ଭୁବନେଶ୍ବର: ରିମାଣ୍ଡରେ ଖୋଲୁଛି RWSSର ଭୁବନେଶ୍ବର ସର୍କଲର ଅତିରିକ୍ତ ମୁଖ୍ୟ ଯନ୍ତ୍ରୀ ନିହାର ରଞ୍ଜନ ଦାଶଙ୍କ ଗୁମର । ପ୍ରଥମ ଦିନରେ ଭିଜିଲାନ୍ସ ହାତରେ ଲାଗିଛି ବହୁ ଗୁରୁତ୍ୱପୂର୍ଣ୍ଣ ସୂଚନା । ଆଜି ନିହାର ଓ ତାଙ୍କ ପତ୍ନୀଙ୍କୁ ମୁହାଁମୁହିଁ ଜେରା କରିବ ଭିଜିଲାନ୍ସ । ଚଢ଼ାଉ ବେଳେ ୩୮ଟି କ୍ରିପ୍ଟୋ ଓ୍ବାଲେଟ ମିଳିଥିବା ବେଳେ, ଗତକାଲି ମିଳିଥିଲା ୫୦ଟି ଓ୍ବାଲେଟ୍ ।
ମୁମ୍ବାଇରୁ ଆସି ଖୋଳତାଡ଼ କରୁଛନ୍ତି କ୍ରିପ୍ଟୋ କରେନ୍ସି ଏକ୍ସପର୍ଟ । ସ୍ତ୍ରୀଙ୍କ ନାଁରେ ରେକ୍ରିପ୍ଟୋ କରେନ୍ସିରେ ବିନିଯୋଗ ହୋଇଥିଲା ୬ କୋଟି ଟଙ୍କା ।
୬ଟି ସ୍ଥାନରେ ଏକକାଳୀନ ଚଢ଼ାଉ କରି ବାବୁଙ୍କୁ ବାନ୍ଧିଥିଲା ଭିଜିଲାନ୍ସ । ସମ୍ବଲପୁରରେ ବାବୁଙ୍କର ଥିଲା ୮ଟି ପ୍ଲଟ, ଭୁବନେଶ୍ବରରେ ଥିଲା ଫ୍ଲାଟ । ଭିଜିଲାନ୍ସକୁ ଚକମା ଦେବାକୁ ଫୋପାଡ଼ି ଦେଇଥିଲେ ମୋବାଇଲ ।
ସମ୍ବଲପୁର, ବରଗଡ଼ ଓ ଭୁବନେଶ୍ବରରେ ହୋଇଥିଲା ମାରାଥନ ରେଡ୍ । ସେହିପରି ପୁଅ ନାଁରେ ସେୟାର ମାର୍କେଟରେ ଟଙ୍କା ଲାଗିଥିବା ଭିଜିଲାନ୍ସ ପ୍ରମାଣ ପାଇଛି । କିଛି ସ୍କାନର ଓ ଓ୍ବେବସାଇଟ ଲିଙ୍କକୁ ନେଇ ଚାଲିଛି ଖୋଳତାଡ଼ ।
