମ୍ ବଲିଙ୍ଗ୍ସ ବିଦେଶୀ ଖେଳାଳିଙ୍କ ମଧ୍ୟ ସାମିଲ ଥିବାରୁ ସମନ୍ୱୟ ରଖିବାରେ ଏମାନେ ବଡ଼ ଭୂମିକା ତୁଲାଇବେ ।

ଏଥିସହିତ ପଢ଼ନ୍ତୁ: ଉଦଘାଟନୀ ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ୨ ୱିକେଟରେ ହରାଇଲା ବେଙ୍ଗଳୁରୁ

ଆସନ୍ତା ୧୫ ତାରିଖ ଯାଏଁ ବଢ଼ିବ ନାହିଁ ତାପମାତ୍ରା

ଭୁବନେଶ୍ୱର: ଆସନ୍ତା ୧୫ ତାରିଖ ଯାଏଁ ରାଜ୍ୟରେ ବଢିବ ନାହିଁ ତାପମାତ୍ରା । ସବୁଠି ସ୍ବାଭାବିକ ତାପମାତ୍ରା ରହିବ । କାଳବୈଶାଖୀ ପ୍ରଭାବରେ ପାରଦ ତଳମୁହାଁ ହେବ ବୋଲି ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଉତ୍ତର, ଆଭ୍ୟନ୍ତରୀଣ ଏବଂ ଉପକୂଳ ଓଡ଼ିଶାରେ ଘଡଘଡି ବିଜୁଳି ସହ ବର୍ଷା ପାଇଁ ତାପମାତ୍ରା ହ୍ରାସ ହେବ । କାଳବୈଶାଖୀ ବର୍ଷା ସମେତ କିଛି ସ୍ଥାନରେ କୁଆପଥର ବୃଷ୍ଟି ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆଜି ଘଡଘଡି ବିଜୁଳି ସହ ବର୍ଷା ପାଇଁ ୯ଟି ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି । ମୟୂରଭଞ୍ଜ, ବାଲେଶ୍ବର, ଭଦ୍ରକ, କେନ୍ଦୁଝର, ଯାଜପୁର, କେନ୍ଦ୍ରପଡା, କୋରାପୁଟ, ଗଜପତି ଏବଂ ରାୟଗଡା ଜିଲ୍ଲାକୁ ସତର୍କତା ଜାରି କରାଯାଇଛି । ଏହି ସବୁ ଜିଲ୍ଲାରେ ଘଣ୍ଟାପ୍ରତି ୪୦ ରୁ ୫୦ କିଲୋମିଟର ବେଗରେ ପବନ ବହିବା ସହ କୁଆପଥର ବୃଷ୍ଟି ହେବାର ସମ୍ଭାବନା ରହିଛି । ଏହାସହ କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ, ଅନୁଗୁଳ, ଗଞ୍ଜାମ, ବୌଦ୍ଧ, ସୁନ୍ଦରଗଡ, ମାଲକାନଗିର, କନ୍ଧମାଳ, କଳାହାଣ୍ଡି ଏବଂ ନବରଙ୍ଗପୁରକୁ ୟେଲୋ ଆଲର୍ଟ ଜାରି କରାଯାଇଛି ।

ଏଥିସହିତ ପଢ଼ନ୍ତୁ: ରାଫେଲ ଦୁର୍ନୀତିକୁ ନେଇ ପ୍ରଧାନମନ୍ତ୍ରୀଙ୍କୁ ଘେରିଲେ ରାହୁଲ

ଉଦଘାଟନୀ ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ୨ ୱିକେଟରେ ହରାଇଲା ବେଙ୍ଗଳୁରୁ

ଚେନ୍ନାଇ: ଇଣ୍ଡିଆନ୍ ପ୍ରିମିୟର ଲିଗର ପ୍ରଥମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁ ବିଜୟୀ ହୋଇଛି । ମୁମ୍ବାଇ ଇଣ୍ଡିଆନ୍ସକୁ ୨ ୱିକେଟରେ ହରାଇଛି ଆରସିବି । ଟସ୍ ଜିତି ପ୍ରଥମେ ଆରସିବି, ମୁମ୍ବାଇକୁ ବ୍ୟାଟିଂ ଲାଗି ଆମନ୍ତ୍ରଣ କରିଥିଲା । ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ୧୫୯ ରନ୍ କରିଥିଲା ରୋହିତ ଶର୍ମାଙ୍କ ମୁମ୍ବାଇ ଇଣ୍ଡିଆନ୍ସ । ବିରାଟ କୋହଲି ୬୦୦୦ ରନ୍ ପୂରଣ କରି ପ୍ରଥମ ଅଧିନାୟକ ଭାବେ ଆଇପିଏଲରେ ନିଜ ନାଁରେ ରେକର୍ଡ କରିଛନ୍ତି ।

IPL Royal Challengers Bangalore won by 2 wicket Against MI

୧୬୦ ରନର ବିଜୟ ଲକ୍ଷ୍ୟ ପିଛା କରି ବ୍ୟାଟିଂ ଆରମ୍ଭ କରିଥିବା ଆରସିବିକୁ ୫ ଓଭରରେ ପ୍ରଥମ ଝଟକା ଲାଗିଥିଲା । ୧୦ ରନ୍ କରି ୱାଶିଂଟନ୍ ସୁନ୍ଦର ଆଉଟ୍ ହୋଇଥିଲେ । ୬ ଓଭରରେ ରଜତ ପାଟିଦାର ୮ ରନ୍ କରି ବୋଲ୍ଟଙ୍କ ଶିକାର ହୋଇଥିଲେ । ପ୍ରଥମ ପାୱାର ପ୍ଲେରେ ୪୬ ରନ୍ କରି ବେଙ୍ଗଳୁରୁ ୨ ୱିକେଟ୍ ହରାଇଥିଲା । ଆରସିବି ପକ୍ଷରୁ ଡେ ଭିଲର୍ସ ସର୍ବାଧିକ ୪୮ ରନ୍ କରିଥିବା ବେଳେ ମ୍ୟାକ୍ସ ୱେଲ୍ ୩୯, ବିରାଟ କୋହଲି ୩୩ ରନ୍ କରିଥିଲେ ।

IPL Royal Challengers Bangalore won by 2 wicket Against MI

ଶେଷ ଓଭର ମ୍ୟାଚ୍ ବେଶ୍ ସଂଘର୍ଷପୂର୍ଣ୍ଣ ଥିଲା । ଦଳକୁ ବିଜୟ ପାଇଁ ମାତ୍ର ୨ ରନ୍ ଆବଶ୍ୟକ ଥିବାବେଳେ ଡେ ଭିଲର୍ସ ଆଉଟ୍ ହୋଇଥିଲେ । ବିଜୟ ପାଇଁ ଆଉ ଏକ ରନ୍ ଆବଶ୍ୟକ ଥିବାବେଳେ ରାହୁଲ୍ ଚହର ମଧ୍ୟ ଆଉଟ୍ ହୋଇଥିଲେ । ତେବେ ଶେଷ ବଲରେ ମାର୍କୋ ଜନସେନ ୧ ରନ୍ କରି ଦଳକୁ ରୋମାଞ୍ଚକର ବିଜୟ ଭେଟି ଦେଇଥିଲେ । ମୁମ୍ବାଇ ଓ ବେଙ୍ଗଳୁରୁ ମଧ୍ୟରେ ଆଇପିଏଲରେ ମୋଟ ୨୭ଟି ମ୍ୟାଚ୍ ଖେଳାଯାଇଛି । ସେଥିରୁ ୧୭ଟିରେ ମୁମ୍ବାଇ ବିଜୟୀ ହୋଇଥିବା ବେଳେ ୧୦ଟି ଜିତିଛି ବେଙ୍ଗଳୁରୁ ।

ଯୁବକ ଯୁବତୀଙ୍କୁ ହତ୍ୟା କରି ସମୁଦ୍ର କୂଳରେ ଫିଙ୍ଗିଦେଲେ !

ପଟ୍ଟମୁଣ୍ଡାଇ: ରାଜନଗର ପେଣ୍ଠ ସମୁଦ୍ର କୂଳରୁ ୨ ମୃତଦେହ ଉଦ୍ଧାର ଘଟଣା । ମୃତ ଯୁବକ, ଯୁବତୀଙ୍କୁ ହତ୍ୟା କରାଯାଛି । ପ୍ରାଥମିକ ତଦନ୍ତରୁ ଉଭୟଙ୍କୁ ହତ୍ୟା କରାଯାଇଥିବା ପୋଲିସ କହିଛି । ପାଟ୍ରୋଲିଂ ବେଳେ ବନ ବିଭାଗ କର୍ମଚାରୀ ଯୁବକ, ଯୁବତୀଙ୍କ ମୃତଦେହ ବେଳାଭୂମିରେ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ପୋଲିସ ତଦନ୍ତ ଜାରି ରଖିଛି ।

College Boy And Girl Found Dead In Rajnagar Sea Beach, Murder Suspect

ଉଭୟ ମୃତକଙ୍କ ପରିଚୟ ମିଳିଛି । ଯୁବକ ଜଣଙ୍କ ରାଜନଗର ବ୍ଲକ ଓସ୍ତିଆ ଗାଁର ପ୍ରଶାନ୍ତ ପାତ୍ର । ସେ ଭୁବନେଶ୍ୱର ରାଜଧାନୀ କଲେଜର ଯୁକ୍ତ ଦୁଇ କଳାର ଛାତ୍ର । ଯୁବତୀ ଜଣଙ୍କ ପଟ୍ଟାମୁଣ୍ଡାଇ ଥାନା ଚନ୍ଦନନଗର ଗାଁର ପୂର୍ଣ୍ଣିମା ମହାନ୍ତି । ପୂର୍ଣ୍ଣିମା ପଟ୍ଟାମୁଣ୍ଡାଇ ମହିଳା ମହାବିଦ୍ୟାଳୟର ଯୁକ୍ତ ଦୁଇ କଳା ଛାତ୍ରୀ । ଉଭୟ ତିନିଦିନ ତଳୁ ନିଖୋଜ ନେଇ ଥାନାରେ ଲିଖିତ ଅଭିଯୋଗ ହୋଇଥିଲା ।

ଶୁକ୍ରବାର ଉଭୟଙ୍କ କ୍ଷତାକ୍ତ ମୃତଦେହ ପେଣ୍ଠ ବେଳାଭୂମି ନିକଟରୁ ମିଳିଥିଲା । ପରିବାର ଲୋକ ଉଭୟଙ୍କୁ ଚିହ୍ନଟ କରିଛନ୍ତି । ଉଭୟଙ୍କୁ ହତ୍ୟା କରାଯାଇଛି ବୋଲି ପ୍ରାଥମିକ ତଦନ୍ତରୁ ପୋଲିସ ସୂଚନା ଦେଇଥିବା ବେଳେ କେଉଁ ପରିସ୍ଥିତିରେ କିଭଳି ମୃତ୍ୟୁ ହେଲା ତାର ତଦନ୍ତ କରୁଛି ପୋଲିସ ।