ଟ୍ରାଫିକ ଚେକିଂ ବେଳେ ଅଘଟଣ, ନାବାଳକ ସ୍କୁଟି ଚାଳକ ଧକ୍କାରେ RTO କର୍ମଚାରୀ ଆହତ

ଭୁବନେଶ୍ୱର: ଟ୍ରାଫିକ ଚେକିଂ ବେଳେ ଅଘଟଣ । ଜଣେ ନାବାଳକ ସ୍କୁଟି ଚାଳକ ଧକ୍କା ଦେବାରୁ ଆହତ ହୋଇଛନ୍ତି RTO କର୍ମଚାରୀ । ଭୁବନେଶ୍ବର ୟୁନିଟ ୮ ଅଞ୍ଚଳରେ ଆଜି ସକାଳୁ ଚାଲିଥିଲା ଆରଟିଓ ଏବଂ ଟ୍ରାଫିକ ପୋଲିସର ଚେକିଂ । ଏହି ସମୟରେ ପାୱାର ହାଉସ ଛକରୁ ଜଣେ ନାବାଳକ ସ୍କୁଟି ଚାଳକ ଦ୍ରୁତଗତିରେ ସ୍କୁଟି ନେଇ ଯାଉଥିଲେ ।

ନାବାଳକ ଜଣକୁ RTO କର୍ମଚାରୀ ଅଟକାଇବା ପାଇଁ ଚେଷ୍ଟା କରିବା ସମୟରେ ଧକ୍କା ଦେଇଥିଲା ସ୍କୁଟି ଚାଳକ । ଦୁର୍ଘଟଣାରେ RTO କର୍ମଚାରୀଙ୍କ ସହ ନାବାଳକ ସ୍କୁଟି ଚାଳକ ଆହତ ହୋଇଛନ୍ତି । ଉଭୟଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।