ପୁରୀ: ଆଜି ପବିତ୍ର ଦେବସ୍ନାନ ପୂର୍ଣ୍ଣିମା। ରତ୍ନବେଦୀ ଛାଡ଼ି ସ୍ନାନ ବେଦୀରେ ଶ୍ରୀଜିଉ। ସ୍ନାନବେଦୀ ମହାପ୍ରଭୂଙ୍କ ସ୍ନାନ ନୀତି ସଂପର୍ଣ୍ଣ ହୋଇଛି। ୧୦୮ ଗରା ସୁବାସିତ ଜଳରେ ସ୍ନାନ କରିଛନ୍ତି ଶ୍ରୀଜିଉ। ମହାସ୍ନାନ ପରେ ଶ୍ରୀଜିଉଙ୍କ ହାତୀବେଶ ଦର୍ଶନ ଅନୁଷ୍ଠିତ ହେବ। ଅତ୍ୟଧିକ ସ୍ନାନ ଯୋଗୁଁ ମହାପ୍ରଭୁ ଜ୍ବରରେ ପୀଡିତ ହୋଇ ଅଣସର ଘରେ ଅବସ୍ଥାନ କରିବେ। ଅଣସର ଘରେ ଗୁପ୍ତ ସେବା ଉପଚାର ଆଗାମୀ ୧୫ଦିନ ଧରି ଜାରି ରହିବ। ଚଳିତ ବର୍ଷ କରୋନା କଟକଣା ଯୋଗୁଁ ବିନା ଭକ୍ତରେ ସ୍ନାନ ପୁର୍ଣିମା ନୀତି କରାଯାଉଛି। ସ୍ନାନ ପୂର୍ଣ୍ଣିମା ପାଇଁ ସହରର ବିଭିନ୍ନ ସ୍ଥାନରେ ପ୍ରଶାସନ ପକ୍ଷରୁ ୧୪୪ ଧାରା ଜାରି କରାଯାଇଛି। ସୁରକ୍ଷା ବ୍ୟବସ୍ଥା ଲାଗି ସହରକୁ ୬ଟି ଜୋନରେ ବିଭକ୍ତ କରାଯାଇଛି। ୫ ଜଣ ଅତିରିକ୍ତ ଏସପି, ୩୫ ପ୍ଲାଟୁନ ଫୋର୍ସ, ୨୩ ଡିଏସ୍ପି, ୪୧ରୁ ଅଧିକ ଇନ୍ସପେକ୍ଟର ଓ ୧୫୦ରୁ ଅଧିକ ଅଧିକାରୀ ମୁତୟନ ହୋଇଛନ୍ତି। ଶ୍ରୀମନ୍ଦିର ଚତୁଃପାର୍ଶ୍ୱ, ବଡ଼ଦାଣ୍ଡ ଓ ପୁରୀ ପ୍ରବେଶ ପଥରେ ୧୫ଟି ସିସିଟିଭି କ୍ୟାମେରା ଲାଗିଛି।
ଉଦଯାପିତ ହେଲା ବିଜୁ ଯୁବ ଜନତା ଦଳର ରକ୍ତଦାନ ଶିବିର,୮ଦିନରେ ସଂଗ୍ରହ ହେଲା ୬୩୦ ୟୁନିଟ୍ ରକ୍ତ
ଭୁବନେଶ୍ୱର: ମୁଖ୍ୟମନ୍ତ୍ରୀ ତଥା ବିଜେଡି ରାଜ୍ୟ ସଭାପତି ନବୀନ ପଟ୍ଟନାୟକଙ୍କ ଆହ୍ବାନ କ୍ରମେ ରକ୍ତଭଣ୍ଡାରରେ ରକ୍ତ ଅଭାବକୁ ଦୃଷ୍ଟିରେ ରଖି ଓଡ଼ିଶା ମୋ ପରିବାର ଜୀବନବିନ୍ଦୁ ଆନୁକୂଲ୍ୟରେ ବିଜୁ ଯୁବ ଜନତା ଦଳପକ୍ଷରୁ ଆୟୋଜିତ ଆଠଦିନିଆ ରକ୍ତଦାନ ଶିବିର ଆଜି ଉଦଯାପିତ ହୋଇଯାଇଛି। ଏହି ଉଦଯାପନୀ ରକ୍ତଦାନ ଶିବିରକୁ ବିଜେଡି ରାଜ୍ୟ ସାଧାରଣ ସମ୍ପାଦକ ପ୍ରଣବ କୁମାର ବଳବନ୍ତରାୟ ଉଦଘାଟନ କରିଥିଲେ। ୮ ଦିନ ଧରି ରାଜ୍ୟବ୍ୟାପି ଚାଲିଥିବା ରକ୍ତଦାନ ଶିବିରରୁ ମୋଟ ୬୩୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା । ରକ୍ତଦାନ ଶିବିରରେ ଅଧିକରୁ ଅଧିକ ଲୋକ ଆଗ୍ରହ ସହକାରେ ଅଂଶଗ୍ରହଣ କରିଥିବା ଦେଖିବାକୁ ମିଳିଥିଲା ।

ବିଜୁ ଯୁବ ଜନତା ଦଳର ରାଜ୍ୟ ସଭାପତି ଡ଼ଃ ବ୍ୟୋମକେଶ ରାୟଙ୍କ ତତ୍ତ୍ଵବଧାନରେ ଯୁବ ବିଜେଡ଼ି ରାଜ୍ୟ କାର୍ଯ୍ୟକାରୀ ସଭାପତି ବୈକୁଣ୍ଠ ନାୟକ ଏବଂ ରାଜ୍ୟ ଉପସଭାପତି ସୁନିଲ ମହାନ୍ତିଙ୍କ ନେତୃତ୍ୱରେ ଅନୁଷ୍ଠିତ ଅଷ୍ଟମ ଦିବସ ରକ୍ତଦାନ ଶିବିରରେ ୧୦୫ୟୁନିଟ ରକ୍ତ ସଂଗ୍ରହ ହୋଇଯାଇଛି।
ଏହି ରକ୍ତଦାନ ଶିବିରରେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓଡ଼ିଶା ମୋପରିବାର ଆବାହକ ଅରୂପ ପଟନାୟକ, ବିଧାୟକ ପ୍ରୀତିରଞ୍ଜନ ଘଡ଼ାଇ, ବିଧାୟକ ସୁଶାନ୍ତ ରାଉତ, ଜିଲ୍ଲା ସଭାପତି ବିନୟଟପ୍ପୋ, ଓଡ଼ିଶା କ୍ଷୁଦ୍ର ଶିଳ୍ପ ନିଗମ ଅଧକ୍ଷ ଚିନ୍ମୟ ସହୁ, ବିଜେଡି ଯୁବ ନେତା ରୁଦ୍ର ମହାରଥି, ରୁଦ୍ର ସାମନ୍ତରାୟ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ। ବିଜୁ ଯୁବ ଜନତା ଦଳର ସାଧାରଣ ସମ୍ପାଦକ ଆଶୀଷ ରଞ୍ଜନ ମିଶ୍ର ଏସମ୍ପର୍କରେ ପ୍ରେସ ବିବୃତି ଜାରି କରି ସୂଚନା ଦେଇଛନ୍ତି।
ଆତଙ୍କବାଦ ବିରୋଧରେ ମିଳିତ ସଂଗ୍ରାମ କରିବା ଲାଗି ଭାରତ ଓ ପାକିସ୍ତାନ ମଧ୍ୟରେ ସହମତି
ନୂଆଦିଲ୍ଲୀ: ଅନ୍ତର୍ଜାତୀୟ ଆତଙ୍କବାଦ, ବିଚ୍ଛିନ୍ନତାବାଦ, ଧାର୍ମିକ ମୌଳବାଦ ଆଦି ବିରୋଧରେ ମିଳିତ ସଂଗ୍ରାମ କରିବା ଲାଗି ଭାରତ ଓ ପାକିସ୍ତାନ ମଧ୍ୟରେ ସହମତି। ତାଜିକସ୍ତାନରେ ଆୟୋଜିତ ସାଂଘାଇ କୋପରେସନ ଅର୍ଗାନାଇଜେସନ ବା ଏସସିଓର ଗୁରୁତ୍ବପୂର୍ଣ୍ଣ ବୈଠକରେ ଏହି ସହମତି ହୋଇଛି। ତାଜିକସ୍ତାନର ଦଶନବଠାରେ ଆୟୋଜିତ ଏହି ବୈଠକରେ ଜାରି କରାଯାଇଛି ମିଳିତ ଘୋଷଣାନାମା। ଏହା ସହ ବୈଠକରେ ଆଫଗାନିସ୍ତାନର ସାମରିକ ଓ ରାଜନୈତିକ ସ୍ଥିତି ପ୍ରସଙ୍ଗରେ ମଧ୍ୟ ଆଲୋଚନା ହୋଇଛି । ଭାରତର ଜାତୀୟ ନିରାପତ୍ତା ପରାମର୍ଶଦାତା ଅଜିତ ଡୋଭାଲ ଓ ପାକିସ୍ତାନ ପ୍ରତିପକ୍ଷ ମୋୟିଦ ୟୁସୁଫ ବିଭିନ୍ନ ପ୍ରସଙ୍ଗରେ ସହମତି ପ୍ରକାଶ କରିଛନ୍ତି । ଏସସିଓର ୧୬ତମ ବୈଠକ ଅବସରରେ ତାଜିକସ୍ତାନ ରାଷ୍ଟ୍ରପତି ଇମୋମାଲି ରହମନଙ୍କ ସହ ମଧ୍ୟ ବିଭିନ୍ନ ପ୍ରସଙ୍ଗରେ ଡୋଭାଲ ଆଲୋଚନା କରିଥିଲେ । ଅନ୍ତର୍ଜାତୀୟ ଆତଙ୍କବାଦ, ବିଚ୍ଛିନ୍ନତାବାଦ, ଧାର୍ମିକ ମୌଳବାଦ ସମେତ ଅସ୍ତ୍ରଶସ୍ତ୍ର ଓ ଡ୍ରଗ୍ସ ଚୋରାଚାଲାଣ ଆଦି ପ୍ରସଙ୍ଗରେ ଆଲୋଚନା ହୋଇଥିଲା । ସମସ୍ତ ସଦସ୍ୟ ରାଷ୍ଟ୍ର ମଧ୍ୟରେ ଉପରୋକ୍ତ ପ୍ରସଙ୍ଗରେ ସହମତି ଆସିବା ସହ ମିଳିତ ଭାବେ ବିଭିନ୍ନ ସମସ୍ୟାର ସମାଧାନ କରିବା ଲାଗି ସହମତି ପ୍ରକାଶ ପାଇଛି ବୋଲି କହିଛନ୍ତି ଏସସିଓର ଅଧ୍ୟକ୍ଷ ରାଷ୍ଚ୍ର ତାଜକିସ୍ତାନ ରାଷ୍ଟ୍ରପତି ଇମୋମାଲି ରହମନ । ଆଞ୍ଚଳିକ ନିରାପତ୍ତା, ବିଭିନ୍ନ ଚାଲେଞ୍ଜର ମୁକାବିଲା ଲାଗି ସମସ୍ତେ ଏକ ହେବେ ବୋଲି କହିଛି ରିଜିଓନାଲ ଆଣ୍ଟିଟେରରିଷ୍ଟ ଷ୍ଟ୍ରକ୍ଚର ବା ରାଟସ୍ । ବୈଠକରେ ବିଭିନ୍ନ ଅଞ୍ଚଳରେ ନିରାପତ୍ତା ପ୍ରସଙ୍ଗରେ ଆଲୋଚନା ହେବା ଅବସରରେ ଏହା କହିଛି ରାଟସ । ବୈଠକରେ ସୂଚନାଗତ ନିରାପତ୍ତା, ସାଇବରକ୍ରାଇମ, ଖାଦ୍ୟ ଓ ଜୈବିକ ନିରାପତ୍ତା, କରୋନା ଭାଇରସର ମୁକାବିଲା ଆଦି ପ୍ରସଙ୍ଗରେ ଏକ ମିଳିତ ଘୋଷଣାନାମା ଜାରି ହୋଇଛି । ବୈଠକରେ ଭାରତ, ପାକିସ୍ତାନ, ତାଜିକସ୍ତାନ, କାଜାଖସ୍ତାନ, କିରଗୀଜସ୍ତାନ, ରୁଷ, ଉଜବେକିସ୍ତାନର ପ୍ରତିନିଧି ଯୋଗଦେଇଥିଲେ । ତେବେ ଚୀନର କୌଣସି ପ୍ରତିନିଧି ବୈଠକରେ ଯୋଗଦେଇ ନଥିଲେ । ଏହା ସହ ରୁଷ ଓ ଭାରତ ମଧ୍ୟରେ ନିରାପତ୍ତା, ଏସୀୟ ପ୍ରଶାନ୍ତ ଅଞ୍ଚଳରେ ସ୍ଥିରତା, ବିଭିନ୍ନ ପ୍ରସଙ୍ଗରେ ଭାବବିନିମୟ ଆଦି ପ୍ରସଙ୍ଗରେ ଆଲୋଚନା ହୋଇଥିଲା ।
ଆଣ୍ଟିଭାଇରସ ସଫ୍ଟଓ୍ବେରର ଉଦ୍ଭାବକ ଜନ ମାକଫିଙ୍କ ସନ୍ଦେହଜନକ ମୃତ୍ୟୁ
ନୂଆଦିଲ୍ଲୀ: ଆଣ୍ଟିଭାଇରସ ସଫ୍ଟଓ୍ବେରର ଉଦ୍ଭାବକ ଜନ ମାକଫିଙ୍କ ସନ୍ଦେହଜନକ ମୃତ୍ୟୁ। ସ୍ପେନର ଏକ ଜେଲରେ ତାଙ୍କର ମୃତ୍ୟୁ ଘଟିଛି। ଶୁଳ୍କ ଠକେଇ ଅଭିଯୋଗ କ୍ରମେ ତାଙ୍କୁ ଆମେରିକା ହାତରେ ପ୍ରତ୍ୟର୍ପଣ କରିବା ଲାଗି ସ୍ପେନର ଏକ କୋର୍ଟ ନିର୍ଦ୍ଦେଶ ଦେବା ପରେ ତାଙ୍କର ମୃତ୍ୟୁ ଘଟିଥିବା କୁହାଯାଇଛି । ବାର୍ସେଲୋନାର ବ୍ରିୟନ୍ସ ଜେଲରେ ୭୫ ବର୍ଷ ବୟସ୍କ ମାକଫିଙ୍କ ମୃତ୍ୟୁକୁ ନେଇ ବିଭିନ୍ନ ତଥ୍ୟ ପଦାକୁ ଆସୁଛି। ଗତ ବର୍ଷ ଅକ୍ଟୋବରରେ ସେ ସ୍ପେନ ଚାଲିଯିବା ପରେ ତାଙ୍କୁ ବାର୍ସେଲୋନାରେ ଗିରଫ କରାଯାଇଥିଲା। ସେ ବାର୍ସେଲୋନାରୁ ଇସ୍ତାନବୁଲକୁ ବିମାନରେ ଚାଲିଯିବା ଲାଗି ଯୋଜନା କରୁଥିବାବେଳେ ତାଙ୍କୁ ଗିରଫ କରାଯାଇଥିଲା।
୨୦୧୪ରୁ ୨୦୧୮ ମଧ୍ୟରେ ସେ ଶୁଳ୍କ କ୍ଷେତ୍ରରେ ବ୍ୟାପକ ଅନିୟମିତତା କରିବା ସହ ଶୁଳ୍କ ଦାଖଲ ନ କରିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା। ଯଦି ସେ ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥାନ୍ତେ ତେବେ ତାଙ୍କୁ ୩୦ ବର୍ଷ ଜେଲରେ ରହିବାକୁ ପଡ଼ିଥାନ୍ତା। ବୁଧବାର ତାଙ୍କୁ ଆମେରିକା ହାତରେ ପ୍ରତ୍ୟର୍ପଣ କରିବା ଲାଗି ସ୍ପେନର ସର୍ବୋଚ୍ଚ କୋର୍ଟ ନିର୍ଦ୍ଦେଶ ଦେଇଥିଲେ। ମାକଫି ଗତ ୪ ବର୍ଷ ମଧ୍ୟରେ ଶୁଳ୍କ ଦାଖଲ ନ କରିବା ହେତୁ ସେ ୧୦ ମିଲିୟନ ୟୁରୋ ଅର୍ଥାତ ୧୨ ମିଲିୟନ ଡଲାର ଆୟ କରିଥିଲେ ବୋଲି ଆମେରିକା ପକ୍ଷରୁ ଅଭିଯୋଗ ହୋଇଥିଲା। ମୃତ୍ୟୁ ପୂର୍ବରୁ ସେ ଟୁଇଟ ପ୍ରକାଶ କରିଥିଲେ ଯେଉଁଥିରେ ସେ ଆତ୍ମହତ୍ୟା ନେଇ ସୂଚନା ଦେଇଥିଲେ।
ଭାରତକୁ ପରାସ୍ତ କରି ନ୍ୟୁଜିଲ୍ୟାଣ୍ଡ ହେଲା ଓ୍ୱାଲ୍ଡ ଟେଷ୍ଟ ଚାମ୍ପିଅନ୍
ସାଉଥହାମ୍ପଟନ: ଇଂଲଣ୍ଡର ସାଉଥହାମ୍ପଟନଠାରେ ଖେଳାଯାଇଥିବା ଭାରତ ବିପକ୍ଷ ମ୍ୟାଚ୍କୁ ୮ ଓ୍ୱିକେଟ୍ରେ ଜିତିଲା ନ୍ୟୁଜିଲ୍ୟାଣ୍ଡ । ଏହା ସହିତ ନ୍ୟୁଜିଲାଣ୍ଡ ବିଶ୍ୱ ଟେଷ୍ଟ ଚାମ୍ପିଅନର ମାନ୍ୟତା ହାସଲ କରିଛି । ଭାରତ ଦ୍ୱାରା ରଖାଯାଇଥିବା ୧୩୯ ରନର ବିଜୟ ଲକ୍ଷ୍ୟକୁ ନ୍ୟୁଜିଲାଣ୍ଡ ମାତ୍ର ୨ ଓ୍ୱିକେଟ ହରାଇ ହାସଲ କରିନେଇଥିଲା । ଅଧିନାୟକ କେନ ଓ୍ୱିଲିୟମସନ୍ ମ୍ୟାଚ ବିଜୟୀ ଇନିଂସ ଖେଳି ୫୨ ରନ କରିଥିଲେ । ରସ୍ ଟେଲର ମଧ୍ୟ ୪୭ ରନ କରିଥିଲେ ।
ନିଜର ୨ୟ ଇନିଂସରେ ଭାରତ ୧୭୦ ରନରେ ଅଲଆଉଟ ହୋଇଯାଇଥିଲା । ଭାରତ ପକ୍ଷରୁ ଋଷଭ ପନ୍ତ ସର୍ବାଧିକ ୪୦ ରନ ଓ ରୋହିତ ଶର୍ମା ୩୦ ରନ କରିଥିଲେ । ମାତ୍ର ଦଳର ଅନ୍ୟ କୌଣସି ବ୍ୟାଟ୍ସମ୍ୟାନ ବିଶେଷ ସ୍କୋର କରିପାରିନଥିଲେ । ବର୍ଷା ବାଧାପ୍ରାପ୍ତ ଏହି ଫାଇନାଲ ମ୍ୟାଚରେ ଭାରତ ନିଜର ପ୍ରଥମ ଇନିଂସରେ ୨୧୭ କରିଥିବାବେଳେ ନ୍ୟୁଜିଲାଣ୍ଡ ନିଜର ପ୍ରଥମ ଇନିଂସରେ ୨୪୯ ରନ କରିଥିଲା । ଫଳରେ ନ୍ୟୁଜିଲାଣ୍ଡ ପ୍ରଥମ ଇନିଂସରେ ବହୁମୂଲ୍ୟ ୩୨ ରନର ଅଗ୍ରଣୀ ପାଇଥିଲା ।

ଏଥିସହିତ ପଢ଼ନ୍ତୁ: କରୋନାର ଡେଲଟା ପ୍ଲସ ଭାରିଆଣ୍ଟ ଆଣିପାରେ ତୃତୀୟ ଲହର
ଗିରାଙ୍ଗ ଗାଁରେ ସୁନା ଗହଣା ଓ ଲାପଟପ୍ ଲୁଟିନେଲେ ଦୁର୍ବୃତ୍ତ: ସିସିଟିଭିରେ କଏଦ ହେଲା ଦୃଶ୍ୟ
ଅନୁଗୁଳ: ଅନୁଗୁଳ ଜିଲ୍ଲା ନାଲକୋ ଥାନା ଅନ୍ତର୍ଗତ ଗିରାଙ୍ଗ ଗାଁରେ ଦୁଇଜଣଙ୍କ ଘରୁ ଚୋରି । ଏ ନେଇ ନାଲକୋ ଥାନାରେ ଅଭିଯୋଗ କରିଛନ୍ତି ଦୁଇ ପରିବାର । ତେବେ ଚୋର ମାନେ ଚୋରି କରିବାକୁ ଆସିଥିବା ବେଳର ଚିତ୍ର ସିସିଟିଭିରେ କଏଦ ହୋଇଛି । ଘର ନିକଟକୁ ଆସି ଚୋର ମାନେ ପାଚେରୀ ଡେଇଁ ଘର ଭିତରକୁ ଯାଉଥିବା ଏହି ସିସିଟିଭିରୁ ଚିତ୍ରରୁ ସ୍ପଷ୍ଟ ଦେଖା ଯାଉଛି । ଆଉ ଏହି ସିସିଟିଭି ଅଧାରରେ ପୁଲିସ ତଦନ୍ତ ମଧ୍ୟ କରୁଛି । ସୂଚନା ଅନୁସାରେ ପ୍ରଦତ୍ତ କୁମାର ଗଡ଼ନାୟକ ଗତକାଲି ନାଲ୍କୋରେ ନାଇଟ୍ ସିଫ୍ଟ ଡ୍ୟୁଟିରେ ଥିବା ବେଳେ ତାଙ୍କ ପରିବାର ଲୋକ ଘରେ ଶୋଇଥିଲେ । ଏହାର ସୁଯୋଗ ନେଇ ତାଙ୍କ ଘରୁ ଚୋରି ହୋଇଥିବା ପ୍ରକାଶ କରିଛନ୍ତି । ସକାଳେ ତାଙ୍କ ଘର ଭିତରୁ ବନ୍ଦ ହୋଇଥିବାରୁ ତାଙ୍କ ପୁଅ ପ୍ରମିତ କୁମାର ଗଡନାୟକ ଘର ପଛ ପଟକୁ ଯାଇ ଦେଖିଲା ବେଳକୁ ତାଙ୍କ ଘରର ଝରକା ତଡ଼ା ହୋଇଥିବା ଜାଣିବାକୁ ପାଇଥିଲେ । ଘର ଭିତରକୁ ପଶି ଦେଖିଲା ବେଳକୁ ତାଙ୍କ ଘରୁ ନଗଦ ୧୫ ହଜାର ଟଙ୍କା , ସୁନା , ରୂପା ସହ ଲାପଟପ ଚୋରି ହୋଇଥିବା ଜାଣିବାକୁ ପାଇଥିଲେ । ସେହି ରାତିରେ ପିତାମ୍ବର ଗଡ଼ନାୟକଙ୍କ ଘରୁ ମଧ୍ୟ ଚୋରି ହୋଇଥିବା ଜଣାପଡ଼ିଛି । ରାତିରେ ଶୋଇଥିବା ସମୟରେ ପିତାମ୍ବରଙ୍କ ଘର ଝରକା ତାଡି ମନିପର୍ସ ସହ ଏକ କାରର ଚାବି ନେଇ ଯାଇଥିବା ଜଣା ପଡିଛି । ଉଭୟ ଘଟଣାର ଥାନାରେ ଅଭିଯୋଗ ହୋଇଥିବା ଜଣାପଡିଛି । ନାଲକୋ ଥାନା ପକ୍ଷରୁ ସାଇଣ୍ଟିଫିକ୍ ଟିମ୍, ସନ୍ଧାନୀ କୁକୁର ସହାୟତାରେ ତଦନ୍ତ କରାଯାଇଛି ।



