ଟୋକିଓ: ଇସ୍ରାଏଲ ବିପକ୍ଷରେ ପ୍ରଥମ ମ୍ୟାଚ୍ରେ ବିଜୟୀ ଭାରତୀୟ ବ୍ୟାଡମିଣ୍ଟନ ତାରକା ପି.ଭି ସିନ୍ଧୁ । ଇସ୍ରାଏଲ ପ୍ରତିପକ୍ଷ କସେନିଆଙ୍କ ବିପକ୍ଷରେ ସେ ୨୧-୭, ୨୧-୧୦ ସେଟ୍ରେ ବିଜୟୀ ହୋଇଛନ୍ତି । ଅପରପକ୍ଷରେ ମହିଳା ସୁଟର ମନୁ ଭାକେର ଏବଂ ୟଶସ୍ୱିନୀ ସିଂହ ୧୦ ମିଟର ଏୟାର ପିଷ୍ଟଲ ଫାଇନାଲ ପାଇଁ ଯୋଗତ୍ୟା ହାସଲରେ ବିଫଳ ହୋଇଛନ୍ତି । ପିସ୍ତଲ୍ରେ ତ୍ରୁଟି ଦେଖା ଦେବାରୁ ଭାକରଙ୍କୁ ୫ ମିନିଟ୍ରୁ ଅଧିକ ସମୟ ଅପେକ୍ଷା କରିବାକୁ ପଡ଼ିଥିଲା। ଅନ୍ତିମ ଦୁଇ ରାଉଣ୍ଡ୍ରେ ସେ ଭଲ ପ୍ରଦର୍ଶନ କରିଥିଲେ ବି ଶେଷ ସଟ୍ରେ ୮ରେ ଅଟକି ଯିବାରୁ ଫାଇନାଲ୍ରେ ପ୍ରବେଶ କରିବାରୁ ବଞ୍ଚିତା ହୋଇଥିଲେ। ଅପରପକ୍ଷରେ ରୋଇଂରେ ଅରବିନ୍ଦ ସିଂହ ଏବଂ ଅର୍ଜୁନ ଜଟ୍ ତୃତୀୟ ସ୍ଥାନ ହାସଲ କରିବା ସହ ସେମିଫାଇନାଲ ପାଇଁ କ୍ୱାଲିଫାଇ କରିଛନ୍ତି ।
ଡାକ୍ତରଖାନା ସାମ୍ନାରେ ଶବ ରଖି ରାସ୍ତାରୋକ
ବାଲେଶ୍ୱର: ନୀଳଗିରି ମେଡିକାଲ ସାମ୍ନାରେ ମୃତକଙ୍କ ଶବ ରଖି ରାସ୍ତାରୋକ । ଉପଜିଲ୍ଲାପାଳ ଓ ବାଲେଶ୍ୱର ସାଂସଦଙ୍କ ପ୍ରତିଶୃତି ପରେ ରାସ୍ତାରୁ ଉଠିଲା ଶବ । ମୃତ ବ୍ୟକ୍ତି ହେଉଛନ୍ତି ପାଟଣା ଗ୍ରାମର ଭାଗିରଥି ମାଝୀ । ଘଟଣା ଅନୁସାରେ ନୀଳଗିରି ଥାନା ବଡ଼ବିଲ ଗ୍ରାମରେ ଆଉଟ୍ ସୋର୍ସ ଭାବେ କାର୍ଯ୍ୟ କରୁଥିବା ଲାଇନ୍ ମ୍ୟାନ ଭାଗିରଥୀ ମାଝୀ କାର୍ଯ୍ୟ କରୁଥିବା ବେଳେ ବିଦ୍ୟୁତ ଆଘାତରେ ଗୁରୁତର ହୋଇଥିଲେ।
ଏହାପରେ ତାଙ୍କୁ ନୀଳଗିରି ମେଡିକାଲକୁ ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥଲେ। ଯାହାପରେ ଅସ୍ଥାୟୀ ବିଦ୍ୟୁତ କର୍ମଚାରୀଙ୍କ ପ୍ରତି ଅବହେଳା ଅଭିଯୋଗ ଆଣି ଅଧରାତିରେ ମେଡିକାଲ ସାମ୍ନା ରାସ୍ତାରେ ଶବ ରଖି ରାସ୍ତାରୋକ କରିଥିଲେ ଲୋକେ। ପରେ ନୀଳଗିରି ଉପଜିଲ୍ଲାପାଳ ହରିଶ୍ ଚନ୍ଦ୍ର ଜେନା ଏବଂ ବାଲେଶ୍ୱର ସାଂସଦ ପ୍ରତାପ ଷଡଙ୍ଗୀ ପହଞ୍ଚି ବିଦ୍ୟୁତ ଅଧିକାରୀଙ୍କ ସହ ଆଲୋଚନା ସହ ଘରଲୋକଙ୍କୁ ବୁଝାଇବା ପରେ ରାସ୍ତାରୁ ଶବ ଉଠିଥିଲା।
ଅନୁମତି ପରେ ବି ମିଳୁନି ଫାଇଜର ଓ ମଡର୍ଣ୍ଣା ଟିକା
ନୂଆଦିଲ୍ଲୀ: ଜରୁରୀକାଳିନ ଅନୁମତି ପରେ ମଧ୍ୟ ଭାରତରେ ମିଳୁନି ମଡର୍ଣ୍ଣା ଓ ଫାଇଜର ଟିକା । କୋଭିସିଲ୍ଡ, କୋଭାକ୍ସିନ ଓ ସ୍ଫୁଟନିକ୍ ଭି ପରେ ଚତୁର୍ଥ ଟିକା ଭାବେ ମଡର୍ଣ୍ଣାକୁ ଗତ ଜୁନ୍ ୨୧ରେ ଅନୁମତି ଦେଇଥିଲେ ଦେଇଥିଲା ଡିସିଜିଆଇ । କିଛିଦିନ ପରେ ମଡର୍ଣ୍ଣା ଭାରତରେ ଉପଲବ୍ଧ ହେବ ବୋଲି କେନ୍ଦ୍ର ସରକାର ମଧ୍ୟ କହିଥିଲେ । ମାତ୍ର ଅନୁମତି ଦେବାର ମାସେ ପରେ ମଧ୍ୟ ଭାରତରେ ଟିକା ଉପଲବ୍ଧ ହୋଇନାହିଁ । ଦେଶକୁ କେବେ ଏହି ବିଦେଶୀ ଟିକା ଆସିବ ତାହା ମଧ୍ୟ ଅସ୍ପଷ୍ଟ ହୋଇରହିଛି । ଅନ୍ୟପଟେ ଫାଇଜରକୁ ଅନୁମତି ମିଳିଥିଲେ ମଧ୍ୟ ତାହାର ବି ଦେଖା ନାହିଁ । ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁସାରେ ମାସ ବେଳକୁ ଫାଇଜର ଟିକା ମିଳିବାର ସମ୍ଭାବନା ରହିଛି । ଭାରତରେ ବିଦେଶୀ ଟିକା ମିଳୁନଥିବାବେଳେ ପଡୋଶୀ ଦେଶର ନାଗରିକ ଏହି ଟିକା ନେଲେଣି । ପାକିସ୍ତାନ, ବାଂଲାଦେଶ ଓ ଶ୍ରୀଲଙ୍କାରେ ମିଳୁଛି ମଡର୍ଣ୍ଣା ଓ ଫାଇଜର । ଗତ କିଛି ସପ୍ତାହ ମଧ୍ୟରେ ଏଦି ଦେଶ ଗୁଡିକ ଲକ୍ଷଲକ୍ଷ ଡୋଜ୍ ବିଦେଶୀ ଟିକା ଆଣିଛନ୍ତି । ପାକିସ୍ତାନରେ ୧୮ ବର୍ଷକୁ ଅଧିକ ବ୍ୟକ୍ତିଙ୍କୁ ମଡର୍ଣ୍ଣା ଟିକା ଦିଆଯାଉଛି । ବାଂଲାଦେଶରେ ମଧ୍ୟ ମଡର୍ଣ୍ଣା ଦିଆଯାଉଥିବାବେଳେ ଶ୍ରୀଲଙ୍କାରେ ଫାଇଜର ଭ୍ୟାକସିନ୍ ଦିଆଯାଉଛି । ତେବେ ଭାରତରେ ଏପର୍ଯ୍ୟନ୍ତ ଏହି ଟିକା ନମିଳିବା ନେଇ ସରକାରଙ୍କର ଆନ୍ତରିକତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଏଥିସହିତ ପଢ଼ନ୍ତୁ: ସୁପର ଡ୍ୟାନ୍ସରରେ ଶିଳ୍ପାଙ୍କ ସ୍ଥାନରେ କରିସ୍ମା
ବିଜେଡ଼ିରେ ସାମିଲ ହେଲେ ଦୁଇ ଜିଲ୍ଲାପରିଷଦ ସଭ୍ୟ ଓ ବହୁ ବିଜେପି କର୍ମୀ
ଯାଜପୁର: ଧର୍ମଶାଳା ବିଜେଡିରେ ମିଶ୍ରଣ ପର୍ବ । ଜିଲ୍ଲାପରିଷଦ ସଭ୍ୟ ଓ ବିଜେପି କର୍ମୀ ଆଜି ବିଜେଡିରେ ସାମିଲ ହୋଇଛନ୍ତି । ଜାରକା ସ୍ଥିତ କଳ୍ପତରୁ ଦାସ ଷ୍ଟାଡିଅମ ପରିସରରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଛି । ଧର୍ମଶାଳା ନିର୍ବାଚନ ମଣ୍ଡଳୀ ଓ ବରୀ ନିର୍ବାଚନ ମଣ୍ଡଳୀ ର 34ଓ 36 ନମ୍ବର ଜିଲ୍ଲାପରିଷଦ ସଭ୍ୟ ଓ ବହୁ ବିଜେପି କର୍ମୀ ଅନୁଷ୍ଠାନିକ ଭାବେ ରାଜ୍ୟ ବିଜେଡି ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାସ ଙ୍କ ଉପସ୍ଥିତି ରେ ବିଜେଡି ରେ ସାମିଲ ହୋଇଛନ୍ତି ।
ମୁଖ୍ୟମନ୍ତ୍ରୀ ନବାନ ପଟ୍ଟନାୟକଙ୍କ ନୀତି ଆଦର୍ଶ ଓ ଲୋକାଭିମୁଖୀ କାର୍ଯ୍ୟରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ, ବରୀ ବିଧାୟିକା ସୁନନ୍ଦା ଦାସ ଏବଂ ବହୁ ବିଜେଡି କର୍ମକର୍ତ୍ତା ଉପସ୍ଥିତ ରହିଥିଲେ । ଆଗାମୀ ଦିନରେ ବିଜୁ ଜନତା ଦଳକୁ ଆହୁରି ମଜବୁତ କରିବେ ବୋଲି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି ।


