ରାଞ୍ଚି: ଝାଡ଼ଖଣ୍ଡର ଧାନବାଦ ଜିଲ୍ଲାରେ ଏକ ଗ୍ଲାଇଡର ଦୁର୍ଘଟଣାଗ୍ରସ୍ତ । ଆବାସିକ କୋଠାରେ ଗ୍ଲାଇଡର ପଶିଯିବାରୁ ପାଇଲଟ ଓ ଜଣେ ୧୪ ବର୍ଷ ବୟସ୍କ ଯାତ୍ରୀ ଆହତ ହୋଇଛନ୍ତି । ଉଭୟଙ୍କ ଅବସ୍ଥା ଗୁରୁତର ରହିଥିବା ସୂଚନା ମିଳିଛି ।ଧାନବାଦର ବାରଓ୍ବାଡ଼ା ଏୟାରଷ୍ଟ୍ରିପରୁ ଗ୍ଲାଇଡରଟି ଉଡାଣ ଆରମ୍ଭ କରିଥିବାବେଳେ ମାତ୍ର ୫୦୦ ମିଟର ଦୂରରେ ଏକ କୋଠାରେ ଧକ୍କା ଖାଇଥିଲା । ଯାନ୍ତ୍ରିକ ତ୍ରୁଟି କାରଣରୁ ଗ୍ଲାଇଡରଟି ଦୁର୍ଘଟଣାଗ୍ରସ୍ତ ହୋଇଥିଲା ।

ଦୁର୍ଘଟଣା ପରେ ଗ୍ଲାଇଡରର କକପିଟ୍ ନଷ୍ଟ ହୋଇଯାଇଥିବାବେଳେ କୋଠାରେ ରହୁଥିବା ସଦସ୍ୟ ଅଳ୍ପକେ ରକ୍ଷା ପାଇଯାଇଥିଲେ । ଆହତ ବ୍ୟକ୍ତିଜଣକ ଆକାଶମାର୍ଗରୁ ପାଟନା ସହର ପରିଦର୍ଶନ କରିବା ଲାଗି ଗ୍ଲାଇଡର ବ୍ୟବହାର କରିଥିଲେ । ଏହି ଗ୍ଲାଇଡ ସର୍ଭିସ ଏକ ଘରୋଇ କମ୍ପାନୀ ଦ୍ବାରା ପରିଚାଳିତ ହେଉଛି ଏବଂ ଏଥିରେ କେବଳ ଜଣେ ଯାତ୍ରୀ ଓ ଜଣେ ପାଇଲଟ ବସିବାର ବ୍ୟବସ୍ଥା ରହିଛି । ଦୁର୍ଘଟଣା ପରେ ଧାନବାଦରେ ଗ୍ଲାଇଡ ସର୍ଭିସ ବନ୍ଦ କରିଦିଆଯାଇଛି ।