spot_img
Home Blog Page 5815

କିଏ ହେବ ଜାତୀୟ କଂଗ୍ରେସର ନୂଆ ଅଧ୍ୟକ୍ଷ ?

ନୂଆଦିଲ୍ଲୀ: କିଏ ହେବ ଜାତୀୟ କଂଗ୍ରେସର ନୂଆ ଅଧ୍ୟକ୍ଷ। ଏ ନେଇ କଂଗ୍ରେସରେ ଆରମ୍ଭ ହୋଇଛି ବିଚାରବିମର୍ଷ। ଆସନ୍ତା ଜୁନ୍ ୨୩ ତାରିଖରେ ହେବାକୁ ଥିବା କଂଗ୍ରେସର ଅଧ୍ୟକ୍ଷ ନିର୍ବାଚନକୁ ଘୁଞ୍ଚାଇ ଦିଆଯାଇଛି। ଦେଶରେ ବଢୁଥିବା ସଂକ୍ରମଣ ପାଇଁ କଂଗ୍ରେସ ଏଭଳି ନିଷ୍ପତ୍ତି ନେଇଛି। ଏ ନେଇ ସୂଚନା ଦେଇଛନ୍ତି କଂଗ୍ରେସର ମହାସଚିବ କେ ସି ବେଣୁଗୋପାଲ। ଜୁନ୍ ୭ ତାରିଖରେ ନାମାଙ୍କନର ଶେଷ ତାରିଖ ଓ ୨୩ ତାରିଖରେ ଭୋଟିଂ ହେବା ନେଇ ପ୍ରସ୍ତାବ ଦେଇଥିଲା ଇଲେକସନ୍ ବଡି। ହେଲେ କୋଭିଡ୍ ପାଇଁ ନିର୍ବାଚନକୁ ଘୁଞ୍ଚାଇ ଦିଆଯାଇଛି। ଆଜି ବସିଥିବା CWC ବୈଠକରେ ଏ ନେଇ ନିଷ୍ପତ୍ତି ନିଆଯାଇଛି। ୨୦୧୯ ଲୋକସଭା ନିର୍ବାଚନ ପରେ ସୋନିଆ ଗାନ୍ଧି AICCର ଅନ୍ତରିଣ ଅଧ୍ୟକ୍ଷ ଭାବେ ଦାୟିତ୍ୱ ତୁଲାଉଛନ୍ତି। ଏଣୁ ପୂର୍ଣ୍ଣକାଳୀନ ଅଧ୍ୟକ୍ଷ ପାଇଁ ଦଳରେ ଦାବି ଜୋର ଧରିଛି।

କରୋନା ସଂକ୍ରମିତଙ୍କ ଶବକୁ କିଏ ଭସାଉଛି ଗଙ୍ଗା ନଦୀରେ, ଆଗକୁ ପାଣିରୁ ମଧ୍ୟ ବ୍ୟାପିପାରେ କରୋନା

ନୂଆଦିଲ୍ଲୀ: ଶବ ସତ୍କାର ପାଇଁ ଯଦି ମଶାଣି ନମିଳେ। ତେବେ ମଣିଷ ମୃତ ଶରୀରକୁ ନେଇ କୁଆଡ଼େ ଯିବ। ଯାହାବି ହେଲେ ଶବ ସତ୍କାର ତ କରିବାକୁ ହିଁ ପଡ଼ିବ। ସେଥିପାଇଁ ଗଙ୍ଗା ନଦୀରେ ଶବ ଭସାଯାଉଥିବା ସନ୍ଦେହ କରାଯାଉଛି। ଏବେ ଗଙ୍ଗା ନଦୀରେ କୁଢ଼ କୁଢ଼ ଶବ ଭାସୁଥିବାର ଦେଖିବାକୁ ମିଳୁଛି। ବିହାରର ବକ୍ସର ଜିଲ୍ଲାରେ ଆଜି ସକାଳେ ଗଙ୍ଗା ନଦୀରେ ଅନେକ ଶବ ଭାସୁଥିବା ଦେଖିବାକୁ ମିଳିଛି। ଏହି ଶବଗୁଡ଼ିକ ବହୁତ ଦିନରୁ ନଦୀରେ ଭସାଇ ଦିଆଯାଇଛି। କାରଣ ଶବ ଗୁଡ଼ିକ ଫୁଲିଯାଇଥିବା ବେଳେ ପଚିସଢ଼ି ଯାଇଥିଲା। ଏଥିରୁ ସ୍ପଷ୍ଟ ବାରିହୋଇପଡ଼ୁଛି ଦେଶରେ କରୋନା ସଂକ୍ରମଣ ଭୟାଭହତା। ବିହାର ଏବଂ ଉତ୍ତରପ୍ରଦେଶକୁ ଲାଗିଥିବା ଚୌସା ସହରର ଗଙ୍ଗା କୂଳରେ ପ୍ରାୟ ୧୨ରୁ ଅଧିକ ଶବ ପଡ଼ିଥିବାର ଦେଖିବାକୁ ମିଳିଥିଲା।

ସକାଳୁ ଲୋକେ ଉଠିବା ପରେ ଦେଖିଥିଲେ ଏଭଳି ଭୟାନକ ଦୃଶ୍ୟ। ସ୍ଥାନୀୟ ପ୍ରଶାସନ କହିବା ଅନୁଯାୟି ଏହି ମୃତଦେହ ଉତ୍ତରପ୍ରଦେଶରୁ ନଦୀର ପ୍ରବାହରେ ଆସିଛି। ଏବଂ ସେହି ସମସ୍ତ ଶବ ହେଉଛି କରୋନା ରୋଗୀଙ୍କର। ପ୍ରଶାସନ ଆହୁରି ମଧ୍ୟ କହିଛି ଯେ, ପରିବାର ଲୋକଙ୍କୁ ଶବ ଦାହ କରିବା ପାଇଁ ସ୍ମଶାନ ମିଳିଲାନି ବୋଲି ସେମାନେ ସମସ୍ତେ ଗଙ୍ଗା ନଦୀରେ ଭସାଇ ଦେଇଛନ୍ତି। ତେବେ ଯଦି ଏହି ସବୁ ଶବ ଉତ୍ତରପ୍ରଦେଶରୁ ଆସିଛି ତେବେ କେଉଁ ସହରରୁ ଆସିଛି ତାକୁ ନେଇ ଏବେ ଯାଞ୍ଚ ଆରମ୍ଭ ହୋଇଛି ।

ଅଧିକାରୀ ଅଶୋକ କୁମାର କହିଛନ୍ତିଯେ ଚୌସା ଜିଲ୍ଲାର ମହାଦେବ ଘାଟରେ ପ୍ରାୟ ୪୦ରୁ ୫୦ ଶବ ପାଣିରେ ଭାସୁଥିବା ଦେଖାଯାଇଥିଲା। ଅଶୋକ କୁମାରଙ୍କ ଅନୁଯାୟୀ ଏହି ମୃତଦେହ ନଦୀରେ ପକାଇ ଦିଆଯାଇଥିବା ଜଣାପଡିଛି। ଏଠାରେ ଆହୁରି ଅନେକ ଶବ ଥାଇପାରେ ବୋଲି ମଧ୍ୟ ଅନୁମାନ କରାଯାଉଛି।

ଏଭଳି ଗଙ୍ଗା ନଦୀରୁ ଶବ ମିଳିବା ପରେ ସ୍ଥାନୀୟ ଲୋକଙ୍କ ମନରେ ଭୟର ବାତାବରଣ ଦେଖା ଦେଇଛି। କୋଭିଡ ସଂକ୍ରମଣ ପାଣିରେ ବ୍ୟାପିପାରେ ବୋଲି ସେମାନେ ଭୟ କରୁଛନ୍ତି ।

କ୍ୟାବିନେଟରେ କୋଭିଡ ଯୋଦ୍ଧାଙ୍କୁ ପ୍ରଶଂସା, ସଭିଙ୍କୁ ଟିକା ପ୍ରଦାନ ନେଇ ସରକାର ସଂକଳ୍ପବଦ୍ଧ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ରାଜ୍ୟ କ୍ୟାବିନେଟ ଅନୁଷ୍ଠିତ ହୋଇଯାଇଛି । କୋଭିଡ଼19 ମହାମାରୀ ବିରୁଦ୍ଧରେ ଆମର ଲଢ଼େଇ ରେ ଆମର କୋଭିଡ଼ ଯୋଦ୍ଧା ମାନେ ଯେପରି ନିଷ୍ଠା ଓ ତ୍ୟାଗ ମନୋଭାବ ନେଇ କାମ ଜାରି ରଖିଛନ୍ତି, ସେଥିପାଇଁ ରାଜ୍ୟ କ୍ୟାବିନେଟ କୋଭିଡ ଯୋଦ୍ଧାଙ୍କ କାର୍ଯ୍ୟକୁ ଉଚ୍ଚ ପ୍ରଶଂସା କରିଛନ୍ତି । କୋଭିଡ଼ ବିରୁଦ୍ଧରେ ଚାଲିଥିବା ଲଢ଼େଇରେ ରାଜ୍ୟ ସରକାର ନେଇ ଥିବା ବିଭିନ୍ନ ପଦକ୍ଷେପ ଯଥା ଟେଷ୍ଟିଂ, ଟ୍ରାକିଙ୍ଗ ଏବଂ ଟିକାକରଣ ଇତ୍ୟାଦିରେ ଓଡ଼ିଶାବାସୀ ଯେଭଳି ସହଯୋଗ ଯୋଗାଇ ଆସିଛନ୍ତି ସେଥିପାଇଁ ରାଜ୍ୟ କ୍ୟାବିନେଟ ରାଜ୍ୟ ବାସୀଙ୍କ ନିକଟରେ କୃତଜ୍ଞ ବୋଲି କୁହାଯାଇଛି । ଭବିଷ୍ୟତ କୋଭିଡ଼ ସଂକ୍ରମଣରୁ ରାଜ୍ୟ ବାସୀଙ୍କୁ ସୁରକ୍ଷା ଦେବା ତଥା ଅମୂଲ୍ୟ ଜୀବନ ରଷା କରିବା ନିମନ୍ତେ ଟୀକାକରଣ ସବୁଠାରୁ ଗୁରୁତ୍ବପୂର୍ଣ୍ଣ ।

ଇସ୍ରାଏଲ ପରି ଦେଶ ଯେଉଁ ମାନେ କି ତାଙ୍କ ଜନସଂଖ୍ୟା ର ବୃହତର ଭାଗର ଟିକାକରଣ କରିସାରିଛନ୍ତି ,ସେମାନେ ଏବେ ସ୍ବାଭାବିକତା ଆଡ଼କୁ ଫେରୁଛନ୍ତି ।
ରୋଗର ଜଟିଳତା ହ୍ରାସ କରି ରୋଗୀର ଜୀବନ ରଷା ଦିଗରେ ଟୀକାକରଣ ବହୁତ ଫଳପ୍ରଦ ହେଉଥିବା ଜଣାପଡିଛି । ବିପଦପୂର୍ଣ୍ଣ କାର୍ଯ୍ୟ ପରିବେଶ ସତ୍ବେ କୋଭିଡ଼ ଯୁଦ୍ଧରେ ନିୟୋଜିତ ଆମର ଆଗ ଧାଡ଼ି କର୍ମଚାରୀ ତଥା ସ୍ବାସ୍ଥ୍ୟ ସେବା ରେ ନିୟୋଜିତ କର୍ମଚାରୀ ମାନେ ଯେଉଁ ମାନଙ୍କର ସମ୍ପୂର୍ଣ୍ଣ ଟୀକାକରଣ ହୋଇଯାଇଛି। ଟିକା ନେଇଥିବା ବ୍ୟକ୍ତି ମାନଙ୍କର ସଂକ୍ରମଣ ହେଲେ ବି ତାହା ବହୁତ କମ୍ ଲକ୍ଷଣ ଯୁକ୍ତ ହେଉଥିବା ଦେଖାଯାଉଛି। ଏହି ପରିପ୍ରେକ୍ଷୀରେ ଓଡ଼ିଶାବାସୀଙ୍କ ପାଇଁ ଟିକା ସଂଗ୍ରହ ନିମନ୍ତେ ସର୍ବୋତ୍ତମ ଚେଷ୍ଟା କରିବା, ଟୀକା ଯୋଗାଣକୁ ସୁନିଶ୍ଚିତ କରି ରାଜ୍ୟ ବାସୀଙ୍କୁ ସୁରକ୍ଷିତ ରଖିବା ଏବଂ ଶୀଘ୍ର ରାଜ୍ୟରେ ସ୍ବାଭାବିକ ଅବସ୍ଥା ଫେରାଇ ଆଣିବା ପାଇଁ ରାଜ୍ୟ ସରକାର ସଂକଳ୍ପବଦ୍ଧ ବୋଲି କୁହାଯାଇଛି ।

ଏହି ଉଦ୍ଦେଶ୍ୟରେ ଓଡ଼ିଶା ବାସୀ ଯେପରି ସୁବିଧାରେ ଟିକା ପାଇ ପାରିବେ ସେଥିପାଇଁ ବିଶ୍ବର ବିଭିନ୍ନ ପ୍ରମୁଖ ଟାକା କମ୍ପାନୀରୁ ଟିକା ସଂଗ୍ରହ ନିମନ୍ତେ ପଦକ୍ଷେପ ନିଆଯିବ । ଏଥିପାଇଁଏକ ଗୋଲାବ୍ଲ ଟେଣ୍ଡର ଜାରି କରିବାକୁ ରାଜ୍ୟ କ୍ୟାବିନେଟ ନିଷ୍ପତ୍ତି କରିଛନ୍ତି । ସେହିପରି ଟିକା ଉପରୁ ସମସ୍ତ ପ୍ରକାର ଟିକସ ଉଠାଇ ଦେବା ପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କ ନିକଟରେ ଦାବି ଜଣାଇଛନ୍ତି । ଏହା ଫଳରେ ରାଜ୍ୟ ଅର୍ଥନୀତି ଉପରେ କମ୍ ଚାପ ପଡ଼ିବ ଏବଂ ସାର୍ବଜନୀନ ଟିକାକରଣ ପାଇଁ ରାଜ୍ୟ ସରକାରଙ୍କ ଉଦ୍ୟମରେ ଏହା ବିଶେଷ ସହାୟକ ହେବ ।

କୋଭିଡ଼ ବିରୁଦ୍ଧରେ ଚାଲିଥିବା ଏ ଲଢ଼େଇ ଏକ ବହୁତ ଲମ୍ବା ଲଢ଼େଇ । ତେଣୁ କେନ୍ଦ୍ର ସରକାର ବିଭିନ୍ନ ସେସ୍ ଓ ସରଚାର୍ଯ ଜରିଆରେ ଆଦାୟ କରୁଥିବା ଅତିରିକ୍ତ ସମ୍ବଳ କୁ ରାଜ୍ୟ ମାନଙ୍କ ମଧ୍ୟ ରେ ଉପଯୁକ୍ତ ଭାବରେ ବଣ୍ଟନ କରାଯିବାର ଆବଶ୍ୟକତା ରହିଛି । ଏହି ଜଟିଳ ପରିସ୍ଥିତିରେ କୋଭିଡ଼ ଲଢ଼େଇ ରେ ରାଜ୍ୟ ମାନଙ୍କ ଅର୍ଥିକ ସ୍ଥିତିକୁ ମଜବୁତ କରିବାରେ ଏହା ଶକ୍ତି ଯୋଗାଇବ । ଏହି ଅଵସରରେ ରାଜ୍ୟ କ୍ୟାବିନେଟ କୋଭିଡ଼ ନିୟମାବଳୀ ଯଥା ଠିକ୍ ଭାବେ ମାସ୍କ ପିନ୍ଧିବା ,ବାରମ୍ବାର ସାବୁନ ରେ ଭଲ ଭାବେ ହାତ ଧୋଇବା ,ସାମାଜିକ ଦୂରତା ରଷା କରିବା ,ଘରେ ରହିବା ଏବଂ ଆବଶ୍ୟକତା ନ ଥିଲେ ବାହାରକୁ ନ ଯିବା ଆଦି କୁ କଡ଼ାକଡ଼ି ଭାବରେ ପାଳନ କରିବା ସହ କୋଭିଡ ଯୋଦ୍ଧାଙ୍କ ପାଇଁ ଉପଯୁକ୍ତ ସ୍ୱାସ୍ଥ୍ୟ ସେବା ଯୋଗାଇଦେବା ପାଇଁ ସଂକଳ୍ପବଦ୍ଧ ବୋଲି କହିଛନ୍ତି ।

ବିଶ୍ୱାସ ଭୋଟରେ ଫେଲ୍ ନେପାଳ ପ୍ରଧାନମନ୍ତ୍ରୀ, ସଂସଦରେ ସାବ୍ୟସ୍ତ କରିପାରିଲେନି ବହୁମତ

କାଠମାଣ୍ଡୁ: ବହୁମତ ସାବ୍ୟସ୍ତ କରିବାରେ ବିଫଳ ହେଲେ ନେପାଳ ପ୍ରଧାନମନ୍ତ୍ରୀ । ନେପାଳ ସଂସଦରେ ଆଜି ହୋଇଥିବା ଆସ୍ଥା ଭୋଟରେ ହାରିଛନ୍ତି କେପି ଶର୍ମା ଓଲି । ନେପାଳ କମ୍ୟୁନିଷ୍ଟ ପାର୍ଟିରୁ ସମର୍ଥନ ହଟାଇ ନେଇଥିଲା ପ୍ରଚଣ୍ଡ ନୀତ ଦଳ । ପରେ ଦଳ କ୍ଷମତା ହରାଇବା ଏକ ପ୍ରକାର ଥୟ ହୋଇଥିଲା । କିନ୍ତୁ ନିଜ ପାଖରେ ବହୁମତ ରହିଥିବା ନେଇ ଗୃହରେ ଦାବି ରଖିଥିଲେ କେପି ଶର୍ମା ଓଲି । ପରବର୍ତ୍ତୀ ସମୟରେ ସଂସଦର ନିମ୍ନ ସଦନରେ ବହୁମତ ସାବସ୍ତ୍ୟ କରିବାକୁ ନିର୍ଦ୍ଦେଶ ଦିଆଯାଇଥିଲେ ।

ଅପରାହ୍ନରେ ସଂସଦ ପକ୍ଷରୁ ଡକାଯାଇଥିଲା ଏକ ବୈଠକ । ବହୁମତ ସାବସ୍ତ୍ୟ କରିବାକୁ ଆବଶ୍ୟକୀୟ ୨୭୫ ଭୋଟ ପାଇବାରେ ବିଫଳ ହୋଇଥିଲେ ଓଲି । ସେପଟେ ଓଲିଙ୍କ ନେପାଳ କମ୍ୟୁନିଷ୍ଟ ପାର୍ଟି ହ୍ୱିପ ଜାରି କରିବା ସହ ଓଲିଙ୍କ ସପକ୍ଷରେ ଭୋଟ ଦେବାକୁ ଅନୁରୋଧ କରିଥିଲା । କିନ୍ତୁ ପ୍ରଚଣ୍ଡ ନୀତ ଦଳ ସରକାରରୁ ସମର୍ଥନ ପ୍ରତ୍ୟାହାର କରିବା ପରେ ଦଳ ସତ୍ତା ହରାଇବା ସ୍ଥିତିକୁ ଆସିଯାଇଥିଲା । ପରବର୍ତ୍ତୀ ସମୟରେ ଭୋଟରେ ମଧ୍ୟ ତାହା ପ୍ରତିଫଳନ ହୋଇଛି ।

ଲଦାଖ ଘଟଣାକୁ ନେଇ ଭାରତ-ଚୀନ ଯେତେବେଳେ ମହାମୁହିଁ ହୁଅନ୍ତି । ସେହି ସମୟରେ ନେପାଳ ପ୍ରଧାନମନ୍ତ୍ରୀ କେପି ଶର୍ମା ଓଲି ଚୀନକୁ ସମର୍ଥନ କରନ୍ତି । ଚୀନ ସପକ୍ଷରେ ଯୁକ୍ତି ବାଢନ୍ତି । ସେହିପରି ଭାରତର କିଛି ଅଞ୍ଚଳକୁ ନେପାଳ ମାନଚିତ୍ରରେ ସ୍ଥାନ ଦେଇ ନିଜର ବୋଲି ମିଥ୍ୟା ଯୁକ୍ତି ମଧ୍ୟ ବାଢନ୍ତି । ଓଲିଙ୍କ ଚାଇନା ପ୍ରେମକୁ ବିରୋଧ କରି ପ୍ରଥମେ ବିରୋଦ କରେ ସରକାରକୁ ସମର୍ଥନ କରୁଥିବା ପ୍ରଚଣ୍ଡ ନୀତ ଦଳ ।

ପରବର୍ତ୍ତୀ ସମୟରେ ପ୍ରଟଣ୍ଡ ନୀତଚ ଦଳ କେପି ଶର୍ମାଙ୍କ ଦଳରୁ ସମର୍ଥନ ପ୍ରତ୍ୟାହାର କରିନେଇଥିଲେ  । ଏବଂ କେ ପି ଶର୍ମାଙ୍କ ମନମୁଖୀ  ଶାସନରେ ଅତିଷ୍ଟ ହୋଇ ରାଷ୍ଟ୍ରବାଦୀ କଂଗ୍ରେସ ପାର୍ଟି ମଧ୍ୟ ସମର୍ଥନ ହଟାଇ ନେଇଥିଲେ  । ଫଳରେ ଦଳର ସିଟ ସଂଖ୍ୟା ୧୨୧ କୁ ଖସି ଆସିଥିଲା  । ବିପକ୍ଷ ଦଳ ଆସ୍ଥା ଭୋଟ ପାଇଁ ସଂସଦରେ ପ୍ରସ୍ତାବ ଦେବା ପରେ ଆଜି ଗୃହରେ ବିଶ୍ୱାସ ଭୋଟ ପଡିଥିଲା । ଏବଂ କେପି ଶର୍ମାଙ୍କ କମ୍ୟୁନିଷ୍ଟ ପାର୍ଟି ବହୁମତ ପାଇଁ ଆବଶ୍ୟକ ହେଉଥିବା ୨୭୫ ଭୋଟ ପାଇବାରେ ବିଫଳ ହୋଇଛନ୍ତି  ।

କରୋନା ପାଇଁ ଏଭରେଷ୍ଟରେ ବିଭାଜନ ରେଖା ଟାଣିବ ଚୀନ୍‌, ତିବ୍ଦତକୁ ପଠାଇଲା ୨୧ ଜଣିଆ ଟିମ୍‌

ନୂଆଦିଲ୍ଲୀ: ସାରା ବିଶ୍ୱରେ କରୋନା ସଂକ୍ରମଣ ବଢ଼ିବାରେ ଲାଗିଛି। ପଡ଼ୋଶୀ ଦେଶ ନେପାଳରେ ଏବେ ସଂକ୍ରମିତ ବଢ଼ିବାରେ ଲାଗିଛନ୍ତି। ଏହା ସତ୍ତ୍ୱେ ନେପାଳ ସରକାର ପର୍ବତାରୋହଣ ଅଧିବେଶନକୁ ବାତିଲ କରିନାହାଁନ୍ତି। ଏହି ଅଧିବେଶନ ସାଧାରଣତ ଏପ୍ରିଲରୁ ଜୁନ୍ ମଧ୍ୟରେ ଚାଲିଥାଏ। ଆଉ ଏଥିପାଇଁ ଚୀନ୍‌ ଏଭରେଷ୍ଟରେ ବିଭାଜନ ରେଖା ଟାଣିବାକୁ ଯାଉଛି। ତଥାପି ଏଭରେଷ୍ଟର ଶୀର୍ଷରେ ଏହି ବିଭାଜନ ରେଖା କିପରି ସେଟ୍ ହେବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ନେପାଳର ଏକ ନ୍ୟୁଜ୍ ଏଜେନ୍ସି କହିଛି ଯେ ତିବ୍ଦତୀୟ ପର୍ବତାରୋହୀ ଗାଇଡର ଏକ ଛୋଟ ଦଳ ଏଭରେଷ୍ଟ ଯାଇ ସେଠାରେ ଏକ ବିଭାଜନ ରେଖା ଟାଣିବ। ଏହା କରାଯିବା ଦ୍ୱାରା ଶିଖରର ଉଭୟ ପାର୍ଶ୍ୱରେ ଥିବା ପର୍ବତାରୋହୀଙ୍କ ମଧ୍ୟରେ କୌଣସି ପ୍ରକାରର ସମ୍ପର୍କ ରହିବ ନାହିଁ। ତେବେ ଚୀନର ୨୧ ଜଣିଆ ଏକ ଦଳ ଏଭରେଷ୍ଟର ଶିଖର ଯିବା ପାଇଁ ତିବ୍ଦତକୁ ଯାଇଛନ୍ତି। ତେବେ ଏହି ବିଭାଜନ ଚୀନ ଏଥିପାଇ କରିବାକୁ ଚାହୁଁଛି କାରଣ, ଏଭରେଷ୍ଟରେ ଯାତ୍ରା କଲାବେଳେ ଏମିତି କିଛି ସ୍ଥାନ ରହିଛି ଯେଉଁଠି ପର୍ବତାରୋହୀ ଏକାଠି ହୋଇଥାନ୍ତି। ସେଥିପାଇଁ ଏଭରେଷ୍ଟ ଉପରେ କେହି ଏକାଠି ନହେବା ପାଇଁ ଏହି ବିଭାଜନ କରାଯିବ।

 

ପୋଷ୍ୟ ସ୍କୁଲର ଭିତ୍ତିଭୂମି ସମୀକ୍ଷା କଲେ ଓଟିଡିସି ଅଧ୍ୟକ୍ଷା

ଭୁବନେଶ୍ୱର: ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ ଅଧ୍ୟକ୍ଷା ଶ୍ରୀମୟୀ ମିଶ୍ର ଭିଡିଓ କନଫରେନ୍ସିଂ ମାଧ୍ୟମରେ ବଲାଙ୍ଗିର ସରକାରୀ ଗାର୍ଲସ ହାଇସ୍କୁଲର ଭିତ୍ତିଭୂମିର ସମୀକ୍ଷା କରିଛନ୍ତି। ସ୍କୁଲର ସୌନ୍ଦର୍ଯ୍ୟକରଣ ସମେତ ସେଠାରେ ଛାତ୍ରୀମାନଙ୍କ ପାଇଁ ଉନ୍ନତମାନର ଲାଇବ୍ରେରୀ, ସାଇନ୍ସ ଲାବ୍ରୋଟୋରୀ, କମ୍ପ୍ୟୁଟର ଲ୍ୟାବ୍ , ସ୍ମାର୍ଟ କ୍ଲାସରୁମ୍ ସୁବିଧା ଆଦି ଉପଲବ୍ଧ କରାଇବା ଦିଗରେ ତୁରନ୍ତ ପଦକ୍ଷେପ ନିଆଯିବ ବୋଲି ସୂଚନା ଦେଇଛନ୍ତି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନରେ ଶ୍ରୀମୟୀ ମିଶ୍ର ପିଲାଦିନେ ପଢ଼ିଥିବା ନିଜର ଏହି ହାଇସ୍କୁଲକୁ ‘ପୋଷ୍ୟ ସ୍କୁଲ’ ଭାବେ ଗ୍ରହଣ କରିଛନ୍ତି। ଏବେ କୋଭିଡ୍‌-୧୯ କଟକଣା ଥିବାରୁ ଏହି ସ୍କୁଲର ବିଭିନ୍ନ ଷ୍ଟେକ୍ ହୋଲଡରମାନଙ୍କ ସହ ଭିତ୍ତିଭୂମି ପ୍ରସଙ୍ଗରେ ବିଚାରବିମର୍ଶ କରିଥିଲେ। ସ୍କୁଲ ପ୍ରଧାନଶିକ୍ଷୟିତ୍ରୀ ଭାରତୀ ନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମୀକ୍ଷା ବୈଠକରେ ଯୋଗ ଦେଇ ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର ସ୍କୁଲକୁ କିଭଳି ଉନ୍ନତମାନର କରାଯାଇପାରିବ ସେ ନେଇ ସ୍କୁଲର କିଛି ପୁରାତନ ଛାତ୍ରୀ, ବର୍ତ୍ତମାନର ଛାତ୍ରୀଙ୍କ ସମେତ ଶିକ୍ଷିୟିତ୍ରୀ ଓ ପରିଚାଳନା କମିଟି ସଦସ୍ୟଙ୍କ ମତାମତ ଲୋଡ଼ିଥିଲେ।

ରାଜ୍ୟ ସରକାର ହାଇସ୍କୁଲ ଅପଗ୍ରେଡେସନ୍ କାର୍ଯ୍ୟକ୍ରମରେ ଏହି ସରକାରୀ ହାଇସ୍କୁଲକୁ ସାମିଲ କରାଯାଇଥିବା ତଥା ରାଜ୍ୟର ମେଡିକାଲ ଓ ଇଞ୍ଜିନିୟରିଂ ପାଠ୍ୟକ୍ରମରେ ସରକାରୀ ସ୍କୁଲର ଛାତ୍ରଛାତ୍ରୀଙ୍କ ପାଇଁ ୧୫ପ୍ରତିଶତ ସଂରକ୍ଷଣ ପାଇଁ ମୁଖ୍ୟମନ୍ତ୍ରୀଙ୍କ ନିଷ୍ପତ୍ତିକୁ ଛାତ୍ରୀମାନେ ପ୍ରଶଂସା କରିବା ସହ କୃତଜ୍ଞତା ଜଣାଇଥିଲେ। ‘ମୋ ସ୍କୁଲ’ କାର୍ଯ୍ୟକ୍ରମ ହେଉଛି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମହତ୍ୱାକାଂକ୍ଷୀ କାର୍ଯ୍ୟକ୍ରମ । ଯାହା ସ୍କୁଲ ସହ ପୁରାତନ ଛାତ୍ରଛାତ୍ରୀଙ୍କୁ ଯୋଡ଼ିବାର ଏକ ଅଭିନବ ପ୍ରୟାସ।

ନିଜେ ପଢ଼ିଥିବା ସ୍କୁଲର ଭିତ୍ତିଭୂମି ବିକାଶ ପାଇଁ ସେ ପ୍ରତିଶ୍ରୁତିବଦ୍ଧ। ସ୍କୁଲ କର୍ତ୍ତୃପକ୍ଷଙ୍କ ଅନୁରୋଧରେ ‘ସ୍ମାର୍ଟ କ୍ଲାସରୁମ୍‌’ ନିର୍ମାଣ କରାଯାଇଛି। ସ୍କୁଲ ଖୋଲିଲେ ଏହା ଉଦଘାଟନ ହେବ। ଏହି ସ୍ମାର୍ଟ କ୍ଲାସରୁମରେ ୫୦ଜଣ ଛାତ୍ରୀ ଏକକାଳୀନ ବସିବାର ସୁବିଧା କରାଯାଇଛି। ସେହିପରି ସ୍କୁଲରେ ଶୈକ୍ଷିକ ପରିବେଶ ଓ ପିଲାମାନଙ୍କ ମଧ୍ୟରେ ପାଠପଢ଼ାରେ ପ୍ରତିଯୋଗିତାମୂଳକ ମନୋଭାବ ବୃଦ୍ଧି ସହ ଭଲ ରେଜଲ୍ଟ କରିବା ପାଇଁ ସ୍କୁଲ ପରିସରରେ ନିୟମିତ କୋଚିଂ କ୍ଲାସ୍ , ସୁପର-୩୦ କ୍ଲାସ ରୁମ୍ , ବିଭିନ୍ନ ପୁରସ୍କାର, ଫଟୋ ଡକ୍ୟୁମେଣ୍ଟେସନ୍ ସହ ବାର୍ଷିକ ଆକ୍ସନ ପ୍ଲାନ୍ ପ୍ରସ୍ତୁତ ନିମନ୍ତେ ପରାମର୍ଶ ଦେଇଛନ୍ତି ଓଟିଡିସି ଅଧ୍ୟକ୍ଷା ।

ଦିଲ୍ଲୀରେ ହ୍ରାସ ପାଇଛି କରୋନା ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ୧୨, ୬୫୧ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ କମୁଛି କରୋନା ସଂକ୍ରମଣ। ଦିଲ୍ଲୀରେ ମଧ୍ୟ ଧିରେ ଧିରେ କମୁଛି କରୋନା। ଦିଲ୍ଲୀ ସରକାରଙ୍କ ହେଲ୍ଥ ବୁଲେଟିନ୍ ଅନୁଯାୟୀ, ଦିଲ୍ଲୀରେ କରୋନାର ଅବସ୍ଥା ବର୍ତ୍ତମାନ ସୁଧୁରୁଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ୧୨,୬୫୧ ଟି ନୂଆ କରୋନା ସଂକ୍ରମିତ ରୋଗୀ  ଚିହ୍ନଟ ହେବା ସହ ୩୧୯ ଜଣଙ୍କର ମୃତ୍ୟୁ ହୋଇଛି। ତେବେ ଲକ୍‌ଡାଉନ ପରେ ଦିଲ୍ଲୀରେ ଲଗାତାର କରୋନା ସଂକ୍ରମିତଙ୍କ ସଂଖ୍ୟା ହ୍ରାସ ପାଇବାରେ ଲାଗିଛି। ତେବେ ଦିଲ୍ଲୀରେ ଏବେ ପଜିଟିଭ କେସ ୧୯.୧୦ ପ୍ରତିଶତକୁ ଖସି ଆସିଛି।  ଗତ 2୨୪ ଘଣ୍ଟା ମଧ୍ୟରେ ୧୩ ହଜାର ୩୦୬ ଜଣକୁ ଡାକ୍ତରଖାନାରୁ ଡିସଚାର୍ଜ କରାଯାଇଛି। ସବୁଠାରୁ ବଡ଼ କଥା ହେଉଛି ଏବେ ଦିଲ୍ଲୀରେ ୫୨ ହଜାର ୪୫୧ ଜଣ କରୋନା ରୋଗୀ ଘରେ ରହି ଚିକିତ୍ସିଚ ହେଉଛନ୍ତି।

ଅନ୍ୟପକ୍ଷରେ ଟିକା ଅଭାବରୁ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ରବିବାର କେନ୍ଦ୍ର ସରକାରଙ୍କୁ ଟାର୍ଗାଟ କରିଛନ୍ତି। ସିସୋଦିଆ କହିଛନ୍ତି ଯେ ଆମର ବୈଜ୍ଞାନିକମାନେ ଦେଶ ପାଇଁ ୨-୨ ଟିକା ଆବିଷ୍କାର କରିଛନ୍ତି। ଏହି ଟିକା ବାହାରିବା ପରେ ଲୋକମାନେ ଆଶା କରିଥିଲେ ଆଉ ଲୋକେ କରୋନାରେ ମରିବେ ନାହିଁ। କିନ୍ତୁ ଟିକା ବାହାରିବା ସତ୍ତ୍ୱେ ଆମ ଦେଶର ଲୋକଙ୍କ ଜୀବନକୁ କରୋନାରୁ ରକ୍ଷା କରାଯାଇପାରୁ ନାହିଁ।

ବନ୍ଧୁକ ଦେଖାଇଲେ, ୬ ଲକ୍ଷ ଛଡାଇନେଲେ

ଖୋର୍ଦ୍ଧା: ବନ୍ଧୁକ ମୁନରେ ୬ଲକ୍ଷ ଲୁଟିନେଲେ ଦୁର୍ବୃତ୍ତ । ବିଦ୍ୟୁତ ବିଭାଗ ଅଧିକାରୀଙ୍କ ପେଟରେ ବନ୍ଧୁକ ଲଗାଇ ୬ଲକ୍ଷ ଲୁଟ୍‌ ହୋଇଥିବା ଅଭିଯୋଗ ହୋଇଛି । ଏପରି ଏକ ଚାଞ୍ଚଲ୍ୟକର ଘଟଣା ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଶକ୍ତି ସିନେମା ହଲ ନିକଟରେ ଘଟିଥିବା ବେଳେ ଲୁଟ୍‌ର ଶିକାର ହୋଇଛନ୍ତି ବାଣପୁର-୧ ବିଦ୍ୟୁତ୍‌ ବିଭାଗର ସୁପରଭାଇଜର ସଂଜିତ ପ୍ରଧାନ ।

ସୂଚନା ଅନୁଯାୟୀ ସଞ୍ଜିତ ଆଜି ମଧ୍ୟାହ୍ନରେ ବିଦ୍ୟୁତ୍‌ କଲେକ୍ସନ ପାଇସା ଡିପୋଜିଟ୍‌ କରିବାକୁ ବାଲୁଗାଁ ଷ୍ଟେଟ ବ୍ୟାଙ୍କ ଯାଉଥିଲେ । ଶକ୍ତି ହଲ ନିକଟରେ ଦୁଇ ଦୁର୍ବୃତ୍ତ ପଲସର ଗାଡ଼ିରେ ଆସି ତାଙ୍କ ଗାଡିକୁ ଅଟକାଇବା ସହ ତାଙ୍କ ପେଟରେ ବନ୍ଧୁକ ଲଗାଇ ପଇସା ବ୍ୟାଗ ଲୁଟ୍‌ କରିଥିଲେ ।

ତେବେ ଟଙ୍କା ବ୍ୟାଗ୍‌ରେ ମୋଟ୍‌ 6 ଲକ୍ଷ 16 ହଜାର ଟଙ୍କା ରହିଥିବା ପୋଲିସ ପାଖରେ ଅଭିଯୋଗ କରିଛନ୍ତି ସଞ୍ଜିତ । ଅଭିଯୋଗ ପରେ ବାଣପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଦିଲ୍ଲୀ ଏବଂ ଗୋଆ ଯାତ୍ରା କରୁଥିଲେ ଏହି ସବୁ ନିୟମ ବାଧ୍ୟତାମୂଳକ

ନୂଆଦିଲ୍ଲୀ: ଟ୍ରେନ୍ ଦ୍ୱାରା ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଦିଲ୍ଲୀ ଏବଂ ଗୋଆ ସରକାରଙ୍କ ପକ୍ଷରୁ ଷ୍ଟାଣ୍ଡାର୍ଡ ଅପରେଟିଂ ପ୍ରୋଟୋକଲ୍ (SOP) ଜାରି କରାଯାଇଛି। ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶରୁ ଟ୍ରେନ ଯୋଗେ ଦିଲ୍ଲୀ ଯାଉଥିବା ଏବଂ ଦେଶର ଯେକୌଣସି ସ୍ଥାନରୁ ଗୋଆ ଯାଉଥିବା ଯାତ୍ରୀମାନଙ୍କ ପାଇଁ ଉଭୟ ସରକାର ଷ୍ଟାଣ୍ଡାର୍ଡ ଅପରେଟିଂ ପ୍ରୋଟୋକଲ୍ (SOP) ଜାରି କରିଛନ୍ତି ।

ଦେଶର ଯେକୌଣସି ସ୍ଥାନରୁ ଗୋଆର ଯେକୌଣସି ଷ୍ଟେସନକୁ ଯାଉଥିବା ଯାତ୍ରୀ ଗୋଆ ରାଜ୍ୟରେ ପ୍ରବେଶ କରିବାର 72 ଘଣ୍ଟା ମଧ୍ୟରେ ପରୀକ୍ଷା ହୋଇଥିବା ଆରଟିପିସିଆର ରିପୋର୍ଟ କିମ୍ବା ଦୁଇଟି ଡୋଜ୍ Covid19 ଟୀକା ନେଇଥିବା ପ୍ରମାଣ ପତ୍ର ଦର୍ଶାଇବା ଜରୁରୀ ଅଟେ | ନିମ୍ନ ପ୍ରଦତ୍ତ ବ୍ୟକ୍ତିବିଶେଷ ଗୋଆ ଯିବା ପାଇଁ ଛାଡ଼ ପାଇବେ । A. ଗୋଆ ରାଜ୍ୟର ବାସିନ୍ଦା B. କାମ ପାଇଁ ଗୋଆରେ ପ୍ରବେଶ କରୁଥିବା ବ୍ୟକ୍ତି କାର୍ଯ୍ୟ ପ୍ରମାଣ ପତ୍ର / ନିଯୁକ୍ତିଦାତାଙ୍କଠାରୁ ଚିଠି C . ମେଡିକାଲ ସେବାରେ ଜରୁରୀକାଳୀନ ପରିସ୍ଥିତି ପାଇଁ ବ୍ୟକ୍ତି ମାନେ ।

ସେହିଭଳି, ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶରୁ ଦିଲ୍ଲୀ ଅଞ୍ଚଳକୁ ଯାଉଥିବା ଟ୍ରେନଗୁଡିକ ସଂପୃକ୍ତ ଜିଲ୍ଲା ମାଜିଷ୍ଟ୍ରେଟଙ୍କ ଦ୍ୱାରା ଚିହ୍ନଟ ହୋଇଥିବା ସରକାରୀ ଅନୁଷ୍ଠାନିକ କ୍ଵାରେଣ୍ଟୀନ/ ଦେୟଯୁକ୍ତ କ୍ଵାରେଣ୍ଟୀନରେ ବାଧ୍ୟତାମୂଳକ ଭାବେ 14 ଦିନ ପାଇଁ ରହିବାକୁ ପଡିବ । ଦୁଇଟି ଡୋଜ୍ Covid19 ଟୀକା ନେଇଥିବା ପ୍ରମାଣ ପତ୍ର କିମ୍ବା ଯାତ୍ରା ପ୍ରାରମ୍ଭ ଦିନର 72 ଘଣ୍ଟା ମଧ୍ୟରେ ପରୀକ୍ଷା ହୋଇଥିବା ଆରଟିପିସିଆର ନେଗେଟିଭ ରିପୋର୍ଟ ଦର୍ଶାଇବା ଜରୁରୀ ଅଟେ । ଯଦି କୌଣସି ବ୍ୟକ୍ତିଙ୍କ ସହିତ ଘର କ୍ଵାରେଣ୍ଟୀନରେ ପାଇଁ କୌଣସି ଉପଯୁକ୍ତ ସୁବିଧା ଉପଲବ୍ଧ ନଥାଏ, ତେବେ ସେ 7 ଦିନ ପାଇଁ ଚିହ୍ନିତ ଅନୁଷ୍ଠାନରେ / ଦେୟଯୁକ୍ତ କ୍ଵାରେଣ୍ଟୀନ ଚୟନ କରିପାରିବେ ।

ଯଦି କୌଣସି ବ୍ୟକ୍ତି ପ୍ରମାଣ ପତ୍ର ଦେଖାଇ ନପାରିବେ ତେବେ ସେମାନଙ୍କୁ ସରକାରଙ୍କ ଦ୍ୱାରା ଜାରି କରାଯାଇଥିବା ଗୃହ କ୍ଵାରେଣ୍ଟୀନ ସମ୍ବନ୍ଧୀୟ ପ୍ରୋଟୋକଲ୍ / ଗାଇଡଲାଇନ / SOP ଗୁଡ଼ିକର ଅନୁପାଳନ କ୍ଷେତ୍ରରେ ଏହିପରି ବ୍ୟକ୍ତିମାନଙ୍କୁ 7 ଦିନ ସରକାରୀ ଅନୁଷ୍ଠାନରେ କ୍ଵାରେଣ୍ଟୀନରେ ରଖାଯିବ ।

ରେମଡିସିଭର ପରେ ଏବେ ବ୍ଲାକ୍‌ ଫଙ୍ଗସ୍‌ରୁ ବଞ୍ଚିବା ପାଇଁ ଆମ୍ଫୋସିନ୍-ବି ଇଞ୍ଜେକ୍ସନର ଘୋର ଅଭାବ

ନୂଆଦିଲ୍ଲୀ: ସାରା ଦେଶରେ ଏବେ କରୋନା ସଂକ୍ରମଣ ଭୟର ବାତାବରଣ ସୃଷ୍ଟି କରିଛି। ପ୍ରତି ଦିନ ୪ ଲକ୍ଷରୁ ଅଧିକ ସଂକ୍ରମିତଙ୍କ ସଂଖ୍ୟା ଦେଶରୁ ଚିହ୍ନଟ ହେଉଛନ୍ତି। ଏହାରି ଭିତରେ କରୋନର ବୋଝ ଉପରୁ ଲଳିତା ବିଡ଼ା ସାଜିଛି ବ୍ଲାକ୍‌ ଫଙ୍ଗସ ରୋଗ। ଦେଶରେ ଅନେକ ଡାକ୍ତରଖାନାରୁ କରୋନା ରୋଗୀଙ୍କୁ ବ୍ଲାକ୍ ଫଙ୍ଗସ ରୋଗ ହୋଇଥିବା ମାମଲା ସାମ୍ନାକୁ ଆସୁଛି। ରାଜଧାନୀ ଦିଲ୍ଲୀର ଡାକ୍ତରଖାନାରେ ଏଭଳି ମାମଲା ବାହାରିବ ପରେ ଏବେ ଗୁଜୁରାଟର ଏକ ହସ୍ପିଟାଲରେ କରୋନା ରୋଗୀଙ୍କୁ ବ୍ଲାକ୍‌ ଫଙ୍ଗସ ହୋଇଥିବା ମାମଲା ସାମ୍ନାକୁ ଆସୁଛି। ଯେତେବେଳେ ଦେଶରେ କରୋନା ସଂକ୍ରମଣ ଦୃତ ଗତିରେ ବଢ଼ିବାରେ ଲାଗିଛି ଠିକ୍‌ ସେତିକି ବେଳେ ଏହି ବ୍ଲାକ ଫଙ୍ଗସ୍‌ ରୋଗ ନୂଆ ଏବଂ ବିରଳ ବୋଲି କୁହାଯାଉଛି। ଆଉ ଏବେ  ରେମଡିସିଭର ପରେ ମ୍ୟୁକୋରମାଇକୋସିସ୍ ଇଞ୍ଜେକ୍ସନର ମଧ୍ୟ ଭୟଙ୍କର ଅଭାବ ଦେଖିବାକୁ ମିଳିଛି।

ମ୍ୟୁକୋରମାଇକୋସିସ୍ର ଚିକିତ୍ସା ଅତ୍ୟନ୍ତ ମହଙ୍ଗା ଏବଂ ବହୁତ କଷ୍ଟ। ଚିକିତ୍ସା ସମୟରେ ରୋଗୀଙ୍କୁ ୧୫ ରୁ ୨୧ ଦିନ ପର୍ଯ୍ୟନ୍ତ ଆମ୍ଫୋସିନ୍-ବି ଇଞ୍ଜେକ୍ସନ ଦିଆଯାଏ। ଯଦି ଆବଶ୍ୟକ ହୁଏ, ବାଇନୋକୁଲାର ମାଧ୍ୟମରେ ନାକରୁ କବକକୁ ବାହାର କରିବା ପାଇଁ ଅସ୍ତ୍ରୋପଚାର ମଧ୍ୟ କରାଯାଏ। ଏହି ଚିକିତ୍ସା ରୋଗୀର ଓଜନ ଉପରେ ନିର୍ଭର କରି ରୋଗୀକୁ ପ୍ରତିଦିନ ୬ ରୁ ୯ଟି ଇଞ୍ଜେକ୍ସନ ଦେବାକୁ ପଡ଼ିଥାଏ। ଗୋଟିଏ ଗରିବ ଶ୍ରେଣିର ବ୍ୟକ୍ତି ଏହି ଚିକିତ୍ସା କରିବା ଅସମ୍ଭବ। କାରଣ ଏହି ରୋଗକୁ ଭଲ କରିବା ପାଇଁ ବ୍ୟବହାର ହେଉଥିବା ଇଞ୍ଜେକ୍ସନର ମୂଲ୍ୟ ୬ ରୁ ୭ ହଜାର ଟଙ୍କା। ଏବଂ ୨୦ ରୁ ୨୮ ଦିନ ମଧ୍ୟରେ ଏହି ଇଞ୍ଜେକ୍ସନ ଦେବାରେ ୧୩ରୁ ୧୪ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ।

ରାଜକୋଟରେ ମାମଲା ବୃଦ୍ଧି ପାଉଛି

ରାଜକୋଟରେ ବ୍ଲାକ୍‌ ଫଙ୍ଗସ ମାମଲା ବୃଦ୍ଧି ପାଉଛି। ଏବଂ ବର୍ତ୍ତମାନ ସୌରାଷ୍ଟ୍ରର ସମସ୍ତ ରୋଗୀ ରାଜକୋଟକୁ ଚିକିତ୍ସା ପାଇଁ ଆସୁଛନ୍ତି। ରାଜକୋଟରେ ସର୍ବ ବୃହତ ୨୫୦ ଶଯ୍ୟା ବିଶିଷ୍ଟ ମ୍ୟୁକୋରମାଇକୋସିସ୍ର ୱାର୍ଡ ପ୍ରତିଷ୍ଠା କରାଯାଇଛି। ଚିକିତ୍ସା ଅଧୀକ୍ଷକ ଡା. ଏସ୍‌ ତ୍ରିବେଦୀଙ୍କ ଅନୁଯାୟୀ ରୋଗୀମାନେ ସୌରାଷ୍ଟ୍ରରୁ ରାଜକୋଟକୁ ଆସୁଛନ୍ତି। ଫଳସ୍ୱରୂପ, ରୋଗୀଙ୍କ ସଂଖ୍ୟା ବଡ଼ିବାରେ ଲାଗିଛନ୍ତି।