ଭୁବନେଶ୍ୱର: ବିଜୁ ସ୍ବାସ୍ଥ୍ୟ କାର୍ଡ ଚିକିତ୍ସା ସେବାରେ ସୃଷ୍ଟି କରିଛି ନୂଆ ଇତିହାସ । BSKY ଉପରେ ବଢ଼ିଛି ଲୋକଙ୍କ ଆସ୍ଥା । ଏନେଇ ବିଏସକେଓ୍ବାଇ ହିତାଧିକାରୀ ସଂଖ୍ୟାରେ ୪୧୩ପ୍ରତିଶତ ବୃଦ୍ଧି ହୋଇଛି । ଆଗକୁ ଏହା ଅଧିକ ବଢ଼ିବା ନେଇ ଆଶା ରହିଛି । ଏକ ଆନ୍ତରିକ ସମୀକ୍ଷା ବେଳେ ଏହି ତଥ୍ୟ ମିଳିଥିବା କହିଛନ୍ତି ଡକ୍ଟର ବୃନ୍ଦା ଡି । ୨୦୨୧ରେ ୧.୨୬ ଲକ୍ଷ ରୋଗୀ ବିଭିନ୍ନ ଘରୋଇ ହସ୍ପିଟାଲରେ BSKY କାର୍ଡ ଜରିଆରେ ଚିକିତ୍ସା ସୁବିଧା ପାଇଥିଲେ ।
୨୦୨୨ରେ ମଧ୍ୟ ୬.୪୫ଲକ୍ଷ ରୋଗୀ ପାଇଛନ୍ତି ଚିକିତ୍ସା ସୁବିଧା । ଯାହାକି ପୂର୍ବ ବର୍ଷଠାରୁ ରେକର୍ଡ ୪୧୩ ପ୍ରତିଶତ ଅଧିକ ରହିଛି । ୨୦୨୧ରେ ଚିକିତ୍ସା ବାବଦକୁ ୨୨୪.୮୭କୋଟି ଟଙ୍କା ଦେଇଛନ୍ତି ରାଜ୍ୟ ସରକାର । ୨୦୨୨ରେ ସରକାର ୧୪୫୬.୪୨କୋଟି ଟଙ୍କା ଦେଇଛନ୍ତି । ରୋଗୀଙ୍କ ଆବଶ୍ୟକତା ଅନୁଯାଇ ଚିକିତ୍ସା ଯୋଗାଇବା ମେଡିକାଲ ସଂଖ୍ୟା ୧୮୭ରୁ ୫୫୪କୁ ବୃଦ୍ଧି କରାଯାଇଥିବା ସୂଚନା ଦେଇଛନ୍ତି ଷ୍ଟେଟ ହେଲ୍ଥ ଆସୁରାନ୍ସ ସୋସାଇଟି ଡକ୍ଟର ବୃନ୍ଦା ଡି ।
ଭାରତୀୟ ଟିମ ପାଇଁ ୨୦୦ରୁ ଅଧିକ ମ୍ୟାଚ ଖେଳିସାରିଲେଣି ଆକାଶଦୀପ ସିଂ। ଫ୍ୟାନ୍ସଙ୍କୁ ତାଙ୍କ ଅଧିକଆଶା ରହିଛି। ୨୦୧୨ରେ ସେ ତାଙ୍କର ପ୍ରଥମ ହକି ମ୍ୟାଚ ଖେଳିଥିଲେ। ବର୍ତ୍ତମାନ ପର୍ଯ୍ୟନ୍ତ ଆକାଶ ୮୦ରୁ ଅଧିକ ଗୋଲ କରିଛନ୍ତି। ତାଙ୍କୁ ଗୋଲ ମେସିନ ମଧ୍ୟ କୁହାଯାଇଥାଏ। ନିକଟରେ ଅଷ୍ଟ୍ରେଲିଆ ବିପକ୍ଷରେ ନିଜର ହାଟ୍ରିକ କରିଥିବା ଆକାଶ ଏବେ ନିଜର ତୃତୀୟ ବିଶ୍ବକପ ଖେଳିବେ।
ଭାରତୀୟ ଫିଲ୍ଡ ହକି ଖେଳାଳି ମନପ୍ରୀତ ସିଂ। ଯିଏ କି ପୂର୍ବ ବିଶ୍ବକପରେ ଅଧିନାୟକ ରହିଥିଲେ। ଚଳିତ ବର୍ଷ ତାଙ୍କ ଉପରେ ଆଉ ଅଧିନାୟକ ପଦର ଭାର ରହିବନାହି। ଯାହା ଫଳରେ ସେ ନିଜର ବେଷ୍ଟ ଦେବେ ବୋଲି ଆଶା କରାଯାଉଛି। ଅଧିନାୟକ ଥିବା ସମୟରେ ସେ ଭାରତକୁ ଅଲମ୍ପିକରେ ବ୍ରୋଂଚ ପଦକରେ ଜିତାଇଥିଲେ। ଏମିତିରେ ତାଙ୍କର ମିଡଫିଲ୍ଡକୁ ଅନୁଭବ ଏବଂ ଶେଷ ତୃତୀୟ ଭାଗରେ ତାଙ୍କର କ୍ରିସ୍ପ ପାସ ଭାରତକୁ ଗୋଲ ଦେବାରେ ଅନେକ ସାହାଯ୍ୟ କରିବ।
ଭାରତୀୟ ଷ୍ଟାର ଫରଓ୍ବଡ ହେଉଛନ୍ତି ମନଦୀପ ସିଂ। ଯିଏ କି ୨୦୨୨ରେ ଭାରତକୁ ସବୁଠାରୁ ଅଧିକ ୧୩ଟି ଗୋଲ ଦେଇଥିଲେ। ତାଙ୍କ ଖେଳର ଖାସିଓ୍ବତ ହେଉଛି, ଅନ୍ୟ ଟିମକୁ ଧୋକା ଦେବା ସହ ସେ ପେନାଲ୍ଟି କର୍ଣ୍ଣର ପାଇଁ ସୁଯୋଗ ଦେଇ ନଥାନ୍ତି। ଏମିତିରେ ତାଙ୍କ ଅନୁଭବ ଏଥରର ବିଶ୍ବକପ ପାଇଁ ଖୁବ ଜରୁରୀ ରହିବ।
ଅନ୍ୟପଟେ ଟିମର ଷ୍ଟାର ଗୋଲକିପର ପିଆର ଶ୍ରୀଜେଶ ଏଥର ପୁରା ପ୍ରସ୍ତୁତ । ମେନ୍ସ ପ୍ରି ଲିଗରେ ତାଙ୍କ ପ୍ରଦର୍ଶନ ସେତେଟା ଭଲ ନଥିବାବେଳେ ଖୁବ ଆଲୋଚନାର ଶିକାର ହୋଇଥିଲେ ଶ୍ରୀଜେଶ । କିନ୍ତୁ ଅଷ୍ଟ୍ରେଲିଆ ବିପକ୍ଷରେ ସେ ନିଜର ବେଷ୍ଟ ଦେଇ କମବ୍ୟାକ କରିଥିଲେ। ଶ୍ରୀଜେଶ ସମସ୍ତ ବଡ ମ୍ୟାଚ ପୂର୍ବରୁ ପୀକରେ ଥାଆନ୍ତି ଏବଂ ଟିମ ପାଇଁ ପୁରା ଦମ ଲଗାଇ ଦେଇଥାନ୍ତି।
