spot_img
Home Blog Page 5515

ସ୍କୁଲ ଖୋଲିବା ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ନିଷ୍ପତ୍ତି ନେବ

ଭୁବନେଶ୍ୱର: ଅଗଷ୍ଟ ପାଇଁ ଲାଗୁ ହୋଇଛି ଗାଇଡଲାଇନ୍ । ସ୍କୁଲ ଖୋଲିବା ପାଇଁ ଗାଇଡଲାଇନ୍ ଜାରି କରିଛନ୍ତି ଏସଆରସି । ସ୍କୁଲ ଖୋଲିବା ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ନିଷ୍ପତ୍ତି ନେଇ ପାରିବ । ଦ୍ବାଦଶ ଓ ଦଶମ ଶ୍ରେଣୀ ପାଇଁ ସ୍କୁଲ ଖୋଲା ସରିଛି । ଆସନ୍ତା ୧୬ ତାରିଖରୁ ନବମ ଶ୍ରେଣୀ ପାଠ ପଢା ଜାରି ରହିବ ବୋଲି କହିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ  ସମୀର ରଞ୍ଜନ ଦାଶ ।

ସେହିପରି ବର୍ତ୍ତମାନ ଏକାଦଶ ନାମଲେଖା ହୋଇନାହିଁ, ତେଣୁ ପ୍ରଥମ ବର୍ଷ ଖୋଲିବା କଥା ଏବେ ନିଷ୍ପତି ହୋଇନାହିଁ  ।  ପ୍ରଥମରୁ ଅଷ୍ଟମ ନେଇ ବିଭାଗ ତର୍ଜମା କରି ନିଷ୍ପତ୍ତି ନେବ । ପିଲାମାନଙ୍କ ଭିତରେ ସ୍କୁଲ ଯିବାକୁ ଆଗ୍ରହ ଅଛି । ତେଣୁ ଏହାକୁ ଦୃଷ୍ଟିରେ ରଖି ବିଦ୍ୟାଳୟ ଓ ଗଣଶିକ୍ଷା ବିଭାଗ ଆଲୋଚନା କରିବ ବୋଲି କହିଛନ୍ତି ମନ୍ତ୍ରୀ ସମୀର ରଞ୍ଜନ ଦାଶ ।

 

ଜାତିସଂଘ ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ୱ ତୁଲାଇବ ଭାରତ

ନୂଆଦିଲ୍ଲୀ: ଅନ୍ତର୍ଜାତୀୟ ସ୍ତରରେ ଭାରତକୁ ବଡ ସଫଳତା । ଆଜିଠାରୁ ଜାତିସଂଘ ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ୱ ତୁଲାଇଛି ଭାରତ । ସାମୁଦ୍ରିକ ନିରାପତ୍ତା, ଶାନ୍ତି ପ୍ରତିଷ୍ଠା ଓ ଆତଙ୍କବାଦର ମୁକାବିଲା କ୍ଷେତ୍ରରେ ଭାରତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ସେପଟେ ଚୀନ, ଆଫଗାନିସ୍ତାନ ଓ ପାକିସ୍ତାନକୁ ଲାଗିଛି ବଡ଼ ଝଟକା । ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ଟି.ଏସ. ତିରୁମୂର୍ତ୍ତି କହିଛନ୍ତି- ନିରାପତ୍ତା ପରିଷଦରେ ଭାରତର ଅଧ୍ୟକ୍ଷତା ଏକ ଗୁରୁତ୍ୱପୂର୍ଣ୍ଣ ଘଟଣା । ଭାରତ ୭୫ତମ ସ୍ୱାଧୀନତା ଦିବସ ପାଳନ କରିବାକୁ ଯାଉଥିବାବେଳେ ନିରାପତ୍ତା ପରିଷଦରେ ଅଧ୍ୟକ୍ଷ ଦାୟିତ୍ୱ ଗ୍ରହଣ କରିବା ଅତ୍ୟନ୍ତ ମହତ୍ୱପୂର୍ଣ୍ଣ । ଶକ୍ତିଶାଳୀ ୧୫ଟି ରାଷ୍ଟ୍ରକୁ ନେଇ ଗଠିତ ଜାତିସଂଘର ଅଧ୍ୟକ୍ଷ ଦାୟିତ୍ୱ ନେବା ପ୍ରଥମ । ତିରୁମୂର୍ତ୍ତି ଏକ ସାମ୍ବାଦିକ ସମ୍ମିଳନୀରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ନିରାପତ୍ତା ପରିଷଦର ଅସ୍ଥାୟୀ ସଦସ୍ୟ ଭାବେ ଭାରତ ଦୁଇ ବର୍ଷ ଲାଗି ମନୋନୀତ ହୋଇଛି । ଗତ ଜାନୁଆରୀ ୧ରୁ ଭାରତ ଏହି ସଦସ୍ୟତା ଲାଭ କରିଛି । ଏକ ଅସ୍ଥାୟୀ ସଦସ୍ୟ ରାଷ୍ଟ୍ର ଭାବେ ଭାରତ ପ୍ରଥମ ଥର ଲାଗି ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ୱ ଗ୍ରହଣ କରିଛି । ଆସନ୍ତାବର୍ଷ ଡିସେମ୍ବରରେ ଭାରତ ପୁଣି ନିରାପତ୍ତା ପରିଷଦର ଅଧ୍ୟକ୍ଷତା ଗ୍ରହଣ କରିବ । ଭାରତ-ଚୀନ ମଧ୍ୟରେ ଚାଲିଥିବା ସୀମା ବିବାଦ, ପାକିସ୍ତାନର ଆତଙ୍କବାଦୀ କାର୍ଯ୍ୟକଳାପ ତଥା ଆଫଗାନିସ୍ତାନରେ ଅସ୍ଥିରତା ପରିପ୍ରେକ୍ଷୀରେ ଭାରତର ଅଧ୍ୟକ୍ଷତା ଗୁରୁତ୍ବପୂର୍ଣ୍ଣ ସାବ୍ୟସ୍ତ ହେଉଛି । ଜାତିସଂଘ ନିରାପତ୍ତା ପରିଷଦରେ ଚୀନ, ଫ୍ରାନସ, ରୁଷ, ବ୍ରିଟେନ ଓ ଆମେରିକା ଅଛନ୍ତି ସ୍ଥାୟୀ ସଦସ୍ୟ । ସେପଟେ ଭାରତ, ଏସ୍ତୋନିଆ, ଆୟାରଲ୍ୟାଣ୍ଡ, କେନିଆ, ମେକ୍ସିକୋ, ନାଇଜର, ନରଓ୍ୱେ, ସେଣ୍ଟ ଭିନସେଣ୍ଟ, ଟ୍ୟୁନିସିଆ, ଭିଏତନାମ ଆଦି ରାଷ୍ଟ୍ର ସମେତ ୧୫ ରାଷ୍ଟ୍ର ଅଛନ୍ତି ଅସ୍ଥାୟୀ ସଦସ୍ୟ ।

ହାର୍ଡକୋର ମାଓବାଦୀ ସୁର୍ଜନର ଆତ୍ମ ସମର୍ପଣ: ୧୩ ବର୍ଷ ବୟସରେ ମାଓବାଦୀଙ୍କ ସଂସ୍ପର୍ଶରେ ଆସିଥିଲେ

ବଲାଙ୍ଗୀର: ମାଓ ଦମନରେ ବଲାଙ୍ଗୀର ପୋଲିସକୁ ବଡ଼ ଧରଣର ସଫଳତା ମିଳିଛି । ମାଓବାଦୀମାନଙ୍କୁ ମୁଖ୍ୟ ସ୍ରୋତରେ ସାମିଲ ହେବାପାଇଁ ରାଜ୍ୟ ସରକାର ଗ୍ରହଣ କରିଥିବା ପଦକ୍ଷେପରେ ପ୍ରଭାବିତ ହୋଇ ଆଜି ଜଣେ କୋରାପୁଟ-କଳାହାଣ୍ଡି-ବଲାଙ୍ଗୀର-ନୂଆପଡା(କେକେବିଏନ) ଡିଭିଜନର ହାର୍ଡକୋର ମାଓବାଦୀ ସୁର୍ଜନ ଓରଫ ଅମିତ ଆଇତୁ କୋରସା ନାମକ ସିପିଆଇ ମାଓବାଦୀ ବଲାଙ୍ଗୀର ଏସପିଙ୍କ ଠାରେ ଆତ୍ମ ସମର୍ପଣ କରିଛନ୍ତି । ଏ ନେଇ ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ଡିଆଇଜି ଡ଼ ଦୀପକ କୁମାର ସୂଚନା ଦେଇଛନ୍ତି । ଆତ୍ମ ସମର୍ପଣ କରିଥିବା ମାଓବାଦୀ ସୁର୍ଜନର ଛତିଶଗଡ଼ର ବିଜାପୁର ଜିଲାର ମନକେଳି ଗାଁରେ । ୧୩ବର୍ଷ ବୟସରୁ ସେ ମାଓ ନେତା ଦିନେଶ ଦ୍ୱାରା ପ୍ରଭାବିତ ହୋଇ ୨୦୧୨ ମସିହାରେ ଯୋଗ ଦେଇଥିଲେ । ତା’ ପୂର୍ବରୁ ସୁର୍ଜନ ଗାଁରେ ବାଳ ସଂଗଠନ ସଦସ୍ୟ ଭାବେ କାର୍ଯ୍ୟ କରୁଥିଲେ । ପିଲା ଦିନରୁ ଦିନେଶ ତାଙ୍କୁ କ୍ରାନ୍ତିକାରୀ ମାଓ ଆଦର୍ଶ ବିଷୟରେ ଶିକ୍ଷା ଦେଇଥିଲା । ମାଓ ନେତା ଦିନେଶ ନିଜେ ୧୦ଦିନ ଧରି ମାଓ ତାଲିମ ଦେଇଥିଲା । ୨୦୧୩ ମସିହାରେ ସୁର୍ଜନକୁ କ୍ୟାଡର ମାଓବାଦୀ ଭାବେ ସୁନାବେଡା ଡିଭିଜନକୁ ପଠାଯାଇଥିଲା ସେଠାରେ ଦୁଇ ମାସ ଯାଏ ରହିଥିଲେ । ସୁର୍ଜନର ସାହାସିକତା ଦେଖି ସେହି ବର୍ଷ ତାକୁ ବିବିଏମ ଡିଭିଜନକୁ ପାଟି ମେମ୍ବର ପଦବୀ ସହ ୧୨ବୋର ରାଇଫଲ ଦେଇ ପଠାଯାଇଥିଲା । ପୁଣି ୨୦୧୬ରେ କେକେବିଏନ ଡିଭିଜନକୁ ସ୍ଥାନାନ୍ତରିତ କରାଯାଇ ହାର୍ଡକୋର ମାଓନେତା ଦାସରୁ ନେତୃତ୍ୱରେ କାର୍ଯ୍ୟ ଆରମ୍ଭ କରିଥିଲା । ୨୦୧୮ରେ ସୁର୍ଜନକୁ କୋଡ଼ଙ୍ଗା ମହାନଦୀ ଏରିଆ କମିଟିରେ ଏ.ସି.ଏମ୍. ପଦବୀ ପାଇଥିଲା । ୧୦ ବର୍ଷ ମାଓ ସଂଗଠନରେ କାର୍ଯ୍ୟ ସମୟରେ ସୁରକ୍ଷା ବାହିନୀ ଉପରେ ଏମ୍. ବୁସ ଆକ୍ରମଣ ସହ ବିଭିନ୍ନ ମାଓ ହିଂସାରେ ସାମିଲ ରହିଛି, ୨୦୧୭ ଗୋଛାପଡ଼ା ଆଇ ଇଡି ବିସ୍ଫୋରଣ ଓ ୨୦୧୯ରେ ଗୁଳି ବିନିମୟରେ ଜଡିତ, ୨୦୧୯ ଫିରିଗିଆ ଥାନା ଅଂଚଳରେ ପୋଲିସ ଇଂନଫର୍ମର ସନ୍ଦେହରେ କୈଳାସ ନାମକ ଜଣେ ବ୍ୟକ୍ତିକୁ ହତ୍ୟା କରିଥିଲା । ୨୦୧୯ ନିର୍ବାଚନ ସମୟରେ ଯାନବାହନ ପୋଡ଼ାଜଳାରେ ସମ୍ପୃକ୍ତି । ୨୦୨୦ ଖାମନଖୋଲରେ ଆଇଇଡି ବିସ୍ଫୋରଣ ଘଟାଇଥିଲା । ୨୦୨୧ ଏପ୍ରିଲ ମାସରେ ଫିରିଙ୍ଗିଆ ଥାନା କୋଡ଼ଙ୍ଗା ଅଂଚଳରେ ସୁରକ୍ଷା ବାହିନୀ ଉପରେ ଗୁଳି ବିନିମୟ କରିଥିଲା ଏବଂ ୭ରୁ ଉର୍ଦ୍ଧ୍ୱ ମାଓହିଂସାରେ ସମ୍ପୃକ୍ତି ରହିଥିଲା ସୁର୍ଜନ । ତେବେ ହିଂସା ଛାଡି ମୁଖ୍ୟ ସ୍ରୋତରେ ସାମିଲ ହେବାକୁ ଚେଷ୍ଟା କରୁଥିଲା କିନ୍ତୁ ହାର୍ଡକୋର ମାଓ ନେତା ମାନେ ତାକୁ ଦଳ ଛାଡିବାକୁ ଅନୁମତି ଦେଉନଥିଲେ ଅନିଚ୍ଛା ସତ୍ତ୍ୱେ ହିଂସା ଘଟାଉଥିଲା ବୋଲି କହିଛି ସୁର୍ଜନ । ରାଜ୍ୟ ସରକାରଙ୍କ ଆହ୍ୱାନରେ ମୁଖ୍ୟ ସ୍ରୋତରେ ସାମିଲ ହେବାପାଇଁ ଅନେକ ମାଓବାଦୀ ଇଛା ପ୍ରକାଶ କରୁଛନ୍ତି ହେଲେ ଭୟରେ ଛାଡିପାରୁନାହାନ୍ତି ବୋଲି କହିଛି । ମହିଳା ମାଓବାଦୀ ମାନେ କ୍ୟାମ୍ପରେ ଅତ୍ୟାଚାରର ଶିକାର ହେଉଛନ୍ତି ସେ ମଧ୍ୟ ଅନେକ ଥର ନିର୍ଯ୍ୟାତନା ପାଇଛି । ମାଓ ସଂଗଠନ ଆଦିବାସୀ ଲୋକଙ୍କ ବିକାଶ ପାଇଁ କିଛି କରୁନାହାନ୍ତି କେବଳ ନିଜ ସ୍ୱାଥ ପାଇଁ କାମ କରୁଥିବାରୁ ସେ ନିରାଶ ହୋଇ ସେନିଜ ଇଚ୍ଛାରେ ଦଳ ଛାଡିଥିବା ନେଇ ମିଡ଼ିଆକୁ ସୂଚନା ଦେଇଛି । ଅତୀତରେ ଅନେକ କ୍ୟାଡର ମାଓବାଦୀ ଦଳ ଛାଡି ଆତ୍ମ ସମର୍ପଣ କରି ଓଡ଼ିଶା ସରକାରଙ୍କ ଦ୍ୱାରା ଅନେକ ସୁବିଧା ସୁଯୋଗ ଯୋଗାଇ ଦିଆଯାଇଛି ତେବେ ସେ ଓଡ଼ିଶାରେ ହିଁ ଆତ୍ମ ସମର୍ପଣ କରିବା ପାଇଁ ଇଚ୍ଛା କରିଥିଲା ଓ ବଲାଙ୍ଗୀର ଏସପିଙ୍କ ନିକଟରେ ଆତ୍ମସମର୍ପଣ କରିଥିଲା ବୋଲି ଆଜି ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ଡିଆଇଜି ଡ଼ ଦୀପକ କୁମାର ସୂଚନା ଦେଇଛନ୍ତି ।

ଏଥିସହିତ ପଢ଼ନ୍ତୁ: ଗିରଫ ପିଏସ୍ ବିରଞ୍ଚିଙ୍କ ପତ୍ନୀ ଓ ଶାଳକଙ୍କ ନାଁରେ ମାମଲା

ଗିରଫ ପିଏସ୍ ବିରଞ୍ଚିଙ୍କ ପତ୍ନୀ ଓ ଶାଳକଙ୍କ ନାଁରେ ମାମଲା

ଭୁବନେଶ୍ୱର: ଓଡ଼ିଶା ଷ୍ଟାଫ୍ ସିଲେକ୍ସନ କମିଶନର କୁବେର ପିଏସ ବିରଞ୍ଚି ନାରାୟଣ ସାହୁ ଗିରଫ ଘଟଣା । ବିରଞ୍ଚିଙ୍କ ପତ୍ନୀ ଓ ଶାଳକଙ୍କ ନାଁରେ ମାମଲା ରୁଜୁ କଲା ଭିଜିଲାନ୍ସ । ଜଣେ ସରକାରୀ ଚାକିରିଆୟାଙ୍କୁ ଟଙ୍କା ନେବା ଓ ରଖିବା ସହଯୋଗ କରିବାରେ ଅଭିଯୋଗରେ ମାମଲା ରୁଜୁ ହୋଇଛି । ବିରଞ୍ଚିଙ୍କ କୋଳଥିଆ ନିକଟରେ ଥିବା ଘରେ ଟଙ୍କା ଡିଲ ନେଇ ଯାଞ୍ଚ କରିବ ଭିଜିଲାନ୍ସ । ଖୁବଶୀଘ୍ର ବିରଞ୍ଚିଙ୍କ ପତ୍ନୀ ଓ ଶାଳକଙ୍କୁ ତଦନ୍ତ ପରିସରଭୁକ୍ତ କରିବ ଭିଜିଲାନ୍ସ । ଆବଶ୍ୟକ ପଡିଲେ ବିରଞ୍ଚିଙ୍କୁ ରିମାଣ୍ଡରେ ଆଣି କରାଯିବ ଅଧିକ ତଦନ୍ତ । ଲାଞ୍ଚ ନେଇ ଏଯାଏଁ କୌଣସି ଆଶାୟୀ ଅଭିଯୋଗ କରିନଥିବା ସୂଚନା ଦେଇଛନ୍ତି ଭିଜିଲାନ୍ସ ଏସପି ଆର. ପ୍ରକାଶ ।

ଏଥିସହିତ ପଢ଼ନ୍ତୁ: ଜାମିନ ନାମଞ୍ଜୁର ପରେ ଝାରପଡ଼ା ଜେଲ ଗଲେ କୋଟିପତି ପିଏସ ବିରଞ୍ଚି ନାରାୟଣ

ପଥର ଭିଙ୍ଗିଲେ ମିଳିବନି ସରକାରୀ ଚାକିରି, ଦିଆଯିବନାହିଁ ପାସପୋର୍ଟ ଭେରିଫିକେସନ କ୍ଲିୟରାନ୍ସ

ନୂଆଦିଲ୍ଲୀ: ଦେଶଦ୍ରୋହୀଙ୍କୁ ତ୍ରାହୀ ନାହିଁ । ମିଳିବନି ସରକାରୀ ଚାକିରି, ପାସପୋର୍ଟ ଭେରିଫିକେସନ କ୍ଲିୟରାନ୍ସ ବି ଦିଆଯିବନି । ଜାମ୍ମୁ-କାଶ୍ମୀରରେ ଯୁବଗୋଷ୍ଠୀ ପଥର ଫିଙ୍ଗା ଓ ଅନ୍ୟାନ୍ୟ ଆଇନ ଶୃଙ୍ଖଳା ସଂକ୍ରାନ୍ତ କାର୍ଯ୍ୟକଳାପରୁ ନିବୃତ୍ତ ରହିବା ପାଇଁ କଡ଼ା ସର୍କୁଲାର ଜାରି କରିଛି ସିଆଇଡି । ଜାମ୍ମୁ-କାଶ୍ମୀରରେ ଦେଶଦ୍ରୋହ କାର୍ଯ୍ୟକଳାପ , ପଥର ଫିଙ୍ଗୁଥିବା ଲୋକଙ୍କ ବିରୋଧରେ ଶକ୍ତ ହେଲା ଆଇନ ।

ସିଆଇଡି ସ୍ପେଶାଲ ବ୍ରାଞ୍ଚ ପକ୍ଷରୁ ଏ ନେଇ ସବୁ ୟୁନିଟକୁ ନିର୍ଦ୍ଦେଶ ଦିଆଯାଇଛି । କୌଣସି ଆଇନ ଶୃଙ୍ଖଳା ଭାଙ୍ଗିବା କାର୍ଯ୍ୟରେ ସମ୍ପୃକ୍ତି ଥିଲେ ସରକାରୀ ଚାକିରି ନ ମିଳିବା ସହ ପାସପୋର୍ଟ ଭେରିଫିକେସନ ବେଳେ କ୍ଲିୟରାନ୍ସ ନଦେବାକୁ ସର୍କୁଲାର ଜାରି କରାଯାଇଛି । ଏଭଳି କାର୍ଯ୍ୟରେ ନିୟୋଜିତ ଥିବା ଲୋକଙ୍କ ସମ୍ପର୍କରେ ତଥ୍ୟ ସଂଗ୍ରହ ପାଇଁ ନିକଟସ୍ଥ ପୋଲିସ ଷ୍ଟେସନ ଡାଏରୀ ଚେକ୍ କରାଯିବ । ଭେରିଫିକେସନ ବେଳେ ସମସ୍ତ ଡିଜିଟାଲ୍ ପ୍ରମାଣ ଏବଂ ପୋଲିସ୍ ରେକର୍ଡକୁ ବିଚାରକୁ ନିଆଯିବ ବୋଲି ସର୍କୁଲାର ଜାରି କରାଯାଇଛି ।

ଡେଲଟା ଭ୍ୟାରିଆଣ୍ଟକୁ ନେଇ ଆମେରିକାରେ ସ୍ଥିତି ସଙ୍ଗୀନ, ଜୁନ୍‌ ଅପେକ୍ଷା ୧୦ଗୁଣା ବଢ଼ିଛି ସଂକ୍ରମଣ

ନୂଆଦିଲ୍ଲୀ: ବଢୁଛି ଡେଲଟାକୁ ନେଇ ଭୟ । ଅଧିକ ସଂକ୍ରମକ ଡେଲଟା ଭ୍ୟାରିଆଣ୍ଟ ପାଇଁ ଆମେରିକାରେ ଭୟଙ୍କର ସ୍ଥିତି । ମୂଳ ଭୂତାଣୁ ଅପେକ୍ଷା ଏହା ଅଧିକ ମାରାତ୍ମକ ହୋଇଥିବା ବେଳେ ଟିକା ନେଇସାରିଥିବା ଲୋକମାନଙ୍କୁ ମଧ୍ୟ ଏହା କ୍ଷତି ପହଞ୍ଚାଉଥିବା ଦେଖାଯାଉଛି । ଯାହାକୁ ନେଇ ଆମେରିକୀୟଙ୍କୁ ସତର୍କ କରାଇଛି ସେଣ୍ଟର ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭନସନ ବା ସିଡିସି ପକ୍ଷରୁ କୁହାଯାଇଛି । ଏବେ ଆମେରିକା ଦୈନିକ ସଂକ୍ରମିତଙ୍କ ସଂଖ୍ୟା ଲକ୍ଷେ ଉପରେ ରହୁଛି । ସମସ୍ତ ସଂକ୍ରମିତ ଡେଲଟା ଭ୍ୟାରିଆଣ୍ଟରେ ଆକ୍ରାନ୍ତ । ସ୍ଥିତି ବିଗୁଡ଼ୁଥିବା ବେଳେ ଏଥିରେ ନିୟନ୍ତ୍ରଣ ପାଇଁ ପୁଣି କଟକଣା ବଢ଼ାଇଛନ୍ତି ଆମେରିକା ସରକାର । ସାରାଦେଶରେ ମାସ୍କ ବ୍ୟବହାର ବାଧ୍ୟତାମୂଳକ କରାଯାଇଛି । ଏହାସହ ସମସ୍ତ ସ୍ବାସ୍ଥ୍ୟକର୍ମୀଙ୍କ ଟିକାକରଣ ଉପରେ ଗୁରୁତ୍ବ ଦେଇଛି ସିଡିସି ।

ଆମେରିକାରେ ହସ୍ପିଟାଲରେ ଭର୍ତ୍ତି ଥିବା ରୋଗୀଙ୍କ ମଧ୍ୟରୁ ପ୍ରାୟ ୯୭ ପ୍ରତିଶତ ଟିକା ନେଇନାହାନ୍ତି। ଡେଲଟା ଯୋଗୁ ଆମେରିକାରେ ବଢୁଛି ଦୈନିକ ସଂକ୍ରମଣ ମାମଲା । ଜୁନ୍ ଅପେକ୍ଷା ଜୁଲାଇରେ ସଂକ୍ରମିତଙ୍କ ସଂଖ୍ୟା ୧୦ଗୁଣା ବଢ଼ିଛି । ଦିନକୁ ପାଖାପାଖି ୧ଲକ୍ଷ ସଂକ୍ରମିତ ଚିହ୍ନଟ ହେଉଥିବା ବେଳେ ମୋଟ ସଂକ୍ରମିତଙ୍କ ସଂଖ୍ୟା ୩କୋଟି ୫୭ଲକ୍ଷ ୪୫ହଜାର ୨୪ ପାର କରିଛି । ଆମେରିକା ସହ ବ୍ରିଟେନ୍‌ ବି ଡେଲ୍‌ଟା ଭ୍ୟାରିଆଣ୍ଟକୁ ନେଇ ଚିନ୍ତା ବଢ଼ିଛି । ବ୍ରିଟେନର ଦୈନିକ ଆକ୍ରାନ୍ତଙ୍କ ମଧ୍ୟରୁ ୯୯ ପ୍ରତିଶତ ଡେଲଟା ଭ୍ୟାରିଆଣ୍ଟରେ ସଂକ୍ରମିତ ହେଉଛନ୍ତି । ଫିଲିପାଇନ୍ସରେ ଡେଲଟା ଡରରେ ୨ସପ୍ତାହ ବଢ଼ାଯାଇଛି ଲକ୍‌ଡାଉନ ଅବଧି । ସେପଟେ ଜାପାନରେ ବି ବଢୁଛି ଡେଲଟା ସଂକ୍ରମିତଙ୍କ ସଂଖ୍ୟା ।

ଚୀନରେ ବି ଡେଲଟାକୁ ନେଇ ହାଇଆଲର୍ଟ । ଖୁବଶୀଘ୍ର ବ୍ୟାପୁଥିବା ଏହି ଭାରିଆଣ୍ଟ ଲକ୍ଷଣ ହୀନ ହୋଇଥିବାରୁ ବିଶେଷଜ୍ଞ ଚିନ୍ତା ବ୍ୟକ୍ତ କରିଛନ୍ତି । ଚୀନରେ ଗୋଟିଏ ଦିନରେ ପାଖାପଖି ୭୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହାକୁ ଦୃଷ୍ଟିରେ ରଖି ଆନ୍ତର୍ଜାତୀୟ ବିମାନ ସେବାକୁ ବାତିଲ କରିଦିଆଯାଇଛି ।

ଖୋଲିବ ପେଗାସସ୍‌ ପେଡି, ଆସନ୍ତା ଗୁରୁବାର ଜାସୁସୀ ମାମଲାର ଶୁଣାଣି କରିବେ ସୁପ୍ରିମକୋର୍ଟ

ନୂଆଦିଲ୍ଲୀ: ଖୋଲିବ ପେଗାସସ୍‌ ପେଡି । ଜାସୁସୀ ମାମଲାର ଶୁଣାଣି କରିବେ ସୁପ୍ରିମକୋର୍ଟ । ଆସନ୍ତା ଗୁରବାର ମାମଲାର ଶୁଣାଣି କରିବା ପାଇଁ ନିଷ୍ପତ୍ତି ନେଇଛନ୍ତି ସର୍ବୋଚ୍ଚ ଅଦାଲତ । ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ମାମଲାର ଶୁଣାଣି କରିବେ । ପେଗାସସ୍ ମାମଲାର SIT ଯାଞ୍ଚ କରିବାକୁ ବରିଷ୍ଠ ସାମ୍ବାଦିକ ଏନ୍ ରାମ ଓ ଶଶି କୁମାର ସୁପ୍ରିମକୋର୍ଟରେ ଆବେଦନ କରିଥିଲେ । ଏହାଛଡ଼ା ବହୁ ଖ୍ୟାତନାମା ଲେଖକ, ଆଇନଜୀବୀ, ଏକାଡେମିକ୍ କାର୍ଯ୍ୟକର୍ତ୍ତାଙ୍କ ସମେତ ୫୦୦ରୁ ଅଧିକ ବ୍ୟକ୍ତି ଏ ନେଇ CJI ଙ୍କୁ ଚିଠିଲେଖି ହସ୍ତକ୍ଷେପ କରିବାକୁ ଦାବି କରିଛନ୍ତି । ସାମାଜିକ କର୍ମୀ ଅରୁଣ ରୟ, ଅଞ୍ଜଳି ଭରଦ୍ବାଜ, କବିତା କ୍ରୀଷ୍ଣନ, ଆଇନଜୀବୀ ବ୍ରିନ୍ଦା ଗ୍ରୋବର ପ୍ରମୁଖ ସିଜେଆଇଙ୍କୁ ଚିଠି ଲେଖିଥିଲେ ।

ତେବେ ପେଗାସସ୍ ସ୍ପାଏୱେର କେହି ଭାରତୀୟ କିଣିଛନ୍ତି କି ନାହିଁ? ଯଦି କିଣିଛନ୍ତି କେତେ ଟଙ୍କାରେ କିଣାଯାଇଛି ? ଏହି ସ୍ପାଏୱେରକୁ ଭାରତରେ କିପରି ଫୋନ୍ ହ୍ୟାକିଂରେ ବ୍ୟବହାର କରାଯାଇଥିଲା ? ସାମ୍ବାଦିକ, ରାଜନେତା, ଆଇନଜୀବୀ ଏପରିକି ସୁପ୍ରିମକୋର୍ଟ ବିଚାରପତିଙ୍କ ଫୋନ୍ ହ୍ୟାକିଂ କରାଯାଇଥିଲା କି ? ଏ ସବୁର ଯାଞ୍ଚ ନିର୍ଦ୍ଦେଶ ଦେବା ସହ ସରକାରଙ୍କୁ ଏହାର ଉତ୍ତର ମାଗିବାକୁ ଚିଠି ଲେଖାଯାଇଥିଲା । ଯାହାର ଶୁଣାଣି ଆସନ୍ତା ଗୁରୁବାର ହେବ । ଏହାକୁ ନେଇ ସୁପ୍ରିମକୋର୍ଟ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇପାରନ୍ତି ।

ବ୍ୟାସକବିଙ୍କ ହାତଲେଖା ପାଣ୍ଡୁଲିପିଗୁଡ଼ିକର ପ୍ରକାଶନକୁ ଅଣନାତୁଣୀଙ୍କ ବିରୋଧ

କଟକ: ବ୍ୟାସକବି ଫକୀରମୋହନ ସେନାପତିଙ୍କ ଆତ୍ମଜୀବନୀ ପ୍ରକାଶକୁ ନେଇ ବିବାଦ । ଫକୀରମୋହନଙ୍କ ହାତଲେଖା ପାଣ୍ଡୁଲିପି ଗୁଡ଼ିକୁ ପ୍ରକାଶ କରିବା ଦିଗରେ ଉଦ୍ୟମ ଚାଲିଥିବାବେଳେ ଏବେ ନୂଆ ବିବାଦ ମୁଣ୍ଡ ଟେକିଛି । ଏହାକୁ ବିରୋଧ କରିଛନ୍ତି ଫକୀରମୋହନଙ୍କ ଅଣନାତୁଣୀ ମୀନାକ୍ଷୀ ଦତ୍ତ । ପାଣ୍ଡୁଲିପିଗୁଡ଼ିକ ସର୍ବସାଧାରଣଙ୍କ ପାଇଁ ଉପଲବ୍ଧ ନକରାଇବାକୁ ସେ ଦାବି କରିଛନ୍ତି । ଭାଷାବିତ୍ ଦେବୀପ୍ରସନ୍ନ ପଟ୍ଟନାୟକ ଓ ରାଷ୍ଟ୍ରୀୟ ଅଭିଲେଖାଗାର ସହ ନିର୍ଦ୍ଦେଶକ ଲଲାଟେନ୍ଦୁ ଦାସମହାପାତ୍ରଙ୍କ ନାଁରେ କୋର୍ଟରେ ମାମଲା ରୁଜୁ କରିଛନ୍ତି । ବ୍ୟାସକବିଙ୍କ ପାଣ୍ଡୁଲିପି କାହାର ବ୍ୟକ୍ତିଗତ ସମ୍ପତ୍ତି ନୁହେଁ, ଏହା ସର୍ବସାଧାରଣଙ୍କ ସମ୍ପତ୍ତି ବୋଲି ମତ ପ୍ରକାଶ ପାଇଛି । ବ୍ୟାସକବିଙ୍କ ୧୪୦ ବର୍ଷ ତଳର କିଛି ପାଣ୍ଡୁଲିପି ତାଙ୍କ ଅଣନାତୁଣୀ ମୀନାକ୍ଷୀଙ୍କ ନିକଟରେ ରହିଛି । ଏହାର ଅଧିକାଂଶ ଭାଗ ନଷ୍ଟ ହୋଇଗଲାଣି । ଦୀର୍ଘଦିନ ଧରି ଏହା ଉଦ୍ଧାର ଲାଗି ଚେଷ୍ଟା ହେଉଥିଲେ ବି ସମ୍ଭବ ହୋଇପାରିନାହିଁ । ପଦ୍ମଶ୍ରୀ ଦେବୀପ୍ରସନ୍ନ ପଟ୍ଟନାୟକଙ୍କ ଜରିଆରେ ସେସବୁର ଡିଜିଟାଲ ସଂରକ୍ଷଣ ପାଇଁ ଆଗ୍ରହ ପ୍ରକାଶ କରିଥିଲେ ମୀନାକ୍ଷୀ । ପ୍ରାୟ ୫ ହଜାର ପୃଷ୍ଠାର ଡିଜିଟାଲ୍ ଫାଇଲ୍ ପ୍ରସ୍ତୁତ ହୋଇସାରିଥିଲା। ମାତ୍ର ଏହାକୁ ୱେବସାଇଟ୍‌ରେ ସର୍ବସାଧାରଣଙ୍କ ନିମନ୍ତେ ଉପଲବ୍ଧ କରାଇବା ପାଇଁ ମୀନାକ୍ଷୀ ଅନୁମତି ଦେବାକୁ ମନା କରିଦେଇଛନ୍ତି । ତେବେ ଫକୀରମୋହନଙ୍କ ପ୍ରକାଶିତ ଜୀବନୀଠାରୁ ଏସବୁ ଅଲଗା ବୋଲି ଜଣାପଡିଛି । ଫକୀରମୋହନଙ୍କ ମୂଳଲେଖାକୁ ବଦଳାଇ ତାଙ୍କ ପୁଅ ଜୀବନୀ ପ୍ରକାଶ କରିଥିଲେ । ବାସ୍ତବ କଥା ଲୋକଲୋଚନକୁ ଆସିବା ଲାଗି ଉଦ୍ୟମ ହେଉଥିବାବେଳେ ଅଣନାତୁଣୀଙ୍କ ମାନସିକତା ଯୋଗୁ ଏହା ପ୍ରକାଶ ପାଇବାରୁ ବଞ୍ଚିତ ହୋଇଛି । ଆଇନ ଅନୁଯାୟୀ ଫକୀରମୋହନଙ୍କ ପାଣ୍ଡୁଲିପିର କପିରାଇଟ୍‌ ଅବଧି ଶେଷ ହୋଇସାରିଛି। ବ୍ୟକ୍ତିଗତ ମାଲିକାନା ଦାବି ଯୋଗୁ ବ୍ୟାସକବିଙ୍କ ଅପୂର୍ଣ୍ଣ ଆଶା ପୂରଣ ହେବା ନେଇ ପ୍ରଶ୍ନ ସୃଷ୍ଟି ହୋଇଛି ।

ଏଥିସହିତ ପଢ଼ନ୍ତୁ: କେନ୍ଦ୍ରାପଡ଼ା ରସାବଳିକୁ ଜି.ଆଇ ଟ୍ୟାଗ୍ ମାନ୍ୟତା ନେଇ କେନ୍ଦ୍ରମନ୍ତ୍ରୀଙ୍କ ନିକଟରେ ଦାବି ଜଣାଇଲେ ବିଜେଡି ସାଂସଦ

କେନ୍ଦ୍ରାପଡ଼ା ରସାବଳିକୁ ଜି.ଆଇ ଟ୍ୟାଗ୍ ମାନ୍ୟତା ନେଇ କେନ୍ଦ୍ରମନ୍ତ୍ରୀଙ୍କ ନିକଟରେ ଦାବି ଜଣାଇଲେ ବିଜେଡି ସାଂସଦ

କେନ୍ଦ୍ରାପଡ଼ାର ରସାବଳିକୁ ଜି.ଆଇ ଟ୍ୟାଗ୍ ମାନ୍ୟତା ଦାବି । କେନ୍ଦ୍ରମନ୍ତ୍ରୀ ପୀୟୁଷ ଗୋଏଲଙ୍କ ନିକଟରେ ଦାବି ଜଣାଇଲେ ୩ ବିଜେଡି ସାସଂଦ । ବିଜେଡି ସାଂସଦ ସୁବାସ ସିଂହଙ୍କ ନେତୃତ୍ୱରେ ସାଂସଦ ମୁନ୍ନା ଖାନ୍ ଓ ସାଂସଦ ମମତା ମହନ୍ତ କେନ୍ଦ୍ରମନ୍ତ୍ରୀଙ୍କୁ ଏନେଇ ଏକ ସ୍ମାରକ ପତ୍ର ପ୍ରଦାନ କରିଛନ୍ତି ।

       ଇତିହାସ ଅନୁଯାୟୀ ଗଙ୍ଗରାଜତ୍ୱ ସମୟରୁ ଅର୍ଥାତ ୪ଶହ ବର୍ଷ ପୂର୍ବରୁ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା, ବଳଦେବଜୀଙ୍କ ମୁଖ୍ୟ ପ୍ରସାଦ ଭାବେ ଜଣାଶୁଣା  । ସୁସ୍ୱାଦୁ ମିଷ୍ଟାର୍ଣ୍ଣ ରସାବଳିକୁ କେନ୍ଦ୍ରାପଡ଼ା ବାସୀ ବିକ୍ରୟ କରି ନିଜର ଗୁଜୁରାଣ ମେଣ୍ଟାନ୍ତି । ଏପରିକି ଏହି ରସାବଳି ଦେଶ, ବିଦେଶକୁ ବ୍ୟାପିଥିଲେ ମଧ୍ୟ ଆଜି ପର୍ଯ୍ୟନ୍ତ ଏହାର ଜି.ଆଇ ଟ୍ୟାଗ୍ ହୋଇପାରିନାହିଁ । ଦେଶ ଓ ରାଜ୍ୟର  ପ୍ରମୁଖ ପ୍ରଦର୍ଶନୀ ଓ  ଓଡ଼ିଶା ପ୍ରସିଦ୍ଧ ବାଲିଯାତ୍ରାରେ ରସାବଳି ପ୍ରଦର୍ଶିତ ଆଦୃତ ହୋଇପାରିଛି ଦିଲ୍ଲୀ ଟୁ ଓଡ଼ିଶା ପୁର ପଲ୍ଳୀ ପର୍ଯ୍ୟନ୍ତ ବିଭିନ୍ନ ଜାନି ଯାତ୍ରା, ମେଳା ଓ ପ୍ରଦର୍ଶନୀମାନଙ୍କରେ ରସାବଳି ପ୍ରଦର୍ଶି ହୋଇ ଆଦୃତ ହୋଇପାରିଛି । କେନ୍ଦ୍ରାପଡ଼ା ରସାବଳିକୁ ଜିଆଇ ଟ୍ୟାଗ୍ ମିଳିପାରିଲେ, ଏହା ଅନ୍ତର୍ଜାତୀୟସ୍ତରରେ ସ୍ୱୀକୃତି ପାଇପାରିବା ସହ ଦେଶ ବିଦେଶରେ ମଧ୍ୟ ଆଦୃତ ହୋଇପାରିବ । ଫଳରେ ଜାତୀୟ ଓ ଅନ୍ତର୍ଜାତୀୟ ପର୍ଯ୍ୟଟକମାନେ ତୁଳସୀ କ୍ଷେତ୍ର ପ୍ରତି ଆକର୍ଷିତ ହେବେ ଓ ବିଶ୍ୱର ସବୁଠାରୁ ଆକର୍ଷିତ ସ୍ଥାନ ଭିତର କନିକା ଜୈବ ବିଭିଦତା, ୧୮୦ ବର୍ଷ ପୁରୁଣା ବ୍ରିଟିଶ ସମୟର ହୁକିଟୁଲା ବତୀଘର ଓ ବଙ୍ଗୋପସାଗର ବିସ୍ତିର୍ଣ୍ଣ ଜଳରାଶି ଆଧି ପର୍ଯ୍ୟଟକମାନଙ୍କୁ କେନ୍ଦ୍ରାପଡ଼ା ତୁଳସୀ କ୍ଷେତ୍ରକୁ ଆକର୍ଷଣ କରିବାରେ ଏକ ବଡ଼ ଭୂମିକା ନେବାରେ ସହାୟକ ହେବ  ।

ମହଙ୍ଗା ହେଲା ଏଟିଏମ୍ ଦେୟ: ଜାଣନ୍ତୁ କେଉଁ କାରବାର ପାଇଁ କେତେ ଦେୟ ଦେବାକୁ ପଡ଼ିବ

ଆଜିଠାରୁ ଏଟିଏମ ଦେୟ ହେଲା ମହଙ୍ଗା । ଏଟିଏମ କାରବାର ଲାଗି ଦେୟ ପରିମାଣ ବୃଦ୍ଧି ସକାଶେ ପଦକ୍ଷେପ ନେଇଛନ୍ତି ବ୍ୟାଙ୍କ । ଏଟିଏମ କାରବାର ଦେୟ ବୃଦ୍ଧି କରିବା ଲାଗି ରିଜର୍ଭ ବ୍ୟାଙ୍କ ନିର୍ଦ୍ଦେଶ ଦେବା ପରେ ଏହା କାର୍ଯ୍ୟକାରୀ ହୋଇଛି । ଆର୍ଥିକ କାରବାର ଲାଗି ଆନ୍ତଃବିନିମୟ ଫି ୧୫ଟଙ୍କାରୁ ୧୭ଟଙ୍କାକୁ ବୃଦ୍ଧି କରାଯାଇଛି । ସେହିପରି ଅଣଆର୍ଥିକ କାରବାର ସକାଶେ ଦେୟ ପରିମାଣ ୫ ଟଙ୍କାରୁ ୬ ଟଙ୍କାକୁ ବୃଦ୍ଧି କରାଯାଇଛି । ଏଟିଏମ ପ୍ରତିଷ୍ଠା, ଏହାର ରକ୍ଷଣାବେକ୍ଷଣ ଖର୍ଚ୍ଚ ବୃଦ୍ଧି ଦୃଷ୍ଟିରୁ ଆରବିଆଇ ଏହି ପଦକ୍ଷେପ ନେଇଛି । ଏହି ନୂଆ ନିୟମ ମଧ୍ୟ ମ୍ୟୁଚୁଆଲ ଫଣ୍ଡ କ୍ଷେତ୍ରରେ କାର୍ଯ୍ୟକାରୀ ହେବ । ଏକ କ୍ରେଡିଟ କାର୍ଡ ବା ଡେବିଟ କାର୍ଡ ବ୍ୟବହାର କ୍ଷେତ୍ରରେ ଏହି ଆନ୍ତଃବିନିମୟ ଦେୟ ଧାର୍ଯ୍ୟ ହେବ । ଏଟିଏମ ଦେୟ ବୃଦ୍ଧି ନେଇ ଗତ ଜୁନ ୨୦୧୯ରେ ଆରବିଆଇ ଏକ କମିଟି ଗଠନ କରିଥିଲେ । ଗତ ୨୦୧୨ ପରଠାରୁ ଏଟିଏମ କାରବାର ଦେୟ ବଢି ନଥିଲା । ନିଜ ବ୍ୟାଙ୍କରେ ଗ୍ରାହକମାନେ ୫ଟି ମାଗଣା ଏଟିଏମ କାରବାର କରିପାରିବେ । ଏହା ପରେ ସେମାନେ ପ୍ରତି କାରବାର ପିଛା ୨୦ ଟଙ୍କା ଦେବେ । ମେଟ୍ରୋ ସିଟିରେ ୩ଟି ମାଗଣା କାରବାର ଲାଗି ବ୍ୟବସ୍ଥା ରହିବ ।

ଏଥିସହିତ ପଢ଼ନ୍ତୁ: ରାଜନୀତିକୁ କେମିତି ଆସିଥିଲେ ବାବୁଲ ସୁପ୍ରିୟୋ?