spot_img
Home Blog Page 5356

ଦୁର୍ବଳ ହୋଇଛି ଲଘୁଚାପ ତଥାପି୨ ଜିଲ୍ଲାରେ ଅତି ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର: ଦୁର୍ବଳ ହୋଇଛି ଲଘୁଚାପ । ଛତିଶଗଡ ଏବଂ ମଧ୍ୟପ୍ରଦେଶ ମଧ୍ୟରେ ରହିଛି ଲଘୁଚାପ । ପ୍ରଭାବରେ ଆଜି ରାଜ୍ୟର କିଛି ଜିଲ୍ଲାରେ ପ୍ରବଳ ବର୍ଷାର ହେବାର ସମ୍ଭାବନା ରହିଛି । ଦୁଇଟି ଜିଲ୍ଲା ସୁନ୍ଦରଗଡ଼ ଏବଂ ଝାରସୁଗୁଡା ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି । ସେହିପରି ୧୧ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ନୂଆପଡା, ବଲାଙ୍ଗିର, ସମ୍ବଲପୁର, ବରଗଡ, ଦେବଗଡ଼ କେନ୍ଦୁଝର, ମୟୁରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର ଏବଂ କେନ୍ଦ୍ରାପଡ଼ା ଜିଲ୍ଲାକୁ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆସନ୍ତାକାଲିଠୁ ପାଗରେ ଆସିବ ପରିବର୍ତ୍ତନ । ଅବିଶ୍ରାନ୍ତ ବର୍ଷା ପରେ ବି ରାଜ୍ୟରେ ୧୪ ପ୍ରତିଶତ ନିଅଣ୍ଟିଆ ବର୍ଷା ହୋଇଛି । ଜୁନ୍ ୧ ତାରିଖରୁ ୯୧୧.୬ ମିଲିମିଟର ବର୍ଷା ରେକର୍ଡ କରାଯାଇଛି । ଦୁଇଟି ଜିଲ୍ଲାରେ ସ୍ୱାଭାବିକ ଠାରୁ ଅଧିକ ବର୍ଷା ହୋଇଥିବାବେଳେ ୧୮ଟି ଜିଲ୍ଲାରେ ସ୍ୱାଭାବିକ ଏବଂ ୧୦ ଟି ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ ହୋଇଛି । ଦୁଇ ଦିନ ମଧ୍ୟରେ ସେପ୍ଟେମ୍ବର ମାସର ସ୍ୱାଭାବିକ ବର୍ଷା ଠାରୁ ୬୦ ପ୍ରତିଶତ ଅଧିକ ବର୍ଷା ହୋଇଛି

ଏଥିସହିତ ପଢ଼ନ୍ତୁ: ୪ କୋଟି ସମ୍ପତ୍ତିର ମାଲିକାଣୀ ଅଙ୍ଗନୱାଡ଼ି ଦିଦି

ଅନ୍ୟ ରାଜ୍ୟକୁ ବଦଳି ହେଉଥିବା କର୍ମଚାରୀଙ୍କ ପାଇଁ ଖୁସି ଖବର 

ଭୁବନେଶ୍ୱର: ବାରମ୍ବାର ଓଡ଼ିଶାରୁ ଅନ୍ୟ ରାଜ୍ୟକୁ ବଦଳି ହେଉଥିବା କର୍ମଚାରୀଙ୍କ ପାଇଁ ଖୁସି ଖବର । ଆସନ୍ତା କାଲିଠୁ ରାଜ୍ୟରେ ଆରମ୍ଭ ହେବ ଭାରତ ସିରିଡ୍ ଗାଡ଼ି ପଞ୍ଜିକରଣ । ସେନା ଅଧିକାରୀ, କେନ୍ଦ୍ର ସରକାରଙ୍କ ଅଧିକାରୀ, ୪ରୁ ଅଧିକ ରାଜ୍ୟରେ କାର୍ଯ୍ୟାଳୟ ଥିବା ସଂସ୍ଥାର କର୍ମଚାରୀ ଏହି ସୁବିଧା ପାଇପାରିବେ । ତେବେ ବେସରକାରୀ ସଂସ୍ଥାର କର୍ମଚାରୀ ନିଜ ଗାଡ଼ିର ପଞ୍ଜିକରଣ କରିବାକୁ ହେଲେ ପରିବହନ ୱେବସାଇଟରେ ଥିବା ଫର୍ମ ନମ୍ବର ୬୦ ପୂରଣ କରିବାକୁ ହେବ ।

ସେହିଭଳି ସରକାରୀ କର୍ମଚାରୀ ନିଜ ଆଇଡି କାର୍ଡରେ ଭାରତ ସିରିଜ୍ ପାଇଁ ଆବେଦନ କରିପାରିବେ । ତେବେ ଏଥିପାଇଁ ଆବେଦନକାରୀଙ୍କୁ ଦୁଇ ବର୍ଷର ରୋଡ ଟ୍ୟାକ୍ସ ଦେବାକୁ ପଡ଼ିବ । ରୋଡ୍ ଟ୍ୟାକ୍ସ ପାଇଁ ଭିନ୍ନ ଭିନ୍ନ ସ୍ଲାବ ରହିଛି । ଯଦି ଗାଡ଼ିର ମୂଲ୍ୟ ୧୦ ଲକ୍ଷରୁ କମ୍ ତାହା ହେଲେ ୮ ପ୍ରତିଶତ, ୧୦ରୁ ୨୦ ଲକ୍ଷ ହୋଇଥିଲେ ୧୦ ପ୍ରତିଶତ, ୨୦ରୁ ଅଧିକ ହୋଇଥିଲେ ୧୨ ପ୍ରତିଶତ ଟିକସ ଆଦାୟ କରାଯିବ ।

ବିପଦ ସଂକେତ ଉପରେ ବୈତରଣୀ ଓ ଜଳକା

ଭୁବନେଶ୍ୱର: ବର୍ଷା କମିବା ପରେ ବଢୁଛି ବିଭିନ୍ନ ନଦୀର ଜଳସ୍ତର । ବ୍ରାହ୍ମଣୀ, ବୈତରଣୀ ଓ ଜଳକା ନଦୀର ଜଳସ୍ତର ବଢିବାରେ ଲାଗିଛି । ରାତି ୧୦ଟା ସୁଦ୍ଧା ଜେନାପୁରରେ ବ୍ରାହ୍ମଣୀ ନଦୀର ଜଳସ୍ତର ବୃଦ୍ଧି ପାଇଛି । ଆଖୁଆପଦାରେ ବିପଦ ସଂକେତ ଉପରେ ପ୍ରବାହିତ ହେଉଛି ବୈତରଣୀ । ଏଠାରେ ବିପଦ ସଂକେତ ୧୭.୮୩ ମିଟର ଥିବାବେଳେ ୧୮.୩୪ ମିଟର ଜଳ ପ୍ରବାହିତ ହେଉଛି । ମଥାନିରେ ବିପଦ ସଂକେତ ଉପରେ ରହିଛି ଜଳକାର ଜଳସ୍ତର । ବିପଦ ସଂକେତ ୫.୫୦ ମିଟର ଥିବାବେଳେ ୬.୪୧ ମିଟରରେ ପ୍ରବାହିତ ହେଉଛି ।

Baitarani And Jalaka River Water Level Above Danger Mark

ଏପଟେ କାଶୀନଗରରେ କମୁଛି ବଂଶଧାରାର ଜଳସ୍ତର । ସେପଟେ ଉପରେ ମୁଣ୍ଡରେ ବର୍ଷା ଯୋଗୁଁ ହୀରାକୁଦରେ ୬ଟି ସ୍ଲୁଇସ୍ ଗେଟ୍ ଖୋଲାଯାଇଛି । ବାମ ପାର୍ଶ୍ୱର ୪ଟି ଗେଟ୍ ଏବଂ ଡାହାଣ ପାର୍ଶ୍ୱର ୨ଟି ଗେଟ୍ ଖୋଲା ଯାଇଛି । ପ୍ରତି ସେକେଣ୍ଡରେ ଡ୍ୟାମ ଭିତରକୁ ପ୍ରବେଶ କରୁଛି ୨ ଲକ୍ଷ ୧୦ ହଜାର ଘନଫୁଟ ଜଳ । ଏବେର ଜଳସ୍ତର ୬୨୭ ଫୁଟ୍ ଥିବାବେଳେ ଡ୍ୟାମର ସର୍ବାଧିକ ଜଳଧାରଣ କ୍ଷମତା ୬୩୦ ଫୁଟ୍ ।

Baitarani And Jalaka River Water Level Above Danger Mark

ଅନ୍ୟପଟେ ଗଭୀର ଅବପାତ ପରେ ଆଜି ଦୁର୍ବଳ ହୋଇ ଅବପାତରେ ପରିଣତ ହୋଇଛି ଲଘୁଚାପ । ଏହା ଏବେ ଉତ୍ତର ଆଭ୍ୟନ୍ତରୀଣ ଓଡ଼ିଶା ଏବଂ ଉତ୍ତର ଛତିଶଗଡ ଉପରେ ସକ୍ରିୟ ରହିଛି । ଲଘୁଚାପ ପ୍ରଭାବରେ ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଓଡ଼ିଶାର କିଛି ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ବର୍ଷା କମିଥିଲେ ମଧ୍ୟ ମହାନଦୀର ଉପରମୁଣ୍ଡରେ ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ମହାନଦୀ ସମେତ କିଛି ଶାଖା ନଦୀରେ ଜଳସ୍ତର ବୃଦ୍ଧି ହେବାର ସମ୍ଭାବନା ଥିବା କହିଛି ଆଇଏମଡି ।

କଇଁଛ ଧରିବାକୁ ଯାଇ ବାପାପୁଅ ଓ ଜ୍ୱାଇଁ ଶ୍ୱାସରୁଦ୍ଧ ହୋଇ ମୃତ

ସୋନପୁର: ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ କୁଇବାହାଲ ପଞ୍ଚାୟତ ଆନନ୍ଦପୁର ଗାଁରେ ଅଘଟଣ । ପରିତ୍ୟକ୍ତ କୂଅରେ ପଡ଼ି ଗୋଟିଏ ପରିବାରର ତିନିଜଣଙ୍କ ମୃତ୍ୟୁ ହୋଇଛି । ଆଜି ଆନନ୍ଦପୁର ଗାଁର ସାଧୁ କାଲେସେ, ପୁଅ ଆଲୋକ ରଞ୍ଜନ କାଲସେ ଓ ଜ୍ୱାଇଁ ନବୀନ ମୋଟାରୀ ଗାଁରେ ଥିବା ଏକ ପରିତ୍ୟକ୍ତ କୂଅକୁ କଇଁଛ ମାରିବାକୁ ଯାଇଥିଲେ ।

କୂଅ ଭିତରକୁ ଯାଇଥିବା ବେଳେ ଶ୍ୱାସରୁଦ୍ଧ ହୋଇ ୩ଜଣଙ୍କର ମୃତ୍ୟୁ ହୋଇଛି । ଗାଁ ଲୋକ ଜାଣିବା ପରେ ବିନିକା ଅଗ୍ନଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଚି ବାପ, ପୁଅ ଓ ଜ୍ୱାଇଁଙ୍କ ମୃତଦେହ କୂଅ ଭିତରୁ ଉଦ୍ଧାର କରିଛି ।

କ୍ରିକେଟର ସବୁ ଫର୍ମାଟରୁ ଅବସର ଘୋଷଣା କଲେ ମାଲିଙ୍ଗା

କଲୋମ୍ବ: କ୍ରିକେଟକୁ ବାଏ ବାଏ କଲେ ଶ୍ରୀଲଙ୍କାର ଦ୍ରୁତ ବୋଲର୍ ଲାସିତ୍ ମାଲିଙ୍ଗା । ସେ ସବୁ ଫର୍ମାଟରୁ ଅବସର ନେଇଥିବା ନେଇ ସୋସିଆଲ ମିଡିଆରେ ଜଣାଇଛନ୍ତି । ମାଲିଙ୍ଗାଙ୍କ ଅନେକ ଫ୍ୟାନ, ଫୋଲର୍ସ ରହିଥିବାବେଳେ ତାଙ୍କ ଅବସର କ୍ରିକେଟପ୍ରେମୀଙ୍କୁ ନିରାଶ କରିଛି । ମାଲିଙ୍ଗା ତାଙ୍କର କ୍ରିକେଟ୍ କ୍ୟାରିୟର ମଧ୍ୟରେ ୩୦ଟି ଟେଷ୍ଟ ମ୍ୟାଚ, ୨୨୬ଟି ଦିନିକିଆ ଓ ୮୪ଟି ଟି-୨୦ ମ୍ୟାଚ୍ ଖେଳି ମୋଟ ୫୪୬ଟି ଓ୍ବିକେଟ୍ ହାସଲ କରିଛନ୍ତି ।

Lasith Malinga announces retirement from all forms of cricket

ମାଲିଙ୍ଗା ନିଜର ଶେଷ ମ୍ୟାଚ୍ ୨୦୨୦ ମାର୍ଚ୍ଚ ମାସରେ ୱେଷ୍ଟଇଣ୍ଡିଜ୍ ବିପକ୍ଷରେ ଖେଳିଥିଲେ । ଅନେକ ବିଶ୍ବକପ ମଧ୍ୟ ଶ୍ରୀଲଙ୍କା ଟିମ୍ ପାଇଁ ଖେଳିଛନ୍ତି ମାଲିଙ୍ଗା । ଅବସର ଘୋଷଣା ସମୟରେ ନିଜର ସାଥୀ ଖେଳାଳି ଓ ଫ୍ୟାନମାନଙ୍କୁ ଧନ୍ୟବାଦ ଦେଇଛନ୍ତି ।

 

୩୮ ବର୍ଷୀୟ ମାଲିଙ୍ଗା ୨୦୧୪ରେ ଶ୍ରୀଲଙ୍କା ଟି-ଟ୍ୱେଣ୍ଟି ବିଶ୍ୱକପ୍ ଦଳର ଅଧିନାୟକ ଦାୟିତ୍ୱ ତୁଲାଇଥିଲେ । ମାଲିଙ୍ଗା ଅବସର ଘୋଷଣା ସହ ଟ୍ୱିଟ୍ କରି ଲେଖିଛନ୍ତି, ମୁଁ ଟି-ଟ୍ୱେଣ୍ଟି ଜୋତାକୁ କ୍ରିକେଟର ସବୁ ଫର୍ମାଟରୁ ଟାଙ୍ଗି ଦେଉଛି । ମୁଁ ଟି-ଟ୍ୱେଣ୍ଟି ବୋଲିଂ ଜୋତାକୁ ଶତପ୍ରତିଶତ ବିଶ୍ରାମ ଦେବାକୁ ଚାହୁଁଛି । ମୋ ଜୋତା ବିଶ୍ରାମ ନେବ, ଖେଳ ପ୍ରତି ଥିବା ଭଲ ପାଇବା କେବ ନୁହେଁ ।

ତାଳଚେରରେ ମେଡିକାଲ କଲେଜ ଶୀଘ୍ର କାର୍ଯ୍ୟକ୍ଷମ କରାଇବାକୁ ମୁଖ୍ୟ ଶାସନ ସଚିବଙ୍କ ଅନୁରୋଧ

ଭୁବନେଶ୍ୱର: ତାଳଚେର ଠାରେ ମହାନଦୀ ଭେଷଜ ବିଜ୍ଞାନ ଓ ଗବେଷଣା ପ୍ରତିଷ୍ଠାନ ଏବଂ ହସ୍ପିଟାଲକୁ ଶୀଘ୍ର କାର୍ଯ୍ୟକ୍ଷମ କରିବା ପାଇଁ ଚିଠି । କୋଇଲା ମନ୍ତ୍ରଣାଳୟର ଅତିରିକ୍ତ ଶାସନ ସଚିବ ଏମ୍ ନାଗାରାଜୁ ଏବଂ ମହାନଦୀ କୋଲ୍ଡଫିଲ୍ଡର ବରିଷ୍ଠ ଅଧିକାରୀମାନଙ୍କୁ ଏନେଇ ଅନୁରୋଧ କରିଛନ୍ତି ମୁଖ୍ୟ ଶାସନ ସଚିବ । ସଚିବାଳୟରେ କୋଇଲା ଉତ୍ତୋଳନ ଓ ପରିବହନ ସମ୍ବନ୍ଧିତ ସ୍ଥିତି ନେଇ ଆଲୋଚନା ବେଳେ ମୁଖ୍ୟ ଶାସନ ସଚିବ ଏହି ଅନୁରୋଧ କରିଛନ୍ତି ।

କେନ୍ଦ୍ରୀୟ ଅତିରିକ୍ତ ଶାସନ ସଚିବ ଜଣାଇଥିଲେ, ଇତିମଧ୍ୟରେ ତାଳଚେର ଠାରେ ଏହି ପ୍ରତିଷ୍ଠାନର ନିର୍ମାଣ କାର୍ଯ୍ୟ ପୂର୍ଣ୍ଣାଙ୍ଗ ହୋଇଛି । ୫୦୦ ଶଯ୍ୟା ବିଶିଷ୍ଟ ଏହି ଭେଷଜ ମହାବିଦ୍ୟାଳୟ ନିର୍ମାଣ, ଆନୁଷଙ୍ଗିକ ଆସବାବପତ୍ର, ଯନ୍ତ୍ରପାତି ଏବଂ ଚିକିତ୍ସା ଉପକରଣ ଆଦି ପାଇଁ ଏମସିଏଲ୍ ତରଫରୁ ୫୦୦ କୋଟି ଟଙ୍କା ପ୍ରାବଧାନ କରାଯାଇଛି ।

ଭେଷଜ ମହାବିଦ୍ୟାଳୟ ଦୈନନ୍ଦିନ ପରିଚାଳନା ଏ କ୍ଷେତ୍ରରେ ଅଭିଜ୍ଞତା ଥିବା ବୃତ୍ତିଗତ ସଂସ୍ଥାଙ୍କ ଦ୍ୱାରା କରାଯିବ ବୋଲି ଶ୍ରୀ ନାଗାରାଜୁ କହିଥିଲେ । ଏହି ସଂସ୍ଥା ଚୟନ ପାଇଁ ବିଭିନ୍ନ ସଂସ୍ଥାମାନଙ୍କ ଠାରୁ ଆଗ୍ରହ ପତ୍ର ଆହ୍ୱାନ କରାଯାଇଛି । ଖୁବଶୀଘ୍ର ଏ ବିଷୟରେ ନିଷ୍ପତ୍ତି ହେବ । ତାଳଚେର ମେଡିକାଲ କଲେଜ କାର୍ଯ୍ୟକ୍ଷମ ହେଲେ ଅନୁଗୁଳ, କେନ୍ଦୁଝର, ଢେଙ୍କାନାଳ ଏବଂ ଆଖପାଖ ଜିଲ୍ଲାର ଲୋକ ସୁବିଧାରେ ଉଚ୍ଚମାନର ସ୍ୱାସ୍ଥ୍ୟସେବା ପାଇ ପାରିବେ ।

ଭାରତୀୟଙ୍କୁ ପାଗଳ କରିଛି ସିଂହଳୀ ସଙ୍ଗୀତ ‘ମାଣିକେ ମାଗେ ହିଥେ’

ନୂଆଦିଲ୍ଲୀ: ଇଣ୍ଟରନେଟ୍ ଜମାନାରେ ସଙ୍ଗୀତ ପାଇଁ ନାହିଁ ଭୌଗଳିକ ସୀମାରେଖା । ଭାଷା ଯାହା ବି ହେଉନା କାହିଁକି ? ଦିନକୁ ଦିନ ବିଦେଶୀ ଭାଷାରେ ଆସୁଥିବା ନୂଆ ସଙ୍ଗୀତ ପ୍ରତି ଆକୃଷ୍ଟ ହେବାରେ ଲାଗିଛନ୍ତି କୋଟି କୋଟି ଭାରତୀୟ । ସେ ସଙ୍ଗୀତ ଭିତରୁ ‘ମାଣିକେ ମାଗେ ହିଥେ’ ଏବେ ଭାରତୀୟଙ୍କ ହୃଦୟରେ ରାଜ୍ କରୁଛି ।

ଶ୍ରୀଲଙ୍କାର ଏହି ସଙ୍ଗୀତ ‘ମାଣିକେ ମାଗେ ହିଥେ’ ଏବେ ସୋସିଆଲ୍ ମିଡିଆରେ ଯୁବପିଢ଼ିଙ୍କୁ ବାୟା କରିଛି । ଏମିତିକି ବଲିଉଡ୍ ସେଲିବ୍ରିଟି ବିଗ୍ ବି ଅମିତାଭ ବଚ୍ଚନ ଓ ମାଧୁରୀ ଦିକ୍ଷୀତ ମଧ୍ୟ ବିଳମ୍ବିତ ରାତି ଯାଏଁ ଏହି ଗୀତ ପ୍ରେମରେ ପଡ଼ିଛନ୍ତି ।

ସିଂହଳୀ ଭାଷାରେ ପ୍ରସ୍ତୁତ ଏହି ଗୀତ ଇନଷ୍ଟାଗ୍ରାମ ରିଲ୍ସରେ ବି ସମସ୍ତଙ୍କୁ ଆକର୍ଷିତ କରିଛି । ଗୀତର ଚାହିଦା ବଢ଼ିବା ଦେଖି ଏକାଧିକ ଭାଷାରେ ଏହାର ରିମିକ୍ସ ହେଲାଣି । ଭାଇରାଲ୍ ହେଉଥିବା ଏହି ଗୀତଟିକୁ ଗାଇଛନ୍ତି ଶ୍ରୀଲଙ୍କାର ଗାୟିକା ତଥା ରାପର ୟୋହାନି । ଏହି ଗୀତଟି ମେ ମାସରେ ରିଲିଜ୍ ହୋଇଥିଲା । ଯାହାକୁ ୟୁଟ୍ୟୁବରେ ଏଯାବତ୍ ୧୦୦ ମିଲିୟନରୁ ଅଧିକ ଭ୍ୟୁ ହୋଇ ସାରିଲାଣି ।

‘ମାଣିକେ ମାଗେ ହିଥେ’ର ଲୋକପ୍ରିୟତା ପରେ ଏହାର ହିନ୍ଦୀ ଭର୍ସନ ମଧ୍ୟ ଆସିଛି । ତେବେ କିଏ ଏହି ୟୋହାନି ଡି ସିଲଭା ଆସନ୍ତୁ ଜାଣିବା… ଶ୍ରୀଲଙ୍କାର କଲୋମ୍ବରେ ରୁହନ୍ତି ୨୮ ବର୍ଷୀୟା ଡି ସିଲଭା । ୟୋହାନି ଜଣେ ଗାୟିକା ସହ ଗୀତ ଲେଖିକା, ରାପର ଓ ସଙ୍ଗୀତ ନିର୍ଦ୍ଦେଶକ । ସେ ୟୁଟ୍ୟୁବର ଭାବେ ନିଜ କ୍ୟାରିଅର ଆରମ୍ଭ କରିଥିଲେ ।

୪ କୋଟି ସମ୍ପତ୍ତିର ମାଲିକାଣୀ ଅଙ୍ଗନୱାଡ଼ି ଦିଦି

ଭୁବନେଶ୍ୱର: ଅଙ୍ଗନୱାଡ଼ି ଦିଦିଙ୍କ ଅମାପ ସମ୍ପତ୍ତି । ଭିଜିଲାନ୍ସ ଯେତେ ଖୋଜୁଛି, ସେତେ ମିଳୁଛି । ରେଡ୍ ବେଳେ କୋରଡକଣ୍ଟା ଅଙ୍ଗନୱାଡ଼ି ଦିଦିଙ୍କଠାରୁ ୪ କୋଟି ମୂଲ୍ୟର ଆୟ ବହିର୍ଭୂତ ସମ୍ପତ୍ତି ପାଇଛି ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ବର ଉପକଣ୍ଠ କୋରଡକଣ୍ଟା ଅଙ୍ଗନୱାଡ଼ି କର୍ମୀ କବିତା ମାଥନଙ୍କ ବାସଭବନ ସମେତ ମୋଟ ୬ଟି ସ୍ଥାନରେ ଭିଜିଲାନ୍ସ ରେଡ୍ କରିଥିଲା ।

 Anganwadi Worker Assets Worth 4 Crore Vigilance

ଖୋର୍ଦ୍ଧା, କେନ୍ଦ୍ରାପଡ଼ା ଓ ଜଗତସିଂହପୁରର ୬ଟି ସ୍ଥାନରେ ହୋଇଥିବା ରେଡ୍ ହୋଇଥିଲା । ଭୁବନେଶ୍ୱରରେ ଦିଦିଙ୍କ ୪ଟି ଘର ରହିଛି । ଗୋଟିଏ ୪ ମହଲା କୋଠା, ଗୋଟିଏ ତିନି ମହଲ କୋଠା ଓ ୨ଟି ଦୁଇ ମହଲା କୋଠା ଅଛି । ସେହିଭଳି ୧୪ଟି ପ୍ଲଟ ମଧ୍ୟରୁ ୧୦ଟି ଜାଗା ଭୁବନେଶ୍ୱରରେ ରହିଛି । ଜଗତସିଂହପୁର ତାଳକସୁମାରେ ୩ଟି ପ୍ଲଟ, ବାଲିଅନ୍ତାରେ ଗୋଟିଏ ପ୍ଲଟ ଅଛି ।

 Anganwadi Worker Assets Worth 4 Crore Vigilance

ଗୋଟିଏ ୪ ଚକିଆ, ୩ଟି ଦୁଇ ଚକିଆ, ୨.୨ ଲକ୍ଷ ଟଙ୍କାର ବୀମା, ୨୧୨ ଗ୍ରାମର ସୁନା ଅଳଙ୍କାର ଯାହାର ମୂଲ୍ୟ ୬.୩୬ ଲକ୍ଷ ଟଙ୍କା । ଏବେ ବି ସର୍ଚ୍ଚ ଅପରେସନ୍ ଜାରି ରହିଛି । କୋଟିପତି ଅଙ୍ଗନୱାଡ଼ି ଦିଦିଙ୍କ ସ୍ୱାମୀ ତହସିଲ କାର୍ଯ୍ୟାଳୟର ଜଣେ ମହୁରିଅର । ଉଭୟେ ସ୍ୱଳ୍ପ ବେତନଭୋଗୀ ସତ୍ତ୍ୱେ ଏତେ ପରିମାଣର ସମ୍ପତ୍ତିର ମାଲିକ କିଭଳି ହେଲେ ତାହାର ଅନୁସନ୍ଧାନ କରୁଛି ଭିଜିଲାନ୍ସ ।

ଭାରତରେ ଆତଙ୍କୀ ଆକ୍ରମଣ ପାଇଁ ପାକିସ୍ତାନର ଷଡ଼ଯନ୍ତ୍ର, ୬ ଗିରଫ

ନୂଆଦିଲ୍ଲୀ: ଦିଲ୍ଲୀ ପୋଲିସର ସ୍ପେଶାଲ ସେଲକୁ ବଡ଼ ସଫଳତା ମିଳିଛି । ୬ ଜଣ ଆତଙ୍କବାଦୀକୁ ଗିରଫ କରିଛି ସ୍ପେଶାଲ ସେଲ୍ । ଗିରଫ ଆତଙ୍କବାଦୀଙ୍କ ସମ୍ପର୍କ ଆଇଏସ୍ଆଇ ଓ ଅଣ୍ଡରୱର୍ଲ୍ଡ ସହ ଥିବା କୁହାଯାଉଛି । ଗିରଫ ଆତଙ୍କବାଦୀଙ୍କ ମଧ୍ୟରୁ ୨ ଜଣ ପାକିସ୍ତାନରେ ପ୍ରଶିକ୍ଷଣ ନେଇଥିଲେ । ସେମାନଙ୍କ ଠାରୁ ବିପୁଳ ମାତ୍ରାରେ ଅସ୍ତ୍ରଶସ୍ତ୍ର ସହ ବିସ୍ଫୋଟକ ଜବତ କରାଯାଇଛି ।

ଆତଙ୍କବାଦୀ ମାନେ ଦେଶରେ ଅଲଗା ଅଲଗା ସହରରେ ବଡ଼ ଧରଣର ଆକ୍ରମଣ ପାଇଁ ଷଡ଼ଯନ୍ତ୍ର କରୁଥିଲେ । ଏହାଛଡ଼ା ଏମାନଙ୍କ ଟାର୍ଗେଟରେ ଥିଲେ ବହୁ ଜଣାଶୁଣା ବ୍ୟକ୍ତି ବିଶେଷ । ସୂତ୍ର ଅନୁସାରେ, କିଛି ରାଜନେତାଙ୍କ ସହ ସମାଜସେବୀ ଓ ଶିଳ୍ପପତିଙ୍କୁ ଏମାନେ ଟାର୍ଗେଟ୍ କରିଥିଲେ । ତେବେ ଏମାନଙ୍କ ନଜରରେ କିଏ କିଏ ଥିଲେ ତାହା ସ୍ପଷ୍ଟ ହୋଇନାହିଁ ।

ପାକିସ୍ତାନ ପ୍ରଶିକ୍ଷିତ ୨ ଆତଙ୍କବାଦୀଙ୍କ ସମ୍ପର୍କ ପାକିସ୍ତାନର ଗୁଇନ୍ଦ ସଂସ୍ଥା ଆଇଏସ୍ଆଇ ସହ ଥିବା ଜଣାପଡ଼ିଛି । ଆଇଏସ୍ଆଇ ସମ୍ପୂର୍ଣ୍ଣ ଯୋଜନା କରି ସେମାନଙ୍କୁ ଭାରତ ପଠାଇଥିଲା । ଏକାଧିକ ସହରରେ ବିସ୍ଫୋରଣ ପାଇଁ ଅସ୍ତ୍ରଶସ୍ତ୍ର ସହ ବିସ୍ଫୋଟକ ଯୋଗାଇଥିଲା ।

 Delhi Special Cell Arrested 6 Terrorists

ସ୍ପେଶାଲ ସେଲ୍ ଏସପି ନୀରଜ ଠାକୁରଙ୍କ ଅନୁସାରେ, ଜଣଙ୍କୁ କୋଟାରୁ ଗିରଫ କରାଯାଇଥିବା ବେଳେ ଦିଲ୍ଲୀରୁ ୨ ଜଣ ଓ ଉତ୍ତରପ୍ରଦେଶରୁ ୩ ଜଣଙ୍କୁ ଧରାଯାଇଛି । ମସ୍କଟ ଦେଇ ପାକିସ୍ତାନରେ ୨ ଜଣ ପ୍ରଶିକ୍ଷଣ ନେଇଛନ୍ତି । ୧୪ରୁ ୧୫ ଜଣ ବଙ୍ଗଳା କହୁଥିବା ଲୋକ ପ୍ରଶିକ୍ଷଣ ନେଇଥିବା ଜଣାପଡ଼ିଛି ।

ଦିଲ୍ଲୀ ପୋଲିସ ସ୍ପେଶାଲ ସେଲ୍ ଅନୁସାରେ, ଭାରତରେ ଆତଙ୍କବାଦୀ କାର୍ଯ୍ୟକଳାପ ପାଇଁ ପାକିସ୍ତାନ ୨ଟି ଟିମ୍ ଦ୍ୱାରା ସଞ୍ଚାଳିତ କରୁଥିଲା । ଗୋଟିଏ ଟିମ୍ ଦାଉଦ ଇବ୍ରାହିମର ଭାଇର ଅନୀସ ଇବ୍ରାହିମ୍ ପରିଚାଳିତ କରୁଥିଲା । ଏହି ଟିମ୍ ମୁଖ୍ୟତଃ ସୀମା ଦେଇ ଅସ୍ତ୍ରଶସ୍ତ୍ର ଭାରତକୁ ଆଣୁଥିଲା । ଅନ୍ୟ ଟିମ୍ ହାୱଲା ମାଧ୍ୟମରେ ଟଙ୍କା ଯୋଗାଣ କରୁଥିଲା ।

ଭରା ନଈରେ ୨୦ କିମି ଭାସିଯିବା ପରେ ନାବାଳକ ଉଦ୍ଧାର

ଚଣ୍ଡିଖୋଲ: ସୂତା ଖିଅରେ ବଞ୍ଚିଗଲା ଜୀବନ । ଭରା ନଈର ପ୍ରଖର ସ୍ରୋତରେ ୨୦ କିଲୋମିଟର ଭାସିଯିବା ପରେ ଉଦ୍ଧାର ହୋଇଛନ୍ତି ନାବାଳକ । ଢେଙ୍କାନାଳ ଜିଲ୍ଲା ଦିଗାମ୍ବରପୁରରେ ଜଣେ ନାବାଳକ ଗାଧୋଇବା ସମୟରେ ଗୋଡ଼ ଖସିଯିବାରୁ ବ୍ରାହ୍ମଣୀରେ ଭାସି ଯାଇଥିଲେ । ଭାସି ଯାଉଥିବା ନାବାଳକ ଜଣଙ୍କୁ ଧର୍ମଶାଳା ବ୍ଲକର ଏଣ୍ଡଳବା ନୌକା ଘାଟରେ କିଛି ଲୋକ ଦେଖିଥିଲେ । ଏହାପରେ କିଛି ନାଉରି ଡଙ୍ଗା ସାହାଯ୍ୟରେ ନଦୀରେ ୫ କିଲୋମିଟର ଦୂର ଯିବାପରେ ନାବାଳକ ଜଣଙ୍କୁ ଉଦ୍ଧାର କରିଥିଲେ ।

Minor Boy Rescued From Brahmani River

ଉଦ୍ଧାର ନାବାଳକ ଜଣକ ଢେଙ୍କାନାଳ ଜିଲ୍ଲା କାମାକ୍ଷାନଗର ପଣ୍ଡୁଆ ଗାଁର ସୁଶାନ୍ତ ବାରିକଙ୍କ ପୁଅ ଅଲ୍ହା । ସେ ମାମୁଁ ଘର ଦିଗାମ୍ବରପୁର ଠାରେ ରହୁଥିବା ବେଳେ ନଦୀକୁ ଗଧୋଇବାକୁ ଯାଇଥିଲେ । ଲଗାଣ ବର୍ଷା ଯୋଗୁଁ ବ୍ରାହ୍ମଣୀ ନଦୀର ଜଳସ୍ତର ମଧ୍ୟ ବୃଦ୍ଧି ପାଇଥିଲା । ଗୋଡ଼ ଖସିଯିବାରୁ ନାବାଳକ ଭାସି ଯାଇଥିଲେ । ଉଦ୍ଧାର ପରେ ଆମ୍ବୁଲାନ୍ସ ଯୋଗେ ନାବାଳକଙ୍କୁ ମେଡିକାଲ ପଠାଯାଇଛି । ଉଦ୍ଧାର କରିଥିବା ନାଉରିଆଙ୍କୁ ସ୍ଥାନୀୟ ଲୋକେ ପ୍ରଶଂସା କରିଛନ୍ତି ।