କଳାହାଣ୍ଡି: ଅଭାବନୀୟ ଘଟଣା । ଯୁବକଙ୍କ ଗଳା କାଟି ଅତି ନିର୍ମମ ଭାବେ ହତ୍ୟା ଅଭିଯୋଗ । ଘର ସାମ୍ନାରେ ରାତିରେ ଶୋଇଥିବା ବେଳେ ଧାରୁଆ ଅସ୍ତ୍ରରେ ଯୁବକଙ୍କ ଗଳାକାଟି ହତ୍ୟା କରାଯାଇଛି । ଅତି ନିର୍ମମ ଭାବେ ମୁଣ୍ଡ ଗଣ୍ଠି ଅଲଗା କରିଛନ୍ତି ଦୁର୍ବୃତ୍ତ । ଘଟଣା ଘଟିଛି ଲାଞ୍ଜିଗଡ଼ ଥାନା ସିମିଲିଭଟ୍ଟା ଗାଁରେ । ମୃତକ ୩୨ ବର୍ଷିୟ ନୀଳମଣି ଦଣ୍ଡସେନା । ସକାଳୁ ସ୍ତ୍ରୀ ଚଞ୍ଚଳା ଦଣ୍ଡାସେନା ମୃତଦେହ ଦେଖି ପୋଲିସକୁ ସୂଚନା ଦେଇଥିଲେ । ଘଟଣାସ୍ଥଳରେ ଲାଞ୍ଜିଗଡ଼ ପୋଲିସ ପହଞ୍ଚି ତଦନ୍ତ ଜାରି ରଖିଛି । ଘର ସାମ୍ନାରେ ନିର୍ମମ ହତ୍ୟା ସତ୍ବେ ଘରେ ଶୋଇଥିବା ସ୍ତ୍ରୀ ଜାଣି ନ ପାରିବା ପୋଲିସର ସନ୍ଦେହ ପ୍ରକାଶ ପାଇଛି ।
ରଘୁନାଥ ମହାପାତ୍ରଙ୍କ ପୁତ୍ର ପ୍ରଶାନ୍ତଙ୍କ ପରଲୋକ
ଭୁବନେଶ୍ୱର: ପୂର୍ବତନ ଓଡ଼ିଆ ରଣଜୀ ଖେଳାଳି ପ୍ରଶାନ୍ତ ମହାପାତ୍ରଙ୍କ ପରଲୋକ । ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଦିଂବଗତ ସାଂସଦ ତଥା ବିଶିଷ୍ଟ ସ୍ଥପତି ରଘୁନାଥ ମହାପାତ୍ରଙ୍କ ପୁତ୍ର ହେଉଛନ୍ତି ପ୍ରଶାନ୍ତି । ଗତ କିଛି ଦିନ କଳେ ରଘୁନାଥ ମହାପାତ୍ରଙ୍କ ଦେହାନ୍ତ ହୋଇଥିବା ବେଳେ ବୁଧବାର ସକାଳେ ପ୍ରଶାନ୍ତ ଦେହାନ୍ତ ହୋଇଛି । ସେ ବିସିସିଆଇ ରେଫେରୀ ଟିମ୍ର ମଧ୍ୟ ସଦସ୍ୟ ଥିଲେ ।
ଏଥିସହିତ ପଢ଼ନ୍ତୁ: ଆସୁଛି ବାତ୍ୟା ‘ୟଶ’: ୨୩ରୁ ୨୫ ତାରିଖ ମଧ୍ୟରେ ସୁନ୍ଦରବନରେ କରିପାରେ ଲ୍ୟାଣ୍ଡଫଲ୍
କୋଭିଡ ନିୟମ ଉଲ୍ଲଂଘନ ଅଭିଯୋଗରେ ୪ ଦୋକାନ ସିଲ୍
ଆରଡି: ମହାମାରୀ କରୋନା ସଂକ୍ରମଣ ବୃଦ୍ଧିକୁ ନେଇ ରାଜ୍ଯ ସରକାର ବିଭିନ୍ନ କଟକଣା ଜାରି କରିଛନ୍ତି। ଏବେ କରୋନା ସଂକ୍ରମଣ ଗ୍ରାମାଞ୍ଚଳରେ ଅଧିକ ଦେଖା ଦେଉଥିବାରୁ ଆଜି ପୁର୍ନବାର ଜୁନ୧ ଯାଏଁ ଲକଡାଉନ ଓ ସଟ୍ଡାଉନ୍ ବୃଦ୍ଧି କରାଯିବା ସହ ଅତ୍ଯାବଶକୀୟ ଦୋକାନ ଖୋଲିବା ଉପରେ ମଧ୍ଯ ସମୟ ନିର୍ଘଣ୍ଟ ଜାରି ହୋଇଛି। ହେଲେ ଭଦ୍ରକ ଜିଲା ଆରଡିପୀଠରେ ଆଜି ସଂଧ୍ଯାରେ କେତେକ ଦୋକାନୀ କୋଭିଡ ନିୟମକୁ ଉଲଂଘନ କରି ଦୋକାନ ଖୋଲା ରଖିଥିବା ସମୟରେ ଚାନ୍ଦବାଲି ତହସିଲିଦାର ସୁଶାନ୍ତ ସୁତାର, ଅତିରିକ୍ତ ତହସିଲିଦାର, ଆରଡି ଆର.ଆଇ ପ୍ରମୁଖ ଅଚାନକ ଚଢାଉ କରି ୪ଟି ଦୋକାନ ସିଲ କରିଛନ୍ତି । ଏପରିକି ମୋଟା ଅଙ୍କରେ ଫାଇନ କଟାଯାଇଥିବା ତହସିଲିଦା କହିଛନ୍ତି।
ଏଥିସହିତ ପଢ଼ନ୍ତୁ: ଆସୁଛି ବାତ୍ୟା ‘ୟଶ’: ୨୩ରୁ ୨୫ ତାରିଖ ମଧ୍ୟରେ ସୁନ୍ଦରବନରେ କରିପାରେ ଲ୍ୟାଣ୍ଡଫଲ୍
ଭାରତୀୟ କ୍ରିକେଟର୍ସଙ୍କ ଲୁଚାଛପା ପ୍ରେମ କାହାଣୀ
ବଲିଉଡ ଷ୍ଟାରଙ୍କ ରିଲେଶନ କିଛି ନୂଆ କଥା ନୁହେଁ । ୮୦ ଦଶକରୁ ଇଣ୍ଡିଆନ କ୍ରିକେଟ ଷ୍ଟାର ଓ ବଲିଉଡ ଡିଭା ପରସ୍ପରକୁ ଡେଟ କରିବାର ନଜିର ରହିଛି । କେବେ ସମ୍ପର୍କ ନିବିଡ଼ ହୋଇ ମାଗାଜିନରେ କଭର ପିକ ହୋଇଛି ତ୍ ଆଉ କେତେବେଳେ ଫ୍ରେଣ୍ଡସିପରେ ସୀମିତ ରହିଛି । ଆଉ ଏ ସମ୍ପର୍କ କେବେ Affair ଆଉ କେବେ ଗସିପ୍ ଚର୍ଚ୍ଚା ସାଉଁଟିଛି । ଷ୍ଟାଇଲିସ ରବି ହୁଅନ୍ତୁ କି କ୍ୟାପଟେନ କୁଲ ଧୋନୀ । ବିରାଟ ହୁଅନ୍ତୁ ଅବା ମୁମ୍ବାଇ ଛୋକ୍ରା ରୋହିତ । ଗ୍ଲାମର ଲେଡିଙ୍କ ସହ ଏମାନଙ୍କ ଡେଟିଂ ବଡ଼ ଖବର ପାଲଟିଛି । ତେବେ ଆଜି ଏ ଭଳି କିଛି କ୍ରିକେଟ ଷ୍ଟାର ଓ ବଲିଉଡ ଡିଭାଙ୍କ ସିକ୍ରେଟ ଡେଟିଂ ବାବଦରେ ସୂଚନା ଦେବି ମୁଁ ପ୍ରାଚୀ , ଯାହା ଦର୍ଶକଙ୍କ ଦୃଷ୍ଟି ଆକର୍ଷଣ କରିଛି । କିନ୍ତୁ କୌଣସି ନା କୌଣସି କାରଣରୁ ଅଧୁରା ରହିଯାଇଛି ।
କ୍ରିକେଟ-ବଲିଉଡ, ଯେଉଁଠି ରାତାରାତି ମିଳେ ଷ୍ଟାରଡମ । ତା ସାଙ୍ଗକୁ ରହିଛି ନେମ, ଫେମ ଓ ପ୍ରେମ । କୁହାଯାଏ କ୍ରିକେଟର – ହିରୋଇନ ରିଲେଶନ ସିଲସିଲା ଆରମ୍ଭ ହୋଇଥିଲା ୭୦ ଦଶକରେ । ପୂର୍ବତନ ଭାରତୀୟ କ୍ରିକେଟ କ୍ୟାପଟେନ ନବାବ ମନସୁର ଅଲି ପଟୌଦୀ ଓ ଶର୍ମିଳା ଟାଗୋରଙ୍କ ବିବାହରୁ ଆରମ୍ଭ ହୋଇଥିଲା ଏହି ସମ୍ପର୍କ । ଏମାନଙ୍କର ସିନା ସଫଳ ହେଲା କିନ୍ତୁ ଏମାନଙ୍କ ଦ୍ୱାରା ଆରମ୍ଭ ହୋଇଥିବା ଟ୍ରେଣ୍ଡରେ କେବେ କଭି ଖୁସି, କଭି ଗମର ଟ୍ୟାଗ ଲାଗିଲା । ଅନେକ କ୍ରିକେଟର – ହିରୋଇନଙ୍କ ନିକଟତର ଖବର ଆସିଛି । ହେଲେ କିଛି ସମ୍ପର୍କ ରଙ୍ଗ ନେଇଛି, ଆଉ କିଛି ଫିକା ପଡିଛି ।
ରବି ଶାସ୍ତ୍ରୀ-ଅମୃତା ସିଂ:- ଭାରତୀୟ ଦଳର ବର୍ତ୍ତମାନର ମୁଖ୍ୟ କୋଚ୍ ତାଙ୍କ ସମୟରେ ବଲିଉଡ ହିରୋଇନଙ୍କ ଦିଲରେ ରାଜ୍ କରୁଥିଲେ । ସେ ସମୟରେ ରବି ଅନେକ ବଲିଉଡ ହିରୋଇନଙ୍କ ସହ ଡେଟିଂ କରିଥିବା ନେଇ କୁହାଯାଏ । ଏମିତିକି କ୍ରିକେଟର ଆଝାରୁଦ୍ଧିନଙ୍କ ଅଝାର ଫିଲ୍ମରେ ରବିଙ୍କ ଲଭର ବୟ ଇମେଜ ଦର୍ଶାଯାଇଥିଲା । ଏହାକୁ ନେଇ ସେ ସମୟରେ ବିବାଦ ମଧ୍ୟ ସୃଷ୍ଟି ହୋଇଥିଲା ।
ଏମିତି କି କୋର୍ଟ ପର୍ଯ୍ୟନ୍ତ କଥା ଯାଇଥିଲା । ସେ ସମୟର ଚୁଲବୁଲି ନାୟିକା ବେତାବ ଗାର୍ଲ ଅମୃତା ସିଂ ସହ ରବିଙ୍କ ରିଲେଶନ ଚର୍ଚ୍ଚିତ ହୋଇଥିଲା । ସେ ସମୟରେ କ୍ୟାରିଅରର ପିକରେ ଥିବା ରବି-ଅମୃତାଙ୍କ ସମ୍ପର୍କ ବେଶ ଚର୍ଚ୍ଚିତ ହୋଇଥିଲା । ଅନେକ ସମୟରେ ଷ୍ଟାଡିୟମରେ ରବିଙ୍କୁ ଅମୃତା ଚିୟର ଅପ କରୁଥିବା ଚିତ୍ର ସାମ୍ନାକୁ ଆସିଛି । ବିଭିନ୍ନ ହାଇପ୍ରୋଫାଇଲ ପାର୍ଟିରେ ଉଭୟଙ୍କୁ ହମ ସାଥ ସାଥ ହେଁ ମୁଦ୍ରାରେ ଦେଖିବାକୁ ମିଳିଥିଲା । ହେଲେ engagementର କିଛି ଦିନ ପରେ ଉଭୟଙ୍କର ବ୍ରେକ ଅପ ଖବର ଆସିଲା ।
ସୌରଭ-ନଗମା:-
କ୍ରିକେଟକୁ ନୂଆ ରୂପ ଦେଇଥିଲେ ସୌରଭ ଗାଙ୍ଗୁଲି । ସେ ମଧ୍ୟ ଗୋଟେ ସମୟରେ ବଲିଉଡ ସୁନ୍ଦରୀ ନଗମାଙ୍କ ପ୍ରେମରେ ପାଗଳ ଥିବା ଖର ସାମ୍ନାକୁ ଆସିଛି । ବେଙ୍ଗଲ ଟାଇଗର ଭାବେ ପରିଚିତ ଦାଦା, ବଲିଉଡ ଡିବାଙ୍କ ପ୍ରେମ ଜାଲରେ ଛନ୍ଦି ହୋଇଥିଲେ । ତେବେ ନଗମା-ସୌରଭ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ଜୋର ଧରିଥିଲା । ହେଲେ ସେତେବେଳେକୁ ଦୀର୍ଘ ଦିନର ବାନ୍ଧବୀ ଡୋନାଙ୍କୁ ବିବାହ କରିସାରିଥିଲେ । ନଗମା-ସୌରଭଙ୍କ ସମ୍ପର୍କ ଯେବେ ଖବରକାଗଜ ପୃଷ୍ଠା ମଣ୍ଡନ କଲା ଡୋନା-ସୌରଭଙ୍କ ସମ୍ପର୍କରେ ଫାଟ ସୃଷ୍ଟି ହେଲା । ଶେଷରେ ନଗମା-ସୌରଭଙ୍କ ବାଟ ଅଲଗା ହୋଇଗଲା ।
ଯୁବରାଜ ସିଂ- କିମ ଶର୍ମା:-
ସିକ୍ସର କିଙ୍ଗ ଯୁବରାଜଙ୍କର ଥିଲେ କୋଟି କୋଟି ଫିମେଲ ଫ୍ୟାନ । fieldରେ ଛକା ଚୌକା ମାରି ବୋଲରଙ୍କ ଲାଇନ ଲେନ୍ଥ ବିଗାଡିଥିବା ୟୁବି ଅନେକ ବଲିଉଡ ହିରୋଇନଙ୍କର ନିଦ ଉଡେଇଥିଲେ । ପଞ୍ଜାବୀ ମୁଣ୍ଡା ଯୁବରାଜ କ୍ୟୁଟି କିମିଙ୍କ ମଧ୍ୟରେ ଥିଲା ଷ୍ଟ୍ରଙ୍ଗ ବଣ୍ଡିଙ୍ଗ । ପ୍ରାୟ ୪ ବର୍ଷ ପରସ୍ପରଙ୍କୁ ଡେଟ୍ କରିଥିଲେ ଉଭୟ । ବିଭିନ୍ନ ପାର୍ଟିରେ ଉଭୟଙ୍କୁ ଏକା ସହ ଦେଖିବାକୁ ମିଳିଥିଲା । ହେଲେ ଯୁବରାଜଙ୍କ ମା’ଙ୍କୁ କିମ୍ ପସନ୍ଦ ନଥିଲେ।
ୟୁବି-ଦୀପିକାଙ୍କ ଲଭ ଆଫାୟରକୁ ନେଇ ମଧ୍ୟ ଉଠିଛି ଅନେକ ଚର୍ଚ୍ଚା । 2007 ରେ ଓଁ ଶାନ୍ତି ଓଁ ଜରିଆରେ ବଲିଉଡରେ ଡେବ୍ୟୁ କରିଥିବା ଦୀପିକାଙ୍କ ନାଁ ୟୁବିଙ୍କ ସହ ଜୋଡା ଯାଇଥିଲା । ହେଲେ ଏ ସମ୍ପର୍କ ବେଶୀ ଦିନ ପର୍ଯ୍ୟନ୍ତ ତିଷ୍ଠି ପାରିନଥିଲା । ଏମିତି ଅନେକ ହିରୋଇନଙ୍କ ସହ ନାଁ ଯୋଡା ଯିବା ପରେ ଶେଷରେ ମଡେଲ-ଆକଟ୍ରେସ ହେଜେଲ କୋଚଙ୍କୁ ବିବାହ କରିଛନ୍ତି ୟୁବି ।
କ୍ୟାପଟେନ କୁଲ ଧୋନୀ-
ୱାର୍ଲଡ଼ କ୍ରିକେଟରେ କ୍ୟାପଟେନ କୁଲ ଭାବେ ମହେନ୍ଦ୍ର ସିଂ ଧୋନୀଙ୍କ ନାଁ ଅନେକ ବଲିଉଡ ହିରୋଇନଙ୍କ ସହିତ ଯୋଡ଼ା ଯାଇଛି । ତାମିଲ ହିରୋଇନ ରାଜଲକ୍ଷ୍ମୀ, ଆସିନଙ୍କ ସହିତ ଜୋଡା ଯାଇଛି । ତେବେ ଏ ସମ୍ପର୍କ ନେଇ କେହି ବି କିଛି ସ୍ପଷ୍ଟୀକରଣ ଦେଇନାହାନ୍ତି ।
ଜାହିର ଖାଁ- ଇସା ସର୍ବାଣି-
ଫାଷ୍ଟ ବୋଲର ଜାହିର ଓ ଫ୍ଲେକ୍ସିବୁଲ ଇସା ପ୍ରାୟ ବର୍ଷେ ପାଇଁ ସିରିୟସ ଵାଲା ରିଲେଶନସିପରେ ଥିଲେ । ଉଭୟଙ୍କୁ ବିଭିନ୍ନ କାର୍ଯ୍ୟକ୍ରମରେ ଏକାଠି ଦେଖିବାକୁ ମିଳୁଥିଲା । ତେବେ କ୍ୟାରିଅରକୁ ଉଭୟ ଅଧିକ ସ୍କୋପ ଦେବା ଲାଗି ସମ୍ପର୍କରେ ପୂର୍ବଛେଦ ପକେଇଥିଲେ ଉଭୟ ।
ସୁରେଶ ରାଇନା- ସୃତି ହାସନ
ହ୍ବାଇଟ ବଲ କ୍ରିକେଟର ମିଷ୍ଟର ମିଡ଼ିଲ ମ୍ୟାନ ଭାବେ ପରିଚିତ ସୁରେଶ, ସୃତି ହାସନଙ୍କୁ ଡେଟ କରୁଥିବା ନେଇ ଚର୍ଚ୍ଚା ଗୋଟେଇ ଥିଲା । ଆଇପିଏଲରେ ଚେନ୍ନାଇ ଟିମକୁ ସପୋର୍ଟ କରୁଥିବା କମଲ ହାସନଙ୍କ ଲାଡ଼ଲି ସୁରେଶଙ୍କୁ ଚିୟର୍ସ କରୁଥିବା ନଜର ଆସିଥିଲେ । ଏହା ସହ ମିସେସ କୋହଲି ଅନୁଷ୍କାଙ୍କୁ ବି ଡେଟ କରିସାରିଛନ୍ତି ସୁରେଶ ।
ରୋହିତ ଶର୍ମା- ସୋଫିଆ ହେୟାତ
ବ୍ରିଟିସ ମଡେଲ ତଥା ହିରୋଇନକୁ ଡେଟ କରୁଛନ୍ତି ରୋ-ହିଟ-ମ୍ୟାନ ଶର୍ମା । 2012ରେ ଲଣ୍ଡନର ଏକ କ୍ଳବରେ ଉଭୟଙ୍କର ଭେଟଘାଟ ହୋଇଥିଲା । ସମ୍ପର୍କ ନିବିଡ ହୋଇଥିଲା । ଭୟଙ୍କ କପୁଲ ପିକ ସୋସିଆଲ ମିଡ଼ିଆରେ ଟ୍ରେଣ୍ଡ କରିଥିଲା । ତେବେ ଏହି ସମ୍ପର୍କକୁ ଅସ୍ବୀକାର କରିବା ସହ ସୋଫିଆ ତାଙ୍କ ଫ୍ୟାନ ବୋଲି ଗଣମାଧ୍ୟମରେ ପ୍ରତିକ୍ରିୟା ରଖିଥିଲେ ଶର୍ମାଜୀଙ୍କ ଲାଡ଼ଲା । ତେବେ ରୋହିତଙ୍କ ବିସ୍ଫୋରଣରେ ସୋଫିଆ-ରୋହିତଙ୍କ ସମ୍ପର୍କରେ ଭାରି ପଡିଥିଲା ।
ବିରାଟ-ତମାନ୍ନା
ଭାରତୀୟ କ୍ରିକେଟରେ ବର୍ତ୍ତମାନର ସବୁଠାରୁ ବଡ଼ ଖେଳାଳୀ ବିରାଟ କୋହଲି ସୁନ୍ଦରୀ ତମାନ୍ନାଙ୍କୁ ଡେଟ କରିଥିବା ଖବର ରହିଛି । ଏକ ଆର୍ଡ ଫିଲ୍ମ ସୁଟିଂ ସମୟରେ ପରସ୍ପର ସଂସ୍ପର୍ଶରେ ଆସିଥିଲେ ଉଭୟ । ଦିଲ୍ଲୀ ବୟ ବିରାଟଙ୍କ ସହ କେଉଁ କାରଣରୁ ସମ୍ପର୍କ କଟିଲା, ତାହା ସେମାନଙ୍କୁ ଜଣା । ଏହା ସହ ବ୍ରାଜିଲିଆନ ମଡେଲ ଇଜାବେଲ ଲେୟଟ ଓ କନ୍ନଡ ହିରୋଇନ ସଂଜନାଙ୍କୁ ଡେଟି କରଛନ୍ତି କିଙ୍ଗ କୋହଲି ।
ହାର୍ଦିକ ପାଣ୍ଡିଆ- ଏଲି ଇବ୍ରାହମ
ଏମିତିରେ ଅନେକ ଝିଅଙ୍କ ସହ ଡେଟ କରି ଚର୍ଚ୍ଚାରେ ରହିଛନ୍ତି ଟିମ ଇଣ୍ଡିଆର ରିଲାଏବଲ ଅଲରାଉଣ୍ଡର ହାର୍ଦିକ ପାଣ୍ଡିଆ । ତେବେ ଏଲି ଇବ୍ରାହମଙ୍କ ସହ ନଜଦିକିଆଁ ହାର୍ଦିକଙ୍କୁ ଅଧିକ ଚର୍ଚ୍ଚିତ କରିଥିଲା । ବଡ଼ ଭାଇ କୁର୍ଣ୍ଣାଲଙ୍କ ବାହାଘରରେ ହାର୍ଦିକଙ୍କ ପରିବାର ସହ ଥିଲେ ଏଲି । ତେବେ ସମ୍ପର୍କରେ କେଉଁ କାରଣରୁ ଫାଟ ସୃଷ୍ଟି ହୋଇଥିଲା । ଲତାସା ଷ୍ଟାଙ୍କଭିକଙ୍କୁ ବିବାହ କରିବା ପୂର୍ବରୁ ହାର୍ଦିକ ଉର୍ବଶୀ ରାଉତେଲଙ୍କୁ ଡେଟ କରିଛନ୍ତି ।
କେଏଲ ରାହୁଲ- ଅଥେୟା ସେଟ୍ଟୀ
ଦୀର୍ଘ ଦିନ ହେଲା ବଲିଉଡ ଆନ୍ନା ସୁନୀଲ ସେଟ୍ଟୀଙ୍କ ଝିଅ ଅଥେୟା ସେଟ୍ଟୀଙ୍କୁ ଡେଟ କରୁଛନ୍ତି କେଏଲ । ସୋସିଆଲ ମିଡ଼ିଆ ଉଭୟଙ୍କ ଫଟୋ ଭାଇରଲ ହେବାରେ ଲାଗିଛି । ବିଭିନ୍ନ ହୋଟେଲ ଆଣ୍ଡ ପାର୍ଟିରେ ଉଭୟଙ୍କୁ ଦେଖୁବାକୁ ମିଳୁଛି । ଅଥେୟାଙ୍କ ପୂର୍ବରୁ କେଏଲ ନିଧି ଅଗ୍ରବାଲଙ୍କ ସହ ଦେଖିବାକୁ ମିଳିଥିଲେ । ମୁନ୍ନା ମାଇକେଲ ଫ୍ରେମର ନିଧିଙ୍କ ସହ କେଏଲଙ୍କ କେମେଷ୍ଟ୍ରି ସୋସିଆଲ ମିଡ଼ିଆ ୟୁଜରଙ୍କୁ ବେଶ ପସନ୍ଦ ଆସିଥିଲା । ତେବେ ଏବେ ଏମାନଙ୍କୁ ଏବେ ଆଉ ଏକାଠି ଦେଖିବାକୁ ମିଳୁନି ।
ଏହି ଦେଶରେ କଲଗାର୍ଲ କରୁଛନ୍ତି ଲୋକଙ୍କ କରୋନା ଟେଷ୍ଟ…
କରୋନା ଭୂତାଣୁ ମୁକାବିଲା ପାଇଁ ସମଗ୍ର ବିଶ୍ୱ ସଂଘର୍ଷ କରୁଛି । ଏହି ମହାମାରୀ ସହ ଲଢିବାକୁ ସମସ୍ତେ ନିଜ ନିଜ ସ୍ତରରେ ଚେଷ୍ଟା ଚଲାଇଛନ୍ତି । ଜର୍ମାନୀରେ ମଧ୍ୟ ସମାନ ସ୍ଥିତି ରହିଛି । ତେବେ ସେଠାରେ ଏମିତି କିଛି ଦେଖିବାକୁ ମିଳିଛି ଯାହା ସମସ୍ତଙ୍କୁ ଆଚମ୍ବିତ କରିବ। ଜର୍ମାନୀରେ ଗୋଟିଏ ବେଶ୍ୟାଳୟକୁ କରୋନା ପରୀକ୍ଷା କେନ୍ଦ୍ର ଭାବରେ ପରିଣତ କରାଯାଇଥିଲା ଏବଂ ଏଠାରେ କାର୍ଯ୍ୟ କରୁଥିବା ମହିଳାମାନେ ମଧ୍ୟ ଏହି କାର୍ଯ୍ୟରେ ସକ୍ରିୟ ହୋଇଛନ୍ତି ।

ଏହି ବେଶିୟାଳୟ ଦକ୍ଷିଣ-ପଶ୍ଚିମ ଜର୍ମାନୀରେ ହାୟଡଲବର୍ଗ ନାମକ ଏକ ସହରରେ ଅବସ୍ଥିତ । ଏଠାରେ ୨୫ ଜଣ ମହିଳା କାମ କରନ୍ତି । ଜର୍ମାନୀର ସ୍ୱାସ୍ଥ୍ୟ କର୍ମୀମାନେ ମଧ୍ୟ ଏହି ମହିଳାମାନଙ୍କ ମଧ୍ୟରୁ କିଛି ଜଣଙ୍କୁ କରୋନା ପରୀକ୍ଷା କରିବା ନେଇ ପରୀକ୍ଷଣ ଦେଇଛନ୍ତି। ଏଠାରେ କାର୍ଯ୍ୟ କରୁଥିବା ଜଣେ ୪୫ ବର୍ଷୀୟ ମହିଳା ଏହି ବିଷୟରେ ନିଜେ କହିଥିଲେ । ମହିଳାଙ୍କ କହିବା ଅନୁସାରେ ସବୁବେଳେ ସେ ଏକ ପ୍ରୋଟେକ୍ଟିଭ୍ ଗାଉନ୍, ମାସ୍କ ଏବଂ ଗ୍ଲୋଭସ୍ ପିନ୍ଧି ରହୁଛନ୍ତି । ସାଧାରଣତଃ ସେ କେବେ ବି ଏମିତି ପିନ୍ଧି ରୁହନ୍ତି ନାହିଁ । କିନ୍ତୁ ଏହି ଭୂତାଣୁ ହେତୁ ତାଙ୍କୁ ସଚେତନ ହୋଇ ରହିବାକୁ ପଡୁଛି । ଏହା ସହ ପ୍ରତିଦିନ ବଢୁଥିବା ଆକ୍ରାନ୍ତଙ୍କ ସଂଖ୍ୟା ଦୃଷ୍ଟିରେ ରଖି ସମସ୍ତ ସତର୍କତା ଅବଲମ୍ବନ କରୁଛନ୍ତି ସେଠାର କର୍ମୀମାନେ ।

ସେ ଆହୁରି କହିଛନ୍ତି ଯେ, ତାଙ୍କ ଚାକିରିରେ ତାଙ୍କୁ ବହୁତ ସମ୍ବେଦନଶୀଳ ରହିବାକୁ ପଡିଥାଏ ଏବଂ କରୋନା ପରୀକ୍ଷା ସମୟରେ ତାଙ୍କୁ ଅଧିକ ସଚେତନ ହୋଇ ରହିବାକୁ ପଡୁଛି । ପରୀକ୍ଷାର ୨୦ମିନିଟ୍ ମଧ୍ୟରେ, ଯେକୌଣସି ବ୍ୟକ୍ତି ନିଜ ମୋବାଇଲରେ କରୋନା ଟେଷ୍ଟର ଫଳାଫଳ ପାଇଯାଆନ୍ତି ।

ଏହି ସ୍ଥାନର ମାଲିକ ଅଣସଠି ବର୍ଷ ପୂରୁଣା । ସେ ଏହି ସ୍ଥାନକୁ ପ୍ରଶାସନକୁ ମାଗଣାରେ ଉପଲବ୍ଧ କରାଇଛନ୍ତି। ସେ କହିଛନ୍ତି ଯେ ଏହି ମହାମାରୀର ମୁକାବିଲା ପାଇଁ ସେମାନେ ତାଙ୍କର ଅବଦାନ ଦେବାକୁ ଚାହୁଁଛନ୍ତି। ସୂଚନାଅନୁସାରେ , ଜର୍ମାନୀରେ ଟୀକାକରଣ ପ୍ରକିୟା ଦ୍ରୁତ ଗତିରେ ଚାଲିଛି । ଜର୍ମାନୀରେ ପ୍ରାୟ ୨ କୋଟି ଲୋକଙ୍କୁ ପ୍ରଥମ ଡୋଜ୍ କରୋନା ଟିକା ଦିଆଯାଇସାରିଛି। ଏହା ବ୍ୟତୀତ ୯୦ ଲକ୍ଷ ଲୋକଙ୍କୁ ଦ୍ୱିତୀୟ ଡୋଜ୍ ଟିକା ଦିଆଯାଇସାରିଛି। ତେବେ ସାରା ବିଶ୍ୱ ଏହି ମହାମାରୀ ସହ ଲଢ଼ୁଥିବା ସମୟରେ ବେଶ୍ୟାଳୟର ମହିଳାମାନଙ୍କର ସାହାଯ୍ୟମୂଳକ ପଦକ୍ଷେପ ସମସ୍ତଙ୍କ ପାଇଁ ଏକ ଉଦାହରଣ ।




