ବ୍ରହ୍ମପୁର: ବ୍ରହ୍ମପୁର ଅବକାରୀ ବିଭାଗ ଓ ବଡ଼ବଜାର ପୋଲିସ ପକ୍ଷରୁ ବଡ଼ ରେଡ୍। ବିଶେଷ ସୂତ୍ରରୁ ଖବର ପାଇ ଅବକାରୀ ବିଭାଗ ଜଗନ୍ନାଥପୁର ଜଙ୍କସନରେ ଏକ ଅଟୋକୁ ଯାଞ୍ଚ ବେଳେ ଜବତ ହୋଇଛି ବିପୁଳ ପରିମାଣର ବିଦେଶୀ ମଦ । ଯାଞ୍ଚ ବେଳେ ଅଟୋରୁ ୩୮୪ ବୋତଲ ନକଲି ବିଦେଶୀ ମଦ ଜବତ ହୋଇଛି । ସେହିପରି ଅନ୍ୟ ଏକ ସ୍ଥାନରେ ଚଢ଼ାଉ ବେଳେ ୫ ହଜାର ଲେବୁଲ, ୫ ହଜାର ଠିପି ମଧ୍ୟ ଜବତ କରିଛି ଅବକାରୀ ବିଭାଗ। ଜବତ ସାମଗ୍ରୀର ଆନୁମାନିକ ମୂଲ୍ୟ ୫ଲକ୍ଷ ଟଙ୍କାରୁ ଅଧିକ ହେବ । ଏହା ସହିତ ୪୦ ଲିଟର ହୋମିପାଥିକ ସ୍ପିରିଟ୍ ସହ ସମେତ ଗୋଟିଏ ଅଟୋ ଓ ଦୁଇ ଜଣକୁ ଗିରଫ କରିଛି ଅବକାରୀ ବିଭାଗ । ଏହି ଦୁଇ ଜଣ ହେଲେ ଫାଷ୍ଟ୍ ଗେଟ୍ ଅଞ୍ଚଳର ଅକ୍ଷୟ ବେହେରା ଓ ମୁନା ସାବତ । ଏମାନଙ୍କ ବୟାନକୁ ଭିତ୍ତି କରି ବଡ଼ ବଜାର ଥାନା ପୋଲିସ ଫାଷ୍ଟ୍ ଗେଟ୍ ଓମ ନଗରର ଏକ ଘରୁ ୮୧୬ ବୋତଲ ନକଲି ବିଦେଶୀ ମଦ ଓ ମଦ ତିଆରି ସାମଗ୍ରୀ ସହ ଦୁଇ ଜଣଙ୍କୁ ଗିରଫ କରିଛି । ସେହିପରି ଅନ୍ୟ ଏକ ଘରୁ ୩୦ ବସ୍ତା ନକଲି ଗୁଟଖା ଓ ଗୁଟଖା ତିଆରି ସମାଗ୍ରୀ ଓ ମେସିନ ମଧ୍ୟ ଜବତ କରିଛି ପୋଲିସ।
ଆକ୍ସନ ମୋଡରେ ଡ୍ରଗ କଣ୍ଟ୍ରୋଲର, ନକଲି ଔଷଧ କାରବାର ମାମଲାରେ ରାଜ୍ୟବ୍ୟାପୀ ଯାଞ୍ଚ ଜାରି
ଭୁବନେଶ୍ୱର: ନକଲି ଔଷଧ କାରବାର ଅଭିଯୋଗ ପରେ ଆଜି ମଧ୍ୟ ରାଜ୍ୟର ବିଭିନ୍ନ ସ୍ଥାନରେ ଚାଲିଛି ଚଢ଼ାଉ। ଡ୍ରଗ୍ସ କଣ୍ଟ୍ରୋଲରଙ୍କ ନିର୍ଦ୍ଦେଶ କ୍ରମେ ମେଡିସିନ ଦୋକାନରେ ଚାଲିଛି ଚଢ଼ାଉ । ଭୁବନେଶ୍ୱରରେ ୩ଜଣ ଡ୍ରଗ୍ସ ଇନ୍ସପେକ୍ଟରଙ୍କ ନେତୃତ୍ୱରେ ଜାରି ରହିଛି ଚଢ଼ାଉ । ଗ୍ଲେନମାର୍କ କମ୍ପାନୀର ଲୋଗୋ ବ୍ୟବହାର କରି ଟେଲମା 40 ଓ ଟେଲମା AM ଔଷଧର ନକଲି କରି ବଜାରକୁ ଛଡ଼ାଯାଇଥିବା ଜଣାପଡ଼ିବା ପରେ ଚାଲିଛି ଚଢ଼ାଉ। ସେହିପରି ସମ୍ବଲପୁରରେ ମଧ୍ୟ ରେଡ ହୋଇଛି ।
ରାଜଧାନୀରେ ନକଲି ଔଷଧ କାରବାର ଘଟଣା ସମ୍ପର୍କିତ ଖବର ନନ୍ଦିଘୋଷ ଟିଭିରେ ପ୍ରକାଶ ପରେ ବିଭାଗ ପକ୍ଷରୁ ତତ୍ପରତା ଦେଖାଦେଇଛି। ବିଭିନ୍ନ ସ୍ଥାନରେ ଚାଲିଛି ଚଢ଼ାଉ। ଗଲେନମାର୍କ ଭଳି ପ୍ରତିଷ୍ଠିତ କମ୍ପାନୀର ଔଷଧକୁ ନକଲି କରି ଚାଲିଛି କାରବାର। କାରବାରର ଚେର ବିହାର ଓ ବେଙ୍ଗାଳୁରୁ ପର୍ଯ୍ୟନ୍ତ ଲମ୍ବିଛି। ପୂର୍ବରୁ କଟକରେ ଚଢ଼ାଉ ହୋଇ ଅନେକ ଔଷଧ ଜବତ ହୋଇଥିବା ବେଳେ ଆଜି ପୁଣି ରାଜ୍ୟର ବିଭିନ୍ନ ସ୍ଥାନରେ ଏହି ଔଷଧ ସମ୍ପର୍କରେ ଯାଞ୍ଚ ଚାଲିଛି ।
ଏଲିଜାବେଥଙ୍କ ମୃତ୍ୟୁ ପରର ୧୦ ଦିନ; ଅପରେସନ ‘ଲଣ୍ଡନ ବ୍ରିଜ୍’ ପ୍ରୋଟକଲ ଅନୁସାରେ ଚାଲିବ କାର୍ଯ୍ୟକ୍ରମ
ଲଣ୍ଡନ: ରାଣୀ ଏଲିଜାବେଥ ଦ୍ୱିତୀୟଙ୍କ ପରଲୋକ ପରେ ପରବର୍ତ୍ତୀ ୧୦ ଦିନର କାର୍ଯ୍ୟକ୍ରମ କ’ଣ। ବ୍ରିଟେନ ପରମ୍ପରା ଅନୁସାରେ ଅପରେସନ ଲଣ୍ଡନ ବ୍ରିଜ ପ୍ରୋଟକଲ ଅନୁସାରେ ଚାଲିବ କାର୍ଯ୍ୟକ୍ରମ । ପରେ ଅନୁଷ୍ଠିତ ହେବ ଅପରେସନ ସ୍ପ୍ରିଂ ଟାଇଡ । ମହାରାଣୀଙ୍କ ମୃତ୍ୟୁ ନେଇ ପ୍ରଧାନମନ୍ତ୍ରୀ ପ୍ରଥମ ସଦସ୍ୟ ଭାବେ ବିବୃତି ପ୍ରଦାନ କରିବେ । ପରେ ଦେଶ ଉଦ୍ଦେଶ୍ୟରେ ଏହି ଘୋଷଣା କରିବେ ପ୍ରିନସ ଚାର୍ଲସ। ଏହି ଘୋଷଣା ପରେ ରୟାଲ ଫାମିଲି ୱେବସାଇଟ କଳା ରଙ୍ଗରେ ପରିବର୍ତ୍ତିତ ହେବ। ସେହିପରି ବ୍ରିଟେନ ସରକାରଙ୍କ ୱେବସାଇଟରେ କଳା ବ୍ୟାନର ପ୍ରଦର୍ଶିତ ହେବ। ମୃତ୍ୟର ଦଶ ଦିନ ପରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ।
ମୃତ୍ୟୁ ଦିବସକୁ ଡି-ଡେ କୁହାଯାଉଥିବାବେଳେ ପରବର୍ତ୍ତୀ ଦିବସକୁ ଡି-୧, ଡି-୨ ଆଦି ନାମରେ ଗଣତି କରାଯିବ। ପ୍ରଥମ ଦିନରେ ଆସେୋସିଏସନ କାଉନସିଲ ଦ୍ୱାରା ଚାର୍ଲସ ସିଂହାସନ ଆରୋହଣ କରିବେ । ଦ୍ୱିତୀୟ ଦିନରେ ରାଣୀଙ୍କ କଫିନ ବକିଂହାମ ପ୍ୟାଲେସକୁ ନିଆଯିବ। ଅପରେସନ ୟୁନିକର୍ଣ୍ଣ ଅନୁସାରେ ତାଙ୍କ କଫିନକୁ ରୟାଲ ଟ୍ରେନରେ ସ୍କଟଲ୍ୟାଣ୍ଡରୁ ଲଣ୍ଡନକୁ ନିଆଯିବ । ଯଦି ତାହା ସମ୍ଭବ ନହୁଏ ତେବେ ଅପରେସନ ଓଭରଷ୍ଟଡି ଅନୁସାରେ କଫିନକୁ ବିମାନରେ ଲଣ୍ଡନ ଅଣାଯିବ । ତୃତୀୟ ଦିନରୁ ପଞ୍ଚମ ଦିନ ଯାଏ ୱେଷ୍ଟମିନିଷ୍ଟର ହଲ୍ରେ ଚାର୍ଲସ ବିଭିନ୍ନ ଶୋକ କାର୍ଯ୍ୟକ୍ରମରେ ଭାଗ ନେବେ । ପରେ ସେ ନୂଆ ଶାସକ ଭାବେ ବିଭିନ୍ନ ସ୍ଥାନ ପରିଦର୍ଶନ କରିବେ । ନର୍ଦର୍ଣ୍ଣ ଆୟାରଲ୍ୟାଣ୍ଡରେ ପହଞ୍ଚିବା ପରେ ସେ ବେଲଫାଷ୍ଟସ୍ଥିତ ସେଣ୍ଟ ଆନେ କାଥେଡ୍ରାଲରେ ଏକ କାର୍ଯ୍ୟକ୍ରମରେ ଯୋଗଦେବେ । ପରେ ଅପରେସନ ଲାୟନ ଅନୁସାରେ ରାଣୀଙ୍କ କଫିନ ବକିଂହାମ ପ୍ୟାଲେସରୁ ପ୍ୟାଲେସ ଅଫ ଓ୍ବେଷ୍ଟମିନିଷ୍ଟରକୁ ନିଆଯିବ । ସେଠାରେ ଓ୍ବେଷ୍ଟମିନିଷ୍ଟର ହଲ୍ରେ ଏକ ଶୋକ କାର୍ଯ୍ୟକ୍ରମ ଅନୁଷ୍ଠିତ ହେବେ । ଷଷ୍ଠରୁ ନବମ ଦିନ ଯାଏ ରାଣୀଙ୍କ କଫିନ ଓ୍ବେଷ୍ଟମିନିଷ୍ଟର ହଲ୍ରେ ରହିବ ଯାହାକୁ କୁହାଯାଏ ଅପରେସନ ଫିଦର । ଦୈନିକ୨୩ ଘଣ୍ଟା ହିସାବରେ ସେଠାରେ ଲୋକେ ରାଣୀଙ୍କୁ ଶେଷଦର୍ଶନ କରିବେ । ଏଥିଲାଗି ଭିଆଇପିମାନଙ୍କୁ ଟିକେଟ ପ୍ରଦାନ କରାଯିବ । ଏହି ସମୟ ମଧ୍ୟରେ ଚାର୍ଲସ ଓ୍ବେଲସକୁ ଯିବେ ଏବଂ ସେଠାରେ ଲିଆଣ୍ଡାଫ କାଥେ଼ଡ୍ରାଲରେ ଏକ କାର୍ଯ୍ୟକ୍ରମରେ ଯୋଗଦେବେ । ଶେଷରେ ରାଣୀଙ୍କ ଶେଷକୃତ୍ୟ କରାଯିବ ଯାହାର କୋଡନେମ ରହିଛି ଲଣ୍ଡନ ବ୍ରିଜ ।
ଭୁଶୁଡ଼ିଲା ନିର୍ମାଣଧୀନ କୋଠା, ୩ ମୃତ ୪ ଗୁରୁତର
ନୂଆଦିଲ୍ଲୀ : ଦିଲ୍ଲୀରେ ଭାଙ୍ଗିଲା ନିର୍ମାଣଧୀନ କୋଠା । ଦିଲ୍ଲୀ ଆଜାଦ ମାର୍କେଟରେ ଥିବା ଏକ ନିର୍ମାଣାଧୀନ ଆଜି ସକାଳୁ ଭୁଶୁଡ଼ି ପଡ଼ିଛି । ବିଲ୍ଡିିଂ ଭୁଶୁଡ଼ି ପଡ଼ିବା ଯୋଗୁ ୩ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ବିଲ୍ଡିଂଟି ନିର୍ମାଣାଧୀନ ଚାଲିଥିବାରୁ ସେଠାରେ ଅନେକ ଶ୍ରମିକ କାର୍ଯ୍ୟ କରୁଥିଲେ। ଏବେ ବି ଅନେକ ଲୋକ ସେଠାରେ ଫଶି ରହିଥିବା କୁହାଯାଉଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଦିଲ୍ଲୀ ପୋଲିସ ବି ଘଟଣାସ୍ଥଳରେ ଉପସ୍ଥିତ ରହିଛି।ଲାୈ
ବ୍ରହ୍ମପୁର ଏମକେସିଜି ମେଡିକାଲରେ ପୁଣି ଅଘଟଣ, ଆଜି ବି ଖସିଲା ସିଲିଂ
ବ୍ରହ୍ମପୁର: ବ୍ରହ୍ମପୁରଏମକେସିଜି ମେଡିକାଲରେ ପୁଣି ଅଘଟଣ । ଆଜି ବି ପୁଣି ଖସିଲା କୋଠାର ସିଲିଂ । ସୁପର ସ୍ପେଶିଆଲିଟି ବ୍ଲକର ତୃତୀୟ ମହଲାରୁ ଖସିଛି ସିଲିଂ । ଗତକାଲି ଏହି ବ୍ଲକର ପଞ୍ଚମ ମହଲାରେ ସିଲିଂ ଖସିଥିଲା । ପୂର୍ବରୁ ଏହି ୱାର୍ଡର ୟୁରୋଲୋଜି ଓ୍ବାର୍ଡରେ ଅଗ୍ନିକାଣ୍ଡ ଘଟିଥିଲା । ଏବେ ପୁଣି ଥରେ ସିଲିଂ ଖସିବାରୁ ମେଡିକାଲ ତିଆରି ନେଇ ଉଠିଲା ପ୍ରଶ୍ନବାଚୀ। 
ତେବେ ଏହି ସିଲିଂ ଖସିବା ଫଳରେ କିଛି ଅଘଟଣ ହୋଇନାହିଁ । ସେହି ସ୍ଥାନରେ କେହି ରୋଗୀ କି ତାଙ୍କ ସମ୍ପର୍କୀୟ ନଥିବାରୁ କାହାର କିଛି କ୍ଷତି ହୋଇନାହିଁ । କିଛିଦିନ ପୂର୍ବରୁ ଏହି ମେଡିକାଲର ଚତୁର୍ଥ ମହଲାରେ ମଧ୍ୟ ସିଲିଂ ଖସିଥିଲା। କେବଳ ଏତିକି ନୁହେଁ ଚତୁର୍ଥ ମହଲାରେ ପୂର୍ବରୁ ଅଗ୍ନିକାଣ୍ଡ ମଧ୍ୟ ଘଟିଥିଲା। ତେବେ ବାରମ୍ବାର ଏଭଳି ଅଘଟଣ ଘଟୁଥିବାରୁ ରୋଗଙ୍କ ସୁରକ୍ଷା ଉପରେ ପ୍ରଶ୍ନ ସୃଷ୍ଟି ହୋଇଛି ।
କୋଇଲା ଖଣିରେ ଚୋରାଚାଲାଣ ବେଳେ ଚଢ଼ାଉ; ୩ଟି ଟ୍ରକ ଓ ଗୋଟିଏ ଜେସିବି ମେସିନ ଜବତ
ଅନୁଗୁଳ: ଅନୁଗୁଳ ଜିଲ୍ଲା ତାଳଚେରରେ ଥିବା ଲିଙ୍ଗରାଜ କୋଇଲା ଖଣିରେ ଚଢ଼ାଉ । କୋଇଲା ଖଣି ସୁରକ୍ଷା ଦାୟିତ୍ୱରେ ଥିବା OISF କର୍ମଚାରୀଙ୍କ ଦ୍ୱାରା ଚଢ଼ାଉ ହୋଇଛି । ଖଣିର ଲୋକାଲ ସେଲ୍ ପ୍ଲଟରୁ ଚୋରାରେ କୋଇଲା ଲୋଡିଂ ଚାଲିଥିବା ବେଳେ ୩ଟି ଟ୍ରକ ଓ ଗୋଟିଏ ଜେସିବି ମେସିନ ଜବତ ହୋଇଛି । ଘଟଣାସ୍ଥଳରୁ ମାଫିଆ ଓ ଗାଡ଼ି ଡ୍ରାଇଭର ଫେରାର ହୋଇଯାଇଛନ୍ତି । ତେବେ କଡ଼ା ସୁରକ୍ଷା ଭିତରେ କିଭଳି ଭାବେ ଟ୍ରକ ଓ ଜେସିବି ଏହି ସ୍ଥାନକୁ ଗଲା ତାହା ସନ୍ଦେହ ସୃଷ୍ଟି କରିଛି । ଘଟଣାସ୍ଥଳରେ ତାଳଚେର ସଦର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଅତୀତର ଅସ୍ତହୀନ ସାମ୍ରାଜ୍ୟର ସମ୍ରାଜ୍ଞୀଙ୍କ ଅସ୍ତ; ବ୍ରିଟେନକୁ ଶକ୍ତିଶାଳୀ ରାଷ୍ଟ୍ର କରିବାରେ ଥିଲା ପ୍ରମୁଖ ଭୂମିକା
ଲଣ୍ଡନ: ପରଲୋକରେ ବ୍ରିଟେନ ଶେଷ ସମ୍ରାଜ୍ଞୀ । ୯୬ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି ଏଲିଜାବେଥ ଦ୍ୱିତୀୟ। ବ୍ରିଟେନକୁ ଏକ ଶକ୍ତିଶାଳୀ ରାଷ୍ଟ୍ର ଗଠନ କରିବାରେ ପ୍ରମୁଖ ଭୂମିକା ନେଇଥିବା ଏଲିଜାବେଥଙ୍କ ପରଲୋକ ସାରା ବିଶ୍ୱରେ ଶୋକ ଖେଳାଇ ଦେଇଛି। ସ୍କଟଲ୍ୟାଣ୍ଡସ୍ଥିତ ବାଲମୋରାଲ ଏଷ୍ଟେଟରେ ସେ ଆରପାରିକୁ ଗମନ କରିଛନ୍ତି । ରାଣୀଙ୍କ ଦେହାନ୍ତ ପରେ ତାଙ୍କର ଜ୍ୟେଷ୍ଠ ପୁତ୍ର କିଙ୍ଗ ଚାର୍ଲସ ରାଜା ଭାବେ ଶାସନ ଗାଦି ସମ୍ଭାଳିବେ । ରାଜନୈତିକ ଉତଥାନ ପତନ, ଆର୍ଥିକ ଓ ରାଜନୈତିକ ସଙ୍କଟ ମଧ୍ୟରେ ଦେଶକୁ ବିଶ୍ୱରେ ଟପ୍ ୫ ମଧ୍ୟରେ ସ୍ଥାନୀତ କରିବାରେ ସକ୍ଷମ ଏଲିଜାବେଥ ୧୯୫୩ରେ ସିଂହାସନ ଆରୋହଣ କରିଥିଲେ।
ସମଗ୍ର ବ୍ରିଟେନ ଖଣ୍ଡ ବିଖଣ୍ଡିତ ହେବାରେ ଲାଗିଥିବା ବେଳେ ତାଙ୍କର ସଫଳ ନେତୃତ୍ୱ ଓ ବ୍ୟକ୍ତିତ୍ୱ ବ୍ରିଟେନକୁ ଶକ୍ତିଶାଳୀ କରିବାରେ ସକ୍ଷମ ହୋଇଥିଲା। ସ୍କଟଲ୍ୟାଣ୍ଡରେ ସ୍ୱାଧୀନତାବାଦୀ ଆନ୍ଦୋଳନ, ୟୁରୋପୀୟ ୟୁନିଅନରୁ ବ୍ରିଟେନ ବାହାରିଯିବା, ଉତ୍ତର ଆୟାରଲ୍ୟାଣ୍ଡରେ ଅଲଗା ହେବାକୁ ନେଇ ସଙ୍କଟ ଏବଂ ଦେଶର ଆର୍ଥିକ ଦୁର୍ଦ୍ଦିନ କାଳରେ ଏଲିଜାବେଥଙ୍କ ପରଲୋକ ଦେଶର ଭବିଷ୍ୟତ ଉପରେ ପ୍ରଶ୍ନ ଉଠାଇଛି । ବ୍ରିଟେନର ସବୁଠାରୁ ଦୀର୍ଘକାଳ ଶାସନର ରେକର୍ଡ ୨୦୧୫ରେ ଭାଙ୍ଗିଥିଲେ ଏଲିଜାବେଥ । ପୂର୍ବରୁ ୧୮୩୭ରୁ ୧୯୦୧ ଯାଏ ରାଣୀ ଭିକ୍ଟୋରିଆ ସର୍ବାଧିକ କାଳ ଶାସନ କରିବାର ରେକର୍ଡ ହାସଲ କରିଥିଲେ। ଗତବର୍ଷ ଏପ୍ରିଲରେ ୯୯ ବର୍ଷ ବୟସରେ ପରଲୋକ ଗମନ କରିଥିଲେ ସ୍ୱାମୀ ତଥା ସମ୍ରାଟ ଫିଲିପ୍ । ୧୯୯୭ରେ ପ୍ରିନ୍ସେସ୍ ଡାଏନାଙ୍କ ମୃତ୍ୟୁକୁ ନେଇ ରାଜ ପରିବାର ନୀରବ ରହିବାକୁ ନେଇ ନିନ୍ଦିତ ହୋଇଥିବା ଏଲିଜାବେଥ ୨୦୧୨ରେ ନିଜ ଶାସନର ୬୦ ବର୍ଷ ପୂର୍ତ୍ତି କରି ବେଶ୍ ଲୋକପ୍ରିୟତା ଅର୍ଜନ କରିଥିଲେ। ସେହି ବର୍ଷ ଲଣ୍ଡନରେ ଅଲିମ୍ପିକ୍ସ ଗେମ୍ସ ଆୟୋଜିତ ହେବା ପରେ ସବୁ ଶ୍ରେୟ ରାଣୀଙ୍କ ନିକଟକୁ ଯାଇଥିଲା।
ଚଳିତବର୍ଷ ନିଜ ଶାସନର ୭୦ ବର୍ଷ ପୂର୍ତ୍ତି ଅବସରରେ ଗତ ଜୁନରେ ସେ ପାଳନ କରିଥିଲେ ପ୍ଲାଟିନମ ଜୁବଲି। ବିଶେଷ କରି ନିଜ ପରିବାରର ସଦସ୍ୟଙ୍କ ବ୍ୟକ୍ତିଗତ ଜୀବନକୁ ନେଇ ସମାଲୋଚନାର ପାତ୍ର ସାଜିଥିବା ବ୍ରିଟେନ ରାଜ ପରିବାର ବିଶ୍ୱବ୍ୟାପୀ ଚର୍ଚ୍ଚାରେ ରହିଆସିଛି । ୧୯୨୬ ଏପ୍ରିଲ ୨୧ରେ ଜନ୍ମଗ୍ରହଣ କରିଥିଲେ ଏଲିଜାବେଥ ଆଲେକଜାଣ୍ଡ୍ରା ମାରି । ଲଣ୍ଡନର ମେ ଫେୟାରରେ ଜନ୍ମିତ ଏଲିଜାବେଥ ୧୯୫୩ ଜୁନରେ ମାତ୍ର ୨୫ ବର୍ଷ ବୟସରେ ହୋଇଥିଲେ ବ୍ରିଟେନର ମହାରାଣୀ। ବ୍ରିଟେନ ଇତିହାସରେ ପ୍ରଥମ ଥର ଲାଗି ବିଶ୍ୱର ପ୍ରାୟ ୨ କୋଟି ଲୋକ ଏହି ଉତ୍ସବକୁ ଟେଲିଭିଜନରେ ଦେଖିଥିଲେ। ସାରା ବ୍ରିଟେନବାସୀଙ୍କ ଲାଗି ସର୍ବଦା ବ୍ୟଗ୍ର ଥିଲେ ଏଲିଜାବେଥ। ଏପରିକି ବିଭିନ୍ନ କାର୍ଯ୍ୟକ୍ରମ, ସଭା, ସମୀକ୍ଷା ବୈଠକକୁ ସେ ଗୁରୁତର ସହ ଗ୍ରହଣ କରି ବିଭିନ୍ନ ପ୍ରସ୍ତାବ ଦେବାକୁ ନେଇ ସାରା ଦେଶବାସୀଙ୍କ ସେ ଆସ୍ଥା ଭାଜନ ହୋଇଥିଲେ।
ଗୋଲ୍ଡେନ ବୟ ନିରଜଙ୍କ ନୂଆ ରେକର୍ଡ଼; ପ୍ରଥମ ଭାରତୀୟ ଆଥଲେଟ ଭାବେ ଜିତିଲେ ଡାଇମଣ୍ଡ ଟ୍ରଫି
: ଇତିହାସ ରଚିଲେ ଭାରତର ଗୋଲ୍ଡେନ ବଏ ନୀରଜ ଚୋପ୍ରା। ପ୍ରଥମ ଭାରତୀୟ ଆଥଲେଟ ଭାବେ ସମ୍ମାନଜନକ ଡାଇମଣ୍ଡ ଟ୍ରଫି ଜିତିଛନ୍ତି ନୀରଜ। ଡାଇମଣ୍ଡ ଲିଗ୍ ଫାଇନାଲରେ ୮୮ ଦଶମିକ ୪୪ ମିଟର ଜାଭେଲିନ ଥ୍ରୋ କରି ସେ ଟାଇଟେଲ ଜିତିଛନ୍ତି।
Golds,Silvers done, he gifts a 24-carat Diamond 💎 this time to the nation 🇮🇳🤩
Ladies & Gentlemen, salute the great #NeerajChopra for winning #DiamondLeague finals at #ZurichDL with 88.44m throw.
FIRST INDIAN🇮🇳 AGAIN🫵🏻#indianathletics 🔝
X-*88.44*💎-86.11-87.00-6T😀 pic.twitter.com/k96w2H3An3
— Athletics Federation of India (@afiindia) September 8, 2022
୨୦୧୭ ଓ ୨୦୧୮ରେ ନୀରଜ ଡାଇମଣ୍ଡ ଲିଗ୍ ଫାଇନାଲ କ୍ୱାଲିଫାଏ କରିଥିଲେ ବି ଟାଇଟେଲ ଜିତିପାରି ନଥିଲେ । ସେପ୍ଟେମ୍ବର ୮ରେ ଜୁରିକଠାରେ ହୋଇଥିବା ଡାଇମଣ୍ଡ ଲିଗ୍ ଫାଇନାଲରେ ନିକଟତମ ପ୍ରତିଦ୍ୱନ୍ଦ୍ୱୀଙ୍କୁ ହରାଇ ଭାରତ ପାଇଁ ଆଉ ଏକ ସ୍ୱର୍ଣ୍ଣିମ ବିଜୟ ହାସଲ କରିଛନ୍ତି ନୀରଜ। ୨୦୨୧ ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିଥିଲେ । ୨୦୨୨ରେ ବିଶ୍ୱ ଆଥଲେଟ ଚାମ୍ପିୟନସିପରେ ସିଲଭର ମେଡାଲ ଜିତିଥିଲେ ନୀରଜ ଚୋପ୍ରା ।
ବ୍ରିଟେନ୍ ମହାରାଣୀଙ୍କ ଦେହାନ୍ତ; ନୂଆ ରାଜା ଭାବେ ଦେଶକୁ ସମ୍ବୋଧୀତ କରିବେ କିଙ୍ଗ୍ ଚାର୍ଲ୍ସ
ଲଣ୍ଡନ: ବ୍ରିଟେନ୍ ମହାରାଣୀ ଏଲିଜାବେଥଙ୍କ ଦ୍ୱିତୀୟଙ୍କର ୯୬ବର୍ଷ ବୟସରେ ମୃତ୍ୟୁ ହୋଇଛି। ଦୀର୍ଘ ଦିନ ଧରି ସେ ଅସୁସ୍ଥ ଥିଲେ ଏବଂ ଅଭିଜ୍ଞ ଡାକ୍ତରୀ ଟିମ୍ ଦ୍ୱାରା ମହାରାଣୀଙ୍କ ଚିକିତ୍ସା ଜାରି ରହିଥିଲା । କିନ୍ତୁ ଗତକାଲି ରାତିରେ ସେ ସବୁଦିନ ପାଇଁ ଆଖିବୁଜିଦେଇଛନ୍ତି । ରାଣୀଙ୍କ ଦେହାନ୍ତ ପରେ ତାଙ୍କର ଜ୍ୟେଷ୍ଠ ପୁତ୍ର କିଙ୍ଗ ଚାର୍ଲସ ରାଜା ଭାବେ ଶାସନ ଗାଦି ସମ୍ଭାଳିବେ । ତେବେ ଆଜି ବ୍ରିଟେନର ନୂଆ କିଙ୍ଗ ଚାର୍ଲ୍ସ ଦେଶକୁ ସମ୍ବୋଧିତ କରିବେ।
ସୂଚନା ଅନୁଯାୟୀ, ବ୍ରିଟେନର ନୂତନ ରାଜାଙ୍କ ପ୍ରଥମ ସମ୍ବୋଧନ ତାଙ୍କ ମାଆ ରାଣୀ ଏଲିଜାବେଥଙ୍କ ମୃତ୍ୟୁ ଉପରେ ଆଧାରିତ ହେବ। କୁହାଯାଉଛି ଯେ ଆଗାମୀ କିଛି ଦିନ ପାଇଁ ବ୍ରିଟେନରେ ରାଣୀଙ୍କ ଅନ୍ତିମ ସଂସ୍କାର ଏବଂ କିଙ୍ଗ୍ ଚାର୍ଲ୍ସ ତୃତୀୟଙ୍କ ରାଜ୍ୟାଭିଷେକ ପାଇଁ ପ୍ରସ୍ତୁତି ଦେଖିବାକୁ ମିଳିବ। ସୂଚନା ଅନୁଯାୟୀ ଶୁକ୍ରବାର ଦିନ ଗାର୍ଡ ଅଫ ଅନର୍ ଦିଆଯିବ ଓ ତାପରେ କିଙ୍ଗ ଚାର୍ଲ୍ସ ଏବଂ ରାଣୀ କ୍ୟାମିଲା ଲଣ୍ଡନ ଆସି ପ୍ରଧାନମନ୍ତ୍ରୀ ଲିଜ୍ ଟ୍ରସଙ୍କ ସହ ଲୋକଙ୍କୁ ସମ୍ବୋଧିତ କରିବେ। ଏଥି ସହ ଶନିବାର ଦିନ ନୂତନ ରାଜାଙ୍କ ଔପଚାରିକ ଭାବେ ଘୋଷଣା ପାଇଁ ଏକ ବୈଠକ ଅନୁଷ୍ଠିତ ହୋଇପାରେ।
ସୂଚନାଯୋଗ୍ୟ, ୭୩ ବର୍ଷିୟ ଚାର୍ଲ୍ସ ଅଷ୍ଟ୍ରେଲିଆ, କାନାଡ଼ା ଏବଂ ନ୍ୟୁଜିଲ୍ୟାଣ୍ଡ ସମେତ ୧୪ଟି ଅଞ୍ଚଳର ମୁଖ୍ୟ ରହିସାରିଛନ୍ତି। ରାଜ ପରିବାରର ନିୟମ ଅନୁଯାୟୀ, ଏଲିଜାବେଥ୍ ଦ୍ୱିତୀୟଙ୍କ ବିୟୋଗ ପରେ ଚାର୍ଲ୍ସଙ୍କୁ ହିଁ ଦାୟିତ୍ୱ ଗ୍ରହଣ କରିବାର ଥିଲା । ତେଣୁ ମହାରାଣୀଙ୍କ ଦେହାନ୍ତ ତୁରନ୍ତ ପରେ ହିଁ ତାଙ୍କୁ ରାଜା ଘୋଷଣା କରିଦିଆଗଲା। ଚାର୍ଲସଙ୍କ ରାଜା ହେବା ମାତ୍ରେ ତାଙ୍କ ପତ୍ନୀ ମଧ୍ୟ ବ୍ରିଟେନର ନୂଆ ମହାରାଣୀ ହୋଇଛନ୍ତି । କିନ୍ତୁ ତାଙ୍କ ପାଖରେ କୌଣସି ସାମ୍ବିଧାନିକ ପାୱାର ନାହିଁ। ସେ କେବଳ ମହାରାଜାଙ୍କ ପତ୍ନୀ ହୋଇଥିବାରୁ ରାଣୀ ଭାବେ ପରିଚିତ ହେବେ। ଜାଣିରଖନ୍ତୁ ଯେ ରାଣୀ ଏଲିଜାବେଥ୍ ଦ୍ୱିତୀୟ ମାତ୍ର ୧୫ ବର୍ଷ ବୟସରେ କ୍ଷମତା ଗ୍ରହଣ କରିଥିଲେ। ତାଙ୍କ ପିତା ରାଜା ଜର୍ଜ ଷଷ୍ଠଙ୍କ ମୃତ୍ୟୁ ପରେ ଏଲିଜାବେଥଙ୍କୁ ରାଣୀ କରାଯାଇଥିଲା। ସେ ୭୦ବର୍ଷ ଶାସନ କରିଥିଲେ ଏବଂ ଅନେକ ପ୍ରଧାନମନ୍ତ୍ରୀଙ୍କର ଉତ୍ଥାନପତନ ଦେଖିଛନ୍ତି।
ଚୀନକୁ ଚ୍ୟାଲେଞ୍ଜ କରିବାକୁ ଏକାଠି ହେବେ ଭାରତ-ଜାପାନ୍, ଉଭୟର ବାୟୁସେନା ଏକାଠି କରିବେ ଯୁଦ୍ଧାଭ୍ୟାସ
ନୂଆଦିଲ୍ଲୀ: ଚୀନକୁ ଚ୍ୟାଲେଞ୍ଜ କରିବାକୁ ଏକାଠି ହେବେ ଭାରତ ଓ ଜାପାନ୍ । ଇଣ୍ଡୋ ପେସିଫିକ୍ରେ ଚୀନର ଦବଦବା ବଢୁଥିବା ବେଳେ ଏହାକୁ ମାତ୍ ଦେବାକୁ ସେହି ଅଞ୍ଚଳରେ ଭାରତ ଓ ଜାପାନର ବାୟୁସେନା ଡ୍ରିଲ ଆରମ୍ଭ କରିବାକୁ ଯାଉଛି। ଏଥିସହ ଉଭୟ ଦେଶରେ ମଧ୍ୟରେ ଅସ୍ତ୍ରଶସ୍ତ୍ର ନେଇ ମଧ୍ୟ କିଛି ଚୁକ୍ତି ହେବ। ଶିଳ୍ପ କ୍ଷେତ୍ରରେ ସହଭାଗିତା ନେଇ ମଧ୍ୟ ଉଭୟ ଦେଶ ପ୍ରୟାସ କରିବେ।
ଭାରତର ପ୍ରତିରକ୍ଷା ମନ୍ତ୍ରୀ ଜାପାନର ପ୍ରତିରକ୍ଷା ମନ୍ତ୍ରୀ ୟାଶୁକାଜୁ ହାମଦାଙ୍କୁ ଭେଟିଛନ୍ତି । ଏହି ଅବସରରେ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି । ମେରିଟାଇମ ଡୋମେନ ଆୱାରନେସ ଜରିଆରେ ଚୀନକୁ ଚକ୍ମା ଦେବାକୁ ସହମତି ପ୍ରକାଶ ପାଇଛି। ଏହାସହ ଭାରତ ନିଜର ପ୍ରତିରକ୍ଷା ବଜେଟ ବଢ଼ାଇବା ସହ ଜାପାନଠୁ ଘାତକ ଅସ୍ତ୍ରଶସ୍ତ୍ର ଆଣିବା ନେଇ ଆଲୋଚନା ହୋଇଛି। ଏପଟେ ଲଦାଖରେ ଗତ ଦୁଇ ବର୍ଷ ହେଲା ଭାରତ ଓ ଚୀନ ମଧ୍ୟରେ ବିବାଦ ଚାଲିଛି । ଏହି ସମୟରେ ଭାରତର ପଦକ୍ଷେପ ବେଶ୍ ଗୁରୁତ୍ୱପୂର୍ଣ୍ଣ ରହିବ। ଉଭୟ ଦେଶର ସେନା ଏଲଏସିରୁ ନିଜ ନିଜ କ୍ଷେତ୍ରକୁ ଫେରିବାକୁ ସହମତି ପ୍ରକାଶ କରିଛନ୍ତି।