ନୂଆଦିଲ୍ଲୀ: କପିଲ ଶର୍ମା ଶୋ’ ଦେଖିବାକୁ କାହାକୁ ବା ପସନ୍ଦ ନୁହେଁ  । ବଲିଉଡ୍ ଇଣ୍ଡଷ୍ଟ୍ରିର ଜଣେ ଜଶାଶୁଣା ହାସ୍ୟ ଅଭିନେତା ମାନଙ୍କ ମଧ୍ୟରୁ ଜଣେ ହେଲେ କପିଲ ଶର୍ମା । କପିଲଙ୍କ କମେଡି ଶୋ’ ବର୍ଷ ବର୍ଷ ଧରି ଲୋକ ମାନଙ୍କୁ ହସାଇ ଆସିଛି ।  ଏବେ କିଛି ଦିନ ହେବ ସେ ନିଜ ଟିମ୍ ସହ କାନାଡ଼ାରେ ଅଛନ୍ତି । ସେଠାରେ ଭିନ୍ନ ଭିନ୍ନ ସ୍ଥାନରେ ଲାଇଭ ଶୋ କରୁଛନ୍ତି । ବର୍ତ୍ତମାନ ଶୁଣିବାକୁ ମିଳିଛି ଯେ  କପିଲ ଏବେ ଏକ ବଡ଼ ସମସ୍ୟାରେ ଫସି ଯାଇଛନ୍ତି ।

କୁହାଯାଉଛି ଯେ, ହାସ୍ୟ ଅଭିନେତା କପିଲଙ୍କ ନାଁରେ ମାମଲା ରୁଜୁ କରାଯାଇଛି  । ଆମେରିକାର ଜଣେ ଜଣାଶୁଣା ପ୍ରଯୋଜକ ଅମିତ ଜେଟଲୀ  କପିଲଙ୍କ ନାଁରେ ଚୁକ୍ତି ଭଙ୍ଗ ଅଭିଯୋଗରେ ମାମଲା ଦାୟର କରିଛନ୍ତି । ତାଙ୍କ ଅଭିଯୋଗ ଅନୁଯାୟୀ,  ୨୦୧୫ ମସିହାରେ କପିଲ ଆମେରିକାର ୬ଟି ଜାଗାରେ ତାଙ୍କ ଶୋ’ ଦେଖାଇବାକୁ କଣ୍ଟ୍ରାକ୍ଟ ସାଇନ କରିଥିଲେ, ହେଲ ସେ ୬ଟି ସ୍ଥାନ ବଦଳରେ ୫ଟି ସ୍ଥାନରେ ଶୋ’ ଦେଖାଇଥିଲେ । କିନ୍ତୁ ଜେଟଲିଙ୍କ କହିବା ଅନୁଯାୟୀ କପିଲ ତାଙ୍କୁ କଥା ଦେଇଥିଲେ ଯେ ସେ ଯେଉଁ ଗୋଟିଏ ଶୋ କରିପାରି ନାହାନ୍ତି, ତାହାର କ୍ଷତି ପୂରଣ  ସେ କରିବେ ବୋଲି କହିଥିଲେ । ହେଲେ ପରେ ସେ ଏହା ବଦଳରେ କୌଣସି ଶୋ’ ପ୍ରଦର୍ଶନ କରି ନାହାନ୍ତିଁ ଏବଂ କୋର୍ଟଙ୍କ ଆଗରେ ଅନେକଥର ତାଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ସେ କୌଣସି ପ୍ରତିକ୍ରିୟା ମଧ୍ୟ କରିନାହାନ୍ତି ବୋଲି ଅମିତ ଅଭିଯୋଗ କରିଛନ୍ତି ।

ଏହା ପରେ ସେ ସୂଚନା ଦେଇଛନ୍ତି ଯେ, ଏହି ମାମଲାକୁ ନ୍ୟୁୟର୍କ କୋର୍ଟରେ ବିଚାରଧୀନ ଅଛି ।  କପିଲ ଶର୍ମାଙ୍କ ବିରୋଧରେ ନିଶ୍ଚିତ ଭାବେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବେଲି ମଧ୍ୟ କହିଛନ୍ତି । ବର୍ତ୍ତମାନ କପିଲ ଶୋ’ ପାଇଁ କାନାଡ଼ା ଯାଇଛନ୍ତି । କୃଷ୍ଣା ଅଭିଷେକ, ରାଜୀବ ଠାକୁର, କିକୁ ଶାରଦା, ସୁମୋନା ଚକ୍ରବର୍ତ୍ତୀ ଏବଂ ଚନ୍ଦନ ପ୍ରଭାକରଙ୍କ ସହ ସେ କାନାଡ଼ାରେ ଲାଇଭ ଶୋ’ କରୁଛନ୍ତି ।