କଣ୍ଟାସାରି ଜଙ୍ଗଲରେ ବୁଲୁଛି ଦନ୍ତା, ଟ୍ରାଙ୍କୁଲାଇଜ ପାଇଁ ଜଗିଛି ଟିମ୍‌

ଖୋର୍ଦ୍ଧା: କଣ୍ଟାସାରି ଜଙ୍ଗଲରେ ଅସୁସ୍ଥ ଦନ୍ତା । ଅସୁସ୍ଥ ଦନ୍ତାର ଚିକିତ୍ସା ପାଇଁ ପହଞ୍ଚିଲା ବିଶେଷଜ୍ଞ ଟିମ୍  । ପ୍ରଥମେ ଦନ୍ତାକୁ ଟ୍ରାଙ୍କୁଲାଇଜ୍ କରି ଚିକିତ୍ସା କରାଯିବ। କଣ୍ଟାସାରି ଜଙ୍ଗଲରେ ପହଞ୍ଚି ଅନୁଧ୍ୟ୍ୟାନ କରୁଛି ଟ୍ରାଙ୍କୁଲାଇଜ୍  ଟିମ୍  । ଖୋର୍ଦ୍ଧା ବନଖଣ୍ଡ ଟାଙ୍ଗୀ ରେଞ୍ଜ ପଟିଆ ସେକସନ କଣ୍ଟାସାରି ଜଙ୍ଗଲରେ ହାତୀ ବୁଲୁଥିବା ଦେଖିବାକୁ ମିଳିଛି  । ଜଙ୍ଗଲରେ ହାତୀକୁ ଏକୁଟିଆ ବୁଲୁଥିବା ଦେଖିବାକୁ ପାଇଥିଲେ ବନ କର୍ମଚାରୀ  ।

ହାତୀଟି ଏକୁଟିଆ ବୁଲୁଥିବା ବେଳେ ତାର ଚାଲି  ଚଳନ  ସ୍ୱାଭାବିକ  ନଥିବା ଦେଖିବାକୁ  ପାଇଥିଲେ ବନ କର୍ମଚାରୀ  । ତେଣୁ ତାର ଚିକିତ୍ସା କରିବା ପାଇଁ  ଅଣ୍ଟା ଭିଡିଛି  ଟାଙ୍ଗୀ ବନ ବିଭାଗ  ।

ଅସୁସ୍ଥ ଦନ୍ତାର ଚିକିତ୍ସା କରିବା  ପାଇଁ  OUAT  ର ବିଶେଷଜ୍ଞ ଦଳ, ନନ୍ଦନକାନନର ବିଶେଷଜ୍ଞ ଦଳ ଓ ବନ ବିଭାଗର ବରିଷ୍ଠ କର୍ମଚାରୀ ନିୟୋଜିତ ହୋଇଛନ୍ତି । ହାତୀଟି ଜଙ୍ଗଲରୁ ବାହାରିବା ପରେ  ଟ୍ରାଙ୍କୁଲାଇଜ୍ କରିବା ପାଇଁ ଛକି ରହିଛନ୍ତି  ଟିମ୍  ।