୨୦୩୦ ସୁଦ୍ଧା ଚନ୍ଦ୍ରରେ ବାସ କରିବ ମଣିଷ

ନନ୍ଦିଘୋଷ ବ୍ୟୁରୋ: ଆମେରିକାର ମହାକାଶ ଏଜେନ୍ସି ନାସାର ବୈଜ୍ଞାନିକ ଦାବି କରିଛନ୍ତି ଯେ, ମଣିଷ ୨୦୩୦ ମସିହା ସୁଦ୍ଧା ଚନ୍ଦ୍ରପୃଷ୍ଟରେ ରହିବାକୁ ଲାଗିବ । ଏବଂ ସେଠାରେ କାମ ମଧ୍ୟ କରିବ । ଆର୍ଟେମିସ-୧ ମିଶନ ଆଧାରରେ ଚନ୍ଦ୍ର ଅଭିମୁଖେ ଉତକ୍ଷେପଣ କରାଯାଇଥିବା ଓରିଅନ ସ୍ପେସକ୍ରାଫ୍ଟ ପ୍ରୋଗ୍ରାମର ମୁଖ୍ୟ ହୋବାର୍ଡ ହୁ କହିଛନ୍ତି କି ଆମେ ୮ ବର୍ଷ ମଧ୍ୟରେ ଚନ୍ଦ୍ର ପୃଷ୍ଟକୁ ମଣିଷକୁ ପଠାଇବୁ । ଲୋକ ସେଠାକୁ ଯିବେ ଏବଂ ସେଠାରେ ସାଇଣ୍ଟିଫିକ୍ ପ୍ରୟୋଗ କରିବେ ।

ସୂଚନା ଥାଉକି ନିକଟରେ ନାସା ନିଜର ଶକ୍ତିଶାଳୀ ସ୍ପେସ୍ ଲଞ୍ଚ୍ ସିଷ୍ଟମ ରକେଟ ଜରିଆରେ ଓରିଅନ ସ୍ପେସକ୍ରାଫ୍ଟକୁ ଚନ୍ଦ୍ର ଅଭିମୁଖେ ପଠାଇଛି । ଓରିଅନ ବର୍ତ୍ତମାନ ଚନ୍ଦ୍ର ଚାରି ପାଖେ ବୁଲୁଛି । ଅନେକ ଥର ଟଳିବା ପରେ ଏହି ଲଞ୍ଚିଙ୍ଗ ଗତ ସପ୍ତାହରେ କରାଯାଇଛି । ପ୍ରାୟ ୫୦ ବର୍ଷ ପରେ ନାସା ଚନ୍ଦ୍ର ଅଭିମୁଖେ କୌଣସି ମନୁଷ୍ୟ ମିଶନର ଆରମ୍ଭ କରୁଛି । ସୂଚନାଥାଉକି ଯେଉଁ ଓରିଅନ ସ୍ପେସକ୍ରାଫ୍ଚ ଚନ୍ଦ୍ର ଚାରିପାଖେ ଚକର କାଟୁଛି ସେଥିରେ କୌଣସି ମନୁଷ୍ୟ ନାହାନ୍ତି ।

କିନ୍ତୁ ଆଗାମୀ ଦିନରେ ସେଇ ସ୍ପେସକ୍ରାଫ୍ଟରେ ମଣିଷକୁ ଚନ୍ଦ୍ରକୁ ପଠାଯିବ । ଏବେ ଓରିଅନର ଏହା ଯାଞ୍ଚ କରାଯାଉଛି ଯେ ତାହା ଚନ୍ଦ୍ର ପର୍ଯ୍ୟନ୍ତ ଯାଇ, ତାର ଚକ୍କର ଲଗାଇ, ପୁଣିଥରେ ପୃଥିବୀପୃଷ୍ଟକୁ ସଠିକ୍ ଭାବେ ଫେରୁଛି କି ନାହିଁ । କାରଣ ଏହି ସ୍ପେସକ୍ରାଫ୍ଟ ଜରିଆରେ ଆଷ୍ଟ୍ରୋନଟସଙ୍କୁ ଚନ୍ଦ୍ରକୁ ପଠାଯିବ । ଯଦି ସବୁ କିଛି ଠିକ୍ ରହିଲା ତେବେ ୧୯୭୨ ମସିହା ପରେ ପ୍ରଥମଥର ମଣିଷକୁ ଚନ୍ଦ୍ରକୁ ପଠାଯିବ ।

ଏଥିରେ ଜଣେ ମହିଳା ଆଷ୍ଟ୍ରୋନଟ ମଧ୍ୟ ସାମିଲ ରହିବେ । ଯେଉଁ ଯୋଜନା କରାଯାଇଛି ସେ ଅନୁସାରେ ଆଷ୍ଟ୍ରୋନଟସଙ୍କୁ ଚନ୍ଦ୍ରର ଦକ୍ଷିଣ ଧ୍ରୁବ ପାଖରେ ଛଡ଼ାଯିବ । ଯେଉଁଠାରେ ସେ ଗୋଟିଏ ସପ୍ତାହ ସମୟ ବିତାଇବେ । ଏହି ସମୟରେ ପାଣିର ଅନ୍ନ୍ୱେଷଣ କରାଯିବ । ଯଦି ପାଣି ମିଳିଯାଏ ତେବେ ଚନ୍ଦ୍ରରୁ ମଙ୍ଗଳ ପାଇଁ ରକେଟ୍ ଲଞ୍ଚ୍ କରାଯାଇ ପାରିବ । ଅର୍ଥାତ ପୃଥିବୀରୁ ମଙ୍ଗଳ ମଧ୍ୟରେ ଚନ୍ଦ୍ର ଏକ ମାଧ୍ୟମ ଭଳି ଉପଯୋଗ ହେବ ।

ମଣିଷଙ୍କୁ ସ୍ଥାୟୀ ଭାବେ ଚନ୍ଦ୍ରରେ ରହିବା ପାଇଁ ସ୍ଥାନ ବନାଇବାକୁ ହେବ । ଯେଉଁଥିପାଇଁ ଖନନ କରିବାର ଆବଶ୍ୟକତା ହେବ । ଏହା ବ୍ୟତୀତ ବୈଜ୍ଞାନିକ ପ୍ରୟୋଗ କରିବାକୁ ହେବ । ହୋବାର୍ଡ ହୁ କହିଛନ୍ତି ଯେ ଏହା ଆମର ପ୍ରଥମ ପଦକ୍ଷେପ ଅଟେ ମଣିଷଙ୍କୁ ଚନ୍ଦ୍ରରେ ରହିବା ପାଇଁ । ଯଦି ଏହା ସଫଳ ହୁଏ ତେବେ ଆମେ ଚନ୍ଦ୍ରରେ ମଣିଷ ବସ୍ତି ବସାଇ ପାରିବା ।