ପଦୋନ୍ନତିରେ ଅନିୟମିତତା ନେଇ ଭୁବନେଶ୍ୱର ଏମସ ଡାକ୍ତରଙ୍କ ମଧ୍ୟରେ ଅସନ୍ତୋଷ । ଡାକ୍ତରଙ୍କ ପଦୋନ୍ନତି ନେଇ ନିକଟରେ ଅନୁଷ୍ଠିତ ହୋଇଥିବା ଏକ ଇଣ୍ଟରଭ୍ୟୁକୁ ନେଇ କ୍ଷୋଭ ପ୍ରକାଶ କରିଛନ୍ତି ଡାକ୍ତର । ବହୁ ଫାକଲ୍ଟି ସବୁ ପ୍ରକାର ଯୋଗ୍ୟତା ଥିଲେ ବି ପଦୋନ୍ନତି ପାଇନାହାଁନ୍ତି । ହେଲେ ଅଯୋଗ୍ୟ ଡାକ୍ତରଙ୍କୁ ପଦୋନ୍ନତି ଦିଆଯାଇଛି । ଯେଉଁମାନଙ୍କୁ ପଦୋନ୍ନତି ମିଳିନି ସେମାନେ ଏମସ ଭୁବନେଶ୍ୱରର ପ୍ରତିଷ୍ଠାତା ଫାକଲ୍ଟି ସଦସ୍ୟ । ଏମସ୍ ପ୍ରତିଷ୍ଠା ସମୟରୁ ସ୍ୱଳ୍ପ ସଂଖ୍ୟକ ସଦସ୍ୟଙ୍କୁ ନେଇ ଓ ଭିତ୍ତିଭୂମିରେ କଠିନ ପରିଶ୍ରମ କରି ଅନୁଷ୍ଠାନକୁ ବଡ଼ କରିଥିବା ଏହି ଡାକ୍ତରଙ୍କୁ ପଦୋନ୍ନତି ମିଳିପାରିନି । କୋଭିଡ ସମୟରେ ନିଜର ମାନସିକ ଓ ଶାରୀରିକ ଅସୁସ୍ଥତାକୁ ଅଣଦେଖା କରି ସେମାନେ ସମ୍ମୁଖ ଯୋଦ୍ଧା ଭାବେ ରୋଗୀ ସେବା କରିଛନ୍ତି । କିନ୍ତୁ ପଦୋନ୍ନତିରେ ଅନିୟମିତତାର ଶିକାର ହୋଇଥିବା ଡାକ୍ତରମାନେ ଗଭୀର ଭାବେ ମାନସିକ ସ୍ତରରେ ବିମୁଖ ହୋଇଥିବାରୁ ସାମଗ୍ରୀକ ଭାବେ ଅନୁଷ୍ଠାନ ଶିକ୍ଷା ଓ ଗବେଷଣା ପ୍ରଭାବିତ ହେବାର ଆଶଙ୍କା ରହିଛି । ଏମସର ଅର୍ଦ୍ଧାଧିକ ଫାକଲ୍ଟି ଯେଉଁମାନଙ୍କୁ ପଦୋନ୍ନତି ଦିଆଯାଇନି ସେମାନଙ୍କ ମଧ୍ୟରୁ ଅଧିକାଂଶ ହେଉଛି ମହିଳା ଡାକ୍ତର । ମହିଳା ସଶକ୍ତିକରଣକୁ ସାରା ଦେଶ ଗୁରୁତ୍ୱ ଦେଉଥିବା ବେଳେ ମହିଳା ଡାକ୍ତରଙ୍କ ଅନ୍ୟାୟ କରି ପଦୋନ୍ନତି ଦିଆଯାଇନି । ଏହି ମହିଳା ଡାକ୍ତରଙ୍କ ମଧ୍ୟରୁ ଅନେକଙ୍କୁ ଦ୍ୱିତୀୟ ଓ ତୃତୀୟ ଥର ପାଇଁ ପଦୋନ୍ନତି ମିଳିନି । ଏହା ସେମାନଙ୍କ କ୍ୟାରିୟରକୁ ପ୍ରଭାବିତ କରୁଛି । ଆସେସମେଣ୍ଟ ସମୟରେ ପଦୋନ୍ନତି ମିଳିନଥିବା ଡାକ୍ତରଙ୍କୁ ସେମାନଙ୍କ ଅଯୋଗ୍ୟତା କିମ୍ବା ବିଫଳତା ନେଇ କୌଣସି ସୂଚନା ଦିଆଯାଇନି । ପଦୋନ୍ନତିରେ ଅନିୟମିତତାର ଶିକାର ହୋଇଥିବା ଡାକ୍ତରଙ୍କ ପ୍ରମୋସନ ନିଷ୍ପତ୍ତିର ପୁର୍ନବିଚାର କରିବାକୁ ଏମସ ଫାକଲ୍ଟି ମାନେ ଦାବି କରିଛନ୍ତି ।
ବ୍ରାଜିଲ କମ୍ପାନୀ ସହ ଭାରତ ବାୟୋଟେକ୍ର ଚୁକ୍ତି ବାତିଲ: ଆଉ ବିଦେଶ ଯିବନି ଦେଶୀ ଟିକା
ନୂଆଦିଲ୍ଲୀ: କୋଭାକ୍ସିନ ଯୋଗାଣ ନେଇ ବ୍ରାଜିଲର ଦୁଇଟି କମ୍ପାନୀ ସହ ହୋଇଥିବା ବୁଝାମଣା ଚୁକ୍ତିକୁ ବାତିଲ କରିଛି ଭାରତ ବାୟୋଟେକ । ୨୦ ନିୟୁତ କୋଭାକ୍ସିନ ଡୋଜ ଯୋଗାଣ ନେଇ ଏହି ଦୁଇ କମ୍ପାନୀ ସହ ୩୨୪ ନିୟୁତ ଡଲାରର ରାଜିନାମା ଗତ ବର୍ଷ ନଭେମ୍ବରରେ ହୋଇଥିଲା । ଏହି ଦୁଇ କମ୍ପାନୀ ହେଲେ ପ୍ରେକିସା ମେଡିକାମେଣ୍ଟସ ଓ ଏନଭିକ୍ସିଆ ଫାର୍ମାସ୍ୟୁଟିକାଲ୍ସ । ଏହି ଚୁକ୍ତି ନେଇ ବିଭିନ୍ନ ଅଭିଯୋଗ ଆସିବା ସହ ରାଜନୈତିକ ସ୍ତରରେ ତମ୍ବିତୋଫାନ ସୃଷ୍ଟି ହେବା ସହ ଚୁକ୍ତିର ତଦନ୍ତ ଚାଲିବା ପରେ ଭାରତ ବାୟୋଟେକ ଏହି ପଦକ୍ଷେପ ନେଇଛି । ଭାରତ ବାୟୋଟେକ ପକ୍ଷରୁ କୁହାଯାଇଛି, ଯଦିଓ ଦୁଇ କମ୍ପାନୀ ସହ ଚୁକ୍ତି ବାତିଲ ହୋଇଛି ତଥାପି ବ୍ରାଜିଲର ଔଷଧ ନିୟାମକ ସଂସ୍ଥା ଆନଭିସା ସହ କମ୍ପାନୀ କାର୍ଯ୍ୟ କରିବ । ବିଭିନ୍ନ ଆଇନଗତ ପରିସର ମଧ୍ୟରେ ଅନ୍ୟ ଦେଶକୁ କମ୍ପାନୀ ଟିକା ଯୋଗାଇ ଏକ ବଳିଷ୍ଠ ଭୂମିକା ନିର୍ବାହ କରିଆସିଛି । ଦୁଇ କମ୍ପାନୀ ସହ ହୋଇଥିବା ଚୁକ୍ତି ମୂଳରେ କୌଣସି ତ୍ରୁଟି ହୋଇନାହିଁ ବୋଲି ଗତ ମାସରେ ହାଇଦ୍ରାବାଦସ୍ଥିତ ଭାରତ ବାୟୋଟେକ ପକ୍ଷରୁ କୁହାଯାଇଥିଲା । ଚୁକ୍ତି ସମୟରେ କେତେକ ଆର୍ଥିକ କାରବାରକୁ ନେଇ ଚାପ ପ୍ରୟୋଗ କରାଯାଇଥିଲା ବୋଲି ବ୍ରାଜିଲ ସ୍ବାସ୍ଥ୍ୟ ମନ୍ତ୍ରଣାଳୟର ଜଣେ କର୍ମକର୍ତ୍ତା ଅଭିଯୋଗ ଆଣିବା ପରେ ଦେଶରେ ରାଜନୈତିକ ଝଡ ସୃଷ୍ଟି ହୋଇଥିଲା । ବ୍ରାଜିଲର ଫେଡେରାଲ ପ୍ରସିକ୍ୟୁଟର ଓ ଏକ ସିନେଟ ପ୍ୟାନେଲ ଘଟଣାର ତଦନ୍ତ କରୁଛନ୍ତି । ଅଧିକ ଦର, ତୁରନ୍ତ କାର୍ଯ୍ୟସିଦ୍ଧି ଲାଗି ଆଗ୍ରହ ଆଦି କାରଣକୁ ନେଇ ସସପେନସ ପ୍ରକାଶ ପାଇଥିଲା । ତେବେ ଏହି ଅଭିଯୋଗକୁ ବ୍ରାଜିଲ ରାଷ୍ଟ୍ରପତି ଜାଏର ବୋଲସୋନାରୋ ଅଗ୍ରାହ୍ୟ କରିଛନ୍ତି ।
ଏଥିସହିତ ପଢ଼ନ୍ତୁ: ଗର୍ଭବତୀ ପ୍ରେମିକାକୁ ଛାଡ଼ି ପ୍ରେମିକ ଫେରାର: ଥାନାର ଦ୍ୱାରସ୍ଥ ହେଲେ ପରିବାର ଲୋକେ
କୂଆଖାଇ ନଦୀ ପଠାରୁ ଯୁବକଙ୍କ ମୃତଦେହ ମିଳିବା ଘଟଣା: ଯୁବକଙ୍କ ଫଟୋ ଧରି ବସ୍ତିରେ ବୁଲିଲା ପୋଲିସ
ଭୁବନେଶ୍ୱର: କୂଅଖାଇ ନଦୀ ପଠାରୁ ଯୁବକଙ୍କ ମୃତଦେହ ମିଳିବା ଘଟଣା । ଯୁବକଙ୍କ ପରିଚୟ ପାଇବାକୁ ମୃତ ଯୁବକଙ୍କ ଫୋଟ ଧରି ବସ୍ତିରେ ବୁଲିଲା ପୋଲିସ । ମୁଣ୍ଡା, ଧିରକୁଟି ବସ୍ତି ସମେତ ବିଭିନ୍ନ ବସ୍ତି ବୁଲି ଲୋକଙ୍କୁ ଫଟୋ ବାବଦରେ ପଚାରି ବୁଝିଛି । ଆଜି ମୃତ ଯୁବକଙ୍କ ଫଟୋକୁ ନେଇ ପୋଷ୍ଟର ମାରିବ ପୋଲିସ । ବ୍ୟାଙ୍କ, ATM, ପୋଷ୍ଟ ଅଫିସ, ପଂଚାୟତ ଅଫିସ, ଢ଼ାବା, ହୋଟେଲ ଓ କର୍ପେର୍ଟର କଯ୍ୟାଳୟରେ ପୋଷ୍ଟର ମାରିବ ବୋଲି ପୋଲିସ ସୂଚନା ଦେଇଛି । ଏଥିଲାଗି ଓଡିଆ ଭାଷାରେ ଶହେ ପୋଷ୍ଟର ତିଆରି କରିଛି ପୋଲିସ ।
ସୂଚନା ଯୋଗ୍ୟ ଯେ, କୂଆଖାଇ ନଦୀପଠାରେ ମୃତଦେହ ପୋତା ଯାଇଥିବା ସମ୍ପର୍କରେ ଜଣାପଡ଼ିବା ପରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଦ୍ଧାର ହୋଇଥିଲା । ମୃତଦେହ ଜଣେ ପୁରୁଷଙ୍କ ହୋଇଥିବା ବେଳେ ପୋଷ୍ଟମର୍ଟମ ପାଇଁ ମରଶରୀରକୁ ଏମ୍ସ ପଠାଯିବ ବୋଲି ଡିସିପି କହିଛନ୍ତି । ଅନ୍ୟ ପକ୍ଷରେ ଜୋନ୍ ଏସିପି, ଆଇଆଇସି, ସାଇଣ୍ଟିଫିକ୍ ଟିମ୍, ସ୍ପେଶାଲ ସ୍କ୍ୱାଡ୍ ପହଞ୍ଚି ତଦନ୍ତ ଜୋରଦାର କରିଛନ୍ତି । କାଲି ରାତି ସାରା ନଦୀ ପଠାରେ ପୋଲିସ ମୃତଦେହକୁ ଜଗି ରହିଥିବା ବେଳେ ଆଜି ମୃତଦେହ ଉଦ୍ଧାର ପରେ ଶବ ବ୍ୟବଚ୍ଛେଦ ପାଇଁ ପଠାଯିବ । ସୂଚନା ଅନୁସାରେ ଗତକାଲି ବରିମୁଣ୍ଡ ପଞ୍ଚାୟତ ବାଲିଯାତ୍ରା ପଡିଆଠାରେ ଏକ ଗଳିତ ମୃତଦେହ ପୋତି ହୋଇ ରହିଥିବା ସ୍ଥାନୀୟ ଲୋକେ ଦେଖିବା ପରେ ମଞ୍ଚେଶ୍ୱର ଥାନାକୁ ଖବର ଦେଇଥିଲେ ।
ଏଥିସହିତ ପଢ଼ନ୍ତୁ: ଆଶ୍ୱସ୍ତିକର ଖବର: ସ୍ୱାସ୍ଥ୍ୟକର୍ମୀଙ୍କ ଠାରେ ୮୫ ପ୍ରତିଶତ ଆଣ୍ଟିବଡି ବିକଶିତ, ଶିଶୁଙ୍କୁ ନେଇ ମଧ୍ୟ ଆସିଲା ରିପୋର୍ଟ
ସ୍ୱତନ୍ତ୍ର ରାଷ୍ଟ୍ର ଗଠନ ନେଇ ନିଷ୍ପତ୍ତି ନେବେ କାଶ୍ମୀର ବାସୀ, ଏ ନେଇ ସୁଯୋଗ ଦେବ ପାକିସ୍ତାନ : ଇମ୍ରାନ୍ ଖାନ୍
ନୂଆଦିଲ୍ଲୀ: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ପୁଣି ଥରେ କଶ୍ମୀର ପ୍ରସଂଗରେ ପ୍ରଳାପ କରିଛନ୍ତି । ସେ କହିଛନ୍ତି ଯେ, କଶ୍ମୀର ଲୋକେ ପାକିସ୍ତାନ ସହ ମିଶିବେ କି ସେମାନେ ସ୍ୱତନ୍ତ୍ର ରାଷ୍ଟ୍ର ଗଠନ କରିବେ, ଏ ନେଇ ସେମାନେ ନିଷ୍ପତ୍ତି ନେବେ । ଏବଂ ଏ ଦିଗରେ ନିଷ୍ପତ୍ତି ନେବା ଲାଗି ପାକିସ୍ତାନ ସେମାନଙ୍କୁ ସୁଯୋଗ ଦେବେ । ତେବେ କଶ୍ମୀର ପାକିସ୍ତାନର ଅଭିନ୍ନ ଅଙ୍ଗ ବୋଲି ଭାରତ ଏବଂ ବିଶ୍ୱ ସମୁଦାୟ ଆଗରେ କହିଆସୁଛି । ଇମ୍ରାନ୍ ଖାନ୍ ପାକିସ୍ତାନ ଅଧିକୃତ କଶ୍ମୀରର ତରାରେ ରାଲି କରିବାକୁ ପହଞ୍ଚିଥିଲେ । ଆସନ୍ତା ୨୫ ଜୁଲାଇରେ ଏଠରେ ନିର୍ବାଚନ ହେବାକୁ ଥିବା ବେଳେ ସେ ଏଠାରେ ଏକ ନିର୍ବାଚନ ରାଲିକୁ ସମ୍ୱୋଧିତ କରିଥିଲେ । ସେ ଏଠାରେ କଶ୍ମୀରକୁ ପାକିସ୍ତାନର ଅଂଶ ବନାଇବା ନେଇ ଯୋଜନା ପ୍ରସ୍ତୁତ କରାଯାଉଥିବା ନେଇ ବିରୋଧୀଙ୍କ ଦାବକୁ ଖାରଜ କରିଛନ୍ତି ।
ପାକିସ୍ତାନ ମୁସଲିମ୍ ଲିଗ୍ ନଓ୍ୱାଜ ନେତା ମରୟମ୍ ନଓ୍ୱାଜ ଦେଇଥିବା ବୟାନର ପ୍ରତିକ୍ରିୟାର ସେ ଏହା କହିଛନ୍ତି । ୧୮ ଜୁଲାଇରେ ଏଠରେ ହୋଇଥିବା ଏକ ରାଲିରେ ମରିୟମ୍ କହିଥିଲେ ଯେ, କଶ୍ମୀର ସ୍ଥିତିରେ ପରିବର୍ତ୍ତନ ଆଣିବା ନେଇ ଏବଂ ଏହାକୁ ପାକିସ୍ତାନର ଏକ ପ୍ରାନ୍ତ ବନାଇବା ନେଇ ପ୍ରସ୍ତୁତି ହୋଇସାରିଛି ।
ଏଥିସହିତ ପଢ଼ନ୍ତୁ: ଟୋକିଓରେ ଭାରତର ପଦକ ଯାତ୍ରା ଆରମ୍ଭ: ମହିଳା ଭାରୋତ୍ତୋଳନକାରୀ ମୀରାବାଈ ଚାନୁ ହାତେଇଲେ ରୌପ୍ୟ ପଦକ
ଦୃଷ୍ଟିବାଧିତଙ୍କ ସହ ଜନ୍ମଦିନ ପାଳିଲେ ବିଧାୟକ ପ୍ରଣବ ବଳବନ୍ତରାୟ
ଭୁବନେଶ୍ୱର: ନିଆରା ଢଙ୍ଗରେ ଜନ୍ମଦିନ ପାଳିଛନ୍ତି ବିଧାୟକ । ବିଜୁ ଜନତା ଦଳର ରାଜ୍ୟ ସାଧାରଣ ସଂପାଦକ(ଯୁବ ବ୍ୟାପାର) ତଥା ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ ଉତ୍କଳ ଦୃଷ୍ଟିହୀନ ସଂଘର ସଦସ୍ୟମାନଙ୍କ ଗହଣରେ ନିଜର ଜନ୍ମଦିନକୁ ନିଆରା ଢଙ୍ଗରେ ପାଳନ କରିଛନ୍ତି । ଏହି ଅବସରରେ ଶ୍ରୀ ବଳବନ୍ତରାୟ କହିଥିଲେ କି “ମାନ୍ୟବର ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସାମାଜିକ ପ୍ରତିବଦ୍ଧତା କାର୍ଯ୍ୟ କରିବା ଦିଗରେ ଆମପାଇଁ ସଦାସର୍ବଦା ପ୍ରେରଣାର ଉତ୍ସ। ମୁଁ ଉତ୍କଳ ଦୃଷ୍ଟିହୀନ ସଂଘ ସଦସ୍ୟମାନଙ୍କ ସହ କିଛି ସମୟ ଅତିବାହିତ କରି ନିଜକୁ ଧନ୍ୟ ମନେ କରୁଅଛି । କୋଭିଡର ସମସ୍ତ ନିୟମକୁ ପାଳନ କରି ୨୫ଜଣ ସଦସ୍ୟମାନଙ୍କୁ ଆନୁସଙ୍ଗିକ ସହାୟତା ପ୍ରଦାନ କରାଯାଇଥିଲା।
ଏଥିସହିତ ପଢ଼ନ୍ତୁ: Tokyo Olympics: ନ୍ୟୁଜିଲାଣ୍ଡ ବିପକ୍ଷରେ ୩-୨ରେ ଭାରତୀୟ ହକି ଦଳ ବିଜୟୀ
ଲେଉଟିଲା ବ୍ଳାକ୍ ପଲସର ଆତଙ୍କ: ଫାଇନାନ୍ସ କର୍ମଚାରୀଙ୍କ ଠାରୁ ଲୁଟିନେଲେ ୭୫ ହଜାର ଟଙ୍କା
ଭୁବନେଶ୍ୱର: ବାଲିଅନ୍ତାରେ ବ୍ଲାକ୍ ପଲସର ଆତଙ୍କ । ଜଣେ ଫାଇନାନ୍ସ କର୍ମଚାରୀଙ୍କୁ ମାରଣାତ୍ମକ ଆକ୍ରମଣ କରି ପ୍ରାୟ ୭୫ ହଜାର ଟଙ୍କା ଲୁଟି ନେଲେ ଦୁଇ ଦୁର୍ବୃତ୍ତ । ଘଟଣା ଘଟିଛି ବାଲିଅନ୍ତା ଥାନା ପ୍ରତାପରୁଦ୍ରପୁର- କଣ୍ଟାପଡ଼ା ରାସ୍ତା ଆଖଣ୍ଡଳେଶ୍ଵର ମନ୍ଦିର ନିକଟରେ । ଗୁରୁତର ଅବସ୍ଥାରେ ଫାଇନାନ୍ସ କର୍ମଚାରୀ ଜ୍ଞାନ ରଞ୍ଜନ ଦିୱେଦୀଙ୍କୁ ହସ୍ପିଟାଲ୍ ରେ ଭର୍ତ୍ତି କରାଯାଇଛି ।
ଭାରତ ଫାଇନାନ୍ସର କର୍ମଚାରୀ ଜ୍ଞାନ ରଞ୍ଜନ ଋଣ ଟଙ୍କା ସଂଗ୍ରହ କରି ବାଲିଅନ୍ତା ଅଭିମୁଖେ ଫେରୁଥିବା ବେଳେ ଦୁଇ ଜଣ ଦୁର୍ବୃତ୍ତ ବ୍ଲାକ୍ ପଲ୍ସରରେ ତାଙ୍କୁ ପିଛା କରିଥିଲେ । ପ୍ରତାପରୁଦ୍ରପୁର- କଣ୍ଟାପଡ଼ା ଆଖଣ୍ଡଳେଶ୍ଵର ମନ୍ଦିର ନିକଟରେ କର୍ମଚାରୀ ଜଣଙ୍କୁ ଧକ୍କା ମାରି ତଳେ ପକାଇ ଦେଇଥିଲେ । ପରେ ଏକ ମାରଣାସ୍ତ୍ରରେ କର୍ମଚାରୀଙ୍କ ହାତକୁ ହାଣି ଟଙ୍କା ବ୍ୟାଗ୍ ନେଇ ଘଟଣାସ୍ଥଳରୁ ଫେରାର୍ ହୋଇଗଲେ । ଆକ୍ରମଣରେ ଗୁରୁତର କର୍ମଚାରୀଙ୍କୁ ୧୦୮ ଆମ୍ବୁଲାନ୍ସ ଯୋଗ ହସ୍ପିଟାଲ ପଠାଇଛନ୍ତି ସ୍ଥାନୀୟ ଲୋକେ । ଖବର ପାଇ ବାଲିଅନ୍ତା ପୋଲିସ୍ ଘଟଣା ସ୍ଥଳରେ ପହିଁଞ୍ଚି ତଦନ୍ତ କରିଛି ।

