ନୂଆଦିଲ୍ଲୀ: ଇତିହାସରେ ପ୍ରଥମ ଥର ଲାଗି ଜଣେ ସମଲିଙ୍ଗୀ ହେବେ ବିଚାରପତି। ବରିଷ୍ଠ ଆଡଭୋକେଟ ସୌରଭ କ୍ରିପାଳଙ୍କୁ ଦିଲ୍ଲୀ ହାଇକୋର୍ଟ ବିଚାରପତି ଭାବେ ନିଯୁକ୍ତି କରିବା ଲାଗି ସୁପାରିସ କରିଛନ୍ତି ସୁପ୍ରିମକୋର୍ଟ କଲେଜିୟମ। ସୌରଭ ଖୋଲାଖୋଲି ଭାବେ ସମଲିଙ୍ଗୀ ଜୀବନକୁ ସମର୍ଥନ କରି ଆସୁଛନ୍ତି। ସୌରଭଙ୍କୁ ଦିଲ୍ଲୀ ହାଇକୋର୍ଟର ବିଚାରପତି ଭାବେ ନିଯୁକ୍ତି ଲାଗି ସମସ୍ତ ପ୍ରକ୍ରିୟା ଶେଷ କରିବା ସକାଶେ ଗତ ମାର୍ଚ୍ଚରେ ତତକାଳୀନ ପ୍ରଧାନ ବିଚାରପତି ଜଷ୍ଟିସ ଏସଏ ବୋବଡେ କେନ୍ଦ୍ର ସରକାରଙ୍କୁ କହିଥିଲେ।

ପୂର୍ବରୁ ଗତ ୨୦୧୭ ଅକ୍ଟୋବରରେ ଦିଲ୍ଲୀ ହାଇକୋର୍ଟ କଲେଜିୟମ ସୌରଭଙ୍କ ନିଯୁକ୍ତି ଲାଗି ସହମତି ଭିତ୍ତିରେ ସୁପାରିସ କରାଯାଇଥିଲା। ଚତୁର୍ଥ ଥର ଲାଗି ସୌରଭଙ୍କ ସଂକ୍ରାନ୍ତ ନିଷ୍ପତ୍ତି ଚୂଡାନ୍ତ ଅବସ୍ଥାରେ ପହଞ୍ଚିଛି। ସୌରଭ ଦିଲ୍ଲୀ ସେଣ୍ଟ ଷ୍ଟିଫେନ୍ସ କଲେଜର ଗ୍ରାଜୁଏଟ। ସେ ଅକ୍ସଫୋର୍ଡ ୟୁନିଭର୍ସିଟିରୁ ଅଣ୍ଡରଗ୍ରାଜୁଏଟ ଲ ପାସ୍ କରିବା ସହ କେମ୍ବ୍ରିଜ ୟୁନିଭର୍ସିଟିରୁ ମାଷ୍ଟର୍ସ ଡିଗ୍ରୀ ହାସଲ କରିଛନ୍ତି।

ତାଙ୍କର ବଳିଷ୍ଠ ଯୁକ୍ତି ଯୋଗୁ ୨୦୧୮ରେ ସମ୍ବିଧାନରୁ ହଟିଥିଲା ଧାରା ୩୭୭ । ସୁପ୍ରିମକୋର୍ଟଙ୍କ ଏହି ଗୁରୁତ୍ବପୂର୍ଣ୍ଣ ନିଷ୍ପତ୍ତିକୁ ସ୍ୱାଗତ କରିଛନ୍ତି ବରିଷ୍ଠ ଆଡଭୋକେଟ ଇନ୍ଦିରା ଜୟସିଂ। ଏକ ହାଇକୋର୍ଟରେ ଭାରତରେ ପ୍ରଥମ ଥର ଲାଗି ଜଣେ ସମଲିଙ୍ଗୀ ବିଚାରପତି ହେବାକୁ ଯାଉଥିବାରୁ ସେ ସୌରଭଙ୍କୁ ଅଭିନନ୍ଦନ ଜଣାଇଛନ୍ତି। ବିଚାର ବିଭାଗରେ ସାମୂହିକ ଅନ୍ତର୍ଭୁକ୍ତିର ଉଦାହରଣ ସୃଷ୍ଟି ହୋଇଛି ଏବଂ ଲିଙ୍ଗଗତ ବୈଷମ୍ୟ ଦୂର ହୋଇଛି ବୋଲି ସେ କହିଛନ୍ତି।

ନୂଆଦିଲ୍ଲୀ: ଦେଶରେ ହାଜତ ମୃତ୍ୟୁକୁ ନେଇ ଆସିଲା ଚିନ୍ତାଜନକ ତଥ୍ୟ। ଗତ ୨୦ ବର୍ଷରେ ଦେଶର ବିଭିନ୍ନ ଭାଗରେ ଘଟିଛି ୧ ହଜାର ୮୮୮ ହାଜତ ମୃତ୍ୟୁ। ସେଥି ମଧ୍ୟରୁ ଏହି ଘଟଣାରେ ପୋଲିସ ଅଧିକାରୀଙ୍କ ବିରୋଧରେ ୮୯୩ଟି ମାମଲା ରୁଜୁ ହୋଇଛି। ମାତ୍ର ୩୫୮ ଅଧିକାରୀଙ୍କ ବିରୋଧରେ ଚାର୍ଜସିଟ ଦାଖଲ ହୋଇଛି। ସେଥିରୁ  ୨୬ ପୋଲିସ ଦୋଷୀ ସାବ୍ୟସ୍ତ ହୋଇଛନ୍ତି।

ଜାତୀୟ ଅପରାଧ ରେକର୍ଡ ବ୍ୟୁରୋ ବା ଏନସିଆରବିର ରିପୋର୍ଟରେ ଏହା କୁହାଯାଇଛି। ୨୦୦୧ରୁ ୨୦୨୦ ମଧ୍ୟରେ ଘଟିଥିବା ହାଜତ ମୃତ୍ୟୁର ତଥ୍ୟ ଏନସିଆରବିର ଭାରତରେ ବାର୍ଷିକ ଅପରାଧ ବା ସିଆଇଆଇ ରିପୋର୍ଟରେ ଏହା ଦର୍ଶାଯାଇଛି। ରିପୋର୍ଟ ପ୍ରକାଶ ପାଇବା ପୂର୍ବରୁ ଗତ ମଙ୍ଗଳବାର ଉତ୍ତରପ୍ରଦେଶ କାସଗଞ୍ଜରେ ଜଣେ ୨୨ ବର୍ଷୀୟ ଯୁବକଙ୍କ ହାଜତ ମୃତ୍ୟୁ ଘଟଣା ଚିନ୍ତା ସୃଷ୍ଟି କରିଛି। କେବଳ ୨୦୦୬ରେ ହାଜତ ମୃତ୍ୟୁ ମାମଲାରେ ସର୍ବାଧିକ ୧୧ ପୋଲିସ ଦୋଷୀ ସାବ୍ୟସ୍ତ ହୋଇଥିଲେ। ସେଥିରୁ ଉତ୍ତରପ୍ରଦେଶର ୭ ଜଣ ଓ ମଧ୍ୟପ୍ରଦେଶରୁ ୪ ଜଣ ପୋଲିସ ଥିଲେ।

ଗତବର୍ଷ ଦେଶରେ ୭୬ଟି ହାଜତ ମୃତ୍ୟୁ ଘଟଣା ଘଟିଛି। ସେଥିରେ ଗୁଜରାଟରେ ସର୍ବାଧିକ ୧୫ ମାମଲା ରହିଛି। ସ୍ଥିତି ଏପରି ନୈରାଶ୍ୟଜନକ ହୋଇଛି ଯେ ଗତବର୍ଷ ଜଣେ ବି କେହି ଅଧିକାରୀ ଦୋଷୀ ସାବ୍ୟସ୍ତ ହୋଇନାହାନ୍ତି। ଗତ ୪ ବର୍ଷ ମଧ୍ୟରେ ହାଜତ ମୃତ୍ୟୁ ମାମଲାରେ ୯୬ ପୋଲିସଙ୍କୁ ଗିରଫ କରାଯାଇଛି। ରିପୋର୍ଟରେ ଏହା ବି ଦର୍ଶାଯାଇଛି ଯେ, ୨୦୦୧ ମସିହାରୁ ୨୦୨୦ ଯାଏ ରିମାଣ୍ଡରେ ନଥିବା ଅବସ୍ଥାରେ ୧ ହଜାର ୧୮୫ ଅଭିଯୁକ୍ତଙ୍କ ମୃତ୍ୟୁ ଘଟିଥିବା ବେଳେ ରିମାଣ୍ଡରେ ଥିବା ଅବସ୍ଥାରେ ୭୦୩ ଲୋକଙ୍କ ମୃତ୍ୟୁ ଘଟିଛି। ବିଭିନ୍ନ ମାମଲାର ଯଥାର୍ଥ ତଦନ୍ତର ଅଭାବ, ନିଜର ସହଯୋଗୀଙ୍କୁ ଘଣ୍ଟ ଘୋଡାଇବାର ପ୍ରୟାସ ଆଦି କାରଣରୁ ହାଜତ ମୃତ୍ୟୁ ସଂଖ୍ୟା ବଢୁଛି ବୋଲି କୁହାଯାଇଛି।

ନୂଆଦିଲ୍ଲୀ: ଟି ୨୦ ବିଶ୍ୱକପ୍‌ ପରେ ଏବେ ଚର୍ଚ୍ଚାର ଭାରତୀୟ କ୍ରିକେଟ ଟିମ୍‌ର ଅଲରାଉଣ୍ଡର ହାର୍ଦ୍ଧିକ ପାଣ୍ଡ୍ୟା। ସବୁବେଳେ ନିଜ ବୋଲିଂ ଏବଂ ଧମାକା ବ୍ୟାଟିଂ ପାଇଁ ଚର୍ଚ୍ଚାରେ ରହୁଥିବା ପାଣ୍ଡ୍ୟା ଏବେ ଆଉ କିଛି ଖବର ପାଇଁ ଚର୍ଚ୍ଚାକୁ ଆସିଛନ୍ତି। ଏମିତି ଏକ ଖବର ଯାହା ଶୁଣିଲେ ଆପଣମାନେ ବି ଆଶ୍ଚର୍ଯ୍ୟ ହୋଇଯିବେ। ହାର୍ଦ୍ଦିକଙ୍କ ନିକଟରୁ ୫କୋଟି ମୂଲ୍ୟର ୨ଟି ଘଣ୍ଟା ଜବତ କରାଯାଇଛି। ଦୁବାଇରୁ ଫେରିବା ସମୟରେ ମୁମ୍ବାଇ ବିମାନ ବନ୍ଦରରୁ ଜବତ କରିଛନ୍ତି କଷ୍ଟମ୍ସ ବିଭାଗ।

ହାର୍ଦ୍ଧିକ ପାଣ୍ଡ୍ୟାଙ୍କର ଏବେ ଫର୍ମ ଭଲ ନାହାନ୍ତି। ଟି ୨୦ ବିଶ୍ୱ କପ୍‌ରେ ନା ତାଙ୍କ ବୋଲିଂ କିଛି କମାଲ କଲା ନା ତାଙ୍କଠାରୁ ଧୂଆଁଧାର ବ୍ୟାଟିଂ ଦେଖିବାକୁ ମିଳିପାରିଲା। ଯେଉଁଥିପାଇଁ ତାଙ୍କୁ ପ୍ରତମ ମ୍ୟାଚରେ ଡ୍ରପଆଉଟ କରାଯାଇଥିଲା। ଯଦି କହିବା ଏବେ ପାଣ୍ଡ୍ୟାଙ୍କ ଖେଳ କ୍ୟାରିୟରରେ ଗ୍ରହଣ ଲାଗିଯାଇଛି। ଖାଲି ଖେଳ କ୍ୟାରିୟରରେ ନୁହେଁ, ଏବେ ତାଙ୍କର ବ୍ୟକ୍ତିଗତ ଜୀବନରେ ମଧ୍ୟ ଗ୍ରହଣ ଲାଗିଛି।

କାରଣ ଏବେ ପାଣ୍ଡ୍ୟାଙ୍କ ଠାରୁ ଜବତ ହୋଇଛି ଦୁଇଟି ଘଣ୍ଟା। ଯାହାର ମୂଲ୍ୟ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଘଣ୍ଟାର ମୂଲ୍ୟ ହେଉଛି ୫ କୋଟି ଟଙ୍କା। ମୁମ୍ବାଇ ବିମାନବନ୍ଦରରେ କଷ୍ଟମ୍ସ ବିଭାଗ ଦ୍ୱାରା ହାର୍ଦ୍ଧିଙ୍କ ଠାରୁ ୫ କୋଟି ଟଙ୍କର ଦୁଇଟି ଘଣ୍ଟା ଜବତ କରାଯାଇଛି। ଯାହାକୁ ନେଇ ଏବେ ସବୁ ଭାରତୀୟ କ୍ରିକେଟ ପ୍ରେମିଙ୍କ ମଧ୍ୟରେ ଏକ ପ୍ରକାରର ଚର୍ଚ୍ଚା ଆରମ୍ଭ ହୋଇଛି। ଟି୨୦ ବିଶ୍ୱକପ୍‌ ସାରି ଭାରତୀୟ ଦଳ ୟୁଏଇରୁ ଭାରତ ଫେରିବା ସମୟରେ ପାଣ୍ଡ୍ୟାଙ୍କ ଠାରୁ ଏହି ଘଣ୍ଟାକୁ ଜବତ କରାଯାଇଥିଲା।

ଏହି ଘଣ୍ଟା କେଉଁଠୁ ଆଣିଲେ ? ଏତେ ଟଙ୍କାର ଘଣ୍ଟା କିଏ ଦେଲା ? ଏହି ଘଣ୍ଟାଟି କେହି ଉପହାର ଦେଇଛନ୍ତି ନା ନିଜେ କିଣିଛ ? ଯଦି ନିଜେ କିଣିଛ ତେବେ ଏହାର ବିଲ କାହିଁ ? ଘଣ୍ଟାକୁ ଜବତ କରିବା ପୂର୍ବରୁ ଏମିତି କିଛି ପ୍ରଶ୍ନ କଷ୍ଟମ୍ସ ବିଭାଗ ହାର୍ଦ୍ଧିକଙ୍କୁ ପଚାରିଥିଲା। ତେବେ ଘଣ୍ଟା ନେଇ ହାର୍ଦ୍ଧିକ କଷ୍ଟମ୍ସ ବିଭାଗ ସାମ୍ନାରେ ବିଶ୍ୱାସଯୋଗ୍ୟ ଉତ୍ତର ଦେଇପାରିନଥିଲେ କି ଘଣ୍ଟାର ବିଲ୍‌ ମଧ୍ୟ ଦେଖାଇପାରିନଥିଲେ। ଯାହାପରେ ପାଣ୍ଡ୍ୟାଙ୍କ ଠାରୁ ଘଣ୍ଟାକୁ ଜବତ କରାଯାଇଥିଲା।

ଯଦି ଦେଖିବା ପାଣ୍ଡଞାଙ୍କ ପୂର୍ବରୁ ତାଙ୍କ ବଡ଼ ଭାଇ କୁର୍ଣ୍ଣାଲ ପାଣ୍ଡ୍ୟା ମଧ୍ୟ ଏମିତି ଦାମି ଘଣ୍ଟା ପାଇଁ କଷ୍ଟମ ବିଭାଗର ନଜରକୁ ଆସିଥିଲେ । ଏବଂ କଷ୍ଟମ ବିଭାଗର ବିଶ୍ୱାସଯୋଗ୍ୟ ଉତ୍ତର ଦେଇପାରିନଥିବାରୁ ତାଙ୍କ ଠାରୁ ମଧ୍ୟ ଘଣ୍ଟାକୁ ଜବତ କରାଯାଇଥିଲା ।