spot_img
Home Blog Page 5330

ଲଘୁଚାପ ବର୍ଷାରେ ହୀରାକୁଦରେ ବୃଦ୍ଧି ପାଉଛି ଜଳସ୍ତର, ଉପର ମୁଣ୍ଡରେ ବର୍ଷା ହେଲେ ଖୋଲିପାରେ ଆହୁରି ଗେଟ୍‌

ସମ୍ବଲପୁର: ରାଜ୍ୟରେ ଜାରି ରହିଛି ଲଘୁଚାପ ଜନିତ ବର୍ଷା। ଏହାର ପ୍ରଭାବରେ ଆଜି ବିଭିନ୍ନ ଜିଲ୍ଲାରେ ବର୍ଷା ସମ୍ଭବାନା ଲାଗି ରହିଛି। ସେପଟେ ରାଜ୍ୟକୁ ଡରାଇଲାଣି ଆଉଏକ ଲଘୁଚାପ। କାରଣ ଆସନ୍ତା ୨୫ତାରିଖରେ ପୂର୍ବ-କେନ୍ଦ୍ରୀୟ ତଥା ତତ୍‌ସଂଲଗ୍ନ ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ତେବେ ରାଜ୍ୟରେ ବର୍ଷା ଲାଗି ରହିଥିବା ବେଳେ ହୀରାକୁଦ ଜଳଭଣ୍ଡାରର ଜଳସ୍ତର ଏବେ ସର୍ବୋଚ୍ଚ ସ୍ତରରେ ପହଞ୍ଛିଚି।

8 Sluice Gate Of Hirakud Dam Opened To Release Flood Water

ହୀରାକୁଦର ସର୍ବାଧିକ ଜଳଧାରଣ କ୍ଷମତା ୬୩୦ ଫୁଟ୍ ଥିବା ବେଲେ ଆଜି ଜଳସ୍ତର ରହିଛି ୬୨୯ ଦଶମିକ ୪୭ ଫୁଟ। ତେବେ ଆଗକୁ ଯଦି ଉପର ମୁଣ୍ଡରେ ବର୍ଷା ହୁଏ ତେବେ ଜଳଭଣ୍ଡାରର ସ୍ଥିତିକୁ ଦେଖି କର୍ତ୍ତୃପକ୍ଷ ଆଉ ଗେଟ୍‌ ଖୋଲିବେ ନା ନାହିଁ, ସେନେଇ ନିଷ୍ପତ୍ତି ନେବେ। ତେବେ ଜଳଭଣ୍ଡାରୁ ଜଳ ପ୍ରବେଶ ଏବେବି ଅଧିକ ରହିଛି। ଯଦି ଉପର ମୁଣ୍ଡରେ ବର୍ଷା ହୁଏ, ତାହେଲେ ଜଳଭାଣ୍ଡରର ସ୍ଥିତିକୁ ଦେଖି ଗେଟ ଖୋଲାଯିବ ବୋଲି ହୀରାକୁଦ ଜଳଭଣ୍ଡାର ମୁଖ୍ୟ ଯନ୍ତ୍ରୀ ଆନନ୍ଦ ଚନ୍ଦ୍ର ସାହୁ କହିଛନ୍ତି।

ମହେନ୍ଦ୍ର ଗିରିଙ୍କୁ ଭିଡିଓ ମାଧ୍ୟମରେ କରାଯାଉଥିଲା ବ୍ଲାକମେଲ୍, ସନ୍ଦେହ ଘେରରେ ସମାଜବାଦୀର ନେତା

Narendra Giri Suicide Case: ଉତ୍ତରପ୍ରଦେଶର ପ୍ରୟାଗରାଜରେ ଅଖିଲ ଭାରତୀୟ ଅଖରା ପରିଷଦର ସଭାପତି ମହନ୍ତ ନରେନ୍ଦ୍ର ଗିରିଙ୍କ ସନ୍ଦେହଜନକ ମୃତ୍ୟୁର ଯାଞ୍ଚ କରାଯାଉଛି । ଏହି ସମଗ୍ର ବିଷୟ ବିଷୟରେ ଅନେକ ନୂତନ ତଥ୍ୟ ପ୍ରକାଶ ପାଇଛି । ସର୍ବଶେଷ ସୂଚନା ଅନୁଯାୟୀ, ଭିଡିଓ ଆଧାରରେ ମହନ୍ତ ନରେନ୍ଦ୍ର ଗିରିଙ୍କୁ ବ୍ଲାକମେଲ କରାଯାଉଥିଲା ।

ସୂଚନା ଅନୁଯାୟୀ, ମହେନ୍ଦ୍ର ଗିରିଙ୍କୁ ବ୍ଲାକମେଲ କରିବା ପାଇଁ ଏକ ସିଡିର ବ୍ୟୂହାର କରାଯାଉଥିଲା । ବ୍ଲାକମେଲିଂର ଏହି ମାମଲାରେ ସମାଜବାଦୀ ପାର୍ଟୀ ସରକାରର ଜଣେ ଉଚ୍ଚ ପଦସ୍ତ ରାଜ୍ୟ ମନ୍ତ୍ରୀ ତଦନ୍ତ ପରିଷରୃଭୁକ୍ତ ହୋଇଛନ୍ତି । ଯେଉଁ ନେତାଙ୍କ ବିଷୟରେ ତଥ୍ୟ ପ୍ରକାଶ ପାଇଛି, ସେ ପ୍ରାୟ ସମୟରେ ନରେନ୍ଦ୍ର ଗିରିଙ୍କୁ ଦେଖା କରିବା ପାଇଁ ଆସୁଥିଲେ । କେବଳ ସେତିକି ନୁହେଁ, ପୂରା ମାମଲାକେ ଯେଉଁ ଶିଷ୍ୟ ଆନ୍ଦ୍ର ଗିରିଙ୍କୁ ଅଟକ ରଖାଯାଇଛି, ସେ ପୂର୍ବ ରାଜ୍ୟ ମନ୍ତ୍ରୀଙ୍କ ଖାସ ଲୋକ ଥିଲେ ।

କଲ ବିବରଣୀ ସହାୟତାରେ ପ୍ରୟାଗରାଜ ପୋଲିସ ଏହି ସବୁ ଗୁରୁତ୍ୱପୂର୍ଣ୍ଣ ସୂତ୍ର ପାଇଛି ଏବଂ ବର୍ତ୍ତମାନ ଏହି ସମାଜବାଦୀ ପାର୍ଟି ମନ୍ତ୍ରୀ ମଧ୍ୟ ପୋଲିସ ରାଡାରକୁ ଆସିଛନ୍ତି । ସୂଚନା ଆଧାରରେ ପୋଲିସ ବର୍ତ୍ତମାନ ଏହାର ତଦନ୍ତ ଆରମ୍ଭ କରିଛି ।

ଗତକାଲି ନିଜ ମଠରେ ହିଁ ନରେନ୍ଦ୍ର ଗିରିଙ୍କ ଝଲନ୍ତା ମୃତଦେହ ମିଳିଥିଲା । ତଦନ୍ତ ବେଳେ ପୁଲିସ ଘଟଣାସ୍ଥଳରୁ ସୁସାଇଡ ନୋଟ ଜବତ କରିଥିଲା । ୭ ପୃଷ୍ଠାର ଏହି ସୁସାଇଡ ନୋଟରେ ମହନ୍ତ ତାଙ୍କ ବିବାଦୀୟ ଶିଷ୍ୟ ଆନନ୍ଦ ଗିରିଙ୍କ ନାଁ ନେଇଛନ୍ତି । ଆନନ୍ଦ ଗିରି, ମହନ୍ତ ନରେନ୍ଦ୍ର ଗିରିଙ୍କୁ ମାନସିକ ଭାବେ ନିର୍ଯାତନା ଦେଉଥିବା ସେ ଲେଖିଛନ୍ତି । ମୁଁ ସମ୍ମାନର ସହ ବଞ୍ଚିଥିଲି। କିନ୍ତୁ ଏବେ ଅପମାନ ସହ ବଞ୍ଚି ପାରିବି ନାହିଁ। ଏହି କାରଣରୁ ମୁଁ ନିଜ ଜୀବନ ନେଉଛି ବୋଲି ଲେଖିଛନ୍ତି ସଭାପତି ନରେନ୍ଦ୍ର ଗିରି।

ପ୍ରୟାଗରାଜର ନିଜ ମଠର ଯେଉଁ ଘରେ ନରେନ୍ଦ୍ର ଗିରିଙ୍କ ମୃତଦେହ ମିଳିଛି, ସେହି ଘର ଚାରିଆଡୁ ବନ୍ଦ ଥିଲା । ମୁଖ୍ୟ ଦ୍ୱାର ବି ବନ୍ଦ ରହିଥିଲା । ପ୍ରାଥମିକ ତଦନ୍ତ ପରେ ପୁଲିସ ଏହାକୁ ଏକ ଆତ୍ମହତ୍ୟା ବୋଲି କହିଛି । ସେପଟେ ଆନନ୍ଦ ଗିରି କହିଛନ୍ତି ଯେ, ସେ ସବୁପ୍ରକାରର ତଦନ୍ତର ସାମ୍ନା କରିବାକୁ ପ୍ରସ୍ତୁତ ଅଛନ୍ତି । ତାଙ୍କ ବିରୋଧରେ ଷଡଯନ୍ତ୍ର କରାଯାଉଛି ବୋଲି ସେ ଅଭିଯୋଗ କରିଛନ୍ତି । ଆନନ୍ଦ ଗିରିଙ୍କୁ ପଚରାଉଚରା ପାଇଁ ହରିଦ୍ୱାର ଯାଇଛି ଉତ୍ତରପ୍ରଦେଶ ପୋଲିସ । ସେପଟେ ଆଜି ନରେନ୍ଦ୍ର ଗିରିଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ପ୍ରୟାଗରାଜ ଯିବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।

ନିଜର ସର୍ବୋଚ୍ଚ ନେତା ଅଖୁନ୍ଦଜାଦାଙ୍କୁ ହତ୍ୟା କଲା ତାଲିବାନ, ଉପ-ପ୍ରଧାନମନ୍ତ୍ରୀ ମୁଲ୍ଲା ବରାଦରଙ୍କୁ ବନ୍ଧକ

କାବୁଲ: ଆଫଗାନିସ୍ତାନରେ କ୍ଷମତା ହାସଲ କରିବା ପରେ ନିଜ ମଧ୍ୟରେ ରକ୍ତାକ୍ତ ବିବାଦ ତାଲିବାନକୁ ଏକ ବଡ ଝଟକା ଲାଗିଛି । ବ୍ରିଟିଶ ମାଗାଜିନ ଦାବି କରିଛି ଯେ ତାଲିବାନ ନେତା ହିବତୁଲ୍ଲା ଅଖୁନ୍ଦଜାଦାଙ୍କୁ ହତ୍ୟା କରାଯାଇଛି । ଏହାସହ ଉପ-ପ୍ରଧାନମନ୍ତ୍ରୀ ମୁଲ୍ଲା ବରାଦରଙ୍କୁ ମଧ୍ୟ ବନ୍ଧକ ରଖାଯାଇଛି । କ୍ଷମତା ପାଇଁ ତାଲିବାନର ଦୁଇଟି ଦଳ ମଧ୍ୟରେ ଏହି ସଂଗ୍ରାମ ହୋଇଥିଲା ।

ମାଗାଜିନ ଆହୁରି ମଧ୍ୟ ଜଣାଇଛି ଯେ ହକ୍କାନି ଦଳ ସହ ଏହି ଝଗଡା ମଧ୍ୟରେ ମୁଲ୍ଲା ବରାଦର ସର୍ବାଧିକ କ୍ଷତିଗ୍ରସ୍ତ ହୋଇଥିଲେ । ବ୍ରିଟେନର ପତ୍ରିକା ଏହାର ରିପୋର୍ଟରେ କହିଛି ଯେ ସେପ୍ଟେମ୍ବର ମାସରେ ତାଲିବାନର ଉଭୟ ଦଳ ଏକାଠି ହୋଇଥିଲେ । ଏହି ସମୟରେ ଏକ ଘଟଣା ମଧ୍ୟ ଆସିଥିଲା ​​ଯେତେବେଳେ ହକାନୀ ନେତା ଖଲିଲ-ଉଲ-ରହମାନ ହକକାନି ତାଙ୍କ ଚେୟାରରୁ ଉଠି ବାରଦାରଙ୍କୁ ପିଟିବା ଆରମ୍ଭ କରିଥିଲେ ।

ଅଣ-ତାଲିବାନ ଏବଂ ସଂଖ୍ୟାଲଘୁ ସମ୍ପ୍ରଦାୟକୁ କ୍ୟାବିନେଟରେ ଅନ୍ତର୍ଭୁକ୍ତ କରିବା ପାଇଁ ବରାଦର କ୍ରମାଗତ ଭାବରେ ତାଲିବାନ ସରକାରଙ୍କ ଉପରେ ଚାପ ପକାଉଥିଲେ ଯାହା ଦ୍ୱାରା ବିଶ୍ୱର ଅନ୍ୟ ଦେଶମାନେ ତାଲିବାନ ସରକାରଙ୍କୁ ଚିହ୍ନିବେ । ଏହି ସଂଘର୍ଷ ପରେ ବାରଦର କିଛି ଦିନ ପାଇଁ ନିଖୋଜ ଥିଲେ ଏବଂ ଏବେ ପୁଣି ଥରେ କାନ୍ଦାହାରରେ ଦେଖାଦେଇଛି ।

ରିପୋର୍ଟ ଅନୁଯାୟୀ, ବାରଦାର ଆଦିବାସୀ ନେତାଙ୍କୁ ଭେଟିଛନ୍ତି, ଯାହାର ସମର୍ଥନ ତାଙ୍କୁ ମଧ୍ୟ ମିଳିଛି । ତେବେ ବରାଦରଙ୍କୁ ଚାପ ପକାଇ ତାଙ୍କୁ ଏକ ଭିଡିଓ ବାର୍ତ୍ତା ଦେଇଥିଲେ । ମାଗାଜିନ ଦାବି କରିଛି ଯେ ଭିଡିଓରେ ଦର୍ଶାଯାଇଛି ଯେ ବରାଦରଙ୍କୁ ବନ୍ଧକ ରଖାଯାଇଛି । ଅଖୁନ୍ଦଜାଦାଙ୍କ ବିଷୟରେ ରିପୋର୍ଟରେ କୁହାଯାଇଛି ଯେ ସେ କେଉଁଠାରେ ଅଛନ୍ତି ତାହା ଏପର୍ଯ୍ୟନ୍ତ ଜଣା ପଡିନାହିଁ ।

ସେ ଦୀର୍ଘ ସମୟ ଧରି ହାଜର ହୋଇନାହାଁନ୍ତି କିମ୍ବା ତାଙ୍କଠାରୁ କ କୌଣସି ବାର୍ତ୍ତା ଦିଆଯାଇ ନାହିଁ । ଏଭଳି ପରିସ୍ଥିତିରେ ଅଖୁନ୍ଦଜାଦାଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । କ୍ଷମତା ପାଇଁ ଏଭଳି ସଂଗ୍ରାମ ତାଲିବାନରେ ପୂର୍ବରୁ ଦେଖାଯାଇନଥିଲା । ତାଲିବାନ ଏବଂ ହକ୍କାନି ନେଟୱାର୍କ ୨୦୧୬ରେ ମିଶ୍ରିତ ହୋଇଥିଲା ।

ନିଜ ହାତରେ ନିଜ ସିନ୍ଦୁର ପୋଛିଲା ସ୍ତ୍ରୀ, କାଠ ଫାଳିଆରେ ପିଟି ସ୍ୱାମୀକୁ କଲା ନିର୍ମମ ହତ୍ୟା !

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଚାଞ୍ଚଲ୍ୟ। ପୁଣି ହତ୍ୟାକାଣ୍ଡର ରକ୍ତରେ ଭିଜିଲା ରାଜଧାନୀ ଭୁବନେଶ୍ୱର। ସ୍ୱାମୀକୁ ସ୍ତ୍ରୀ ହତ୍ୟା କରିଥିବା ଅଭିଯୋଗ ହୋଇଛି। ଡମଣା ମଣ୍ଡପ ବସ୍ତିରେ ଘଟିଛି ଏଭଳି ହତ୍ୟାକାଣ୍ଡ। ସ୍ତ୍ରୀର ମାଡ଼ରେ ସ୍ୱାମୀର ମୃତ୍ୟୁ ହୋଇଛି ଜଣାପଡ଼ିଛି। ତେବେ ଘଟଣା ସ୍ଥଳରେ ପୋଲିସ୍‌ ପହଞ୍ଚି ପ୍ରାଥମିତ ତଦନ୍ତ ଆରମ୍ଭ କରିଛି। ସ୍ତ୍ରୀକୁ ଅଟକ ରଖି ପୋଲିସ୍‌ ପଚରା ଉଚରା କରୁଛି। କେମି ମୃତ୍ୟୁ ହେଲା । କଣା ପାଇଁ ଏଭଳି ଘଟଣା ଘଟିଲା ।

ସବୁ ଦିଗକୁ ନେଇ ଅଭିଯୁକ୍ତ ସ୍ତ୍ରୀକୁ ପଚରାଉଚରା କରୁଛି ପୋଲିସ୍‌। ତେବେ ନିଶାଶକ୍ତ ଅବସ୍ତାରେ ଏଭଳି ହୋଇଥିବା ସନ୍ଦେହ କରାଯାଉଛି। କାରଣ ସେହି ଆଖପାଖରେ ହାଣ୍ଡିଆ ଏବଂ ନିଶା ବ୍ୟବସାୟ ବହୁଳ ଭାରେ ଚାଲିଥାଏ। କୌଣସି କାରଣରୁ ବଚ୍ଚସା ହେବା ପରେ ସ୍ୱାମୀକୁ କାଠ ଫାଳିଆରେ ସ୍ତ୍ରୀ ପିଟି ହତ୍ୟା କରିଥିବା ଅଭିଯୋଗ ହୋଇଛି। ତେବେ କିଛି ସମୟ ପରେ ଘଟଣା ସ୍ଥଳରେ ସାଇଣ୍ଟିଫିକ୍‌ ଟିମ୍‌ ପହଞ୍ଚିବ ତଦନ୍ତ ଆରମ୍ଭ କରିବ। ହେଲେ ଏପର୍ଯ୍ୟନ୍ତ ହତ୍ୟାକାଣ୍ଡର କାରଣ ଜଣାପଡ଼ିନାହିଁ ।

ଓଡ଼ିଶା ଉପରେ ପଶ୍ଚିମବଙ୍ଗର ଲୋଲୁପ ଦୃଷ୍ଟି, ଉଦୟପୁର ବେଳାଭୂମିରେ ନିର୍ମାଣ କରୁଛି ଗାର୍ଡୱାଲ

ନୂଆଦିଲ୍ଲୀ: ସେପଟେ ଆନ୍ଧ୍ର ଏପରେ ପଶ୍ଚିମବଙ୍ଗ। ଓଡ଼ିଶା ଉପରେ ସମସ୍ତଙ୍କ ନଜର। କେମିତି ଓଡ଼ିଶାର କିଛି ଅଂଶ ନିଜ ଅଧିନକୁ ନେବୁ ସେଥିପାଇଁ ଲାଗିପଡ଼ିଛନ୍ତି। ନିଜ ଅଧିନକୁ ନେଇ କିଛି ନା କିଛି ନିର୍ମାଣ କରିବାରେ ବ୍ୟସ୍ତ। ପୁଣି ଓଡ଼ିଶା ସୀମାରେ ପଶ୍ଚିମବଙ୍ଗର ବେଆଇନ ନିର୍ମାଣ। ରାଜ୍ୟର ଅନ୍ୟତମ ମନୋରମ ବେଳାଭୂମି ଉଦୟପୁର ବେଳାଭୂମି ଉପରେ ଲୋଲୁପ ଦୃଷ୍ଟି ପକାଇଛି ପଶ୍ଚିମବଙ୍ଗ।

ଦ୍ଵିତୀୟ ଥର ପାଇଁ ବେଳାଭୂମିରେ ବେଆଇନ ଭାବେ ଗାର୍ଡୱାଲ ନିର୍ମାଣ କରୁଛି ପଶ୍ଚିମବଙ୍ଗ। ସ୍ଥାନୀୟ ଲୋକ ପ୍ରଶାସନକୁ ଖବର ଦେବାପରେ ଭୋଗରାଇ ତହସିଲଦାର ଓ ପୋଲିସ ପହଞ୍ଚି କାମ ବନ୍ଦ କରିଛନ୍ତି। ଗାର୍ଡ ୱାଲ ନିର୍ମାଣ ହେଉଥିବା ସ୍ଥାନରେ ପୂର୍ବରୁ ୧୪୪ ଧାରା ବଳବତ୍ତର ଥିଲେ ମଧ୍ୟ ପଶ୍ଚିମବଙ୍ଗ ଆଜି ସକାଳୁ ନିର୍ମାଣ ଆରମ୍ଭ କରିଥିଲା। ଖବର ପାଇ ପ୍ରଶାସନ ପହଞ୍ଚି କାମକୁ ବନ୍ଦ କରିଛି।

ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୪୬୨ ଜଣ କରୋନା ସଂକ୍ରମିତ

ଭୁବନେଶ୍ୱର: ରାଜ୍ୟରେ ୪ଶହ ତଳେ ରହିଛି କରୋନା ସଂକ୍ରମଣ। ଦିନକୁ ଦିନ ତଳକୁ ଖସିବାରେ ଲାଗିଛି କରୋନା ସଂକ୍ରମଣ। ରାଜ୍ୟରେ ଆଉ ୪୬୨ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ୫ଆକ୍ରାନ୍ତଙ୍କ ଜୀବନ ନେଇଛି କରୋନା। ଶୂନରୁ ୧୮ବର୍ଷ ବୟସର ୭୦ ଆକ୍ରାନ୍ତ ଚିହ୍ନଟ ହୋଇଛନ୍ତି। କ୍ୱାରେଣ୍ଟାଇନରୁ ସେଣ୍ଟରରୁ ୨୬୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଲୋକାଲ କେସ୍ ରହିଛି ୧୯୪। ସେପଟେ ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୬ଶହ ଆକ୍ରାନ୍ତ।

ଖୋର୍ଦ୍ଧାରୁ ସର୍ବାଧିକ ୨୦୧ ଆକ୍ରାନ୍ତ ଚିହ୍ନଟ ହୋଇଥିବା ବେଲେ ଷ୍ଟେଟପୁଲରୁ ୪୩, ଜଗତସିଂହପୁରରୁ ୩୧, କଟକରୁ ୩୦, ଯାଜପୁରରୁ ୨୮ ସଂକ୍ରମିତ ଚିହ୍ନଟ ହୋଇଛନ୍ତି। ଭଦ୍ରକଓ ସୁନ୍ଦରଗଡ଼ରୁ ୧୬ଜଣ ଲେଖାଏଁ, ମୟୂରଭଞ୍ଜ ଓ ପୁରୀରୁ ୧୩ଜଣ ଲେଖାଏଁ, ସମ୍ବଲପୁରରୁ ୧୨, ବାଲେଶ୍ୱରରୁ ୧୧, କେନ୍ଦ୍ରାପଡାରୁ ୧୦,  ଅନୁଗୁଳରୁ ୬, ନୟାଗଡ଼ରୁ ୫, ବରଗଡ଼, ଝାରସୁଗୁଡା, ଓ ରାୟଗଡ଼ାରୁ ୪ଜଣ ଲେଖାଏଁ, ବଲାଙ୍ଗୀର, ଢେଙ୍କାନାଳ, ଗଜପତି, ଗଞ୍ଜାମ ,କଳାହାଣ୍ଡିରୁ ୨ଜଣ ଲେଖାଏଁ, ଦେବଗଡ଼, କନ୍ଧମାଳ, କେନ୍ଦୁଝର, ନୂଆପଡା ଓ ସୋନପୁରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।

ମାତ୍ର କେଇଟା ଟଙ୍କା ପାଇଁ ଗାଁ ଦାଣ୍ଡରେ ମହିଳା କାଟିଲେ ମହିଳାଙ୍କ ଚୁଟି, ଭିଡିଓ କଲେ ପାଖରେ ଥିବା ଛୋଟ ପୁଅ-ଝିଅ

କେନ୍ଦ୍ରାପଡା: ଗାଁ ଦାଣ୍ଡରେ ଚାଲିଛି ମହିଳାଙ୍କୁ ଲଣ୍ଡା କରିବାର ଅପମାନର ବର୍ବ। ମହିଳା ଜଣକୁ ଦାଣ୍ଡ ମଝିରେ ବସାଇ କଇଁଚିରେ କାଟି ଚାଲିଛନ୍ତି ଚୁଟି। ଖାଲି ସେତିକି ନୁହେଁ ମୁଁହରେ ମଧ୍ୟ କଳା ବୋଳା ଚାଲିଛି। ଏକବିଂଶ ଶତାବ୍ଦୀରେ ବି ଶିକ୍ଷିତ ସମାଜରେ ଘଟୁଛି ଏଭଳି ନିନ୍ଦନୀୟ ଘଟଣା। ସାମାନ୍ୟ କେଇଟା ଟଙ୍କା ପାଇଁ ମହିଳା ଜଣକ ଭୋଗିଛନ୍ତି କଙ୍ଗାରୁ କୋର୍ଟ ଭଳି ଘୃଣ୍ୟ ନିର୍ଯାତନା। ଏ ଦୃଶ୍ୟ କୌଣସି ଦୁର୍ଗମ ଆଦିବାସୀ ଅଞ୍ଚଳର ନୁହେଁ। ବରଂ ଏ ଦୃଶ୍ୟ ହେଉଛି କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇର। ଉଦାର ଟଙ୍କା ପାଇଁ ଶିକାର ହୋଇଛନ୍ତି ଏଭଳି ନିର୍ଯାତନାର।

ବେଲତଳ ଗାଁରେ ଜଣେ ମହିଳା କିଛି ଲୋକଙ୍କ ଠାରୁ ଟଙ୍କା ଉଧାର ନେଇଥିଲା। ପରବର୍ତ୍ତୀ ସମୟରେ ମହିଳା ଜଣଙ୍କ ଟଙ୍କା ଦେଇ ନପାରିବାରୁ ତାଙ୍କୁ ଅକଥନୀୟ ନିର୍ଯାତନା ଦିଆଯାଇଛି। ମହିଳାଙ୍କ ଚୁଟି କାଟିବା ସହ ତାଙ୍କ ମୁହଁରେ କଳା ବୋଳୁଛନ୍ତି ଗାଁର କିଛି ମହିଳା। ପାଖରେ ଥିବା ଛୋଟ ପିଲା ମଧ୍ୟ ଏଭଳି ଘଟଣାର ମନଭରି ଉପଭୋଗ କରୁଛନ୍ତି। ସଭ୍ୟ ସମାଜରେ ଏପରି ଜୁଲମ୍‌ ନିନ୍ଦନୀୟ ନୁହେଁ କି ? ପାଖରେ ଛିଡ଼ା ହୋଇଥିବା ଛୋଟ ପିଲା ଏଥିରୁ କଣ ଶିକ୍ଷିବେ ? ନିଜର ଅସହାୟ କାହାଣୀ କହୁଥିଲେ ବି ଯେପରି ସବୁ କିଛି ଭୁଲି ଯାଇଛନ୍ତି ଏହି ମହିଳାମାନେ। ଏ ଦୃଶ୍ୟକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ତେବେ ଟଙ୍କା ବି କୌଣସି ବଡ଼ ଧରଣର ବା ମୋଟା ଅଙ୍କର ନୁହେଁ। ସାମାନ୍ୟ କିଛି ଟଙ୍କା ପାଇଁ ଏଭଳି ଅବସ୍ଥା ହୋଇଛନ୍ତି ମହିଳା।

ହୋଇପାରେ ଆତଙ୍କବାଦୀଙ୍କ ବଡ଼ ଆକ୍ରମଣ, ଉରିରେ ଜାରି ହେଲା ହାଇ ଆଲର୍ଟ

ନୂଆଦିଲ୍ଲୀ: ବିପୁଳ ଅସ୍ତ୍ରଶସ୍ତ୍ର ସହ ଭାରତରେ ପ୍ରବେଶ କରିବା ଲାଗି ଆତଙ୍କବାଦୀଙ୍କ ସବୁଠାରୁ ବଡ ଉଦ୍ୟମ। ଏନେଇ ଗୁଇନ୍ଦା ସୂଚନା ମିଳିବା ପରେ ଜାମ୍ମୁ ଓ କାଶ୍ମୀରର ଉରି ସେକ୍ଟରରେ ବ୍ୟାପକ ସତର୍କତା। ଉରି ସେକ୍ଟରରେ ପ୍ରଥମ ଥର ଲାଗି ଇଣ୍ଟରନେଟ ଓ ମୋବାଇଲ ଫୋନ ସେବାକୁ ୩୬ ଘଣ୍ଟା ଲାଗି ରଦ୍ଦ କରାଯାଇଛି। ଗତ ୨୦୧୬ ସେପ୍ଟେମ୍ବର ୧୮ରେ ଉରି ସେକ୍ଟରର ଏକ ସାମରିକ କ୍ୟାମ୍ପରେ ଦୁଇ ଜଣ ଆତ୍ମଘାତୀ ବାହିନୀ ବିସ୍ଫୋରଣ ଘଟାଇଥିଲେ। ଏବଂ ଏଥିରେ ୧୯ଜଣ ଯବାନ ସହିଦ ହୋଇଥିଲେ। ଏହି ଲୋମହର୍ଷକ ଘଟଣାର ଷଷ୍ଠ ବାର୍ଷିକୀରେ ଆତଙ୍କବାଦୀ ପୁଣି ହମଲା କରିବାକୁ ଯୋଜନା କରୁଛନ୍ତି ବୋଲି ସୂଚନା ମିଳିବା ପରେ ସେନାବାହିନୀ ସତର୍କ ହୋଇଛି।

ନିୟନ୍ତ୍ରଣ ରେଖା ବା ଏଲଓସି ଦେଇ ଏହି ଆତଙ୍କବାଦୀମାନେ ପଶିବା ଲାଗି ଉଦ୍ୟମ କରିଛନ୍ତି ବୋଲି ଗୁଇନ୍ଦା ତଥ୍ୟ ଆସିବା ପରେ ଏହି ପଦକ୍ଷେପ ନିଆଯାଇଛି। ଉରି ସେକ୍ଟରର ବିଭିନ୍ନ ସ୍ଥାନରେ ସର୍ଚ୍ଚ ଅପରେସନ ଜାରି ରହିଥିବା ବେଳେ, ଆତଙ୍କବାଦୀଙ୍କ ବିରୋଧରେ ଅପରେସନ ଆରମ୍ଭ ହୋଇଛି। ବ୍ୟାପକ ଅଞ୍ଚଳରେ କର୍ଡନ ବ୍ୟବସ୍ଥା କରାଯାଇ ଯାଞ୍ଚ ପ୍ରକ୍ରିୟା ଜାରି ରହିଛି। ଲେଫ୍ଟନାଣ୍ଟ ଜେନରାଲ ଡି.ପି. ପାଣ୍ଡେ କହିଛନ୍ତି ଉରି ସେକ୍ଟରରେ ପ୍ରବେଶ କରିବା ଲାଗି ଆତଙ୍କବାଦୀ ଉଦ୍ୟମ କରିଛନ୍ତି। ସେମାନଙ୍କ ସମ୍ଭାବ୍ୟ ମୁକାବିଲା ଲାଗି ସେନାବାହିନୀ ସତର୍କ ରହିଛି। ପ୍ରାୟ ୬ ଜଣ ଆତଙ୍କବାଦୀ କୌଣସି ମତେ ଭାରତରେ ପଶିଛନ୍ତି ଏବଂ ସେମାନଙ୍କ ଗୁଳିରେ ଜଣେ ଯବାନ ଆହତ ହୋଇଛନ୍ତି ବୋଲି କୁହାଯାଇଛି।

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏସଡିଓଙ୍କ ଘରେ ଭିଜିଲାନସ୍ ଚଢାଉ

କେନ୍ଦୁଝର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ। କେନ୍ଦୁଝର ନେସ୍କୋ ଇଲେକ୍ଟ୍ରିକାଲ୍ ଏସଡିଓଙ୍କ ଘରେ ଭିଜିଲାନସ୍ ଚଢାଉ। ଏକାସାଙ୍ଗରେ ୪ଟି ସ୍ଥାନରେ ଚଢାଉ କରୁଛି ଭିଜିଲାନସ୍। କେନ୍ଦୁଝରର ନେସ୍କୋ କାର୍ଯ୍ୟାଳୟରେ ମିଟର୍ ରିଡିଙ୍ଗ ବିଭାଗରେ ଇଲେକ୍ଟ୍ରେକାଲ୍ ଏସଡିଓ ଥିବା ମହେଶ୍ୱର ସେଠୀଙ୍କର ଜଗନ୍ନଥପୁର ସ୍ପଞ୍ଜ କଲୋନୀସ୍ଥିତ ବାସଭବନ, ଘଟଗାଁ ବ୍ଲକ ମୁକୁନ୍ଦପୁର ପାଟଣାରେ ଥିବା ପୈତୃକ ବାସଭବନ, ଘଟଗାଁରେ ଥିବା ଭାଇ ଘର ଓ ରିମୁଳିସ୍ଥିତ ତାଙ୍କର ଶ୍ୱଶୁର ଘରେ ଚାଲିଛି ଚଢାଉ।

ବାଲେଶ୍ୱର ଭିଜିଲାନସ୍ ଡିଭିଜନ୍‌ର ଅତିରିକ୍ତ ଆରକ୍ଷୀ ଅଧୀକ୍ଷକ ପରମେଶ୍ୱର କିଷାନଙ୍କ ନେତୃତ୍ୱରେ ୨ଜଣ ଡିଏସପି ଓ ୫ଜଣ ସବଇନିସ୍ପେକ୍ଟରଙ୍କ ସହ ୪ଟି ଟିମ୍ ଏହି ଚଢାଉରେ ସାମିଲ ହୋଇଛନ୍ତି। ଆୟବହିର୍ଭୂତ ସ୍ଥାବର, ଅସ୍ଥାବର ସମ୍ପତ୍ତିର ଖୋଳତାଡ଼ ଜାରି ରହିଛି।

ରାଜ୍ୟରେ ସକ୍ରିୟ ରହିଛି ଘୂର୍ଣ୍ଣିବଳୟ, ପ୍ରଭାବରେ ଆଜି ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା

ଭୁବନେଶ୍ୱର: ରାଜ୍ୟରେ ସକ୍ରିୟ ରହିଛି ଘୂର୍ଣ୍ଣିବଳୟ। ପ୍ରଭାବରେ ଆଜି ବିଭିନ୍ନ ଜିଲ୍ଲାରେ ବର୍ଷା ସମ୍ଭବାନା ଲାଗି ରହିଛି। ସେପଟେ ରାଜ୍ୟକୁ ଡରାଇଲାଣି ଆଉଏକ ଲଘୁଚାପ। କାରଣ ଆସନ୍ତା ୨୫ତାରିଖରେ ପୂର୍ବ-କେନ୍ଦ୍ରୀୟ ତଥା ତତ୍‌ସଂଲଗ୍ନ ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ଏହାର ପ୍ରଭାବରେ ଆସନ୍ତା ୨୬ ତାରିଖରୁ ରାଜ୍ୟରେ ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରିଛି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର। ବିଶେଷକରି ଲଘୁଚାପ ପ୍ରଭାବରେ ଉପକୂଳ ଓ ଉତ୍ତର ଉପକୂଳ ଓଡ଼ିଶାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।

ଚଳିତ ମାସରେ ଦୁଇ ଦୁଇଟି ଲଘୁଚାପର ସାମ୍ନା କଲାଣି ଓଡ଼ିଶା। ଏବେ ରାଜ୍ୟରେ ମୌସୁମୀ ଟ୍ରଫଲାଇନ ସହିତ ଏକ ଘୂର୍ଣ୍ଣିବଳୟ ସକ୍ରିୟ ରହିଛି। ଏହା ପ୍ରଭାବରେ ଆଜି ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବ। ଏଥିପାଇଁ ଆଭ୍ୟନ୍ତରୀଣ ଓ ଦକ୍ଷିଣ ଓଡ଼ିଶାର ୧୨ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। ଏହାପରେ ପୁଣି ୨୬ ତାରିଖରୁ ଆଉ ଏକ ଲଘୁଚାପ ପ୍ରଭାବରେ ଭିଜିବ ଓଡ଼ିଶା। ଅନ୍ୟପଟେ ଆଗାମୀ ଦିନରେ ବାତ୍ୟା ନେଇ ସେପରି କୌଣସି ସ୍ପଷ୍ଟ ସୂଚନା ନାହିଁ ବୋଲି ପାଣିପାଗ ବିଜ୍ଞାନୀ କହିଛନ୍ତି। ସେପଟେ ଲଘୁଚାପ ବର୍ଷା ପରେ ମଧ୍ୟ ଏବେ ବି ରାଜ୍ୟରେ ୧୨ ପ୍ରତିଶତ କମ୍ ବର୍ଷା ହୋଇଛି। ୧୯ଟି ଜିଲ୍ଲାରେ ରେକର୍ଡ ହୋଇଛି ସ୍ୱାଭାବିକ ବର୍ଷା।

ସେପଟେ ଲଘୁଚାପର ରୂପ ନେଲା ଗାଙ୍ଗେୟ ଉପତ୍ୟକାରେ ସୃଷ୍ଟ ଘୂର୍ଣ୍ଣିବଳୟ। ଏହା ଏବେ ଦକ୍ଷିଣ ଗାଙ୍ଗେୟ ଉପତ୍ୟକାର ଆଖପାଖରେ ସକ୍ରିୟ ରହିଛି। ପ୍ରଭାବରେ ପଶ୍ଚିମବଙ୍ଗରେ ବର୍ଷା ଜାରି ରହିଛି। ଉତ୍ତର ଓଡ଼ିଶାର ବାଲେଶ୍ଵର, ଭଦ୍ରକ, ମୟୂରଭଞ୍ଜ, କେନ୍ଦୁଝର ଏବଂ ସୁନ୍ଦରଗଡ଼ରେ ଆଜି ପ୍ରବଳ ବର୍ଷିବ। ଗତକାଲିର ଘୂର୍ଣ୍ଣିବଳୟ ପ୍ରଭାବରେ ଓଡ଼ିଶା ଉପକୂଳ ଜିଲ୍ଲାରେ ବର୍ଷା ସମ୍ଭାବନା ରହିଛି। ଆଭ୍ୟନ୍ତରୀଣ ଓଡ଼ିଶାର କିଛି ଜିଲ୍ଲାରେ ଲାଗିରହିଛି ବର୍ଷା। ସକାଳ ସାଟେଲାଇଟରୁ ଉତ୍ତୋଳନ ଫଟୋରୁ ବର୍ଷା ହେଉଥିବା ଜଣାପଡିଛି। ଟୁଇଟ କରି ସୂଚନା ଦେଲା ଆଞ୍ଚଳିକ ପାଣିପାଗ କେନ୍ଦ୍ର।