spot_img
Home Blog Page 5816

ଟିକାକରଣ କେନ୍ଦ୍ରରେ ଅବ୍ୟବସ୍ଥା, କାହାକୁ ମିଳୁଛି କାହାକୁ ମିଳୁନି

ଭଦ୍ରକ: ମହାମାରୀ କରୋନା ୨ଲହରୀ ଏବେ ଦିନକୁ ଦିନ ବୃଦ୍ଧିପାଇବାରେ ଲାଗିଛି। ଏହାର ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ପ୍ରୟାସ ଜାରୀ ରହିଛି। ଏପରିକି ପ୍ରଥମେ ବରିଷ୍ଠ ନାଗରୀକ ଓ ୧୮ବର୍ଷରୁ ୪୫ବର୍ଷ ପର୍ଯ୍ୟନ୍ତ ସମସ୍ତ ନାଗରୀକଙ୍କୁ କୋଭିଡ ଟିକା ଦେବା ପାଇଁ ଘୋଷଣା କରିବା ପରେ , ପ୍ରଥମେ ବରିଷ୍ଠ ନାଗରୀକଙ୍କୁ ପ୍ରଥମ ଡୋଜ ଟିକା ନେବା ପରେ ଦ୍ବିତୀୟ ଡୋଜ ଟିକା ପାଇଁ ବାରମ୍ବାର ମେଡିକାଲକୁ ଆସୁଥିଲେ ମଧ୍ଯ ମେଡିକାଲରେ ଟିକା ଅଭାବରୁ ନିରାଶ ହୋଇ ଫେରୁଥିବା ଅଭିଯୋଗ ହୋଇଛି ।

ଆରଡି ମେଡିକାଲର ରିପୋର୍ଟ ଅନୁଯାୟୀ ଗତ ମାର୍ଚ୍ଚ ୧୬ରୁ ଅପ୍ରେଲ ମାସ ୨୦ ସୁଧା ୩ହଜାର ୬ଶହ ୩୬ଜଣ ପ୍ରଥମ ଟିକା ନେଇଛନ୍ତି। ହେଲେ ସେମାନଙ୍କ ମଧ୍ଯରୁ କାହାର ୨ମାସ ବିତିଲାଣି ତ ଆଉ କାହାର ଦେଢମାସ ହେଲାଣି । ୨ୟ ଡୋଜ ଟିକା କେତେ କାମ ଦେବ ତାହା ଲୋକଙ୍କୁ ସନ୍ଦେହ ଘେରରେ ପକାଇଛି। ବିଶେଷକରି ବାହାରୁ ଫେରୁଥିବା ପ୍ରବାସୀ ଏବେ ଚିନ୍ତାର କାରଣ ପାଲଟିଛନ୍ତି।

ମେଡିକାଲରେ ଆବଶ୍ଯକତା ଅନୁଯାୟୀ କିଟ ନଥିବାରୁ ଟେଷ୍ଟି ପାଇଁ ସକାଳୁ ସଂଞ୍ଜ ଯାଏଁ ଭିଡ ଜମୁଛି ମେଡିକାଲ ପରିସରରେ। ଏହି ଆରଡି ମେଡିକାଲ ଉପରେ ଚାନ୍ଦବାଲି ଓ ତିହିଡ ବ୍ଲକର ୧୫ପଞ୍ଚାୟତର ଲୋକଙ୍କ ସହ ପଡୋଶୀ କେନ୍ଦ୍ରାପଡା ଓ ଯାଜପୁର ଜିଲାର ଅଧିକାଂଶ ଅଞ୍ଚଳର ଲୋକ ନିର୍ଭର କରିଥାନ୍ତି। ବହୁ ଦୂରଦୂରାନ୍ତରରୁ ଆସୁଥବା ଳୋକ ଟିକା ନପାଇ ନିରାସ ହେଉଥିବା ମଧ୍ୟ ଅବିଯୋଗ ହୋଇଛି ।

ଶପଥ ଗ୍ରହଣ ସମାରୋହରେ କରୋନା ଦ୍ୱାରା ସଂକ୍ରମିତ ହେଲେ ପୁଡୁଚେରୀ ମୁଖ୍ୟମନ୍ତ୍ରୀ, ମୋଟ ୧୧ ଜଣ ସଂକ୍ରମିତ ଚିହ୍ନଟ

ପୁଡୁଚେରୀ: ପୁଡୁଚେରୀ ମୁଖ୍ୟମନ୍ତ୍ରୀ ଏନ ରଙ୍ଗାସାମି ରବିବାର ଦିନ କରୋନାରେ ସଂକ୍ରମିତ ହୋଇଥିବା ଜଣାପଡ଼ିଛି। ସ୍ୱାସ୍ଥ୍ୟ ବିଭାଗର ମୁଖପାତ୍ର କହିଛନ୍ତି ଯେ ରବିବାର ଦିନ ପୁଡୁଚେରୀସ୍ଥିତ ଇନ୍ଦିରା ଗାନ୍ଧୀ ସରକାରୀ ମେଡିକାଲ କଲେଜ ହସ୍ପିଟାଲରେ ରଙ୍ଗାସାମିଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଲା। ଏହା ପରେ ମୁଖ୍ୟମନ୍ତ୍ରୀ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ମୁଖପାତ୍ର କହିଛନ୍ତି ଯେ ରଙ୍ଗାସାମିଙ୍କ ଅବସ୍ଥା ସ୍ଥିର ରହିଛି ଏବଂ ସେ ଚେନ୍ନାଇର ଏକ ଘରୋଇ ଡାକ୍ତରଖାନାରେ ଚିକିତ୍ସା କରିବାକୁ ନିଷ୍ପତ୍ତି ନେଇଛନ୍ତି।

AINRC ନେତା ଏନ ରଙ୍ଗାସାମି ଶୁକ୍ରବାର ଦିନ ପୁଡୁଚେରୀର ମୁଖ୍ୟମନ୍ତ୍ରୀଙ୍କ ଭାବେ ଶପଥ ଗ୍ରହଣ କରିଛନ୍ତି। ସବୁଠାରୁ ବଡ଼ କଥା ହେଉଛି ଶୁକ୍ରବାର ଦିନ ମୁଖ୍ୟମନ୍ତ୍ରୀ ଏନ ରଙ୍ଗାସାମିଙ୍କ ଶପଥ ଗ୍ରହଣ ନେଇଥିଲେ। ସେହି ସମାରୋହରେ ଯୋଗ ଦେଇଥିବା ୧୮୩ ଜଣଙ୍କୁ ପରୀକ୍ଷା କରାଯାଇଥିଲା। ଏବଂ ସେମାନଙ୍କ ମଧ୍ୟରୁ ୧୧ ଜଣ କୋଭିଡ -୧୯ ଦ୍ୱାରା ସଂକ୍ରମିତ ହୋଇଥିବା ଜଣାପଡିଛି।

ରବିବାର ଦିନ ପୁଡୁଚେରୀରେ କରୋନା କାରଣରୁ ଗୋଟିଏ ଦିନରେ ୨୬ ଜଣ ରୋଗୀଙ୍କ ମୃତ୍ୟୁ ହୋଇଥିବାବେଳେ ୧୬୩୩ ଟି ନୂଆ ମାମଲା ଚିହ୍ନଟ ହୋଇଥିଲା। ସ୍ୱାସ୍ଥ୍ୟ ବିଭାଗର ସୂଚନାନୁସାରେ, ନୂତନ ମାମଲା ଆସିବା ପରେ ଏଠାରେ ସଂକ୍ରମିତଙ୍କ ସଂଖ୍ୟା ୭୧ ହଜାର ୭୦୯କୁ ବୃଦ୍ଧି ପାଇଛି।

କରୋନା ଯୋଦ୍ଧାଙ୍କୁ ସହଯୋଗର ହାତ ବଢ଼ାଇବାକୁ ଅନୁରୋଧ କଲେ ଅଭିନେତ୍ରୀ ଅନୁ ଚୌଧୁରୀ

ଭୁବନେଶ୍ୱର: କରୋନାର ଦ୍ୱିତୀୟ ପ୍ରବାହରେ ଏବେ ସାରା ଭାରତ କ୍ଷତିଗ୍ରସ୍ତ ହୋଇଛି। ବର୍ଷ ୨୦୨୦ରେ କରୋନାର କରାଳ ରୂପକୁ କେହି ଭୁଲିପାରି ନାହାନ୍ତି। ଧିରେ ଧିରେ ସୁଧୁରୁଥିବା ପରିସ୍ଥିତି ଏବେ ଦ୍ୱିତୀୟ ପ୍ରବାହ ପାଇଁ ଅଧିକ କ୍ଷତିଗ୍ରସ୍ତ ହୋଇଛି। ସମସ୍ତେ ଅଫିସ୍‌କୁ ଯାଉଥିଲେ, ବ୍ୟବସାୟୀ ଖୋଲା ବଜାରରେ ବସୁଥିଲେ, ଛାତ୍ରଛାତ୍ରୀ ମଧ୍ୟ ସ୍କୁଲ, କଲେଜ ଯିବାକୁ ଲାଗିଥିଲେ। ହେଲେ କେହି କେବେ କଳ୍ପନା ବି କରିନଥିଲେ ଯେ କରୋନାର ଦ୍ୱିତୀୟ ଭାରତକୁ ଏତେମାତ୍ରାରେ ଦୋହଲାଇଦେବ।

ଦ୍ୱିତୀୟ ପ୍ରବାହରେ ଆମମାନଙ୍କର ଖାମ୍‌ଖିଆଲ୍ ମନୋଭାବ ପାଇଁ ଏହି ରୋଗର ପ୍ରଭାବକୁ ଦ୍ୱିଗୁଣିତ କରିଛି ବୋଲି ଅଭିନେତ୍ରୀ ଅନୁ ଚୌଧୁରୀ କହିଛନ୍ତି। ସେହ ଆହୁରିମଧ୍ୟ କହିଛନ୍ତି ଏ କଥା ସତ ଯେ ଲୋକଙ୍କ ପାଇଁ ଭାକ୍ସିନ୍ ଆସିଗଲାଣି। ହୁଏ ତ ଆଗକୁ ସଂକ୍ରମଣ ସଂଖ୍ୟା ସହ ମୃତ୍ୟୁସଂଖ୍ୟାରେ ମଧ୍ୟ ହ୍ରାସ ପାଇବ। କିନ୍ତୁ କରୋନାର ଦ୍ୱିତୀୟ ପ୍ରବାହ ସମସ୍ତଙ୍କୁ ଭୟଭୀତ କରିଛି ଏଥିରେ ସନ୍ଦେହ ନାହିଁ।

କରୋନା ସଂକ୍ରମିତଙ୍କ ସଂଖ୍ୟା ଧିରେଧିରେ ବଢିବାରେ ଲାଗିଛି। ପୁଣି ଶୁଣିବାକୁ ମିଳିଛି କରୋନାର ତୃତୀୟ ଲହରି ମଧ୍ୟ ଆସିପାରେ। ହେଲେ ବର୍ତ୍ତମାନର ପରିସ୍ଥିତି ଅନୁଯାୟୀ ଆମକୁ ଆହୁରି ସତର୍କ ରହିବାକୁ ପଡିବ ବୋଲି ଅନୁ ଚୌଧୁରୀ କହିଛନ୍ତି। ଯେଉଁମାନେ ଆମକୁ ସୁରକ୍ଷିତ ରଖିବା ଲାଗି ଦିନରାତି ଅକ୍ଳାନ୍ତ ପରିଶ୍ରମ କରୁଛନ୍ତି, ଆମ ପାଇଁ ନିଜ ପରିବାରକୁ ଛାଡ଼ି କରୋନା ଯୋଦ୍ଧା ସାଜିଛନ୍ତି। ସେମାନଙ୍କ ପରିବାର ଲୋକଙ୍କୁ ମୋର ଅନୁରୋଧ ଦୟାକରି ସେମାନଙ୍କୁ ସହଯୋଗ କରନ୍ତୁ ଏବଂ ମାନସିକ ରୂପେ ସମର୍ଥନ ଦିଅନ୍ତୁ ବୋଲି ଅନୁ ଚୌଧୁରୀ କହିଛନ୍ତି।

ଖବର କାଗଜ ହେଉ ଅବା ଟିଭି ଚ୍ୟାନେଲ, ପ୍ରତିଦିନ ପୋଲିସ ପ୍ରଶାସନ କିମ୍ବା ସ୍ୱାସ୍ଥ୍ୟକର୍ମୀଙ୍କ ସହ ସାଧାରଣ ଜନତାଙ୍କର ତିକ୍ତତା ନେଇ ଖବର ଆସୁଛି । ଏ କଥା ମନେ ରଖିବା ଉଚିତ ଯେ, ପୋଲିସମାନେ ଆମକୁ ସଜାଗ କରୁଛନ୍ତି । ଖାସ ଆମକୁ କରୋନା ସଂକ୍ରମଣଠାରୁ ଦୂରେଇ ରଖିବା ପାଇଁ ଲକଡାଉନ୍ ଓ ସଟଡାଉନ୍ ହେଉଛି । କରୋନା ସଂକ୍ରମଣ ଜଣେ ବ୍ୟକ୍ତିଙ୍କଠାରୁ ଅନ୍ୟକୁ ବ୍ୟାପିଥାଏ ।

ଏହି ଚେନ୍‌କୁ ଭାଙ୍ଗିବା ପାଇଁ ପ୍ରଶାସନ ବାଧ୍ୟ ହୋଇ ସଟଡାଉନ୍ ଓ ଲକଡାଉନ୍ କରୁଛନ୍ତି । ସାଧାରଣ ଜନତାଙ୍କୁ ମୋର ବିନମ୍ର ଅନୁରୋଧ ପରୋକ୍ଷ ହେଉ କି ପ୍ରତ୍ୟକ୍ଷ । ଡାକ୍ତର, ସ୍ୱାସ୍ଥ୍ୟକର୍ମୀ, ପୌରପାଳିକା କର୍ମଚାରୀ ଓ ପୋଲିସଙ୍କୁ କରୋନା ବିରୋଧୀ ଲଢେଇରେ ସହଯୋଗ କରନ୍ତୁ । ତାଙ୍କ ସହ ଯୁକ୍ତିତର୍କ କି ମାରପିଟ୍ କରିବାଠାରୁ ନିବୃତ୍ତ ରୁହନ୍ତୁ । ନିଜେ ସତର୍କ ରୁହନ୍ତୁ, ସୁସ୍ଥ ରୁହନ୍ତୁ । ନିଜ ପରିବାରକୁ କରୋନାଠୁ ଦୂରେଇ ରଖନ୍ତୁ । ପାରୁପର୍ଯ୍ୟନ୍ତ ଅସହାୟ ଓ ଅଭାବୀ ଲୋକଙ୍କୁ ସହାୟତା କରନ୍ତୁ । ପ୍ରଥମ ଧାଡିର କୋଭିଡ ଯୋଦ୍ଧାଙ୍କୁ ସହଯୋଗ କରନ୍ତୁ । ଗତବର୍ଷ ଭଳି ଚଳିତବର୍ଷ ମଧ୍ୟ କରୋନାକୁ ଆମେ ପରାସ୍ତ କରିବା । ଏବେଠୁ ସଜାଗ ରହିଲେ କରୋନାର ତୃତୀୟ ଲହରି ସମ୍ଭାବନାକୁ ମଧ୍ୟ ଅତି ସହଜରେ ଏଡାଇ ହେବ ।

ଆମେରିକାର ବଡ଼ ଖୁଲାସା: କରୋନା ଭୂତାଣୁକୁ ଅସ୍ତ୍ର କରିବାକୁ ୫ ବର୍ଷ ପୂର୍ବରୁ ଷଡ଼ଯନ୍ତ୍ର ରଚିଥିଲେ PLA ବୈଜ୍ଞାନିକ

ନୂଆଦିଲ୍ଲୀ: କୋଭିଡ୍‌-୧୯ ବା କରୋନା ଭୂତାଣୁର ଉତ୍ପତ୍ତି ସ୍ଥଳକୁ ନେଇ ପୁଣି ବିବାଦରେ ଛନ୍ଦି ହୋଇଛି ଚୀନ୍ । ଧୋକେବାଜ୍ ଚୀନର ଚାଲବାଜ ନୀତିକୁ ନେଇ ଅଷ୍ଟ୍ରେଲିଆ ମିଡିଆରେ ଏକ ରିପୋର୍ଟ ପ୍ରକାଶ ପାଇଛି । ଯେଉଁଥିରେ ଚୀନ ବିଶ୍ବ ବିରୋଧରେ କରିଥିବା ହୀନ ଚକ୍ରାନ୍ତକୁ ପଦାରେ ପକାଇଛି । ରିପୋର୍ଟରେ କୁହାଯାଇଛି, ଚୀନ୍ ଜୈବିକ ଅସ୍ତ୍ର କରୋନା ଭୂତାଣୁ ପ୍ରୟୋଗ କରି ତୃତୀୟ ବିଶ୍ବଯୁଦ୍ଧର ଆରମ୍ଭ କରିଛି । କରୋନା ଭୂତାଣୁକୁ ବିଶ୍ବ ବିରୋଧରେ ଅସ୍ତ୍ର କରିବା ପାଇଁ ୫ ବର୍ଷ ପୂର୍ବରୁ ପ୍ରସ୍ତୁତି ଆରମ୍ଭ କରିଥିଲେ ଚୀନ ଆର୍ମିର ବୈଜ୍ଞାନିକ । ଆମେରିକା ବୈଦେଶିକ ମନ୍ତ୍ରଣାଳୟ ଅଧିକାରୀଙ୍କ ହାତରେ ଏହାର ଦସ୍ତାବିଜ୍ ଲାଗିଛି ବୋଲି ଦାବି କରିଛି ବ୍ରିଟେନର ‘ଦ ସନ୍’ ନ୍ୟୁଜ୍ ପେପର । ଚୀନ ବୈଜ୍ଞାନିକ କରୋନା ଭୂତାଣୁକୁ ‘ ଜୈବିକ ଅସ୍ତ୍ରର ନୂତନ ଯୁଗ’ ଭାବେ ପ୍ରୟୋଗ କରିଛନ୍ତି ବୋଲି ରିପୋର୍ଟରେ ଦର୍ଶାଯାଇଛି । ଶତ୍ରୁ ଦେଶର ସ୍ବାସ୍ଥ୍ୟାବସ୍ଥା ସମ୍ପୂର୍ଣ୍ଣ ନଷ୍ଟ କରିଦେବାକୁ ଚୀନ୍ର ଏହା ହୀନ ଚକ୍ରାନ୍ତ ।

ଆକଳନ ହେବ ଆଣ୍ଟିବଡି, ଆରଏମଆରସି ଆରମ୍ଭ କରିବ ରାଣ୍ଡମ ସାମ୍ପଲ ସର୍ଭେ

ଭୁବନେଶ୍ୱର: କୋଭିଡ୍‌ ସଂକ୍ରମଣ ନେଇ ଆର୍‌ଏମ୍‌ଆର୍‌ସି କରିବ ରାଣ୍ଡମ୍ ସାମ୍ପଲ ସର୍ଭେ । ପୂର୍ବରୁ ଆର୍‌ଏମ୍‌ଆର୍‌ସି ପକ୍ଷରୁ ସେରୋ ସର୍ଭେ କାରଯାଇଥିଲା । ଆରଏମଆରସି ନିର୍ଦ୍ଦେଶିକା ଡାକ୍ତର ସଙ୍ଘମିତ୍ରା ପତି ଏହି ସୂଚନା ଦେଇଛନ୍ତି । ଗତ ସଂକ୍ରମଣରେ ଯେଉଁମାନେ ପଜିଟିଭ ହୋଇ ସୁସ୍ଥ ହୋଇଛନ୍ତି ଏବଂ ଏବେ ପ୍ରଥମ ଡୋଜ୍ ଭ୍ୟାକ୍ସିନ ନେଇସାରିଥିବା ଲୋକଙ୍କୁ ନେଇ ଏହି ସର୍ଭେ କରାଯିବ ।

ପ୍ରଥମ ସଂକ୍ରମଣରୁ ସୁସ୍ଥ ହେବା ପରେ ଲୋକଙ୍କ ଦେହରେ କେତେ ଆଣ୍ଟିବଡି ସୃଷ୍ଟି ହୋଇଛି, ତାହା ଆକଳନ କରାଯିବ । ସେହିଭଳି ପ୍ରଥମ ଡୋଜ୍ ଭ୍ୟାକ୍ସିନେସନ ପରେ ଲୋକଙ୍କଠାରେ ରୋଗ ପ୍ରତିରୋଧକ ଶକ୍ତିମାତ୍ରାକୁ ମଧ୍ୟ ଆକଳନ କରାଯିବ । ଆମେରିକାର ଏକ ସଂସ୍ଥା ଏହିଭଳି ଏକ ସର୍ଭେ କରିଥିଲା ।

ଏହି ସଂସ୍ଥାର ରିପୋର୍ଟ ଅନୁଯାୟୀ, କରୋନା ପଜିଟିଭରୁ ନେଗେଟିଭ ହୋଇଥିବା ବ୍ୟକ୍ତି ଓ ପ୍ରଥମ ଡୋଜ୍ ଭ୍ୟାକ୍ସିନ ନେବା ପରେ ଲୋକଙ୍କଠାରେ ଟି-ସେଲ୍ ଓ ବି-ସେଲ୍‌ରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥିବା ଜଣାପଡ଼ିଛି । ୭୦ଜଣଙ୍କୁ ନେଇ ଏହି ସର୍ଭେ କରାଯାଇଥିଲା । ଆରଏମଆରସି ନିର୍ଦ୍ଦେଶିକା ଡାକ୍ତର ସଙ୍ଘମିତ୍ରା ପତି ଏହି ସୂଚନା ଦେଇଛନ୍ତି ।

ଆସାମ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ହିମନ୍ତ ବିଶ୍ୱଶର୍ମା

ଆସାମ: ଆସାମ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ହିମନ୍ତ ବିଶ୍ବଶର୍ମା । ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ରାଜ୍ୟପାଳ । ରାଜଭବନରେ କରୋନା କଟକଣା ଭିତରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା । ଶପଥ ଗ୍ରହଣ ସମାରୋହରେ ବିଜେପି ବିଧାୟକଙ୍କ ସହ AGP ଓ UPPL ବିଧାୟକମାନେ ସାମିଲ ହୋଇଥିଲେ । ସେହିପରି ହିମନ୍ତ ବିଶ୍ୱଶର୍ମାଙ୍କ ମନ୍ତ୍ରିମଣ୍ଡଳ ବି ଶପଥ ନେଇଛନ୍ତି । କଂଗ୍ରେସରୁ ରାଜନୈତିକ ଜୀବନ ଆରମ୍ଭ କରିଥିବା ବିଶ୍ବଶର୍ମା ଆସାମରେ ଜଣେ ଲୋକପ୍ରିୟ ନେତା ଭାବେ ବେଶ ଜଣାଶୁଣା ।

୨୦୦୧ରୁ ଲଗାତାର ଭାବେ ଜଲୁକବାରୀ ଆସାମରୁ ସେ ବିଜୟୀ ହୋଇ ଆସୁଛନ୍ତି । ୨୦୧୬ରେ ଜଲୁକବାରୀ ବିଧାନସଭା ଆସନରୁ ୮୫ ହଜାର ଭୋଟରେ ବିଜୟୀ ହୋଇଥିଲେ । ୨୦୨୧ରେ ଏହି ଆସନରୁ ପୁଣି ବିଜୟଲାଭ କରିଛନ୍ତି ବିଶ୍ବଶର୍ମା । ୨୦୧୪ରେ କଂଗ୍ରେସରେ ଅସନ୍ତୋଷ ଜାହିର କରି ତରୁଣ ଗୋଗୋଇଙ୍କ ସରକାରରୁ ସେ ଇସ୍ତଫା ଦେଇଥିଲେ ।

୨୦୧୫ ଅଗଷ୍ଟ ୨୮ ତାରିଖରେ ବିଜେପିରେ ସାମିଲ ହୋଇଥିଲେ । ପୂର୍ବ- ଉତ୍ତର ଭାରତ ପାଇଁ ହିମନ୍ତ ବିଶ୍ବଶର୍ମାଙ୍କୁ ବିଜେପିର ବିଗ୍ ଷ୍ଟ୍ରାଟେଜିମେକର କୁହାଯାଉଛି । ୨୦୦୨ରୁ ୨୦୧୪ ପର୍ଯ୍ୟନ୍ତ ଲଗାତାର ଭାବେ ସେ ମନ୍ତ୍ରୀ ଥିଲେ । ରାଜନୀତିରେ ଲମ୍ବା ଅଭିଜ୍ଞତା ଥିବାରୁ ବିଜେପି ତାଙ୍କ ଉପରେ ଭରସା କରିଛି ।

ସେନା କର୍ମଚାରୀଙ୍କ ଗୁଣ୍ଡାଗିରି, ମହିଳାଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ

ସୋର: ଛୁଟିରେ ଆସି ସେନା କର୍ମଚାରୀଙ୍କ ଗୁଣ୍ଡାଗିରି । ମହିଳାଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ । ସିସିଟିଭିରେ କଏଦ ହେଲା ଆକ୍ରମଣ ଦୃଶ୍ୟ । ଗିରଫ ହେଲେ ସେନା କର୍ମଚାରୀ । ପୂର୍ବ ଶତ୍ରୁତାକୁ କେନ୍ଦ୍ରକରି ଘଟଣା ଘଟିଥିବା ଜଣାପଡିଛି । ବାଲେଶ୍ୱର ଜିଲ୍ଲା ସୋର ଥାନା ରୂପଖଣ୍ଡ ଗାଁର ବୃନ୍ଦାବନ ବେହେରାଙ୍କ ଝିଅ ଶାନ୍ତିଲତାଙ୍କୁ ସେହି ଗାଁର ଆସାମ ରାଇଫଲ୍‌ସରେ ଯବାନ ଭାବେ କାର୍ଯ୍ୟ କରୁଥିବା ବିଜୟ ବେହେରା ଗୋଡ଼ାଇ ଗୋଡ଼ାଇ ପିଟୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।

ଭିଡିଓରେ ଆସାମ ରାଇଫଲ୍‌ସର ଯବାନ ବିଜୟ ବେହେରା ଯୁବତୀ ଶାନ୍ତିଲତାଙ୍କୁ ମାଡ଼ ମାରି ଗୁରୁତର କରିଥିବା ଦେଖିବାକୁ ମିଳୁଛି । ଆକ୍ରମଣ ନେଇ ଯୁବତୀ ସୋର ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇ ସୋର ପୋଲିସ ଘଟଣାର ତଦନ୍ତ କରି ସେନା କର୍ମଚାରୀ ଓ ତାଙ୍କ ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗୁରୁତର ଅବସ୍ଥାରେ ଶାନ୍ତିଲତାଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି ।

ସ୍ପେନରେ ହଟିଲା କୋଭିଡ କଟକଣା: ବିନା ମାସ୍କରେ ଖୁସିରେ ନାଚିଲେ ସ୍ପେନବାସୀ

ସ୍ପେନ: ଧୀରେ ଧୀରେ କରୋନାକୁ ମାତ୍ ଦେଉଛନ୍ତି ବଡ ବଡ ରାଷ୍ଟ୍ର । ଗତକାଲି ସ୍ପେନରେ ହଟିଛି କୋଭିଡ କଟକଣା । ଏହାସହ ରାତ୍ରକାଳୀନ କର୍ଫ୍ୟୁ ବି ପ୍ରତ୍ୟାହାର କରାଯାଇଛି । ଫଳରେ ଲୋକେ ରାତିରେ ନାଚ ଗୀତ ସହ ରାସ୍ତା ଉପରେ ସେଲିବ୍ରେସନ କରିଛନ୍ତି । ତେବେ ଆଶ୍ଚର୍ଯର କଥା ମାଦ୍ରିଦ ପୋଲିସ ପୁଏର୍ଟା ଡେଲ ସୋଲ ଛକ ବାହାରେ ଥିବା ଲୋକଙ୍କୁ ମାସ୍କ ନ ପିନ୍ଧି ନାଚିବାକୁ କହିଥିଲା । ଏହି ଦୃଶ୍ୟ ବୟାନ କରୁଥିଲା କୋଭିଡ ପୂର୍ବର ସ୍ଥିତି । ମହାମାରୀ ପୂର୍ବର ସମୟକୁ ମନେପକାଇଥିଲେ ସଭିଏଁ ।

ପ୍ରତିବନ୍ଧକ ହଟାଯିବା ପରେ ପ୍ରେମୀଯୁଗଳ ସବୁ ବାର୍ସିଲୋନାର ମୁଖ୍ୟ ବର୍ଗ ଏବଂ ସମୁଦ୍ର କୂଳରେ ଏକାଠି ହୋଇଥିଲେ । ବନ୍ଧୁମାନଙ୍କ ସହ ଆସିଥିବା ଜୁଆନ୍ କେଦଭିଦ୍ କହିଛନ୍ତି ଯେ ନିଜକୁ ସ୍ୱାଧୀନ ଅନୁଭବ କରୁଛି । କୋଭିଡ -19 ହେତୁ ଏହା ଟିକେ ଭୟାନକ, ତଥାପି ମୁଁ ଲୋକଙ୍କ ସହ ଏକାଠଇ ରହିବାକୁ ଚାହୁଁଛି । ମହାମାରୀ ପାଇଁ ଗତ ସାତ ମାସ ଧରି ବନ୍ଦ ହୋଇପଡିଥିଲା ରେଷ୍ଟୁରାଣ୍ଟ । ଏବେ ଖୋଲିବାର ସମ୍ଭାବନା ଦେଖାଦେଇଥିବାରୁ ବାର୍ସିଲୋନା ନିବାସୀ ୨୫ ବର୍ଷ ଯୁବକ ଖୁସି ବ୍ୟକ୍ତି କରିଛନ୍ତି । ସ୍ଥାନୀୟ ରେଷ୍ଟୁରାଣ୍ଟଗୁଡିକ ରବିବାର ଠାରୁ ପୁନର୍ବାର ରାତ୍ରୀ ଭୋଜନ କରିବାକୁ ସକ୍ଷମ ହୋଇଛନ୍ତି ।

ଏହାସହ ରାତି ୧୧ଟା ପର୍ଯ୍ୟନ୍ତ ଖୋଲାଯିବାକୁ ବି ନିଷ୍ପତ୍ତି ହୋଇଛି । ତଥାପି, ଟେବୁଲ ପ୍ରତି ଚାରି ଜଣଙ୍କର ସୀମା ଅଛି । ଭିତରେ ଖାଇବା ପାଇଁ ସୀମା ୩୦ ପ୍ରତିଶତ ଲୋକଙ୍କୁ ପରମିସନ ଦିଆଯିବ । ମାଦ୍ରିଦ ପୋଲିସ କହିଛି ଯେ କର୍ଫ୍ୟୁ ସମାପ୍ତ ହୋଇଛି, ମହାମାରୀ ସମାପ୍ତ ହୋଇନି । ଆମକୁ ଜଗିରଖି ଚଳିବାକୁ ପଡିବ । ଅଯଥା ଏଣେତେଣେ ନବୁଲି ଗାଇଡଲାଇନ ମାନି ଚାଲିବାକୁ ହେବ ।

ମୟୂରଭଞ୍ଜ: ଉଦଳା ଉପକାରାଗାରରେ ୨୧ ଜଣ କରୋନା ପଜିଟିଭ ଚିହ୍ନଟ

ମୟୂରଭଞ୍ଜ: ମୟୂରଭଞ୍ଜ ଜିଲ୍ଲା ଉଦଳା ଉପକାରାଗାରରେ ୨୧ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି । ଏମାନେ ସମସ୍ତେ ପୁରୁଷ । ଉଦଳା ଜେଲରେ ମୋଟ୍ ୧୧୨ ଜଣଙ୍କର କରୋନା ପରୀକ୍ଷା କରାଯାଇଥିଲା । ଆଜି ଉଦଳା ଏନଏସି ଦ୍ୱାରା ଜେଲ୍ ପରିସରକୁ ସାନିଟାଇଜ୍‌ କରାଯାଇଛି । ସମସ୍ତଙ୍କୁ ଜେଲ୍‌ ପରିସରରେ ସ୍ବତନ୍ତ୍ର କଠୋରୀରେ ରଖି ଚିକିତ୍ସା କରାଯାଉଛି । ଜେଲ ପରିସରକୁ ଆଉଥରେ ସାନିଟାଇଜ କରିବାକୁ ଜେଲ ତରଫରୁ ଉଦଳା ଅଗ୍ନିଶମ ବିଭାଗକୁ ଚିଠି ଲେଖାଯାଇଛି । ସମସ୍ତ କର୍ମଚାରୀଙ୍କର ଆରଟି-ପିସିଆର ପାଇଁ ସ୍ବାବ ଟେଷ୍ଟ ପାଇଁ ନିଆଯାଇଛି । ମୟୂରଭଞ୍ଜରୁ ଆଜି ୨୦୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

ସପ୍ତାହାନ୍ତ ସଟଡାଉନ ପରେ ରାଜଧାନୀ ର ବିଭିନ୍ନ ହାଟରେ ପ୍ରବଳ ଭିଡ

ଭୁବନେଶ୍ୱର: ସପ୍ତାହାନ୍ତ ସଟଡାଉନ ପରେ ରାଜଧାନୀ ର ବିଭିନ୍ନ ହାଟରେ ପ୍ରବଳ ଭିଡ। ୟୁନିଟ ଓ୍ବାନ୍ ହାଟରେ ପ୍ରବଳ ଭିଡ ପରିଲକ୍ଷିତ ହେଉଛି। ଲକଡାଉନ ସତ୍ବେ ହଜାର ହଜାର ଲୋକ ହାଟରେ ଭିଡ କରିଥିବା ଦେଖିବାକୁ ମିଳିଛି। ସକାଳ ୬ଟାରୁ ଅପରାହ୍ନ ୧୨ ଟା ପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲିବା ପାଇଁ ରାଜ୍ୟ ସରକାର ନିୟମ କୋହଳ କରିଥିବା ବେଳେ ଲୋକମାନେ ଏହାର ଫାଇଦା ନେଉଛନ୍ତି। ଘରଠାରୁ ମାତ୍ର ୫୦୦ ମିଟର ଦୂର ମଧ୍ୟରେ ଚାଲଚାଲି ଯାଇ ପରିବା ଏବଂ ଗ୍ରୋସରୀ କିଣିବା ପାଇଁ ରାଜ୍ୟ ସରକାର ଅନୁମତି ଦେଇଥିଲେ ମଧ୍ୟ ଲୋକମାନେ ଘରଠାରୁ ଅନେକ ଦୂର ଗାଡିରେ ଯାଇ କିଣାକିଣି କରୁଛନ୍ତି। ଫଳରେ କିଛି ହାଟରେ ଖାଁ ଖାଁ ପରିବେଶ ଦେଖିବାକୁ ମିଳୁଥିବା ବେଳେ ବଡବଡ ହାଟରେ ପ୍ରବଳ ଭିଡ ହେଉଛି। ଲୋକମାନେ ମାସ୍କ ପିନ୍ଧିଥିଲେ ମଧ୍ୟ ସାମାଜିକ ଦୂରତା ର ଢେର ଉଲଙ୍ଘନ କରୁଛନ୍ତି।