କଟକ: ମହଙ୍ଗା ପଡ଼ିଲା ଦବଙ୍ଗଗିରି । ଗିରଫ ହେଲେ ସମାଜସେବୀ ଓ ତାଙ୍କ ସହଯୋଗୀ । ଗତ ବୁଧବାର କଟକ କାଳିଆ ବୋଦା ଶ୍ମଶାନରେ କୋଭିଡ ଶବଦାହ କରୁଥିବା କର୍ମଚାରୀଙ୍କୁ ସମାଜସେବୀ ବିଭୁତି ରାୟ ହଠାତ ସଂଘବଦ୍ଧ ଆକ୍ରମଣ କରିଥିଲେ । ଏନେଇ ଶବ ସତ୍କାର କରୁଥିବା ଲୋକେ ପୋଲିସ ନିକଟରେ ଅଭିଯୋଗ କରିବାକୁ ଯାଇଥିଲେ । ହେଲେ ଥାନା ବାହାରେ ଛକିଥିବା ସମାଜସେବୀଙ୍କ ସହଯୋଗୀ ପୁଣି ସେମାନଙ୍କୁ ଆକ୍ରମଣ କରିଥିଲେ । ଏନେଇ ଚଉଳିଆଗଞ୍ଜ ଥାନାରେ ଏତଲା ଦେଇଛନ୍ତି ଶ୍ମଶାନର ପରିଚାଳକ ବିଶ୍ୱ ବିଜେତା ପାତ୍ର । ଘଟଣାର ତଦନ୍ତ କରି ବିଭୁତି ଓ ତା’ର ସହଯୋଗୀଙ୍କୁ ଗିରଫ କରିଛି ପୋଲିସ । ମାମଲାରେ ଆଉ ଯେଉଁମାନେ ବି ସମ୍ପୃକ୍ତ ଥିବେ ସେମାନଙ୍କୁ ବି ଖୁବଶୀଘ୍ର ଗିରଫ କରାଯିବ ବୋଲି କହିଛନ୍ତି ଚାଉଳିଆଗଞ୍ଜ ଥାନା ଅଧିକାରୀ ।
ଭୁବନେଶ୍ୱର ବିମାନ ବନ୍ଦରରେ ପ୍ରମୋଦ ଭଗତଙ୍କୁ ଭବ୍ୟ ସ୍ୱାଗତ ସମ୍ୱର୍ଦ୍ଧନା
ଭୁବନେଶ୍ୱରରେ ପହଞ୍ଚିଲେ ପ୍ରମୋଦ ଭଗତ । ବିମାନବନ୍ଦରରେ ତାଙ୍କୁ ଭବ୍ୟ ସ୍ୱାଗତ ସମ୍ୱର୍ଦ୍ଧନା ଦିଆଯିବା ପରେ ତାଙ୍କୁ ଶୋଭାଯାତ୍ରାରେ ନିଆଯାଉଛି । ବିରାଟ ଶୋଭାଯାତ୍ରାରେ ସେ ସହର ପରିକ୍ରମା କରିବେ । ପାରା- ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ହାସଲ କରିଥିବା ପ୍ରମୋଦ ଭଗତଙ୍କୁ ଆଜି ପୁରସ୍କୃତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଳିଙ୍ଗ ଷ୍ଟାଡିୟମରେ ଆଜି ସନ୍ଧ୍ୟା ୫ଟାରେ ଏକ ଉତ୍ସବରେ ପ୍ରମୋଦଙ୍କୁ ମୁଖ୍ୟମନ୍ତ୍ରୀ ପୁରସ୍କାର ରାଶି ପ୍ରଦାନ କରିବେ ।
ଏଥିସହିତ ପଢ଼ନ୍ତୁ: ସ୍ୱର୍ଣ୍ଣ ପଦକ ବିଜେତା ପାରା ଅଲିମ୍ପିଆନ୍ ପ୍ରମୋଦ ଭଗତ୍ଙ୍କୁ ମୁଖ୍ୟମନ୍ତ୍ରୀ ଦେବେ ୬କୋଟି ଟଙ୍କାର ଆର୍ଥିକ ପୁରସ୍କାର
କରୋନା କାରଣରୁ ବାତିଲ ହେଲା ଇଂଲଣ୍ଡ ବିପକ୍ଷ ଅନ୍ତିମ ଟେଷ୍ଟ
ମାଞ୍ଚେଷ୍ଟର: ଇଂଲଣ୍ଡ ବିପକ୍ଷ ଅନ୍ତିମ ଟେଷ୍ଟ ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ । କରୋନା କାରଣରୁ ଇଂଲଣ୍ଡ ବିପକ୍ଷ ଅନ୍ତିମ ଟେଷ୍ଟ ବାତିଲ ହୋଇଛି । ଭାରତ ଓ ଇଂଲଣ୍ଡ୍ ମଧ୍ୟରେ ଆଜି ମଞ୍ଚେଷ୍ଟର୍ରେ ଖେଳାଯାଇଥାନ୍ତା ୫ମ ତଥା ଚୂଡ଼ାନ୍ତ ଟେଷ୍ଟ୍ ।
ଭାରତୀୟ ଦଳର ସହକାରୀ ‘ଫିଜିଓଥେରାପିଷ୍ଟ୍’ ଯୋଗେଶ ପରମର ଗୁରୁବାର ଦିନ କୋଭିଡ୍-୧୯ ପଜିଟିଭ୍ ହୋଇଥିବା କଥା ପରୀକ୍ଷାରୁ ଜଣାପଡ଼ିବା ପରେ ‘ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇଣ୍ଡିଆ’ ଏବଂ ‘‘ଇଂଲଣ୍ଡ୍ କ୍ରିକେଟ୍ ବୋର୍ଡ’ ମଧ୍ୟରେ ଗଭୀର ଆଲୋଚନା ହୋଇଥିଲା। ତା’ପରେ ମ୍ୟାଚ୍ ବାତିଲ ନେଇ ନିଷ୍ପତ୍ତି ହୋଇଛି ।
‘ବିସିସିଆଇ’ ସହ ଆଲୋଚନା ପରେ ଆଜି ଏମିରେଟ୍ସ୍ର ଓଲଡ୍ ଟ୍ରାଫୋର୍ଡରେ ଆଜି ଇଂଲଣ୍ଡ୍ ଏବଂ ଭାରତର ଖେଳାଳିମାନଙ୍କ ମଧ୍ୟରେ ଆରମ୍ଭ ହେବାକୁ ଥିବା ପଞ୍ଚମ ‘ଏଲ୍ଭି= ଇନ୍ସ୍ୟୁରାନ୍ସ୍ ଟେଷ୍ଟ୍’କୁ ବାତିଲ କରାଯାଇଥିବା ଇଂଲଣ୍ଡ କ୍ରିକେଟ ବୋର୍ଡ ପକ୍ଷରୁ କୁହାଯାଇଛି । ଆଗକୁ କରୋନା ମାମଲା ବଢ଼ିବାର ଆଶଙ୍କା ଥିବାରୁ ଏଭଳି ନିଷ୍ପତ୍ତି ନିଆଯାଇଛି ।
ଏଥିସହିତ ପଢ଼ନ୍ତୁ: ଆଫଗାନିସ୍ତାନରେ ନିଷିଦ୍ଧ ହୋଇପାରେ ମହିଳା କ୍ରୀଡ଼ା: ସମଗ୍ର ଶରୀର ଆବୃତ ହୋଇପାରୁନଥିବାରୁ ନିଆଯାଇପାରେ ନିଷ୍ପତ୍ତି
ଦୁଷ୍ମନ୍ତକୁ ଭୁବନେଶ୍ୱର ଡାକି ଆତ୍ମହତ୍ୟା ନେଇ ପ୍ରବର୍ତ୍ତାଇଥିବା ଲୋକଙ୍କୁ ଧରିବାକୁ ପରିବାର ଲୋକଙ୍କ ଦାବି
ପାରାଦୀପ: କେବେ ଧରାହେବେ ଦଷ୍ମନ୍ତଙ୍କ ଦୁଶମନ୍ । କୁଜଙ୍ଗ ଥାନାରେ ଏତଲା ଦିଆଯିବା ପରେ ଦୁଷ୍ମନ୍ତଙ୍କୁ କିଏ ପ୍ରବର୍ତ୍ତାଇଥିଲା, ସେହି ଖଳନାୟକମାନଙ୍କୁ ଖୋଜୁଛି ପୋଲିସ। ଚାଲିପାରୁନଥିବା ଦୁଷ୍ମନ୍ତଙ୍କୁ କିଏ ବିଧାନସଭା ଆଗକୁ ନେଲା? ସେ ବିଷ କେଉଁଠୁ ପାଇଲେ ? ଘଟଣା ପଛରେ କିଏ, ସେମାନଙ୍କୁ ଧରି ଫାଶୀ ଦେଲେ ନ୍ୟାୟ ପାଇବେ ବୋଲି ଦୁଷ୍ମନ୍ତଙ୍କ ମାଆ କହିଛନ୍ତି । କଟକ ଏସସିବି ମେଡିକାଲରେ ପୁଅର ଚିକିତ୍ସା ଚାଲିଥିଲା, ଭଲ ହେବାକୁ ସମୟ ଲାଗିବ ଏବଂ ଫିଜିଓଥେରାପି କରିବାକୁ ଡାକ୍ତର ପରାମର୍ଶ ଦେଇଥିଲେ। ହେଲେ ତାଙ୍କୁ ଭୁବନେଶ୍ୱର ଡାକି ଆତ୍ମହତ୍ୟା ପାଇଁ ପ୍ରବର୍ତ୍ତାଇଥିବା ଯୁବକଙ୍କୁ ଧରିବାକୁ ଦୁଷ୍ମନ୍ତଙ୍କ ପରିବାର ଦାବି କରିଛନ୍ତି ।
ଦୁଇବର୍ଷ ତଳେ ଏକ ସଡ଼କ ଦୁର୍ଘଟଣାରେ ଗୁରୁତର ହୋଇ ପ୍ରଥମେ କୁଜଙ୍ଗ ଓ ପରେ କଟକରେ ଚିକିତ୍ସିତ ହୋଇଥିଲେ ଦୁଷ୍ମନ୍ତ । ସେଠାରେ ତାଙ୍କର ସମସ୍ତ ଚିକିତ୍ସା ବ୍ୟବସ୍ଥା କରାଯାଇଥିଲା। ପ୍ଲାଷ୍ଟିକ ସର୍ଜରୀ ବିଭାଗରେ ତାଙ୍କର ଅପରେସନ ମଧ୍ୟ କରାଯାଇଥିଲା। କିନ୍ତୁ ତାଙ୍କ ବାମ ଗୋଡ଼ରେ ଗଭୀର ଆଘାତ ଲାଗିଥିବାରୁ ଚିକିତ୍ସା ସମୟ ସାପେକ୍ଷ ଥିଲା। ସବୁ ସରକାରୀ ସାହାଯ୍ୟ ଯୋଗାଇ ଦିଆଯାଇଥିଲା। ତେବେ ତାଙ୍କ ମାନସିକତା ସହ ଖେଳି ଆତ୍ମହତ୍ୟା ପାଇଁ ପ୍ରବର୍ତ୍ତାଇ ଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ସମାଜସେବୀ। ଦୁଷ୍ମନ୍ତଙ୍କ ମାଆ ଏତଲା ଦେବା ପରେ କୁଜଙ୍ଗ ଥାନା ପକ୍ଷରୁ ମାମଲା ରୁଜୁ କରି ମଙ୍ଗଳାବାଗ ଥାନାକୁ ହସ୍ତାନ୍ତର କରାଯାଇଛି।
ଗଣେଶ ଚତୁର୍ଥୀ ଅବସରରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା
ନୂଆଦିଲ୍ଲୀ: ଗଣେଶ ଚତୁର୍ଥୀ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଓ ପ୍ରଧାନମନ୍ତ୍ରୀ । ରାଷ୍ଟ୍ରପତି ରାମନାଥ କୋବିନ୍ଦ କରିଥିବା ଟ୍ୱିଟ୍ରେ ଗଣପତି ବାପ୍ପା ମୋର୍ୟା! ଗଣେଶ ଚତୁର୍ଥୀର ଶୁଭ ଅବସରରେ ଦେଶବାସୀଙ୍କ ପ୍ରତି ହାର୍ଦ୍ଦିକ ଶୁଭକାମନା। କୋଭିଡ୍-୧୯ ବିରୋଧରେ ଆମେ ଚଳାଇଥିବା ଉଦ୍ୟମକୁ ବିଘ୍ନହର୍ତା ଗଣେଶ ସଫଳ କରନ୍ତୁ ଏବଂ ସମସ୍ତଙ୍କୁ ସୁଖ ଏବଂ ଶାନ୍ତି ପ୍ରଦାନ କରନ୍ତୁ। ଆସନ୍ତୁ, ଆମେ ସମସ୍ତେ କୋଭିଡ୍-ଅନୁକୂଳ ଆଚରଣ ସହ ଏହି ଉତ୍ସବ ପାଳନ କରିବା ବୋଲି ଟ୍ୱିଟ୍ରେ ଉଲ୍ଲେଖ କରିଛନ୍ତି ।
गणपति बाप्पा मोरया!
गणेश चतुर्थी के शुभ अवसर पर सभी देशवासियों को हार्दिक शुभकामनाएं।
मेरी कामना है कि कोविड-19 के विरुद्ध किए जा रहे हमारे प्रयासों को विघ्नहर्ता गणेश सफल बनाएं और सभी को सुख एवं शांति प्रदान करें।
आइए, हम सब कोविड-अनुकूल व्यवहार करते हुए यह त्योहार मनाएं।
— President of India (@rashtrapatibhvn) September 10, 2021
ସେହିଭଳି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି, ଗଣେଶ ଚତୁର୍ଥୀ ପାଇଁ ଆପଣମାନଙ୍କୁ ଶୁଭେଚ୍ଛା। ଏହି ପବିତ୍ର ଉତ୍ସବ ପ୍ରତ୍ୟେକଙ୍କ ଜୀବନରେ ସୁଖ, ଶାନ୍ତି, ସମୃଦ୍ଧି ଏବଂ ସୁସ୍ୱାସ୍ଥ୍ୟ ଆଣୁ। ଗଣପତି ବାପ୍ପା ମୋର୍ୟା!
ଅପରପକ୍ଷରେ ରାଜ୍ୟପାଳ ଓ ମୁଖ୍ୟମନ୍ତ୍ରୀ ମଧ୍ୟ ରାଜ୍ୟବାସୀଙ୍କୁ ଗଣେଶ ଚତୁର୍ଥୀ ଅବସରରେ ଶୁଭେଚ୍ଛା ଜଣାଇଛନ୍ତି । ପ୍ରଭୁଙ୍କ କୃପାରୁ ସମସ୍ତଙ୍କ ଜୀବନ ନିରାମୟ ହେଉ ବୋଲି ସେ ବିଘ୍ନହର୍ତ୍ତାଙ୍କ ନିକଟରେ ପ୍ରାର୍ଥନା କରିଛନ୍ତି ରାଜ୍ୟପାଳ ।
ପବିତ୍ର ଗଣେଶ ଚତୁର୍ଥୀ ଉପଲକ୍ଷେ ମାନ୍ୟବର ରାଜ୍ୟପାଳ ସମସ୍ତ ଓଡ଼ିଶାବାସୀଙ୍କୁ ଅଶେଷ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି l ପ୍ରଭୁଙ୍କ କୃପାରୁ ସମସ୍ତଙ୍କ ଜୀବନ ନିରାମୟ ହେଉ ବୋଲି ସେ ଵିଘ୍ନହର୍ତ୍ତାଙ୍କ ନିକଟରେ ପ୍ରାର୍ଥନା କରିଛନ୍ତି।#GaneshChaturthi#GanpatiBappaMorya pic.twitter.com/nArfGB0cUd
— Governor Odisha (@GovernorOdisha) September 10, 2021
ସେହିଭଳି ମୁଖ୍ୟମନ୍ତ୍ରୀ ମଧ୍ୟ ରାଜ୍ୟବାସୀଙ୍କୁ ଟ୍ୱିଟ୍ ଯୋଗେ ଗଣେଶ ଚତୁର୍ଥୀର ଶୁଭେଚ୍ଛା ଜଣାଇଛନ୍ତି । ପ୍ରଭୁ ଶ୍ରୀ ଗଣେଶଙ୍କ ଆଶୀର୍ବାଦରେ ସମସ୍ତଙ୍କ ଜୀବନ ମଙ୍ଗଳମୟ ହେଉ ବୋଲି ଲେଖିଛନ୍ତି ।
ପବିତ୍ର ଗଣେଶ ଚତୁର୍ଥୀ ଉପଲକ୍ଷେ ରାଜ୍ୟବାସୀଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ। ପ୍ରଭୁ ଶ୍ରୀ ଗଣେଶଙ୍କ ଆଶୀର୍ବାଦରୁ ସମସ୍ତଙ୍କ ଜୀବନ ମଙ୍ଗଳମୟ ହେଉ।#GaneshChaturthi pic.twitter.com/csoC7uHvC4
— Naveen Patnaik (@Naveen_Odisha) September 10, 2021
ଆଉ ୭୪୫ ଜଣ କରୋନା ସଂକ୍ରମିତ ଚିହ୍ନଟ: ୬ଜଣଙ୍କ ଜୀବନ ନେଇଛି କରୋନା
ଭୁବନେଶ୍ୱର: ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହୋଇଛନ୍ତି ୭୪୫ ପଜିଟିଭ । ୧୮ ବର୍ଷରୁ କମ୍ ବୟସ୍କଙ୍କ ମଧ୍ୟରେ ୧୧୯ ଜଣ ପିଲା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଆଜି ମାତ୍ର ୬ ଜଣଙ୍କ ଜୀବନ ନେଇଛି କିଲିର ଭାଇରସ । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟାଇନ୍ରୁ ୪୩୫ ଜଣ ଥିବା ବେଳେ, ଲୋକାଲ କେସ ରହିଛି ୩୧୦ ।
Covid-19 Report For 9th September
New Positive Cases: 745
Of which 0-18 years: 119
In quarantine: 435
Local contacts: 310(Details of local contacts will be shared by concerned Dist Administration)
District Wise Cases:
1. Angul: 10
2. Balasore: 32
3. Bargarh: 11
4. Bhadrak: 9— I & PR Department, Odisha (@IPR_Odisha) September 10, 2021
ଖୋର୍ଦ୍ଧାରୁ ସର୍ବାଧିକ ୨୯୭ ସଂକ୍ରମିତ ଅଛନ୍ତି । ସେହିପରି କଟକରୁ ୧୨୦, ଷ୍ଟେଟପୁଲରୁ ୭୨, ବାଲେଶ୍ୱର ଓ ମୟୂରଭଞ୍ଜରୁ ୩୨ ଜଣ ଲେଖାଏଁ । ଯାଜପୁରରୁ ୨୭, ସୁନ୍ଦରଗଡ଼ରୁ ୨୪, ଜଗତସିଂହପୁର ଓ କେନ୍ଦ୍ରାପଡ଼ାରୁ ୧୮ ଜଣ ଲେଖାଏଁ ଆକ୍ରାନ୍ତ ଅଛନ୍ତି । ପୁରୀରୁ ୧୭, ବରଗଡ଼ ଓ ନୟାଗଡ଼ରୁ ୧୧ଜଣ ଲେଖାଏଁ ଏବଂ ସମ୍ବଲପୁର ଓ ଅନଗୁଳରୁ ୧୦ ଜଣ ଲେଖାଏଁ ସଂକ୍ରମିତ ଅଛନ୍ତି । ଭଦ୍ରକ ଓ ଢେଙ୍କାନାଳରୁ ୯ଜଣ ଲେଖାଏଁ , ଦେବଗଡ଼ରୁ ୬, କେନ୍ଦୁଝର ୫, ନବରଙ୍ଗପୁର ୪, ଗଂଜାମ ଓ କନ୍ଧମାଳରୁ ୩ ଜଣ ଲେଖାଏଁ, ନୂଆପଡ଼ା ଓ ରାୟଗଡ଼ାରୁ ୨ ଜଣ ଲେଖାଏଁ, ମାଲାକାନଗିରି, କୋରାପୁଟ ଓ ସୁବର୍ଣ୍ଣପୁରରୁ ଜଣେ ଲେଖାଏଁ ସଂକ୍ରମିତ ଅଛନ୍ତି । ୨୪ ଘଣ୍ଟାରେ ଆଉ ୬୯୪ ସଂକ୍ରମିତ ସୁସ୍ଥ ହୋଇଛନ୍ତି ।
ଏଥିସହିତ ପଢ଼ନ୍ତୁ: ଚିନ୍ତା ବଢ଼ାଉଛି କେରଳରେ କରୋନା ସଂକ୍ରମଣ, ସେପଟେ ମୁମ୍ବାଇରେ ତୃତୀୟ ଲହର ଆଶଙ୍କା
ରାଜଧାନୀରେ ନିଆରା ଗଣେଶ ପୂଜା: ପ୍ରସାଦ ବଦଳରେ ଦିଆଯାଉଛି ଗଛ ଚାରା
ଭୁବନେଶ୍ୱର: ରାଜଧାନୀର ଫରେଷ୍ଟ ପାର୍କରେ ଆଜି ନିଆରା ଭାବେ ଗଣେଶ ପୂଜା ଅନୁଷ୍ଠିତ ହୋଇଛି । ଯେଉଁଠି ଏକ ଗଛକୁ ଗଜାନନ ବେଶରେ ସଜାଯାଇ ପୂଜା କରାଯାଉଛି। ଏହାସହ ଏଠାରେ ଯେଉଁମାମେ ଶ୍ରଦ୍ଧାଳୁ ଆସୁଛନ୍ତି ସେମାନଙ୍କୁ ପ୍ରସାଦ ବଦଳରେ ଛୋଟ ଛୋଟ ଗଛ ପ୍ରଦାନ କରାଯାଉଛି । କରୋନା ସମୟରେ ଅକ୍ସିଜେନର ଆବଶ୍ୟକତା ଅଧିକ ଥିବାରୁ ଗଛକୁ ପୂଜା କରି ଏହାର ଆବଶ୍ୟକତା ନେଇ ଲୋକଙ୍କୁ ସଚେତନ କରିବାକୁ ଚେଷ୍ଟା କରିଛି ବକୁଲ ଫାଉଣ୍ଡେସନ ।
ଅନ୍ୟପଟେ ୟୁନିଟ ୮ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ କରୋନା କଟକଣା ସହ ଗଣେଶ ପୂଜା ପାଳନ କରାଯାଇଛି। ୨୦ ଜଣ ଛାତ୍ରଛାତ୍ରୀଙ୍କୁ ନେଇ ଗଣେଶ ପୂଜା ଅନୁଷ୍ଠିତ ହିଇଯାଇଛି। ପ୍ରତ୍ୟେକ ବର୍ଷ ବେଶ ଧୁମଧାମରେ ଏଠାରେ ଗଣେଶ ପୂଜା ପାଳନ କରାଯାଇଥାଏ ତେବେ ଏଥର ସରକାରଙ୍କ ଗାଇଡ଼ଲାଇନ ଅନୁସାରେ ଅଳ୍ପ ଛାତ୍ରଛାତ୍ରୀଙ୍କୁ ନେଇ ଗଣେଶ ପୂଜା କାରାଯାଇଛି ।
ଏଥିସହିତ ପଢ଼ନ୍ତୁ: କଟକଣା ମଧ୍ୟରେ ଚାଲିଛି ଅଗ୍ରପୂଜ୍ୟଙ୍କ ଆରାଧନା
ଆଫଗାନିସ୍ତାନରେ ନିଷିଦ୍ଧ ହୋଇପାରେ ମହିଳା କ୍ରୀଡ଼ା: ସମଗ୍ର ଶରୀର ଆବୃତ ହୋଇପାରୁନଥିବାରୁ ନିଆଯାଇପାରେ ନିଷ୍ପତ୍ତି
କାବୁଲ: ଆଫଗାନିସ୍ତାନରେ ନିଷିଦ୍ଧ ହୋଇପାରେ ମହିଳା କ୍ରୀଡ଼ା । ମହିଳା କ୍ରିକେଟ ସମେତ ଅନ୍ୟାନ୍ୟ ଖେଳକୁ ନିଷିଦ୍ଧ କରିବା ଲାଗି ଯୋଜନା ପ୍ରସ୍ତୁତ । ଖୁବଶୀଘ୍ର ଏନେଇ ତାଲିବାନ ସରକାର ଘୋଷଣା କରିବେ ବୋଲି କହିଛନ୍ତି ସାଂସ୍କୃତିକ କମିଶନର ଉପମୁଖ୍ୟ ଅହମ୍ମଦୁଲ୍ଲା ଓ୍ୱାସିକ୍ । ସେ କହିଛନ୍ତି, କ୍ରିକେଟ ସମେତ ଅନ୍ୟାନ୍ୟ କ୍ରୀଡାରେ ମହିଳାଙ୍କ ମୁହଁ ଦିଶିବା ସହ ସମଗ୍ର ଶରୀର ଆବୃତ୍ତ ରହୁ ନଥିବାରୁ ଏହା ଇସଲାମ ଧର୍ମର ଅବମାନନା କରୁଛି । ଏଣୁ କ୍ରୀଡାକୁ ନିଷିଦ୍ଧ କରିବା ଲାଗି ସରକାର ଚିନ୍ତା କରୁଛନ୍ତି । ବର୍ତ୍ତମାନ ମିଡିଆ ଯୁଗରେ ମହିଳା କ୍ରୀଡାବିତଙ୍କ ବିଭିନ୍ନ ଫଟୋ ଓ ଭିଡିଓ ନିଆଯିବ ଏବଂ ତାହାକୁ ଲୋକେ ଦେଖିବେ ।
ଇସଲାମ ଧର୍ମରେ ଏହା ନାହିଁ । ଇସଲାମ ଓ ଇସଲାମିକ ଏମିରେଟରେ କ୍ରିକେଟ ଓ ଅନ୍ୟାନ୍ୟ ଖେଳକୁ ଏଥିଲାଗି ଅନୁମତି ଦିଆଯିବ ନାହିଁ । ଗତମାସରେ ଓ୍ୱାସିକ କହିଥିଲେ ପୁରୁଷ କ୍ରିକେଟ ଟିମକୁ ଖେଳିବା ଲାଗି ଅନୁମତି ଦିଆଯିବ । ଆସନ୍ତା ନଭେମ୍ବରରେ ଆଫଗାନ ଟିମ୍ ଏକ ଟେଷ୍ଟ ମ୍ୟାଚ ଲାଗି ଅଷ୍ଟ୍ରେଲିଆ ଗସ୍ତରେ ଯିବାର କାର୍ଯ୍ୟକ୍ରମ ରହିଛି । ସେପଟେ ଅଷ୍ଟ୍ରେଲିଆ ପକ୍ଷରୁ କୁହାଯାଇଛି ଯଦି ମହିଳା କ୍ରୀଡାକୁ ନିଷିଦ୍ଧ ଲାଗି ତାଲିବାନର ଯୋଜନା ସତ ହୋଇଥାଏ ତେବେ ଟେଷ୍ଟ ମ୍ୟାଚ ଯୋଜନା ବାତିଲ ହୋଇପାରେ । ଉଭୟ ମହିଳା ଓ ପୁରୁଷ କ୍ରିକେଟ ଲାଗି ବେଶ୍ ପ୍ରୋତ୍ସାହନ ଯୋଗାଇ ଆସୁଛି ଅଷ୍ଟ୍ରେଲିଆ । ବିଶେଷ କରି ମହିଳା କ୍ରିକେଟର ପ୍ରସାର ଯେପରି ସାରା ବିଶ୍ୱରେ ହୋଇପାରିବ ସେଥିଲାଗି ଅଷ୍ଟ୍ରେଲିଆ ସ୍ୱତନ୍ତ୍ର ଗୁରୁତ୍ୱ ଦେଇଆସୁଛି । ଯଦି ଆଫଗାନିସ୍ତାନ ସରକାର ମହିଳା କ୍ରିକେଟକୁ ନିଷିଦ୍ଧ କରେ ତେବେ ଅଷ୍ଟ୍ରେଲିଆ ଭିନ୍ନ ନିଷ୍ପତ୍ତି ନେଇପାରେ । ମହିଳା କ୍ରିକେଟ ନେଇ ତାଲିବାନ ସରକାରର ସମ୍ଭାବ୍ୟ ନିଷ୍ପତ୍ତି ଅତି ଦୁର୍ଭାଗ୍ୟପୂର୍ଣ୍ଣ ବୋଲି କହିଛନ୍ତି ଅଷ୍ଟ୍ରେଲିଆ କ୍ରୀଡ଼ାମନ୍ତ୍ରୀ ରିଚାର୍ଡ କୋଲବେକ । ତାଲିବାନର ଏହି ନିଷ୍ପତ୍ତି ଗ୍ରହଣୀୟ ହୋଇପାରିବ ନାହିଁ । ଏହା ବିରୋଧରେ ଆନ୍ତର୍ଜାତିକ କ୍ରିକେଟ ପରିଷଦ ହସ୍ତକ୍ଷେପ କରିବା ଆବଶ୍ୟକ ବୋଲି ସେ କହିଛନ୍ତି ।
ଏଥିସହିତ ପଢ଼ନ୍ତୁ: ଭାରତୀୟ ଖେଳାଳିଙ୍କ ଆରଟିପିସିଆର ରିପୋର୍ଟ ନେଗେଟିଭ୍: ମ୍ୟାଚ୍ ଖେଳିବାକୁ ଅନିଚ୍ଛା ପ୍ରକାଶ କଲେ ଖେଳାଳି
୩ ଦିନ ପାଇଁ ବନ୍ଦ ରହିବ ଶ୍ରୀମନ୍ଦିରରେ ସାଧାରଣ ଦର୍ଶନ
ପୁରୀ: ଆଜିଠୁ ତିନିଦିନ ଯାଏଁ ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିର ବନ୍ଦ ରହିବ । ଶ୍ରୀମନ୍ଦିର ବନ୍ଦ ନେଇ ମନ୍ଦିର ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି । ସୋମବାରଠୁ ଶ୍ରଦ୍ଧାଳୁଙ୍କ ଲାଗି ମନ୍ଦିର ଖୋଲିବାକୁ ଥିବା ବେଳେ, ନୂଆ କଟକଣା ଅନୁଯାୟୀ ଦର୍ଶନ କରିବେ ଶ୍ରଦ୍ଧାଳୁ । ପ୍ରଶାସନର ସୂଚନା ଅନୁଯାୟୀ, ଆଜି ଗଣେଶ ପୂଜାଥିବାରୁ ଶ୍ରୀମନ୍ଦିରକୁ ବନ୍ଦ କରାଯାଇଛି । ପୂର୍ବର ଏସ୍ଓପି ଅନୁସାରେ ଶନିବାର ଓ ରବିବାର ଶ୍ରୀମନ୍ଦିର ବନ୍ଦ ରହିବ । ତେଣୁ ଲଗାତର ୩ଦିନ ମହାପ୍ରଭୁଙ୍କ ଦର୍ଶନ କରିପାରିବେ ନାହିଁ ଭକ୍ତ । ପରେ ସୋମବାରଠୁ ମନ୍ଦିର ଖୋଲିବା ପରେ ନୂଆ ଏସ୍ଓପି ଅନୁଯାୟୀ ଭକ୍ତମାନେ ମହାପ୍ରଭୁଙ୍କ ଦର୍ଶନ କରିପାରିବେ ।
ନୂଆ ଏସଓପିରେ କେବଳ ରବିବାର ଶ୍ରୀମନ୍ଦିର ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ରବିବାର ଦିନ ମନ୍ଦିରକୁ ବନ୍ଦ ରଖିବା ସହ ମନ୍ଦରର ବାହାର ଓ ଭିତର ପାର୍ଶ୍ୱକୁ ସାନିଟାଇଜ କରିବ ଶ୍ରୀମନ୍ଦିର ପ୍ରଶାସନ । ଏହି ନୂଆ ଏସଓପି ଅନୁଯାୟୀ ଶନିବାର ମହାପ୍ରଭୁଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ । ଅର୍ଥାତ୍ ସପ୍ତାହର ୬ ଦିନ ମନ୍ଦିର ଖୋଲାରହିବ । ସକାଳ ୬ଟାରୁ ରାତି ୯ଟା ଯାଏ ମହାପ୍ରଭୁଙ୍କ ଦର୍ଶନ କରିବାକୁ ଅନୁମତି ମିଳିଛି । ସବୁଠୁ ବଡ଼ କଥା ହେଉଛି ଏଣିକି ସପରିବାର ସହ ଆନନ୍ଦବଜାରରେ ମହାପ୍ରସାଦ ସେବନ କରିବାକୁ ଅନୁମତି ରହିଛି । ତାହା ସହ ଶ୍ରୀମନ୍ଦିର ଭିତରକୁ ଏଣିକି ଭକ୍ତମାନେ ସମସ୍ତ ପୂଜା ସାମଗ୍ରୀ ନେଇପାରିବେ ।
ଭାରତୀୟ ଖେଳାଳିଙ୍କ ଆରଟିପିସିଆର ରିପୋର୍ଟ ନେଗେଟିଭ୍: ମ୍ୟାଚ୍ ଖେଳିବାକୁ ଅନିଚ୍ଛା ପ୍ରକାଶ କଲେ ଖେଳାଳି
ନୂଆଦିଲ୍ଲୀ: ଇଂଲଣ୍ଡ ବିପକ୍ଷ ଅନ୍ତିମ ଟେଷ୍ଟକୁ ନେଇ ଅନିଶ୍ଚିତତା । ଟେଷ୍ଟ ସିରିଜ୍ ବିଜୟ ବାଟରେ ବାଧକ ସାଜିଛି କରୋନା । ଜଣଙ୍କ ପରେ ଜଣେ ଭାରତୀୟ ଟିମ୍ର ସଦସ୍ୟ କରୋନା ସଂକ୍ରମିତ ଚିହ୍ନଟ ହେବାରେ ଲାଗିଛନ୍ତି । ଆଉ ୫ ଟିକିଆ ଟେଷ୍ଟର ଅନ୍ତିମ ମ୍ୟାଚକୁ ନେଇ ଆଶଙ୍କା ଉପୁଜିଛି । ତେବେ ଆଶ୍ୱସ୍ତିକର ଖବର ହେଉଛି ମାଞ୍ଚେଷ୍ଟର ଟେଷ୍ଟ ପୂର୍ବରୁ ଭାରତୀୟ ଦଳର ସମସ୍ତ ଖେଳାଳିଙ୍କ କୋଭିଡ୍ ଆରଟି-ପିସିଆର୍ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି । ପୂର୍ବରୁ ଚତୁର୍ଥ ଟେଷ୍ଟର ଚତୁର୍ଥ ଦିନରେ ଭାରତୀୟ ଦଳର ମୁଖ୍ୟ କୋଚ୍ ରବି ଶାସ୍ତ୍ରୀ କରୋନା ସଂକ୍ରମିତ ହୋଇଥିଲେ । ଗତକାଲି ଆଉ ଜଣେ ସଦସ୍ୟ ସଂକ୍ରମିତ ହୋଇଛନ୍ତି ।
ଆଜି ମାଞ୍ଚେଷ୍ଟରରେ ଆରମ୍ଭ ହେବାକୁ ଥିବା ଟେଷ୍ଟ ମ୍ୟାଚ ପୂର୍ବରୁ ଆସିଷ୍ଟାଣ୍ଟ ଫିଜିୟୋ ଯୋଗେଶ ପରମାର ମଧ୍ୟ କରୋନା ସଂକ୍ରମିତ ହୋଇଛନ୍ତି । ଏକାଧିକ କରୋନା ମାମଲା ଚିହ୍ନଟ ପରେ ମ୍ୟାଚକୁ ନେଇ ଆଶଙ୍କା ଦେଖାଦେଇଛି । ସମସ୍ତ ଖେଳାଳି ଏବେ ହୋଟେଲରେ ଆଇସୋଲେସନରେ ଅଛନ୍ତି । ସକାଳେ ସମସ୍ତଙ୍କର ଆରଟି-ପିସିଆର୍ କୋଭିଡ୍ ଟେଷ୍ଟ ହୋଇଥିବା ବେଳେ ରିପୋର୍ଟ ନେଗେଟିଭ୍ ଆସିଛି । ଫଳରେ ପଞ୍ଚମ ମ୍ୟାଚ୍ ହେବା ନେଇ ଆଶା ଉଜ୍ଜୀବିତ ହୋଇଛି । ଚଳିତ ସିରିଜ୍ରେ ଭାରତ ୨-୧ରେ ଆଗୁଆ ରହିଛି ।
ଏଣୁ ଅନ୍ତିମ ମ୍ୟାଚ୍ ଅମୀମାଂସିତ ରହିଲେ ମଧ୍ୟ ଭାରତ ଇଂଲଣ୍ଡ ମାଟି ଐତିହାସିକ ବିଜୟ ହାସଲ କରିପାରିବ । କିନ୍ତୁ ଗତକାଲି ହୋଇଥିବା ଭାରତୀୟ ଦଳର ବୈଠକରେ ସେମାନେ ପଞ୍ଚମ ଟେଷ୍ଟ ଖେଳିବା ନେଇ ଅନିଚ୍ଛା ପ୍ରକାଶ କରିଥିବା ଜଣାପଡ଼ିଛି । ଏଭଳି ଭାରତୀୟ ଟିମ୍ର ମ୍ୟାଚ୍ ପୂର୍ବର ଅଭ୍ୟାସ ମଧ୍ୟ ବନ୍ଦ ରହିଛି ।