କମନଓ୍ବେଲଥ ଗେମ୍ସ: ସୁପର ସଣ୍ଡେରେ ଆଜି ଭାରତକୁ ଭେଟିବ ପାକିସ୍ତାନ

ବର୍ମିଂହାମ: କମନଓ୍ବେଲଥ ଗେମ୍ସରେ ଆଜି ମହାମୁକାବିଲା । କ୍ରିକେଟ ମଇଦାନରେ ମୁହାଁମୁହିଁ ହେବେ ଭାରତ-ପାକିସ୍ତାନ ମହିଳା କ୍ରିକେଟ ଟିମ୍‌ । ସୁପର ସଣ୍ଡେରେ ଖେଳାଯିବ ସୁପର ଟି-୨୦ । ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବୀଙ୍କ ମଧ୍ୟରେ ଖେଳାଯିବ ମ୍ୟାଚ୍ । ଆଜି ଅପରାହ୍ନ ୩ଟା ୩୦ରେ ଭାରତ-ପାକିସ୍ତାନ ମଧ୍ୟରେ ମ୍ୟାଚ୍ ଖେଳାଯିବ ।

ଭାରତୀୟ ମହିଳା କ୍ରିକେଟ ଟିମ୍ ଅଷ୍ଟ୍ରେଲିଆ ସହ ପ୍ରଥମ ମ୍ୟାଚ୍ ହାରିଥିବା ବେଳେ ଆଜିର ମ୍ୟାଚ ଉପରେ ସମସ୍ତଙ୍କ ନଜର ରହିଛି । ପାକିସ୍ତାନ ବିରୋଧରେ ମ୍ୟାଚ୍ ଜିତି କମନଓ୍ବେଲଥକୁ କମବ୍ୟାକ କରିବ ଟିମ ଇଣ୍ଡିଆ । ବର୍ମିଂହାମର ଏଜବେଷ୍ଟନ ଫିଲ୍ଡରେ ମ୍ୟାଚ୍ ଅନୁଷ୍ଠିତ ହେବ । ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଭାରତୀୟ ଟିମର ସ୍ମୃତି ମନ୍ଦନା ଭଲ ଖେଳିଥିଲେ ବି ବଡ଼ ସ୍କୋର କରିପାରି ନଥିଲେ ।

ତେବେ ଆଜି ସ୍ମୃତି ମନ୍ଦନାଙ୍କ ଉପରେ କ୍ରିକେଟ ପ୍ରେମୀଙ୍କ ନଜର ରହିବ । ଏହାଛଡ଼ା ବକ୍ସିଂ, ଟେବୁଲ ଟେନିସରେ ଆଜି ଭାରିତୀୟ ଖେଳାଳି ଜଲଓ୍ବା ଦେଖାଇପାରନ୍ତି । ସେହିପରି ଓ୍ବେଟଲିଫ୍ଟିଂରେ ଭାରତକୁ ଆଉ ପଦକ ମିଳିପାରେ । ସନ୍ଧ୍ୟା ୮ଟା ୩୦ରେ ପୁରୁଷ ହକିରେ ଭାରତ ଓ ଘାନା ମଧ୍ୟରେ ମ୍ୟାଚ୍ ଖେଳାଯିବ  ।