ନନ୍ଦିଘୋଷ ବ୍ୟୁରୋ: ସରକାରୀ ବାସଭବନରେ ପହଁଚିଛି ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ପାର୍ଥିବ ଶରୀର । ଶେଷ ଦର୍ଶନ କରୁଛନ୍ତି ଶୁଭେଛୁ ଓ ସମର୍ଥକ । ସାଥି ସହକର୍ମୀ ମଧ୍ୟ ପହଁଚି ନିଜର ପରିଚିତ ମୁହଁକୁ ଶେଷ ଥର ପାଇଁ ଦେଖୁଛନ୍ତି । କାରଣ ଆଉ ନାହାଁନ୍ତି ତାଙ୍କ ପରିଚିତ ନବ ଦାସ । ସମସ୍ତଙ୍କର ନବ ଭାଇ ଆରପାରିକୁ ଚାଲି ଯାଇଛନ୍ତି । ଗୁଳିମାଡ଼ ପରେ ଚିକିତ୍ସାଧିନ ଅବସ୍ଥାରେ ଆଖି ବୁଜିଛନ୍ତି ନବଦାସ ।
ବିଧାନସଭାରେ ସାଥି ସହକର୍ମୀ ଶେଷ ଦର୍ଶନ କରିବା ପରେ ସରକାରୀ ବାସଭବନରେ ପହଁଚିଛି ମୃତ ଶରୀର । ସୋମବାର ତାଙ୍କୁ ବିଜୁ ଜନତା ଦଳର କାର୍ଯ୍ୟାଳୟକୁ ନିଆଯିବ । ଏହା ପରେ ଝାରସୁଗୁଡ଼ା ଅଭିମୁଖେ ପାର୍ଥିବ ଶରୀର ବାହାରିବ ବୋଲି ସୂଚନା ମିଳିଛି ।
ସେପଟେ ରାଷ୍ଟ୍ରୀୟ ମର୍ଯ୍ୟାଦାରେ ହେବ ନବ ଦାସଙ୍କ ଅନ୍ତିମ ସତ୍କାର । ତିନିଦିନିଆ ଶୋକ ଘୋଷଣା କଲେ ରାଜ୍ୟ ସରକାର । ଆଜିଠାରୁ ୩୧ ତାରିଖ ପର୍ଯ୍ୟନ୍ତ ପାଳନ ହେବ ଶୋକ ଘୋଷଣା । ସେହିପରି ଅର୍ଦ୍ଧନିମିତ ରହିବ ଜାତୀୟ ପତାକା । ଘୋଷଣା କରିଛନ୍ତି ରାଜ୍ୟ ସରକାର ।
