ଭୁବନେଶ୍ୱର: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଲେ ସାଂସଦ ଅମର ପଟ୍ଟନାୟକ । ଇସ୍ରାଏଲରେ ପାଠ ପଢ଼ିବାକୁ ଓଡ଼ିଆ ଛାତ୍ରୀଙ୍କୁ ଶିକ୍ଷାଋଣ ପ୍ରଦାନ ନେଇ ଚିଠି ଲେଖିଛନ୍ତି ସାଂସଦ । ତେଲଆଭିଭ ୟୁନିଭର୍ସିଟିରେ ପଢ଼ିବାକୁ ଯୋଗ୍ୟ ବିବେଚିତ ହୋଇଛନ୍ତି ଛାତ୍ରୀ । ମଧ୍ୟବିତ୍ତ ଶ୍ରେଣୀର ଏହି ଛାତ୍ରୀ ତେଲଆଭିଭ ୟୁନିଭର୍ସିଟିରେ ମାଷ୍ଟର ଡିଗ୍ରୀ କରିବେ ।
ଶିକ୍ଷାଋଣ ପାଇଁ ଛାତ୍ରୀଜଣକ ବିଭିନ୍ନ ବ୍ୟାଙ୍କର ଦ୍ବାରସ୍ଥ ହୋଇଥିଲେ । ଇସ୍ରାଏଲ ଏଭଳି ବ୍ୟବସ୍ଥା ଗ୍ରହଣ କରୁନଥିବା କହି ତାଙ୍କୁ ବ୍ୟାଙ୍କ ଋଣ ଦେଉନାହାନ୍ତି । ଇସ୍ରାଏଲ ସହିତ ଭାରତର ଭଲ ସମ୍ପର୍କ ରହିଛି । ଭାରତ ସରକାର ଓ RBI ପଲିସିରେ ପରିବର୍ତ୍ତନ ଆଣିବାକୁ ଅନୁରୋଧ କରିଛନ୍ତି ସାଂସଦ ଅମର ପଟ୍ଟନାୟକ ।
