ନୂଆଦିଲ୍ଲୀ: ଟେଷ୍ଟ ଟିମ୍ର ଅଧିନାୟକ ପଦବୀ ଛାଡିଲେ ବିରାଟ କୋହଲି । ଟୁଇଟ କରି ସୂଚନା ଦେଲେ ବିରାଟ । ପୂର୍ବରୁ ଦିନିକିଆ ଓ ଟି-୨୦ କ୍ୟାପଟେନ୍ ପଦ ଛାଡିଥିବାବେଳେ ଆଜି ଟେଷ୍ଟ ପଦବୀ ପରିତ୍ୟାଗ କରିଥିବା ନେଇ ସୂଚନା ଦେଇଛନ୍ତି କୋହଲି । ବିରାଟ ଲେଖିଛନ୍ତି, ଦୀର୍ଘ ୭ ବର୍ଷ ଧରି କଠିନ ପରିଶ୍ରମ କରିଛି । ଅନେକ ଉତଥାନ ଓ ପତ୍ତନ ଦେଇ ଭାରତୀୟ ଟିମ୍ ଗତି କରିଛି । ଅନେକ ଟେଷ୍ଟ ମ୍ୟାଚରେ ଟିମ୍ ବିଜୟୀ ହୋଇଛି ଏବଂ ପରାଜୟୀ ମଧ୍ୟ ହୋଇଛି ।
ଦକ୍ଷିଣ ଆଫ୍ରିକା ଟେଷ୍ଟ ମ୍ୟାଚରେ ପରାଜୟ ହେବା ପରେ ଅଧିନାକ ପଦବୀରୁ ବିରାଟ କୋହଲି ଇସ୍ତଫାପତ୍ର ପ୍ରଦାନ କରିଛନ୍ତି । ଭାରତୀୟ ଟିମ୍ ପ୍ରତି ବିରାଟଙ୍କର ରହିଛି ଅନେକ ଅବଦାନ । ସେହିପରି ନିଜକୁ ଏତେବଡ଼ ଦାୟିତ୍ୱ ପ୍ରଦାନ କରିଥିବାରୁ BCCIକୁ ଧନ୍ୟବାଦ ଜଣାଇଛନ୍ତି କୋହଲି । ଟେଷ୍ଟ ମ୍ୟାଚରେ ଭାରତୀୟ ଟିମ୍ ଅନେକ ରେକର୍ଡର ଅଧିକାରୀ ହୋଇପାରିଛି ।
