ନନ୍ଦିଘୋଷ ବ୍ୟୁରୋ : ମାନସ ରଞ୍ଜନ ମଙ୍ଗରାଜ ହେଲେ ବିଜେଡି ସଂସଦୀୟ ଦଳର ନେତା। ସେହିଭଳି ସୁଲତା ଦେଓଙ୍କୁ ବିଜେଡି ସଂସଦୀୟ ଦଳର ଉପନେତା ସହ ମୁଖ୍ୟ ସଚେତକର ଦାୟିତ୍ୱ ମିଳିଛି। ମାନସ ରଞ୍ଜନ ମଙ୍ଗରାଜ ଏବେ ମୁଖ୍ୟ ସଚେତକ ଦାୟିତ୍ୱରେ ଥିବାବେଳେ ପୂର୍ବରୁ ସୁଲୋତା ଦେଓ ମୁଖ୍ୟ ସଚେତକ ଦାୟିତ୍ୱ ତୁଲାଇ ଥିଲେ। ଏହି ଦୁଇ ଜଣଙ୍କ ଚୟନକୁ ଅନୁମୋଦନ ଦେଇ ରାଜ୍ୟ ସଭା ଅଧ୍ୟକ୍ଷଙ୍କୁ ଚିଠି ଲେଖିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ।
ପୋଲିସ ମାଓବାଦୀଙ୍କ ମଧ୍ୟରେ ଗୁଳିବିନିମୟ, ରକ୍ଷା ବାହିନୀ ଗୁଳରେ ଜଣେ ମାଓ କ୍ଯଡେର ନିହତ
ମାଲକାନଗିରି : ମାଲକାନଗିରି ଜିଲ୍ଲା ସୀମାନ୍ତ ଛତିଶଡ଼ର କାଙ୍କେର ଜିଲ୍ଲାରେ ପୋଲିସ ମାଓବାଦୀଙ୍କ ମଧ୍ୟରେ ଗୁଳିବିନିମୟ । ସୁରକ୍ଷା ବାହିନୀ ଗୁଳରେ ଜଣେ ମାଓ କ୍ଯଡେର ନିହତ । ସୂଚନା ଦେଲେ ପୋଲିସ ଅଧିକ୍ଷକ ନିଖିଲ ରାଖେଚା । ମାଓ ଉପସ୍ଥିତି ସମ୍ପର୍କରେ ସୂଚନା ପରେ କାଙ୍କେର ଜିଲ୍ଲା ଅନ୍ତର୍ଗତ ଛୋଟେବେଠିଆ-ପରତାପୁର ପୋଲିସ ଷ୍ଟେସନ କ୍ଷେତ୍ରାଧିକାରର ସୀମାବର୍ତ୍ତୀ ଅଞ୍ଚଳରେ ଅବସ୍ଥିତ ମାଚପାଲି-ଆରମଝୋରା-ହିଦୁର ଅଞ୍ଚଳର ଜଙ୍ଗଲରେ ପୋଲିସ ବାହିନୀ ଦ୍ୱାରା ଏକ ସର୍ଚ୍ଚ ଅପରେସନ ଆରମ୍ଭ କରାଯାଇଥିଲା । ଅପରେସନ ସମୟରେ, ମାଚପାଲି ଅଞ୍ଚଳରେ ପୋଲିସ ବାହିନୀ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏନକାଉଣ୍ଟର ପରେ, ପରବର୍ତ୍ତୀ ସର୍ଚ୍ଚ ସମୟରେ, ସୁରକ୍ଷା ବାହିନୀ ଦ୍ୱାରା ଜଣେ ମହିଳା ମାଓ କ୍ୟାଡରଙ୍କ ମୃତଦେହ ଉଦ୍ଧାର କରାଯାଇଥିଲା । ମୃତଦେହ ମାଓ କ୍ୟଡର ଏରିଆ କମିଟି ସଦସ୍ୟା ରୂପିଙ୍କ ବୋଲି ଚିହ୍ନଟ ହୋଇଛି । ରୁପି DKSZC ସଦସ୍ୟ ବିଜୟ ରେଡ୍ଡିଙ୍କ ପତ୍ନୀ । ଯାହାଙ୍କ ମୃତଦେହ ୨୦୧୫ ମାନପୁର-ମୋହଲାରେ ଏକ ଏନକାଉଣ୍ଟର ପରେ ଉଦ୍ଧାର କରାଯାଇଥିଲା । ଏହାପରେ ରୁପି ବସ୍ତର ଅଞ୍ଚଳରେ ରହିଯାଇଥିବା ଶେଷ ସକ୍ରିୟ ତେଲୁଗୁ ମାଓବାଦୀ କ୍ୟାଡର ଥିଲା । ମୃତଦେହ ସହ ଏକ ପିସ୍ତଲ, ଗୁଳି ଏବଂ ଅନ୍ୟାନ୍ୟ ସାମଗ୍ରୀ ଉଦ୍ଧାର କରାଯାଇଛି । ସୁରକ୍ଷା ବାହିନୀ ପକ୍ଷରୁ କମ୍ବିଂ ଅପରେସନ ଜାରି ରହିଛି ।
‘ଟ୍ରମ୍ପ ବିଜେତା ନୁହଁନ୍ତି, ସେ ରଙ୍ଗ ବଦଳାଉଥିବା ଏଣ୍ଡୁଅ’
ନନ୍ଦିଘୋଷ ବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ବହୁରୂପି ଏଣ୍ଡୁଅ ସହ ତୁଳନା କଲା ଇରାନ ଗଣମାଧ୍ୟମ । କହିଲା, ଟ୍ରମ୍ପଙ୍କୁ କୌଣସି ବିଜେତା ନୁହଁନ୍ତି । ଏକ ଲୁଚିଯାଉଥିବା ଓ ପରିସ୍ଥିତି ଅନୁଯାୟୀ ରଙ୍ଗ ବଦଳାଉଥିବା ଏଣ୍ଡୁଅ । ମଧ୍ୟପ୍ରାଚ୍ୟରେ ଶାନ୍ତି ଆଣିବାକୁ ଯେଉଁ ଆଲୋଚନା ହୋଇଥିଲା ସେଥିରୁ କିଛି ନିଷ୍କର୍ସ ବାହାରିଲାନି। ଆଲୋଚନା ବିଫଳ ହେଲା । ଆମେରିକା ଫେରିଗଲେ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ । ଇସଲାମବାଦରେ ୨୧ ଘଣ୍ଟା ଧରି ଚାଲିଥିଲା କଥାବାର୍ତ୍ତା କିନ୍ତୁ କିଛି ଫଳ ମିଳିଲାନାହିଁ । ଇରାନ ଓ ଆମେରିକାର ପରସ୍ପରକୁ ଆଲୋଚନା ବିଫଳ ପାଇଁ ଦାୟୀ କରିଛନ୍ତି । ଆମେରିକାର ଆତ୍ମସର୍ପଣର ସର୍ତ୍ତକୁ ଇରାନ ସ୍ବୀକାର କରିନାହିଁ । ଇରାନ ସ୍ପଷ୍ଟ କରିଛି ଯେ, ସେ ପରମାଣୁ ବୋମା ନିର୍ମାଣ କରିବ ନାହିଁ କିନ୍ତୁ ୟୁରାନିୟମ ସମୃଦ୍ଧିକୁ ପରିତ୍ୟାଗ କରିବ ନାହିଁ। ଏହି ପ୍ରସଙ୍ଗ ଆଲୋଚନାରେ ସବୁଠାରୁ ବଡ଼ ସମସ୍ୟା ପାଲଟିଥିଲା। ଯୁଦ୍ଧ ଆରମ୍ଭରୁ ଆମେରିକା ଏହି ଯୁଦ୍ଧରେ ନିଜ ଲକ୍ଷ୍ୟ ହାସଲ କରିସାରିଛି ବୋଲି ଟ୍ରମ୍ପ ଅନେକ ଥର କହି ସାରିଲେଣି । କିନ୍ତୁ ଏବେ ବି ମଧ୍ୟପ୍ରାଚ୍ୟର ପରିସ୍ଥିତି ଶାନ୍ତି ହୋଇନାହିଁ । ହର୍ମୁଜ ପ୍ରଣାଳୀକୁ ନେଇ ଟ୍ରମ୍ପ ରଖିଥିବା ଅନେକ ଦାବି ମିଛ ବୋଲି ମନେହୁଏ । ଏବେ ବି ହର୍ମୁଜ ପ୍ରଣାଳୀ ଦେଇ ଜାହାଜ ଯିବା ଆସିବା କରିବା ସ୍ୱାଭାବିକ ହୋଇନାହିଁ । ପୁଣି ଏକାଠି ହୋଇ ଇରାନ-ଆମେରିକା ଶାନ୍ତି ପାଇଁ ଆଲୋଚନା କରିବା ନେଇ ଚର୍ଚ୍ଚା ହେଉଛି । ଏପଟେ ବିଶ୍ୱ ଅର୍ଥନୀତି ଉପରେ ବଡ଼ ପ୍ରଭାବ ସୃଷ୍ଟି ହୋଇସାରିଛି । ଦୁନିଆ ଶକ୍ତି ସଙ୍କଟ ଆଡକୁ ଗତି କରୁଛି । ଟ୍ରମ୍ପ କିନ୍ତୁ ବାରମ୍ବାର ନିଜ କଥା କୁ ଏଣ୍ଡୁଅ ରଙ୍ଗ ବଦଳାଇଲା ଭଳି ପରିବର୍ତ୍ତନ କରୁଛନ୍ତି ଓ ଇରାନ ଆମେରିକା ଭିତରେ ଥିବା ସମ୍ପର୍କକୁ ନିଜ ଦାଦାଗିରି ଓ ଧମକ ଦ୍ୱାରା ଅଧିକ ଖରାପ କରୁଛନ୍ତି ।
ସପ୍ତାହ ଆରମ୍ଭରୁ ଭୁଶୁଡ଼ିଲା ସେୟାର ବଜାର
ନନ୍ଦିଘୋଷ ବ୍ୟୁରୋ : ସପ୍ତାହ ଆରମ୍ଭରୁ ଭୁଶୁଡ଼ିଲା ସେୟାର ବଜାର । ୧୬ ଶହ ପଏଣ୍ଟି ଖସିଲା ସେନ୍ସେକ୍ସ । ନିଫ୍ଟି ୪ ଶହ ପଏଣ୍ଟ ହ୍ରାସ । ଟ୍ରମ୍ପଙ୍କ ଚେତାବନୀ ପରେ ପୁଣି ସେୟାର ମାର୍କେଟରେ ଦେଖିବାକୁ ମିଳିଛି ବଡ଼ ଧରଣର ହଲଚଲ । ବୁଡ଼ି ଯାଇଛି ହଜାର ହଜାର ନିବେଶକଙ୍କ କୋଟି କୋଟି ଟଙ୍କା । ଇରାନ ଆମେରିକ ଶାନ୍ତି ଆଲୋଚନା ପରେ ସେୟାର ମାର୍କେଟରେ ଏହାର ପ୍ରଭାବ ଦେଖିବାକୁ ମିଳିଛି । ସେପଟେ ଅଶୌଧିତ ତୈଳ ଦରର ୧୦୨ ଡଲାର ଛୁଇଁଛି । କ୍ରୁଡ ଅଏଲ ବ୍ୟାରେଲ ପିଛା ୭ ପ୍ରତିଶତ ବୃଦ୍ଧି ପାଇଛି ।
ସ୍ତ୍ରୀକୁ ମାରି ଲାଟ୍ରିନ ଟାଙ୍କିରେ ପୋତିଦେଲା ସ୍ୱାମୀ
ଉମରକୋଟ : ସ୍ତ୍ରୀକୁ ମାରି ଲାଟ୍ରିନ ଟାଙ୍କିରେ ପୋତିଦେଲା ସ୍ୱାମୀ । ନବରଙ୍ଗପୁର ଜିଲ୍ଲା ରାଇଘର ଥାନା ବୋର୍ ଗାଁ ରେ ଚାଞ୍ଚଲ୍ୟ। ମୃତକ ହେଲେ ମନେଇ ଗଣ୍ଡ । ହତ୍ୟାକାରୀ ସ୍ୱାମୀ ସୁବାସ ଗଣ୍ଡକୁ ଥାନାରେ ଅଟକ ରଖିଛି ରାଇଘର ପୋଲିସ୍ । ଗତ ରବିବାର ରାତିରେ ପରିବାରର ଅନ୍ୟ ସଦସ୍ୟ ମାନେ ଏକ ବାହାଘର ଭୋଜି ଖାଇବାକୁ ଯାଇଥିଲେ । ଏହି ସମୟ ରେ ସ୍ୱାମୀ ସୁବାସ ଗଣ୍ଡ ମଦ୍ୟ ପାନ କରି ସ୍ତ୍ରୀ ସହ ଗଣ୍ଡଗୋଳ କରିଥିଲେ । ପରେ ସ୍ତ୍ରୀ ଙ୍କୁ ହତ୍ୟା କରି ବାଡ଼ି ପଟ ଲାଟ୍ରିନ ଟାଙ୍କି ରେ ପୋତି ଦେଇଥିଲା । ସ୍ତ୍ରୀ କୁଆଡ଼େ ଚାଲି ଯାଇଥିବା ବାହାନା କରିଥିଲା । ରାଇଘର ପୋଲିସ୍ କୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ସ୍ତ୍ରୀକୁ ମାରି ଲାଟିନ ତାଙ୍କି ରେ ପୋତି ଦେଇଥିବା ପୋଲିସ ଆଗରେ ସ୍ୱୀକାର କରିଥିଲା ସୁବାସ । ପରେ ପୋଲିସ ଉପସ୍ଥିତି ରେ ମୃତଦେହକୁ ଟାଙ୍କି ରୁ ବାହାର କରା ଯାଇଥିବାବେଳେ ପୋଲିସ ତଦନ୍ତ କରୁଛି । ଅଧିକ ତଦନ୍ତ ପାଇଁ ନବରଙ୍ଗପୁର ରୁ ଏକ ସାଇଣ୍ଟି ଫିକ ଟିମ୍ କୁ ଡକାଯାଇଛି ।
ଢେକୁନପାଣିରେ ମାଓକ୍ୟାମ୍ପ ଠାବ, ୭୦ ଜିଲୋଟିନ ଷ୍ଟିକ ସହ ମାଓ ସାମଗ୍ରୀ ଜବତ
ନୂଆପଡା : ନୂଆପଡା ଢେକୁନପାଣିରେ ମାଓକ୍ୟାମ୍ପ ଠାବ । ୭୦ ଜିଲୋଟିନ ଷ୍ଟିକ ସହ ମାଓ ସାମଗ୍ରୀ ଜବତ । ସୁନାବେଡ଼ା ଅଭ୍ୟୟାରଣ୍ୟ ଢେକୁନପାଣି ଗାଁ ନିକଟରେ ସିଆରପିଏଫ ଜବାନମାନେ କମ୍ବିଂ ଅପରେସନ କରି ଏକ ମାଓ କ୍ୟାମ୍ପ ଠାବ କରିଛନ୍ତି । ପଥର ଚଟାଣରେ ମାଓବାଦୀମାନେ ଲୁଚାଇ ରଖିଥିବା ସୂଚନା ମିଳିଥିଲା । ସିଆରପିଏଫ ୨୧୬ ବ୍ୟାଟାଲିୟନ କମାଣ୍ଡାଣ୍ଟ ଏରିକ ଗିଲବର୍ଟ ଯୋଶଙ୍କ ନେତୃତ୍ବରେ ସିଆରପିଏଫ ଟିମ ସମ୍ପୃକ୍ତ ଜଙ୍ଗଲରେ କମ୍ବିଂ ଅପରେସନ କରିଥିଲେ । ଗତକାଲି ଅପରାହ୍ନରେ ସିଆରପିଏଫ ଯବାନ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନୀ କୁକୁର ସାହାଯ୍ୟରେ ମାଓ କ୍ୟାମ୍ପକୁ ଠାବ କରିଥିଲେ । ସେଠାରୁ ୭୦ଟି ଜିଲୋଟିନ ଷ୍ଟିକ, ୩ଟି ଷ୍ଟିଲ ଜନଟେନର, ୨ଟି ଇଞ୍ଜେକ୍ସନ ସିରିଂଜ ଓ ୪ ବଣ୍ଡଲ ଇଲେକ୍ଟ୍ରିକ ତାରକୁ ଜବତ କରିଥିଲେ । ସିଆରପିଏଫ ଡେପୁଟି କମାଣ୍ଡେଣ୍ଟ ମନମୋହନ ଠାକୁର, ଗୁଇନ୍ଦା ଇନ୍ସପେକ୍ଟର ଜଗଦୀଶ ପଣ୍ଡା ସମେତ ବହୁ ସିଆରପିଏଫ ଯବାନ ଉପସ୍ଥିତ ଥିଲେ ।
ଦଣ୍ଡ ଯାତ୍ରାବେଳେ ଅଘଟଣ, ବିଦ୍ୟୁତ ଆଘାତରେ ୪ ଦଣ୍ଡୁଆଙ୍କ ମୃତ୍ୟୁ
ହିନ୍ଦୋଳ : ଦଣ୍ଡ ଯାତ୍ରାବେଳେ ଅଘଟଣ । ହିନ୍ଦୋଳ ପାଟଲା ଗାଁରେ ଦଣ୍ଡନାଚ ପାଇଁ ଷ୍ଟେଜ ତିଆରି କରୁଥିବାବେଳେ ବିଦ୍ୟୁତ ଆଘାତରେ ୪ ଦଣ୍ଡୁଆଙ୍କ ମୃତ୍ୟୁ । କ୍ଷତି ପୂରଣ ଦାବିରେ ପୁରୁଣା କଟକ -ସମ୍ବଲପୁର ରାଜପଥ ଅବରୋଧ କଲେ ଉତ୍ତ୍ୟକ୍ତ ଗ୍ରାମବାସୀ । ବିଦ୍ୟୁତ ବିଭାଗ ଅବହେଳା ଏବଂ କ୍ଷତି ପୂରଣ ଦାବିରେ ରାସ୍ତାରେ ଟାୟାର ଜାଳି ରାସ୍ତା ଅବରୋଧ । ଷ୍ଟେଜ ଭିଡୁଥିବା ଲୁହା ପାଇପ ୧୧ ତାର ସହ ଲାଗି ଯାଇଥିଲା । ମୃତକ ମାନେ ହେଲେ ବାଲିମି ଥାନା ଅନ୍ତର୍ଗତ ପାଟଲା ଗ୍ରାମର ସୁଧାକର ସାହୁ, ଲକ୍ଷ୍ମୀ ଧର ସାହୁ, ମୋଟଙ୍ଗା ଥାନା ଅନ୍ତର୍ଗତ ବିଡ଼ ଗ୍ରାମର ମିଲନ ମହାଳିକ, ପାଟଲା ଗ୍ରାମର ପ୍ରଫୁଲ୍ଲ ସାହୁ । ପାଟଲ ଗ୍ରାମରେ ମାଆ କାଳୀଙ୍କ ଦଣ୍ଡନାଚ ପାଇଁ ଲୁହା ପାଇପରେ ଷ୍ଟେଜ ଭିଡୁଥିବା ବେଳେ ଲୁହା ଆଙ୍ଗେଲ ୧୧ କେଭି ତାରରେ ଲାଗି ଯାଇଥିଲା । ଗୁରୁତର ମାନଙ୍କୁ ଅନ୍ୟ ଦଣ୍ଡନାଚ ପିଲାମାନେ ଉଦ୍ଧାର କରି ଆମ୍ବୁଲାନ୍ସ ଯୋଗେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ସୁଧାକର, ଲକ୍ଷ୍ମୀଧର, ମିଲନଙ୍କୁ ମୃତ ଘୋଷଣା କରିଥିଲେ । ଗୁରୁତର ଭାବେ ପ୍ରଫୁଲ୍ଲଙ୍କୁ କଟକ ସ୍ଥାନାନ୍ତର କରାଯାଇଥିବାବେଳେ ସେଠାରେ ତାଙ୍କର ମଧ୍ଯ ମୃତ୍ୟୁ ହୋଇଛି ।
ଓଡ଼ାପଡ଼ା ଠାରେ ବିଜୁ ଜନତାଦଳ ପକ୍ଷରୁ ବ୍ଲକ ସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ
ଜଗତସିଂହପୁର : ଜଗତସିଂହପୁର ଜିଲ୍ଲାରେ ଆହୁରି ଶକ୍ତିଶାଳୀ ହେବ ବିଜୁ ଜନତା ଦଳ । ଗାଁ ଠାରୁ ସହର, ପଞ୍ଚାୟତ ଠାରୁ ପୌର ପରିଷଦ ପର୍ୟ୍ୟନ୍ତ ସବୁଠି ଏକାଠି ହେଲେଣି ଯୁବକ, ଛାତ୍ର, ବରିଷ୍ଠ ନାଗରିକ l ଜିଲ୍ଲାର ରଘୁନାଥପୁର ବ୍ଲକ ପୂରଣ ଓଡ଼ାପଡ଼ା ଠାରେ ବିଜୁ ଜନତାଦଳ ପକ୍ଷରୁ ବ୍ଲକ ସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଛି l ରଘୁନାଥପୁର ବ୍ଲକ ଉପାଧ୍ୟକ୍ଷ ତଥା ବ୍ଲକ ସଭାପତି ଦେବାଶିଷ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶିବିରରେ ବିଜୁ ଜନତାଦଳର ରାଜ୍ଯ ଉପ ସଭାପତି ପ୍ରତାପ ଜେନାଙ୍କ ସହ ରଜତ ପାତ୍ର, ପ୍ରକାଶ ମଲିକ, ସୁରେନ୍ଦ୍ର ମହାପାତ୍ର,ବ୍ଲକ ଅଧ୍ୟକ୍ଷା, ଜିଲାପରିଷଦ ସଭ୍ଯ ସଭ୍ୟା, ପଞ୍ଚାୟତ ପ୍ରତିନିଧି ମାନଙ୍କ ଉପସ୍ଥିତିରେ ହଜାର ବିଜୁ ଜନତାଦଳର କର୍ମୀମାନେ ଯୋଗ ଦେଇଥିଲେ l ଏଥିରେ ଆଗାମୀ ୨୦୨୭ ପଞ୍ଚାୟତ ନିର୍ବାଚନ ପାଇଁ ଦଳର କର୍ମୀମାନଙ୍କୁ ଗୁରୁ ମନ୍ତ୍ର ଦିଆଯାଇଥିଲା l ବିଜୁ ଜନତା ଦଳର ରାଜ୍ୟ ସଭାପତି ତଥା ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ସାରା ରାଜ୍ୟରେ ପ୍ରତି ବ୍ଲକ, ପୌର ପରିଷଦ ଗୁଡିକରେ ଦଳକୁ ଯେପରି ଅଧିକରୁ ଅଧିକ ଶକ୍ତିଶାଳୀ ହେବ ସେଥିପାଇଁ ଉଦ୍ୟମ ଜାରି ରହିଛି
ଦଣ୍ଡନାଚ ଦେଖିବାକୁ ଆସି ଦୁଇ ଜଣଙ୍କ ଦୁର୍ଘଟଣାରେ ମୃତ୍ୟୁ
ଭଞ୍ଜନଗର : ଦଣ୍ଡନାଚ ଦେଖିବାକୁ ଆସି ଦୁଇ ଜଣଙ୍କ ଦୁର୍ଘଟଣାରେ ମୃତ୍ୟୁ । ଗଞ୍ଜାମ ସୋରଡା ଥାନା ପୋଡା ପୋଖରୀ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା । ଦୁର୍ଘଟଣା ଦୁଇଜଣ ଯୁବକଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି । ମୃତକମାନେ ହେଲେ ଗୋବିନ୍ଦପୁର ଗାଁର ଗୁରୁଦେବ ପ୍ରଧାନ , ଚାଞ୍ଚରାପଲ୍ଲୀ ଗାଁର ବଳିଆ ମଲ୍ଲିକ । ଗୁରୁତର ସୋରଡ଼ାର ଗାୟତ୍ରୀ ମଲ୍ଲିକ, ବହଗାପଲ୍ଲିର ପିଣ୍ଟୁ ମଲ୍ଲିକ, ଲାଠିପଡ଼ାର ଜିତୁ ସେଠୀଙ୍କୁ ବ୍ରହ୍ମପୁର ମେଡିକାଲ ସ୍ଥାନାନ୍ତର କରାଯାଇଛି । ସୋରଡା ଅଗ୍ନିଶମ ବାହିନୀ ଗୁରୁତର ମାନଙ୍କୁ ଉଦ୍ଧାର କରି ସୋରଡା ମେଡିକାଲରେ ଭର୍ତ୍ତି କରିଥିଲେ । ସେଠାରେ ଦୁଇ ଜଣଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଅନ୍ୟ ୩ଜଣଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ସୋରଡା ପୋଲିସ୍ ମୃତଦେହ ଉଦ୍ଧାର କରି ଘଟଣାର ଅଧିକ ତଦନ୍ତ କରୁଛି ।
ହାଇଓ୍ବା-କଲେଜ ବସ୍ ମୁହାଁମୁହିଁ ଧକ୍କା, ଜଣେ ମୃତ
ଯାଜପୁର ରୋଡ : ଯାଜପୁର ୨୦ ନମ୍ବର ଜାତୀୟ ରାଜପଥ ପାଣିକୋଇଲି ଥାନା ଓଉପଦା ଛକ ନିକଟରେ ଘରୋଇ କଲେଜ ବସ୍ ଦୁର୍ଘଟଣା । ଏକ ହାଇଓ୍ବା ସହ ମୁହାଁମୁହିଁ ଧକ୍କା ହେବା ଫଳରେ ହାଇଓ୍ବା ଚାଳକଙ୍କ ମୃତ୍ୟୁ ଏବଂ ହେଲ୍ପର ଗୁରୁତର । ବସରେ ଥିବା ୧୫ ଜଣ ଛାତ୍ରଙ୍କ ସମେତ ୧୭ ଜଣ ଆହତ ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ହାଇଓ୍ବା ଚାଳକଙ୍କ ମୃତ୍ୟୁ ହୋଇଛି । ଆହତ ମାନଙ୍କୁ ଚିକିତ୍ସା ପାଇଁ ଯାଜପୁର ରୋଡ଼ ମେଡ଼ିକାଲ ସମେତ ଜିଲ୍ଲା ମୁଖ୍ୟ ଚିକିତ୍ସାଳୟ ଓ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ତଣ୍ଡରା ସ୍ଥିତି ପ୍ରୟାସ କଲେଜର ଏକ ବସ୍ ୫୦ ରୁ ଉର୍ଦ୍ଧ୍ବ ଛାତ୍ରଙ୍କୁ ନେଇ ସନ୍ତରା ଅଞ୍ଚଳରେ ଥିବା ହଷ୍ଟେଲକୁ ଯାଉଥିଲା । ଏହି ସମୟରେ ଓଉପଦା ଛକ ନିକଟରେ ହଠାତ ଏକ ହାଇୱା ରଙ୍ଗ ରୁଟ୍ ରେ ପଶି ଆସିଥିଲା । ଫଳରେ ବସ୍ ଟି ହାଇୱା ସହ ମୁହାଁମୁହିଁ ଧକ୍କା ହୋଇଥିଲା । କୋରେଇ ଓ ପାଣିକୋଇଲି ପୋଲିସ ସ୍ଥାନୀୟ ଲୋକଙ୍କ ସହାୟତାରେ ସମସ୍ତଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଯାଜପୁର ରୋଡ଼ ମେଡ଼ିକାଲକୁ ପଠାଇଥିଲା । ହାଇଓ୍ବା ଚାଳକ ଗୁରୁତର ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଏଥିସହିତ ହାଇଓ୍ବା ହେଲ୍ପର ଓ ବସ୍ ରେ ଥିବା ଅନ୍ୟ ଜଣଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି ।