ଭୁବନେଶ୍ବର: ବରିଷ୍ଠ ଆଇପିଏସ ସ୍ତରରେ ଅଦଳବଦଳ କରାଯାଇଛି । ଆଇପିଏସ ଲଳିତ ଦାସଙ୍କୁ ଗୃହ ବିଭାଗ ଓଏସଡି କରାଯାଇଛି । ସେ ଗୁଇନ୍ଦା ବିଭାଗ ନିର୍ଦ୍ଦେଶକ ଅଛନ୍ତି । ଲଳିତ ଦାସଙ୍କ ସ୍ଥାନରେ ନିଯୁକ୍ତ ହେଲେ ଆରପି କୋଚେ । ଏଡିଜି (ଏସଏପି ) ଆର.ପି କୋଚେଙ୍କୁ ଅତିରିକ୍ତ ଦାୟିତ୍ବ । କୋଚେଙ୍କୁ ଗୁଇନ୍ଦା ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ବ ।
ଏହି ୩ଟି ଜିନିଷକୁ ସର୍ବଦା ନିଜ ଖାଦ୍ୟରେ ସାମିଲ କରୁଥିଲେ ବିଶ୍ୱର ଦୀର୍ଘାୟୁ ମହିଳା
ନୂଆଦିଲ୍ଲୀ: ଦୀର୍ଘାୟୁ ହେବାକୁ କିଏ ଚାହେଁ ନାହିଁ । କିନ୍ତୁ ଏହା ପଛର ବାସ୍ତବ କାରଣ କ’ଣ ଜାଣିଲେ ହିଁ ଏହା ହୁଏତ ସମ୍ଭବ ହୋଇପାରିବ । ୟୁକେ ସ୍ଥିତ ସବିଡି କମ୍ପାନୀ ଇଡେନ ଗେଟ୍ ବିଶ୍ୱର ସବୁଠାରୁ ବୟସ୍କ ଲୋକଙ୍କ ଉପରେ ନିକଟରେ ଏକ ଅଧ୍ୟୟନ କରି ସେମାନଙ୍କ ଜୀବନ ସିକ୍ରେଟ୍ ବିଷୟରେ ସୂଚନା ସଂଗ୍ରହ କରିଛି । ସେମାନଙ୍କ ସ୍ୱାସ୍ଥ୍ୟ ଏବଂ ଦୀର୍ଘାୟୁର କାରଣ ଜାଣିବା ପାଇଁ ଗବେଷକ ୧୦୦ ବର୍ଷରୁ ଅଧିକ ଦିନ ବଞ୍ଚିଥିବା ଲୋକଙ୍କ ଉପରେ ଗବେଷଣା କରିଥିଲେ । ତେବେ ଉତ୍ତମ ସ୍ୱାସ୍ଥ୍ୟ ଏବଂ ଦୀର୍ଘାୟୁ ହେବାର ଚାରୋଟି ପ୍ରମୁଖ କାରଣ ଖୋଜି ପାଇଲେ ଗବେଷକ । ସେଗୁଡ଼ିକ ହେଲା ମୁଭମେଣ୍ଟ, ସୋସିଓ ଇକୋନୋମିକ୍ ଷ୍ଟାଟସ୍, ଷ୍ଟ୍ରେସ ଲେଭଲ ଏବଂ ଡାଇଟ୍ । ଏଥିରେ ଡାଇଟର କିନ୍ତୁ ଏକ ପ୍ରମୁଖ ଭୂମିକା ରହିଛି ।
ବିଜ୍ଞାନ କହେ ଦୁନିଆରେ ଏକାଧିକ ଜିନିଷ ରହିଛି ଯାହା ମଣିଷକୁ ଦୀର୍ଘାୟୁ କରିପାରେ । ଯେପରିକି ବାଦାମ, ବେରିଜ୍ ଏବଂ ମାଛ । ଏଥିରୁ ମିଳୁଥିବା ପୋଷଣ ସୁସ୍ଥ ହୃତପିଣ୍ଡ ପଛର ଏକ ମୁଖ୍ୟ କାରଣ ।ଏହା ସହିତ ରୋଗ ପ୍ରିତିରୋଧକ ଶକ୍ତି ମଧ୍ୟ ବଢ଼ିଥାଏ ।
ଗବେଷଣାରେ ୧୨୨ ବର୍ଷୀୟ ଲୁଇସ୍ କାଲମେଣ୍ଟଙ୍କ ଡାଇଟକୁ ନଜର ଦିଆଗଲା । ସେ ହେଉଛନ୍ତି ବିଶ୍ୱରେ ସବୁଠାରୁ ଅଧିକ ବର୍ଷ ବଞ୍ଚିଥିବା ବ୍ୟକ୍ତିତ୍ୱ । କିନ୍ତୁ ୧୯୭୭ରେ ତାଙ୍କର ଦେହାନ୍ତ ହୋଇଥିଲା ।
ଲୁଇସଙ୍କ ଡାଇଟରେ ତିନୋଟି ବିଶେଷ ଜିନିଷ ପାଇଲେ ଗବେଷକ । ତାଙ୍କ ଡାଇଟର ପ୍ରଥମ ସିକ୍ରେଟ୍ ଥିଲା ଅଲିଭ୍ ତେଲ । ହେଲ୍ଥ ଲାଇନର ରିପୋର୍ଟ ଅନୁସାରେ ଅଲିଭ୍ ତେଲ ହେଲଦି ଫ୍ୟାଟ୍, ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି ଇନଫ୍ଲାମେଟୋରି ପ୍ରପର୍ଟିଜରେ ଭରପୂର । ଏହା ହୃଦରୋଗ ବା ହାର୍ଟ ଆଟାକ୍ ଏବଂ ହାର୍ଟ ଷ୍ଟ୍ରୋକ୍ ଆଶଙ୍କାକୁ କମ୍ କରିଦିଏ ।
ବନ୍ଧା ହେଲେ ପୋଲିସ ପୁଅକୁ ଯୌନ ନିର୍ଯାତନା ଦେଇଥିବା ୩ ଅଭିଯୁକ୍ତ
ଭୁବନେଶ୍ବର: ଭୁବନେଶ୍ବରରେ ଆୟୋଜିତ ଷ୍ଟେଟ୍ ଆଥଲେଟିକ ମିଟ୍ରେ ଜୁନିୟର ଖେଳାଳିଙ୍କୁ ଯୌନ ନିର୍ଯାତନା ଦେବା ଅଭିଯୋଗରେ ବନ୍ଧା ହେଲେ ୩ ଅଭିଯୁକ୍ତ । ଜଣେ ପୋଲିସଙ୍କ ପୁଅ ତଥା ଖେଳାଳିଙ୍କୁ ଏମାନେ ଯୌନ ନିର୍ଯାତନା ଦେଇଥିବା ହୋଇଥିଲା ଅଭିଯୋଗ । ଇନଫୋସିଟ ଥାନାରେ ଏତଲା ପରେ ଅଭିଯୁକ୍ତ ଖେଳାଳିଙ୍କୁ ବାନ୍ଧିଲା ପୋଲିସ ।
ଅଭିଯୋଗ ଅନୁସାରେ ଷ୍ଟେଟ୍ ଆଥଲେଟିକ ମିଟକୁ ଆସିଥିବା ଜୁନିଅର ଖେଳାଳିଙ୍କୁ ସିନିୟର ଖେଳାଳିଙ୍କ ରାଗିଂ କରିଥିବା ଅଭିଯୋଗ ହୋଇଥିଲା । ରବିବାର ସକାଳ ପ୍ରାୟ 9ଟା ସମୟରେ ଘଟିଥିଲା ଏହି ଘଟଣା । ଇନଫୋସିଟି ଥାନାରେ ଏନେଇ ନାବାଳକଙ୍କ ପରିବାର ଅଭିଯୋଗ ହୋଇଥିଲା । ଅଭିଯୋଗକାରୀ ହେଉଛନ୍ତି ରାଉଲକେଲାର ଦଶମ ଶ୍ରେଣୀର ଛାତ୍ର । ସେ ଲଙ୍ଗଜମ୍ପ ପ୍ରତିଯୋଗିତା ପାଇଁ ଆସିଥିଲେ । 8 ତାରିଖରୁ 10ତାରିଖ ପର୍ଯ୍ୟନ୍ତ ଚାଲିଥିଲା ଆଥଲେଟିକ ମିଟ୍ ।
4 ଜଣ ପିଲାଙ୍କୁ ଉଲଗ୍ନ କରି ଯୌନ ନିର୍ଯାତନା ଦେବା ସହ ଭିଡିଓ କଲ କରି ସାଥୀ ଖେଳାଳିଙ୍କୁ ଦେଖାଇଥିବା ଅଭିଯୋଗ ହୋଇଥିଲା । ଲଞ୍ଚ କୁପନ ଦେବା ବାହାନାରେ ଯୌନ ଶୋଷଣ ଅଭିଯୋଗ ହୋଇଥିଲା । ପ୍ରଦର୍ଶନ ଖରାପ କରିବାରୁ ଗାଳି କରିବା ସହ ଏଭଳି ରାଗିଂ ହୋଇଥିବା ଅଭିଯୋଗ ହୋଇଥିଲା । ଅଭିଯୋଗ ପରେ ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ
୧୫ ବର୍ଷ ପରେ ରମଜାନ୍ ପାଇଁ ଏହି ନିୟମ ବଦଳାଇଲା ସାଉଦି
ନୂଆଦିଲ୍ଲୀ: ସାଉଦି ଆରବରେ ରମଜାନ ଦିନ ସମସ୍ତ ସ୍କୁଲ ଖୋଲିବ । ଏଭଳି ନିଷ୍ପତ୍ତି ନେଇଛି ସାଉଦି ଶିକ୍ଷା ମନ୍ତ୍ରଣାଳୟ । ସରକାରଙ୍କ ଏହି ନିଷ୍ପତ୍ତି କିନ୍ତୁ ଲୋକଙ୍କୁ ପସନ୍ଦ ଆସିନାହିଁ । ଯେଉଁଥିପାଇଁ ଲୋକେ ନାରାଜ ହୋଇ ଯାଇଥିବା ଦେଖିବାକୁ ମିଳିଛି । ତେବେ ସୋସିଅଲ ମିଡିଆରେ ଏକ ଭିଡ଼ିଓ ଭାଇରାଲ ହେଉଛି, ଯେଉଁଥିରେ ଜଣେ ଛାତ୍ର ରମଜାନରେ ସ୍କୁଲ ବନ୍ଦ ରଖିବାକୁ ଶିକ୍ଷାମନ୍ତ୍ରୀଙ୍କୁ କହୁଛନ୍ତି । ତେବେ ସାଉଦି ଆରବରେ ଏଭଳି ଘଟଣା ୧୫ ବର୍ଷ ପରେ ଘଟିଛି, ଯେତେବେଳେ ରମଜାନରେ ସ୍କୁଲ ଖୋଲିବ ।
ରମଜାନ ପୂର୍ବରୁ ସାଉଦି ଶିକ୍ଷା ମନ୍ତ୍ରଣାଳୟ ସ୍କୁଲ ଖୋଲିବା ଏବଂ ସମୟରେ ପରିବର୍ତ୍ତନ କରିବାକୁ ନେଇ ସୂଚନା ଦେଇଥିଲେ । କିନ୍ତୁ ସ୍କୁଲ କେବେଠାରୁ ଆରମ୍ଭ ହେବ ଏହାକୁ ନେଇ ନିଷ୍ପତ୍ତି ନେବାର ଅଧିକାର ସମସ୍ତ ଶିକ୍ଷା ବିଭାଗକୁ ଦିଆଯାଇଛି ।
ତେବେ କିଛି ଲୋକ ରମଜାନରେ ସ୍କୁଲ ଖୋଲିବା ନିଷ୍ପତ୍ତିକୁ ସମର୍ଥନ କରୁଥିବାବେଳେ କିଛି ଲୋକ ଏହାକୁ ବିରୋଧ କରୁଛନ୍ତି । କାରଣ ସେମାନଙ୍କ କହିବା ହେଉଛି ଏହି ଦିନ ସ୍କୁଲ ସ୍କୁଲ ଖୋଲିଲେ ଉଭୟ ଛାତ୍ରଛାତ୍ରୀ ଏବଂ ଶିକ୍ଷକଙ୍କ ଉପରେ ପ୍ରଭାବ ପଡ଼ିବ । ଏହାକୁ ନେଇ ପୁନର୍ବାର ବିଚାର କରାଯାଉ ବୋଲି କିଛି ଲୋକ ସୋସିଅଲ ମିଡିଆରେ ଦାବି କରୁଛନ୍ତି ।
ହ୍ୟାକର୍ସଙ୍କ ଟାର୍ଗେଟରେ ଯୋଗୀ ସରକାର
ଲକ୍ଷ୍ନୌ: ଇଣ୍ଟରନେଟ୍ ମାଧ୍ୟମରେ କାମ ଯେତିକି ସହଜ ହେଉଛି ସେତିକି ଜଟିଳ ମଧ୍ୟ । ହ୍ୟାକର୍ସଙ୍କ ଟାର୍ଗେଟକୁ ଆସିଯାଉଛନ୍ତି ବଡ଼ ବଡ଼ ରାଜନେତା, ଫିଲ୍ମ ତାରକା ଏବଂ ବ୍ୟବସାୟୀ । ଦିନକୁ ଦିନ ହ୍ୟାକ୍ ମାମଲା ମଧ୍ୟ ବଢ଼ୁଛି । ଉତ୍ତରପ୍ରଦେଶର ମୁଖ୍ୟମନ୍ତ୍ରୀଙ୍କ ଅଫିସ୍ ଟ୍ୱିଟର ହ୍ୟାଣ୍ଡେଲ ହ୍ୟାକ୍ କରିବାର ୪୮ ଘଣ୍ଟା ପରେ ହ୍ୟାକର୍ସ ଉତ୍ତରପ୍ରଦେଶ ସରକାରଙ୍କ ଟ୍ୱିଟର ହ୍ୟାଣ୍ଡେଲକୁ ହ୍ୟାକ୍ କରି ଦେଇଛନ୍ତି । ଯାହାକୁ ନେଇ ହଇଚଇ ସୃଷ୍ଟି ହୋଇଛି ।
ସୂଚନାଯୋଗ୍ୟ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ଅଫିସ ଟ୍ୱିଟର ହ୍ୟାଣ୍ଡେଲ ହ୍ୟାକ୍ କରିବାର ୪୮ ଘଣ୍ଟା ପରେ ୟୁପି ସରକାରଙ୍କ ଟ୍ୱିଟର ହ୍ୟାଣ୍ଡେଲ ହ୍ୟାକ୍ ହୋଇଛି । ତେବେ ଦିନ ଦିନ ପ୍ରାୟ ୧୧ଟାରେ ଏଭଳି ପରିସ୍ଥିତିର ସାମ୍ନା କରିଛନ୍ତି ୟୁପି ସରକାର ।
ସାଇବର ବିଶେଷଜ୍ଞ ହ୍ୟାକର୍ସଙ୍କ ପକ୍ଷରୁ ହୋଇଥିବା ସମସ୍ତ ମେସେଜକୁ ଡିଲିଟ କରୁଛନ୍ତି । କୁହାଯାଉଛିଯେ, ଉକ୍ତ ମାମଲାରେ ପୋଲିସ୍ ମାମଲା ରୁଜୁ କରିବ । ଏପର୍ଯ୍ୟନ୍ତ ହ୍ୟାକର୍ସଙ୍କ ବାବଦରେ କୌଣସି ସୂଚନା ମିଳିନାହିଁ ।
କେବଳ ସେତିକି ନୁହେଁ ବରଂ ୟୁପି ସରକାରଙ୍କ ସମେତ ଉତ୍ତରପ୍ରଦେଶ ସରକାରଙ୍କ ସୂଚନା ବିଭାଗର ଫ୍ୟାକ୍ଟ ଚେକ୍ ଏବଂ କଂଗ୍ରେସର ମଧ୍ୟୟ ଟ୍ୱିଟର ହ୍ୟାଣ୍ଡେଲକୁ ହ୍ୟାକ୍ କରାଯାଇଛି ।
ପ୍ରଥମେ ହ୍ୟାକର୍ସ ଯୋଗୀ ସରକାରଙ୍କ ଡିପି ବଦଳାଇ ଆନିମେଟେଡ୍ ଫଟୋ ଲଗାଇଦେଲେ ଏବଂ ବାୟୋ ମଧ୍ୟ ବଦଳାଇଦେଲେ । ତେବେ ଘଟଣାର ତୁରନ୍ତ ବାଦ୍ ସାଇବର ବିଶେଷଜ୍ଞଙ୍କ ସହାୟତା ନିଆଗଲା ।
ଉଠବସ୍ କରାଇଲେ ଶିକ୍ଷକ: ଗୁରୁତର ଅବସ୍ଥାରେ ମେଡିକାଲରେ ଛାତ୍ରୀ ଭର୍ତ୍ତି
ବଲାଙ୍ଗୀର: ଉଠବସରୁ ଅସୁସ୍ଥ । ୭ଛାତ୍ରୀ ଅସୁସ୍ଥ, ଡାକ୍ତରଖାନାରେ ଭର୍ତ୍ତି । ଘଟଣା ଘଟିଛି ବଲାଙ୍ଗୀର ଜିଲ୍ଲା ପାଟଣାଗଡ଼ ସୁନାମୁଦି ଗାଁ ବାପୁଜୀ ହାଇସ୍କୁଲରେ । ସକାଳୁଆ ସ୍କୁଲ ହୋଇଥିବା ବେଳେ କିଛି ଛାତ୍ରଛାତ୍ରୀ ବିଳମ୍ବରେ ଆସିଥିଲେ । ପ୍ରାର୍ଥନା ପରେ ସେମାନଙ୍କୁ ଶିକ୍ଷକ ଦଣ୍ଡ ସ୍ଵରୂପ ଶହେ ଥର ଉଠବସ କରାଇଥିଲେ । ଉଠବସ ଯୋଗୁ କିଛି ଛାତ୍ରୀ ଅସୁସ୍ଥତା ଅନୁଭବ କରିବା ସହ ଜଣେ ଅଚେତ୍ ହୋଇ ପଡ଼ିଥିଲେ ।
ପ୍ରଧାନଶିକ୍ଷକ ଓ ଅନ୍ୟ ଶିକ୍ଷକମାନେ ଅସୁସ୍ଥ ଛାତ୍ରୀଙ୍କୁ ପାଟଣାଗଡ଼ ଡାକ୍ତରଖାନାରେ ଭର୍ତ୍ତି କରିଛନ୍ତି । ୬ ଜଣଙ୍କ ସ୍ୱାସ୍ଥ୍ୟାବସ୍ଥା ଠିକ ଥିବା ବେଳେ ଜଣେ ଛାତ୍ରୀ ଗୁରୁତର ଥିବା ଜଣାପଡ଼ିଛି । ଏହି ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ । ଘଟଣାର ପୁଙ୍ଖାନୁପୁଙ୍ଖ ତଦନ୍ତ ପାଇଁ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।
ଇମ୍ରାନଙ୍କୁ ଅପମାନ ଦେଇଥିଲେ ସାଉଦି ପ୍ରିନ୍ସ,ସଲମାନ୍
ଇସଲାମାବାଦ: ପାକିସ୍ତାନର ପ୍ରଧାନମନ୍ତ୍ରୀ ରହିଥିବା ଇମ୍ରାନ୍ ଖାନ୍ ତାଙ୍କ ସରକାର ଭାଙ୍ଗିଯିବା ପାଇଁ ଆମେରିକାକୁ ଦାୟୀ କରିଛନ୍ତି । ଲଗାତାର ଇମ୍ରାନ୍ ଖାନ୍ ଆମେରିକାର ଷଡ଼ଯନ୍ତ୍ର ବିରୋଧରେ ଲୋକଙ୍କୁ ସାହାଯ୍ୟ ମାଗୁଛନ୍ତି । ଏହି ମଧ୍ୟରେ ପାକିସ୍ତାନ୍ ପ୍ରଧାନମମନ୍ତ୍ରୀ ପୂର୍ବତନ ମୁଖପାତ୍ର ଏକ ଖୁଲାସା କରିଛନ୍ତି । ଯେଉଁଥିରେ ସେ କହିଛନ୍ତିଯେ, ତୁର୍କୀ ଏବଂ ମାଲେସିୟା ସହିତ ସମ୍ପର୍କ ବଢ଼ାଉଥିବା ଇମ୍ରାନଙ୍କୁ ଦିନେ ଖୁବ୍ ଅପମାନିତ କରିଥିଲେ ସାଉଦି ପ୍ରିନ୍ସ । ପୂର୍ବତନ ମୁଖପାତ୍ର ନଦୀମ ଅଫଜଲ ଚାଡ଼୍ କହିଛନ୍ତିଯେ, ସାଉଦି ଆରବର ପ୍ରିନ୍ସ ମୋହମ୍ମଦ ବିନ୍ ସଲମାନ୍ ପାକିସ୍ତାନ୍ ପ୍ରଧାନମନ୍ତ୍ରୀଙ୍କୁ ଆମେରିକା ଗସ୍ତ ସମୟରେ ଦେଇଥିବା ପ୍ଲେନ୍ ଟରେଣ୍ଟୋକୁ ଫେରାଇ ନେଇଥିଲେ ଏବଂ ଇମ୍ରାନଙ୍କୁ ସେମିତି ଫେରିବାକୁ ପଡ଼ିଥିଲା ।
ନଦୀମ ଅଫଜଲ ଏହା ମଧ୍ୟ କହିଛନ୍ତିଯେ, ଯେତେବେଳେ ସାଉଦି ଆରବର ପ୍ରିନ୍ସ
ଯେତେବେଳେ ତୁର୍କୀର ରାଷ୍ଟ୍ରପତି ଏର୍ଦୋଗାନ୍ ଏବଂ ମାଲେସିଆର ପ୍ରଧାନମନ୍ତ୍ରୀ ମହାତିର ମୋହମ୍ମଦ ସାଉଦି ଆରବର ପ୍ରିନ୍ସ ସଲମାନଙ୍କ ସହିତ ମିଶି ଏକ ଚ୍ୟାନେଲ ଆରମ୍ଭ କରିବାକୁ ପାଇଁ ଯୋଜନା କରୁଥିଲେ ସେତେବେଳେ ନିଜ ଘରୋଇ ବିମାନକୁ ଫେରସ୍ତ ନେଇ ଯାଇଥିଲେ ସଲମାନ୍ । ଏଥିପାଇଁ ଇମ୍ରାନ୍ ଖାନଙ୍କୁ ଏକ ବାଣିଜ୍ୟିକ ବିମାନ
So much talk about sovereignty, self-respect of the nation but actions contrary.
Former spokesperson tells when Saudis found out about Imran Khan’s TV plan with Erdogan and Mahathir, they recalled crown prince’s private jet. And the ex PM took a commercial flight back home. https://t.co/M5dQQnwkHc pic.twitter.com/PPcA0LxjLG
— Naila Inayat (@nailainayat) April 10, 2022
ରେ ଫେରିବାକୁ ପଡ଼ିଥିଲା ।
ଇମ୍ରାନ୍ ଖାନ୍ ଆମେରିକା ଗସ୍ତ ପୂର୍ବରୁ ରିୟାଦ ଯାଇଥିଲେ । ସେଠାରେ ସଲମାନଙ୍କ ସହିତ ତାଙ୍କର ବୈଠକ ଥିଲା । କିନ୍ତୁ ବିମାନରେ ଯାନ୍ତ୍ରିକ ତ୍ରୁଟି ଅଛି ବୋଲି ଦର୍ଶାଗଲା । କିନ୍ତୁ ବାସ୍ତବ ଘଟଣା ତାହା ନଥିଲା । ବିମାନ ନ୍ୟୁୟର୍କରୁ ସିଧା ଇସଲାମାବାଦ ଫେରିଥିଲା । ଏହା ସହିତ ମଝି ରାସ୍ତାରେ ସଲମାନ୍ ଇମ୍ରାନଙ୍କୁ ଓହ୍ଲାଇ ଦେଇଥିଲେ ।
ସୂଚନାଯୋଗ୍ୟ ତୁର୍କୀ ଏବଂ ମାଲେସିୟାର ମିଳିତ ସହଯୋଗରେ ବିବିସି ଭଳି ଏକ ଟିଭି ଚ୍ୟାନେଲ ଲଞ୍ଚ୍ କରିବେ ବୋଲି ଇମ୍ରାନ୍ ଯୋଜନା କରିଥିଲେ । କିନ୍ତୁ ଏହା ପ୍ରିନ୍ସ ସଲମାନଙ୍କର ହଜମ ହୋଇନଥିଲା ।
୨୧ ଘଣ୍ଟା ପରେ ରୋପ୍ ୱେ’ରୁ ସେନା ଦ୍ୱାରା ୧୬ ଉଦ୍ଧାର,ଏବେବି ଫଶିଛନ୍ତି ୩୨
ରାଞ୍ଚି: ଝାଡଖଣ୍ଡର ଦେଓଗଡ ଜିଲ୍ଲା ତ୍ରିକୂଟ ପର୍ବତ ଶିଖରରେ ଥିବା ରୋପୱେରେ ଗତକାଲି ଯାନ୍ତ୍ରୀକ ତୃଟି ଘଟି ଦୁର୍ଘଟଣା ଘଟିଛି। ଏହି ଦୁର୍ଘଟଣା ଯୋଗୁ ପ୍ରାୟ ୨୧ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ୪୮ ଜଣ ଜୀବନ ମରଣ ମଧ୍ୟରେ ଝୁଲି ରହିଥିଲେ। ୨ ହଜାର ଫୁଟ ଉପରେ ଝୁଲି ରହିଥିବା ଏହି ୪୮ ଯାତ୍ରୀଙ୍କୁ ଉଦ୍ଧାର କରିବା ପାଇଁ ରେସକ୍ୟୁ ଅପରେସନ ଆରମ୍ଭ ହୋଇଛି। ଉଦ୍ଧାର କାର୍ଯ୍ୟରେ ଭାରତୀୟ ବାୟୁସେନାର ହେଲିକପଟର ନିୟୋଜିତ ଅଛନ୍ତି। ଘଟଣାସ୍ଥଳରେ ଏନଡିଆରଏଫ ଟିମ୍ ମଧ୍ୟ ପହଞ୍ଚିଛନ୍ତି। ବର୍ତ୍ତମାନସୁଦ୍ଧା ୧୬ ଜଣଙ୍କୁ ଉଦ୍ଧାର କରାସରିଥିବାବେଳେ ଏବେ ବି ୩୨ ଜଣ ଫସି ରହିଛନ୍ତି।
ସୂଚନା ମୁତାବକ ବୈଷୟିକ ତ୍ରୁଟି ଯୋଗୁଁ ରୋପ୍ ଓ୍ବେ କେବୁଲ କାରଗୁଡିକ ପରସ୍ପର ମଧ୍ୟରେ ପିଟି ହୋଇଥିଲେ। ସବୁଠୁ ଉପରେ ଥିବା ଟ୍ରଲି ୪୦ ଫୁଟ ତଳେ କଚାଡ଼ି ହୋଇଥିଲା। ଫଳରେ ସେହି ଟ୍ରଲିରେ ଥିବା ୫ ଯାତ୍ରୀ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ଏହି ଦୁର୍ଘଟଣା ଯୋଗୁ ରୋପୱେରେ ଯାଉଥିବା ଆଉ ୨୩ ଟ୍ରଲି ମଝିରେ ଅଟକି ରହିଛି। ସେଥିମଧ୍ୟରୁ ପାହାଡ଼ ପାଖପାଖି ଥିବା ୨ଟି ଟ୍ରଲି ପଥରରେ ପିଟି ହେବାରୁ ବହୁ ଲୋକ ଗୁରୁତର ଆହତ ହୋଇଛନ୍ତି।
ଦୁର୍ଘଟଣାର ପ୍ରକୃତ କାରଣ ନେଇ ତନାଘନା ଚାଲିଛି। ରୋପ ଓ୍ବେ ମ୍ୟାନେଜର ଓ ଅନ୍ୟ କର୍ମଚାରୀମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଦେବଘର ଜିଲ୍ଲାପାଳଙ୍କ ସୂଚନା ଅନୁଯାୟୀ, ଏହି ଦୁର୍ଘଟଣା ପରଠୁ ରୋପୱେକୁ ବନ୍ଦ କରି ଦିଅଯାଇଛି। ଏବଂ ଫଶିଥିବା ଲୋକଙ୍କୁ ଉଦ୍ଧାର କରିବାକୁ ପ୍ରୟାଶ ଜାରି ରହିଛି ।
JNUରେ ଆମିଷ ଖାଇବାକୁ ନେଇ ଉତ୍ତେଜନା, ୧୨ରୁ ଅଧିକ ଛାତ୍ର ଆହତ, ମାମଲା ରୁଜୁ
ନୂଆଦିଲ୍ଲୀ: ଦିଲ୍ଲୀର ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ରବିବାର ଦୁଇ ଛାତ୍ର ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଏଥିରେ ପ୍ରାୟ ୧୨ ଜଣ ଛାତ୍ର ଆହତ ହୋଇଛନ୍ତି । ଘଟଣାକୁ ନେଇ ଦିଲ୍ଲୀ ଥାନାରେ ମାମଲା ରୁଜୁ ହୋଇଛି । ସୂଚନା ଅନୁସାରେ ଏବିଭିପି ଛାତ୍ରଙ୍କ ବିରୋଧରେ ଅନ୍ୟ ଗୋଷ୍ଠୀର ଛାତ୍ରମାନେ ଦେଇଥିବା ଅଭିଯୋଗ ଆଧାରରେ ମାମଲା ରୁଜୁ ହୋଇଛି ।
ପୋଲିସ ଏହି ମାମଲାରେ ଆଇପିସି ଧାରା ୩୨୩/୩୪୧/୫୦୯/୫୦୬/୩୪ ଦ୍ୱାରା ମାମଲା ରୁଜୁ କରିଛି । ତେବେ ଦିଲ୍ଲୀ ପୋଲିସର କହିବା ହେଉଛି ଖୁବଶୀଘ୍ର ଏବିଭିପି ଛାତ୍ରଙ୍କ ପକ୍ଷରୁ ମାମଲା ରୁଜୁ ହେବ । ଅଭିଯୋଗକୁ ଆଧାର କରି ତଦନ୍ତ କରାଯିବ ।
ବର୍ତ୍ତମାନର ସୂଚନା ଅନୁସାରେ ପ୍ରାୟ ୧୬ରୁ ୨୦ ଜଣ ଛାତ୍ର ଆହତ ହୋଇଛନ୍ତି । ଏହି ସଂଖ୍ୟା ଆହୁରି ମଧ୍ୟ ବଢ଼ିପାରେ ବୋଲି ଅନୁମାନ କରାଯାଉଛି ।
ସୂଚନାଯୋଗ୍ୟ, ରବିବାର କାବେରୀ ହଷ୍ଟେଲରେ ଦୁଇ ଛାତ୍ର ଗୋଷ୍ଠୀ ମୁହାଁମୁହିଁ ହୋଇଥିଲେ । ଅଭିଯୋଗ ଅନୁସାରେ, ଏବିଭିପିର ସଦସ୍ୟ ହଷ୍ଟେଲକୁ ମେସକୁ ଆମିଷ ଖାଦ୍ୟ ପରଶିବାରେ ପାଧା ସୃଷ୍ଟି କରିଥିଲେ । କିନ୍ତୁ ପ୍ରତି ଓ୍ୱିକେଣ୍ଡରେ ହଷ୍ଟେଲକୁ ଆମିଷ ଆସେ । ଅନ୍ୟପଟେ ଏବିଭିପି ସଦସ୍ୟଙ୍କ କହିବା ହେଉଛି ବିରୋଧୀ ଗୋଷ୍ଠୀ ହଷ୍ଟେଲରେ ଏକ ପୂଜାକୁ ରୋକିବାକୁ ଚେଷ୍ଟା କରୁଥିଲେ ।
ମହାନଦୀରୁ ମିଳିଲା ଆଉ ଜଣେ ଛାତ୍ରଙ୍କ ମୃତଦେହ: ଏବେ ବି ଜଣେ ନିଖୋଜ
କଟକ: ମହାନଦୀରରୁ ମିଳିଲା ଆଉ ଜଣେ ନିଖୋଜ ଛାତ୍ରଙ୍କ ମୃତଦେହ । ଅଗ୍ନିଶମ ବାହିନୀ ଓ ଓଡ୍ରାଫ୍ ପକ୍ଷରୁ ସର୍ଚ୍ଚ ଅପରେସନ ଚାଲିଥିବା ବେଳେ, ନିଖୋଜ ଛାତ୍ରଙ୍କ ମୃତଦେହ ଉଦ୍ଧାର ହୋଇଛି । ଏବେ ବି ଆଉ ଜଣେ ଛାତ୍ର ନିଖୋଜ ଅଛନ୍ତି । ଗାଧୋଇବାକୁ ଯାଇ କଟକ ମହାନଦୀରେ ବୁଡ଼ିଯାଇଥିଲେ ୩ ଛାତ୍ର ।
ଗତକାଲି ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ, ୨ ଜଣ ନିଖୋଜ ଥିଲେ । ରାତି ହେବାରୁ ଗତକାଲି ଉଦ୍ଧାର କାର୍ଯ୍ୟ ସ୍ଥଗିତ ରହିଥିଲା । ଆଜି ସକାଳୁ ପୁଣି ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ଅଗ୍ନିଶମ ବାହିନୀ ସମେତ ଓଡ୍ରାଫ ଓ ସ୍ଥାନୀୟ ମତ୍ସ୍ୟଜୀବୀ ଉଦ୍ଧାର କାର୍ଯ୍ୟରେ ଲାଗିଥିଲେ । ନିଖୋଜ ଥବା ଦୁଇ ଛାତ୍ରଙ୍କ ମଧ୍ୟରୁ ଆଜି ଆୟୁର ଖାନଙ୍କ ମୃତଦେହ ଉଦ୍ଧାର ହୋଇଛି । ସିଦ୍ଧିକ୍ ଖାନଙ୍କୁ ଏପର୍ଯ୍ୟନ୍ତ ଠାବ କରାଯାଇ ପାରିନାହିଁ । ଗତକାଲି ସାହିଲ ଖାନଙ୍କ ମୃତଦେହ ଠାବ ହୋଇଥିଲା ।
https://www.youtube.com/watch?v=VxeZj29kVC0