ଭୁଶୁଡ଼ିଲା ଛତ୍ରବଜାର ପୁରୁଣା ବ୍ରିଜ୍, ଜଣେ ବ୍ୟବସାୟୀ ମୃତ
କଟକ: କଟକରେ ଅଘଟଣ । ଭୁଶୁଡ଼ିଲା ଛତ୍ରବଜାର ପୁରୁଣା ବ୍ରିଜ୍ । ପୁରୁଣା ବ୍ରିଜ୍ ଉପରେ ବସି ପରିବା ବିକ୍ରି ବେଳେ ବ୍ରିଜର କିଛି ଅଂଶ ଖସି ପଡ଼ିଛି । ୨ରୁ ୩ଜଣ ପରିବା ବ୍ୟବସାୟୀ ବ୍ରିଜ୍ ତଳେ ଫସି ଯାଇଥିଲେ । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ବ୍ରିଜ୍ କଡ଼ରେ ନିର୍ମାଣ କାମ ଚାଲିଥିବା ବେଳେ ବ୍ରିଜଟି ଭୁଶୁଡ଼ି ପଡ଼଼ିଛି । ଅଞ୍ଚଳକୁ ପୋଲିସ କର୍ଡନ କରି ରଖିଛି । ତେବେ ବ୍ରିଜର ଭଗ୍ନାଂଶ ତଳେ କେବଳ ପରିବା ବ୍ୟବସାୟୀ, ଗ୍ରାହକ ନା ଶ୍ରମିକ ଫସିଛନ୍ତି ତାହା ଜଣାପଡ଼ି ନାହିଁ ।
ମିଳିଥିବା ସୂଚନା ଅନୁସାରେ ଦୁର୍ଘଟଣାରେ ଜଣେ ବ୍ୟବସାୟୀଙ୍କର ମୃତ୍ୟୁ ହୋଇଛି । ଅନ୍ୟ ୨ ଜଣ ପରିବା ବ୍ୟବସାୟୀଙ୍କୁ ଉଦ୍ଧାର କରି ମେଡିକାଲ ନିଆଯାଇଛି । ଏମାନଙ୍କ ବ୍ୟତୀତ ଆଉ କେହି ଚାପି ହୋଇ ରହିଛନ୍ତ କି ନାହିଁ ତାହା ସ୍ପଷ୍ଟ ହୋଇନାହିଁ । କଟକ ଡିସିପି ପ୍ରତୀକ ସିଂ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି । ସିଏମସି ଅଧିକାରୀମାନେ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି । ଉଦ୍ଧାର କାର୍ଯ୍ୟରେ ୨ଟି ପ୍ରୋକଲିନ ଲାଗିଛି । ଅଗ୍ନିଶମ ବାହିନୀ ଓ ଓଡ୍ରାଫ ଟିମ୍ ଉଦ୍ଧାର କାର୍ଯ୍ୟରେ ଲାଗିଛନ୍ତି ।
