ନୂଆଦିଲ୍ଲୀ: ଜବରଦସ୍ତ ସସପେନ୍ସ ସହ ରିଲିଜ ହେଲା ବ୍ଲକବଷ୍ଟର ମୁଭି ‘ପୁଷ୍ପା ୨’ ର ଏକ ଭିଡିଓ । ସାଉଥ ସୁପରଷ୍ଟାର ଅଲୁ ଅର୍ଜୁନଙ୍କ ଫିଲ୍ମ ପୁଷ୍ପା ୨ର ଟିଜର ରିଲିଜ ହୋଇସାରିଥିବାବେଳେ ଏବେ ପୁଷ୍ପା-୨ର ଏକ ଭିଡିଓ ରିଲିଜ ହୋଇଛି । ଯାହାକୁ ଦେଖି ଦର୍ଶକଙ୍କ ଉତ୍ସାହ ଆହୁରି ବଢିଯାଇଛି। ଟିଜରରେ ଦର୍ଶକ ଜୋରଦାର ସସପେନ୍ସ ସହ ଆକ୍ସନର ମଜା ନେଇଥିଲେ। ଏହି ଭିଡିଓ ରିଲିଜ ହେବାର ୧ ଘଣ୍ଟା ସମୟ ଭିତରେ ହିଁ ଫ୍ୟାନ୍ସଙ୍କ ଜବରଦସ୍ତ ରେସପନ୍ସ ମିଳିବା ସହ ୧୦ ଲକ୍ଷ ଲୋକ ଦେଖି ସାରିଲେଣି।

‘ପୁଷ୍ପା’: ‘ଦ ରାଇଜ’ ଫ୍ୟାନ୍ସଙ୍କୁ ମତଓ୍ବାଲା କରିଥିବା ବେଳେ ପୁଷ୍ପା ଫିଲ୍ମର ନିର୍ମାତା ପୁଣି ଥରେ ଦର୍ଶକଙ୍କ ପାଇଁ ଜୋରଦାର ସସପେନ୍ସ ସହ ଆକ୍ସନ ନେଇ କମବ୍ୟାକ୍ କରିଛନ୍ତି । ନିର୍ମାତାମାନେ ଏପ୍ରିଲ ୫ରେ ନିଜ ଟ୍ୱିଟର ହ୍ୟାଣ୍ଡେଲରେ ଫିଲ୍ମର ମାତ୍ର ୨୦ ସେକେଣ୍ଡର ଏକ ଭିଡିଓ ସେୟାର କରିଥିଲେ। ଯାହାର ଖୁବ ଭଲ ରେସପନ୍ସ ମିଳିଥିଲା। ସେଥିରେ ଦର୍ଶକ ଦେଖିଥିଲେ ଯେ, ତିରୁପତି ଜେଲରୁ ପୁଷ୍ପା କେଉଁଆଡ଼େ ଫେରାର ହୋଇଯାଇଛି । ପୁଷ୍ପା କେଉଁଠାରେ ଅଛି ତା’ର ଠିକଣା ଟ୍ରେଲର ଜଣାପଡ଼ିବ ବୋଲି ନିର୍ମାତା ଟିଜରରେ ଜଣାଇଥିଲେ । ଅଲୁ ଅର୍ଜୁନଙ୍କ ଜନ୍ମଦିନ ଅବସରରେ ରିଲିଜ୍ ହୋଇଛି ପୁଷ୍ପା-୨ର ଏକ ଭିଡିଓ ।

ଏପ୍ରିଲ ୭ରେ ପୁଷ୍ପା-୨ର ଏକ ଭିଡିଓ ରିଲିଜ୍ ହେବା ପରେ ଦର୍ଶକ ଆହୁରି ଜବରଦସ୍ତ ରେସପନ୍ସ ଦେଇଛନ୍ତି। ବର୍ତ୍ତମାନ ଏହି ଭିଡିଓ ରିଲିଜ୍ ପରେ ‘ପୁଷ୍ପା କେଉଁଠାରେ?’ ଭଳି ସସପେନ୍ସ ଉପରୁ ପରଦା ଉଠିଛି । ଏଥିରେ ଦେଖିବାକୁ ମିଳୁଛି କି ଚାରି ଆଡେ ପୁଷ୍ପାକୁ ଖୋଜା ଚାଲିଥିବା ବେଳେ, ଦଙ୍ଗା ଆରମ୍ଭ ହୋଇଯାଇଛି । ଶେଷରେ ପୁଷ୍ପା ବଞ୍ଚିଥିବା ଦେଖିବାକୁ ମିଳିଛି । ଜଙ୍ଗଲରେ ବାଘ ସହ ପୁଷ୍ପାର ଧମାକାଦାର ଏଣ୍ଟ୍ରି ସମସ୍ତଙ୍କୁ ବେଶ୍ ପସନ୍ଦ ଆସିଛି।

ସୂଚନା ଅନୁସାରେ ‘ପୁଷ୍ପା’: ‘ଦ ରାଇଜ’ ୨୦୨୧ ଡିସେମ୍ବର ମାସ ୧୭ ତାରିଖରେ ରିଲିଜ ହୋଇଥିଲା। ଫିଲ୍ମଟି ଏତେ ମାତ୍ରାରେ ଦର୍ଶକଙ୍କୁ ପସନ୍ଦ ଆସିଥିଲା ଯେ, ଦର୍ଶକଙ୍କ ମଧ୍ୟରେ ଫିଲ୍ମର ଗୀତ ଓ ଡାଇଲଗକୁ ନେଇ ଜୋରଦାର କ୍ରେଜ୍ କମିବାର ନାଁ ନେଇନଥିଲା। ଛୋଟଠୁ ବଡ଼ ସମସ୍ତେ ଫିଲ୍ମର ଗୀତ ଓ ଡାଇଲଗକୁ ନେଇ ରିଲ୍ସ କରିବାରେ ବ୍ୟସ୍ତ ଥିଲେ। ଫିଲ୍ମରେ ଅଲ୍ଲୁ ଅର୍ଜୁନଙ୍କ ଆକ୍ଟିଂ ଦର୍ଶକଙ୍କ ହୃଦୟକୁ ବେଶ୍ ଛୁଇଁଥିଲା ।