ନୂଆଦିଲ୍ଲୀ: ପ୍ରତିକ୍ଷାର ଅନ୍ତ, ଆରମ୍ଭ ହେଲା କାଉଣ୍ଟଡାଉନ। ଆଉ କିଛି ସମୟ ପରେ ଭାରତର ସୂର୍ଯ୍ୟ ମିଶନ। ଆନ୍ଧ୍ରପ୍ରଦେଶ ଶ୍ରୀହରିକୋଟାର ଦ୍ବିତୀୟ ଲଞ୍ଚ ପ୍ୟାଡରୁ ଦିନ ସ୍ପେସକ୍ରାଫ୍ଟ ଉତକ୍ଷେପଣ କରାଯିବ। ଇସ୍ରୋ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି।
ଏବେ ଆସନ୍ତୁ ନଜର ପକାଇବା ଆଦିତ୍ୟ L1ର କାମ କଣ। ସୂର୍ଯ୍ୟର ବାହ୍ୟ ତାପମାତ୍ରା ବା କ୍ରୋମୋସ୍ଫିହର ସମ୍ପର୍କରେ ଆଦିତ୍ୟ କରିବ ଗବେଷଣା। ଏହା ସହ ସୂର୍ଯ୍ୟଠାରୁ ନିର୍ଗତ ପଦାର୍ଥ ସମ୍ପର୍କରେ ବି ହେବ ଗବେଷଣା। ମହାକାଶ ଜଳବାୟୁ, ବିଭିନ୍ନ ପଦାର୍ଥର ଗତି ସମ୍ପର୍କରେ ତଥ୍ୟ ମିଳିବା ଆଶା ଥିବାବେଳେ ପାର୍ଟିକଲ ଡାଇନାମିକ୍ସ ସମ୍ପର୍କରେ ବି ମିଳିବ ତଥ୍ୟ। ଏହା ସହ ସୋଲାର କୋରୋନା ବା ବାହ୍ୟ ଆବରଣର ଗଠନ ସମ୍ପର୍କରେ ତଥ୍ୟ ମିଳିବା ସମ୍ଭାବନା ଥିବାବେଳେ ତାପମାତ୍ରା, ଗତି ଓ ସାନ୍ଧ୍ରତା ସମ୍ପର୍କରେ ହୋଇପାରିବ ଗବେଷଣା। କୋରନାଲ ମାସ୍ ଇଜେକ୍ସନର ସୃଷ୍ଟି ଓ ଗତିର ଗବେଷଣା ସମେତ ଚୁମ୍ବକୀୟ କ୍ଷେତ୍ର ଓ ଏହାର ମାପ ସମ୍ପର୍କରେ ତଥ୍ୟ ମିଳିପାରିବ। ସୌରଜାତ ବାୟୁର ଉତ୍ପତ୍ତି, ଉପାଦାନ ଓ ଗତି ସମ୍ପର୍କରେ ତଥ୍ୟ ମିଳିବ। ସୂର୍ଯ୍ୟର ଗଭୀରତମ ସ୍ତର ଫଟୋସ୍ପିହର ସମ୍ପର୍କରେ ଗବେଷଣା କରାଯାଇପାରିବ। ୪୦୦କିମିରୁ ୨୧୦୦କିମି ମଧ୍ୟସ୍ଥ ସ୍ତର କ୍ରୋମୋସ୍ଫିହର ସମ୍ପର୍କରେ ବି ହୋଇପାରିବ ଗବେଷଣା। ଏହା ସହ ଇଲେକ୍ଟ୍ରୋମାଗ୍ନେଟିକ ଓ ମାଗ୍ନେଟିକ ଫିଲ୍ଡ ଡିଟେକ୍ଟର ଜରିଆରେ ଇସ୍ରୋ ଗବେଷଣା କରିପାରିବ ।
ତେବେ ସନ-ଆର୍ଥ ସିଷ୍ଟମର ଲାଗରେଞ୍ଜ ପଏଣ୍ଟ 1ରେ ଅବସ୍ଥାପିତ ହେବ ଆଦିତ୍ୟ L1। ଏହା ପଛରେ ରହିଛି ବି କାରଣ। ନିର୍ଦ୍ଦିଷ୍ଟ ଭାବେ ଏହି ସ୍ଥାନରେ ସ୍ଥିରତା ରହିଥାଏ। ପୃଥିବୀଠାରୁ 15 ଲକ୍ଷ ମାଇଲ ଦୂରରେ ରହିବ ଆଦିତ୍ୟ L1। ହାଲୋ ଅର୍ବିଟରେ ସାଟେଲାଇଟକୁ ମିଳିଥାଏ ବହୁ ସୁଯୋଗ। ସୂର୍ଯ୍ୟର ସମସ୍ତ ଲୁକ୍କାୟିତ ଅଂଶ ସମ୍ପର୍କରେ ପର୍ଯ୍ୟାଲୋଚନା ସମ୍ଭବ ହୋଇଥାଏ। ଗ୍ରହଣ ସମୟରେ ବି ତଥ୍ୟ ମିଳିବା ସମ୍ଭବ ହେବ। ସୌର କ୍ରିୟାକଳାପ ଓ ମହାକାଶ ଜଳବାୟୁ ଉପରେ ପ୍ରଭାବ ସମ୍ପର୍କରେ ମିଳିପାରିବ ତଥ୍ୟ। L1 ପଏଣ୍ଟରୁ ବିନା ବାଧାରେ ସୂର୍ଯ୍ୟ ସମ୍ପର୍କରେ ମିଳିପାରିବ ବିଭିନ୍ନ ଗୂଢ଼ ତଥ୍ୟ।
