ନୂଆଦିଲ୍ଲୀ: କମିବ ବେକାରୀ ହାର, ସୃଷ୍ଟି ହେଲା ନୂଆ ରୋଜଗାର । ଚାକିରୀ ଖୋଜୁଥିବା ଆଶାୟୀଙ୍କୁ ଖୁସି ଖବର ଦେଲେ ମୋଦି । ଆଗାମୀ ଦେଢବର୍ଷରେ ଦଶ ଲକ୍ଷ ନିଯୁକ୍ତି ଦେବେ କେନ୍ଦ୍ର ସରକାର । ବିଭିନ୍ନ ମନ୍ତ୍ରାଳୟର ବିଭାଗରେ ଭର୍ତ୍ତି ହେବେ ଆଶାୟୀ । ମାର୍ଚ୍ଚ ୨୦୨୦ ସୁଦ୍ଧା କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ୮.୭୨ ଲକ୍ଷ ପଦ ଖାଲିଥିବା କେନ୍ଦ୍ର ସରକାର ସଂସଦରେ ବିବୃତ୍ତି ରଖିଥିଲେ ।
କେନ୍ଦ୍ର ସରକାରଙ୍କ ୪୦ ଲକ୍ଷରୁ ଅଧିକ ପଦରେ ୩୨ ଲକ୍ଷରୁ କମ କର୍ମଚାରୀ ଅଛନ୍ତି । ଏହି ଖାଲି ପଦବୀ ପୂରଣ ପାଇଁ ସରକାର ପ୍ରୟାସ କରିଥିଲେ ସୁଦ୍ଧା ବିଶେଷ ସଫଳତା ମିଳିନଥିଲା । ସବୁଠାରୁ ଅଧିକ ପଦ ଡାକ, ପ୍ରତିରକ୍ଷା(ସିଭିଲ), ରେଳ ଓ ରାଜସ୍ବ ଭଳି ବଡ ମନ୍ତ୍ରଣାଳୟ ଓ ବିଭାଗ ରହିଛି ।
ରେଳ ବିଭାଗରେ ୧୫ ଲକ୍ଷ ପଦ ଖାଲି ପଡିଥିବାବେଳେ ମନ୍ତ୍ରଣାଳୟରେ ପାଖାପାଖି ୨.୩ ଲକ୍ଷ ପଦ ଖାଲି ରହିଛି । ପ୍ରତିରକ୍ଷା (ନାଗରିକ) ବିଭାଗରେ ୬.୩୩ ଲକ୍ଷ କର୍ମଚାରୀଙ୍କ ଆବଶ୍ୟକତା ଥିବାବେଳେ ୨.୫ ଲକ୍ଷ ପଦ ଖାଲି ପଡିଛି । ସେହିପରି ଡାକ ବିଭାଗରେ ୯୦ ହଜାର, ରାଜସ୍ବ ବିଭାଗରେ ୧.୭୮ ଲକ୍ଷ ପଦ ଖାଲି ପଡିଛି ।
୨୦୨୦ ମାର୍ଚ୍ଚ ସୁଦ୍ଧା ଖାଲି ପଡିଥିବା ପଦବୀ ଗୁଡିକ ମଧ୍ୟରେ ଗ୍ରୁପ ସିରେ ସର୍ବାଧିକ ୭.୫୬ ଲକ୍ଷ ରହିଛି । ଏହାସହ ଗ୍ରୁପ ବିରେ ୯୪,୮୪୨ ହଜାର ଓ ଗ୍ରୁପ ଏ ରେ ୨୧,୨୫୫ ହଜାର ପଦ ଖାଲି ରହିଛି ।
