spot_img
Home Blog Page 5384

ଆଫଗାନିସ୍ତାନ ବିଶ୍ୱବିଦ୍ୟାଳୟରେ ଆରମ୍ଭ ହେଲା ପାଠପଢା, ଲାଗୁହେଲା ନୂଆ ନିୟମ

କାବୁଲ: ବିଚିତ୍ର ନିୟମରେ ଆଫଗାନିସ୍ତାନ ବିଶ୍ୱବିଦ୍ୟାଳୟରେ ଆରମ୍ଭ ହେଲା ପାଠପଢା। କିନ୍ତୁ ତାଲିବାନଙ୍କ ଭୟରେ ବିଶ୍ୱବିଦ୍ୟାଳୟ ସହ ଅନ୍ୟ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀଙ୍କ କମ ଉପସ୍ଥାନ ଦେଖିବାକୁ ମିଳିଛି। ଅଧ୍ୟାପକ ଓ ଶିକ୍ଷକଙ୍କ ମଧ୍ୟ ଉପସ୍ଥାନ ହ୍ରାସ ପାଇଛି। ଅନ୍ୟପଟେ ଛାତ୍ର ଓ ଛାତ୍ରୀ ଅଲଗା ବସିବା ସହ ସେମାନଙ୍କ ମଧ୍ୟରେ ଟଣାଯାଇଛି ପରଦା। କାବୁଲର ଏଭିସେନ୍ନା ବିଶ୍ୱବିଦ୍ୟାଳୟରେ ଶିକ୍ଷାଦାନ ଆରମ୍ଭ ହୋଇଥିବାବେଳେ ଏହି ନୂଆ ନିୟମକୁ ନେଇ ଭ୍ରକୁଞ୍ଚନ ସୃଷ୍ଟି ହୋଇଛି।

ଦେଶରେ ତାଲିବାନରାଜ୍ ଆରମ୍ଭ ହେବା ପରେ ପ୍ରଥମ ଥର ଲାଗି ଏହି ବିଶ୍ୱବିଦ୍ୟାଳୟ ଖୋଲିଛି। ତାଲିବାନୀରାଜ୍ ଭିତରେ ଦେଶରେ ଶିକ୍ଷାଦାନ କିପରି ଚାଲିଛି ସେନେଇ ବିଶ୍ୱର ଦୃଷ୍ଟି ରହିଥିବାବେଳେ ବିଶ୍ୱବିଦ୍ୟାଳୟରେ ଏପରି ବ୍ୟବସ୍ଥାକୁ ନେଇ ପ୍ରଶ୍ନ ଉଠିଛି। ୨୦ ବର୍ଷ ତଳେ ଆଫଗାନିସ୍ତାନରେ ଯେପରି ଅବସ୍ଥା ଥିଲା ବର୍ତ୍ତମାନ ସେହି ଅବସ୍ଥା ରହିଛି ବୋଲି ଛାତ୍ରଛାତ୍ରୀ କହିଛନ୍ତି। ଛାତ୍ରୀମାନଙ୍କ ମୁଣ୍ଡ ଘୋଡାଇ ରହିଥିବାବେଳେ କେବଳ ମୁହଁ ବ୍ୟତୀତ ଶରୀର ଯେପରି ସମ୍ପୂର୍ଣ୍ଣ ଆବୃତ ରହିବ ସେହି ପୋଷାକ ପିନ୍ଧୁଛନ୍ତି।

ହେରାଟ ବିଶ୍ୱବିଦ୍ୟାଳୟର ଜଣେ ପ୍ରଫେସର କହିଛନ୍ତି- ସେ ପ୍ରଥମେ ଛାତ୍ରୀମାନଙ୍କୁ ଓ ପରେ ଛାତ୍ରମାନଙ୍କୁ ପଢାଇବେ। ଦେଶର ଅଧିକାଂଶ ସ୍କୁଲ, କଲେଜ, ବିଶ୍ୱବିଦ୍ୟାଳୟ ବନ୍ଦ ରହିଥିବାବେଳେ ତାଲିବାନୀ ନିୟମ ଯୋଗୁ ଶିକ୍ଷା ବ୍ୟବସ୍ଥାରେ ଅନ୍ଧାର ଯୁଗ ଆସିବା ଅବଶ୍ୟମ୍ଭାବୀ ହୋଇଛି। କିନ୍ତୁ ତାଲିବାନ ପକ୍ଷରୁ କୁହାଯାଇଛି ପୂର୍ବାପେକ୍ଷା ଏଥର ଶାସନରେ କୋହଳ ନୀତି କରାଯିବ।

୨ଟି ଗାଁ ପାଇଁ ଶିମିଳିପାଳକୁ ମିଳୁନି ପୂର୍ଣ୍ଣାଙ୍ଗ ଜାତୀୟ ଉଦ୍ୟାନ ମାନ୍ୟତା

ଭୁବନେଶ୍ୱର: ଶିମିଳିପାଳ ଅଭୟାରଣ୍ୟକୁ ଜାତୀୟ ଉଦ୍ୟାନ ମାନ୍ୟତା ନେଇ ବିଧାୟକ ଗଣେଶ ରାମ୍ ସିଂ ଖୁଣ୍ଟିଆଙ୍କ ପ୍ରଶ୍ନର ଉତ୍ତର ରଖିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ । ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ବିକ୍ରମ କେଶରୀ ଆରୁଖ କହିଛନ୍ତି, ୧୯୮୬ ଜୁନ୍ ୧୧ ଅନୁସାରେ ଶିମିଳିପାଳ ଅଭୟାରଣ୍ୟର ମୋଟ ଏରିଆ (୨୩୦୬.୬୧ ବର୍ଗ କି.ମି.) ମଧ୍ୟରୁ ୮୪୫.୭୦ କି.ମି. ଅଞ୍ଚଳକୁ ପ୍ରସ୍ତାବିତ ଜାତୀୟ ଉଦ୍ୟାନ ଭାବେ ଘୋଷଣା କରିଛନ୍ତି । କିନ୍ତୁ ଦୀର୍ଘ ୩୫ ବର୍ଷ ପରେ ବି ଶିମିଳିପାଳକୁ ପୂର୍ଣ୍ଣାଙ୍ଗ ଜାତୀୟ ଉଦ୍ୟାନର ମାନ୍ୟତା ମିଳିପାରି ନାହିଁ ।

Here Why Similipal Tiger Reserve Not Declared As A National Park

ଏହାର ମୂଳ କାରଣ, ପ୍ରସ୍ତାବିତ ଏଞ୍ଚଳ ଏଯାଏଁ ଜନବସତି ଶୂନ୍ୟ ହୋଇପାରିନାହିଁ । କୌଣସି ସ୍ଥାନ ବା ଅଭୟାରଣ୍ୟକୁ ଜାତୀୟ ଉଦ୍ୟାନ ଭାବେ ଘୋଷଣା କରିବା ପାଇଁ ଉକ୍ତ ଅଞ୍ଚଳ ସମ୍ପୂର୍ଣ୍ଣ ଜନବସତି ଓ ଗୃହପାଳିତ ପଶୁ ଶୂନ୍ୟ ତଥା ସେମାନଙ୍କ ବିଚରଣ ମୁକ୍ତ ହେବା ଆବଶ୍ୟକ । ପ୍ରସ୍ତାବିତ ଅଞ୍ଚଳରେ ଗାଁ ଓ ଜନବସତି ରହିଥିବାରୁ ଧାର୍ଯ୍ୟ ମାନଦଣ୍ଡ ପୂରଣ କରୁନାହିଁ । ଶିମିଳିପାଳ କୋର୍ ଏରିଆ ମଧ୍ୟରେ ୬ଟି ଗାଁ ଥିଲା । ସେଥିମଧ୍ୟରୁ ଜେନାବିଲ, ଜମୁନାଗଡ଼, କବାଟଘାଇ ଓ ବକୁଆ ରାଜସ୍ୱ ଗ୍ରାମ ହୋଇଥିବା ବେଳେ ବାରାହା କାମୁଡ଼ା ଓ ବାହାଘର ସେଟେଲମେଣ୍ଟ ଭିଲେଜ । ଜେନାବିଲ, କବାଟଘାଇ, ବାରାହା କାମୁଡ଼ା ଓ ବାହାଘର ଗାଁ ଗୁଡ଼ିକୁ ସମ୍ପୂର୍ଣ୍ଣ ସ୍ଥାନାନ୍ତରିତ କରାଯାଇଥିବା ବେଳେ ଜମୁନାଗଡ଼ ଗାଁର ୪୬ଟି ପରିବାରକୁ ସ୍ଥାନାନ୍ତରିତ କରାଯାଇଛି ।

Here Why Similipal Tiger Reserve Not Declared As A National Park

ଏବେ ଶିମିଳିପାଳ କୋର୍ ଏରିଆରେ ଥିବା ୨ଗୋଟି ଗାଁ ବକୁଆ ଗାଁର ୬୧ଗୋଟି ପରିବାର ଓ ଜମୁନାଗଡ଼ ଗାଁର ୩ ଗୋଟି ପରିବାର ବସବାସ କରୁଛନ୍ତି । ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ ସଂସ୍ଥା ନିୟ ଅନୁସାରେ, ପ୍ରତ୍ୟେକ ପରିବାର ସ୍ଥାନାନ୍ତରଣ ପାଇଁ ଲିଖିତ ଇଚ୍ଛା ପ୍ରକଟ କରିବେ । ଏହାପରେ ଗ୍ରାମସଭାର ଅନୁମୋଦନ କ୍ରମେ କେନ୍ଦ୍ର ସରକାରଙ୍କ ଏନଟିସିଏ ପ୍ୟାକେଜ ଅନୁସାରେ ସ୍ୱେଚ୍ଛାକୃତ ସ୍ଥାନାନ୍ତରଣ କରାଯିବ । ଏବେ କୋର୍ ଏରିଆରେ ୨ ଗୋଟି ଗାଁରେ ରହୁଥିବା ଲୋକଙ୍କୁ ସ୍ଥାନାନ୍ତରଣ ପାଇଁ ସଚେତନତା ସୃଷ୍ଟି କରାଯାଉଛି । ୨ ଗାଁ ସ୍ଥାନାନ୍ତରିତ ହେଲା ପରେ ଶିମିଳିପାଳକୁ ଜାତୀୟ ଉଦ୍ୟାନ ଘୋଷଣା କରାଯାଇ ପାରିବ ।

୨୦ ଜଣ ଛାତ୍ର ଓ ଶିକ୍ଷକ କରୋନା ସଂକ୍ରମିତ ହେବା ପରେ ସପ୍ତାହେ ପାଇଁ ବନ୍ଦ ରହିଲା ସ୍କୁଲ

ଢ଼େଙ୍କାନାଳ: ଛାତ୍ର ଓ ଶିକ୍ଷକ କରୋନା ପଜିଟିଭ୍‌ ଚିହ୍ନଟ ପରେ ସପ୍ତାହେ ପାଇଁ ବନ୍ଦ ରହିଲା ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ କାନପୁରା ପଞ୍ଚାୟତ ଉଚ୍ଚ ବିଦ୍ୟାଳୟ। ସପ୍ତାହେ ପାଇଁ ବନ୍ଦ ନିର୍ଦ୍ଦେଶ ଦେଇଛନ୍ତି ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ। ବିଦ୍ୟାଳୟରେ ପ୍ରଥମ ଦିନ ୧୯୭ ଜଣ ଏବଂ ଦ୍ୱିତୀୟ ଦିନ ୧୪୭ ଜଣଙ୍କର କରୋନା ଟେଷ୍ଟ କରାଯାଇଥିଲା।

ସେମାନଙ୍କ ମଧ୍ୟରୁ ୨୦ ଜଣଙ୍କର କରୋନା ପଜିଟିଭ ରିପୋର୍ଟ ଆସିଥିଲା। ଏମାନଙ୍କ ମଧ୍ୟରେ ୧୪ ଜଣ ଛାତ୍ରଛାତ୍ରୀ ଓ ୬ ଜଣ ଶିକ୍ଷକ ଏବଂ କର୍ମଚାରୀ ରହିଛନ୍ତି। ଏଥିପାଇଁ ବିଦ୍ୟାଳୟ ଓ ହଷ୍ଟେଲକୁ ସପ୍ତାହେ ପାଇଁ ବନ୍ଦ କରିଦିଆଯାଇଛି। କାମାକ୍ଷାନଗର ଅଗ୍ନିଶମ ବାହିନୀର ଏକ ସ୍ୱତନ୍ତ୍ର ଟିମ ବିଦ୍ୟାଳୟର ସମସ୍ତ ଶ୍ରେଣୀ ଗୃହ, ହଷ୍ଟେଲ ଓ ଅଫିସକୁ ବିଶୋଧନ କରିଛନ୍ତି।

ସେହିପରି ବରଗଡ଼ର ଏକ ଘରୋଇ ବିଦ୍ୟାଳୟର ହଷ୍ଟେଲରେ ପିଲା ଆକ୍ରାନ୍ତ ଚିହ୍ନଟ ହୋଇଛନ୍ତି। ୪ଦିନରେ ୧୯ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ଏନେଇ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ଅରୁଣ କୁମାର ପାତ୍ର ସୂଚନା ଦେଇଛନ୍ତି। ଆକ୍ରାନ୍ତଙ୍କୁ ହୋମ କ୍ୱାରେଣ୍ଟାଇନରେ ରଖାଯିବା ସହ ଟେଷ୍ଟିଂ ବୃଦ୍ଧି କରାଯାଇଛି।

ପାକିସ୍ତାନ ବିରୋଧୀ ରାଲି ଉପରେ ତାଲିବାନର ଗୁଳିମାଡ଼

କାବୁଲ: ପୁଣି କାବୁଲରେ ଫୁଟିଲା ତାଲିବାନୀ ଗୁଳି । ଆଫଗାନିସ୍ତାନ ବ୍ୟାପାରରେ ପାକିସ୍ତାନର ହସ୍ତକ୍ଷେପକୁ ବିରୋଧ କରି ଆୟୋଜିତ ରାଲି ଉପରେ ତାଲିବାନ ଗୁଳିମାଡ଼ କରିଛି । ଶତାଧିକ ଆନ୍ଦୋଳନକାରୀ ପାକିସ୍ତାନ ବିରୋଧରେ ସ୍ଲୋଗାନବାଜି କରୁଥିବାବେଳେ ସେମାନଙ୍କ ଉପରକୁ ଗୁଳିମାଡ଼ କରିଛି ତାଲିବାନ । କାବୁଲସ୍ଥିତ ପାକିସ୍ତାନ ଦୂତାବାସ ସମ୍ମୁଖରେ ବିକ୍ଷୋଭ ବେଳେ ଗୁଳିଚାଳନା କରାଯାଇଛି । ସେପଟେ ପଞ୍ଜଶିରର ବିଭିନ୍ନ ତାଲିବାନୀ ଆଡ୍ଡା ଉପରେ ଏୟାର ଷ୍ଟ୍ରାଇକ ହୋଇଛି । ଏହି ଏୟାର ଷ୍ଟ୍ରାଇକ ଲାଗି କେହି ନିଜକୁ ଦାୟୀ କରି ନଥିବାବେଳେ ଅନେକ ଆତଙ୍କବାଦୀ ପ୍ରାଣ ହରାଇଥିବା କୁହାଯାଇଛି ।

ପଞ୍ଜଶିର ବିଜୟ ନେଇ ବିଧିବଦ୍ଧ ଘୋଷଣା କରିଛି ତାଲିବାନ । ଗତକାଲି ପଞ୍ଜଶିର ଗଭର୍ଣ୍ଣର କାର୍ଯ୍ୟାଳୟ ସମେତ ଅନ୍ୟାନ୍ୟ ସ୍ଥାନରେ ତାଲିବାନୀ ପତାକା ଉଡ଼ିବା ପରେ ଆଜି ପଞ୍ଜଶିରରେ ତାଲିବାନ ଆଧିପତ୍ୟ ବିସ୍ତାର କରିଛି । ଦେଶର ସମସ୍ତ ପ୍ରଜାତନ୍ତ୍ର ଏବେ ତାଲିବାନ ନିୟନ୍ତ୍ରଣକୁ ଚାଲିଯାଇଛି । ପଞ୍ଜଶିର କବଜା କରିବା ଘଟଣାରେ ପାକିସ୍ତାନର ଭୂମିକା ନେଇ ତୀବ୍ର ବିରୋଧ କରିଛି ଇରାନ । କୌଣସି ଏକ ଦେଶର ଆଭ୍ୟନ୍ତରୀଣ ବ୍ୟାପାରରେ ପାକିସ୍ତାନର ହସ୍ତକ୍ଷେପ କାହିଁକି ବୋଲି ଇରାନ ପ୍ରଶ୍ନ କରିଛି ।

ଗତକାଲି ପଞ୍ଜଶିରରେ ପାକିସ୍ତାନ ସିଧାସଳଖ ବାୟୁସେନା ଜରିଆରେ ହମଲା କରିଥିଲା । ଏହାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନେବା ଲାଗି ଦାବି କରିଛି ଇରାନ । ଇରାନ ବୈଦେଶିକ ମନ୍ତ୍ରାଳୟ ମୁଖପାତ୍ର ସୟିଦ ଖାତିବଜାଦେ କହିଛନ୍ତି- ଆନ୍ତର୍ଜାତିକ ନିୟମ ଉଲ୍ଲଂଘନ କରି ପାକିସ୍ତାନ ଏହି ଆକ୍ରମଣ କରିଛି । ବିଦ୍ରୋହୀ ବାହିନୀର ମୁଖ୍ୟ କମାଣ୍ଡର ସାଲେହ ମହମ୍ମଦଙ୍କ ମୃତ୍ୟୁ ଘଟିଥିବାବେଳେ ତାଲିବାନକୁ ପାକିସ୍ତାନ ପୂର୍ଣ୍ଣ ସମର୍ଥନ ଦେବା ଯୋଗୁ ସଂଘର୍ଷର ସ୍ଥିତି ବଦଳି ଯାଇଥିଲା । ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ତାଜିକିସ୍ତାନ ଚାଲି ଯାଇଛନ୍ତି ।

ବିବାଦୀୟ କୃଷି ଆଇନ୍‌କୁ ନେଇ ଏବେ ବିଭିନ୍ନ ସହରରେ ଜୋରଦାର ହେବ ଆନ୍ଦୋଳନ

ନୂଆଦିଲ୍ଲୀ: ବିବାଦୀୟ କୃଷି ଆଇନ୍‌କୁ ନେଇ ପୁଣି ତେଜିଲାଣି ଚାଷୀ ଆନ୍ଦୋଳନ। ଦିଲ୍ଲୀ ସୀମାରୁ ଆରମ୍ଭ ହୋଇଥିବା ଏହି ଆନ୍ଦୋଳନ ଏବେ ଦେଶର ବିଭିନ୍ନ ସହରରେ ଜୋରଦାର କରିବାକୁ ପ୍ରସ୍ତୁତ ହୋଇଛି ରଣନୀତି। ମହାପଞ୍ଚାୟତ କରି କେନ୍ଦ୍ର ବିରୋଧରେ ବଳ ଏକାଠି କରୁଛନ୍ତି ଚାଷୀ। ଉତ୍ତରପ୍ରଦେଶ ମୁଜାଫରପୁରରେ ପରେ ଆଜି ହରିୟାଣାର କରନାଳରେ ହେଉଛି ମହାପଞ୍ଚାୟତ।

ଏଥିରେ ଚାଷୀ ନେତା ରାକେଶ ଟିକାୟତ, ଯୋଗେନ୍ଦ୍ର ଯାଦବ ପ୍ରମୁଖ ଯୋଗ ଦେଇଛନ୍ତି। ୨୮ଅଗଷ୍ଟରେ ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟରଙ୍କୁ ବିରୋଧ କରୁଥିବା ବେଳେ ପୋଲିସ ଲାଠିମାଡ କରିଥିଲା। ଏଥରେ ଜଣେ ଚାଷୀଙ୍କ ମୃତ୍ୟୁ ହୋଇଥିଲା। ଏହାକୁ ବିରୋଧ କରି ଆଜି ମହାପଞ୍ଚାୟତ ଆୟୋଜନ କରାଯାଇଛି।

ସେପଟେ ଚାଷୀଙ୍କ ମହାପଞ୍ଚାୟତ ଥିବାରୁ କରନାଲ, ଜିନ୍ଦ, କୁରୁକ୍ଷେତ୍ର ଓ ପାନିପତରେ ଇଣ୍ଟରନେଟ ସେବା ବନ୍ଦ କରିଦିଆଯାଇଛି। ଆଜି ରାତି ୧୨ ପର୍ଯ୍ୟନ୍ତ ଇଣ୍ଟରନେଟ ସେବା ବନ୍ଦ ରହିବ। ଅନ୍ୟପଟେ ସୁରକ୍ଷା ବ୍ୟବସ୍ଥା ମଧ୍ୟ କଡ଼ାକଡ଼ି କରିଦିଆଯାଇଛି। ୪୦ପ୍ଲାଟୁନ ପୋଲିସ ଫୋର୍ସ ସହ କେନ୍ଦ୍ରୀୟ ସୁରକ୍ଷା ବଳର ୧୦ ପ୍ଲାଟୁନ ଫୋର୍ସ ନିୟୋଜିତ ହୋଇଛନ୍ତି। ଏହାସହ ସ୍ଥାନୀୟ ଅଞ୍ଚଳରେ ୧୪୪ଧାରା ଲାଗୁ କରାଯାଇଛି।

ସାଙ୍ଘାତିକ ରୂପ ନେଲାଣି ନିପା ଭାଇରସ୍‌, କଣ୍ଟାକ୍ଟ ଟ୍ରେସିଂ କରାଯାଇ ୨୫୧ ଜଣଙ୍କୁ କରାଗଲା ଚିହ୍ନଟ

କେରଳ: ଟେନସନ ବଢ଼ାଇଲାଣି ନିପା ଭାଇରସ୍‌। କେରଳରେ ପ୍ରଥମ ନିପା ଆକ୍ରାନ୍ତଙ୍କ ମୃତ୍ୟୁ ପରେ ତାଙ୍କ ସଂସ୍ପର୍ଶରେ ଆସିଥିବା ୧୧ଜଣଙ୍କ ଶରୀରରେ ନିପା ଲକ୍ଷଣ ଦେଖାଯାଇଥିଲା। ସେମାନଙ୍କ ମଧ୍ୟରୁ ୮ଜଣଙ୍କ ନମୁନା ପରୀକ୍ଷା ପାଇଁ ପୁନେର ନ୍ୟାସନାଲ ଇନଷ୍ଟିଚ୍ୟୁଟ ଅଫ ଭାଇରୋଲୋଜିକୁ ପଠାଯାଇଛି। ନମୁନା ପରୀକ୍ଷା ପରେ ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି। ତେବେ ଲକ୍ଷଣ ଥିଲେ ବି ସେମାନଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ବୀଣା ଜର୍ଜ।

ନିପାରେ ମୃତ୍ୟୁ ହୋଇଥିବା ୧୨ବର୍ଷୀୟ ବାଳକଙ୍କ କଣ୍ଟାକ୍ଟ ଟ୍ରେସିଂ କରାଯାଇ ୨୫୧ ଜଣଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରେ ୧୨୯ ଜଣ ସ୍ୱାସ୍ଥ୍ୟକର୍ମୀ ମଧ୍ୟ ଅଛନ୍ତି। ହାଇରିସ୍କରେ ଥିବା ୩୮ଜଣଙ୍କୁ କୋଝିକୋଡ୍ ମେଡିକାଲ କଲେଜ ହସ୍ପିଟାଲରେ ଆଇସୋଲେସନ ରଖାଯାଇଛି। ସେପଟେ ମାରାତ୍ମକ ନିପା ଭୂତାଣୁକୁ ନେଇ ସତର୍କ କରାଇଛନ୍ତି ଏମସ ବିଶେଷଜ୍ଞ ଡାକ୍ତର ଆଶୁତୋଷ ବିଶ୍ୱାସ।

ବାଦୁଡ଼ିଠାରୁ ନିପା ବ୍ୟାପୁଥିବା ବେଳେ ଏହାର କୌଣସି ଡାକ୍ତରୀ ଚିକିତ୍ସା ନାହିଁ। ତେଣୁ ସତର୍କ ଓ ସଚେତନ ରହିବା ନିହାତି ଆବଶ୍ୟକ। ନିପା ଭୂତାଣୁ ଖୁବଶୀଘ୍ର ସଂକ୍ରମିତ ହୋଇଥାଏ। ତଳେ ପଡ଼ିଥିବା ଫଳ ନଖାଇବା ସହ କୌଣସି ଫଳ ନଧୋଇ ଖାଇବା ଦ୍ୱାରା ଏହି ଭୂତାଣୁରେ ସଂକ୍ରମିତ ହେବା ଆଶଙ୍କା ଅଛି।

ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟର ଅଧିକାଂଶ ଜିଲ୍ଲାରେ ବର୍ଷାର ସମ୍ଭାବନା

ଭୁବନେଶ୍ୱର: ଓ୍ୱେଲମାର୍କ ଲୋ ପ୍ରେସରରେ ପରିଣତ ହେଲା ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ। ଗତକାଲିର ଲଘୁଚାପ କ୍ଷେତ୍ର ଅଧିକ ଘନୀଭୂତ ହୋଇ ଏବେ ଉତ୍ତର-ପଶ୍ଚିମ ଓ ତତସଂଲଗ୍ନ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗର, ଉତ୍ତର ଆନ୍ଧ୍ର ପ୍ରଦେଶ ଏବଂ ଦକ୍ଷିଣ-ଓଡ଼ିଶା ଉପକୂଳରେ ସକ୍ରିୟ ରହିଛି। ଆଗାମୀ ୨-୩ ଦିନ ମଧ୍ୟରେ ଏହି ଲଘୁଚାପ କ୍ଷେତ୍ର ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରିବାର ସମ୍ଭାବନା ଥିବା ପୂର୍ବାନୁମାନ କରିଛି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର। ଏହାର ପ୍ରଭାବରେ ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ରାଜ୍ୟର ଅଧିକାଂଶ ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି।

ବିଶେଷ କରି ଦକ୍ଷିଣ ଓଡ଼ିଶାର କୋରାପୁଟ, ମାଲକାନଗିରି, ରାୟଗଡ଼ା, ନବରଙ୍ଗପୁର, ଗଜପତି, କଳାହାଣ୍ଡି, କନ୍ଧମାଳ, ନୂଆପଡା, ବଲାଙ୍ଗୀର, ବରଗଡ଼ରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି। ଏହା ସହିତ ଉପକୂଳ ଓଡ଼ିଶାର ଖୋର୍ଦ୍ଧା, ପୁରୀ, କଟକ, କେନ୍ଦ୍ରାପଡା, ଜଗତସିଂହପୁର, ଯାଜପୁର, ବାଲେଶ୍ୱର, ଭଦ୍ରକ, ମୟୂରଭଞ୍ଜ ଏବଂ କେନ୍ଦୁଝର ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଆସନ୍ତାକାଲି ସକାଳେ ପାଗ ବଦଳିବା ସହ ବର୍ଷାର ପରିମାଣ କମିବ।

ସେପଟେ ଚଳିତ ମାସ ଦୁଇ ଦୁଇଟି ଲଘୁଚାପ ସୃଷ୍ଟି ହୋଇଥିଲେ ମଧ୍ୟ ତାହା ନିଅଣ୍ଟିଆ ବର୍ଷା ଭରଣା କରିବାରେ ବିଫଳ ହୋଇଛି। ଜୁନ୍ ୧ ତାରିଖରୁ ସେପ୍ଟେମ୍ବର ୬ ତାରିଖ ପର୍ଯ୍ୟନ୍ତ ରାଜ୍ୟରେ ୨୯ ପ୍ରତିଶତ ନିଅଣ୍ଟିଆ ବର୍ଷା ରେକର୍ଡ କରାଯାଇଛି। ମାତ୍ର ୬ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ବେଳେ, ୨୪ ଟି ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ କରାଯାଇଛି। ୬ଟି ଜିଲ୍ଲାରେ ୪୦ ରୁ ୫୯ ପ୍ରତିଶତ ନିଅଣ୍ଟିଆ ବର୍ଷା ହୋଇଛି। ଅନୁଗୁଳ, ଝାରସୁଗୁଡା, ସମ୍ବଲପୁର, ଭଦ୍ରକ, ଯାଜପୁର ଏବଂ ବଲାଙ୍ଗୀର ଜିଲ୍ଲା ନିଅଣ୍ଟିଆ ବର୍ଷା ପାଇଁ ଅଧିକ ପ୍ରଭାବିତ ହୋଇଛି ଚାଷ କାର୍ଯ୍ୟ।

୨ ଜଣଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର

ଭୁବନେଶ୍ୱର: ବିଜେଡିର ଦୁଇଜଣଙ୍କ ଉପରୁ ପ୍ରତ୍ୟାହାର ହେଲା ନିଲମ୍ବନ ଆଦେଶ । ଏହି ୨ଜଣ ହେଲେ ରାୟଗଡ଼ା ଜିଲ୍ଲା ଗୁଡାରୀର କେ. ରାମକୃଷ୍ଣ ଓ ରାମନାଗୁଡାର ମନୋରଞ୍ଜନ ସାହୁ । ବିଜେଡି ସଭାପତି ନବୀନ ପଟ୍ଟନାୟକଙ୍କ ଆଦେଶରେ ଦୁଇଜଣଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର ହୋଇଛି । ଏନେଇ ପ୍ରେସ୍ ଇସ୍ତାହାର ମାଧ୍ୟମରେ ବିଜେଡି ଗଣମାଧ୍ୟମ ବ୍ୟାପାର ସାଧାରଣ ସମ୍ପାଦକ ମାନସ ମଙ୍ଗରାଜ ସୂଚନା ଦେଇଛନ୍ତି  ।

Suspension Order Revoked BJD

ଚିଟ୍ ଫଣ୍ଡ୍ ଠକେଇ ମାମଲାରେ ଆନ୍ଧ୍ରପ୍ରଦେଶର ପୂର୍ବତନ ବିଧାୟକ ମାଲ୍ଲା ବିଜୟ ଗିରଫ

ଭୁବନେଶ୍ୱର: ଚିଟ୍‌ଫଣ୍ଡ ଠକେଇ ମାମଲାରେ ଆନ୍ଧ୍ରର ପୂର୍ବତନ ବିଧାୟକ ଡକ୍ଟର ମାଲ୍ଲା ବିଜୟ ପ୍ରସାଦ ଗିରଫ। ଡକ୍ଟର ମାଲ୍ଲା ବିଜୟ ପ୍ରସାଦଙ୍କୁ ଗିରଫ କରିଛି ଓଡ଼ିଶା କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା। ବିଶାଖାପଟଣାରୁ ଆନ୍ଧ୍ରର ପୂର୍ବତନ ବିଧାୟକ ଡକ୍ଟର ମାଲ୍ଲା ବିଜୟ ପ୍ରସାଦଙ୍କୁ ଗିରଫ କରାଯାଇଛି। ମୋଟ୍‌ ୧୨ ଶହ ୫୦ କୋଟିରୁ ଅଧିକ ଟଙ୍କାର ଠକେଇ ଅଭିଯୋଗ ରହିଛି ତାଙ୍କ ନାଁରେ। ସେଥିରୁ ଓଡ଼ିଶାରୁ କେବଳ ୨କୋଟି ଟଙ୍କାରୁ ଅଧିକ ଟଙ୍କା ଠକେଇ କରିଥିବା ସୂଚନା ମିଳିଛି।

ଓଡ଼ିଶାର ଭୁବନେଶ୍ୱର, କଟକ ଏବଂ ନୟଗଡ଼ରେ ତାଙ୍କର ଚିଟଫଣ୍ଡ ସଂସ୍ଥା ରହିଥିଲା। ଓ୍ୱେଲଫର ବିଲ୍ଡିଂ ଇଷ୍ଟେଟ୍ ପ୍ରାଇଭେଟ ଲିମିଟେଟ ନାମରେ ରହିଥିଲା ଚିଟଫଣ୍ଡ ସଂସ୍ଥା। ବିଭିନ୍ନ ଲୋଭନୀୟ ଅଫର ଦେଇ ଟଙ୍କା ହଡ଼ପ କରୁଥିବାର ଅଭିଯୋଗ ହୋଇଥିଲା। ଅର୍ଥନୈତିକ ଅପରାଧ ଶାଖାରେ ୨୦୧୯ ମସିହାରେ ଏ ନେଇ ଏକ ମାମଲା ରୁଜୁ ହୋଇଥିଲା। ସମ୍ବଲପୁର ଧନୁପାଲିରେ ମଧ୍ୟ ମାଲ୍ଲା ବିଜୟଙ୍କ ବିରୋଧରେ ଠକେଇ ଅଭିଯୋଗ ରହିଛି।

ମାଲ୍ଲା ବିଜୟ ଗିରଫ ହେବା ପରେ ଅର୍ଥନୈତିକ ଅପରାଧ ସାଖା ତାଙ୍କୁ ଟ୍ରାଞ୍ଜିଟ ରିମାଣ୍ଡରେ ଓଡ଼ିଶା ଆଣୁଛି। ଗୋଟଏ ରାଜ୍ୟ ଅନ୍ୟ ଗୋଟିଏ ରାଜ୍ୟକୁ ଅଣାଗଲେ ଟ୍ରାଞ୍ଜିଟ ରିମାଣ୍ଡର ପ୍ରକ୍ରିୟା ଦେଇ ଅଣାଯାଇଥାଏ। ତେବେ ଓଡ଼ିଶା ଅଣାଗଲା ପରେ ତାଙ୍କୁ ପ୍ରଥମେ ଓପିଆଇ କୋର୍ଟରେ ହାଜିର କରାଯିବ।

ଓଡ଼ିଶା ପୋଲିସ ତରଫରୁ ମାଲ୍ଲା ବିଜୟଙ୍କ ବିରୁଦ୍ଧରେ ୪୨୦, ୪୦୬, ୪୬୭, ୪୬୮, ୪୭୧ , ୧୨୦B ଧଫା ଲଗାଯିବା ସହିତ ଚିଟଫଣ୍ଡ ଠକେଇ ପାଇଁ ଲାଗିଛି ଓପିଡିର ବେନିଂ ଆକ୍ଟ। ତେବେ ରିମାଣ୍ଡରେ ଆସିବା ପରେ ଖୋଲିବ ଚିଟଫଣ୍ଡର ଗୁମର। ଏହି ଚିଟଫଣ୍ଡ କାରବାରରେ  ଆଉ କିଏ ଲିପ୍ତ ରହିଛନ୍ତି, ତାଙ୍କ ଲିଙ୍କରେ ଆଉ କିଏ କିଏ ରହିଥିଲେ ତାକୁ ନେଇ ଖୋଳତାଡ କରିବ କ୍ରାଇମବ୍ରାଞ୍ଚ।

ଡକ୍ଟର ମାଲ୍ଲା ବିଜୟ ପ୍ରସାଦ ୨୦୦୯ରୁ ୨୦୧୪ ଯାଏଁ ଭାଇଜାଗ ୱେଷ୍ଟ‌ର ବିଧାୟକ ଥିଲେ। ଏବେ ସେ ଆନ୍ଧ୍ରପ୍ରଦେଶର ଶିକ୍ଷା ଭିତ୍ତିଭୂମି ବିକାଶ ନିଗମ ଅଧ୍ୟକ୍ଷ ଅଛନ୍ତି ।

ଅନ୍ଧାର ରାତି, ଅଜଣା ବିମାନ ଓ ଧୁଆଁଧୁଆଁ ହେଲା ତାଲିବାନ ମୋର୍ଚ୍ଚା

ନୂଆଦିଲ୍ଲୀ : ପଞ୍ଜଶୀରକୁ ନେଇ ଏବେ ବି ଜାରି ରହିଛି ସସପେନସ୍। ପାକିସ୍ତାନର ଡ୍ରୋନ ଆକ୍ରମଣ ସାହାଯ୍ୟରେ ଏହାକୁ କବଜା କରିଥିବା ନେଇ ଦାବି କରିଛି ତାଲିବାନ। ପଞ୍ଜଶୀର ଗଭର୍ଣ୍ଣର କାର୍ଯ୍ୟାଳୟ ସମେତ ଅନ୍ୟାନ୍ୟ ସ୍ଥାନରେ ତାଲିବାନୀ ପତାକା ବି ଉଡିଛି। ଅନ୍ୟପଟେ ପଞ୍ଜଶୀର ତାଲିବାନ ହାତକୁ ଯାଇନାହିଁ ବୋଲି ଦାବି କରିଛନ୍ତି ବିଦ୍ରୋହୀ, ତେବେ ଏହାରି ଭିତରେ ଆସିଛି ଆଉ ଏକ ଚାଞ୍ଚଲ୍ୟକର ଖବର। ତାଲିବାନୀଙ୍କ ଉପରେ ହୋଇଛି ଏୟାର ଷ୍ଟ୍ରାଇକ୍ । ସୋମବାର ପଞ୍ଜଶୀରରେ ତାଲିବାନ ଶିବିର ଉପରେ ହୋଇଛି ଆକ୍ରମଣ। ବର୍ତ୍ତମାନ ପ୍ରଶ୍ନ ହେଉଛି ଯେ ତାଲିବାନକୁ କଡ଼ା ଯବାବ ଦେଲା କିଏ?

ସୂଚନା ମୁତାବକ ଗତ ସୋମବାର ରାତିରେ ତାଲିବାନ ଶିବିର ଉପରେ ହୋଇଛି ଧୁଆଁଧାର ବିମାନ ଆକ୍ରମଣ। ଏଥିରେ ତାଲିବାର ବହୁ କ୍ଷତି ବି ହୋଇଛି । ତେବେ ଏଠି ପ୍ରଶ୍ନ ଉଠୁଛି ଯେ ଏହି ଏୟାର ଷ୍ଟ୍ରାଇକ୍ କଲା କିଏ?  ଆଫଗାନିସ୍ତାନର ସ୍ଥାନୀୟ ଗଣମାଧ୍ୟମ ଓ ସାମ୍ୱାଦିକଙ୍କ ଅନୁସାରେ ସୋମବାର ବିଳମ୍ବିତ ରାତ୍ରିରେ ପଞ୍ଜଶୀରେ ତାଲିବାନ ଶିବିର ଉପରେ ହୋଇଛି ଏକ ବଡ଼ ଧରଣର ଏୟାର ଷ୍ଟ୍ରାଇକ୍। ଆଉ ଏହି ଆକ୍ରମଣ କରିଛନ୍ତି ଅଜଣା ଯୁଦ୍ଧ ବିମାନ। ତେବେ ଏହି ଖବର ଆସିବା ମାତ୍ରେ ସମସ୍ତଙ୍କ ମନରେ ବାସ ଗୋଟିଏ ପ୍ରଶ୍ନ ଯେ ଏହି ଆକ୍ରମଣ କେଉଁ ଦେଶ କରିଛି । ଋଷ୍ ନା ତାଜିକିସ୍ତାନ?

ଆଫଗାନିସ୍ତାନର ବହୁ ସାମ୍ବାଦିକଙ୍କ କଳ୍ପନାଜଳ୍ପନା ଭିତରେ ତାଜିକିସ୍ତାନର ନାମ ଶୀର୍ଷରେ ରହିଛି। କାରଣ ବିଦ୍ରୋହୀ ନେତା ଅହମ୍ମଦ ମାସୁଦ ଆଜିକାଲି ତାଜିକିସ୍ତାନରେ ଅଛନ୍ତି ବୋଲି ଦାବି କରାଯାଉଛି। ଏହା ବ୍ୟତୀତ ଯେତେବେଳେ ତାଲିବାନ ଆଫଗାନିସ୍ତାନ ଦଖଲ କଲା, ସେତେବେଳେ ଆଫଗାନିସ୍ତାନ ସେନାର ଅନେକ ଯୁଦ୍ଧ ବିମାନ ଏଠାରୁ ବାହାରି ତାଜିକିସ୍ତାନରେ ପହଞ୍ଚିଥିଲା। ଏହାବ୍ୟତୀତ ସମୟ ସମୟରେ ତାଜିକିସ୍ଥାନ ତାଲିବାନି ବିରୋଧୀ ସଂଗଠନଙ୍କୁ ସାହାଯ୍ୟ ମଧ୍ୟ କରିଆସିଛି । ଆଉ ଏହାହିଁ ପ୍ରମୁଖ କାରଣ ଯେ ତାଲିବାନୀଙ୍କ ଉପରେ ଏହି ଅଜଣା ଆକ୍ରମଣ ପଛରେ ତାଜାକିସ୍ତାନର ହାତ ଥିବା ଚର୍ଚ୍ଚା ହେଉଛି ।

ତାଜିକିସ୍ତାନକୁ ଛାଡ଼ି ଋଷ ଓ ଇରାନ ବି ଏହି ଆକ୍ରମ କରାଇଥାଇପାରନ୍ତି ବୋଲି କୁହାଯାଉଛି । କାରଣ ନିକଟରେ ତାଲିବାନ ସପକ୍ଷରେ ପାକିସ୍ତନ ଦ୍ୱାରା ପଞ୍ଜଶୀରରେ ହୋଇଥିବା ଡ୍ରୋନ ଆକ୍ରମଣକୁ ନେଇ ଇରାନ ଉତକ୍ଷିପ୍ତ ହୋଇଥିଲା। ତେଣୁ ଏମିତିରେ ଇରାନ ଏହି ଆକ୍ରମଣର ବଦଲା ନେବା ପାଇଁ ଆକ୍ରମଣ କରିଥାଇପାରେ ବୋଲି ମଧ୍ୟ କୁହାଯାଉଛି। ଅନ୍ୟପଟେ ଋଶ ଓ ତାଲିବାନର ସମ୍ପର୍କ ବି କିଛି ଖାସ ନୁହେଁ, ଆମେରିକା ଯେଉଁଭଳି ଭାବରେ ସମଗ୍ର ଆଫଗାନିସ୍ତାନକୁ ତାଲିବାନକୁ ହସ୍ତାନ୍ତର କରିଦେଲା, ଋଷ ଏଥିରେ କ୍ଷୁବ୍ଧ ହୋଇଥିଲା ଓ ଆମେରିକାକୁ କଡ଼ା ନିନ୍ଦା କରିଥିଲା। ଏମିତରେ ପଞ୍ଜଶୀର ସଂଘର୍ଷରେ ବିଦ୍ରାହୀଙ୍କୁ ସପକ୍ଷରେ ଋଷ ଏହି ଆକ୍ରମଣ କରିବା କୌଣସି ଆଶ୍ଚର୍ଯ୍ୟକର ଘଟଣା ନୁହେଁ।

ତେବେ ଏସବୁ ଯୁକ୍ତି ବି ଦୁର୍ବଳ ହୋଇଯାଉଛି କାରଣ ତାଲିବାନ ସରକାର ଗଠନ କର୍ଯ୍ୟକ୍ରମରେ ଯେଉଁ ଦେଶଗୁଡ଼ିକୁ ନିମନ୍ତ୍ରଣ କରାଯାଇଛି, ସେଥିରେ ଇରାନ ଓ ଋଷର ନା ମଧ୍ୟ ସାମିଲ ରହିଛି। ତେବେ ଏହି କଳ୍ପନାଜଳ୍ପନାରେ ସେତେବେଲେ ହିଁ ପୂର୍ଣ୍ଣଛେଦ ପଡ଼ିବ ଯେତେବେଳେ ଆକ୍ରମଣକାରୀ ନିଜେ ସାମ୍ନାକୁ ଆସିବ ।