spot_img
Home Blog Page 5827

ପୁଣି ଜଣେ ସାମ୍ବାଦିକଙ୍କୁ ଛଡ଼ାଇନେଲା କରୋନା

ବ୍ରହ୍ମପୁର: ପୁଣି ଜଣେ ସାମ୍ବାଦିକଙ୍କୁ ଛଡାଇ ନେଲା କୋଭିଡ। ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢୁଥିବା ବେଳେ ମୃତ୍ୟୁ ମାମଲା ମଧ୍ୟ ବଢିବାରେ ଲାଗିଛି । କରୋନା ସଂକ୍ରମଣରୁ ବାଦ୍ ପଡୁନାହାଁନ୍ତି ସାଧାରଣ ଜନତାଙ୍କ ଠାରୁ ଆରମ୍ଭ କରି ରାଜନେତା ଓ ବିଶିଷ୍ଟ ବ୍ୟକ୍ତିବିଶେଷ। ଏହି ପରିପ୍ରେକ୍ଷୀରେ ମହାମାରୀରେ ଯାଇଛି ଆଉ ଜଣେ ସାମ୍ବାଦିକଙ୍କ ଜୀବନ।

କରୋନା ସଂକ୍ରମଣରେ ପ୍ରାଣ ହରାଇଥିବା ଆଉ ଜଣେ ସାମ୍ବାଦିକ ହେଉଛନ୍ତି ଜଣାଶୁଣା ଖବର ସରାବରାହ ସଂସ୍ଥା ସମ୍ବାଦର ଗଞ୍ଜାମ ଜିଲ୍ଲା ପ୍ରତିନିଧି ପ୍ରଦୀପ କିଶୋର ସାହୁ। ଯିଏକି ବ୍ରହ୍ମପୁରର ଏକ ଘରୋଇ ମେଡିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛନ୍ତି।

ପ୍ରଦୀପ କରୋନାରେ ଦୀର୍ଘ ଦିନ ଧରି ଆକ୍ରାନ୍ତ ଥିଲେ। ତେବେ ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ବ୍ରହ୍ମପୁରର ଅଶ୍ୱିନୀ କୋଭିଡ ଡାକ୍ତଖାନାରେ ଭର୍ତ୍ତି କରାଯାଇଥିଲା। ଆଜି ତାଙ୍କର ୪୩ ବର୍ଷ ବୟସରେ ମୃତ୍ୟୁ ଘଟିଛି।

ବିବାଦୀୟ ଅଭିନେତ୍ରୀ କଙ୍ଗନା ରଣାୱତଙ୍କ ବିରୁଦ୍ଦରେ ପୁଣି ଏଫ୍‌ଆଇଆର !

ବିବାଦୀୟ ମନ୍ତବ୍ୟ ଯେଉଁଠି କଙ୍ଗନା ରଣାୱାତ ସେଇଠି । ଏହିକଥାରୁ ଆପଣାମାନେ ବୁଝିପାରୁଥିବେ ଆମେ କେଉଁ ବିଷୟରେ ଚର୍ଚ୍ଚା କରିବାକୁ ଯାଉଛୁ । ସବୁବିଷୟରେ ନିଜର ମନ୍ତବ୍ୟ ରଖି ବିବାଦ ଘେରକୁ ଆସିବା ଯେମିତି କଙ୍ଗନାଙ୍କର ଏକ ଅଭ୍ୟାସ । ଆଉ ଏହି ଅଭ୍ୟାସ ତାଙ୍କର ସୁଶାନ୍ତ ସିଂ ରାଜପୁତଙ୍କର ମୃତ୍ୟୁ ପରେ ବିଶେଷ ଭାବେ ବଢିଛି । ହେଲେ ବଲିଉଡରେ ଅଭିନୟ କରୁଥିବା କଳାକାରଙ୍କ ବିଷୟରେ ମନ୍ତବ୍ୟ ରଖିବା କଥାରେ କଙ୍ଗନାଙ୍କର ଶତ୍ରୁ ବେଶ୍ ବଢିଯାଇଥିଲେ । ହେଲେ ଏବେ ରାଜନୀତି କ୍ଷେତ୍ରରେ କଙ୍ଗନାଙ୍କର ମୁଣ୍ଡବିନ୍ଧା ପାଇଁ ପଶ୍ଚିମବଙ୍ଗର ଓଲଟାଡାଙ୍ଗାରେ ତାଙ୍କ ବିରୁଦ୍ଦରେ ଏଫ୍‌ଆଇଆର ଦର୍ଜ କରାଯାଇଛି । ଆଉ ଏହି ଏଫଆଇଆର ଟିଏମି ନେତା ରୁଜୁ ଦତ୍ତାଙ୍କ ଦ୍ୱାରା ଦର୍ଜ କରାଯାଇଛି । ସେ କଙ୍ଗନାଙ୍କ ବିରୁଦ୍ଦରେ ରାଜ୍ୟରେ ଦଙ୍ଗା ଉତ୍ପନ୍ନ କରିବା ପାଇଁ ପ୍ରବର୍ତ୍ତାଇବା ଯୋଗୁଁ କେସ୍ ଫାଇଲ କରିଛନ୍ତି ।

ଦତ୍ତାଙ୍କ କହିବା ଅନୁସାରେ କଙ୍ଗନା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କର ଛବି ଖରାପ କରିବାକୁ ଚେଷ୍ଟା କରୁଛନ୍ତି । କଙ୍ଗନା ନିଜ ସୋସିଆଲ ମିଡିଆ ଆକାଉଣ୍ଟରେ ଅନେକ ଆପତ୍ତିଜନକ ପୋଷ୍ଟ କରିଛନ୍ତି । ଆଉ ପୋଲିସଙ୍କୁ ଏଫ୍‌ଆଇଆର ଦେବା ସମୟରେ ଏହିସବୁର ସ୍କ୍ରିନସର୍ଟ ମଧ୍ୟ ଦତ୍ତା ପୋଲିସଙ୍କୁ ଦେଖାଇଛନ୍ତି । ପୂର୍ବରୁ କଙ୍ଗନାଙ୍କର ଏହିଭଳି ହିଂସାତ୍ମକ ଓ ଆପତ୍ତିଜନକ ପୋଷ୍ଟ ପାଇଁ ତାଙ୍କ ଟୁଇଟର ଆକାଉଣ୍ଟଙ୍କୁ ସଂମ୍ପୂର୍ଣ୍ଣ ରୂପେ ସସପେଣ୍ଡ କରିଦିଆଯାଇଥିଲା ।

କାହିଁକି ନା ସେ ନିଜ ଟୁଇଟର ଆକାଉଣ୍ଟରେ ପଶ୍ଚିମବଙ୍ଗର ନିର୍ବାଚନୀ ହିଂସାକୁ ନେଇ ଟିପ୍ପଣୀ ରଖିଥିଲେ । କେବଳ ସେତିକି ନୁହେଁ କଙ୍ଗନା ତାଙ୍କର ଗୋଟିଏ ପୋଷ୍ଟରେ ମମତା ବାନାର୍ଜୀଙ୍କୁ ଖୁନୀ ଓ ପିପାସୁ ରାକ୍ଷସୀ ତାଡକା ବୋଲି ମଧ୍ୟ କହିଥିଲେ । ତେବେ ଏହିଭଳି ଏଫ୍‌ଆଇଆର କଙ୍ଗନାଙ୍କ ବିରୁଦ୍ଦରେ ପ୍ରଥମଥର ହୋଇନାହିଁ । ଏହା ପୂର୍ବରୁ ବି ଅନେକ ବିବାଦୀୟ ବୟାନ ଦେଇ କଙ୍ଗନା ଚର୍ଚ୍ଚାର ବିଷୟ ପାଲଟିଛନ୍ତି ଓ ନିଜ ଟୁଇଟକୁ ନେଇ ଲୋକଙ୍କର ଆକ୍ରୋଶର ଶିକାର ମଧ୍ୟ ହୋଇଛନ୍ତି ।

୭ବର୍ଷ ବୟସରୁ ଆରମ୍ଭ କରିଥିଲେ ଅଭିନୟ ଏବେ ୬୭ବର୍ଷରେ କରିବେ ହଲିଉଡରେ କାମ.

ଚଳଚିତ୍ର ଦୁନିଆରେ ସୁନାମ ଅର୍ଜନ କରିବା ଆଶାରେ ପ୍ରତ୍ୟେକଦିନ ଆସନ୍ତି ଅନେକ ଇଚ୍ଚୁକ । ହେଲେ ଏହି ଅଭିନୟ କରିବାର ଦୁନିଆ ବି ଖୁବ୍ ସଂଘର୍ଷମୟ । ଏଠି କିଏ ସାରା ଜୀବନ ପାଇଁ ଦର୍ଶକଙ୍କ ମନ ଜିଣି ସୁପରଷ୍ଟାର ହେଇଯାଏ ତ ପୁଣି କିଏ ଡିରେକ୍ଟର ମାନଙ୍କ ଦୁଆର ଦୁଆର ବୁଲି ନିଜ ଅଭିନୟର ବୟସକୁ କମାଇ ଦିଏ । ହେଲେ ଆଜି ଆମେ ଏମିତି ଜଣେ କଳାକାରଙ୍କ କଥା କହିବାକୁ ଯାଉଛୁ ଯିଏ ୬୭ ବର୍ଷ ବୟସରେ ବଲିଉଡରୁ ହଲିଉଡ ଦୁନିଆରେ ପାଦଥାପିବାକୁ ଯାଉଛନ୍ତି । ଫିଲ୍ମ ଗୁଣ୍ଡାରୁ ନିଜର ପରିଚୟ ବନାଇଥିବା ଅଭିନେତା ହରିଶ ପଟେଲ ଏବେ ମାର୍ବଲ ଷ୍ଟୁଡିଓ ସହ କାମ କରିବାର ଖବର ଖୁବ୍ ଚର୍ଚ୍ଚାର ବିଷୟ ପାଲଟିଛି । ହରିଶ ମାର୍ବଲ ଷ୍ଟୁଡିଓ ନିବେଦିତ ଫିଲ୍ମ ଇଟରନାଲ୍ସରେ କାମ କରିବେ । ଏହି ଖବର ସେତେବେଳେ ସମସ୍ତଙ୍କ ସାମ୍ନାକୁ ଆସିଲା ଯେତେବେଳେ ଏହି ଫିଲ୍ମର ଟିଜରରେ ହରିଶଙ୍କ ଝଲକ ଦେଖିବାକୁ ମିଳିଲା । ହରିଶ ପଟେଲଙ୍କର ଜନ୍ମ ୧୯୮୩ ଜୁଲାଇ ୫ରେ ମୁମ୍ବାଇରେ ହୋଇଥିଲା ।

ଛୋଟ ବେଳୁ ଅଭିନୟ ପ୍ରତି ତାଙ୍କର ରୁଚି ଥିବା କଥା ଜଣାପଡିଯାଇଥିଲା । ସେ ୭ ବର୍ଷ ବୟସରେ ଅଭିନୟ କରିବା ଆରମ୍ଭ କରିଦେଇଥିଲେ । ସେ ନିଜର ପ୍ରଥମ ଚଳଚିତ୍ର ୧୯୮୩ରେ ପାଇଥିଲେ । ହରିଶ ପଟେଲ ମିଷ୍ଟର ଇଣ୍ଡିଆ,ବିଲ୍ଲୁ ବାଦଶାହ,ମେନେ ପ୍ୟାର କିୟା,ଶୋଲା ଓର ସବନମ୍ ,ଆଖେଁ ଓର ମୋହରା ଭଳି ଅନେକ ହିଟ୍ ଚଳଚିତ୍ରରେ କାମ କରିଛନ୍ତି । ଚଳଚିତ୍ରରେ କାମ କରିବା ସହ ସେ ୧୯୯୫ରେ ଇଣ୍ଡିଆନ ନେସନାଲ୍ ଥିଏଟରରେ ପାଦ ଥାପିଲେ । ଥିଏଟରରେ ହରିଶ ପଟେଲ କ୍ଲାସିକାଲ ସହିତ ମଡର୍ଣ୍ଣ ପ୍ଲେ ରେ ଅଭିନୟ କଲେ । ଅନେକ ୱେଷ୍ଟର୍ଣ୍ଣ ଲେଖକଙ୍କର ପ୍ଲେ ରେ ବି ସେ କାମ କରିଛନ୍ତି ।

ବଲିଉଡରେ ଅନେକ ଚଳଚିତ୍ରରେ ସେ ପାଶ୍ୱର୍ ଭୂମିକାରେ ନଜର ଆସିଛନ୍ତି । ଆଉ ନିଜ ଡାଇଲଗ୍ ମାଧ୍ୟମରେ ଦର୍ଶକଙ୍କର ମନ ଜିତିଛନ୍ତି । ତେବେ ହଲିଉଡରେ ବର୍ତମାନ ତାଙ୍କର ଅଭିନୟ ଦେଖିବ ସାରା ଦୁନିଆ । ମାର୍ବଲ ଷ୍ଟୁଡିଓ ନିବେଦିତ ଇଟରନାଲ୍ ଫିଲ୍ମରେ ହରିଶଙ୍କ ସହ ଏଂଜୋଲିନା ଜୋଲି,ରିଚର୍ଡ ମେଡେନ୍‌,କୁମେଲ ନାନଜିଆନୀ,ସଲାମା ହାଏକେଙ୍କ ସମେତ ଆହୁରୀ ବଡ ବଡ ହଲିଉଡ ଷ୍ଟାରମାନେ ନଜର ଆସିବେ । ଏହି ଫିଲ୍ମଟି ୫ ନଭେମ୍ବର ୨୦୨୧ରେ ରିଲିଜ ହେବାକୁ ଯାଉଛି । ତେବେ ସୂଚନା ଅନୁସାରେ ଏହି ଚଳଚିତ୍ରଟି ହରିଶଙ୍କର ପ୍ରଥମ ହଲିଉଡ ଫିଲ୍ମ ନୁହେଁ । ଏହା ପୂର୍ବରୁ ସେ ରନ୍ ଫ୍ୟାଟ ବୟ ରନ୍ ,ଗ୍ୟାଙ୍ଗଷ୍ଟା ଗ୍ରେନୀ ସମେତ ଅନେକ ହଲିଉଡ ଫିଲ୍ମରେ କାମ କରିଛନ୍ତି ।

ମେ ୧୫ ପରେ ଟ୍ୱିନ୍ ସିଟିରେ ପିକକୁ ଆସିବ କରୋନା, ୩୦ ହଜାର ଛୁଇଁପାରେ ଦୈନିକ ମାମଲା

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ୧୨ ହଜାର ଡେଇଁଛି । ଆଗକୁ ଦୈନିକ ସଂକ୍ରମଣ ମାମଲା ୧୫ ହଜାର ଏପରିକି ୩୦ ହଜାର ଛୁଇଁପାରେ । କରୋନାକୁ ନେଇ ଏଭଳି ଆକଳନ କରିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ । ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ଏଭଳି ଆକଳନ କରିଛନ୍ତି । ଛୋଟ ଛୋଟ ସହର ସଂକ୍ରମିତ ହୋଇଥିବା ବେଳେ ଗ୍ରାମାଞ୍ଚଳରେ ସଂକ୍ରମଣ ବଢ଼ୁଛି ।

Health Expert Niroj Mishra Warns Corona May Go To Peak By 15th May

ମେ’ ୧୫ ପରେ ଭୁବନେଶ୍ୱର, କଟକରେ କରୋନା ପିକକୁ ପହଞ୍ଚିବ । ଦୈନିକ ସଂକ୍ରମଣ ୧୫ ହଜାର ଉପରେ ମାମଲା ଆସିବ । ଏମିତିକି 30ହଜାର ଛୁଇଁପାରେ ବୋଲି ପୂର୍ବାନୁମାନ କରିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ । ତେବେ ଗ୍ରାମାଞ୍ଚଳରେ ପିକ୍ ବିଳମ୍ବ ହେବ । ଏହି କିଛି ଦିନ ହେବ ଗ୍ରାମାଞ୍ଚଳରେ ସଂକ୍ରମଣ ବଢିଛି । ତେଣୁ ଏବେ ଅଧିକ ସଚେତନ ହେବାକୁ ପଡ଼ିବ । ନିୟମ ମାନିବାକୁ ପଡ଼ିବ । ଲକଡାଉନକୁ ଆହୁରି କଡ଼ାକଡ଼ି ପାଳନ କରିବାକୁ ପଡିବ ବୋଲି ସେ କହିଛନ୍ତି ।

ଦୈନିକ ସଂକ୍ରମଣ ମାମଲା ୧୫ ହଜାଇ ଛୁଇଁଲେ ସ୍ୱାସ୍ଥ୍ୟସେବା ଉପରେ ପ୍ରଭାବ ପଡ଼ିବ । ଏବେ ଲକଡାଉନ୍ ପାଇଁ ସଂକ୍ରମଣ ମାମଲା କମିଛି । ଲକଡାଉନ୍ ଉଠିଗଲେ ସଂକ୍ରମଣ ମାମଲା ବଢ଼ିବାର ସମ୍ଭାବନା ଥିବା କହିଛନ୍ତି ନିରୋଜ ମିଶ୍ର । ନିୟମ ନମାନିଲେ ସଂକ୍ରମଣକୁ ସମ୍ଭାଳି ହେବନି, ଲୋକେ ସଚେତନ ହୋଇ କଟକଣା ମାନିବାକୁ ସେ କହିଛନ୍ତି ।

ତାମିଲନାଡ଼ୁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଏମକେ. ଷ୍ଟାଲିନ୍

ଚେନ୍ନାଇ: ଡିଏମକେ ସଭାପତି ଏମକେ. ଷ୍ଟାଲିନ୍ ତାମିଲନାଡ଼ୁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ଚେନ୍ନାଇ ରାଜଭବନରେ ଆୟୋଜିତ ଶପଥ ଗ୍ରହଣ ସମାରୋହରେ ଷ୍ଟାଲିନଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ରାଜ୍ୟପାଳ । କୋଭିଡ୍ କଟକଣାକୁ ମାନି ଅଳ୍ପସଂଖ୍ୟକଙ୍କ ଉପସ୍ଥିତିରେ ଶୁକ୍ରବାର ଷ୍ଟାଲିନ୍ ଶପଥ ଗ୍ରହଣ କରିଛନ୍ତି ।

୨୩୪ ବିଶିଷ୍ଟ ତାମିଲନାଡ଼ୁ ବିଧାନସଭାରେ ଡିଏମକେ ୧୨୫ ଆସନ ଜିତିଥିବା ବେଳେ ଏମଡିଏମକେ ୪ଟି, ଏମଏମକେ ୨ଟି ଏହିଭଲି ସହଯୋଗୀ ଦଳକୁ ମିଶାଇ ଡିଏମକେ ପାଖରେ ୧୩୩ଟି ଆସନ ରହିଛି । ଷ୍ଟାଲିନଙ୍କ ସହ ୩୩ ଜଣ ମନ୍ତ୍ରୀ ଭାବେ ଶପଥ ନେଇଛନ୍ତି ।

ବରିଷ୍ଠ ନେତା ଏସ୍. ଦୁରାଇମୁରୁଗନ (ଜଳ ସମ୍ପଦ ମନ୍ତ୍ରୀ), କେ.ଏନ୍. ନେହରୁ (ସହରାଞ୍ଚଳ ମନ୍ତ୍ରୀ), ଆଇ. ପେରିସାମୀଙ୍କୁ ସମବାୟ, କେ. ପୋନମୁଡିଙ୍କୁ ଉଚ୍ଚଶିକ୍ଷା ମନ୍ତ୍ରୀ ଭାବେ ଶପଥ ନେଇଛନ୍ତି । ପୂର୍ବତନ କେନ୍ଦ୍ରମନ୍ତ୍ରୀ ଏସ୍. ରେଘୁପାଠିଙ୍କୁ ଆଇନ୍ ମନ୍ତ୍ରୀ କରାଯାଇଛି । ଶପଥ ଗ୍ରହଣ ସମାରୋହରେ ଡିଏମକେର ସହଯୋଗୀ ଦଳର ନେତା ଏବଂ ପୂର୍ବତନ ମୁଖ୍ୟମନ୍ତ୍ରୀ ଓ. ପନିରସେଲଭମ ଉପସ୍ଥିତ ଥିଲେ ।

ଆଜି ବି ୪ ଲକ୍ଷ ପାର୍, ଦେଶରୁ ଆଉ ୪ ଲକ୍ଷ ୧୪ ହଜାର ୧୮୮ ପଜିଟିଭ୍

ନୂଆଦିଲ୍ଲୀ: ମହାମାରୀ କରୋନା ସଂକ୍ରମଣ ମାମଲା କମିବାର ନାଁ ନେଉନି । ପ୍ରତିଦିନ କରୋନା ସଂକ୍ରମଣ ମାମଲା ବଢ଼ି ବଢ଼ି ଚାଲିଛି । ଆଜି ବି ଦେଶରେ ୪ ଲକ୍ଷରୁ ଅଧିକ ସଂକ୍ରମଣ ମାମଲା ଆସିଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ରିପୋର୍ଟ ଅନୁସାରେ, ବିଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧୪ ହଜାର ୧୮୮ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଦିନକରେ କରୋନାରେ ପ୍ରାଣ ହରାଇଛନ୍ତି ୩ ହଜାର ୯୧୫ ଜଣ । ଗତ ୨୪ ଘଣ୍ଟାରେ ୩ ଲକ୍ଷ ୩୧ ହଜାର ୫୦୭ ଜଣ କରୋନାକୁ ମାତ୍ ଦେଇଛନ୍ତି । ଏହା ପୂର୍ବରୁ ବୁଧବାର ଦେଶରେ ୪ ଲକ୍ଷ  ୧୨ ହଜାର  ୨୬୧ ଜଣ ସଂକ୍ରମିତ ଚିହ୍ନଟ ହୋଇଥିଲେ । ବିଶ୍ୱରେ ଚିହ୍ନଟ ମୋଟ ସଂକ୍ରମଣ ମାମଲାର ୫୦ ପ୍ରତିଶତ କେସ୍ ପ୍ରତିଦିନ ଭାରତରେ ଚିହ୍ନଟ ହେଉଛି ।

ଦେଶରେ କରୋନା ମାମଲା

ମୋଟ ସଂକ୍ରମିତଙ୍କ ସଂଖ୍ୟା– ୨ କୋଟି ୧୪ ଲକ୍ଷ ୯୧ ହଜାର ୫୯୮

ମୋଟ ସୁସ୍ଥ– ୧ କୋଟି ୭୬ ଲକ୍ଷ ୧୨ ହଜାର ୩୫୧

ମୋଟ ସକ୍ରିୟ ମାମଲା– ୩୬ ଲକ୍ଷ ୪୫ ହଜାର ୧୬୪

ମୋଟ ମୃତ୍ୟୁ– ୨ ଲକ୍ଷ ୩୪ ହଜାର ୧୬୪

ମୋଟ ଟିକାକରଣ– ୧୬ କୋଟି ୪୯ ଲକ୍ଷ ୭୩ ହଜାର ୫୮ ଡୋଜ୍

ଲଗାତାର ଚତୁର୍ଥ ଦିନରେ ପୁଣି ବଢ଼ିଲା ତୈଳଦର, ୪ ଦିନରେ ଡିଜେଲ ଏକ ଟଙ୍କା ମହଙ୍ଗା

ଭୁବନେଶ୍ୱର: ନିର୍ବାଚନ ପରେ ବଢ଼ୁଛି ତୈଳଦର । ଶୁକ୍ରବାର ଲଗାତାର ଚତୁର୍ଥ ଦିନରେ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି । ଦେଶର ରାଜଧାନୀ ଦିଲ୍ଲୀରେ ଆଜି ପେଟ୍ରୋଲ ଲିଟର ପିଛା ୨୮ ପଇସା ବୃଦ୍ଧି ପାଇ ୯୧ ଟଙ୍କା ୨୭ ପଇସାରେ ବିକ୍ରି ହେଉଛି । ସେହିଭଳି ଡିଜେଲ ଲିଟର ପିଛା ୩୧ ପଇସା ବଢ଼ି ୮୧ ଟଙ୍କା ୭୩ ପଇସାରେ ପହଞ୍ଚିଛି ।

ଓଡ଼ିଶାରେ ମଧ୍ୟ ତୈଳଦର ବଢ଼ିଛି । ରାଜ୍ୟର ସମସ୍ତ ଜିଲ୍ଲାରେ ପେଟ୍ରୋଲ ଦର ୯୦ ଟଙ୍କା ଉପରେ ଥିବାବେଳେ ୪ ଜିଲ୍ଲାରେ ପେଟ୍ରୋଲ ଦର ୯୫ ଟଙ୍କା ଉପରେ ରହିଛି । ରାଜ୍ୟରେ ପେଟ୍ରୋଲ ଲିଟର ପିଛା ସର୍ବାଧିକ ୯୭ ଟଙ୍କା ୩ ପଇସା ମାଲକାନଗିରିରେ ରହିଛି । ନବରଙ୍ଗପୁର ଓ କୋରାପୁଟରେ ପେଟ୍ରୋଲ ଲିଟର ପିଛା ୯୬ ଟଙ୍କା ୧୫ ପଇସାରେ ବିକ୍ରି ହେଉଛି । ରାୟଗଡ଼ାରେ ୯୫ ଟଙ୍କା ୭୩ ପଇସା ରହିଛି ପେଟ୍ରୋଲ ।

ପେଟ୍ରୋଲ ଭଳି ଡିଜେଲ ଦରରେ ନିଆଁ ଲାଗିଛି । ମାଲକାନଗିରିରେ ଡିଜେଲର ସର୍ବାଧିକ ମୂଲ୍ୟ ଲିଟର ପିଛା ୯୩ ଟଙ୍କା ୯୪ ପଇସା ରହିଛି । ନବରଙ୍ଗପୁର ଓ କୋରାପୁଟରେ ଡିଜେଲ୍ ଲିଟର ପିଛା ୯୩ ଟଙ୍କା ୯ ପଇସାରେ ବିକ୍ରି ହେଉଥିବା ବେଳେ ରାୟଗଡ଼ାରେ ୯୨ ଟଙ୍କା ୬୬ ପଇସା ରହିଛି । ୪ ଦିନ ଭିତରେ ପଟ୍ରୋଲ ଲିଟର ପିଛା ୯୦ ପଇସା ବଢ଼ିଥିବା ବେଳେ ଡିଜେଲ୍ ୧ ଟଙ୍କା ବଢ଼ିଛି ।

କୋଭିଡ୍ ଆକ୍ରାନ୍ତଙ୍କ ପାଇଁ ତୋସିଲିଜୁମାବ ଓ ଅନ୍ୟ ନୂଆ ଔଷଧ ନେଇ ଆସିଲା ଏସଓପି

ଭୁବନେଶ୍ୱର: କରୋନା ରୋଗୀଙ୍କ ଚିକିତ୍ସା କ୍ଷେତ୍ରରେ ତୋସିଲିଜୁମାବ (Tocilizumab) ଏବଂ ଅନ୍ୟ ନୂଆ ଔଷଧର ଆବଶ୍ୟକତା ଓ ବ୍ୟବହାର ନେଇ ସ୍ୱାସ୍ଥ୍ୟ ବିଭାଗ ଏସଓପି ଜାରି କରିଛି । ଏଥିପାଇଁ ରାଜ୍ୟ ସ୍ୱାସ୍ଥ୍ୟ ବିଭାଗ ଏକ କମିଟି ଗଠନ କରିଛି । ଡାକ୍ତରଙ୍କ ପ୍ରେସକ୍ରିପସନ୍ କ୍ରମେ ଏହି କମିଟି ତୋସିଲିଜୁମାବର ବ୍ୟବହାର ନେଇ ନିଷ୍ପତ୍ତି ନେବ ।

ଭେଣ୍ଟିଲେଟରରେ ଥିବା ରୋଗୀଙ୍କୁ ଦିଆଯାଇପାରିବ ତୋସିଲିଜୁମାବ ଇଞ୍ଜେକ୍ସନ । ଅକ୍ସିଜେନ ଆବଶ୍ୟକତାକୁ କରୁଥିବା ରୋଗୀଙ୍କୁ ଏହା ଦିଆଯାଇ ପାରିବ । ଇଞ୍ଜେକ୍ସନ୍ ଦେବା ପୂର୍ବରୁ ରୋଗୀଙ୍କୁ ତଦାରଖ କରାଯିବା ଆବଶ୍ୟକ । ଏନେଇ DCGI ମଧ୍ୟ ଅନୁମତି ଦେଇଛନ୍ତି ।

ଡ୍ରଗ୍ସର ବ୍ୟବହାର ନେଇ DCGI ସ୍ପଷ୍ଟ ଗାଇଡଲାଇନ ଜାରି କରିନି । ନୂଆ ଡ୍ରଗ୍ସ ପର୍ଯ୍ୟାପ୍ତ ପରିମାଣରେ ମିଳୁନି । ତୋସିଲିଜୁମାବର ବ୍ୟବହାର ନେଇ ଅତିରିକ୍ତ ମୁଖ୍ୟ ଶାସନ ସଚିହ ପ୍ରଦୀପ୍ତ ମହାପାତ୍ର ଚିଠି ଲେଖିଛନ୍ତି । ସମସ୍ତ ଜିଲ୍ଲାପାଳ, CDM, PHOs, AIIMS ନିର୍ଦ୍ଦେଶକ, ଆଇଜିଏଚ୍, କ୍ୟାପିଟାଲ ହସ୍ପିଟାଲଙ୍କୁ ଚିଠି ଲେଖିଛନ୍ତି ।

ଭ୍ୟାକ୍ସିନ୍ ନାହିଁ, ୧୫ ଶହ କେନ୍ଦ୍ରରୁ ୨୧୨ କେନ୍ଦ୍ରରେ ଦିଆଯାଉଛି ଟିକା

ଭୁବନେଶ୍ୱର: ସଂକ୍ରମଣ ସଂକଟରେ ଥମୁନି ଟିକା ଟେନସନ୍‌ । ରାଜ୍ୟରେ ମୋଟ ୧୫ ଶହ କେନ୍ଦ୍ରରୁ ମାତ୍ର ୨୧୨ଟି କେନ୍ଦ୍ରରେ ଆଜି ଟିକାକରଣ ଚାଲିଛି । ଏପରିକି ପ୍ରଥମ ଡୋଜ୍ ନେଇଥିବା ୧୭ ଲକ୍ଷ ୪୭ ହଜାର ଲୋକ ଦ୍ବିତୀୟ ଡୋଜ୍ ଟିକା ନେଇ ପାରୁନାହାନ୍ତି । ଟିକା ଅଭାବ ପାଇଁ ଆଜି ଜଗତସିଂହପୁର ଜିଲ୍ଲାରେ ବନ୍ଦ ରହିଛି ଟିକାକରଣ ।

ଏବେ ରାଜ୍ୟ ପାଖରେ କେନ୍ଦ୍ର ଦେଇଥିବା କୋଭିସିଲ୍ଡର ୭୧ ହଜାର ୩୭୦ ଡୋଜ୍ ଥିବାବେଳେ କେନ୍ଦ୍ର ଦେଇଥିବା କୋଭାକ୍ସିନରୁ ୨ ଲକ୍ଷ ୯୦ ହଜାର ୪୦ ଡୋଜ୍ ରହିଛି । ସେହିଭଳି ରାଜ୍ୟ କିଣିଥିବା କୋଭାକ୍ସିନର ୧ ଲକ୍ଷ ୨୦ ହଜାର ୮୬୦ ଡୋଜ୍ ଅଛି । ଏଯାବତ୍ ରାଜ୍ୟରେ ୬ ଲକ୍ଷ ୩ ହଜାର ୬୭୧ ଡୋଜ୍ ଟିକା ଦିଆଯାଇଛି ।

କେନ୍ଦ୍ର ଆବଶ୍ୟକ ଟିକା ପହଞ୍ଚାଇ ନଥିବାରୁ ଦୈନିକ ଅଢ଼େଇ ଲକ୍ଷରୁ ତିନି ଲକ୍ଷ ଟିକାକରଣ ଟାର୍ଗେଟ ପୂରଣ ହୋଇ ପାରୁନାହିଁ । କେନ୍ଦ୍ର ସରକାର ତୁରନ୍ତ ଟିକା ଯୋଗାଇ ଦେବା ପାଇଁ ଦାବି ହେଉଛି ।

ଏଥିସହ ପଢ଼ନ୍ତୁ: କରୋନା କଟକଣା ମାନିବାକୁ ସମସ୍ତଙ୍କୁ ନିବେଦନ କଲେ ଅତିରିକ୍ତ ମୁଖ୍ୟ ଶାସନ ସଚିବ

ସଂକ୍ରମଣ ସହ ରାଜ୍ୟରେ ସବୁ ରେକର୍ଡ ଭାଙ୍ଗିଲା କରୋନା ମୃତ୍ୟୁ

ଭୁବନେଶ୍ୱର: ହୁ ହୁ ହୋଇ ବଢ଼ି ଚାଲିଛି କରୋନା ମାମଲା । ରାଜ୍ୟରେ ମହାମାରୀ ପ୍ରତିଦିନ ନୂଆ ନୂଆ ରେକର୍ଡ କରୁଛି । ଗତ ୨୪ ଘଣ୍ଟାରେ ରାଜ୍ୟରେ ସଂକ୍ରମଣ ମାମଲା ସର୍ବାକାଳୀନ ରେକର୍ଡ ଭାଙ୍ଗିଥିବା ବେଳେ ଦୈନିକ ମୃତ୍ୟୁ ମଧ୍ୟ ବଢ଼ିଛି । ଗତକାଲି ୧୨ ହଜାର ୨୩୮ଟି ସଂକ୍ରମଣ ମାମଲା ଚିହ୍ନଟ ହୋଇଥିବା ବେଳେ ୧୯ ଜଣଙ୍କ ମୃତ୍ୟୁ ହୋଇଛି ।

ଏଥିସହ ପଢ଼ନ୍ତୁ- ସବୁ ରେକର୍ଡ ଭାଙ୍ଗିଲା ସଂକ୍ରମଣ, ଦିନକରେ ୧୨ ହଜାରରୁ ଅଧିକ ପଜିଟିଭ୍ ଚିହ୍ନଟ

ଅନୁଗୁଳରୁ ଜଣେ, ଖୋର୍ଦ୍ଧାରୁ ୪ ଜଣ, ବଲାଙ୍ଗିରରୁ ଜଣେ, କଟକରୁ ଜଣେ, ଦେବଗଡ଼ରୁ ଜଣେ, ଗଞ୍ଜାମରୁ ୨ ଜଣ, ଗଜପତିରୁ ଜଣେ, ଝାରସୁଗୁଡ଼ାରୁ ଜଣେ, କଳାହାଣ୍ଡିରୁ ଜଣେ, ପୁରୀରୁ ୨ ଜଣ, ସୁନ୍ଦରଗଡ଼ରୁ ୪ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି ।

ଏଥିସହ ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୫ ଲକ୍ଷ ୧୨ ହଜାର ୪୦୦ ଅତିକ୍ରମ ରହିଛି । ଏଯାବତ୍ ୪ ଲକ୍ଷ ୨୩ ହଜାର ୨୫୭ ଜଣ ସଂକ୍ରମିତ କରୋନାକୁ ମାତ୍ ଦେଇଥିବା ବେଳେ ଏବେ ରାଜ୍ୟରେ ୮୬ ହଜାର ୯୫୦ଟି ସକ୍ରିୟ ସଂକ୍ରମଣ ମାମଲା ରହିଛି । ୧୯ ମୃତ୍ୟୁକୁ ମିଶାଇ ରାଜ୍ୟରେ ମୋଟ କରୋନା ମୃତ୍ୟୁ ୨୧୪୦କୁ ବୃଦ୍ଧି ପାଇଛି ।

ସଂକ୍ରମଣ ଭଳି ମୃତ୍ୟୁ ମାମଲାରେ ଆଗରେ ରହିଛି ଖୋର୍ଦ୍ଧା ଓ ସୁନ୍ଦରଗଡ଼ ଜିଲ୍ଲାରେ । ରେଡ୍ ଜୋନରେ ଥିବା ଏହି ୨ ଜିଲ୍ଲାରେ ପ୍ରତିଦିନ ସର୍ବାଧିକ ସଂକ୍ରମିତ ମାମଲା ସହ ମୃତ୍ୟୁ ହେଉଛି ।