ପଦମପୁର ଉପନିର୍ବାଚନ ପାଇଁ ଆଜି ଯାଞ୍ଚ ହେବ ନାମାଙ୍କନ ପତ୍ର

ପଦମପୁର: ଆଜି ପଦମପୁର ଉପନିର୍ବାଚନ ପାଇଁ ଯାଞ୍ଚ ହେବ ନାମାଙ୍କନ ପତ୍ର । ଆସନ୍ତା ୨୧ ତାରିଖରେ ପ୍ରାର୍ଥିପତ୍ର ପ୍ରତ୍ୟାହାର ପାଇଁ ଶେଷ ସୁଯୋଗ ରହିଛି । ସେପଟେ ଆଜିଠୁ ଉଠିବ ପଡିବ ଗାଁ । ପ୍ରଚାରରେ କମ୍ପିବ ପଦମପୁର । ବିଧିବଦ୍ଧ ଭାବେ ସମସ୍ତ ରାଜନୌତିକ ଦଳର ପ୍ରାର୍ଥୀ ଆଜିଠୁ ପ୍ରଚାର ମଇଦାନକୁ ଓହ୍ଲାଇବେ । ଭୋଟରଙ୍କ ହୃଦୟ ଜିତିବାକୁ ସମସ୍ତ ପ୍ରୟାସ କରିବେ ପ୍ରାର୍ଥୀ । ପ୍ରଚାରରେ ସବୁଠାରୁ ଆଗରେ ରହିଛି ବିଜେଡି । ଦଳୀୟ ପ୍ରାର୍ଥୀ ବର୍ଷା ସିଂ ବରିହାଙ୍କୁ ମଧ୍ୟ ମିଳୁଛି ଅଧିକ ଜନସମର୍ଥନ । ଗତକାଲି ବିଜେଡି, ବିଜେପି, କଂଗ୍ରେସ ଓ ସ୍ବାଧୀନ ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରିଥିଲେ । ମୋଟ ୧୩ ଜଣ କରିଥିଲେ ପ୍ରାର୍ଥିପତ୍ର ଦାଖଲ । ବିଜେଡିରୁ ବର୍ଷା ସିଂ ବରିହା, ବିଜେପିରୁ ପ୍ରଦୀପ ପୁରୋହିତ ଏବଂ କଂଗ୍ରେସରୁ ସତ୍ୟଭୂଷଣ ସାହୁ ନାମାଙ୍କନ ଭରିଥିଲେ ।