ନୂଆଦିଲ୍ଲୀ: ନୂଆ ବିବାଦରେ ଛନ୍ଦି ହୋଇଛନ୍ତି ବିଶ୍ବର ସବୁଠୁ ଧନଶାଳୀ ବ୍ୟକ୍ତି ଏଲନ ମସ୍କ । ବ୍ୟବସାୟ ଜୀବନ ଅପେକ୍ଷା ବ୍ୟକ୍ତିଗତ ଜୀବନକୁ ନେଇ ମଧ୍ୟ ଅନେକ ସମୟରେ ଚର୍ଚ୍ଚାରେ ରହିଥାନ୍ତି ମସ୍କ । ଏବେ ଏଲନ ମସ୍କଙ୍କୁ ନେଇ ଆଉ ଏକ ବିବାଦ ସାମ୍ନାକୁ ଆସିଛି । ମସ୍କ ବିରୋଧରେ ଆସିଥିବା ଯୌନ ନିର୍ଯାତନା କେସର ଦଫାରଫା ପାଇଁ ୨୫୦ ହଜାର ଡଲାର ଦେଇଛି ସ୍ପେସ ଏକ୍ସ ।
ତେବେ ୨୦୧୬ରେ ମସ୍କଙ୍କ ବିରୋଧରେ ଏହି ଅଭିଯୋଗ ଆସିଥିଲା । ଏଥିପାଇଁ କମ୍ପାନୀକୁ ବହୁମୂଲ୍ୟ ଦେବାକୁ ପଡ଼ିଛି ବୋଲି କମ୍ପାନୀର ଜଣେ କର୍ମଚାରୀ କହିଛନ୍ତି । ଏହି ରକେଟ ଲଞ୍ଚର କମ୍ପାନୀର ପ୍ରତିଷ୍ଠାତା ଓ ସିଇଓ ଏଲନ ମସ୍କ ସ୍ପେସ କର୍ପୋରେଟିଭ ଜେଟରେ ଫ୍ଲାଇଟ୍ ଆଟେଣ୍ଡାଣ୍ଟ ଭାବେ କାର୍ଯ୍ୟ କରୁଥିବା କର୍ମଚାରୀଙ୍କୁ ଅଶାଳୀନ ବ୍ୟବହାର କରିଥିଲେ । ଯେଉଁଥିପାଇଁ କମ୍ପାନୀ ସେହି ଆଟେଣ୍ଡାଣ୍ଟଙ୍କୁ ୨୦୧୮ରେ କମ୍ପାନୀ ୨୫୦ ହଜାର ଡଲାର ଦେଇଥିଲା । ଜଣେ ଟ୍ବିଟର ୟୁଜର ଏ ନେଇ ମସ୍କଙ୍କୁ ପଚାରିବାରେ ସେ ଏହାକୁ ଖଣ୍ଡନ କରିଛନ୍ତି ।
