ଭୁବନେଶ୍ବର : ଓଡିଶାରେ ବିଜେପି ସଂଗଠନକୁ ମଜଭୁତ କରିବା ପାଇଁ କାମ କରିବି । ଓଡିଶାର ନବ ନିଯୁକ୍ତି ରାଜ୍ୟପାଳଙ୍କ ଏପରି ବୟାନକୁ ନେଇ ସାରା ଦେଶରେ ଚର୍ଚ୍ଚା। ବିରୋଧୀ ଦଳ ନେତା ନବୀନ ପଟ୍ଟନାୟକ ରାଜ୍ୟପାଳଙ୍କ ବିବାଦୀୟ ବୟାନକୁ ନେଇ ଟୁଇଟ  କହିଥିଲେ ଯେ ଦଳୀୟ କାର୍ଯ୍ୟ କରିବା ପାଇଁ ମନୋନୀତ ରାଜ୍ୟପାଳଙ୍କ ଉତ୍ସାହକୁ ଓଡିଶାବାସୀ ଦେଖୁଛନ୍ତି । ସେହିପରି ବ୍ରଜ ମୋହନଙ୍କ ବୟାନକୁ ନେଇ  ଜାତୀୟ ସ୍ତରର ନେତା ପ୍ରଶାନ୍ତ ଭୂଷଣ, ପଓ୍ବନ ଖେଡା, ଶାମା ମହମ୍ମଦ,  ମହୁଆ ମୋଇତ୍ରା ପ୍ରମୁଖ ନେତା ଓ ନେତ୍ରୀମାନେ ଟୁଇଟ କରି ନୂଆ ରାଜ୍ୟପାଳଙ୍କ ବୟାନକୁ କଡା ସମାଲୋଚନା କରିଛନ୍ତି ।  ବରିଷ୍ଠ ବିଜେଡି ଉପସଭାପତି ଦେବୀ ପ୍ରସାଦ ମିଶ୍ର କହିଛନ୍ତି ନୂଆ ରାଜ୍ୟପାଳ ଘୋଷଣା ପରେ ଦଳୀୟ କଥା କହିବା ଉଚିତ ନୁହେଁ। ରାଜ୍ୟପାଳ ପଦବୀ ସମ୍ବିଧାନିକ ପଦବୀ।  ଯେଉଁମାନେ କହୁଛନ୍ତି ସେ ଦାୟିତ୍ୱ ନେଇନାହାନ୍ତି ସେ କହିଵା ଠିଜ ନୁହେଁ।  ତାଙ୍କର ଏଭଳି ଆଭିମୁଖ୍ୟ ଠିକ ନୁହେଁ। ବୟାନ ପାଇଁ ସେ ଦୁଃଖ ପ୍ରକାଶ କରିବା କଥା।

କଂଗ୍ରେସ ମଧ୍ୟ ରାଜ୍ୟପାଳଙ୍କ ରାଜନୀତି ବୟାନକୁ ନେଇ ବର୍ଷିଛି । ବରିଷ୍ଠ କଂଗ୍ରେସ ନେତା ଜୟଦେବ ଜେନା କହିଛନ୍ତି ସାମ୍ବିଧାନିକ ପଦବୀକୁ କଳଙ୍କିତ କରୁଛି ଶାସକ ଦଳ । ଦାୟିତ୍ବ  ନେବା ପୂର୍ବରୁ ନୂଆ ରାଜ୍ୟପାଳଙ୍କ  ଆଭିମୁଖ୍ୟ ଦୁର୍ଭାଗ୍ୟଜନକ । ଓଡିଶାବାସୀ କାହାଠାରୁ ନ୍ୟାୟ ପାଇବେ ବୋଲି ପ୍ରଶ୍ନ କରିଛି କଂଗ୍ରେସ । ନୁଆ ରାଜ୍ୟପାଳଙ୍କ ବିବାଦୟ ବୟାଇନକୁ ନେଇ ଯୁକ୍ତି ବାଢ଼ିଛନ୍ତି ଆଇନ ମନ୍ତ୍ରୀ। ସେ କହିଛନ୍ତି- ରାଜ୍ୟପାଳଙ୍କ ପାଟିରୁ ଏପରି କଥା ବାହାରିଯାଇଛି । ଏହାକୁ ନେଇ ରାଜନୀତି କରିବାକୁ ଉଚିତ ନୁହେଁ । ବିଜେଡି ରାଜ୍ୟପାଳଙ୍କ ବୟାନକୁ କଟାକ୍ଷ କରିଛି । ଓଡିଶାର ନୂଆ ରାଜ୍ୟପାଳ ବ୍ରଜ ମୋହନ ଦାୟିତ୍ବ ନେବା ପୂର୍ବରୁ ରାଜନୈତିକ ବୟାନ ରାଜ୍ୟ ରାଜନୀତିକୁ ଉଷ୍ମ କରିଛି । ରାଜ୍ୟାପଳ କହିଛନ୍ତି  ସାମ୍ବିଧାନିକ ପରିଧି ଭିତରେ ରହି କାମ କରିବେ।

ନନ୍ଦିଘୋଷ ବ୍ୟୁରୋ : ଆସୁଛନ୍ତି ମା’ । ଚାରିଆଡ଼େ ଶାରଦୀୟ ପୂଜାର ମାହୋଲ। ଚଳଚଞ୍ଚଳ ଗାଁଠୁ ସହର । ପୁରୀ ଜିଲ୍ଲା ଅସ୍ତରଙ୍ଗରେ ଏଥର ଇଟାଲୀର ପ୍ରସିଦ୍ଧ ଭାଟିକାନ ସିଟି ପ୍ୟାଲେସ ଦେଖିବେ ଶ୍ରଦ୍ଧାଳୁ। ସବୁଠୁ ପୁରାତନ ମା’ ଦୁର୍ଗା କ୍ଲବ ଏହି ତୋରଣ ପ୍ରସ୍ତୁତ କରୁଛି। ୭୦ ଫୁଟ ଉଚ୍ଚ, ୪୫ ଫୁଟ ଚଉଡାର ବିଶାଳ ତୋରଣ ନିର୍ମାଣରେ ଲାଗିଛନ୍ତି ୩୦ କାରିଗର। ୧୨ ଫୁଟ ଉଚ୍ଚର ମା’ ଦୁର୍ଗା ମୂର୍ତ୍ତି, ୧୭ ଫୁଟର ବିଶାଳ ମେଢର କାମ ଶେଷ ପର୍ଯ୍ୟାୟରେ ପହଞ୍ଚିଛି। ନଡ଼ିଆ ବାହୁଙ୍ଗାରୁ ଆରମ୍ଭ ହୋଇ ଇଟାଲୀର ଭାଟିକାନ ସିଟିରେ ପହଞ୍ଚିଛି ଅସ୍ତରଙ୍ଗ। ଏହା ସହ ରହିଛି ରଙ୍ଗ ବେରଙ୍ଗ ଲାଇଟ ଗେଟ, ମେକାନିକ ଲାଇଟ, ଡିଜିଟାଲ ଡେକୋରେସନ। ଲକ୍ଷାଧିକ ଭକ୍ତଙ୍କ ଭିଡକୁ ନଜରରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି।

ସେପଟେ ପୂଜା ପାଇଁ କେନ୍ଦ୍ରାପଡାର ବିଭିନ୍ନ ଅଞ୍ଚଳ ଉତ୍ସବ ମୁଖର ହୋଇଉଠିଛି। ମଣ୍ଡପଗୁଡିକରେ ଦେବୀଙ୍କ ମୃଣ୍ମୟୀ ମୃର୍ତ୍ତି ନିର୍ମାଣ କାମ ଜୋରସୋରରେ ଚାଲିଛି। ମାଙ୍କ ମୃଣ୍ମୟୀ ମୃର୍ତ୍ତିରେ ଶେଷ ସ୍ପର୍ଶ ଦେଉଛନ୍ତି କାରିଗର। ଇନ୍ଦୁପୁର ଏବଂ କେନ୍ଦ୍ରାପଡ଼ାର ଅଂଚଳରେ ପ୍ରାୟ ୩୦ ରୁ ଅଧିକ ମଣ୍ଡପରେ ଶାରଦୀୟ ପୂଜା ଅନୁଷ୍ଠିତ ହେଉଛି। ଭଳିକି ଭଳି ଡିଜାଇନର ଆକର୍ଷଣୀୟ ତୋରଣ ନିର୍ମାଣରେ ଲାଗିଛନ୍ତି କାରିଗର। ଆସନ୍ତା ୧୭ରେ ମହାସପ୍ତମୀ ପୂଜା, ୧୮ରେ ମହାଷ୍ଟମୀ ପୂଜା, ସନ୍ଧିପୂଜା ଓ ବଳିଦାନ ପ୍ରଭୃତି ଅନୁଷ୍ଠିତ ହେବ। ନବମୀ ଦିନ କାଳିକା ଆବାହନର ପରମ୍ପରା ରହିଥିବା ବେଳେ ୨୦ରେ ଅପରାଜିତା ପୂଜା ଓ ଦେବୀଙ୍କ ବିସର୍ଜନ କରାଯିବ।

ସୁବର୍ଣ୍ଣପୁର : ଚାଷୀଙ୍କ ଚିନ୍ତା ବଢ଼ାଇଛି ରୋଗପୋକ। ନଷ୍ଟ ହେବାକୁ ବସିଲାଣି ହେକ୍ଟର ହେକ୍ଟର ଧାନ ଚାଷ। କାମ ଦେଉନି କୀଟନାଶକ ଔଷଧ। କିଭଳି ଋଣ ସୁଝିବେ ଚିନ୍ତାରେ ସୁବର୍ଣ୍ଣପୁର ଜିଲ୍ଲାର ଚାଷୀ।ଏଠାକାର ଅଧିକାଂଶ ଚାଷୀଙ୍କ ଜୀବିକାର ମୁଖ୍ୟ ଆଧାର ହେଉଛି ଧାନ ଚାଷ। ଚଳିତ ବର୍ଷ ଭଲ ଅମଳର ଆଶା ନେଇ ଧାର ଉଧାର କରି ଧାନ ଚାଷ କରିଥିଲେ ଅନ୍ନଦାତା। ହେଲେ ଏବେ ଫସଲରେ ଦେଖାଦେଇଛି ଅଜଣା ରୋଗର ପ୍ରାଦୁର୍ଭାବ। ଧାନ ଗଛର ପତ୍ର ହଳଦିଆ ଓ ପାଉଁଶିଆ ପଡ଼ିବା ସହ ପୋଡ଼ି ଯାଉଛି। ବିଭିନ୍ନ ଅଞ୍ଚଳର ଚାଷ ଜମିରେ ଏଭଳି ଲକ୍ଷଣ ଦେଖାଦେବା ପରେ ଚାଷୀଙ୍କ ମନରେ ଛନକା ପଶିଛି।

ରୋଗ ନିୟନ୍ତ୍ରଣ ପାଇଁ ବିଭିନ୍ନ ଔଷଧ ପ୍ରୟୋଗ କରିଥିଲେ । ହେଲେ ଆଶାନୁରୂପ ସୁଫଳ ମିଳୁନଥିବା ଅଭିଯୋଗ କରିଛନ୍ତି ଚାଷୀ। ଫଳରେ ଫସଲ ଖର୍ଚ୍ଚ ଉଠିବ କି ନାହିଁ, ସେନେଇ ଚିନ୍ତା ବଢ଼ିଛି। ଅନ୍ୟପଟେ ଧାନ ଫସଲରେ ରୋଗପୋକ ଲାଗିଥିବା ଘଟଣାକୁ ସ୍ୱୀକାର କରିଛି କୃଷି ବିଭାଗ। କ୍ଷେତ୍ର ପରିଦର୍ଶନ କରିବା ସହ ଚାଷୀଙ୍କୁ ଉପଯୁକ୍ତ ପରାମର୍ଶ ଦିଆଯାଉଥିବା କହିଛନ୍ତି ଜିଲ୍ଲା ମୁଖ୍ୟ କୃଷି ଅଧିକାରୀ। ଧାନ ଫସଲ ହେଉଛି ଚାଷୀଙ୍କ ଜୀବନ ଓ ଜୀବିକାର ଆଧାର। ଏଭଳି ସମୟରେ ଅଜଣା ରୋଗ ଯଦି ଫସଲକୁ ନଷ୍ଟ କରେ, ତେବେ ଚାଷୀଙ୍କ ଆର୍ଥିକ ସ୍ଥିତି ଉପରେ ଏହାର ଗଭୀର ପ୍ରଭାବ ପଡ଼ିବା ଆଶଙ୍କା ରହିଛି।