spot_img
Home Blog Page 5539

ଖୋଲିବ ସ୍କୁଲ୍, ନା ହେବ ପ୍ରାର୍ଥନା ନା ଟିଫିନ ବ୍ରେକ, ନନ୍-ଷ୍ଟପ୍ ଚାଲିବ କ୍ଲାସ

ଭୁବନେଶ୍ୱର: ଦୀର୍ଘ ଦିନ ପରେ କାଲି ଖୋଲିବ ସ୍କୁଲ। ପାଠପଢ଼ିବେ ଦଶମ ଓ ଦ୍ଵାଦଶ ଶ୍ରେଣୀ ପିଲା। ସକାଳ ୧୦ଟାରୁ କ୍ଲାସ ଆରମ୍ଭ ହୋଇ ଦିନ ୧.୩୦ ଯାଏ ଚାଲିବ। ହେଲେ ସ୍କୁଲରେ ନା ହେବ ପ୍ରାର୍ଥନା ନା ଟିଫିନ ବ୍ରେକ, ନନ୍-ଷ୍ଟପ୍ ଚାଲିବ କ୍ଲାସ । ଏ ନେଇ ଆଜି ସ୍କୁଲ ସାନିଟାଇଜ୍ କରିବା ସହ ସ୍କୁଲ ପରିସର ସଫା କରାଯାଉଛି।

ସାମାଜିକ ଦୂରତା କିପରି ରକ୍ଷା ହୋଇ କ୍ଲାସ ହେବ, ସେ ନେଇ ବିଭିନ୍ନ ସେକ୍ସନରେ ଶ୍ରେଣୀ ବିଭକ୍ତ କରାଯାଇଛି। ପାଣି ବ୍ୟବସ୍ଥା ସହ ସାନିଟାଇଜର ବ୍ୟବସ୍ଥା ହୋଇଛି। ଛାତ୍ରଛାତ୍ରୀଙ୍କ ଶରୀରର ତାପମାତ୍ରା ମାପି କ୍ଲାସ ପ୍ରବେଶ ପାଇଁ ଅନୁମତି ମିଳିବ। ଲକ୍ଷଣ ଥିବା ଛାତ୍ରଛାତ୍ରୀଙ୍କ ପାଇଁ ଆଇସୋଲେସନ ରୁମର ବ୍ୟବସ୍ଥା ହୋଇଛି। ଶିକ୍ଷକମାନେ ଟୀକା ନେଇ ଆସିବାର ନିୟମ ହୋଇଛି। ତେବେ ଦ୍ୱିତୀୟ ଡୋଜ ଟିକା ନ ନେଇଥିଲେ ବି ଗୋଟିଏ ଡୋଜ ଟିକା ନେଇଥିବା ଶିକ୍ଷକ ସ୍କୁଲ ଆସିପାରିବେ।

ଅସନ୍ତୋଷ ଦୂର କରିବାକୁ ଆସନ୍ତା ସପ୍ତାହରେ ରାଜସ୍ଥାନରେ ହୋଇପାରେ ମନ୍ତ୍ରିମଣ୍ଡଳ ସମ୍ପ୍ରସାରଣ

ରାଜସ୍ଥାନ: କଂଗ୍ରେସ ଶାସିତ ରାଜସ୍ଥାନରେ ଆସନ୍ତା ସପ୍ତାହରେ ମନ୍ତ୍ରିମଣ୍ଡଳ ସମ୍ପ୍ରସାରିତ ହୋଇପାରେ । ଆସନ୍ତା ସପ୍ତାହରେ ମନ୍ତ୍ରିମଣ୍ଡଳ ସମ୍ପ୍ରସାରଣ ହେବାକୁ ଥିବା ବେଳେ ଏଆଇସିସି ସାଧାରଣ ସମ୍ପାଦକ କେ.ସି ଭେନୁଗୋପାଳ ଏବଂ ରାଜସ୍ଥାନ ଦାୟିତ୍ୱରେ ଅଲ୍‌ଇଣ୍ଡିଆ କଂଗ୍ରେସ କମିଟି ସାଧାରଣ ସମ୍ପାଦକ ଶୁକ୍ରବାର ରାଜସ୍ଥାନରେ ଆସି ପହଞ୍ଚିଛନ୍ତି । ଏବଂ ମୁଖ୍ୟମନ୍ତ୍ରୀ ଗେହଲଟ୍‌ଙ୍କ ସହ ଏ ସମ୍ପର୍କରେ ଆଲୋଚନା କରିବେ । ଏଥିସହିତ ଜିଲ୍ଲା ମୁଖ୍ୟ ଏବଂ ପାର୍ଟିର ଅନ୍ୟ ପଦବୀ ନେଇ ମଧ୍ୟ ଆଲୋଚନା କରିବେ । ଏ ନେଇ ଉଭୟ ସଡ଼କ ପଥରେ ଆସି ଜୟପୁରରେ ପହଞ୍ଚିଛନ୍ତି ।

ତେବେ ରାଜସ୍ଥାନରୁ ରାଜ୍ୟ ସଭା ସାଂସଦ ଥିବା ବେଣୁଗୋପାଳ ଏବଂ ଅନ୍ୟ ଜଣେ ନେତା ଗେହଲୋତଙ୍କ ବାସଭବନରେ ଏ ନେଇ ଆଲୋଚନା କରିପାରିନ୍ତି ବୋଲି ସୂଚନା ରହିଛି । ପଞ୍ଜାବ ପରେ ପାର୍ଟି ହାଇକମାଣ୍ଡଙ୍କ ନଜର ଏବେ ରାଜସ୍ଥାନ ଉପରେ ଥିବା କୁହାଯାଉଛି । ଦଳରେ ଦେଖାଦେଇଥିବା ଅସନ୍ତୋଷ ଏବଂ ଡେପୁଟୀ ସିଏମ୍ ସଚିନ୍ ପାଇଲଟଙ୍କ ଅଧିନରେ ଦଳ ବଦଳ ଚର୍ଚ୍ଚା ପରେ ମନ୍ତ୍ରି ମଣ୍ଡଳ ସମ୍ପ୍ରସାରଣ ଦାବି ଜୋର ଧରିଥିଲା । ତେବେ ଏ ନେଇ ପୂର୍ବ ପାଇଲଟ୍ ଇଙ୍ଗିତ କରିଥିଲେ । ବିଭିନ୍ନ ସମସ୍ୟା ସେ ଦଳ ହାଇକମାଣ୍ଡଙ୍କ ସହ ସମ୍ପର୍କରେ ଥିବା କହିଥିଲେ । ସୂଚନା ଯୋଗ୍ୟ ଯେ, ପାଇଲଟ ତାଙ୍କ ଅନୁଗତଙ୍କୁ ମନ୍ତ୍ରିମଣ୍ଡଳରେ ସ୍ଥାନ ଦେବାକୁ ଦୀର୍ଘ ଦିନ ଧରି ଦାବି କରିଆସୁଥିଲେ । ଏ ନେଇ କିଛି ସମୟରେ ଗେହଲଟ୍‌ଙ୍କ ସହ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା ।

ଏଥିସହିତ ପଢ଼ନ୍ତୁ: ପର୍ଣ୍ଣୋଗ୍ରାଫିକ୍ ଫିଲ୍ମ ନିର୍ମାଣ ମାମଲାରେ ଗେହନା ବଶିଷ୍ଟ ସମେତ ୩ ଜଣଙ୍କୁ ମୁମ୍ୱାଇ ପୋଲିସର ସମନ

ମୋବାଇଲକୁ ଆସିଲା ଲିଙ୍କ୍, କ୍ଲିକ୍ କରିବା ମାତ୍ରେ ୧ ଲକ୍ଷ ୭୦ହଜାର ଗାୟବ

ଆନନ୍ଦପୁର: ଦିନକୁ ଦିନ ସାଇବର କ୍ରଇମ୍ ବଢିବାରେ ଲାଗିଥିବାବେଳେ ହ୍ୟାକର ମାନେ ବିଭିନ୍ନ ଫନ୍ଧି ଆପଣାଇ ଲୋକଙ୍କ ଆକାଉଣ୍ଟରୁ ଟଙ୍କା ଲୁଟିନେଉଛନ୍ତି।  ଏହିଭଳି ସାଇବର ଲୁଟର ଶିକାର ହୋଇଛନ୍ତି ଆନନ୍ଦପୁର ଘସିପୁରାର ଜଣେ ଯୁବ ବ୍ୟବସାୟୀ ରାଜେନ୍ଦ୍ର ସାହୁ।

ରାଜେନ୍ଦ୍ରଙ୍କ ମୋବାଇଲକୁ ଷ୍ଟେଟ୍ ବ୍ୟାଙ୍କର ୟୋନା ଆପରେ ନମ୍ବର ଅପଡେଟ୍ ପାଇଁ ଏକ ଏସ୍ଏମ୍ଏସ୍ ସହ ଲିଙ୍କ ଆସିଥିଲା । ଲିଙ୍କକୁ ଖୋଲିବା ପରେ ରାଜେନ୍ଦ୍ର ସାଇବର ଲୁଟେରାଙ୍କ ଜାଲରେ ଛନ୍ଧି ହୋଇଯାଇଥିଲେ। କିଛି ସମୟ ପରେ ଆଉ ଆପ୍ ଖୋଲିନଥିଲା। ସାଇବର ଲୁଟେରା ରାଜେନ୍ଦ୍ରଙ୍କୁ ଫୋନ୍ ପରେ ଫୋନ୍ କରି ବ୍ୟସ୍ତ ରଖିବାକୁ ଚେଷ୍ଟା କରିଥିଲେ। ପରେ ପରେ ୧୦ ହଜାର, ୨୦ ହଜାର ଓ ୧ଲକ୍ଷ ୪୦ହଜାର ଶହେଟଙ୍କା ଗାୟବ କରିନେଇଥିଲେ ଲୁଟେରା। ରାଜେନ୍ଦ୍ର ଏହି ଘଟଣାକୁ ନେଇ ସାଇବର ପୋଲିସ୍ , ଘସିପୁରା ଥାନା ଓ ବ୍ୟାଙ୍କ କର୍ତ୍ତୃପକ୍ଷଙ୍କୁ ଅବଗତ କରାଇଛନ୍ତି।

ପର୍ଣ୍ଣୋଗ୍ରାଫିକ୍ ଫିଲ୍ମ ନିର୍ମାଣ ମାମଲାରେ ଗେହନା ବଶିଷ୍ଟ ସମେତ ୩ ଜଣଙ୍କୁ ମୁମ୍ୱାଇ ପୋଲିସର ସମନ

ମୁମ୍ୱାଇ: ରାଜ କୁନ୍ଦ୍ରାଙ୍କ ପର୍ଣ୍ଣ ଫିଲ୍ମ ମାମଲାରେ ବୋଲ୍ଡ ଅଭିନେତ୍ରୀ ଗେହନା ବଶିଷ୍ଟଙ୍କୁ ପଚରାଉଚରା କରିବ କ୍ରାଇମବ୍ରାଞ୍ଚ । ଏ ନେଇ ଗେହନାଙ୍କ ସମେତ ୩ ଜଣଙ୍କୁ ସମନ ପଠାଇଛି ମୁମ୍ୱାଇ ପୋଲିସ । ଏହା ପୂର୍ବରୁ ଅଭିନେତ୍ରୀ ତଥା ରାଜ କୁନ୍ଦ୍ରାଙ୍କ ସ୍ତ୍ରୀ ଶିଳ୍ପା ସେଟ୍ଟୀଙ୍କୁ ମଧ୍ୟ ସମାନ ମାମଲାରେ ମୁମ୍ୱାଇ ପୋଲିସ ୬ ଘଣ୍ଟା ଧରି ଜେରା କରିଥିଲା । ଗେହନା ବୈଶିଷ୍ଟ ରାଜକୁନ୍ଦ୍ରାଙ୍କ ଦ୍ୱାରା ଏକାଧିକ ଫିଲ୍ମ ଏବଂ ଓ୍ୱେବ୍ ସିରିଜ୍‌ରେ କାମ କରିସାରିଛନ୍ତି । ଯାହା ବିବାଦୀୟ ହଟ୍‌ସଟ୍ ଆପ୍‌ରେ ପ୍ରସାରିତ ହୋଇଥିଲା । ତେବେ ଏହି ଆପ୍‌ରେ କୌଣସି ଉତ୍ତେଜକପୂର୍ଣ୍ଣ ଭିଡିଓ ନଥିବା ଗେହନା ଦାବି କରିଛନ୍ତି ।

ସେ କହିଛନ୍ତି ଯେ, ଶିଳ୍ପା ସେଟ୍ଟୀ ଠିକ୍ କହିଛନ୍ତି ସେଥିରେ ସେଭଳି କିଛି ଭିଡିଓ ନାହିଁ, ଯାହାକୁ ଆମେ ପର୍ଣ୍ଣୋଗ୍ରାଫି ବୋଲି କହିପାରିବା । ଏବଂ ଏ ନେଇ ଶିଳ୍ପା ସେଟ୍ଟୀ ଆଦୌ ଅବଗତ ନଥିବା କହିଛନ୍ତି । ହଟସଟ୍ କେବେ ବି କୌଣସି ପ୍ରକାର ପର୍ଣ୍ଣ ଫିଲ୍ମ ନିର୍ମାଣ କରିନଥିବା ସେ କହିଛନ୍ତି । ଏଥିରେ ଥିବା ସମସ୍ତ ଚଳଚ୍ଚିତ୍ର ବୋଲ୍ଡ ଏବଂ ହଟ୍ କ୍ୟାଟୋଗୋରିର ଏଥମଧ୍ୟରୁ କୌଣସି ବି ପିଲ୍ମ ପର୍ଣ୍ଣ ନୁହେଁ ବୋଲି ସେ କହିଛନ୍ତି ।

ଏଥିସହିତ ପଢ଼ନ୍ତୁ: ସ୍ୱାମୀଙ୍କ ଗିରଫ ଘଟଣାକୁ ନେଇ ମୁହଁ ଖୋଲିଲେ ଶିଳ୍ପା

 

ସୁକ୍‌ମାରେ ସୁରକ୍ଷାକର୍ମୀ-ନକ୍ସଲ ମୁହାଁମୁହିଁ: ଜଣେ ନକ୍ସଲ ନିପାତ

ସୁକ୍‌ମା: ଛତିଶଗଡ଼ ସୁକ୍‌ମା ଜିଲ୍ଲା ସୁରକ୍ଷାକର୍ମୀ ଏବଂ ନକ୍ସଲଙ୍କ ମଧ୍ୟରେ ଗୁଳିବିନିମୟ । ଏନ୍‌କାଉଣ୍ଟରେ ଜଣେ ନକ୍ସଲ ପ୍ରାଣ ହରାଇଥିବା ସୂଚନା। ଚିନ୍ତାଗୁମ୍ଫା ପୋଲିସ ଷ୍ଟେସନ ଅନ୍ତର୍ଗତ ମିନପା ଗାଁରେ ଏହି ଏନ୍‌କାଉଣ୍ଟର ଘଟିଛି । ସର୍ଚ୍ଚ ଅପରେସନ୍ ବେଳେ ଏହି ଗୁଳିକାଣ୍ଡ ଘଟିଥିବା ସୁକ୍‌ମା ଏସ୍‌ପି ସୁନିଲ ଶର୍ମା କହିଛନ୍ତି । ରାୟପୁରଠାରୁ ପ୍ରାୟ ୪୦୦ କିଲୋମିଟର ଦୂରରେ ଏହି ଏନ୍‌କାଉଣ୍ଟର ଘଟିଛି । ଡିଷ୍ଟିର୍ଟ ରିଜର୍ଭ ପୋଲିସ ଏବଂ ସେଣ୍ଟ୍ରୋଲ ରିଜର୍ଭ ପୋଲିସ ଏବଂ ସିଆରପିଏଫ୍ ଯବାନ ଏହି ଅପରେସନରେ ସାମିଲ ଅଛନ୍ତି । ପ୍ରାୟ ଦେଢ଼ ଘଣ୍ଟା ଧରି ଗୁଳିକାଣ୍ଡ ଜାରି ରହିଥିଲା । ଏହା ପରେ ଜଣେ ପୁରୁଷ ନକ୍ସଲଙ୍କ ମୃତଦେହ ମିଳିଛି । ଘଟଣାସ୍ଥଳରେ ପ୍ରବଳ ରକ୍ତ ଛିଟା ପଡ଼ିଥିବା ଅନ୍ୟ କିଛି ନକ୍ସଲ ମଧ୍ୟ ଆହତ ହୋଇଛନ୍ତି । କିନ୍ତୁ ସାଥି ନକ୍ସଲ ସେମାନଙ୍କୁ ଜଙ୍ଗଲ ଭିତରକୁ ନେବାରେ ସଫଳ ହୋଇଥିବା ଅନୁମାନ କରାଯାଉଛି ।

ଏଥିସହିତ ପଢ଼ନ୍ତୁ: ଅନୁମତି ପରେ ବି ମିଳୁନି ଫାଇଜର ଓ ମଡର୍ଣ୍ଣା ଟିକା

ଗ୍ୟାଙ୍ଗଷ୍ଟାର ହାଇଦର ଏନକାଉଣ୍ଟର ଘଟଣା: ଘଟଣାସ୍ଥଳରୁ ୨ଟି ଖୋକା ଜବତ

ବାଲେଶ୍ୱର: ସିମୁଳିଆରେ ହାଇଦରକୁ ଏନକାଉଣ୍ଟର ପରେ ଆଜି ଘଟଣାସ୍ଥଳରୁ ଦୁଇଟି ଖୋକା ମିଳିଛି । ବାଲେଶ୍ୱର sdpo ଶ୍ରୀହର୍ସ ମିଶ୍ର ଆଡିସନାଲ ଡିସିପି ପ୍ରମୋଦ ରଥ ସାଇଣ୍ଟିଫିକ ଟିମ ସହାୟତାରେ ତଦନ୍ତ ପରେ ୨ଟି ଖୋକା ଜବତ ହୋଇଛି। ସେପଟେ ହାଇଦରର ମୃତ୍ୟୁ ପରେ କେନ୍ଦ୍ରାପଡାରେ ହାଇଆଲର୍ଟ। ଗତକାଲି ରାତି ୧୧ଟାରୁ ୩୦ ତାରିଖ ଦିନ ୧୧ଟା ପର୍ଯ୍ୟନ୍ତ ୧୪୪ ଧାରା ଜାରି କରାଯାଇଛି।  ବାରିମୁଳ, କପଳେଶ୍ୱର, ଗୁଲନଗର ଏବଂ ଜାମଧରରେ ୧୪୪ ଧାରା ଜାରି କରାଯାଇଛି । ଏହି ସମୟରେ ସୁରକ୍ଷା ବ୍ୟବସ୍ଥା କଡାକଡି ରହିବ।

ଏପଟେ ଆଜି ଗ୍ୟାଙ୍ଗଷ୍ଟର ହାଇଦରର ଶବ ବ୍ୟବଚ୍ଛେଦ କରାଯିବ। ହାଇଦରର ମୃତ୍ୟୁ ପରେ କେନ୍ଦ୍ରାପଡାରେ ଆଇନଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପୋଲିସର କଡା ସୁରକ୍ଷା ବ୍ୟବସ୍ଥା କରାଯାଇଛି । ସହରର ପୁରୁଣା ବସଷ୍ଟାଣ୍ଡ, ନୂଆ ବସଷ୍ଟାଣ୍ଡ, ବଡହାଟ, ତିନି ମୁହାଣୀ, ଗରାପୁର, ରଣପଡ଼ା, ପେଟ୍ରୋଲ ପମ୍ପ ଛକ ଆଦି ସ୍ଥାନରେ ଚାରି ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି। ପ୍ରତ୍ୟେକ ସ୍ଥାନରେ ଚେକିଂକୁ କଡାକଡି କରାଯାଇଛି । ସହରର ପରିସ୍ଥିତି ଉପରେ ପୋଲିସ କଡା ନଜର ରଖିଛି। ଗତକାଲି ଗ୍ୟାଙ୍ଗଷ୍ଟର ହାଇଦରକୁ କଟକରୁ ବାରିପଦା ଜେଲକୁ ସ୍ଥାନାନ୍ତରିତ କରାଯାଉଥିଲା।

ସୂଚନା ମୁତାବକ, ଅପରାହ୍ନ ପାଖାପାଖି ୩ଟା ୨୦ରେ ପରିସ୍ରା ବାହାନାରେ ସିମୁଳିଆ ନିକଟରେ ପୋଲିସ ଭ୍ୟାନରୁ ଓହ୍ଲାଇଥିଲା ହାଇଦର। ଆଗରେ ଥିବା ଏସକର୍ଟ ଟିମ ପାଖରେ ମଧ୍ୟ ଜଗି ରହିଥିଲା। ସେତିକି ବେଳେ ଜଣେ ପୋଲିସ କର୍ମଚାରୀଙ୍କ ଠାରୁ ବନ୍ଧୁକ ଛଡାଇ ଗୁଳି ଚଳାଇ ଖସି ଯିବାକୁ ଚେଷ୍ଟା କରିଥିଲା ହାଇଦର । ଏତିକିବେଳେ ତାକୁ କାବୁ କରିବାକୁ ଏସକର୍ଟ ଟିମ୍ ଉଦ୍ୟମ କରିଥିଲା । ସବୁ ପ୍ରୟାସ ସତ୍ତ୍ୱେ ହାଇଦର ଫେରାର ହେବାକୁ ଜୋରଦାର ପ୍ରୟାଶ କରିଥିଲା। ଶେଷରେ ପୋଲିସ ବାଧ୍ୟ ହୋଇ ଗୁଳି ଚଳାଇଥିଲା । ଏଥିରେ ହାଇଦର ଦେହରେ ଚାରୋଟି ଗୁଳି ବାଜିଥିଲା। ଦୁଇଟି ଛାତିରେ, ଗୋଟିଏ ବାମ ହାତରେ, ଅନ୍ୟ ଗୁଳିଟି ଅଣ୍ଟା ତଳେ ବାଜିଥିବା ସୂଚନା ରହିଛି। ଫାଇରିଂ ପରେ ହାଇଦରକୁ ଗୁରୁତର ଅବସ୍ଥାରେ ବାଲେଶ୍ୱର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ସେଠାରେ ହାଇଦରକୁ ମୃତ ଘୋଷଣା କରିଥିଲେ ଡାକ୍ତର।

କମୁଛି କରୋନା ଗ୍ରାଫ୍, ୨୪ ଘଣ୍ଟାରେ ୧୮ଶହ ୩୩ ଜଣ ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ କ୍ରମାଗତ କମିବାରେ ଲାଗିଛି କରୋନା ସଂକ୍ରମଣ। ଦିନକରେ ୨୮ ଜିଲ୍ଲା ଓ ଷ୍ଟେଟପୁଲରୁ ୧୮ଶହ ୩୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ବୌଦ୍ଧ ଓ ନୂଆପଡାରେ କରୋନା ସଂକ୍ରମଣ ଶୂନ୍ ରହିଛି । ୬୭ ଜଣଙ୍କ ଜୀବନ ନେଇଛି କିଲର କରୋନା । ୨୪ଘଣ୍ଟାରେ ସୁସ୍ଥ ହୋଇଛନ୍ତି ୧୮ଶହ ୬୮।

ଖୋର୍ଦ୍ଧାରୁ ସର୍ବାଧିକ ୪୯୦ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୨୪୩, ପୁରୀରୁ ୧୩୯, ବାଲେଶ୍ବରରୁ ୧୨୯, ଯାଜପୁରରୁ ୧୧୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ଷ୍ଟେଟପୁଲରୁ ୯୪, ଭଦ୍ରକରୁ ୮୯, କେନ୍ଦ୍ରାପଡାରୁ ୮୭, ଅନୁଗୁଳରୁ ୭୭, ଜଗତସିଂହପୁରରୁ ୬୧, ମୟୂରଭଞ୍ଜରୁ ୫୯, ସୁନ୍ଦରଗଡ଼ରୁ ୪୭, ନୟାଗଡ଼ରୁ ୨୮, କେନ୍ଦୁଝରରୁ ୨୪, ସମ୍ବଲପୁରରୁ ୨୩, ମାଲକାନଗିରିରୁ ୧୯, ଗଜପତିରୁ ୧୬, ଢେଙ୍କାନାଳରୁ ୧୩, ରାୟଗଡ଼ାରୁ ୧୧, ବରଗଡ଼ ଓ ସୋନପୁରରୁ ୧୦ଜଣ ଲେଖାଏଁ , ଗଞ୍ଜାମ ଓ କୋରାପୁଟରୁ ୯ଜଣ ଲେଖାଏଁ, ଝାରସୁଗୁଡା ଓ କନ୍ଧମାଳରୁ ୮ଜଣ ଲେଖାଏଁ, ଦେବଗଡ଼, ନବରଙ୍ଗପୁର ଓ କଳାହଣ୍ଡିରୁ ୬ଜଣ ଲେଖାଏଁ ଏବଂ ବଲାଙ୍ଗୀରରୁ ୨ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଗତ ୨୪ ଘଣ୍ଟା ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୯ଲକ୍ଷ ୬୭ହଜାର ୫୪୮ ଥିବା ବେଳେ ସୁସ୍ଥ ହୋଇଛନ୍ତି ୯ଲକ୍ଷ ୪୩ହଜାର ୬୯ । ଆକ୍ଟିଭ କେସ୍ ୧୮ହଜାର ୯୧୪ ।

୨୬୨ଜଣ ତାଲିବାନ ଆତଙ୍କବାଦୀଙ୍କୁ ହତ୍ୟା କଲା ଆଫଗାନିସ୍ତାନ

ନୂଆଦିଲ୍ଲୀ: ୨୬୨ ତାଲିବାନ ଆତଙ୍କବାଦୀଙ୍କ ହତ୍ୟା କରିଛି ଆଫଗାନିସ୍ତାନ ସେନା । ଏନେଇ ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରାଳୟ ଘୋଷଣା କରିଛି। ଏହି ଅଭିଯାନ ସମୟରେ ଆହୁରି ୧୭୬ଜଣ ଆତଙ୍କବାଦୀ ଆହତ ହୋଇଛନ୍ତି ଏବଂ ୨୧ଟି ‘ଆଇଇଡି’ ବା ‘ଲ୍ୟାଣ୍ଡ୍‌ ମାଇନ୍‌’ ଅକାମି କରାଯାଇଛି ବୋଲି ନିରାପତ୍ତା ବଳ କହିଛି।

ଲଗମାନ, ନାନଗରହର, ନୁରିସ୍ତାନ, କୁଆଁର, ଗଜନି, ପକ୍ତିଆ, କାନ୍ଦାହାର, ହେରାତ, ବାଲ୍‌କ, ଜୌଓ୍ୱାଜ୍ଜାନ ହେଲମାନ୍ଦ, କୁନ୍ଦୁଜ୍ ଏବଂ କାପିସା ପ୍ରଦେଶରେ ଗତ ୨୪ ଘଣ୍ଟା ମଧ୍ୟରେ ଏଏନଡିଏସଏଫ୍ ଅଭିଯାନ ଫଳରେ ୨୬୨ ଜଣ ତାଲିବାନ ଆତଙ୍କବାଦୀ ନିପାତ ହୋଇଥିବା ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ତାଲିବାନମାନେ ବିଭିନ୍ନ ସହର ଆକ୍ରମଣ କରିବା ଆଶଙ୍କା ଥିବାରୁ ଶନିବାର ଦିନ ସରକାର ପ୍ରାୟ ସମଗ୍ର ଦେଶରେ କର୍ଫ୍ୟୁ ଜାରି କରିଛନ୍ତି। କାବୁଲ ଏବଂ ଅନ୍ୟ ଦୁଇଟି ପ୍ରଦେଶ ବ୍ୟତୀତ ଅନ୍ୟତ୍ର ରାତି ୧୦ଟାରୁ ଭୋର୍ ୪ ପର୍ଯ୍ୟନ୍ତ ସମସ୍ତ ପ୍ରକାର ଚଳପ୍ରଚଳ ଉପରେ କଟକଣା ଲାଗୁ କରାଯାଇଛି ।

https://twitter.com/MoDAfghanistan/status/1418815094956380166

୨୦୨୨ ଜୁନ ସୁଦ୍ଧା ସରିବ ବରମୁଣ୍ଡା ଆଇଏସବିଟି ନିର୍ମାଣ କାର୍ଯ୍ୟ

ଭୁବନେଶ୍ୱର: 5T ସଚିବ ଭି.କେ ପାଣ୍ଡିଆନ ଆଜି ଭୁବନେଶ୍ୱରର ବିଭିନ୍ନ ନିର୍ମାଣାଧୀନ ପ୍ରକଳ୍ପ କାମର ସମୀକ୍ଷା କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଫାଇଭ ଟି ସଚିବ ଶ୍ରୀ ପାଣ୍ଡିଆନ ବରମୁଣ୍ଡାସ୍ଥିତ ଆନ୍ତଃରାଜ୍ୟ ବସ ଟର୍ମିନାଲ ବା ଆଇଏସବିଟି କାର୍ଯ୍ୟର ସମୀକ୍ଷା କରିଛନ୍ତି। ଏହା ସହ ସିଆରପିଏଫ ସ୍କୋୟାରରୁ ଗଣିତ ପ୍ରତିଷ୍ଠାନକୁ ସଂଯୋଗ କରୁଥିବା ରାସ୍ତା, ଚନ୍ଦ୍ରଶେଖରପୁରସ୍ଥିତ ଗୃହ ନିର୍ମାଣ ପ୍ରକଳ୍ପ ଓ ଇନଫୋସିଟି ନିକଟସ୍ଥ ଇନକ୍ୟୁବେସନ ଟାୱାର କାର୍ଯ୍ୟର ମଧ୍ୟ ସେ ସମୀକ୍ଷା କରିଥିଲେ।

ସୂଚନା ମୁତାବକ,  ୧୮୦ କୋଟି ଟଙ୍କା ବ୍ୟୟରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ଦ୍ୱାରା ବରମୁଣ୍ଡାରେ ପ୍ରାୟ ୧୫ ଏକର ୫ ଡେସିମିଲ ଜାଗାରେ ନିର୍ମାଣ ହେବ ଆଇଏସବିଟି। ଆସନ୍ତା ୨୦୨୨ ଜୁନ ସୁଦ୍ଧା ଏହାର କାମ ଶେଷ ହେବ। ଖଣ୍ଡଗିରିସ୍ଥିତ ବସ ଡିପୋଟ ମଧ୍ୟ ଏହି ପ୍ରକଳ୍ପର ଅନ୍ତର୍ଗତ ଏବଂ ଏଠାରେ ୩୦୦ ବସ୍ ରହିପାରିବାର ବ୍ୟବସ୍ଥା ରହିଛି । ପ୍ରକଳ୍ପର ଗୁଣବତ୍ତା ନେଇ ଗୁରୁତ୍ୱ ପ୍ରଦାନ କରିଥିଲେ ଫାଇଭ ଟି ସଚିବ।

ସେହିପରି ଜୟଦେବ ବିହାର ଓ ପଟିଆ ମଧ୍ୟରେ ଟ୍ରାଫିକ ଜାମ୍ ଦୂର କରିବା ଲାଗି ପୂର୍ତ୍ତ ବିଭାଗ ଦ୍ବାରା ବାମ ସମାନ୍ତରାଳ ପଥ ନିର୍ମାଣ କାର୍ଯ୍ୟ ଜାରି ରହିଛି । ଏହି ରୋଡ ସିଆରପିଏଫ ସ୍କୋୟାରରୁ ଗଣିତ ପ୍ରତିଷ୍ଠାନକୁ ସଂଯୋଗ କରିବ । ୯୨ କୋଟି ଟଙ୍କା ମୂଲ୍ୟରେ ଏହି ୧୩.୬ କିଲୋମିଟର ରାସ୍ତା ନିର୍ମାଣ କରାଯାଉଛି । ସେହିପରି ଜାଭିୟର ସ୍କୋୟାରରୁ ଇନଫୋସିଟି ସ୍କୋୟାରକୁ ସଂଯୋଗ କରୁଥିବା ରାସ୍ତାର ବି ନିର୍ମାଣ ଚାଲିଛି । ଚନ୍ଦ୍ରଶେଖରପୁରରେ ୨୦.୨୧ ଏକର ଜାଗାରେ ନିର୍ମାଣାଧୀନ ରହିଛି ୨୬୦୦ ଘର। ଏହି ପ୍ରକଳ୍ପରେ ସ୍କୁଲ, ସ୍ୱାସ୍ଥ୍ୟ, ସପିଂ ସେଣ୍ଟର, ଖେଳ ପଡିଆ ଆଦି ବ୍ୟବସ୍ଥା ରହିବ। ସେହିପରି ୨୨୧ କୋଟି ଟଙ୍କା ବ୍ୟୟରେ ଇଡକୋ ଦ୍ୱାରା ଇନଫୋସିଟି ନିକଟରେ  ଇନକ୍ୟୁବେସନ ଟାଓ୍ୱାର ନିର୍ମାଣାଧୀନ ରହିଛି । ଆସନ୍ତା ଡିସେମ୍ବର ୩୧ ସୁଦ୍ଧା ଏହି ପ୍ରକଳ୍ପ କାର୍ଯ୍ୟ ଶେଷ ହେବା ଲକ୍ଷ୍ୟ ରହିଛି।

ପାଣ୍ଡିଆନଙ୍କ ସହ ବିଏମସି କମିଶନର ସଞ୍ଜୟ ସିଂହ, ପୂର୍ତ୍ତ ସଚିବ କ୍ରିଷନ କୁମାର ଓ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ଭିନିଲ କ୍ରୀଷ୍ଣା ଉପସ୍ଥିତ ଥିଲେ । ଉନ୍ନତମାନର କାର୍ଯ୍ୟ ଉପରେ ଫାଇଭ-ଟି ସଚିବ ଗୁରୁତ୍ୱ ଦେଇଥିବାବେଳେ ନିର୍ଦ୍ଦିଷ୍ଟ ସମୟସୀମା ସୁଦ୍ଧା ପ୍ରକଳ୍ପ ନିର୍ମାଣ ଶେଷ କରିବାକୁ ସେ ନିର୍ଦ୍ଦେଶ ଦେଇଥିଲେ।

ଇସ୍ରାଏଲ ବିପକ୍ଷ ପ୍ରଥମ ମ୍ୟାଚ୍‌ରେ ପି.ଭି ସିନ୍ଧୁ ବିଜୟୀ

ଟୋକିଓ: ଇସ୍ରାଏଲ ବିପକ୍ଷରେ ପ୍ରଥମ ମ୍ୟାଚ୍‌ରେ ବିଜୟୀ ଭାରତୀୟ ବ୍ୟାଡମିଣ୍ଟନ ତାରକା ପି.ଭି ସିନ୍ଧୁ । ଇସ୍ରାଏଲ ପ୍ରତିପକ୍ଷ କସେନିଆଙ୍କ ବିପକ୍ଷରେ ସେ ୨୧-୭, ୨୧-୧୦ ସେଟ୍‌ରେ ବିଜୟୀ ହୋଇଛନ୍ତି ।  ଅପରପକ୍ଷରେ ମହିଳା ସୁଟର ମନୁ ଭାକେର ଏବଂ ୟଶସ୍ୱିନୀ ସିଂହ ୧୦ ମିଟର ଏୟାର ପିଷ୍ଟଲ ଫାଇନାଲ ପାଇଁ ଯୋଗତ୍ୟା ହାସଲରେ ବିଫଳ ହୋଇଛନ୍ତି । ପିସ୍ତଲ୍‌ରେ ତ୍ରୁଟି ଦେଖା ଦେବାରୁ ଭାକରଙ୍କୁ ୫ ମିନିଟ୍‌ରୁ ଅଧିକ ସମୟ ଅପେକ୍ଷା କରିବାକୁ ପଡ଼ିଥିଲା। ଅନ୍ତିମ ଦୁଇ ରାଉଣ୍ଡ୍‌ରେ ସେ ଭଲ ପ୍ରଦର୍ଶନ କରିଥିଲେ ବି ଶେଷ ସଟ୍‌ରେ ୮ରେ ଅଟକି ଯିବାରୁ ଫାଇନାଲ୍‌ରେ ପ୍ରବେଶ କରିବାରୁ ବଞ୍ଚିତା ହୋଇଥିଲେ।  ଅପରପକ୍ଷରେ ରୋଇଂରେ ଅରବିନ୍ଦ ସିଂହ ଏବଂ ଅର୍ଜୁନ ଜଟ୍ ତୃତୀୟ ସ୍ଥାନ ହାସଲ କରିବା ସହ ସେମିଫାଇନାଲ ପାଇଁ କ୍ୱାଲିଫାଇ କରିଛନ୍ତି ।

ଏଥିସହିତ ପଢ଼ନ୍ତୁ: ଅଲିମ୍ପିକ୍ସ କ୍ରୀଡ଼ା ଗ୍ରାମରେ ଦୂତୀ: ଚିଙ୍ଗୁଡ଼ି ଖାଇଲେ, ସେଲ୍ଫି ନେଲେ