ଝାଡ଼ଖଣ୍ଡ: ଝାଡ଼ଖଣ୍ଡର ଦୁମକାରେ ୧୭ ବର୍ଷୀୟା ଅଙ୍କିତାଙ୍କ ଅନ୍ତିମ ସଂସ୍କାର ସୋମବାର ସକାଳେ ସମ୍ପନ୍ନ ହୋଇଛି । ୫ ଦିନ ପର୍ଯ୍ୟନ୍ତ ଜୀବନ ସହ ଯୁଦ୍ଧ କରୁଥିବା ଅଙ୍କିତାଙ୍କ ମୃତ୍ୟୁ ଶନିବାର ବିଳମ୍ବତି ରାତିରେ ହୋଇଯାଇଛି । ରାଞ୍ଚିର ରିମ୍ସରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ତାଙ୍କ ମୃତ୍ୟୁ ଖବର ମିଳିବା ପରେ ଦୁମକା ଅଞ୍ଚଳରେ ଲୋକମାନେ ରାସ୍ତାକୁ ଓହ୍ଲାଇଛନ୍ତି । ତାଙ୍କୁ ନ୍ୟାୟ ଦିବାରେ ରାସ୍ତା ଅବରୋଧ କରିବା ସହ ଟାୟାର ଜଳାଇଛନ୍ତି । ପୋଲିସ ପକ୍ଷରୁ ମଧ୍ୟ ସୁରକ୍ଷା ଦୃଷ୍ଟିରୁ ଅତିରିକ୍ତ ଫୋର୍ସ ମୁତୟନ କରାଯାଇଛି ।

ଆଜି ସକାଳୁ ପୋଲିସ ଫୋର୍ସ ଉପସ୍ଥିତିରେ ଅଙ୍କିତାଙ୍କ ଅନ୍ତିମ ସଂସ୍କାର କରାଯାଇଛି । ବିପୁଳ ସଂଖ୍ୟାରେ ହିନ୍ଦୁ ସଂଗଠନର ଲୋକମାନେ ଏହି ଅନ୍ତିମାତ୍ରାରେ ସାମିଲ ହୋଇଥିଲେ । ଗତକାଲି ସକାଳେ ତାଙ୍କ ମୃତ୍ୟୁ ଖବର ମିଳିବା ପରେ ଦୁମକା ଅଞ୍ଚଳରେ ନିଆଁ ଜଳିଥିଲା । ଦୋକାନ ବଜାର ବନ୍ଦ ହେବା ସହ ରାସ୍ତା ଘାଟରେ ଲୋକମାନେ ଆନ୍ଦୋଳନ କରିଛନ୍ତି । ଅନେକ ହିନ୍ଦୁ ସଂଗଠନ ରାସ୍ତାରେ ପୋଡ଼ା ଜଳା କରି ଅଭିଯୁକ୍ତକୁ ଗିରଫ ଦାବି କରିଛନ୍ତି । ଉତ୍ତେଜନାକୁ ଦୃଷ୍ଟିରେ ରଖି ପୋଲିସ ପକ୍ଷରୁ ୧୪୪ ଧାରା ଲାଗୁ କରାଯାଇଛି ।

ସୂଚନାଥାଉକି, ଦୁମକା ନଗର ଥାନା ଅଞ୍ଚଳର ଜରୁବାଡିହ ମହଲ୍ଲାରେ ରହୁଥିବା ଶାହରୁଖ ଅଙ୍କିତାଙ୍କ ଉପରେ ପେଟ୍ରୋଲ ପକାଇ ଜୀଅନ୍ତା ଜଳାଇ ଦେଇଥିଲା । ତେବେ ଶାହରୁଖ ଦୁଇ ବର୍ଷ ହେବ ଅଙ୍କିତା ପଛରେ ପଡ଼ିଥିଲା । ବାରମ୍ବାର ପ୍ରେମ ନିବେଦନ କରୁଥିଲା । ଫୋନ୍ କରି ମଧ୍ୟ ହଇରାଣ କରୁଥିଲା । ୨୩ ଅଗଷ୍ଟରେ ଅଙ୍କିତା ଦୁମକାର ଜରୁବାଡିହ କଲୋନୀରେ ନିଜ ଘରେ ଶୋଇଥିଲେ । ପ୍ରାୟ ଭୋର ୫ ଟା ସମୟରେ ପଡୋଶୀ ଶାହରୁଖ ହୁସେନ ଝରକା ପଟେ ପେଟ୍ରୋଲ ଢ଼ାଳି ନିଆଁ ଲଗାଇ ଦେଇଥିଲା ।

ପରିବାର ଲୋକେ ତାଙ୍କୁ ମୁର୍ମୁଶ ଅବସ୍ଥାରେ ଦୁମକା ମେଡିକାଲ କଲେଜ ପରେ ରାଞ୍ଚି ରିମ୍ସ ରେଫର କରାଯାଇଥିଲା । ୫ ଦିନର ସଂଘର୍ଷ ପରେ ସେ ଜୀବନ ସଂଗ୍ରାମରେ ଶନିବାର ହାରିଯାଇଛନ୍ତି । ଶାହରୁଖଙ୍କୁ ସେହିଦିନ ହିଁ ପୋଲିସ ଗିରଫ କରିଥିଲା । ତେବେ ଗିରଫ ପରେ ମଧ୍ୟ ଅଭିଯୁକ୍ତ ଶାହରୁଖ ପାଖରେ ପଶ୍ଚାତାପ ଦେଖାଯାଇନଥିଲା । ଗିରଫ ସମୟରେ ହସୁଥିବାର ଦେଖାଯାଇଥିଲା । ଏପରି ହତ୍ୟାକାରୀ ପାଇଁ ମୃତ୍ୟୁଦଣ୍ଡ ଦାବି କରାଯାଇଛି । ହସ୍ପିଟାଲରେ ମୃତ୍ୟୁ ପୂର୍ବରୁ ଅଙ୍କିତା ନିଜ ସହ ହୋଇଥିବା ବର୍ବରତାର ସମ୍ପୂର୍ଣ୍ଣ କାହାଣୀ ପୋଲିସକୁ କହିଥିଲେ । ଅଙ୍କିତା କହିଥିଲେ ଯେ, ୧୫ ଦିନ ହେବ ସେ ମୋ ପିଛା କରୁଥିଲା । ଯେତବେଳେ ବି ସ୍କୁଲ କି କଲେଜ ଯାଉଥିଲି ମୋ ପିଛା କରୁଥିଲା ।

ମୁଁ କିନ୍ତୁ ତାକୁ ଗୁରୁତର ସହ ନେଇ ନଥିଲି । ଏହାପରେ ମୋ ମୋବାଇଲ ନମ୍ବର ଯୋଗାଡ କରି କଲ୍ କରି ହଇରାଣ କରିବାରେ ଲାଗିଲା । ଏମିତିକି ପ୍ରେମ ନିବେଦନ ମଧ୍ୟ କରିଥିଲା । ଧମକ ଦେଇଥିଲା ଯେ, ଯଦି ମୁଁ ତା କଥା ନମାନିବି ତେବେ ମୋତେ ଓ ମୋ ପରିବାରକୁ ମାରିଦେବ । ମୁଁ ଏହାକୁ ଗମ୍ଭୀରତାର ସହ ନେଇନଥିଲି । ଏମିତି ଘଟିବ ବୋଲି ମୁଁ କେବେ ବି ଭାବିନଥିଲି । ୨୨ ଅଗଷ୍ଟ ରାତିରେ ସେ ପୁନଃ ଧମକ ଦେଇଥିଲା ଯେ, ଯଦି ମୁଁ ତା କଥା ନମାନେ ସେ ମୋତେ ଜୀବନରୁ ମାରିଦେବ । ଏହି କଥା ବାପାଙ୍କୁ ଜଣାଇଥିଲା ହେଲେ ବାପା କହିଥିଲେ ସକାଳ ହେଲେ ଘଟଣାର ସମାଧାନ କରିବା ।

ଘଟଣାର ସମାଧାନ ପୂର୍ବରୁ ୨୩ ଅଗଷ୍ଟ ଭୋରରେ ଶାହରୁଖ ପେଟ୍ରୋଲ ଢାଳି ମୋତେ ଜାଳି ଦେଲା । ପୋଲିସ ଅଙ୍କିତାଙ୍କ ବୟାନ ରେକର୍ଡ କରି ତଦନ୍ତ ଆରମ୍ଭ କରିଦେଇଛି । ପରିବାର ଲୋକେ ଶାହରୁଖକୁ ଫାଶୀ ଦଣ୍ଡ ଦେବା ପାଇଁ ଦାବି କରିଛନ୍ତି । ହେମନ୍ତ ସୋରେନ ସରକାର ବଞ୍ଚାଇବା ପାଇଁ ସଂଘର୍ଷ କରୁଥିବା ବେଳେ ଏହି ଘଟଣା ତାଙ୍କୁ ବ୍ୟାକଫୁଟକୁ ଠେଲି ଦେଇଛନ୍ତି । ଘଟଣାକୁ ବିଜେପି ସକ୍ରିୟ ହୋଇଯାଇଛି । ଅନେକ ବିଜେପି ନେତା ଘଟଣା ପାଇଁ ସରକାରଙ୍କୁ ଦାୟୀ କରିଛନ୍ତି ।