spot_img
Home Blog Page 5635

ଶ୍ରମିକ, ରିକ୍ସା ଚାଳକଙ୍କ ନାଁରେ ଜାଲ୍ କମ୍ପାନୀ ଖୋଲି ଫାଙ୍କୁଥିଲା GST

ଭୁବନେଶ୍ୱର: ୧୦ କୋଟି ଟଙ୍କାର ଜିଏସଟି ଠକେଇ କରିଥିବା ଅଭିଯୋଗରେ ଯୁବକ ଗିରଫ । ଭୁବନେଶ୍ଵର ଜିଏସଟି ବିଭାଗ ସ୍ମୃତି ରଞ୍ଜନ ସାହୁ ନାମକ ଜଣେ ଯୁବକଙ୍କୁ ଆଜି ଗିରଫ କରିଛି । ଭୁବନେଶ୍ଵର ବିଜେବି ନଗର ଅଞ୍ଚଳରୁ ଆଜି ଭୋର ସମୟରେ ଗିରଫ କରାଯାଇଥିବା ଜିଏସଟି ବିଭାଗ ପକ୍ଷରୁ ସୂଚନା ଦିଆଯାଇଛି । ଗିରଫ ଅଭିଯୁଙ୍କୁ ଭୁବନେଶ୍ୱର ଜିଏସଟି ଅଫିସରେ ପଚରାଉଚରା କରାଯାଉଛି ।

GST Department Arrested One Person In 10 Crore Tax Fraud

ରାଉରକେଲା ସହରର ଶ୍ରମିକ, ରିକ୍ସା ଚାଳକଙ୍କ ସହ ନିରୀହ ଲୋକଙ୍କ ନାଁରେ ନକଲି କମ୍ପାନୀ ଖୋଲିଥିଲା ଗିରଫ ଅଭିଯୁକ୍ତ । ଏହି ନକଲି କମ୍ପାନୀ ମାଧ୍ୟମରେ ଅଭିଯୁକ୍ତ ୧୦ କୋଟି ଟଙ୍କାର ଜିଏସଟି ଠକେଇ କରିଥିବା ଜଣାପଡ଼ିଛି । ଏନେଇ ସୂଚନା ଦେଇଛି ଜିଏସଟି ବିଭାଗ । ଆଜି ଭୋର୍ ସମୟରେ ଭୁବନେଶ୍ଵର ବିଜେବି ନଗର ଘରେ ଜିଏସଟି ବିଭାଗର ଏକ ସ୍ୱତନ୍ତ୍ର ଟିମ୍ ରେଡ୍ କରି ଅଭିଯୁକ୍ତକୁ  ଗିରଫ କରିଛି ।

ଓଡ଼ିଶାର ଡେଲ୍ଟା ଭାରିଆଣ୍ଟ ଆକ୍ରାନ୍ତ କେମିତି ହେଲେ ସୁସ୍ଥ ?

ଭୁବନେଶ୍ୱର: ଆତଙ୍କ ଖେଳାଇଛି କରୋନା । ଭୟ ବଢ଼ାଉଛି ନୂଆ ନୂଆ ଭାରିଆଣ୍ଟ । ବ୍ରିଟେନ୍, ସାଉଥ ଆଫ୍ରିକା ଭାରିଆଣ୍ଟ ପରେ ଏବେ ଡେଲ୍ଟା ପ୍ଲସ ଭାରିଆଣ୍ଟ ଚିନ୍ତାର କାରଣ ପାଲଟିଛି । ରାଜ୍ୟରେ ଦେବଗଡ଼ ଜିଲ୍ଲାରେ ଚିହ୍ନଟ ଡେଲ୍ଟା ପ୍ଲସ ଭାରିଆଣ୍ଟ ଆକ୍ରାନ୍ତ ବ୍ୟକ୍ତି କରୋନାରୁ ସୁସ୍ଥ ହୋଇଛନ୍ତି । ତେବେ, ସେ କେମିତି ଡେଲ୍ଟା ପ୍ଲସ ଭାରିଆଣ୍ଟକୁ ମାତ୍ ଦେଲେ ? ସୁସ୍ଥ ହେବାରେ କ’ଣ କ’ଣ ତାଙ୍କୁ ସାହାଯ୍ୟ କଲା ? ଆସନ୍ତୁ ଜାଣିବା…

ଦେବଗଡ଼ ଜିଲ୍ଲା ବାରକୋଟ ବ୍ଲକରେ ଜନୈକ ବ୍ୟକ୍ତି ଗତମାସରେ କରୋନାରେ ଆକ୍ରାନ୍ତ ହୋଇଥିଲେ । ଏହି ସମୟରେ ସେ ଘରେ ରହି ଚିକିତ୍ସିତ ହେଉଥିଲେ । ଏବେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଡାକ୍ତରଙ୍କ ପରାମର୍ଶ କ୍ରମେ ସେ ଘରେ ରହି ସୁସ୍ଥ ହୋଇଥିବା କହିଛନ୍ତି । କରୋନା ପଜିଟିଭ୍ ସମୟରେ ତାଙ୍କ ଠାରେ ଥଣ୍ଡାର ଲକ୍ଷଣ ଥିଲା । ଏପ୍ରିଲ୍ ୨୩ରେ ଥଣ୍ଡା ଧରିବା ପରେ ୨୬ରେ ତାଙ୍କ ନମୁନା କୋଭିଡ୍ ପଜିଟିଭ୍ ଆସିଥିଲା ।

Delta Plus Variant Case In Odisha Man Lists What Helped Him Recover

ବ୍ୟକ୍ତି ଜଣଙ୍କ ମାର୍ଚ୍ଚ ୩୦ରେ କୋଭିସିଲ୍ଡର ପ୍ରଥମ ଡୋଜ୍ ନେଇଥିଲେ । ସଂକ୍ରମିତ ହେବାର ୨୦ରୁ ୨୫ ଦିନ ମଧ୍ୟରେ ସେ କରୋନାରୁ ସୁସ୍ଥ ହୋଇଛନ୍ତି । ତେବେ ବଡ଼ କଥା ହେଉଛି ଡେଲ୍ଟା ପ୍ଲସ ଭାରିଆଣ୍ଟରେ ଆକ୍ରାନ୍ତ ହୋଇ ମଧ୍ୟ ସେ ମେଡିକାଲ୍ ଯାଇନଥିଲେ ବରଂ ଘରେ ଚିକିତ୍ସିତ ହୋଇ କରୋନାକୁ ହରାଇ ପାରିଛନ୍ତି ।

ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଏମକେ ଉପାଧ୍ୟାୟଙ୍କ ଅନୁସାରେ, ଏପ୍ରିଲ ୧୦ରୁ ଏପ୍ରିଲ୍ ୩୦ ମଧ୍ୟରେ ୮୧ ଜଣ ସଂକ୍ରମିତ ଚିହ୍ନଟ ହୋଇଥିଲେ । ୬୨ ବର୍ଷିଅ ବ୍ୟକ୍ତି ଡେଲ୍ଟା ପ୍ଲସ ଭାରିଆଣ୍ଟରେ ସଂକ୍ରମିତ ହୋଇଥିଲେ । ଆଉ ଏହାକୁ ଭାରିଆଣ୍ଟ ଅଫ୍ କନସର୍ଣ୍ଣ ଲିଷ୍ଟରେ ରଖାଯାଇଛି । ବ୍ୟକ୍ତି ଜଣଙ୍କ ଡେଲ୍ଟି ପ୍ଲସ ଭାରିଆଣ୍ଟ ଆକ୍ରାନ୍ତ ପରେ ଆମ ଟିମ୍ ଗାଁକୁ ଯାଇଥିଲା । ୮୧ ସଂକ୍ରମିତଙ୍କ ମଧ୍ୟରୁ ମାତ୍ର ୪ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଅନ୍ୟମାନେ ଘରେ ସୁସ୍ଥ ହୋଇଥିଲେ । ସେଥି ମଧ୍ୟରୁ କାହାରି ମୃତ୍ୟୁ ହୋଇନାହିଁ ।

ବ୍ୟକ୍ତି ଜଣଙ୍କ ପ୍ରଥମ ଡୋଜ୍ ଟିକା ନେଇଥିବାରୁ ଡେଲ୍ଟା ପ୍ଲସ୍ ଭାରିଆଣ୍ଟ ବିରୋଧରେ ଲଢ଼ିବାକୁ ସକ୍ଷମ ହୋଇଥିବା କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ । ଜୁନ୍ ୧୧ରେ ଡେଲ୍ଟା ପ୍ଲସକୁ ଭାରିଆଣ୍ଟ ଅଫ୍ କନସର୍ଣ୍ଣ ଲିଷ୍ଟରେ ରଖିଥିଲେ କେନ୍ଦ୍ର ସରକାର । ଦେଶର ୧୨ ରାଜ୍ୟର ୫୧ଟି ଡେଲ୍ଟା ପ୍ଲସ ମାମଲା ଚିହ୍ନଟ କରାଯାଇଛି । ଯେତେବେଳେ କି ମହାରାଷ୍ଟ୍ରରେ ଡେଲ୍ଟା ପ୍ଲସର ସର୍ବାଧିକ ମାମଲା ରହିଛି ।

୧୦ ଜିଲ୍ଲାରେ ଖୋଲିବ ୬୦ ସିଟ୍ ବିଶିଷ୍ଟ ନର୍ସିଂ କଲେଜ୍

ଝାରସୁଗୁଡ଼ା: ରାଜ୍ୟରେ ସୁଦୃଢ଼ ହେବ ସ୍ୱାସ୍ଥ୍ୟସେବା । ସରକାର ଏନେଇ ନିଷ୍ପତ୍ତି ନେଇଛନ୍ତି । ରାଜ୍ୟର ୧୦ ଗୋଟି ଜିଲ୍ଲାରେ ନର୍ସିଂ କଲେଜ୍ ଖୋଲିବ । ସବୁ କଲେଜରେ ୬୦ଟି ଲେଖାଏଁ ସିଟ୍ ରହିବ । ଏଥିସହ ପରବର୍ତ୍ତୀ ସମୟରେ ଏହି ସିଟ୍ ସଂଖ୍ୟା ବୃଦ୍ଧି କରାଯିବ ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ ।

Nusing College To Be Opened In 10 District Of Odisha

ମୟୂରଭଞ୍ଜ, ବଲାଙ୍ଗିର, କୋରାପୁଟ, ବାଲେଶ୍ୱର, ଝାରସୁଗୁଡ଼ା, ପୁରୀ, ସୁନ୍ଦରଗଡ଼, ଅନୁଗୁଳ, କେନ୍ଦୁଝର ଓ ଯାଜପୁର ଜିଲ୍ଲାରେ ନର୍ସିଂ କଲେଜ ଖୋଲିବ । ଏଥିସହ ଝାରସୁଗୁଡ଼ା ଜିଲ୍ଲାରେ ଚଳିତବର୍ଷ ହାର୍ଟ ହସ୍ପିଟାଲ କାର୍ଯ୍ୟକ୍ଷମ ହେବ ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ।

Nusing College To Be Opened In 10 District Of Odisha

ଆଗକୁ କରୋନାର ତୃତୀୟ ଲହର ଆସୁଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ସମସ୍ତ ପଦକ୍ଷେପ ନିଆଯାଇଛି । କରୋନା ହାରିବ, ଓଡ଼ିଶା ଜିତିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।

କେନ୍ଦ୍ରକୁ ଅତିରିକ୍ତ ୬ ଲକ୍ଷ ଡୋଜ୍ କୋଭିସିଲ୍ଡ ଟିକା ମାଗିଲା ଓଡ଼ିଶା

ଭୁବନେଶ୍ୱର: ରାଜ୍ୟରେ ଟିକାକରଣ ଜାରି ରହିଛି । ଜୁନ୍ ୨୧ରୁ ଦୈନିକ ହାରାହାରି ୩ ଲକ୍ଷ ଟିକାକରଣ ହେଉଛି । ଜୁନରେ ଓଡ଼ିଶା ୧୩ ଲକ୍ଷ ୭୮ ହଜାର ୩୧୦ ଡୋଜ୍ କୋଭିସିଲ୍ଡ ଟିକା ପାଇଥିବା ବେଳେ ଏହା ଜିଲ୍ଲାଗୁଡ଼ିକୁ ପଠାଇ ଦିଆଯାଇଛି ।

Odisha Request Additional 6 Lakh Doses Covishield Vaccine From Centre

ଏବେ ରାଜ୍ୟ ପାଖରେ ମାତ୍ର ୩.୫ ଲକ୍ଷ କୋଭିସିଲ୍ଡ ଟିକା ଗଚ୍ଛିତ ରହିଛି । ଯାହାକି ମାତ୍ର ୨ ଦିନରେ ସରିଯିବ । ରାଜ୍ୟରେ ମଙ୍ଗଳବାର ପରେ ଆଉ କୋଭିସିଲ୍ଡ ଟିକା ବଳକା ରହିବ ନାହିଁ । ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ସ୍ୱାସ୍ଥ୍ୟ ବିଭାଗ କେନ୍ଦ୍ର ସରକାରଙ୍କ ସହ ଆଲୋଚନା କରିଛନ୍ତି । ଜୁଲାଇ ମାସରେ କେନ୍ଦ୍ର ଓଡ଼ିଶାକୁ ୨୫.୩୧ ଲକ୍ଷ କୋଭିସିଲ୍ଡ ଟିକା ଦେବେ ।

Odisha Request Additional 6 Lakh Doses Covishield Vaccine From Centre

ମଙ୍ଗଳବାର କୋଭିସିଲ୍ଡ ଟିକା ସରୁଥିବାରୁ ଟିକାକରଣ ବାଧାପ୍ରାପ୍ତ ହେବ । ସେଥିପାଇଁ କେନ୍ଦ୍ର ଅତିରିକ୍ତ ୬ କୋଭିସିଲ୍ଡ ଟିକା ଜୁନ୍ ମାସରେ ଦେବାକୁ ଓଡ଼ିଶା ଅନୁରୋଧ କରିଛି । ଏଥିରେ କେନ୍ଦ୍ର ସରକାର ମଧ୍ୟ ସହମତି ପ୍ରକାଶ କରିଥିବା ଜଣାପଡ଼ିଛି ।

ମାଛ ପୋଖରୀ ଲିଜକୁ ନେଇ ପୂର୍ବତନ କୁଳପତିଙ୍କୁ ହତ୍ୟା, ଅଭିଯୁକ୍ତ ଗିରଫ

ଝାରସୁଗୁଡ଼ା: ସମ୍ବଲପୁର ବିଶ୍ୱବିଦ୍ୟାଳୟ ପୂର୍ବତନ କୁଳପତି ଡକ୍ଟର ଧ୍ରୁବରାଜ ନାଏକ ହତ୍ୟା ଘଟଣା । ଅଭିଯୁକ୍ତ ପ୍ରବୀଣ ଧରୁଆଙ୍କୁ ଗିରଫ କରିଛି ପୋଲିସ । ସେପଟେ ଧୀରେ ଧୀରେ ହତ୍ୟା ରହସ୍ୟ ଉପରୁ ପରଦା ହଟୁଛି । ଟଙ୍କା ପାଇଁ ନୁହେଁ ବରଂ ମାଛ ଚାଷକୁ କେନ୍ଦ୍ର କରି କୁଳପତିଙ୍କୁ ହତ୍ୟା କରାଯାଇଥିବା ଜଣାପଡ଼ିଛି । କୁଳପତି ଡକ୍ଟର ଧ୍ରୁବରାଜ ମାଛ ଚାଷ ପାଇଁ ନିଜ ପୋଖରୀକୁ ଅନ୍ୟକୁ ଲିଜ୍ ଦେଇଥିଲେ ।

Murder Case Of Ex Vice Chancellor Sambalpur University, One Arrested

ସେହି ଲିଜ୍‌କୁ ନେଇ ହତ୍ୟାକାଣ୍ଡ ହୋଇଥିବା ସୂଚନା ଦେଇଛି ପୋଲିସ । ଜେରା ବେଳେ ଅଭିଯୁକ୍ତ ପ୍ରବୀଣ ମାଛ ପୋଖରୀ ଲିଜକୁ ନେଇ ହତ୍ୟା କରିଥିବା କହିଛି । ଗତକାଲି ଅଭିଯୁକ୍ତ ଝାରସୁଗୁଡା କୁଆଁରମାଳ ସର୍ଗିଡିହି ସ୍ଥିତ କୁଳପତିଙ୍କ ଘରେ ପଶି ଟାଙ୍ଗିଆରେ ହାଣି ହତ୍ୟା କରିଥିଲା । ମଧ୍ୟାହ୍ନ ପ୍ରାୟ ୧୨ଟା ୩୦ରେ ଏହି ବର୍ବର କାଣ୍ଡ ଘଟାଇଥିବା ବେଳେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା ।

ଟ୍ୱିଟର ବିବାଦ, ଇସ୍ତଫା ଦେଲେ ଧର୍ମେନ୍ଦ୍ର

ନୂଆଦିଲ୍ଲୀ: ଟ୍ୱିଟରକୁ ନେଇ ଦେଶରେ ବଢୁଛି ବିବାଦ । ଏହାରି ଭିତରେ ଟ୍ୱିଟର ପକ୍ଷରୁ ନବନିଯୁକ୍ତ ଭାରତୀୟ ଅଧିକାରୀ ଧର୍ମେନ୍ଦ୍ର ଚତୁର ଇସ୍ତଫା ଦେଇଛନ୍ତି । ନୂଆ ଆଇଟି ନିୟମ ପାଳନ କରିବା ପାଇଁ ଟ୍ୱିଟର ପକ୍ଷରୁ ଏହି ନିଯୁକ୍ତି ହୋଇଥିଲା । ନିୟମ ଅନୁସାରେ, ଏହି ନିଯୁକ୍ତି ଅତି ଜରୁରୀ । ତେବେ ଧର୍ମେନ୍ଦ୍ର କାହିଁକି ଇସ୍ତଫା ଦେଲେ ସେନେଇ କିଛି କାରଣ ଜଣାପଡ଼ିନାହିଁ । ଗତ କିଛି ଦିନ ହେଲା ଏନେଇ କେନ୍ଦ୍ର ସରକାର ଓ ଟ୍ୱିଟର ମଧ୍ୟରେ ବିବାଦ ବଢ଼ିବାରେ ଲାଗିଛି ।

 Twitter Vs Central Government Interim Grievance Officer For India Dharmendra Chatur Quits

ସରକାରଙ୍କ ପକ୍ଷରୁ ବାରମ୍ବାର ଚେତାବନୀ ମଧ୍ୟ ଦିଆଯାଇଛି । ନୂଆ ନିୟମ ଅନୁସାରେ ଦେଶରେ କୌଣସି ସୋସିଆଲ ମିଡିଆରେ ୫୦ ଲକ୍ଷରୁ ଅଧିକ ବ୍ୟବହାରକାରୀ ଥିଲେ କମ୍ପାନୀ, ଜଣେ ଅଧିକାରୀଙ୍କୁ ନିଯୁକ୍ତି କରିବାକୁ ବାଧ୍ୟ । ଏହାଦ୍ୱାରା କୌଣସି ଅଭିଯୋଗ ହେଲେ ତୁରନ୍ତ ତାଙ୍କୁ ଯୋଗାଯୋଗ କରାଯାଇପାରିବ । ଏହି ନିୟମ ଆଧାରରେ ଟ୍ୱିଟର ଭାରତରେ ଧର୍ମେନ୍ଦ୍ର ଚତୁରଙ୍କୁ ନିଯୁକ୍ତି ଦେଇଥିଲା । ହେଲେ ସେ ଇସ୍ତଫା ଦେଇଛନ୍ତି ।

କୋଭିଡ୍ ନିୟମ ଉଲ୍ଲଂଘନ ଅଭିଯୋଗ, ମଦ ଦୋକାନ ସହ ୨୦ରୁ ଅଧିକ ସପ୍ ସିଲ୍

ଭୁବନେଶ୍ୱର: ସପ୍ତାହାନ୍ତ ସଟଡାଉନ୍ ଶେଷ ପରେ ପରେ ଆଜି ପୁଣି ଭୁବନେଶ୍ୱରର ବିଭିନ୍ନ ମାର୍କେଟରେ ପ୍ରବଳ ଭିଡ଼ ପରିଲକ୍ଷିତ ହୋଇଛି । କୋଭିଡ କଟକଣା ଉଲ୍ଲଂଘନ ଅଭିଯୋଗରେ ବିଏମସି ଓ କମିଶନରେଟ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି । ବିଏମସିର ୩ଟି ଯାକ ଜୋନରେ ପୋଲିସ ସହାୟତାରେ ରେଡ୍ ଚାଲିଥିବା ବେଳେ ପୋଲିସ ପକ୍ଷରୁ ମଧ୍ୟ ପୃଥକ ଭାବେ ଯାଞ୍ଚକୁ କଡ଼ାକଡ଼ି କରାଯାଇଛି । କଟକ ପୁରୀ ରୋଡ଼ରେ ୨୦ରୁ ଅଧିକ ଦୋକାନକୁ ସିଲ୍ କରାଯିବା ସହ ଜରିମାନା ଆଦାୟ କରାଯାଇଛି ।

More than 20 Shop Sealed For Covid Norms Violation In Capital City

ସେହିଭଳି ଅଶୋକ ନଗର ସ୍ଥିତ ବିଦେଶୀ ମଦ ଦୋକାନରେ ଅସମ୍ଭାଳ ଭିଡ଼କୁ ଦୃଷ୍ଟିରେ ରଖି ଦୋକାନକୁ ବନ୍ଦ କରିଛି ପୋଲିସ । ସଂକ୍ରମଣ ସ୍ଥିତି ଉଭୟ କଟକ ଓ ଭୁବନେଶ୍ୱରରେ ହ୍ରାସ ପାଉ ନଥିବାରୁ ବିଏମସି ଓ ପୋଲିସ ପକ୍ଷରୁ ଏନଫୋର୍ସମେଣ୍ଟ ସ୍କ୍ୱାଡ୍ ସଂଖ୍ୟାକୁ ଦ୍ୱିଗୁଣିତ କରାଯାଇଛି । ପୂର୍ବରୁ ୟୁନିଟ-୧ ହାଟକୁ ଜୁଲାଇ ପହିଲା ପର୍ଯ୍ୟନ୍ତ ବନ୍ଦ କରାଯାଇଥିବା ବେଳେ ୟୁନିଟ-୪ ମାର୍କେଟ ଓ ବାପୁଜୀନଗର ମାର୍କେଟକୁ ଜୁଲାଇ ୧ ଯାଏ ବନ୍ଦ ରଖାଯାଇଛି ।

୨୪ ଘଣ୍ଟାରେ ଆଉ ୩ ହଜାର ୩୧୯ ପଜିଟିଭ୍, କଟକରୁ ସର୍ବାଧିକ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ସମାନ୍ତରଳ ସ୍ଥିତିରେ ରହିଛି । ୨୪ ଘଣ୍ଟା ମଧ୍ୟରେ ଆଉ ୩ ହଜାର ୩୧୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୮୯୬ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୪୨୩ଟି ମାମଲା ହେଉଛି ସ୍ଥାନୀୟ ସଂକ୍ରମଣ । କଟକରୁ ସର୍ବାଧିକ ୫୬୬ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ୪୪୦ ଜଣଙ୍କ ରିପୋର୍ଟ ପଜିଟିଭ୍ ଆସିଛି ।

କଟକ ଓ ଖୋର୍ଦ୍ଧାରେ ଦୈନିକ ସଂକ୍ରମଣ ମାମଲା ୬୦୦ ତଳେ ରହୁଥିବା ବେଳେ ବାଲେଶ୍ୱରରେ ସଂକ୍ରମଣ ଉପରମୁହାଁ ହେଉଛି । ଅନୁଗୁଳରୁ ୧୧୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୩୯୭, ବରଗଡ଼ରୁ ୪୭, ଭଦ୍ରକରୁ ୧୬୩, ବଲାଙ୍ଗିରରୁ ୧୦, ବୌଦ୍ଧରୁ ୧୬, ଦେବଗଡ଼ରୁ ୪, ଢେଙ୍କାନାଳରୁ ୬୯, ଗଜପତିରୁ ୧୨, ଗଞ୍ଜାମରୁ ୧୮, ଜଗତସିଂହପୁରରୁ ୧୩୦, ଯାଜପୁରରୁ ୧୯୪, ଝାରସୁଗୁଡ଼ାରୁ ୧୧, କଳାହାଣ୍ଡିରୁ ୩୧ ସଂକ୍ରମିତ ଚିହ୍ନଟ ହୋଇଛନ୍ତି ।

ଏଥିସହ ପଢ଼ନ୍ତୁ: ରାଜ୍ୟରେ କରୋନାରେ ଆଉ ୪୩ ଆକ୍ରାନ୍ତ ମୃତ

ସେହିଭଳି କନ୍ଧମାଳରୁ ୨୩, କେନ୍ଦ୍ରାପଡ଼ାରୁ ୧୩୪, କେନ୍ଦୁଝରରୁ ୬୫, କୋରାପୁଟରୁ ୬୯, ମାଲକାନଗିରିରୁ ୭୧, ମୟୂରଭଞ୍ଜରୁ ୧୯୯, ନବରଙ୍ଗପୁରରୁ ୩୯, ନୟାଗଡ଼ରୁ ୧୧୧, ନୂଆପଡ଼ାରୁ ୪, ପୁରୀରୁ ୧୭୫, ରାୟଗଡ଼ାରୁ ୪୩, ସମ୍ବଲପୁରରୁ ୨୯, ସୋନପୁରରୁ ୧୭, ସୁନ୍ଦରଗଡ଼ରୁ ୩୬ ଏବଂ ଷ୍ଟେଟପୁଲରୁ ୯୦ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୩ ହଜାର ୭୮୯କୁ ବୃଦ୍ଧି ପାଇଛି । ଏବେ ରାଜ୍ୟରେ ୩୨ ହଜାର ୪୦୪ଟି ସକ୍ରିୟ ସଂକ୍ରମଣ ମାମଲା ରହିଛି । ୮ ଲକ୍ଷ ୬୭ ହଜାର ୪୦୨ ଜଣ କରୋନାକୁ ମାତ୍ ଦେଇ ସୁସ୍ଥ ହୋଇଛନ୍ତି । କରୋନାରେ ୩ ହଜାର ୯୩୦ ଜଣଙ୍କ ମୃତ୍ୟୁ ହୋଇଛି ।

ଏମ୍ସର ଜରୁରୀକାଳୀନ ୱାର୍ଡରେ ଅଗ୍ନିକାଣ୍ଡ, ରାସ୍ତା ଉପରେ ରୋଗୀଙ୍କୁ ଚିକିତ୍ସା କଲେ ଡାକ୍ତର

ନୂଆଦିଲ୍ଲୀ: ଦିଲ୍ଲୀ ଏମ୍ସରେ ଭୟାବହ ଅଗ୍ନିକାଣ୍ଡ ଘଟିଛି । ସୋମବାର ଭୋର୍ ପ୍ରାୟ ୫ଟା ସମୟରେ ନିଆଁ ଲାଗିଛି । ଅଗ୍ନିଶମ ବାହିନୀର ୭ଟି ଗାଡ଼ି ନିଆଁ ଲିଭାଇବା କାର୍ଯ୍ୟରେ ନିୟୋଜିତ ହୋଇଛନ୍ତି । ଜରୁରୀକାଳୀନ ୱାର୍ଡରେ ଭର୍ତ୍ତି ଥିବା ରୋଗୀଙ୍କୁ ତୁରନ୍ତ ବାହାରକୁ ଅଣାଯିବା ସହ ଭେଣ୍ଟିଲେଟରରେ ଥିବା ରୋଗୀଙ୍କ ଅନ୍ୟତ୍ର ସ୍ଥାନାନ୍ତର କରାଯାଇଛି । କିଛି ରୋଗୀଙ୍କୁ ଡାକ୍ତର ରାସ୍ତା ଉପରେ ଚିକିତ୍ସା କରୁଥିବା ଦେଖାଯାଇଛି ।

Fire At Delhi AIIMS Emergency Ward

ଏମ୍ସ କର୍ତ୍ତୃପକ୍ଷ ଗମ୍ଭୀର ରୋଗୀଙ୍କୁ ସଫଦରଜଙ୍ଗ ସ୍ଥାନାନ୍ତରଣ କରିଛନ୍ତି । ଅଗ୍ନିଶମ ବିଭାଗ ଅନୁସାରେ, ଷ୍ଟୋର ରୁମରେ ପ୍ରଥମେ ନିଆଁ ଲାଗିଥିଲା । ଏବେ ନିଆଁ ଆୟତ୍ତକୁ ଆସିଥିବା ବେଳେ ମୃତାହତ ନେଇ କୌଣସି ସୂଚନା ମିଳିନାହିଁ । ଏହା ପୂର୍ବରୁ ଜୁନ୍ ୧୭ ତାରିଖରେ ମଧ୍ୟ ଏମ୍ସରେ ନିଆଁ ଲାଗିଥିଲା । ଏମ୍ସର ନବମ ମହଲାରେ ଅଗ୍ନିକାଣ୍ଡ ହୋଇଥିଲା ।

ରାଜ୍ୟରେ କରୋନାରେ ଆଉ ୪୩ ଆକ୍ରାନ୍ତ ମୃତ

ଭୁବନେଶ୍ୱର: ରାଜ୍ୟରେ ସଂକ୍ରମଣ ହାର୍ ଖସିଥିବା ବେଳେ ମୃତ୍ୟୁସଂଖ୍ୟା କମୁନି । ଗତ ୨୪ ଘଣ୍ଟାରେ ରାଜ୍ୟରେ ଆଉ ୪୩ ଜଣ କରୋନା ଆକ୍ରାନ୍ତ ଆଖି ବୁଜିଛନ୍ତି । ଏଥିସହ ରାଜ୍ୟରେ ମୋଟ କରୋନା ମୃତ୍ୟୁସଂଖ୍ୟା ୩ ହଜାର ୯୩୦କୁ ବୃଦ୍ଧି ପାଇଛି । ଗତ ୨୬ ତାରିଖରେ ସର୍ବାଧିକ ୪୭ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିଲା ।

ବାଲେଶ୍ୱରରୁ ଜଣେ କୋଭିଡ୍ ଆକ୍ରାନ୍ତ ଆଖି ବୁଜିଥିବା ବେଳେ ବରଗଡ଼ରୁ ୫ ଜଣ, ଭଦ୍ରକରୁ ୩ ଜଣ, ଭୁବନେଶ୍ୱରରୁ ୫ ଜଣ, କଟକରୁ ୩ ଜଣ, ଢେଙ୍କାନାଳରୁ ୨ ଜଣ, ଗଞ୍ଜାମରୁ ୩ ଜଣ, କେନ୍ଦୁଝରରୁ ଜଣେ, ଖୋର୍ଦ୍ଧାରୁ ୪ ଜଣ, ମୟୂରଭଞ୍ଜରୁ ଜଣେ, ନୟାଗଡ଼ରୁ ୫ ଜଣ, ପୁରୀରୁ ୫ ଜଣ, ସମ୍ବଲପୁରରୁ ଜଣେ ଓ ସୁନ୍ଦରଗଡ଼ରୁ ୪ ଆକ୍ରାନ୍ତଙ୍କ ମୃତ୍ୟୁ ହୋଇଛି ।