spot_img
Home Blog Page 5826

ମୁଖ୍ୟମନ୍ତ୍ରୀଙ୍କ ଜିଏସଟି ଛାଡ଼ ଦାବିକୁ ବିଭିନ୍ନ ମହଲରେ ପ୍ରଶଂସା

ଭୁବନେଶ୍ୱର: କରୋନା ଟିକା ଉପରୁ ଜିଏସଟି ଛାଡ଼ା କରିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଛନ୍ତି। ଏ ନେଇ ବିଜେଡି ସାଂସଦ ଅମର ପଟ୍ଟନାୟକ ପ୍ରତିକ୍ରିୟା ରଖିଛନ୍ତି। ସାଂସଦ କହିଛନ୍ତି, ଚିଠି ଲେଖି ମୁଖ୍ୟମନ୍ତ୍ରୀ ବଳିଷ୍ଠ ନେତୃତ୍ୱ ଦେଖାଇଛନ୍ତି। ଏହାଦ୍ୱାରା ସବୁ ରାଜ୍ୟର ଆର୍ଥିକ ବୋଝ କମିବ। ସବୁ ରାଜ୍ୟ ମୁଖ୍ୟମନ୍ତ୍ରୀଙ୍କୁ ସମର୍ଥନ କରିବାକୁ ସେ ନିବେଦନ କରିଛନ୍ତି।

ଅନ୍ୟପଟେ ମୁଖ୍ୟମନ୍ତ୍ରୀଙ୍କ ଦାବିକୁ ସ୍ୱାଗତ କରିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ। ଜିଏସଟି କମାଇବା ନିହାତି ଦରକାର ବୋଲି ସୁର ଦାବି କରିଛନ୍ତି। ଓଡ଼ିଶାକୁ ଆବଶ୍ୟକୀୟ ଟିକା ଦିଅନ୍ତୁ ବୋଲି ମଧ୍ୟ ସୁର ଦାବି କରିଛନ୍ତି। ଗତକାଲି କୋଭିଡ ଟିକା କ୍ରୟ ଉପରେ GST ଛାଡ଼ ପାଇଁ ଚିଠି ଲେଖିଛନ୍ତି ନବୀନ। ୧୮ରୁ ୪୫ ବର୍ଷ ବୟସ୍କ ପାଇଁ ଟିକା କ୍ରୟରେ GST ଛାଡ ପାଇଁ ସେ ଅନୁରୋଧ କରିଛନ୍ତି।

ମୁଖ୍ୟମନ୍ତ୍ରୀ କହିଛନ୍ତି, GST ଯୋଗୁଁ କରୋନା ଟିକାର ମୂଲ୍ୟ ଅଧିକ ହୋଇଛି । କେନ୍ଦ୍ର ସରକାର ଆଦାୟ କରୁଥିବା ସେସ୍ ଓ ଅନ୍ୟାନ୍ୟ ଅତିରିକ୍ତ କର ରାଜ୍ୟ ସହ ବାଣ୍ଟିବା ଉଚିତ। ଏହା କରୋନା ମୁକାବିଲା କ୍ଷେତ୍ରରେ ରାଜ୍ୟକୁ ଅଧିକ ସଶକ୍ତ କରିବ ବୋଲି ମୁଖ୍ୟମନ୍ତ୍ରୀ ଚିଠିରେ କହିଛନ୍ତି ।

ଲୋକଙ୍କ ଦୁଆର ମୁହଁରେ ପହଞ୍ଚିବ ରାଜସ୍ୱ ସେବା

ବ୍ରହ୍ମପୁର: କରୋନାବେଳେ ସାଧାରଣ ଲୋକଙ୍କ ଦୁଆର ମୁହଁରେ ପହଞ୍ଚିବ ରାଜସ୍ୱ ସେବା। ଲୋକମାନଙ୍କୁ ଆଉ ଆରଆଇ କି ତହସିଲ ଅଫିସ ଯିବାକୁ ପଡ଼ିବନି। ଏଥିପାଇଁ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ‘ରାଜସ୍ୱ ରଥ’ କାର୍ଯ୍ୟକ୍ରମ ଆରମ୍ଭ ହୋଇଛି।

ପ୍ରଥମ ଥର ପାଇଁ ଗଂଜାମ ଜିଲ୍ଲାରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି। କୋଭିଡ ସଂକ୍ରମଣ ଦୃଷ୍ଟିରୁ ରାଜ୍ୟ ସରକାର ଏବେ ଲାଗୁ କରିଛନ୍ତି ଲକଡାଉନ ଏବଂ ସପ୍ତାହାନ୍ତ ଶଟଡାଉନ। ଏଥିସହିତ ତହସିଲ ଅଫିସକୁ ମଧ୍ୟ ସାଧାରଣ ଲୋକଙ୍କ ଯିବା ଉପରେ କଟକଣା ଲଗାଯାଇଛି। ଏହିଦୃଷ୍ଟିରୁ ଜମିଜମା ସଂକ୍ରାନ୍ତୀୟ ବିଭିନ୍ନ କାର୍ଯ୍ୟ ଏପରିକି ମ୍ୟୁଟେସନ ଭଳି କାର୍ଯ୍ୟ ପାଇଁ ବୁଲୁଛି ରାଜସ୍ୱ ରଥ । ଘରେ ଘରେ ସାର୍ଟିଫିକେଟ ପହଞ୍ଚାଇବେ ରାଜସ୍ୱ କର୍ମଚାରୀ । ଲୋକଙ୍କ ଦୁଆର ମୁହଁରୁ ଏ ସଂପର୍କୀତ ଆପତ୍ତି ଅଭିଯୋଗ ଗ୍ରହଣ କରାଯିବ । ଲକଡାଉନ ସରିବା ପର୍ଯ୍ୟନ୍ତ ଏହି ରଥ ଘର ଘର ବୁଲିବ।

ପିଲାମାନଙ୍କୁ କୋଭିଡ୍ ଟିକା ଦେବା ଆରମ୍ଭ କଲା କ୍ୟାନାଡ଼ା

ନୂଆଦିଲ୍ଲୀ: ପ୍ରଥମଥର ପାଇଁ ୧୨ରୁ ୧୫ ବର୍ଷ ବୟସର ପିଲାଙ୍କୁ କୋଭିଡ୍ ଟିକା ଦେବା ଆରମ୍ଭ କରିଛି କ୍ୟାନାଡ଼ା। ଏଥିପାଇଁ ଜର୍ମାନ୍ ସହାୟତାରେ ପ୍ରସ୍ତୁତ ଫାଇଜର ଟିକାକୁ କ୍ୟାନାଡ଼ା ସରକାର ଅନୁମୋଦନ କରିଛନ୍ତି। ପ୍ରଥମଥର ପାଇଁ ବିଶ୍ୱରେ କୌଣସି ଦେଶ ୧୮ ବର୍ଷରୁ କମ୍ ବୟସର ପିଲାଙ୍କୁ କରୋନା ଟିକା ଦେବାକୁ ଉଦ୍ୟମ କରିଥିବାରୁ ସାରା ବିଶ୍ୱ ଏହାର ପ୍ରତିଫଳନକୁ ଅପେକ୍ଷା କରିଛନ୍ତି।

ଏହି ମର୍ମରେ କାନାଡ଼ା ସ୍ୱାସ୍ଥ୍ୟ ମନ୍ତ୍ରଣାଳୟର ବରିଷ୍ଠ ପରାମର୍ଶଦାତା ସୁପ୍ରିୟା ଶର୍ମା କହିଛନ୍ତି ଯେ ଏହି ଟିକା କିଶୋର ବୟସ୍କଙ୍କ ପାଇ ନିରାପଦ ଓ ଉପାଦେୟ। ଏହିଭଳି ଏକ ଦୃଢ଼ ପଦକ୍ଷେପ ନେଇ କାନାଡ଼ା କୋଭିଡ୍ ବିରୁଦ୍ଧରେ ଲଢ଼ୁଥିବା ଅନ୍ଧକାର ରାସ୍ତାରେ ଦୀପଟିଏ ଲଗାଇବାକୁ ଚେଷ୍ଟା କରିଛି ବୋଲି ସେ କହିଛନ୍ତି।

ଫାଇଜର ଟିକା ଜର୍ମାନ୍ ଜ୍ଞାନକୌଶଳ ସହାୟତାରେ ପ୍ରସ୍ତୁତ ହୋଇଛି। ଏହି ଟିକା କିଶୋର ବୟସ୍କଙ୍କ ପାଇଁ ନିରାପଦ ଜାଣିବା ପରେ ତାଙ୍କ ସରକାରଙ୍କ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି। ଏହା ପୂର୍ବରୁ କାନାଡ଼ାରେ ଆଷ୍ଟ୍ରୋଜେନେକା ଟିକା ପ୍ରଦାନ କରାଯାଇଥିଲା। ଏହି ଟିକା କିଛି ମାତ୍ରାରେ ଅଧିକ ପାର୍ଶ୍ୱ ପ୍ରତିକ୍ରିୟା ସୃଷ୍ଟି କରୁଥିବା ଅଭିଯୋଗ ହୋଇଛି। ଏପରିକି ଏଥିରେ ୩ ଜଣ ଲୋକଙ୍କ ମୃତ୍ୟୁ ବି ଘଟିଛି। କିନ୍ତୁ ଏହି ପାର୍ଶ୍ୱ ପ୍ରତିକ୍ରିୟା ଜନିତ ମୃତ୍ୟୁ ବିରଳ ଘଟଣା। ବିଶାଳ ଜନତାଙ୍କୁ ମହାମାରୀରୁ ରକ୍ଷା କରିବାକୁ ହେଲେ ଟିକାକରଣ ଅଧିକ ଜରୁରୀ ବୋଲି ଚିନ୍ତା କରି ପ୍ରାଦେଶିକ ସରକାରମାନେ ଟିକାକରଣକୁ ପ୍ରୋତ୍ସାହନ ଦେଉଛନ୍ତି।

କାନାଡ଼ାର ଏହି ପଦକ୍ଷେପକୁ ଦେଖି ଯୁକ୍ତରାଷ୍ଟ୍ର ଆମେରିକା ମଧ୍ୟ କିଶୋର ବୟସ୍କଙ୍କୁ ଟିକାଦାନ କରିବା ଲାଗି ଚାହିଁଛନ୍ତି। ୟୁଏସ୍ ଫୁଡ୍ ଆଣ୍ଡ ଡ୍ରଗ୍ ଆଡ୍ମିନିଷ୍ଟ୍ରେସନ୍ କାନାଡ଼ା ସରକାରଙ୍କ ଭଳି ଆମେରିକାରେ ମଧ୍ୟ କିଶୋରଙ୍କୁ ଟିକାଦାନ କରିବା ଲାଗି ‘ଖୁବ୍ ଶୀଘ୍ର’ ପଦକ୍ଷେପ ନେବ ବୋଲି କହିଛନ୍ତି।

ଲକଡାଉନ ବେଳେ ପୋଲିସର କଡ଼ା ପହରା ସତ୍ତ୍ୱେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ

ଝାରସୁଗୁଡ଼ା: ଲକଡାଉନ ବେଳେ ଝାରସୁଗୁଡ଼ାରେ ଲଜ୍ଜା। ପୋଲିସର କଡ଼ା ପହରା ସତ୍ତ୍ୱେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ। ଝାରସୁଗୁଡ଼ା ବସଷ୍ଟାଣ୍ଡ ପଛପଟ ଏକ ପରିତ୍ୟକ୍ତ ଘରେ ଘଟିଛି ଏ ଘଟଣା।

ସୂଚନା ମୁତାବକ ଝାରସୁଗୁଡ଼ା ବସଷ୍ଟାଣ୍ଡ ପଛପଟେ ରେଳବାଇ ପୋଲିସ ଅଧୀନରେ ଥିବା ଏକ ପରିତ୍ୟକ୍ତ ଘରେ ୨ଜଣ ଯୁବକ, ଜଣେ ଯୁବତୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଲକଡାଉନ ଯୋଗୁଁ ବସଷ୍ଟାଣ୍ଡ ପାଖରେ ପୋଲିସର କଡ଼ା ପହରା ଦିଆଯାଇଛି। ତଥାପି ମାତ୍ର କିଛି ମିଟର ଦୂରରେ ପୋଲିସ ଥିବା ସତ୍ତ୍ୱେ ଏଭଳି କାଣ୍ଡ ଭିଆଇଛନ୍ତି ଦୁର୍ବୃତ୍ତ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ସେପଟେ ଏନେଇ ପ୍ରତ୍ରିକ୍ରିୟା ରଖିଛନ୍ତି ରାଉରକେଲା ରେଲୱେ ଏସପି ଅରୁଣ କୁମାର ଜେନା। ସେ କହିଛନ୍ତି ଯେ ରେଲୱେ ଆଇ ଆଇ ସିଙ୍କୁ  ଘଟଣାର ତଦନ୍ତ କରି ତୁରନ୍ତ ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ନିର୍ଦ୍ଦେଶ ଦିଆଯାଇଛି। ଅଭିଯୁକ୍ତଙ୍କ ବିରୁଦ୍ଧରେ ଆଇନ ଅନୁସାରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏସପି ଅରୁଣ କୁମାର ଜେନା କହିଛନ୍ତି।

ବରିଷ୍ଠ ସାମ୍ବାଦିକ ତଥା ସ୍ତମ୍ଭକାର ଶେଷ ନାରାୟଣ ସିଂଙ୍କ ପରଲୋକ

ନୂଆଦିଲ୍ଲୀ: କୋରନା ପୁଣିଥରେ ଜଣେ ବରିଷ୍ଠ ସାମ୍ବାଦିଙ୍କୁ ଛଡ଼ାଇ ନେଇଛି । କୋରନା ଯୋଗୁ ଜାତୀୟ ଗଣମାଧ୍ୟମର ଜଣାଶୁଣା ସାମ୍ବାଦିକ ତଥା ସ୍ତମ୍ଭକାର ଶେଷ ନାରାୟଣ ସିଂଙ୍କ ପରଲୋକ ହୋଇଛି।

ଶେଷ ନାରାୟଣ କରୋନା ପଜିଟିଭ୍ ହେବା ପରେ ତାଙ୍କୁ ଦିଲ୍ଲୀର GIMS ହସ୍ପିଟାଲରେ ଭର୍ତ୍ତି କରାଯାଇଥିଲା।  ସୂଚନା ଅନୁଯାୟୀ ତାଙ୍କୁ ପ୍ଲାଜମା ଥେରାପି ଦିଆଯାଉଥିଲେ ବି ତାଙ୍କ ଶରୀରରେ ଏହାର ପ୍ରଭାବ ଦେଖିବାକୁ ମିଳି ନଥିଲା।  ଫଳରେ ଆଜି ସକାଳୁ ତାଙ୍କର ଦେହାନ୍ତ ହୋଇଛି।

ଶେଷ ନାରାୟଣଙ୍କ ଦେହାନ୍ତରେ ସାରା ସାମ୍ବାଦିକ ଜଗତରେ ଶୋକର ଛାୟା ଖେଳିଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଏ ନେଇ ଗଭୀର ଶୋକବ୍ୟକ୍ତ କରିଛନ୍ତି। ସମାଜବାଦୀ ପାର୍ଟି ମୁଖ୍ୟ ଅଖିଳେଶ ୟାଦବ ମଧ୍ୟ ଶେଷ ନାରାୟଣଙ୍କ ପରିବାରକୁ ସମବେଦନା ଜଣାଇଛନ୍ତି।

କରୋନାରେ ସାମ୍ବାଦିକଙ୍କ ଦେହାନ୍ତରେ ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ନର: କରୋନା ସଂକ୍ରମଣରେ ପ୍ରାଣ ହରାଇଥିବା ସାମ୍ବାଦିକ ପ୍ରଦୀପ କିଶୋର ସାହୁଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ସମ୍ବାଦିକଙ୍କ ଅମର ଆତ୍ମାର ସଦଗତି କାମନା କରିବାସହ ତାଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।

ସେହିପରି ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ମଧ୍ୟ ଟ୍ୱିଟ୍ କରି ଶୋକ ବ୍ୟକ୍ତ କରିଛନ୍ତି। ସେ ଲେଖିଛନ୍ତି ‘ସାମ୍ବାଦିକ ପ୍ରଦୀପ କିଶୋର ସାହୁଙ୍କ ଦେହାନ୍ତଖବର ପାଇ ମୁଁ ଗଭୀରଭାବେ ମର୍ମାହତ। ତାଙ୍କ ଅମର ଆତ୍ମାର ସଦଗତି କାମନା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଉଛି। ଓମ୍ ଶାନ୍ତି।’

ସୂଚନାଯୋଗ୍ୟ ପ୍ରଦୀପ କିଶୋର ସାହୁ ଜଣାଶୁଣା ଖବର ସରାବରାହ ସଂସ୍ଥା ସମ୍ବାଦର ଗଞ୍ଜାମ ଜିଲ୍ଲା ପ୍ରତିନିଧି ଭାବେ କାର୍ଯ୍ୟରତ ଥିଲେ । ତେବେ ଗତ ୧୫ ଦିନ ହେବ ସେ କରୋନା ଆକ୍ରାନ୍ତ ହୋଇ ସେ ବ୍ରହ୍ମପୁରର ଅଶ୍ୱିନୀ କୋଭିଡ ମେଡିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୪୩ ବର୍ଷ ହୋଇଥିଲା ।

ଟିକା ପାଇଁ ଭାରତୀୟଙ୍କର ଲମ୍ବା ଲାଇନ..

ଦେଶରେ ଘାତକ କରୋନା ମହାମାରୀ । ଲଗାତାର ବଢୁଛି ସଂକ୍ରମଣ ମାମଲା । ଭିଡକୁ ଦୂରେଇବା କରୋନାକୁ ନିୟନ୍ତ୍ରଣକୁ ଆଣିବା ପାଇଁ ଅଧିକାଂଶ ରାଜ୍ୟରେ ଲାଗୁ ହୋଇଯାଇଛି ଲକ୍‌ଡାଉନ । ହେଲେ ଦୁଃଖର ବିଷୟ ଏହା ଯେ କେଉଁଠି କରୋନା ରୋଗୀ ବେଡ୍ ନପାଇ ହନ୍ତସନ୍ତ ତ ଆଉ କେଉଁଠି ନିଶ୍ୱାସ ପାଇଁ କରୁଛନ୍ତି ସଂଘର୍ଷ । ସବୁଠି ନିଜ ପାଳି ପଡିବା ପାଇଁ ଅପେକ୍ଷା । ଆଉ ଯଦି ଏହିସବୁ ସ୍ଥିତି ଯୋଗୁଁ କାହାର ଜୀବନ ଚାଲିଯାଉଛି ତାହାଲେ ବି ମଶାଣୀ ଘାଟରେ ଶବ ସତ୍କାର ପାଇଁ ଦେବାକୁ ପଡୁଛି ଲମ୍ବା ଲାଇନ୍ । ଏହି ଲମ୍ବା ଲାଇନରେ ଏବେ ଛିଡା ହୋଇଛନ୍ତି ଭାରତର ହଜାର ହଜାର ଜନତା ।

କିନ୍ତୁ ଏହାରି ଭିତରେ ଚିନ୍ତା ବଢାଉଛି କରୋନା ଟିକା କେନ୍ଦ୍ର । ଆଜ୍ଞା ହଁ ଯେଉଁ ଟିକା କରଣର ଅଭିଯାନ ମେ ୧ ତାରିଖରୁ ଆରମ୍ଭ ହୋଇଥିଲା । ସେହିଠାରେ ହିଁ ଜନ୍ମନେଉଛି କରୋନା ସଂକ୍ରମଣ । ଏହିସବୁ ଟିକାକରଣ କେନ୍ଦ୍ରର ଦୃଶ୍ୟକୁ ଦେଖିଲେ ଆପଣମାନେ ଠିକ୍ ବୁଝିପାରିବେ । କେଉଁଭଳି ଭାବେ ସୁରକ୍ଷିତ ଟିକାକରଣ ଅସୁରକ୍ଷିତର ରୂପ ନେଉଛି । ୧୮ରୁ ୪୪ ବର୍ଷ ବୟସର ବ୍ୟକ୍ତିଙ୍କୁ ଟିକା ଦିଆଯିବା ପାଇଁ ରହିଛି ସମସ୍ତ ନିୟମ । ହେଲେ ଟିକାକରଣ କେନ୍ଦ୍ରରେ ଟିକା ନେବା ପାଇଁ ଆରମ୍ଭ ହୋଇଯାଇଛି ଭିଡ । ନା ରହିଛି କରୋନା ଗାଇଡଲାଇନ୍ ନା ରହିଛି ସାମାଜିକ ଦୂରତା । ସବୁ ନିୟମ ଯେମିତି ଏହି ଟିକାକରଣକେନ୍ଦ୍ର ଗୁଡିକରେ ଠପ୍ ହୋଇଯାଇଛି । ପ୍ରତ୍ୟେକ ବ୍ୟକ୍ତିଙ୍କୁ ଟିକା ନେବା ପାଇଁ ସରକାର ସଚେତନ କରୁଥିବା ବେଳେ ।

ଟିକା ଦିଆଯାଉଥିବା କେନ୍ଦ୍ରଗୁଡିକରେ ଏହିଭଳି କରୋନା ଗାଇଡଲାଇନର ଅବହେଳା ସଂମ୍ପୂର୍ଣ୍ଣ ରୂପେ ଆଶ୍ଚର୍ଯ୍ୟଜନକ କଥା । ଭିଡ ଭିତରେ ଅନେକ ଲୋକଙ୍କୁ କରୋନା ହେଇଯିବ ଭାବି ଲୋକେ କୋଭିଡ୍ ଟିକା ନେବା ପାଇଁ କେନ୍ଦ୍ରକୁ ବି ଆସୁନାହିଁ । ଆଉ ଯେଉଁମାନେ ଆସୁଛନ୍ତି ଲମ୍ବା ଲାଇନ ଓ ଅତ୍ୟଧିକ ସମୟ ଅପେକ୍ଷା କରିବାକୁ ପଡୁଛି ବୋଲି ଅଭିଯୋଗ । ତାସହ ଦିଲ୍ଲୀ,ମୁମ୍ବାଇ ଭଳି ମେଟ୍ରୋ ସିଟି ମାନଙ୍କର ସ୍ଥିତି ବି ସଙ୍ଗିନ ପାଲଟିଛି । ଲୋକଙ୍କର ଟିକାକରଣ କେନ୍ଦ୍ରରେ ଜମୁଥିବା ଭିଡ ସତେ ଯେମିତି କରୋନା ସଂକ୍ରମଣକୁ ନିମନ୍ତ୍ରଣ କରୁଛି । ଅନ୍ୟପଟେ ଦେଶରେ କରୋନା ମୃତ୍ୟୁସଂଖ୍ୟା ସମସ୍ତ ରେକର୍ଡ ଭାଙ୍ଗିସାରିଲାଣି । ଏବେ ସୁଦ୍ଦା ଆମେରିକା ,ବ୍ରାଜିଲରେ ମୃତ୍ୟୁ ସଂଖ୍ୟା ଅଧିକ ଥିଲା । କିନ୍ତୁ ଗତ ୧୦ ଦିନ ଭିତରେ ଭାରତରେ କରୋନା ଜନିତ ମୃତ୍ୟୁ ସବୁଠାରୁ ଅଧିକ ହୋଇଛି । ଦେଶରେ ବର୍ତମାନ ସୁଦ୍ଦା ୪ଲକ୍ଷ ୧୪ହଜାରୁ ଅଧିକ ମାମଲା ସାମ୍ନାକୁ ଆସିଥିବା ବେଳେ ୩୯୨୭ ସଂକ୍ରମିତଙ୍କର ମୃତ୍ୟୁ ହୋଇଛି । ଅର୍ଥାତ ଦେଶରେ ଘଣ୍ଟାକୁ ୧୫୦ଜଣଙ୍କର ମୃତ୍ୟୁ ହେଉଛି । ତେବେ ଏହିଭଳି ସ୍ଥିତିରେ ଜନତାଙ୍କର ଟିକାକରଣ କେନ୍ଦ୍ରରେ ଅବହେଳା ଓ ଅଭିଯୋଗ ସତରେ ଚିନ୍ତାର ବିଷୟ ପାଲଟିଛି । ଏସବୁକୁ ଲକ୍ଷ୍ୟକରି ସରକାର ନିୟମାବଳୀ ଗୁଡିକୁ ନେଇ ଲୋକଙ୍କୁ ଅଧିକ ସଜାଗ ଓ ସର୍ତକ କରାଇବା ହିଁ ପ୍ରମୁଖ କାର୍ଯ୍ୟ ହେବା ଆବଶ୍ୟକ ।

 

 

 

କୋଭିଡ ସଂକ୍ରମଣର ପ୍ରତିବନ୍ଧକ ପାଇଁ ଶନିବାର ଓ ରବିବାର ଟ୍ରେନ୍ ବାତିଲ୍

ଭୁବନେଶ୍ୱର: ଓଡିଶାରେ ତାଲା ବନ୍ଦ ଲାଗୁ ହେବା ଏବଂ କୋଭିଡ ୧୯ ସଂକ୍ରମଣର ଚେନ୍ ଭାଙ୍ଗିବା ପାଇଁ ୮ ରୁ ୧୬ ମଇ ମଧ୍ୟରେ ଶନିବାର ଏବଂ ରବିବାର ୧୧ଟି ସ୍ୱତନ୍ତ୍ର ଟ୍ରେନ୍ ସେବା ବାତିଲ କରିବାକୁ ନିଷ୍ପତ୍ତି ନିଆଯାଇଛି। ପୂର୍ବତଟ ରେଳବାଇ ପକ୍ଷରୁ ଏଭଳି ନିଷ୍ପତି ନିଆଯାଇଛି।

ଏହି ୧୧ଟି ଟି ଟ୍ରେନ୍ ହେଉଛି, ଭୁବନେଶ୍ୱର-କେନ୍ଦୁଝରଗଡ଼-ଭୁବନେଶ୍ୱର ବିଶେଷ ଟ୍ରେନ, ପୁରୀ-ଅନୁଗୁଳ-ପୁରୀ, ଭୁବନେଶ୍ୱର-ଭଦ୍ରକ-ଭୁବନେଶ୍ୱର, ପୁରୀ-କଟକ-ପୁରୀ, କଟକ-ଭଦ୍ରକ-କଟକ, କଟକ-ପାରାଦୀପ-କଟକ,କଟକ-ଭଦ୍ରକ-କଟକ, ବିଶାଖାପାଟଣା-ରାଇପୁର-ବିଶାଖାପାଟଣା, ଭୁବନେଶ୍ୱର-ପଲାସା-ଭୁବନେଶ୍ୱର, ରାୟଗଡା-ସମ୍ବଲପୁର-ରାୟଗଡ଼ା ବିଶେଷ ଟ୍ରେନ ଉଭୟ ପାର୍ଶ୍ୱରୁ ମଇ ମାସ ୮, ୯, ୧୫ ଏବଂ ୧୬ ତାରିଖ ଦିନ ବାତିଲ ରହିବ।

ସେହିଭଳି ଭୁବନେଶ୍ୱର-ବାଙ୍ଗିରିପୋସି-ଭୁବନେଶ୍ୱର ସ୍ପେଶାଲ ଭୁବନେଶ୍ୱର ଠାରୁ ମଇ ମାସ ୮, ୮, ୧୫ଏବଂ ୧୬ ତାରିଖ ଦିନ ଏବଂ ବାଙ୍ଗିରିପୋସିରୁ ୯, ୧୦, ୧୧ ଏବଂ ୧୭ ମଇ, ୨୦୨୧ରେ ବାତିଲ ରହିବ। ପୂର୍ବରୁ ୭ଟି ଟ୍ରେନ ବାତିଲ କରାଯାଇଥିଲା। ଏବେ ଷ୍ଟେସନରେ କୋଭିଡ ଗାଇଡ଼ଲାଇନକୁ କଡ଼ାକଡ଼ି ପାଳନ କରାଯାଉଛି। ମାସ୍କ, ସାନିଟାଇଜେସନ ଉପରେ ବିଷେଷ ଗୁରୁତ୍ୱ ଦିଆଯାଉଛି।

 

ଆନ୍ଧ୍ର ଫେରନ୍ତାଙ୍କ ପାଇଁ ନୂଆ ନିୟମ ଲାଗୁ କଲେ ଦିଲ୍ଲୀ ସରକାର

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କରୋନା ସ୍ଥିତି ସାଂଘାତିକ ହେଉଥିବା ବେଳେ ସଂକ୍ରମଣ ରୋକିବାକୁ ଦିଲ୍ଲୀ ସରକାରଙ୍କ ବଡ଼ ନିଷ୍ପତ୍ତି। ଆନ୍ଧ୍ରପ୍ରଦେଶ ଓ ତେଲେଙ୍ଗାନାରୁ ଆସୁଥିବା ଯାତ୍ରୀଙ୍କୁ ୧୪ ଦିନ କ୍ୱାରେଣ୍ଟାଇନରେ ରହିବା ବାଧ୍ୟତାମୂଳକ। ଏଥିଲାଗି ଦିଲ୍ଲୀ ସରକାର ଦେୟଯୁକ୍ତ କ୍ୱାରେଣ୍ଟାଇନ ସେଣ୍ଟର ବ୍ୟବସ୍ଥା କରାଇଛନ୍ତି।

ତେବେ କରୋନା ଟିକାର ଦୁଇଟି ଡୋଜ୍ ନେଇଥିବା ବ୍ୟକ୍ତି ପ୍ରମାଣପତ୍ର ଦେଖାଇଲେ କ୍ୱାରେଣ୍ଟାଇନରେ ରହିବାକୁ ପଡ଼ିବନାହିଁ। ଏହାଛଡ଼ା ୭୨ ଘଣ୍ଟା ପୂର୍ବରୁ RTPCR ନେଗେଟିଭ୍ ରିପୋର୍ଟ ଦେଖାଇଲେ ୭ଦିନ ଯାଏ ହୋମ କ୍ୱାରେଣ୍ଟାଇନ ବାଧ୍ୟତାମୂଳକ କରାଯାଇଛି।

ହୋମ କ୍ୱାରେଣ୍ଟାଇନ ସୁବିଧା ନ ଥିଲେ ସରକାରୀ ବା ଦେୟଯୁକ୍ତ କ୍ୱାରେଣ୍ଟାଇନ ସେଣ୍ଟରରେ ରହିପାରିବେ। ଆନ୍ଧ୍ରରେ କରୋନାର ନୂଆ ଏପି ଷ୍ଟ୍ରେନ୍ ବା N440K ଭ୍ୟାରିଆଣ୍ଟ ମିଳିବା ପରେ ଯାତ୍ରୀଙ୍କ ଯାତାୟାତ ଉପରେ କଟକଣା ଲଗାଇଛନ୍ତି ଦିଲ୍ଳୀ ସରକାର।

କୋଭିଡ୍ ପରିଚାଳନା ନେଇ କଂଗ୍ରେସର ସଂସଦୀୟ ଦଳ ବୈଠକ

ନୂଆଦିଲ୍ଲୀ: ଦେଶରେ କୋଭିଡ ମାମଲା ଦିନକୁ ଦିନ ବଢ଼ିବାରେ ଲାଗିଛି। ପ୍ରତ୍ୟେକଦିନ ଲକ୍ଷାଧିକ ସଂକ୍ରମଣ ହେଉଥିବାବେଳେ ଅକ୍ସିଜେନ ଅଭାବରେ ପ୍ରତିଦିନ ହଜାର ହଜାର ଲୋକ ମୃତ୍ୟୁ ବରଣ କରୁଛନ୍ତି। କୋରନା ମାମଲାରେ ଏଭଳି ବିସ୍ଫୋରକ ଅଭିବୃଦ୍ଧି ହେତୁ କଂଗ୍ରେସ ସଭାପତି ସୋନିଆ ଗାନ୍ଧୀ ଶୁକ୍ରବାର ଦିନ ସମସ୍ତ ଲୋକସଭା ଓ ରାଜ୍ୟସଭା ସାଂସଦଙ୍କ ବୈଠକ ଡାକିଛନ୍ତି।

କଂଗ୍ରେସ ଅଧକ୍ଷ ସୋନିଆ ଗାନ୍ଧିଙ୍କ ଅଧକ୍ଷତାକରେ ଭିଡିଓ କନଫରେନ୍ସି ମାଧ୍ୟମରେ ଏହି ବୌଠକ ବସିଛି। ବୈଠକରେ ଦେଶର କୋଭିଡ୍ ସ୍ଥିତିକୁ ନେଇ ସେ ନିଜ ଦଳର ଲୋକସଭା ଓ ରାଜ୍ୟସଭା ସାଂସଦଙ୍କ ମତାମତ ଶୁଣିଛନ୍ତି। ତେବେ ତାଙ୍କ ଦଳ ଶାସିତ ରାଜ୍ୟଗୁଡ଼ିକରେ କିପରି କୋଭିଡ ମୁକାବିଲା ହେବ ସେ ନେଇ ଏହି ବୈଠକରେ ଆଲୋଚନା ହୋଇଛି। କଂଗ୍ରେସର ପୂର୍ବତନ ମୁଖ୍ୟ ରାହୁଲ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ମଧ୍ୟ ଏହି ଭର୍ଚୁଆଲ୍ ବୈଠକରେ ଅଂଶଗ୍ରହଣ କରିଛନ୍ତି।

ତେବେ ମାର୍ଚ୍ଚରେ ସଂସଦର ବଜେଟ୍ ଅଧିବେଶନ ପରେ ଏହା କଂଗ୍ରେସ ସଂସଦୀୟ ପାର୍ଟି (ସିପିପି)ର ପ୍ରଥମ ବୈଠକ।