spot_img
Home Blog Page 5804

ଜିଲ୍ଲାପାଳଙ୍କ କାର୍ଯ୍ୟାଳୟରୁ ୭ କରୋନା ପଜିଟିଭ୍, ୫ ଦିନ ପାଇଁ ସିଲ୍

ଜୟପୁର: କୋରାପୁଟ ଜିଲ୍ଲାପାଳଙ୍କ କାର୍ଯ୍ୟାଳୟରେ କରୋନା । ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଥିବା ବିଭିନ୍ନ ଅଫିସରେ କାର୍ଯ୍ୟରତ ୭ ଜଣ କର୍ମଚାରୀ କରୋନା ସଂକ୍ରମିତ ହୋଇଛନ୍ତି । କର୍ମଚାରୀଙ୍କ ପରିବାରର କିଛି ସଦସ୍ୟଙ୍କ ରିପୋର୍ଟ କୋଭିଡ୍ ପଜିଟିଭ୍ ଆସିଛି ।

ଏଥିସହ ପଢ଼ନ୍ତୁ- ଗଜରାଜଙ୍କ ପାଇଁ କାଳ ହେଲା ବଜ୍ରପାତ, ନାଗନରେ ୧୮ ହାତୀ ମୃତ

ଏକାଧିକ କରୋନା ସଂକ୍ରମିତ ଚିହ୍ନଟ ପରେ ଜିଲ୍ଲାପାଳ ଅଫିସକୁ ୫ ଦିନ ପାଇଁ ବନ୍ଦ ରଖିବାକୁ ପ୍ରଶାସନ ନିଷ୍ପତ୍ତି ନେଇଛି । ମେ ୧୪ ସକାଳ ଠାରୁ ମେ ୧୮ ସନ୍ଧ୍ୟା ୬ଟା ପର୍ଯ୍ୟନ୍ତ ସର୍ବସାଧାରଣଙ୍କ ପାଇଁ ଜିଲ୍ଲାପାଳ ଅଫିସ୍ ବନ୍ଦର ରହିବ । ଏହି ସମୟରେ କେବଳ ଜରୁରୀ କାମ କରିବାକୁ ଜିଲ୍ଲାପାଳ ଅବଦଲ ଅକତାର ନିର୍ଦ୍ଦେଶ ଦେଇଛନ୍ତି ।

ଗଜରାଜଙ୍କ ପାଇଁ କାଳ ହେଲା ବଜ୍ରପାତ, ନାଗନରେ ୧୮ ହାତୀ ମୃତ

ଗୁଆହାଟି: ଆସାମରେ ବଜ୍ରାଘାତରେ ୧୮ ହାତୀଙ୍କ ଜୀବନ ଯାଇଛି । ବନ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ବୁଧବାର ବିଳମ୍ବିତ ରାତିରେ ନାଗନ ଜିଲ୍ଲାର କୁଣ୍ଡୋଲି ପାହାଡ଼ ଅଞ୍ଚଳରେ ବଜ୍ରପାତ ହୋଇଥିଲା । ଏଥିରେ ୧୮ଟି ହାତୀଙ୍କ ମୃତ୍ୟୁ ହୋଇଛି । ମାମଲାର ତଦନ୍ତ ସହ ଘଟଣାସ୍ଥଳ ପରିଦର୍ଶନ ପାଇଁ ଜଙ୍ଗଲ ଓ ପରିବେଶ ମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।

18 elephants killed in lightning strikes in Assam’s Nagaon

କାଠିଆଟୋଲି ରେଞ୍ଜର କୁଣ୍ଡୋଲି ଜଙ୍ଗଲରେ ଏହି ଘଟଣା ଘଟିଛି । ୨ଟି ଦଳରେ ଥିବା ୧୮ ହାତୀଙ୍କ ମୃତ୍ୟୁ ହୋଇଛି । ପାହାଡ଼ର ଉପରୁ ଭାଗରେ ୧୪ ହାତୀଙ୍କ ମୃତଦେହ ପଡ଼ିଥିବା ବେଲେ ତଳ ଭାଗରେ ୪ଟି ହାତୀଙ୍କ ମରଶରୀର ପଡ଼ିଛି ।

18 elephants killed in lightning strikes in Assam’s Nagaon

ପ୍ରାଥମିକ ତଦନ୍ତରୁ ଜଣାପଡ଼ିଛି, ଗଜରାଜଙ୍କ ମୃତ୍ୟୁ ଗତରାତିରେ ହୋଇଥିବ ବଜ୍ରପାତ ଯୋଗୁଁ ହୋଇଛି । ତେବେ ମୃତ୍ୟୁର କାରଣ ପୋଷ୍ଟ ମର୍ଟମ ପରେ ଜଣାପଡ଼ିବ । ଶୁକ୍ରବାର ମୃତହାତୀଙ୍କ ପୋଷ୍ଟମର୍ଟମ କରାଯିବ ।

୧୮ ରାଜ୍ୟରେ ସଂକ୍ରମଣ ହାର ୨୦ ପ୍ରତିଶତରୁ ଅଧିକ: କେନ୍ଦ୍ର

ନୂଆଦିଲ୍ଲୀ: ଦେଶର ୨୦ଟି ରାଜ୍ୟରେ ସମାନ୍ତରାଳ ରହିଛି କରୋନା ସଂକ୍ରମଣ । ୧୮ଟି ରାଜ୍ୟରେ ସଂକ୍ରମଣ ହାର ୨୦ ପ୍ରତିଶତରୁ ଅଧିକ ରହିଛି । ସେହିଭଳି ୧୨ଟି ରାଜ୍ୟରେ ୧ ଲକ୍ଷରୁ ଅଧିକ ସକ୍ରିୟ ମାମଲା ରହିଥିବା କହିଛନ୍ତି ସ୍ବାସ୍ଥ୍ୟ ମନ୍ତ୍ରାଳୟର ସଚିବ ଲବ ଅଗ୍ରୱାଲ୍ । ଦେଶର ୨୪ଟି ରାଜ୍ୟରେ ୧୫ ପ୍ରତିଶତରୁ ଅଧିକ ଆକ୍ଟିଭ୍ କେସ୍ ରହିଛି । ୧୬ଟି ରାଜ୍ୟରେ ୫୦ ହଜାରରୁ କମ ଆକ୍ଟିଭ୍ କେସ୍ ରହିଛି । ଗତ ଦୁଇ ସପ୍ତାହରେ ୧୮୭ଟି ଜିଲ୍ଲାରେ ସଂକ୍ରମିତଙ୍କ ସଂଖ୍ୟା କମ୍ ରହିଥିବା କହିଛି ସ୍ବାସ୍ଥ୍ୟ ମନ୍ତ୍ରଣାଳୟ ।

ଦେଶରେ ୮୩. ୨୬ ପ୍ରତିଶତ ସଂକ୍ରମିତ ସୁସ୍ଥ ହୋଇଛନ୍ତି । ଏଯାବତ୍ ୧୭ କୋଟି ୭୨ ଲକ୍ଷ ଲୋକଙ୍କୁ ଟିକା ଦିଆଯାଇଛି । କଣ୍ଟେନମେଣ୍ଟ ଜୋନ୍ ଉପରେ ଅଧିକ ଫୋକସ୍ କରାଗଲେ କରୋନା ସଂକ୍ରମିତଙ୍କ ସଂଖ୍ୟା ଆହୁରି କମିପାରିବ । ଦେଶର ବଡ଼ ବଡ଼ ସହରରେ ଏଭଳି ପଦକ୍ଷେପ ଫଳରେ ଏବେ ସଂକ୍ରମଣ କମିବାରେ ଲାଗିଛି । ଦେଶରେ ଗତ ୨୪ ଘଣ୍ଟାରେ ୩ଲକ୍ଷ ୬୨ହଜାର ୭୨୭ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ୪ ହଜାର ୧୨୦ ଆକ୍ରାନ୍ତଙ୍କ ଜୀବନ ନେଇଛି କରୋନା ।

କୋଭିଡ୍ ମୁକାବିଲା ପାଇଁ ବଲାଙ୍ଗିରକୁ ୨ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: କୋଭିଡ୍ ଦ୍ଵିତୀୟ ଲହରୀର ମୁକାବିଲା ପାଇଁ ବଲାଙ୍ଗୀର ଜିଲ୍ଲାକୁ ସହାୟତା । ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଦୁଇ କୋଟି ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସୂଚନାଯୋଗ୍ୟ ଯେ, କୋଭିଡର ପ୍ରଥମ ଲହରରେ ଗତବର୍ଷ ବିଭିନ୍ନ ପର୍ଯାୟରେ ବଲାଙ୍ଗିର ଜିଲ୍ଲାକୁ ମୁଖ୍ୟମନ୍ତ୍ରୀ ୧୨ କୋଟି ଟଙ୍କା ମଞ୍ଜୁର କରିଥିଲେ ।

Naveen Sanctioned 2 Crore For Covid Management In Bolangir Dist

ବଲାଙ୍ଗିର ଜିଲ୍ଲାରେ ଏଯାବତ୍ ୧୬ ହଜାର ୯୪୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୧୪ ହଜାର ୩୧୬ ଜଣ ଆକ୍ରାନ୍ତ କରୋନାକୁ ମାତ୍ ଦେଇଥିବା ବେଳେ ଏବେ ଜିଲ୍ଲାରେ ୨୫୭୦ ଜଣ ସକ୍ରିୟ ସଂକ୍ରମିତ ରହିଛନ୍ତି । କରୋନାରେ ଜିଲ୍ଲାରେ ୫୪ ଜଣଙ୍କ ମୃତ୍ୟୁ ହୋଇଛି ।

ବଲାଙ୍ଗିର ଜିଲ୍ଲାରେ ୨ଟି କୋଭିଡ୍ ହସ୍ପିଟାଲ୍ ସହ ୪ଟି କୋଭିଡ୍ କେୟାର ସେଣ୍ଟର ରହିଛି । ବଲାଙ୍ଗିର ଭୀମଭୋଇ ମେଡିକାଲ କଲେଜର କୋଭିଡ୍ ୱାର୍ଡରେ ୪୦ଟି ବେଡ୍ ସହ ୫୦ଟି ଆଇସିୟୁ ବେଡ୍ ରହିଛି । ସେହିଭଳି କିସ୍ କ୍ୟାମ୍ପସରେ ୮୦ଟି ବେଡ୍ ସହ ୨୦ଟି ଆଇସିୟୁ ବେଡ୍ ରହିଛି । ତା’ଛଡ଼ା ଟିଟିଲାଗଡ଼ ସିସିସିରେ ୧୩୦ଟି ବେଡ୍ ଥିବାବେଳେ କଣ୍ଟାବାଞ୍ଜି ଓ ବଲାଙ୍ଗିର ସରକାରୀ ପଲିଟେକନିକରେ ୧୫୦ଟି ଲେଖାଏଁ ଶଯ୍ୟା ରହିଛି ।

କରୋନା ସମୟରେ ବିଲରେ କୋଦାଳ ଧରି ଚାଷ କରୁଛନ୍ତି ବିଧାୟକ

ଜୟପୁର: କରୋନା ପାଇଁ ରାଜ୍ୟରେ ଲକଡାଉନ୍ । ଏହି ଲକଡାଉନ୍ ସମୟରେ ଅନେକ କଣ କରିବେ ବୋଲି ଭାବୁଛନ୍ତି, ଘରେ ବସି ରହିଛନ୍ତି । ହେଲେ କୋରାପୁଟ ଜିଲ୍ଲା ପଟାଙ୍ଗୀ ବିଧାୟକ ପ୍ରୀତମ ପାଢ଼ୀ ସାଜିଛନ୍ତି ଚାଷୀ । ହାତରେ କୋଦାଳ ଧରି ନିଜ ଜମିରେ ଅଦା ଚାଷୀ କରୁଛନ୍ତି ପଟାଙ୍ଗୀ ବିଧାୟକ । ଏହାଦ୍ୱାରା ଶାରିରୀକ ପରିଶ୍ରମ ହେବା ସହ ସେ ସୁସ୍ଥ ରହୁଥିବା କହିଛନ୍ତି ।

Pottangi MLA Pritam Padhi Engaged In Farming During Corona

ଗାଁରେ ଥିବା ଚାଷ ଜମିରେ ଅଦା ଚାଷ କରୁଛନ୍ତି ବିଧାୟକ । ସକାଳେ ଓ ଅପରାହ୍ଣରେ ଅନ୍ୟମାନଙ୍କ ସହ ମିଶି ଚାଷ କାର୍ଯ୍ୟ କରୁଛନ୍ତି । ଚାଷ ସହ ମୋବାଇଲ୍ ଫୋନ୍ ମାଧ୍ୟମରେ ଲୋକଙ୍କ ସମସ୍ୟା ଶୁଣୁଛନ୍ତି । ସମସ୍ୟାକୁ ବିଭାଗୀୟ ଅଧିକାରୀଙ୍କୁ ଜଣାଇ ତାର ସମାଧାନ ବି କରୁଛନ୍ତି ପଟାଙ୍ଗୀ ବିଧାୟକ ପ୍ରୀତମ ପାଢ଼ୀ ।

ଏଣିକି ପ୍ରଥମ ଡୋଜର ୧୨ରୁ ୧୬ ସପ୍ତାହ ମଧ୍ୟରେ ନେବେ କୋଭିସିଲ୍ଡର ଦ୍ୱିତୀୟ ଡୋଜ୍

ନୂଆଦିଲ୍ଲୀ: ଦେଶରେ କରୋନା ଟିକା ସଂକଟ ଲାଗି ରହିଥିବା ବେଳେ NTAGI ଦେଇଥିବା ସୁପାରିସକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗ୍ରହଣ କରିଛି । ଏଣିକି କୋଭିସିଲ୍ଡର ପ୍ରଥମ ଡୋଜ୍ ନେଇଥିବା ବ୍ୟକ୍ତି ୧୨ରୁ ୧୬ ସପ୍ତାହ ପରେ ଦ୍ୱିତୀୟ ଡୋଜ୍ ଟିକା ନେବେ । ପୂର୍ବରୁ ପ୍ରଥମ ଓ ଦ୍ୱିତୀୟ ଡୋଜ୍ କୋଭିସିଲ୍ଡ ଟିକା ନେବା ପାଇଁ ୬ରୁ ୮ ସପ୍ତାହ ଅନ୍ତର ଥିଲା ।

12-16 Week Gap Between Covishield First And Second Dose

ସେହିଭଳି କରୋନାରୁ ସୁସ୍ଥ ହୋଇଥିବା ବ୍ୟକ୍ତି ୧୪ ଦିନ ପରେ ଟିକା ନେବେ ନାହିଁ । କରୋନାରୁ ଆରୋଗ୍ୟ ହେବାର ୬ ମାସ ପରେ କୋଭିଡ୍ ଟିକା ନେଇ ପାରିବେ । ସେହିଭଳି NTAGIର ସୁପାରିସ୍ ଅନୁସାରେ, ଗର୍ଭବତୀ ମହିଳାଙ୍କୁ ଯେ କୌଣସି କରୋନା ଟିକା ନେବା ନେଇ ବିକଳ୍ପ ଦିଆଯିବ । ସେହିଭଳି ଛୁଆକୁ ସ୍ତନ୍ୟପାନ କରାଉଥିବା ମହିଳା ପ୍ରସବ ପରେ କୌଣସି ବି ସମୟରେ ଟିକା ନେଇପାରିବେ ।

12-16 Week Gap Between Covishield First And Second Dose

ତେବେ କୋଭାକ୍ସିନ୍ ଡୋଜ ମଧ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ । ପୂର୍ବ ଭଳି କୋଭାକ୍ସିନ୍ ପ୍ରଥମ ଡୋଜ୍ ନେବାର ୨୮ ଦିନ ପରେ କୋଭାକ୍ସିନର ଦ୍ୱିତୀୟ ଡୋଜ୍ ଟିକା ନେଇ ହେବ ।

ବାବୁରାଜରେ ଅତିଷ୍ଠ ହୋଇ ଉତ୍ତରପ୍ରଦେଶ ଡାକ୍ତରଙ୍କ ସମୂହ ଇସ୍ତଫା

ଉନ୍ନାଓ: ଉତ୍ତରପ୍ରଦେଶରେ କରୋନା ସଂକ୍ରମଣ ପାଇଁ ସ୍ଥିତି ସଙ୍ଗୀନ ରହିଛି । କରୋନା ଆକ୍ରାନ୍ତଙ୍କୁ ବଞ୍ଚାଇବା ଲାଗି ଦିନରାତି ଏକ କରି କାମ କରୁଛନ୍ତି ଡାକ୍ତର । ହେଲେ ବୁଝୁନି ପ୍ରଶାସନର ମନ । ଉନ୍ନାଓ ପ୍ରଶାସନର ମନମାନିକୁ ବିରୋଧ କରି ବିଭିନ୍ନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ପ୍ରାୟ ୧୪ ଜଣ ଡାକ୍ତର ଇସ୍ତଫା ଦେଇଛନ୍ତି । ପ୍ରଶାସନିକ ଅଧିକାରୀଙ୍କ ଖରାପ ବ୍ୟବହାର ଓ ମାନସିକ ନିର୍ଯାତନାରେ ଅତିଷ୍ଠ ହୋଇ ଡାକ୍ତର ଇସ୍ତଫା ଦେଇଥିବା କହିଛନ୍ତି ।

 14 doctors in UP resign over 'misbehaviour', 'mental harassment' by admin officers

ଇସ୍ତଫା ନେଇ ଜିଲ୍ଲାପାଳ ଏବଂ ଜିଲ୍ଲା ଚିକିତ୍ସା ଅଧିକାରୀଙ୍କ ସହ ଆଲୋଚନା ଜାରି ରହିଛି । ଆଲୋଚନା ପର୍ଯ୍ୟନ୍ତ କୋଭିଡ୍ ସମ୍ବନ୍ଧୀୟ ସ୍ୱାସ୍ଥ୍ୟସେବା ପ୍ରଭାବିତ ହେବ ନାହିଁ ବୋଲି ଡାକ୍ତର ଆଶ୍ୱସନା ଦେଇଛନ୍ତି । ବିଭିନ୍ନ ସିଏଚସି ଓ ପିଏଚସିରେ କାର୍ଯ୍ୟରତ ୧୪ ଜଣ ଡାକ୍ତର ବୁଧବାର ସନ୍ଧ୍ୟାରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଇସ୍ତଫା ପତ୍ର ପଠାଇ ଦେଇଛନ୍ତି । ଇସ୍ତଫା ପତ୍ରର ନକଲକୁ ମୁଖ୍ୟ ଶାସନ ସଚିବ (ସ୍ୱାସ୍ଥ୍ୟ), ଜନସ୍ୱାସ୍ଥ୍ୟ ନିର୍ଦ୍ଦେଶକ ଓ ଅନ୍ୟ ବରିଷ୍ଠ ଅଧିକାରୀଙ୍କୁ ଦେଇଛନ୍ତି ।

ଇସ୍ତଫା ଡାକ୍ତରମାନେ କହିଛନ୍ତି, ଆମେ ପିଏମଏସ୍ ବ୍ୟାନର ଆସୋସିଏସନ୍ ବ୍ୟାନରରେ ଲଢ଼ିବୁ ନାହିଁ । ଏହା ଆମର ଯୁଦ୍ଧ । ଜିଲ୍ଲାପାଳ ଏବଂ ମୁଖ୍ୟ ଚିକିତ୍ସା ଅଧିକାରୀ ଆମ ସହ ଦୁର୍ବ୍ୟବହାର କରିଛନ୍ତି । ଆମେ ଗ୍ରାମାଞ୍ଚଳରେ ସୀମିତ ସମ୍ବଳରେ ବର୍ଷେ ହେଲା କାମ କରୁଛୁ । ସହଯୋଗ ବଦଳରେ ପ୍ରଶାସନିକ ଅଧିକାରୀ ଆମ ସହିତ ଖରାପ ବ୍ୟବହାର ପ୍ରଦର୍ଶନ କରୁଛନ୍ତି ।

 14 doctors in UP resign over 'misbehaviour', 'mental harassment' by admin officers

ଆମ କାମକୁ ଏସଡିଏମ୍ ଓ ବିଡିଓ ତଦାରଖ କରୁଛନ୍ତି । ଏପରିକି ଏକାଧିକ ଥର ସେମାନଙ୍କ ଦରମାକୁ ଅଟକାଇ ଦିଆଯାଇଥିବା ଡାକ୍ତର ଅଭିଯୋଗ କରିଛନ୍ତି । ତେବେ ସମସ୍ତ ଅଭିଯୋଗକୁ ମୁଖ୍ୟ ଚିକିତ୍ସା ଅଧିକାରୀ ଅଗ୍ରାହ୍ୟ କରିଥିବା ବେଳେ ଜିଲ୍ଲାପାଳଙ୍କ ସହ ଆଲୋଚନା ପରେ ଆଗାମୀ ପଦକ୍ଷେପ ନେବେ ବୋଲି କହିଛନ୍ତି ଇସ୍ତଫା ଦେଇଥିବା ଡାକ୍ତର ।

ଆସନ୍ତା ସପ୍ତାହରୁ ବିକ୍ରି ହେବ ଋଷର କୋଭିଡ୍ ଭ୍ୟାକ୍ସିନ୍ ‘ସ୍ପୁଟନିକ୍ ଭି’

ନୂଆଦିଲ୍ଲୀ: ଦେଶରେ ସଂକ୍ରମିତଙ୍କ ସଂଖ୍ୟା ୩ ଲକ୍ଷ ଉପରେ ରହୁଥିବା ବେଳେ ଟିକାକରଣ ଧିମା ପଡ଼ିଛି । ବିଶେଷକରି ଭ୍ୟାକ୍ସିନ୍ ଅଭାବରୁ ୧୮ରୁ ୪୪ ବୟସ୍କଙ୍କ ଟିକାକରଣ ପ୍ରାୟ ରାଜ୍ୟରେ ଆରମ୍ବ ହୋଇ ପାରୁନି । ଏଭଳି ସ୍ଥିତିରେ ଟିକାର ଫର୍ମୁଲା ଅନ୍ୟ କମ୍ପାନୀ ସହ ବାଣ୍ଟିବାକୁ ଅନେକ ରାଜ୍ୟ ଦାବି କରୁଛନ୍ତି । ଟିକା ସଂକଟ ସମୟରେ ଆସିଛି ଭଲ ଖବର । ରୁଷିଆରୁ ଆମଦାନୀ କରାଯାଇଥିବା ସ୍ପୁଟନିକ୍ ଭି ଭ୍ୟାକ୍ସିନ୍ ବଜାରରେ ମିଳିବ ବୋଲି ସୂଚନା ଦେଇଛନ୍ତି ନୀତି ଆୟୋଗ ସଦସ୍ୟ ଭିକେ ପାଉଲ୍ ।

ସେ କହିଛନ୍ତି ରରୁଷିଆରୁ ଆମଦାନୀ ହୋଇଥିବା କୋଭିଡ୍ ଟିକା ‘ସ୍ପୁଟନିକ ଭି’ ବଜାରରେ ଆସନ୍ତା ସପ୍ତାହରୁ ଉପଲବ୍ଧ ହେବ । ଆହୁରି ଟିକା ଆମଦାନୀ କରାଯାଉଛି । ଜୁଲାଇ ସୁଦ୍ଧା ଭାରତରେ ‘ସ୍ପୁଟନିକ ଭି’ ଉତ୍ପାଦନ ଆରମ୍ଭ ହେବ । ୧୫.୬ କୋଟି ‘ସ୍ପୁଟନିକ ଭି’ ଟିକା ଉତ୍ପାଦନ ନେଇ ଲକ୍ଷ୍ୟ ରଖା ଯାଇଥିବା ସେ କହିଛନ୍ତି ।

ଏଥିସହ ଏଫଡିଏସ, ଡବ୍ଲୁଏଚ୍ଓ ଅନୁମତି ଦେଇଥିବା କୌଣସି ବି ଟିକା ଭାରତକୁ ଆମଦାନୀ କରାଯାଇ ପାରିବ ବୋଲି ସୂଚନା ଦେଇଛନ୍ତି ନୀତି ଆୟୋଗ ସଦସ୍ୟ । ଦିନେ ଦୁଇଦିନ ମଧ୍ୟରେ ଆମଦାନୀ ନେଇ ଲାଇସେନ୍ସ ଦିଆଯିବ । ଫାଇଜର, ମଡର୍ଣ୍ଣା, ଜନସନ ଆଣ୍ଡ ଜନସନ୍ ସହ ସରକାର ସମ୍ପର୍କରେ ଅଛନ୍ତି । ସେମାନେ ଉତ୍ପାଦିତ ଟିକା ପଠାଇବେ ନା ଭାରତରେ ଉତ୍ପାଦନ କରିବେ ସେନେଇ ଆଲୋଚନା ହେଉଛି ।

ଏହି ଗାଁରେ କରୋନା କାରଣରୁ ୧୫ ଦିନରେ ୫୦ ମୃତ୍ୟୁ, ପଞ୍ଚାୟତ ଲଗାଇଲା ସଟଡାଉନ୍

ଅହମ୍ମଦାବାଦ: କରୋନା ସହରରୁ ଗାଁ ମୁହାଁ ହେଲାଣି। ଭାରତର ଅନେକ ଗାଁରେ ଚିତା ଲିଭିବାର ନାଁ ନେଉନାହିଁ । ଗୁଜୁରାଟର ଗୋଟିଏ ଗାଁରେ କରୋନା ସଂକ୍ରମଣ କାରଣରୁ ୧୫ ଦିନରେ ୫୦ ଜଣଙ୍କ ଜୀବନ ଯାଇଛି । ଗାଁରେ ଆତଙ୍କର ପରିବେଶ ସୃଷ୍ଟି ହୋଇଥିବା ବେଳେ ପଂଚାୟତ ନିଜ ତରଫରୁ ସେଠାରେ ସଟଡାଉନ୍ ଲାଗୁ କରିଛି।

ଅହମ୍ମଦାବାଦରୁ ୪୦ କିଲୋମିଟର ଦୂରରେ ଥିବା ଚରୌଡା ଗାଁରେ ୧୫ ଦିନ ଭିତରେ ୫୦ ଜଣଙ୍କ କରୋନାରେ ଜୀବନ ଯାଇଥିଲା । ସ୍ଥିତି ଏମିତି ହୋଇଥିଲା ଯେ, ଗାଁ ଲୋକ ଏକାଠି ବସି ସମ୍ପୂର୍ଣ୍ଣ ଲକଡାଉନ୍ ନିଷ୍ପତ୍ତି ନେଇଥିଲେ । ଏହା ସହ ଲକଡାଉନ୍ ନିୟମ ଭାଙ୍ଗୁଥିବା ଲୋକଙ୍କ ଉପରେ ୫ ହଜାର ଟଙ୍କା ଜରିମାନା ଲାଗୁ କରିବାକୁ ନିଷ୍ପତ୍ତି ନିଆଯାଇଥିଲା । ଗାଁ ଲୋକଙ୍କ ଏହି ନିଷ୍ପତ୍ତିର ଫାଇଦା ଦୁଇ ସପ୍ତାହ ପରେ ଦେଖିବାକୁ ମିଳିଛି । ଗାଁରେ ଏବେ ନୂଆ ସଂକ୍ରମିତଙ୍କ ସଂଖ୍ୟା କମିବାରେ ଲାଗିଛି । ତଥାପି ଏବେ ମଧ୍ୟ ଚରୌଡା ଗାଁରେ ୫୦ରୁ ଅଧିକ ଆକ୍ଟିଭ୍ କେସ୍ ରହିଛି ।
୧୦ ହଜାର ଲୋକସଂଖ୍ୟା ବିଶିଷ୍ଟ ଚୌରଡା ଗାଁରେ ୧ ହଜାର ଆକ୍ଟିଭ୍ କେସ୍ ଦେଖିବାକୁ ମିଳିଥିଲା । ଏପ୍ରିଲ ମାସର ଗୋଟିଏ ଦିନରେ ତ’ ଏକାଥରକେ ଗାଁର ୧୨ ଜଣ ପ୍ରାଣ ହରାଇଥିଲେ । ଚୌରାଡାର କୁନାଲ ଏହି ସମୟରେ ନିଜ ପିତାଙ୍କୁ ହରାଇଥିଲେ । ସେ ପିତାଙ୍କ ପାଇଁ ଅହମ୍ମଦାବାଦର କୌଣସି ମଧ୍ୟ ହସ୍ପିଟାଲରେ ବେଡ୍ ଯୋଗାଡ କରିବାରେ ବିଫଳ ହୋଇଥିଲେ । ବେଡ୍ ନପାଇ ସେ ନିଜ ପିତାଙ୍କୁ ଗାଁକୁ ନେଇ ଆସିଥିଲେ । ଗାଁରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା।

ଜୀଭକୁ ଖାଇ ହେଇଗଲା ଜୀଭ..

ମାଛର ମୁହଁରୁ ମିଳିଲା ପାରାସାଇଟ୍ । ଜୀଭକୁ ଖାଇ ନିଜେ ହେଇଗଲା ଜୀଭ । ଥରେ ଭାବିଲେ ଗୋଟିଏ କୀଟ ଆପଣଙ୍କ ଜିଭକୁ ଖାଇ ଯଦି ତାର ଜାଗା ନେଇଯାଏ । ଆଉ ଜିଭ ବଦଳରେ ଆପଣଙ୍କ ପାଟି ଭିତରେ ସେହି କୀଟଟି ରୁହେ । ତାହାଲେ କଣ ହେବ ? ହଁ ନିଶ୍ଚୟ ଏହି କଥାଟି ଆପଣଙ୍କୁ ଅଜିବ ଲାଗୁଥିବ । କିନ୍ତୁ ଏମିତି ସମ୍ଭବ । ଜିଭ ଖାଉଥିବା ଏହି ପାରାସାଇଟ୍ ବା ପରଜୀବି ଅନେକ ସମୟରେ ଦେଖାଯାଆନ୍ତି । ସେମାନଙ୍କର କାମ ଅନ୍ୟମାନଙ୍କର ଜୀବନରେ ନିଜେ ବଂଚିବା । ଅଧିକାଂଶ ସମୟରେ ଏମାନେ ମାଛ ମାନଙ୍କର ପାଟିରେ ମିଳିଥାନ୍ତା ।

 

କିଛିଦିନତଳେ ଦକ୍ଷିଣ ଆଫ୍ରିକାର କେପ୍ ଟାଉନ୍‌ରେ ୨୭ବର୍ଷୀୟ ଜଣେ ଯୁବକ ଡେନ୍ ମାର୍କସ୍ କେପ୍ ଆଗୁଲାସ୍‌ରେ ମାଛ ଧରୁଥିଲେ । ଗୋଟିଏ ୬ପାଉଣ୍ଡର କାରପେଣ୍ଟର ମାଛ ଫସିବା ପରେ ସେ ତା ମୁହଁରୁ କଣ୍ଟା କାଢିବା ସମୟରେ ଯାହା ଦେଖିଲେ ତାହା ତାଙ୍କୁ ଆଶ୍ଚର୍ଯ୍ୟ କରାଇଦେଇଥିଲା । ଜଣେ ସାମୁଦ୍ରିକ ଜୀବବିଜ୍ଞାନର ଛାତ୍ର ହେଇ ବି ମାଛର ପାଟି ଭିତରେ ବିରଳ ପ୍ରଜାତିର ପରଜୀବିକୁ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ । ସେ ତୁରନ୍ତ ଏହି ମାଛ ଭିତରେ ଥିବା ପାରାସାଇଟ୍‌ର ଫୋଟ ଉଠାଇ ନୋର୍ଥ ବେଷ୍ଟ ୟୁନିଭର୍ସିଟିର ସାମୁଦ୍ରିକ ଜୀବ ବିଜ୍ଞାନର ପ୍ରଫେସର ନିକୋ ସ୍ମିଟ୍‌ଙ୍କୁ ପଠାଇଥିଲେ । ଏହିଭଳି ପ୍ରଜାତିର ପାରାସାଇଟ୍‌କୁ ପ୍ରଫେସର ମାଛର ପାଟିରେ ମାଛର ଜିଭ ଭଳି ରହିଥିବାର ପୂର୍ବରୁ ଦେଖିନଥିଲେ ।

ପ୍ରଫେସର କୁହନ୍ତି ଯେ ସେ ଜଣେ ସାମୁଦ୍ରିକ ଜୀବ ବିଜ୍ଞାନୀ ହୋଇ କେବଳ ସାର୍କ ଓ ସମୁଦ୍ରୀ ମାଛ ସହିତ ପାରାସାଇଟ୍ ଦେଖିଛନ୍ତି । ହେଲେ ଏହିଭଳି କାର୍‌ପେଣ୍ଟର ମାଛକୁ ନିଜର ଶିକାର ବନାଉଥିବା ପାରାସାଇଟ୍ ସେ ଦେଖିନଥିଲେ । ବୈାଜ୍ଞାନିକଙ୍କ ଅନୁସାରେ ଏହି ବିରଳ ପ୍ରଜାତି ପ୍ରଥମେ ମାଛର ପାଟିରେ ପଶି ତାର ଜିଭକୁ ଧିରେ ଧିରେ ନିଜର ଖାଦ୍ୟ ବନାନ୍ତି । ତାପରେ ମାଛର ପୁରା ଜୀଭକୁ ଖାଇସାରିବା ପରେ ନିଜେ ମାଛର ଜିଭ ଥିବା ସ୍ଥାନକୁ ଅକ୍ତିଆର କରିନିଅନ୍ତି । ଏହା ଫଳରେ ମାଛ ଯାହା ବି ଖାଇଥାଏ ସେଥିରୁ ପାରାସାଇଟ୍‌କୁ ଖାଦ୍ୟ ମଧ୍ୟ ମିଳିଯାଏ । ଆଉ ସେ ସାରା ଜୀବନ ସେ ମାଛର ପାଟି ଭିତରେ ହିଁ ରୁହିଯାଇ ବଂଶ ବିସ୍ତାର କରେ । ଏଯାବତ୍ ୨୮୦ ପ୍ରଜାତିର ଜିଭ ଖାଉଥିବା ପରଜୀବିଙ୍କ ବିଷୟରେ ବୈାଜ୍ଞାନିକମାନେ ରିସର୍ଚ କରିଛନ୍ତି । ହେଲେ ବୈାଜ୍ଞାନିକମାନେ ବିରଳ ପ୍ରଜାତିର ପରଜୀବିମାନଙ୍କ ଉପରେ ଆହୁରୀ ଅଧିକ ରିସର୍ଚ ଜାରି ରଖିଛନ୍ତି । ୧୯୮୩ର ଏକ ରିସର୍ଚ ଅନୁସାରେ ଜଣାପଡିଛି ଯେ ଏହି ପାରାସାଇଟ ନିଜ ଶିକାରର ଅଙ୍ଗକୁ ଖାଇ ତାର ସେହି ଅଙ୍ଗର କାମ କରିଥାଏ । ଏହିଭଳି ପାରାସାଇଟ୍ କେବଳ ମାଛ ଭିତରେ ରୁହନ୍ତିନାହିଁ ବରଂ ସେଠାରେ ବଂଶ ବୃଦ୍ଧି ମଧ୍ୟ କରିଥାନ୍ତି । ଯେବେ ବି ଏକ ଦୁର୍ବଳ କାରପେଣ୍ଟର ମାଛକୁ ଦେଖିବେ ତାହାଲେ ଆପଣ ନିଶ୍ଚିତ ହୋଇଯିବେ ଯେ ଏହି ମାଛ ଭିତରେ ଏକରୁ ଅଧିକ ପରଜୀବି ଅଛନ୍ତି । ଆଉ ଯଦି ଜୈାବିକ ପ୍ରକ୍ରିୟାକୁ ଦେଖିବା ତାହାଲେ ମାଛ ମରିଗଲେ ପରଜୀବିମାନଙ୍କର ମୃତ୍ୟୁ ମଧ୍ୟ ହୋଇଯାଏ ।