spot_img
Home Blog Page 5668

ଆଡହକ୍ ଟିମ୍ ଅଧ୍ୟକ୍ଷ ହେଲେ ଦିଲ୍ଲୀପ ତିର୍କୀ

ଭୁବନେଶ୍ୱର: ଦିଲ୍ଲୀପ ତିର୍କୀ ହେଲେ ଆଡ୍‌ହକ କମିଟିର ଅଧ୍ୟକ୍ଷ । ପୂର୍ବରୁ ଆଡ୍‌ହକ କମିଟିର ସଦସ୍ୟ ଥିଲେ ଦିଲ୍ଲୀପ । ଆଡ୍‌ହକ କମିଟିର ଅଧ୍ୟକ୍ଷ ଭୋଳା ନାଥ ସିଂହ ଥିଲେ । ଯେଉଁଥିପାଇଁ ଅନେକ ବିବାଦ ଦେଖାଦେଇଥିଲା । ଏଥିରେ ହକି ଇଣ୍ଡିଆର ଉପସଭାପତି ଭୋଳାନାଥ ସିଂହଙ୍କୁ ଅଧ୍ୟକ୍ଷ କରାଯାଇ ଥିବାବେଳେ ଅଲିମ୍ପିଆନ ଦିଲୀପ ତିର୍କୀ ସଦସ୍ୟ ଥିଲେ । ଏହାସହ ଓଡ଼ିଶା ଅଲିମ୍ପିକ ସଂଘର ଜଣେ ପ୍ରତିନିଧିଙ୍କୁ ତୃତୀୟ ସଦସ୍ୟ ଭାବେ ରଖାଯାଇଥିଲା । ତେବେ ଆଡ୍‌ହକ୍ କମିଟି ଅଧ୍ୟକ୍ଷ ପଦବୀକୁ ନେଇ ଉଠିଥିଲା ପ୍ରଶ୍ନ । ଓଡ଼ିଶା ହକିର ବିକାଶ ପାଇଁ ହକି କିମ୍ବଦନ୍ତୀ ଦିଲ୍ଲୀପ ତିର୍କୀଙ୍କୁ ଆଡ୍ ହକ୍ କମିଟି ଅଧ୍ୟକ୍ଷ କରିବାକୁ ବିଶେଷଜ୍ଞମାନେ ମତ ଦେଇଥିଲେ ।

ଏଥିସହିତ ପଢ଼ନ୍ତୁ: ସ୍ୱତନ୍ତ୍ର SOP ଜାରି କଲା ସ୍ୱାସ୍ଥ୍ୟ ବିଭାଗ: ଶିଶୁଙ୍କ ପାଇଁ ୨୩୯୦ ବେଡ୍‌, ୬୧୦ ଆଇସିୟୁ ବେଡ ପ୍ରସ୍ତୁତ

ସ୍ୱତନ୍ତ୍ର SOP ଜାରି କଲା ସ୍ୱାସ୍ଥ୍ୟ ବିଭାଗ: ଶିଶୁଙ୍କ ପାଇଁ ୨୩୯୦ ବେଡ୍‌, ୬୧୦ ଆଇସିୟୁ ବେଡ ପ୍ରସ୍ତୁତ

ଭୁବନେଶ୍ୱର: ଦ୍ୱିତୀୟ ପରେ ତୃତୀୟ ଲହର ପାଇଁ ରାଜ୍ୟ ସରକାରଙ୍କ ସମରସଜ୍ଜା । ଥାର୍ଡ ଓ୍ୱେଭ୍‌ରେ ଶିଶୁଙ୍କୁ କିଭଳି ଚିକିତ୍ସା କରାଯିବ, ସେନେଇ ପ୍ରସ୍ତୁତ ରହିବାକୁ ରାଜ୍ୟ ସ୍ୱାସ୍ଥ୍ୟ ବିଭାଗ ଏସଓପି ଜାରି କରିଛି । ସେପଟେ ତୃତୀୟ ଲହରରେ ଶିଶୁ କମ୍ ସଂକ୍ରମିତ ହେବେ ବୋଲି ଡିଏମ୍ଇଟି ନିର୍ଦ୍ଦେଶକ କହିଛନ୍ତି । ଶିଶୁଙ୍କ ରୋଗ ପ୍ରତିରୋଧକ ଶକ୍ତି ବେଶି ଥିବାରୁ ସେମାନେ ଅଧିକ ସଂକ୍ରମିତ ହେବେନାହିଁ ବୋଲି ଡବ୍ଲୁଏଚଓ ଏବଂ ଏମ୍‌ସର ସର୍ଭେରୁ ଜଣାପଡ଼ିଛି ।

ଦ୍ୱିତୀୟ ପରେ ତୃତୀୟ ଲହର ମୁକାବଲା ପାଇଁ ରାଜ୍ୟ ସରକାରଙ୍କ ଆଗୁଆ ପ୍ରସ୍ତୁତି । ରାଜ୍ୟ ସ୍ୱାସ୍ଥ୍ୟ ବିଭାଗ ଏସଓପି ଜାରି କରି ଜିଲ୍ଲାପାଳ ଓ ସିଡିଏମଓଙ୍କୁ ପଠାଇଛି । ଆଗାମୀ ଲହରରେ ଶିଶୁଙ୍କୁ କିଭଳି ଚିକିତ୍ସା କରାଯିବ, ସେନେଇ ପ୍ରସ୍ତୁତ ରହିବାକୁ କୁହାଯାଇଛି । ସେପଟେ ଅନେକ ଦେଶରେ ତୃତୀୟ ଲହର ଆସିନି । ତେଣୁ ଏବେଠୁ ଆତଙ୍କିତ ହେବାର ଆବଶ୍ୟକତା ନାହିଁ ବୋଲି ଡିଏମ୍‌ଇଟି ନିର୍ଦ୍ଦେଶକ କହିଛନ୍ତି । ଆସିଲେ ମୁକାବିଲା ପାଇଁ ରାଜ୍ୟ ପ୍ରସ୍ତୁତ । ସଚେତନତା ସହ ଯୁଦ୍ଧକାଳୀନ ଭିତ୍ତିରେ ଟିକାକରଣ ଚାଲିଛି । ତୃତୀୟ ଲହରରେ ଶିଶୁ ଅଧିକ ଆକ୍ରାନ୍ତ ହେବେ କି ନାହିଁ ସେନେଇ ଭିନ୍ନ ତଥ୍ୟ ଆସୁଛି । ଅଧିକ ଶିଶୁ ଆକ୍ରାନ୍ତ ହେଲେ ବି ସ୍ୱାସ୍ଥ୍ୟସେବା ପାଇଁ ସରକାର ପ୍ରସ୍ତୁତ । ଜୁନ୍ ୭ସୁଦ୍ଧା ବିଶ୍ୱରେ ୬୩ଜଣଙ୍କଠାରେ ଡେଲଟା ପ୍ଳସ ଭ୍ୟାରିଆଣ୍ଟ ଚିହ୍ନଟ ହୋଇଥିଲେ। ସେଥିରେ ଭାରତରୁ ୬ ଜଣ ଥିଲେ । ତେଣୁ ଆତଙ୍କିତ ହେବାର କାରଣ ନାହିଁ ।

ତୃତୀୟ ଲହରୀ ଆସିଲେ ବି ସେତେବେଳକୁ ହର୍ଡ ଇମ୍ୟୁନିଟି ଡେଭଲପ ହୋଇଯାଇଥିବ । ତେଣୁ ସମ୍ଭାବ୍ୟ ତୃତୀୟ ଲହର ସେକେଣ୍ଡ ଓ୍ୱେଭ୍‌ଠାରୁ ଅଧିକ ଭୟଙ୍କର ହେବନି ବୋଲି ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି । ଡବ୍ଲୁଏଚଓ ଓ ଏମ୍ସର ସର୍ଭେରେ ପିଲାଙ୍କ ଆଣ୍ଟିବଡି ଡେଭଲପ୍ ହୋଇଥିବା ଜଣାପଡିଛି । ତେଣୁ ସେମାନେ ଅଧିକ ପ୍ରଭାବିତ ହେବାର ଆଶଙ୍କା ନାହିଁ । ସେହିପରି ଗ୍ରାମାଞ୍ଚଳରେ ବି ଲୋକଙ୍କଠାରେ ଆଣ୍ଟିବଡି ଡେଭଲପ ହୋଇଛି । ଯାହାଦ୍ୱାରା ଦ୍ୱିତୀୟ ଲହରରେ ଆକଳନଠୁ କମ କ୍ଷୟକ୍ଷତି ହୋଉଥିବା ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି। ଦ୍ୱିତୀୟ ଲହରର ପ୍ରକୋପ କମିଥିଲେ ବି ସମସ୍ତଙ୍କୁ କୋଭିଡ କଟକଣା ମାନିବାକୁ ସ୍ୱାସ୍ଥ୍ୟ ବିଶେଷଜ୍ଞ ପରାମର୍ଶ ଦେଇଛନ୍ତି ।

 

ବିଶେଷ ନୀତି ଦିବସରେ ସେବାୟତ, ପୋଲିସ କର୍ମଚାରୀ ଓ ଅଫିସରଙ୍କ ଆରଟିପିସିଆର ଟେଷ୍ଟ ବାଧ୍ୟତାମୂଳକ

ପୁରୀ: ପାଖେଇ ଆସିଲାଣି ମହାପ୍ରଭୁଙ୍କ ଘୋଷଯାତ୍ରା । ଏଥିପାଇଁ ପୁରୀ ପ୍ରଶାସନ ପକ୍ଷରୁ ପ୍ରସ୍ତୁତି ଏକପ୍ରକାର ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ବିନା ଭକ୍ତରେ ଶୃଙ୍ଖଳିତ ଭାବେ ଯାତ୍ରା କରିବା ନେଇ ସେବାୟତମାନେ ଉତ୍ସାହିତ ଥିବାବେଳେ ସୁରକ୍ଷା ପାଇଁ ବ୍ୟାରିକେଡ଼ ନିର୍ମାଣ ଆରମ୍ଭ ହୋଇଛି । ୪୮ଘଣ୍ଟା ପୂର୍ବରୁ ସମସ୍ତ ସେବାୟତ, କର୍ମଚାରୀ, ପୋଲିସ ଓ ଅଫିସରମାନଙ୍କ କୋଭିଡ ଆରଟିପିସିଆର ଟେଷ୍ଟ ବାଧ୍ୟତା ମୂଳକ । ସେପଟେ ରଥଖଳାରେ ଜୋରସୋରରେ ଆଗେଇ ଚାଲିଛି ତିନି ରଥର ନିର୍ମାଣ କାର୍ଯ୍ୟ । ୧୪ ନାହାକା ଓ ଭୂଇଁ ନିର୍ମାଣ ଶେଷ ହୋଇଛି ।

ପାଖେଇ ଆସିଲାଣି ମହାପ୍ରଭୁଙ୍କ ଘୋଷଯାତ୍ରା । ବିଶେଷ ନୀତି ଦିବସର ୪୮ ଘଣ୍ଟା ପୂର୍ବରୁ ସବୁ ସେବାୟତ, କର୍ମଚାରୀ, ପୋଲିସ ଓ ଅଫିସରଙ୍କ ହେବ RT-PCR ଟେଷ୍ଟ । ସ୍ନାନ, ଶ୍ରୀଗୁଣ୍ଡିଚା, ବାହୁଡା ଓ ନୀଳାଦ୍ରିବିଜେ ୪ଟି ଯାତ୍ରା ପୂର୍ବରୁ ୪ ଥର ହେବ RT-PCR ଟେଷ୍ଟ । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହି ନିଷ୍ପତ୍ତି ନିଆଯାଇଛି । ଶ୍ରୀମନ୍ଦିର ପ୍ରଶାସନ, ପୁରୀ ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ପକ୍ଷରୁ ନୋଡାଲ ଅଫିସର ନିୟୋଜିତ କରାଯାଇ ବ୍ୟବସ୍ଥାକୁ ଶୃଙ୍ଖଳିତ କରାଯିବ । ଏହାସହ ରଥ ଟାଣିବାକୁ ଥିବା ସେବକଙ୍କ ଉପରେ ଗୁରୁତ୍ୱ ଦିଆଯିବା ସହ ରଥଯାତ୍ରା ସମୟରେ ମାଇକ୍ରୋ ପ୍ଲାନ ଅନୁଯାୟୀ ମେଡିକାଲ ପୋଷ୍ଟ ଗଠନ କରାଯିବ । ବ୍ୟାପକ ମାତ୍ରାରେ ମାସ୍କ ଓ ସାନିଟାଇଜର ବଣ୍ଟନ କରାଯିବ । ଶ୍ରୀମନ୍ଦିର ମୁଖ୍ୟ ପ୍ରଶାସକ କିଶନକୁମାରଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଜିଲ୍ଲାପାଳ, ଏସ୍‌ପି, ଅନ୍ୟାନ୍ୟ ଅଧିକରୀ ଓ ସେବାୟତ ଉପସ୍ଥିତ ଥିଲେ । ସେପଟେ ସ୍ନାନଯାତ୍ରା ପାଇଁ ବଡଦାଣ୍ଡ ଓ ଶ୍ରୀମନ୍ଦିର ଚତୁଃପାର୍ଶ୍ବରେ ବ୍ୟାରିକେଡ଼ ପୋତା ଆରମ୍ଭ ହୋଇଛି । ପ୍ରଶାସନର ନିୟମ ଅନୁସାରେ ସହଯୋଗ କରି ଯାତ୍ରା ସାରିବାକୁ ପ୍ରତିଶ୍ରୁତି ଦେଇଛନ୍ତି ସେବାୟତ ।

ସେପଟେ ରଥ ଖଳାରେ ଜୋରସୋରରେ ଆଗେଇ ଚାଲିଛି ତିନି ରଥର ନିର୍ମାଣ କାର୍ଯ୍ୟ । ଚଳିତ ବର୍ଷ ରଥ ନିର୍ମାଣ ବିଗତ ବର୍ଷ ମାନଙ୍କ ଅପେକ୍ଷା ବେଶ ଆଗୁଆ ଚାଲିଛି ରଥ ନିର୍ମାଣ କାମ । ତିନି ରଥର ଚାରି ନାହାକା ଉଠି ଛନ୍ଦା ଗୟଳ ମୋଡା କାର୍ଯ୍ୟ ଶେଷ ହୋଇଛି । ୧୪ନାହାକା ଓ ଭୂଇଁ ନିର୍ମାଣ କାର୍ଯ୍ୟ ଜାରି ରହିଥିବା ବେଳେ ରୂପକାର ସେବକ ମାନେ ନାଟ ଗୋଡ଼ରେ ରାହୁ ରୂପ ଅଙ୍କନ କାର୍ଯ୍ୟ ଜାରି ରଖିଛନ୍ତି । ଜୁଲାଇ ୧୨ରେ  ରଥଯାତ୍ରା । ଆସନ୍ତା ୨୪ ତାରିଖରେ ସ୍ନାନଯାତ୍ରା । ଏଥିପାଇଁ ପ୍ରଶାସନ ପକ୍ଷରୁ ଚାଲିଛି ଜୋରଦାର ପ୍ରସ୍ତୁତି । ସେବକ ଓ କର୍ମଚାରୀଙ୍କ ଟିକାକରଣ ଉପରେ ଦିଆଯାଇଛି ।

ଏଥିସହିତ ପଢ଼ନ୍ତୁ: ରକ୍ତ ଅଭାବରୁ ଗୁରୁତର ଥିଲେ ପ୍ରସୂତି: ସୋସିଆଲ ମିଡିଆରେ ଖବର ପାଇଁ ପହଞ୍ଚିଲେ ସ୍ୱେଚ୍ଛାସେବୀ

ମହାକାଶ ବିଜ୍ଞାନ କ୍ଷେତ୍ରରେ କୁନି ଓଡ଼ିଆ ବୈଜ୍ଞାନିକଙ୍କ ସଫଳତା: ବିଶ୍ୱସ୍ତରୀୟ ପ୍ରତିଯୋଗିତାରେ ତୃତୀୟ ସ୍ଥାନରେ ଓଡ଼ିଆ ଟିମ୍

ଭୁବନେଶ୍ୱର: ଓଡ଼ିଆ କୁନି ବୈଜ୍ଞାନିକଙ୍କୁ ବଡ଼ ସଫଳତା । ନାସା ପକ୍ଷରୁ ଆୟୋଜିତ ବିଶ୍ୱସ୍ତରୀୟ ପ୍ରତିଯୋଗିତାରେ ଦେଶରୁ ଏକମାତ୍ର ଟିମ୍ ଭାବେ ତୃତୀୟ ସ୍ଥାନ ଅଧିକାର କରିଛନ୍ତି କୁନି ବୈଜ୍ଞାନିକମାନେ । ପ୍ରତିଯୋଗିତାରେ 73ଟି ଦେଶରୁ ପ୍ରତିଯୋଗୀ ଅଂଶଗ୍ରହଣ କରିଥିଲେ । ନିକଟ ଭବିଷ୍ୟତରେ ନାସା ପକ୍ଷରୁ ଲଞ୍ଚ ହେବାକୁ ଥିବା SR-7 ରକେଟରେ ବ୍ୟବହାର ହେବ ସେମାନଙ୍କ ଦ୍ୱାରା ପ୍ରସ୍ତୁତ ମଡେଲ ।

ମହାକାଶ ବିଜ୍ଞାନ କ୍ଷେତ୍ରରେ କୁନି ଓଡ଼ିଆ ବୈଜ୍ଞାନିକଙ୍କ ସଫଳତା । ବିଶ୍ୱସ୍ତରୀୟ ପ୍ରତିଯୋଗିତାରେ ତୃତୀୟ ସ୍ଥାନରେ ଓଡ଼ିଆ ଟିମ୍ । SR-7 ରକେଟରେ ବ୍ୟବହାର ହୋଇପାରେ ପିଲାଙ୍କ ପ୍ରକଳ୍ପ । ନାସା ପକ୍ଷରୁ ବିଶ୍ବସ୍ତରରେ ଆୟୋଜିତ ହୋଇଥିଲା ଅନଲାଇନ ପ୍ରତିଯୋଗିତା । ୭୩ଟି ଦେଶରୁ ଏକ ହଜାରରୁ ଅଧିକ ପ୍ରକଳ୍ପ ପ୍ରତିଯୋଗିତାରେ ସ୍ଥାନ ପାଇଥିଲା । ଏଥିରେ ଓଡ଼ିଶାର ନଭୋନ୍ମେଷ ପ୍ରସାର ପ୍ରତିଷ୍ଠାନର ଛାତ୍ରଛାତ୍ରୀମାନେ ସଫଳତା ହାସଲ କରିଛନ୍ତି । ଚଳିତ ବର୍ଷ କ୍ୟୁବ୍ସ ଇନ ସ୍ପେସ ବିଷୟକୁ ନେଇ ହୋଇଥିଲା ପ୍ରତିଯୋଗିତା । ଆଗାମୀ ଦିନରେ ନାସା ପକ୍ଷରୁ ଲଞ୍ଚ ହେବାକୁ ଥିବା SR-7 ରୋକେଟରେ କୁନି ଓଡ଼ିଆ ବୈଜ୍ଞାନିକଙ୍କ ଦ୍ୱାରା ପ୍ରସ୍ତୁତ ଫାସ୍ଟନର ବା ନଟ ବୋଲଟ ବ୍ୟବହାର ନେଇ ରିସର୍ଚ କରିବ ନାସା । ଦୀର୍ଘ ୪ ମାସ ଧରି ଗବେଷଣା ପରେ ବିଶ୍ଵଦରବାରରେ ପ୍ରଶଂସିତ ହୋଇପାରିଥିବା କହିଛନ୍ତି ନଭନ୍ମେଷ ପ୍ରସାର ପ୍ରତିଷ୍ଠାନର ସିଇଓ ।

୭ ଜଣିଆ କୁନି ବୈଜ୍ଞାନିକଙ୍କ ଟିମରେ ଅଛନ୍ତି ଭୁବନେଶ୍ବରରୁ ୪ଜଣ,  କୋରୋପୁଟ, ସମ୍ବଲପୁର ଓ ଅନୁଗୁଳରୁ ଜଣେ ଲେଖାଏଁ ଛାତ୍ରଛାତ୍ରୀ । ଟିମର ସଦସ୍ୟମାନେ କୋଭିଡ କଟକଣା ସମୟରେ ଅନଲାଇନରେ ଅଧିକ ଗବେଷଣା କରିବାକୁ ସକ୍ଷମ ହୋଇଥିଲେ । ଇସ୍ରୋର ମଙ୍ଗଳ ଜାନ ଉଦ୍ୟମ ବିଫଳ ହେବା ଓ ଏହାର କାରଣ ଜାଣିବା ପରେ ପିଲାଙ୍କ ମନରେ ଅଧିକ ଉତ୍ସାହ ସୃଷ୍ଟି ହୋଇଥିଲା । ୟଙ୍ଗ ଟିମର ଆକାଡେମୀର ଅନଲାଇନ କ୍ଲାସରେ ଯୋଗଦେଇ ପିଲାମାନେ ସ୍ପେସ ରିସର୍ଚ ଉପରେ ଅଧିକ ଗବେଷଣା କରିଥିଲେ । ସାଟେଲାଇଟ ହେଉ କି ରକେଟ, ଅନେକ ସମୟରେ ଫାଷ୍ଟନରରେ ସାମାନ୍ୟ ଭୁଲ ଯୋଗୁଁ ନିରାଶ ହେବାକୁ ପଡିଥାଏ । ସେଥିରେ ସୁଧାର ଆଣିବାକୁ ଏମାନେ ଆଲୁମିନିୟମ ଓ ଷ୍ଟିଲ ଦ୍ୱାରା ଫାଷ୍ଟନର ପ୍ରସ୍ତୁତ କରିଛନ୍ତି ।

ପିଲାଙ୍କ ଭିତରେ ମହାକାଶ ବିଜ୍ଞାନ ଓ ଗବେଷଣା ସହିତ ଏହାର ବ୍ୟବହାରିକ ଜ୍ଞାନର ବିକାଶ ପାଇଁ ନାସା ପକ୍ଷରୁ ପ୍ରତିବର୍ଷ ଏଭଳି ପ୍ରତିଯୋଗିତାର ଆୟୋଜନ କରାଯାଇଥାଏ । ପୁର୍ବରୁ ମଧ୍ୟ human exploration ରୋଭର ଚ୍ୟାଲେଞ୍ଜରେ ନଭନ୍ମେଷ ପ୍ରସାର ପ୍ରତିଷ୍ଠାନ ତୃତୀୟ ସ୍ଥାନ ପାଇଥିଲା ।

ନକଲି ଔଷଧ ମିଳିବା ଘଟଣା: ତଦନ୍ତ ପାଇଁ ମୁମ୍ୱାଇ ଗଲା କ୍ରାଇମବ୍ରାଞ୍ଚ ଟିମ୍

ଭୁବନେଶ୍ୱର: ନକଲି ଔଷଧର ମୁମ୍ବାଇ ଲିଙ୍କ । ଅଧିକ ତଦନ୍ତ ପାଇଁ ମୁମ୍ବାଇ ଗଲା କ୍ରାଇମବ୍ରାଞ୍ଚ ଟିମ୍ । ପୂର୍ବରୁ ନକଲି ଔଷଧ ଯୋଗାଣକାରୀ ସୁଦୀପ ମୁଖାର୍ଜୀକୁ ଗିରଫ କରିଥିଲା ମୁମ୍ବାଇ ପୋଲିସ । ସେଠାରେ ତନାଘନା କରିବ କ୍ରାଇମ୍‌ବ୍ରାଞ୍ଚ ଏସଟିଏଫ୍ । ସ୍ୱାଗତ ଏଣ୍ଟରପ୍ରାଇଜର୍ସ ମାଧ୍ୟମରେ କଟକ ସମେତ ରାଜ୍ୟର ବିଭିନ୍ନ ଜିଲ୍ଲାକୁ ସପ୍ଲାଏ ହେଉଥିଲା ନକଲି ଔଷଧ । ନକଲି କାରବାରରେ ସମ୍ପୃକ୍ତ ହୋଲ୍‌ସେଲର ଶିବ ଜେନାଙ୍କ ସମେତ ଏକାଧିକ ବ୍ୟକ୍ତି । ସିଡିଏ-୬ର ସ୍ୱାଗତ ଏଣ୍ଟରପ୍ରାଇଜର୍ସ ମାଧ୍ୟମରେ କଟକ ସମେତ ରାଜ୍ୟର ବିଭିନ୍ନ ମେଡିସିନ ଷ୍ଟକିଷ୍ଟଙ୍କ ପାଖକୁ ପଠାଯାଉଥିଲା ନକଲି ମେଡିସିନ୍ । ଭାୟା କଟକ ଦେଇ ସାରା ରାଜ୍ୟରେ ମେଲିଥିଲା ନକଲି ନେଟଓ୍ବର୍କ । ଘଟଣା ସାମନାକୁ ଆସିବା ପରେ ଆକ୍ସନ୍‌ ମୋଡ୍‌କୁ ଆସିଛି ରାଜ୍ୟ ମେଡିସିନ୍ ବିକ୍ରେତା ସଂଘ । ରାଜ୍ୟରେ ବିକ୍ରି ହେଉଥିବା ପ୍ରାୟ ୫୦ଟି ମେଡିସିନ କମ୍ପାନୀ କର୍ତ୍ତୃପକ୍ଷଙ୍କୁ ଅନାଲିଟିକାଲ ରିପୋର୍ଟ ତୁରନ୍ତ ଦେବା ପାଇଁ ନିର୍ଦେଶ ଦିଆଯାଇଛି । ନଚେତ ସମ୍ପୃକ୍ତ ମେଡିସିନ ବିକ୍ରି ହୋଇପାରିବ ନାହିଁ ବୋଲି ସଂଘ ଚେତାବନୀ ଦେଇଛି । ସେପଟେ ମେଡିସିନର ଗୁଣବତ୍ତା ସମ୍ପର୍କରେ ଜାଣିବା ସମ୍ଭବ ନୁହେଁ ବୋଲି ଡାକ୍ତର କହିଛନ୍ତି । କମ୍ପାନୀ ପକ୍ଷରୁ ଏମଆର ମେଡିସିନ ସମ୍ପର୍କରେ ଯାହା କୁହନ୍ତି, ସେହି ଅନୁଯାୟୀ ମେଡିସିନ ପରାମର୍ଶ ଦିଆଯାଏ । ଏଣିକି ଅନାଲିଟିକାଲ ରିପୋର୍ଟ ମଗାଯିବ ବୋଲି ଡାକ୍ତର କହିଛନ୍ତି ।

ଏଥିସହିତ ପଢ଼ନ୍ତୁ: ରକ୍ତ ଅଭାବରୁ ଗୁରୁତର ଥିଲେ ପ୍ରସୂତି: ସୋସିଆଲ ମିଡିଆରେ ଖବର ପାଇଁ ପହଞ୍ଚିଲେ ସ୍ୱେଚ୍ଛାସେବୀ

ବିଜେପିର ୩୫୦ କର୍ମୀଙ୍କୁ ଗଙ୍ଗାଜଳ ଛିଞ୍ଚି ଦଳରେ ସାମିଲ କଲା ଟିଏମସି

କୋଲକତା: ଦଳ ଡିଆଁ ମାରୁଛନ୍ତି ଅନେକ ବିଜେପି ନେତା । ଏବେ ଆଉ ମୋଦିଙ୍କ ବାର୍ତ୍ତା ନୁହେଁ ଦିଦିଙ୍କ ଡ୍ରାମା ଭଲ ଲାଗୁଛି । ବିଜେପି ଯାଇ ଭୁଲ କରିଛନ୍ତି ଏବଂ ଟିଏମସି ସାମିଲ ହେବାକୁ ଧାରଣା ବସୁଛନ୍ତି ବିଜେପିର ଅନେକ ନେତା ଓ କର୍ମୀ । ପରାଜୟ ପରେ ଏବେ ଘରକୁ ଫେରୁଛନ୍ତି ବିଜେପିର ଅନେକ ନେତା ଓ କର୍ମୀ । ପଶ୍ଚିମବଙ୍ଗରେ ଭାରତୀୟ ଜନତା ପାର୍ଟି (ବିଜେପି)ର ନେତାମାନେ ପଶ୍ଚିମବଙ୍ଗ ନିର୍ବାଚନରେ ​​ପରାଜୟ ପରେ ତୃଣମୂଳ କଂଗ୍ରେସ (ଟିଏମସି) ଘରକୁ ଫେରୁଛନ୍ତି । ବହୁ ସଂଖ୍ୟକ ବିଜେପି କର୍ମୀ ମମତା ବାନାର୍ଜୀଙ୍କ ନେତୃତ୍ୱାଧୀନ ଟିଏମସିରେ ଯୋଗଦେବାକୁ ଚାହୁଁଛନ୍ତି । ତେବେ ଯେଉଁଭଳି ଭାବେ ଏମାନେ ଘରକୁ ଫେରୁଛନ୍ତି ତାହା ଅତ୍ୟନ୍ତ ରୋଚକ ବିଷୟ । ଟିଏମସିରେ ଯୋଗଦେବା ପାଇଁ ଗଙ୍ଗାଜାଲ ଛିଞ୍ଚି ବିଜେପି କର୍ମୀଙ୍କୁ ଶୁଦ୍ଧ କରାଯାଉଛି । ଆଉ ଏହା ପରେ ହିଁ ତାଙ୍କୁ ଟିଏମସିରେ ସାମିଲ କରାଯାଉଛ ।

ସୂଚନା ଅନୁସାରେ, ବଙ୍ଗଳାର ବୀରଭୂମ ଜିଲ୍ଲାର ସେନ୍ଥିୟା ଅଞ୍ଚଳରେ ୩୫୦ ବିଜେପି କର୍ମୀ ଟିଏମସି କାର୍ଯ୍ୟାଳୟ ବାହାରେ ଧାରଣା ଦେଇଥିଲେ । ସମସ୍ତ କର୍ମକର୍ତ୍ତା ବିଜେପି ଯାଇ ସେମାନେ ଭୁଲ କରିଛନ୍ତି ବୋଲି ମଧ୍ୟ କହିଛନ୍ତି । ଏବଂ ତାଙ୍କୁ ପୁଣି ଟିଏମସିକୁ ଫେରାଇ ନିଆଯିବା ଉଚିତ୍ ବୋଲି କହିଥିଲେ । ପ୍ରାୟ ୪ ଘଣ୍ଟା ଧରି ବିଜେପି କର୍ମୀମାନେ ଧାରଣା ବସିଥିଲେ ।

ଚାରି ଘଣ୍ଟା ଧରି ଚାଲିଥିବା ଏହି ହାଇ ଭୋଲଟେଜ୍ ଡ୍ରାମା ପରେ, ଟିଏମସି ପଞ୍ଚାୟତିରାଜ ମୁଖ୍ୟ ସମସ୍ତ କାର୍ଯ୍ୟକର୍ତ୍ତାଙ୍କ ଉପରେ ଗଙ୍ଗାଜାଲ ଛିଞ୍ଚି ସେମାନଙ୍କୁ ଶୁଦ୍ଧ କରିଥିଲେ, ପରେ ସେମାନଙ୍କୁ ପାର୍ଟିର ସଦସ୍ୟତା ଦେଇଥିଲେ । ତେବେ ଏନେଇ ବିଜେପି କର୍ମୀମାନେ ମଧ୍ୟ ଉତ୍ସାହିତ ଥିଲେ। ଏହା କେବଳ ଛୋଟମୋଟ କର୍ମକର୍ତ୍ତାଙ୍କ ପାଇଁ ନଥିଲା, ଦଳର ଅନେକ ଭେଟେରାନ ବିଜେପି ନେତାମାନେ ମଧ୍ୟ ପରାଜୟ ପରେ ଟିଏମସି ରେ ସାମିଲ ହେଉଥିବାର ନଜରକୁ ଆସିଛି ।

ତୃତୀୟ ଲହର ପାଇଁ କେନ୍ଦ୍ର ଓ ଦିଲ୍ଲୀ ସରକାରଙ୍କୁ ସତର୍କ କରାଇଲେ ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ: ଅବହେଳା କାରଣରୁ ଦ୍ୱିତୀୟ ଲହରର ଭୟାବହତା ସତ୍ତ୍ୱେ ସୁଧୁରି ନାହାଁନ୍ତି ଲୋକେ । ଦ୍ୱିତୀୟ ଲହରୀ ଅନେକ ଲୋକଙ୍କ ଜୀବନ ନେଇଥିବା ବେଳେ ସେଥିରୁ ଶିକ୍ଷା ପାଇ ନାହାଁନ୍ତି ଏମାନେ। ପ୍ରତିବନ୍ଧକ ହଟିବା ମାତ୍ରେ ଲୋକମାନେ ବହୁ ସଂଖ୍ୟାରେ ଏକାଠି ହେଉଛନ୍ତି । ଆଶ୍ଚର୍ଯ୍ୟର କଥା, ସେମାନେ ମାସ୍କ ପିନ୍ଧିବାକୁ ମଧ୍ୟ ଚାହୁଁ ନାହାଁନ୍ତି । ତେଣୁ ଏନେଇ ତତ୍ପରତା ଦେଖାଇଛନ୍ତି ଦିଲ୍ଲୀ ହାଇକୋର୍ଟ । ସହର ବଜାରରେ ପ୍ରବଳ ଜନଗହଳି କୋଭିଡ୍-୧୯ ତୃତୀୟ ପ୍ରବାହକୁ ତ୍ବରାନ୍ବିତ କରିବ ବୋଲି ଦିଲ୍ଲୀ ହାଇକୋର୍ଟ ଆଜି କେନ୍ଦ୍ର ଓ ଦିଲ୍ଲୀ ସରକାରଙ୍କୁ ସତର୍କ କରାଇଛନ୍ତି।

ଲୋକମାନଙ୍କ ଅବହେଳା କାରଣରୁ ଖୁବ ଶିଘ୍ର ଆସିପାରେ ତୃତୀୟ ଲହରୀ । ମାସ୍କ୍‌ ପିନ୍ଧି ନ ଥିବା ଏବଂ କୋଭିଡ୍-୧୯ ନିୟମାବଳି ଅବଜ୍ଞା କରୁଥିବା ସହର ବଜାରର ଫଟୋ ସବୁ ‘ହ୍ବାଟ୍‌ସ୍‌ଆପ୍‌’ରେ ଘୁରି ବୁଲୁଥିବା ଦେଖି ଦିଲ୍ଲୀ ହାଇକୋର୍ଟ ଚିନ୍ତା ବ୍ୟକ୍ତ କରିବା ସହ ତୃତୀୟ ଲହର ପ୍ରଭାବ ଆଶଙ୍କା ପ୍ରତି ଅବଗତ ହୋଇ ସରକାରଙ୍କୁ ନୋଟିସ୍‌ ଦେଇଛନ୍ତି।

ଏନେଇ ଏକ ‘ଷ୍ଟାସଟ୍‌ ରିପୋର୍ଟ’ ଫାଇଲ୍‌ କରିବା ପାଇଁ ଅଦାଲତ କେନ୍ଦ୍ର ସରକାର ଓ ଦିଲ୍ଲୀ ସରକାରଙ୍କୁ ଦେଇଥିବା ନୋଟିସ୍‌ରେ ପ୍ରକାଶ କରିଛନ୍ତି । ନୋଟିୟ ଅନୁସାରେ ହାଇକୋର୍ଟ କହିଛି ଯେ, କୋଭିଡ୍-୧୯ ମାମଲାକୁ ଅଧିକ ନ ବ୍ୟାପିବାକୁ ଦେବାପାଇଁ ରାଜଧାନୀରେ ଅପେକ୍ଷାକୃତ କଠୋର ପଦକ୍ଷେପର ଆବଶ୍ୟକତା ରହିଛି। କେବଳ ସେତିକି ନୁହେଁ ବିଚାରପତି ନବୀନ ଚାୱଲା ଏବଂ ଆଶା ମେନନଙ୍କୁ ନେଇ ଗଠିତ ଅବକାଶ ଖଣ୍ଡପୀଠ ଆହୁରି ମଧ୍ୟ ସତର୍କ କରାଇ ଦେଇଛନ୍ତି ଯେ, କୋଭିଡ୍ ନିୟମାବଳିର ଏଭଳି ଉଲ୍ଲଂଘନ ତୃତୀୟ ପ୍ରବାହକୁ ନିମନ୍ତ୍ରଣ କରିବା ସହ ସମାନ । ତେଣୁ କୌଣସି ବି ପରିସ୍ଥିତିରେ ଏମିତି ନ କରାଇଦେବା ଉଚିତ ।

ତେଣୁ ଏସବୁ ପରିସ୍ଥିତିକୁ ଏଡ଼ାଇବା ପାଇଁ କଠୋର କଟକଣା ଲାଗୁ କରିବା, ଦୋକାନୀମାନଙ୍କୁ ସଚେତନ କରିବା ଏବଂ ଏ ବିଷୟରେ ବଜାର ଓ ଉଠାଦୋକାନୀ ସଂଘମାନଙ୍କ ସହ ବୈଠକ କରିବା ପାଇଁ ହାଇକୋର୍ଟ କେନ୍ଦ୍ର ଓ ଦିଲ୍ଲୀ ସରକାରଙ୍କୁ କହିଛନ୍ତି।

୬ ଜଣିଆ ବୈଷୟିକ ବିଶେଷଜ୍ଞ ଦଳ ସହ ବୈଠକ: ପୁରୀ ଗିରଳଠାରେ ନିର୍ମାଣ ହେବ ଅନ୍ତର୍ଜାତୀୟ ବିମାନବନ୍ଦର!

ପୁରୀରେ ହେବ ଅନ୍ତର୍ଜାତୀୟ ବିମାନବନ୍ଦର । ଏନେଇ ଆଜି ଭାରତୀୟ ବିମାନବନ୍ଦର ପ୍ରାଧିକରଣର ଛଅ ଜଣିଆ ବୈଷୟିକ ବିଶେଷଜ୍ଞ ଦଳ ସହ ରାଜ୍ୟ ସରକାରଙ୍କ ବୈଠକ ଶେଷ ହୋଇଛି । ପରିବହନ ସଚିବଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ପୂର୍ତ୍ତ ସଚିବ ଓ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ବରିଷ୍ଠ ଅଧିକାରୀ ମାନେ ଯୋଗ ଦେଇଥିଲେ । ପ୍ରସ୍ତାବିତ ୪ ଟି ଜମି ମଧ୍ୟରୁ କେଉଁ ଜମିଟି ଆନ୍ତର୍ଜାତିୟ ମାନର ହୋଇଥିବା ବେଳେ ଏହାର ମାନଦଣ୍ଡ ଏୟାରପୋର୍ଟ ପାଇଁ ପ୍ରଯୁଜ୍ୟ ସେ ନେଇ ଆଲୋଚନା ହୋଇଛି ।

ସୂଚନାଯୋଗ୍ୟ ପୁରୀ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତାବିତ ଚିହ୍ନଟ ହୋଇଥିବା ୪ଟି ଜମିର ସ୍ଥିତାବସ୍ଥା ଯାଞ୍ଚ ହୋଇଛି। ଆନ୍ତର୍ଜାତିୟ ବିମାନବନ୍ଦର ମାନଦଣ୍ଡ ଅନୁସାରେ କେଉଁ ଜମି ବିମାନବନ୍ଦର ପାଇଁ ପ୍ରଯୁଜ୍ୟ ତାର ରିପୋର୍ଟ ପ୍ରସ୍ତୁତ କରାଯିବ। ଏନେଇ  ବୈଷୟିକ ଟିମ୍ ସହ ପୁରୀ ଜିଲ୍ଲାପାଳ ଆଲୋଚନା କରିଛନ୍ତି। ଆନ୍ତର୍ଜାତୀୟ ବିମାନବନ୍ଦର ନେଇ ପୁରୀବାସିଙ୍କ ସ୍ୱପ୍ନ ପୁରଣ ହେବାକୁ ଯାଉଛି। କେନ୍ଦ୍ର ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଗ୍ରୀନ୍ ସିଗନାଲ ମିଳିସାରିଥିବା ବେଳେ ଗତକାଲି ପୁରୀ ଗସ୍ତରେ ଆସିଛନ୍ତି ଭାରତୀୟ ବିମାନବନ୍ଦର ପ୍ରାଧିକରଣ ବୈଷୟିକ ବିଶେଷଜ୍ଞ ଟିମ୍। ଏଥିରେ ଦୀଲ୍ଲିରୁ ଚାରିଜଣ ରହିଥିବା ବେଳେ ରାଜ୍ୟର ଦୁଇଜଣ ବୈଷୟିକ ବିଶେଷଜ୍ଞ ରହିଛନ୍ତି। ଜିଲ୍ଲାପାଳଙ୍କ ସହ ଆଲୋଚନା ପରେ ସିପସରୁବାଲି ଓ ଗିରଳ ମୌଜାର ତିନୋଟି ଅଞ୍ଚଳର ସ୍ଥିତାବସ୍ଥା ଅନୁଧ୍ୟାନ କରିଛନ୍ତି। ଏହି ଦୁଇଦିନିଆ ଗସ୍ତରେ ସେମାନେ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତାବିତ ଚାରୋଟି ଅଞ୍ଚଳର ଜମିକୁ ଅନୁଧ୍ୟାନ କରି ରିପୋର୍ଟ ଦେଇଛନ୍ତି ।

ରକ୍ତ ଅଭାବରୁ ଗୁରୁତର ଥିଲେ ପ୍ରସୂତି: ସୋସିଆଲ ମିଡିଆରେ ଖବର ପାଇଁ ପହଞ୍ଚିଲେ ସ୍ୱେଚ୍ଛାସେବୀ

କଳାହାଣ୍ଡି: ଜୀବନ ବଞ୍ଚାଇଲା ସୋସିଆଲ ମିଡିଆ । ରକ୍ତ ଅଭାବରୁ ଗୁରୁତର ଥିଲେ ପ୍ରସୂତି । ସୋସିଆଲ ମିଡିଆରେ ଖବର ପାଇ ପହଞ୍ଚିଲେ ଦୁଇ ସ୍ୱେଚ୍ଛାସେବୀ । ରକ୍ତ ଦେଇ ମହିଳାଙ୍କ ଜୀବନ ବଞ୍ଚାଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ । ସୂଚନା ଅନୁସାରେ ‘ଓ’ ପଜିଟିଭ ବମ୍ବେ ଫେନୋଟାଇପ୍‌ ଗ୍ରୁପର ରକ୍ତ ଅଭାବ ରହିଥିଲା । ଏନେଇ ଆକ୍ଟିଭିଷ୍ଟ ଅଫ୍‌ କଳାହାଣ୍ଡି ଅର୍ଗାନାଇଜେସନ ରକ୍ତ ଆବଶ୍ୟକତାକୁ ନେଇ ସୋସିଆଲ ମିଡିଆରେ ପ୍ରଚାର କରିଥିଲା । ପରେ ଭୁବନେଶ୍ୱରର କଳିଙ୍ଗ ରକ୍ଷକ ଫାଉଣ୍ଡେସନର ଦୁଇ ଯୁବକ ପହଞ୍ଚି ରକ୍ତ ଦେଇଥିଲେ । ରକ୍ତ ଦେଇଥିବା ଦୁଇ ଯୁବକ ହେଲେ ଦୁର୍ଲଭ ସାହୁ ଓ ମାନସ ରଂଜନ ସାହୁ ।

ଏଥିସହିତ ପଢ଼ନ୍ତୁ: କଣ୍ଠଶିଳ୍ପୀ ତପୁ ମିଶ୍ରଙ୍କୁ ରାଜ୍ୟ ସଂସ୍କୃତି ବଭାଗ ପକ୍ଷରୁ ୧ ଲକ୍ଷ ଟଙ୍କାର ସହାୟତା

କରୋନା ମୁକାବିଲା ଦିଗରେ ଆଉ ପାଦେ ଆଗେଇଲା ରାଜ୍ୟ: ଅକ୍ସିଜେନ୍ ପ୍ଳାଣ୍ଟର ଶିଳାନ୍ୟାସ ସହ ICU ଗୃହ ଉଦ୍‌ଘାଟିତ

ଭୁବନେଶ୍ୱର: ବାରିପଦାର ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ହସ୍ପିଟାଲ ପରିସରରେ ନୂତନ ଅକ୍ସିଜେନ ପ୍ଲାଣ୍ଟର ଶିଳାନ୍ୟାସ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେହିଭଳି ସୁନ୍ଦରଗଡ଼ କୋଭିଡ ଚିକିତ୍ସାଳୟରେ ଟ୍ରୁନାଟ୍ ପରୀକ୍ଷାଗାର, ଝାରସୁଗୁଡ଼ା, ମୟୂରଭଂଜରେ ଅକ୍ସିଜେନ ପ୍ଲାଣ୍ଟର ଶିଳାନ୍ୟାସ ହୋଇଛି । ଭଦ୍ରକ, ସୁନ୍ଦରଗଡ଼, ପୁରୀ, ଜଗତସିଂହପୁର, ସୋନପୁରରେ ମଧ୍ୟ ଅକ୍ସିଜେନ ପ୍ଲାଣ୍ଟର ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ । ନୟାଗଡ଼ ଚାନ୍ଦପୁରରେ ବସନ୍ତ ମଞ୍ଜରୀ ଚିକିତ୍ସାଳୟର ଶିଳାନ୍ୟାସ ସହ ନୟାଗଡରେ ୬ଶଯ୍ୟା ବିଶିଷ୍ଟ ICU ଗୃହକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ । ତେବେ ଶିଳାନ୍ୟାସ ହୋଇଥିବା ଏହି ଅକ୍ସିଜେନ ପ୍ଲାଣ୍ଟ ପାଇଁ ବିଭିନ୍ନ ଜିଲ୍ଲାର ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ରୋଗୀମାନେ ଆବଶ୍ୟକ ମୁତାବକ ଅକ୍ସିଜେନ ପାଇପାରିବେ । ଏଠାରେ ଦୁଇ ପ୍ରକାର ଅକ୍ସିଜେନ ସୁବିଧା ମିଳିପାରିବ । ବାରିପଦାର ପିଆରଏମ୍ ହସ୍ପିଟାଲରେ ଉପସ୍ଥିତ ଥିଲେ ମନ୍ତ୍ରୀ ପ୍ରତାପ ଜେନା । ମନ୍ତ୍ରୀଙ୍କ ସହିତ ବିଧାୟକ, ସାଂସଦ, ଜିଲ୍ଲାପାଳ ଓ ଉଚ୍ଚପଦସ୍ଥ ସରକାରୀ ଅଧିକାରୀ ଓ ବହୁ ମାନ୍ୟ ଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

ଏଥିସହିତ ପଢ଼ନ୍ତୁ: କରୋନାର ତୃତୀୟ ଲହର ନେଇ କିଛି ଏଭଳି କହିଲେ ବିଶେଷଜ୍ଞ