ବେଙ୍ଗାଲୁରୁ: କର୍ଣ୍ଣାଟକରେ IAS-IPS କଳି । ଚରମ ସୀମାରେ ପହଞ୍ଚିଛି ଦୁଇ ବରିଷ୍ଠ ମହିଳା ଅଧିକାରୀଙ୍କ ବିବାଦ । ଦୁଇ ଅଫିସରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଚେତାବନୀ ଦେଇଛନ୍ତି ଗୃହମନ୍ତ୍ରୀ ଅରାଗା ଜ୍ଞାନେନ୍ଦ୍ର । ଆଇପିଏସ୍ ଅଫିସର ଡି ରୁପା ରବିବାର ଆଇଏଏସ୍ ଅଫିସର ରୋହିନୀ ସିନ୍ଧୂରୀଙ୍କର କିଛି ବ୍ୟକ୍ତିଗତ ଫଟୋ ଫେସବୁକରେ ସେୟାର କରିଥିଲେ । ପୁରୁଷ ଆଇଏଏସ୍ ଅଫିସରଙ୍କୁ IAS ରୋହିଣୀ ନିଜ ଫଟୋ ପଠାଇ ସେବା ଆଚରଣ ବିଧି ଉଲ୍ଲଂଘନ କରିଛନ୍ତି ବୋଲି ରୂପା ସୋସିଆଲ ମିଡିଆ ପୋଷ୍ଟରେ ଉଲ୍ଲେଖ କରିଥିଲେ ।

ଏହା ପୂର୍ବରୁ ରୋହିଣୀଙ୍କ ନାଁରେ ଭ୍ରଷ୍ଟାଚାରର ଲମ୍ବା ତାଲିକା ଜାରି କରିଥିଲେ ରୁପା । ଯାହାକୁ ନେଇ ରୋହିଣୀ ଏ ନେଇ ଏକ ବୟାନ ଜାରି କରିବା ସହ ରୁପା ତାଙ୍କ ନାଁରେ ମିଛ କ୍ୟାମ୍ପେନ ଚଳାଇଛନ୍ତି ବୋଲି କହିଥିଲେ । ଫେସବୁକ ଓ ହ୍ବାଟସଆପ୍ ପେଜରୁ ଫଟୋ ନେଇ ମୋର ମାନହାନି କରିବାକୁ ଚେଷ୍ଟା କରାଯାଉଛି । ମାନସିକ ରୋଗ ଏକ ବଡ଼ ସମସ୍ୟା, ମେଡିସିନ ଓ ଡାକ୍ତରୀ ପରାମର୍ଶ ନେବାକୁ ରୁପାଙ୍କୁ ପରାମର୍ଶ ଦେଇଥିଲେ ରୋହିଣୀ ।

ଡି ରୂପା ଦାବି କରିଥିଲେ ଯେ ସିନ୍ଦୁରୀ ତିନି ପୁରୁଷ ଆଇଏଏସ୍ ଅଧିକାରୀଙ୍କୁ ନିଜର ଏହି ପ୍ରାଇଭେଟ ଫଟୋ ନିଜେ ପଠାଇଥିଲେ । ଶନିବାର ଫଟୋ ସେୟାର ସହ ଡି ରୂପା ସିନ୍ଦୂରୀଙ୍କ ଉପରେ ୧୯ଟି ଆରୋପ ଲଗାଇଥିଲେ । ପ୍ରକାଶଯୋଗ୍ୟ, ଡି ରୂପା ଶନିବାର ନିଜ ଫେସବୁକ୍ ହ୍ୟାଣ୍ଡେଲରେ ଫଟୋ ସେୟାର କରି କହିଥିଲେ, ଏହି ପ୍ରକାରର ଫଟୋ ସାମାନ୍ୟ ଲାଗିଥାଇପାରେ । କିନ୍ତୁ ଯଦି ଜଣେ ମହିଳା ଆଇଏଏସ୍ ଅଧିକାରୀ ଜଣେ, ଦୁଇଜଣ ବା ତିନି ଆଇଏଏସ୍ ପୁରୁଷ ଅଧିକାରୀଙ୍କୁ ଏପରି କୌଣସି ଫଟୋ ପଠାନ୍ତି ତେବେ ଏହାର କଣ ଅର୍ଥ ଅଟେ?

ଏହା ତାଙ୍କର ବ୍ୟକ୍ତିଗତ ମାମଲା ରହିଯିବ ନାହିଁ, ଆଇଏଏସ୍ ସର୍ଭିସ କଣ୍ଡକ୍ଟ ରୁଲ୍ସ ଅନୁସାରେ ଏହା ଅପରାଧ ଅଟେ । କୌଣସି ବି ତଦନ୍ତକାରୀ ଅଧିକାରୀ ଏହି ଫଟୋଗୁଡିକର ବାସ୍ତବିକତାର ଯାଞ୍ଚ କରିପାରିବେ । ସେଲୁନ୍ କେଶ କାଟିବା, ତକିଆ ସହିତ ଶୋଇବା ସମୟରେ ନିଆଯାଇଥିବା ଚିତ୍ର କିଛି ଲୋକଙ୍କ ପାଇଁ ସ୍ୱାଭାବିକ ଅନୁଭବ କରିପାରେ | ନଚେତ୍ ପଠାଯାଇଥିବା ସ୍ଥିତି କହିଥାଏ । ଆଇଏଏସ୍ ଅଧିକାରୀ ରୋହିଣୀ ସିନ୍ଦୁରୀ କର୍ଣ୍ଣାଟକ କ୍ୟାଡର, ୨୦୦୯ ବ୍ୟାଚର ଆଇଏଏସ୍ ଅଧିକାରୀ ଅଟନ୍ତି । ସେ ମୂଳ ରୂପରେ ଆନ୍ଧ୍ରପ୍ରଦେଶର ବାସିନ୍ଦା ଅଟନ୍ତି ।

ସେ ଏପର୍ଯ୍ୟନ୍ତ ସୁଦ୍ଧା ଅନେକ ପଦରେ ରହି କାମ କରିଛନ୍ତି । ବର୍ତ୍ତମାନ ସେ ହିନ୍ଦୁ ଧାର୍ମିକ ସଂସ୍ଥା ଏବଂ ଧର୍ମାର୍ଥ ବନ୍ଦୋବସ୍ତ ବିଭାଗର ସଚିବ ଭାବରେ କାମ କରୁଛନ୍ତି । ସେହିପରି ଡି ରୂପା କର୍ଣ୍ଣାଟକ ହସ୍ତଶିଳ୍ପ ବିକାଶ ନିଗମରେ ଏମଡି ଭାବରେ କାମ କରୁଛନ୍ତି । ସିନ୍ଦୁରୀ ଏହା ପରେ ବୟାନରେ କହିଛନ୍ତି ଯେ, ସେ ଆଇନ ଅନୁଯାୟୀ କାର୍ଯ୍ୟନୁଷ୍ଠାନ ଗ୍ରହଣ କରିବେ । ମୋତେ ବଦନାମ କରିବା ପାଇଁ ସାମାଜିକ ଗଣମାଧ୍ୟମ ଏବଂ ହ୍ୱାଟ୍ସଆପ ଷ୍ଟାଟସରୁ ମୋ ଫଟୋର ସ୍କ୍ରିନସଟ୍ ଏକତ୍ରିତ କରିଛନ୍ତି ।

ଯେମିତି କି ସେ ଅଭିଯୋଗ କରିଛନ୍ତି ଯେ ମୁଁ ଏହି ଫଟୋଗୁଡିକୁ କିଛି ଅଧିକାରୀଙ୍କୁ ପଠାଇଛି, ତେବେ ମୁଁ କାହାକୁ ସେ ଫଟେ ଗୁଡି଼କ ପଠାଇଛି ସେ ନାଁ ଗୁଡ଼ିକର ଖୁଲାସା କରନ୍ତୁ । ଆଇପିଏସ୍ ଅଧିକାରୀ ରୂପା ପ୍ରଶାସନକୁ ନିବେଦନ କରିଛନ୍ତି ଯେ ସିନ୍ଦୁରୀଙ୍କ ଉପରେ ସହାନୁଭୂତି ନଦେଖାନ୍ତୁ ଏବଂ ତାଙ୍କ ବିରୋଧରେ ଲାଗିଥିବା ଆରୋପର ଯାଞ୍ଚ କରନ୍ତୁ ।

ଡି ରୂପା କହିଛନ୍ତି, ସିନ୍ଦୁରୀ ତିନି ଆଇଏଏସ୍ ଅଧିକାରୀଙ୍କୁ କିଛି ଫଟୋ ସେୟାର କରିଛନ୍ତି, ସମ୍ପତ୍ତି କାରବାରରେ ତାଙ୍କ ପରିବାରର ସଦସ୍ୟଙ୍କ ସହାୟତା କରିବା ପାଇଁ ଜମିର କିଛି ଭୂଖଣ୍ଡର ସର୍ଭେ, ରେକର୍ଡ ବିଭାଗରୁ ବିବରଣୀ ମାଗିବା ପାଇଁ ତାଙ୍କ ଅଧିକାରର ଦୁରୁପଯୋଗ ହୋଇଛି । ବୃଦ୍ଧି ପାଇଥିବା ବିଲର ରିମ୍ବର୍ସମେଣ୍ଟସ ପାଇଁ ତାଙ୍କ ବିରୋଧରେ ଲୋକାୟୁକ୍ତ ଅଭିଯୋଗ ରହିଛି । ଆଇଏଏସ୍ ଅଧିକାରୀ ଡି କେ ରବିଙ୍କ ଆତ୍ମହତ୍ୟାରେ ମଧ୍ୟ ତାଙ୍କ ଭୂମିକା ରହିଛି ଏବଂ ସେ ରାଜନେତାଙ୍କୁ ଭେଟୁଛନ୍ତି । ତେବେ ପ୍ରକୃତ ସତ କଣ ତାହା ତଦନ୍ତ ପରେ ହିଁ ଜଣାପଡ଼ିବ । ବିବାଦ ଦିନକୁ ଦିନ ବଢୁଥିବାରୁ ଏ ନେଇ ପୋଲିସ ପ୍ରମୁଖଙ୍କ ସହ ଆଲୋଚନା କରିଛନ୍ତି କର୍ଣ୍ଣାଟକ ଗୃହମନ୍ତ୍ରୀ । ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଗୃହମନ୍ତ୍ରୀ କହିଛନ୍ତି ।